❗️ТАБИИЙ ОФАТЛАР НАТИЖАСИДА УЙЛАРИ ЗАРАР КЎРГАН ОИЛАЛАРГА 56 250 000 СЎМГАЧА МАБЛАҒ АЖРАТИЛАДИ

📄 Жорий йилнинг февраль ойида қабул қилинган ПФ-57-сон Президент фармонига мувофиқ,

➖ ёнғин, сув тошқини, зилзила ва бошқа техноген ҳодисалар оқибатида зарар кўрган Камбағал оилалар реестрига киритилган оилаларга уй-жойларини тиклаш ва таъмирлаш харажатларини қоплаш учун “Саховат ва кўмак” жамғармаси орқали БҲМнинг 150 баравари (56 250 000 сўм) гача бўлган миқдорда моддий ёрдам кўрсатиш белгиланган.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ЎЗИНИ ЭГАЛИГИДА БЎЛМАГАН УЙ-ЖОЙЛАРНИ ҲУСУСИЙЛАШТИРИШНИНГ ФАҚАТ ИККИ ЙЎЛИ БОР ХОЛОС!

📄 Фуқаролик кодексининг 187-моддасига асосан,

➖ мулкдор бўлмаган, лекин кўчмас мол-мулкка ўн беш йил давомида ёки бошқа мол-мулкка беш йил давомида ўзиники каби ҳалол, ошкора ва узлуксиз эгалик қилган шахс бу мол-мулкка мулк ҳуқуқини олади

✅ Кўчмас ва бошқа мол-мулкка давлат рўйхатидан ўтказилиши шарт бўлган мулк ҳуқуқи ушбу мол-мулкка эгалик қилиш ҳуқуқини вужудга келтирувчи муддат туфайли олган шахсда ана шундай рўйхатдан ўтказилган пайтдан бошлаб вужудга келади.

✏️ Ким нима деган тақдирда хам узоқ йиллардан бери мулк ҳуқуқи бўлмаган ер участкаларини ҳусусийлаштиришнинг фақат икки йўли бор! Биринчиси юқоридаги 187-моддада келтирилган норма бўлса, иккинчиси хамма билган ва ҳозирда амалда бўлиб турган "Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги 937-сон Қонун нормаси. Бу иккинчи нормани ҳалқ тилида кўпчилик "акция" хам дейишади. Манашу икки норма талабидан бошқача шаклда айтарли хужжати бўлмаган мол-мулкларни ҳусусийлаштиришнинг амалда имконияти йўқ. Агар ушбу масала бўйича кимда қўшимча саволлар бўлса қуйида бизга ёзиб қолдиришларинг мумкин!


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️НЕГА БУ МУРОЖААТ ЭЪТИБОРСИЗ ҚОЛДИРИЛМОҚДА ?

⚡️Ҳурматли "Ҳудудий электр тармоқлари" АЖнинг масъуллари! Сизларни тизимингизни балансига ноқонуний ўтказилган пуллар эгасига қайтарилмайдими? Йўқ жойдан муаммо яратиб юриш Сизларга керакми ёки суднинг ҳал қилув қарори Сизларга ҳал қилувчи аҳамиятга эга эмасми ?

❗️Сизлардан изоҳ кутамиз!⏱️

👉 @Yurist_Blogerr

❗️"ҲУДУДИЙ ЭЛЕКТР ТАРМОҚЛАРИ" АЖ БОШҚАРУВ РАИСИ А.А.АСҚАРОВГА ИККИ ОҒИЗ МУРОЖААТИМИЗ БОР!

▪️ Ҳурматли Асроржон Акрамович! Биздаги маълумотларга қараганда, "Ҳудудий электр тармоқлари" АЖнинг ҳудудий филиаллари балансига ноқонуний ўтиб кетган маблағлар эгасига қайтарилмаётган экан. Бунга Сиз қандай қарайсиз?

✏️ Гап шундаки, "Ҳудудий электр тармоқлари" АЖ Сурхондарё вилоят филиали хамда Фарғона шаҳар Мустақиллик кўчасида жойлашган "Нано волт бизнес" МЧЖ ўртасида 2023 йилнинг 7 август куни 144286-сон "Махсус абарот порталида ўтказилган электрон давлат харидлари натижаси бўйича товар етказиб бериш тўғрисида" шартнома тузилган. Шартномага кўра "Нано волт бизнес" МЧЖ томонидан "Ҳудудий электр тармоқлари" АЖ Сурхондарё вилоят филиалига 22 турдаги товар етказиб берилиши лозим бўлган лекин, айрим сабаблар билан МЧЖ мажбуриятини бажара олмаган.

➖ Шундан кейин "Ҳудудий электр тармоқлари" АЖ Сурхондарё вилоят филиали "Нано волт бизнес" МЧЖдан 40 604 002 cўм жарима ундириш бўйича Фарғона туманлараро иқтисодий судига даъво қилган хамда уларнинг даъвоси қисман қаноатлантирилиб жавобгардан даъвогарларнинг фойдасига 40 604 002 cўм эмас 10 000 000 сўм жарима ундириш белгиланган. Аммо суднинг Ҳал қилув қарори қонуний кучга кириб улгурмасидан Биржа томонидан "Нано волт бизнес" МЧЖнинг биржадаги ҳисоб рақамидан 40 604 002 cўм "Ҳудудий электр тармоқлари" АЖ Сурхондарё вилоят филиалига ўтказиб берилган. Яъни 29 757 922 сўм пуллар ортиқча ўтказилган. Табиийки, маблағидан ортиқча сумма ўтказилганлигини билган МЧЖ "Ҳудудий электр тармоқлари" АЖ Сурхондарё вилоят филиалига бир-неча марта мурожаат қилган. "Ҳудудий электр тармоқлари" АЖ Сурхондарё вилоят филиалининг раҳбари М.Қ.Шамсиддинов эса ортиқча ўтказилган пулларни тан олган ҳолда, бироқ пулни қайтариш ўзигагина боғлиқ ҳолат бўлмаганлиги сабабли Сизга алоқа хати билан чиққан.

✏️ Ҳурматли Асроржон Акрамович! Биз яхши гумонда бўлиб юқоридаги алоқа хати Сизга шахсан етиб бормаган деган фикрдамиз. Шунинг учун ҳечдан кўра кеч бўлса хам ушбу масалани ижобий ҳал қиласиз деган умидимиз бор...

👉 @Yurist_Blogerr

❗️БЕЛГИЛАНМАГАН ЖОЙГА ЧИҚИНДИ ТАШЛАГАНЛАР 1 125 000 СЎМГАЧА ЖАРИМА ТЎЛАШИ МУМКИНЛИГИДАН ҲАБАРДОРМИСИЗ?

📃 Маъмурий жавобгарлик тўғрисидаги кодекснинг 91 прим 1-моддасига кўра,

➖ белгиланмаган жойга қаттиқ маиший чиқиндиларни ва қурилиш чиқиндиларини ташлаш, шунингдек суюқ маиший чиқиндиларни тўкиш — фуқароларга базавий ҳисоблаш миқдорининг 1 бараваридан 3 бараваригача, мансабдор шахсларга эса — 10 бараваридан 20 бараваригача миқдорда жарима солишга сабаб бўлади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

СИЗЛАРГА ХАМ УЛАШМАСАМ БЎЛМАЙДИ! 🔔

✏️ Ҳали кўпчилик танимайди, лекин кадр ортидан жуда кўпчиликка ҳуқуқий масалаларда ёрдам бериб келаётган, қонунчиликка билдираётган таклифлари билан айрим мантиқсиз нормаларни ўзгартиришга эришган ва биз шахсан ҳурмат қиладиган юристлардан бири яқиндагина ИНСТАГРАМ тармоғида ўз саҳифасини очибди.

➖ Агар Сиз инстаграмдан хам фойдалансангиз ушбу 👈 профилга ўтиб обуна бўлиб қўйишингизни тавсия этамиз!

✏️ Биз буни реклама учун қилаётганимиз йўқ. Ўзимиз юрист бўлганимиз учун айта оламизки, расмдаги юрист ҳуқуқий жиҳатдан Сиз таниган ва доим кузатиб юрадиган айрим юристлардан кўра анчагина илмли инсон. Агар баҳолаш керак бўлса биз бу инсонни ўзимизга устоз даражасида кўрган бўлар эдик.

✏️ (👉 https://www.instagram.com/yurist_jma?igsh=cGc1ZXUxNWNjb3hz&utm_source=qr 👈) Ушбу ҳавола орқали кириб ушбу юристга обуна бўлиб қўйсангиз ўзингизга манфаатли бўлади!

👉 @Yurist_Blogerr

❗️КИМНИДИР КРЕДИТИГА КАФИЛ БЎЛАМАН ДЕСАНГИЗ БУНИ ЯХШИЛАБ ЎҚИБ ОЛИНГ!

📃 Қонунчиликка кўра кафиллик, – шартнома бўйича бошқа шахснинг мажбуриятини тўла ёки қисман бажариши учун унинг кредитори олдида жавоб беришни ўз зиммасига олиш хисобланади.

❗️Агар ўша кафиллик шартномасида бошқача тартиб назарда тутилган бўлмаса, кафил кредитор олдида қарздор билан баравар ҳажмда жавоб беради, шу жумладан фоизлар тўлайди, қарзни ундириб олиш бўйича суд чиқимларини ва қарздор мажбуриятини бажармаганлиги туфайли кредитор (Кредит берган банк ёки микромолиялаш ташкилотлари) кўpган бошқа зарарларни хам тўлашга мажбур.

✏️ Оддий манашу нормани билмаслигингиз жойи келганида Сизга йиллаб ҳал қилиб бўлмайдиган муаммоларни келтириб чиқариши мумкин. Агар асосий қарздор нимадир бўлиб қарзини тўламай қўйса, муаммони зўри ўшандан кейин бошланади. Лекин унда кеч бўлган бўлади..


Бепул маслаҳат олиш👇
        @yuristdan_javob_bot

Каналга уланиш👇
@Yurist_Blogerr

⚡️ МУҲИМ

❗️НОГИРОНЛИК ПЕНСИЯСИ 55 ЁШГА ТЎЛГАН АЁЛЛАРГА ВА 60 ЁШДАН ОШГАН ЭРКАКЛАРГА УМУРБОДГА ТАЙИНЛАНИШИДАН ҲАБАРДОРМИСИЗ ?

⚡️САВОЛ:
Ёшга доир пенсия ёшига етган, яъни 55 ёшга тўлган аёлга ногиронлик пенсияси тайинланадиган бўлса бундай пенсия қанча муддатга тайинланади ? Яъники, манашундай ҳолатда улар ногиронлик гуруҳини сақлаб қолиш учун қанча муддатда қайта тиббий кўрикдан ўтказилиши керак ?

⚡️ЖАВОБ:
Бундай ҳолатда улар ногиронлик гуруҳини сақлаб қолиш учун қайта тиббий кўрикдан ўтишга мажбур эмас.

📄"Фуқароларнинг давлат пенсия таъминоти тўғрисида"ги қонуннинг 47-моддасига кўра, ногиронлиги бўлган 60 ёшдан ошган эркакларга ва 55 ёшдан ошган аёлларга — ногиронлик пенсиялари умрбод тайинланади. Ушбу ногиронлиги бўлган шахсларни қайта тиббий кўрикдан ўтказиш фақат уларнинг аризасига биноан амалга оширилади деб белгиланган.

✏️ Демак, 55 ёшдан ошган аёлга ногиронлик пенсияси умурбодга тайинланади ва бу орада пенсионернинг ўзи ариза билан мурожаат қилиб тиббий кўрикдан ўтишни хоҳласа муаммо йўқ. У ўша аризасига кўра қайта тиббий кўрикдан ўтказилиши мумкин. Агар ўша пенсионер бундай тиббий кўрикдан ўтишни истамаса ундай ҳолатда хам муаммо йўқ..

Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️ МУҲИМ

❗️ФАРЗАНДИ ҲУСУСИЙ БОҒЧАГА БОРАДИГАН ОТА-ОНАЛАРГА СОЛИҚ ИМТИЁЗИ БОРМИ ?

⚡️САВОЛ:
Фарзандларим хусусий боғчага боради. Эшитишимча шунинг учун менга даромадимдан солиқ имтиёзи қўлланилиши керак экан, шу ростми ?

⚡️ЖАВОБ:
Солиқ кодексининг 378-моддасига асосан,

➖"Фарзандларига нодавлат мактабгача таълим ташкилотлари ёки мактаблар кўрсатадиган таълимга оид хизматлар учун ота-она ҳар бир фарзанд учун тўланадиган ойига 3 миллион сўмгача бўлган тўловлар» даромад солиғига тортилмайдиган тўловлар хисобланиши белгиланган.

✏️ Сиз эшитган нарса айнан манашу норма хисобланади ва Сиз нодавлат боғчаларига борадиган ҳар бир фарзандингиз учун бир ойда кўпи билан 3 млн сўмгача бўлган даромадингизга нисбатан даромад солиғидан озод этилгансиз.


Савол юбориш  👇
  @yuristdan_javob_bot

Каналга уланиш 👇
@Yurist_Blogerr

❗️ТОВЛАМАЧИЛИК ҚАНДАЙ ЖИНОЯТ ВА УНГА ҚАНДАЙ ЖАЗО БОР ?

📄 Жиноят кодексининг 165-моддасига асосан,

➖ товламачилик деганда, жабрланувчи ёки унинг яқин кишиларига зўрлик ишлатиш, мулкка шикаст етказиш ёки уни нобуд қилиш ёхуд жабрланувчи учун сир сақланиши лозим бўлган маълумотларни ошкор қилиш билан қўрқитиб ўзгадан мулкни ёки мулкий ҳуқуқни топширишни, мулкий манфаатлар беришни ёхуд мулкий йўсиндаги ҳаракатлар содир этишни талаб қилиш ёхуд жабрланувчини ўз мулки ёки мулкка бўлган ҳуқуқини беришга мажбур қиладиган шароитга солиб қўйиш тушунилади ва бундай қилмиш учун айбдор топилган шахс — уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

❗️Агар товламачилик бир гуруҳ шахслар томонидан олдиндан тил бириктириб содир этилган бўлса, — беш йилдан ўн йилгача озодликдан маҳрум қилиш билан жазоланади.

❗️Товламачилик:

➖ жуда кўп миқдорда;
➖ ўта хавфли рецидивист томонидан;
➖ уюшган гуруҳ томонидан ёки унинг манфаатларини кўзлаб содир этилган бўлса, —
ўн йилдан ўн беш йилгача озодликдан маҳрум қилиш билан жазоланади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ ЯНГИ ҚОНУН

❗️Фуқароларнинг ҳуқуқларини суд орқали ҳимоя қилиш кафолатлари кучайтирилади

📄 Ўзбекистон Республикасининг 09.06.2025 йил кунги ЎРҚ 1067-сон қонуни қабул қилинди хамда мазкур Қонун билан айрим қонун ҳужжатларига ўзгартириш ва қўшимчалар киртилди

➖ Қонун билан Жиноят-процессуал кодексига киритилган ўзгартиришга кўра, гумон қилинувчи, айбланувчи ёки судланувчи исталган вақтда сукут сақлаш ҳуқуқидан фойдаланиши мумкинлиги белгиланди.

➖ Шунингдек, шахснинг ўз айбини тан олганлиги унга қарши ягона далил бўлса, у айбдор деб топилиши ёки жазога тортилиши мумкин эмаслиги кўзда тутилди.

▪️ “Судлар тўғрисида”ги Қонунга киритилган ўзгартириш ва қўшимчаларга кўра, судьяларнинг муаййан ишлар бўйича ҳисобдор бўлмаслиги белгиланди.

➖ Шунингдек, судьяни муайян ишнинг муҳокамасидан четлаштиришга ёки унинг ваколатларини тўхтатиб туришга, бошқа лавозимга ўтказишга фақат қонунда белгиланган тартибда ва асосларга кўра йўл қўйилиши кўрсатилди.


Савол юбориш  👇
@yuristdan_javob_bot

Каналга уланиш 👇
             @Yurist_Blogerr

❗️ ID-КАРТА ЙЎҚОЛИБ ҚОЛСА ҚАНЧА ЖАРИМА ТЎЛАНАДИ?

⚡️САВОЛ:
ID-картасини йўқотиб қўйган шахс қанча жарима тўлайди ?

⚡️ ЖАВОБ:
Маъмурий жавобгарлик тўғрисидаги кодекснинг 223-моддасида,

➖ Ўзбекистон Республикаси фуқаросининг паспортини ёки идентификацияловчи ID-картасини, хорижга чиқиш учун биометрик паспортини қасддан яроқсизлантириши ёки уни эҳтиёт қилиб сақламаганлиги оқибатида йўқотиб қўйиши,__ базавий ҳисоблаш миқдорининг иккидан бир қисми (187 500)дан уч баравари (1 125 000)гача миқдорида жарима солишга сабаб бўлади деб кўрсатилган.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️МУҲИМ

❗️Фарзандини ноқонуний равишда диний таълим олишига имкон берган ота-оналар жавобгарликка тортилади!

📄 Маъмурий жавобгарлик тўғрисидаги кодекснинг 47-моддасига кўра,

➖ ота-оналар ёки уларнинг ўрнини босувчи шахслар томонидан ўз боласини қонунга хилоф равишда диний таълим олишга жалб этиш, —уларга нисбатан БҲМнинг 5 бараваридан 10 баравари (3 750 000)гача миқдорда жарима солишга сабаб бўлади.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️МУҲИМ

❗️КРЕДИТ ТАРИХИНГИЗГА ЭЪТИБОРСИЗ БЎЛМАНГ!

▪️ Кредит тарихи "Қора рўйҳат"га тушиб қолганлар бу муаммодан тезда қутила олмайди.

🎥 Батафсил видеода асосланган.

👉 https://www.instagram.com/yurist_jma?igsh=cGc1ZXUxNWNjb3hz&utm_source=qr

❗️ДАВЛАТ ФОЙДАСИГА МУСОДАРА ҚИЛИШ НИМАНИ АНГЛАТАДИ ?

📄 Маъмурий жавобгарлик тўғрисидаги кодекснинг 27-моддасига асосан,

➖ Маъмурий ҳуқуқбузарликни содир этиш қуроли бўлган ашёни ёки маъмурий ҳуқуқбузарликнинг бевосита ашёсини мусодара қилиш мазкур ашёни ҳақ тўламасдан мажбурий тарзда давлат мулкига ўтказилишини англатади ва ушбу чора жиноят ишлари бўйича туман ёки шаҳар суди томонидан қўлланилади.

➖Шу ўринда:

✔️ Ҳуқуқбузарнинг шахсий мулки бўлмаган ашё мусодара қилиниши мумкин эмас. (Муомаладан чиқарилган ашёлар бундан мустасно)

❗️Ўқотар ов қуролини, пневматик ов қуролини ҳамда унинг ўқ-дориларини, бошқа ов қуролларини мусодара қилиш асосий тирикчилик манбаи овчилик бўлган шахсларга нисбатан қўлланилиши мумкин эмас.


Савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

❗️БОЛАГА ТУҒИЛГАНЛИК ҲАҚИДАГИ ГУВОҲНОМАНИ ОЛИШ УЧУН МУРОЖААТ ҚИЛИШ МУДДАТИ ҚАНЧА ?

⚡️САВОЛ:
Биз яқинда фарзандли бўлдик. Қонунчиликка кўра фарзандимизга туғилганлик ҳақидаги гувоҳномани олиш учун ФҲДЁ бўлимига қанча муддат ичида мурожаат қилишимиз керак ?

⚡️ЖАВОБ:
Вазирлар Маҳкамасининг 20.10.2023 йилдаги 550-сон қарорида боланинг туғилишини қайд этиш мажбурий бўлиб, фуқароларнинг доимий ёки вақтинча рўйхатдан ўтган жойидан қатъи назар, ФҲДЁ органи томонидан амалга оширилади деб кўрсатилган.

➖ Шунингдек, туғилганлик ҳақидаги ариза бола туғилган кундан бошлаб бир ой муддат мобайнида оғзаки ёки ёзма шаклда берилиши зарурлиги белгиланган.

✏️ Демак, туғилганлик ҳақидаги гувоҳнома учун бола туғилганидан бошлаб бир ой муддатда мурожаат қилиниши керак.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️БОШҚА БИР ШАХС ҲАҚИДА УНИ ОБРЎСИЗЛАНТИРАДИГАН ЁЛҒОН АХБОРОТ ТАРҚАТГАНЛИК УЧУН ЖАВОБГАРЛИК БОР!

⚡️САВОЛ;
Мен ҳақимда бир танишим мени камситиш ва обрўсизлантириш учун телеграм гурухларида ёлғон маълумот тарқатиб юрипти. Унга қандай жавобгарлик бор ?

⚡️ЖАВОБ;
Маъмурий жавобгарлик тўғрисидаги кодекснинг 202 прим 2-моддасига кўра,

➖ шахснинг қадр-қиммати камситилишига ёки унинг обрўсизлантирилишига олиб келадиган ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки интернет жаҳон ахборот тармоғида тарқатиш, — базавий ҳисоблаш миқдорининг эллик баравари (18 750 000 сўм) миқдорида жарима солишга сабаб бўлади деб кўрсатилган.

✏️ Яъни, Сиз ўша шахсни устидан даъво қилиб ариза берганингиздан кейин унинг Сизга нисбатан қилган ҳаракатларида юқоридаги модданинг талаблари бузилганлиги судда тасдиқланса, унга нисбатан юқорида кўрсатиб ўтилган жарима жазоси қўлланилиши мумкин.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️АЛИМЕНТ ТЎЛОВЧИНИ ЧЕТГА ЧИҚИШИНИ ЧЕКЛАНИШИ БЎЙИЧА АЙРИМ МАСАЛАЛАР:

📄 258-II-сон Қонун билан, давлат ижрочиси қарори асосида алимент тўловчиларнинг хорижга чиқиши вақтинча чекланиши мумкин.

❓Қандай қилиб чекловни олиб ташлаш мумкин ?

✅ Алиментлар олдиндан тўланган ёки бу бўйича гаров шартномаси тузилган бўлса хорижга чиқишга оид чеклов олиб ташланади.

❓Чекловдан қутилиш учун алиментни олдиндан қанча муддат учун тўлаш керак ?

✅ Ҳукуматнинг 06.10.2018 йилдаги 808-сон қарорига асосан, алиментларни олдиндан тўлаш 5 йилдан кам бўлмаган муддатга амалга оширилиши керак. Агар болалар вояга етгунигача бўлган давр 5 йилдан кам бўлса, алиментларни олдиндан тўлаш қолган давр учун амалга оширилади.

❓Алимент тўловчи гаров эвазига чекловдан қутилиши учун ўша гаровнинг қиймати қанча бўлиши керак ?

✅ Гаров қиймати БҲМнинг 250 баравари (93 750 000 сўм)дан кам бўлмаслиги лозим.

❓Қандай нарсалар гаров бўлиши мумкин ?

✅ Ҳар қандай мол-мулк (автомобиль, дўкон, уй-жой, квартира) гаров бўлиши мумкин.

❓Гаров эвазига человдан чиқиш учун ариза қаерга берилади ?

✅ Алиментни тўлашни гаров билан таъминлаш учун ариза судга тақдим қилинади.


Савол юбориш  👇
  @yuristdan_javob_bot

Каналга уланиш 👇
                @Yurist_Blogerr