اللهم بحق ليلة الجمعة نسأل أن تكون كلمات زيد نور وضياء لهُ وتجعلهُ تحت ضل ابا عبد الله وامه الزهراء
نسأل بهذه الليل ليلة الجُمعة
أن تذكروا فقيدنا
ب سورة الفاتحة
واسأل الله أن يجعلها في ميزان حسناتكم 🤍
فضلآ

يا صاحب الزمان يا بقية الله هذا يومك يوم الجمعة وانا فيه ضيفك وجارك وانت مأمورٌ بالضيافة والاجارة فأجرني واحسن ضيافتي فأنك كريم تحب الضيافة ومأمور بالاجارة

صاحب زمان بلوعتي خلصت حياتي ومحد ذكرني
اكبر مصيبه خدّر النه  بنص الصحاري ذن حيرّني
ومنظر ركضهن بالفلة وفوگ الجمر هل كبرني
وذيچ الجثث داستها الحافر
اه ياهلي بخدر الله شصاير
نار بخيم والحرمه تنادي
ماكو الحرم هاشم ليناصر
جيب اليهد وينه
ويحامي لسكينه
الغربه حدت بينه
چتفولي خدر
صلى اللهُ على ثار الله
****
ماكو اليساعدني بدمع عينه اعله عمتي الماتت غريبه
وين الجزوع اعله الجرح هاي الليالي نوح ومصيبه
خلصت حياة البلسبي خلص گلبها من گد نحيبه
نوم الخرابه كله ترايب
وانه ابچي  دم لهاي المصايب
ماباتت ابيت اخت النشامة
فرهه الوكت نومهه بخرايب
عمري كضه بصحره
بس انعه علحره
عماتي متيسره
ابلا والي بالحر
*
لعمتي الغريبه دم يهل دمعي عليها المهضومه هيه
دار الوكت بيها وصبح اسم العقيله هاي السبيه
عدها يتامه بالفله فرو وشتلم بالغاضريه
التمن عليها اسياط وجمره
تنطي الوجه لاوين الحره
ضلت وحيده ومامش خيمه
تفيي عليها بنت الزهره
شفت الهضم كله
من الخيمه للتله
ركضت ركض ثكله
كلساعه تعثر
**
كل الجره الها شينحمل حرمه ووحيده من دون اهلها
شفت الحبل من چفها دم يابس عليه وماكو اليفلها
الابچي عليها ياخلگ عمتي العقيله شافوها كلها
علهزله شافتها اچم ديره
كلها تراب الچانت اميره
عگب الدلال وذيچ الخوه
حادي الضعن صاحلها اسيره
الماتنحمل هيه
المچتوفه علويه
علهزله محنيه
وفوگاها منحر
*
حالي اشيصير وبالغرب يم عمتي فتحو سوگ الشماته
ياهو الرضاها من الخلگ هل دفنه لو ذني مخدراته
عطر الهضم والغربه يمها محد تغرب حته بمماته
بس يمها تعرف طعم الغربه
حرمه وحيده ووادم صعبه
محد يزور يواسي الحره
ماكو اعله زينب ليرف كلبه
خالي الصحن دومه
وزينبنه مهضومه
والباب من يومه
بسده ايتحسر
*
رزق مولاي بقية الزهراء عج
المرحوم الشاعر زيد عدنان الزيدي

ألم ألم ..
شب بية .. العمر كضة تالية
اما لهُ اي يظهر مهديه ...

رزق بقية الزهراء عج
للمرحوم زيد عدنان الزيدي

وماذا لو تعود مثلآ؟

آنه ادري ماتردلي بس احاول
مـا اصدگ فارگتني😔

زيد الزيدي:
الموت اشده بيمنتي
لمن ابدي بصولتي
ياحسين ياحسين
*********************
اترخصت من ابو اليمه واگصدت صوب النهر
كلي خليها الركاب اعله الجرف مثل المطر
هم بس شافوني اجيت وحارو اشلون المفر
شبل حيدر طب علينه ارواحهم حست خطر
هيج ترعب هيبتي
لمن ابدي بصولتي
ياحسين ياحسين
****************
الرايه بس شافوها رفت رجفت اجدام العرب
وجربتي جانت بمتني شحده لليمها گرب
من اطب بجفي منجل واليلاگيني گصب
بزغري ماجابولي لعبه ولعبتي گطع الرگب
علشريعه لعبتي
لمن ابدي صولتي
ياحسين ياحسين
********************
باس چفي وگلي خويه للخيم لازم ترد
گتله ابن فلاح اخيك من يطب يحصد حصد
خاف تتعنه ورايه عالنهر رايد تعد
الروس تگطعها يميني امچانها ازرعلك ورد
ينسگي بمي جربتي
لمن ابدي صولتي
ياحسين ياحسين
******************
اسرع لصوب الشريعه ينتظر عامودك
والسهم ناطر وصولك اوصل انته حدودك
الماي ناشف ريجه گلي ارويه من مي جودك
وانه اعرفنك چريم وياهو يحمل زودك
عگبك ارفع هامتي
لمن ابدي بصولتي
يا حسين ياحسين
****************
السهم لو حضنته عينك مو يصل لطيوفك
خاف زينب بيك تحلم لاتخلها تشوفك
الصبح تتعثر رقيه عود لهمها اجفوفك
هي هاي الحرب حربك والطفوف اطفوفك
گتله تعرف غيرتي
لمن ابدي بصولتي
ياحسين ياحسين
*************
زيد الزيدي

واصبح ذكرك مقروناً في كل عزاء ... هاهم اخوتك وهيئتك التي كنت احد اللذين رفع بنيان جدرانها .. كنت حاظراً معهم ... رحمك الله وانار طريقك الى الاخرة

ابيات من النعي

زينب ع للزهراء ع
رحتي وما شبعنه نوم بحضانج
تغطينه بعباتج نمنه بمجانج
نشم ريحتهن ونشبكهن اردانج
راح افياينه من خذج دفانج

زغيره ورايده من امي حنيه
غير امها شتدور عود البنيه
خل اغفه بحضنها عوفني شويه
باجر ما الكاها من امشي مسبيه

من افك عيني الصبح الكه حضنها
هسه اكعد واشم بأيد الدفنها
ودم الضلع ضل بالباب منها
اضل ابجي وحسن يحجيلي عنها

الحسن ع للزهراءع
يمه اشعايفه بمكفاج وتموتين
حسره غيبتج ماتنحمل تدرين
خرابه البيت صاير بس بجي وونين
اسكت زينب يرد يبجي يمي حسين

كعدت اكبالهم بمجانج وونيت
يدهري اشماخذ وهيج الضوه طفيت
هنيال المكابر لامي صارت بيت
وصفت ظلمه وخليه الدار لو طبيت

الحسين ع للزهراء ع
لو مكسور ضلعي ولا ضلع منج
عمت عيني اشكثر كامن يلجمنج
كوه تشيلج امتوني ويشيعنج
ماصدكت يوم بجفي ادفننج

بعد ياهي التجي تصبح علينه
ومثلج وين راح الكه حنينه
منو يلاكي علي لمن يجينه
بغيابج يمه شنهي يصير بينه


علي ع للزهراء ع
من غسلتج وضلعج اجه بيمناي
انكسر كلبي وطحت والحيل طاح وياي
حرت خاف الجرح ينلجم لو ذب ماي
تختنكت بعبرتي وبالكوه اشم اهواي

درب المكبره ضيعته وعيوني
انعمت من البجي وولدي يگودوني
اشيع الزهره لو كامو يشيعوني
اجيت ادفنها لو جنهم يدفنوني

طبيت ولكيت البيت ظلمه
بس النوح واليمه وييمه
وبجي زينب يخلي بكلبي لجمه
الزهره مدده اعله الكاع هظمه

شصاير بيها محد رد عليه
انهد حيلي وصحت اااه يالزجيه
ريت البيج صاير كون بيه
ولا شوفن دمه فوك الوطيه
المرحوم الشاعر
زيد عدنان الزيدي

بِسۡمِ ٱللَّهِ ٱلرَّحۡمَٰنِ ٱلرَّحِيمِ

ٱلۡحَمۡدُ لِلَّهِ رَبِّ ٱلۡعَٰلَمِينَ  ٱلرَّحۡمَٰنِ ٱلرَّحِيمِ  مَٰلِكِ يَوۡمِ ٱلدِّينِ  إِيَّاكَ نَعۡبُدُ وَإِيَّاكَ نَسۡتَعِينُ  ٱهۡدِنَا ٱلصِّرَٰطَ ٱلۡمُسۡتَقِيمَ  صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّين .
لروح المَرحوم المغفور له بأذن الله تعالى
الشاعر زيد عدنان الزيدي

جمعة مباركة ايها الاخوة المؤمنون ...
اللهم عجل لوليك الفرج والعافية والنصر

جمعة  انتظار التلچم اجروحي
بالكوه اعله بعدك صبرت روحي
يغايب هسه وين بيا خرابه تنام
ياروحي اعله فگده الوحدچ نوحي
مشه ابعيد  بس لا دار عني الوجه مولاي
ولا هيد   يعيني بالج تقصرين ببجاي
عله الراح   وبتقصيري واذنوبي مشه اهواي
اتوبن يمته من اذنوبي وماعيد انوب
ندم ماعايش ياكلبي جا يمته انتوب
غريب المهدي الانحبه ودنيانه غروب
يامولاي ارجو العفو
*
وحدك عايش وماحس بعد كلبي
ماحرت بغربتك حاير بذنبي
جا غير اليحب يضحي كل روحه
تعبت اعليه والغيرك صفه تعبي
العمر راح    يمته اوياك اسوي الزين والكاك
ممرتاح     عفتك وادري بس الراحه وياك
يجي الليل    سهرته ويه غيرك ماسهرناك
عشت ايامي مامهتم وين انته تصير
ولا فد ليله حن كلبي وظل بيك يحير
يبو كل نعمه لبستني اذنوبي التقصير
يامولاي ارجو العفو
*
حضرت المجلس امك تايب ونادم
اريد اتعذرك واصبح الك خادم
كون بايدي تاخذ وابقه عبدك دوم
سامحني اجيت وكلبي الك هايم
الك جيت   اشكيلك  دليلي العايفك دوم
تمنيت   ابدي وياك من هل لحظه واليوم
يمولاي   لغربتك اخذ روحي بدنيتي اهموم
شكثر ماشوني من ربعي بس ميفيدون
الك قربني وصاحبني مولاي اشلون
اريد اتعلم بجيي الدم مو دمع عيون
يامولاي ارجو العفو
*
نسيتك ماذكرتك حته وكت الماي
عطاشى اهلك بقو بالهيمه يامولاي
لچمت اجروحك ووحدك تعيش انته
شدورك وانه تايه بين هاي وهاي
صرت وين   تفتر بالصحاري وتلم نسوان
للحسين    جسد من دون راس وفوگه تربان
يالاوحيد    حرت بيمن تطفي احترك صيوان
خلص كل عمرك بالصحره الوحدك والليل
تجيب الضايع بصياحك ياعمه الويل
ولهسه باذنك تسمعها ركضات الخيل
يامولاي ارجو العفو
*
مامشغول بالي ولا مفكر بيك
انام براحتي بليلي وتمدلي ايديك
تغطيني بحنانك وانت تبرد ليش
سكف فوكاي وانت ماكو خيمه اعليك
صفت نار   ولا ضلت اخيام لهاشم بكاع
والزغار.    لو مسحوك لو بالهيمه الك ضاع
والحسين  توجعك منه دوسة ذيج الاضلاع
اذا ما ابجي اعله جروحك ماعندي احساس
الهضيمه عمتك خلوها تركض الارجاس
يبعد عيوني الدم غاطي عيون العباس
يامولاي ارجو العفو
*

المرحوم شاعر اهل البيت (ع)
زيد عدنان الزيدي