Hali tugatmagan boʻlsamda taqriz yozmoqchiman!

Jorj Martin - Taxtlar oʻyini
Nashr etilgan yili: 1996

Aqshlik mashhur fantast yozuvchi Jorj Martinning ushbu kitobi "Muz va Olov qoʻshigʻi" seriyasining ilk kitobi sanaladi. Asar voqealari Vesteros deb nomlangan qit'ada boʻlib oʻtadi. Vesterosda joylashgan 7 qirollik oʻrtasida Temir Taxt uchun siyosiy kurashlar tasvirlanadi. Asarda juda koʻplab personajlar mavjud boʻlib ularning ismlarini esdan chiqarib qoʻyish hech gap emas😁

Asarda kitobxon sodiqlik, sharaf, qasos, sevgi, ayyorlik va xiyonat kabi hislatlarga ega personajlarni uchratadi. Manashu hislatlarga ega personajlar bu hislaridan siyosiy oʻyinlarda foydalanadi va hattoki bu hislatlarning ayrimlari personajlarni halok qiladi. Kitobdagi voqealar rivoji, intriga kitobxonni kitobdan bosh koʻtarmay oʻqishini ta'minlaydi.

Asarni siyosat va fantasy janriga qiziquvchilar uchun tavsiya qilaman!

Asardan Iqtiboslar:

Taxtlar oʻyinini oʻynasangiz yo yutasiz, yo oʻlasiz. Boshqa yoʻl yoʻq.

Xuddi qilichga charxlash uchun chaqmoqtosh kerak boʻlganidek, aqlni charxlash uchun kitoblar zarur.

"Qayerdan kelganing va kimligingni hech qachon unutma!
Atrofingdagilar ham buni hech qachon unutmaydilar. Haqiqatingni qudratga aylantir. Shundagina sen haqingdagi haqiqat aslo ojiz tomoning bo'lib qolmaydi. Haqiqating himoyalovchi sovuting bo'lsin, ana o'shanda hech kim senga daxl qilolmaydi

"Har qanday jazo hukmni chiqargan taraf tomonidan ijro etilishi joiz. Qilichni hukm chiqargan taraf sanchadi. Bir odamning jonini olgudek bo'lsang, ko'zlariga qarab, so'nggi so'zlariga quloq tutish jasoratini topa olishing shart

Manashunday bestseller asarni tarjima qilgani uchun Mirzohid aka Muzaffarga va Zabarjad media nashriyotiga minnatdorchilik bildiraman va "Muz va Olov qoʻshigʻi" seriyasining qolgan qismlari ham tarjima qilinib, kitobxonlarga tezroq taqdim etilishini tilab qolaman!

Yodgorbek Ohunov 28/08/2025 - 00:03