ГИТАНЖАЛИ

                                                 Р.Тагордан

Не учун турибсан
ҳаммадан кейин,
Тунлар соясида, нечун, беркиниб?
Чангитиб ỹтмоқда улар бу йỹлдан
Сенга бир қарамай туртиб, туртиниб…
Кỹпдан кутаяпман сени,
Севгилим,
Қурбонлик келтирдим, келмайсан бир дам,
Бир-бир олиб бỹлди гулимни ҳамма,
Бỹшаб қолди, ахир, гулсаватим ҳам!..
Тонг ỹтди, кун ỹтди, шом ỹтди.
                                                     Кỹзим
Юмилиб бормоқда юрак юкидан,
Ҳар ỹткинчи боқар менга беизн,
Вужудим қулайди азоб ỹқидан.
Турибман афтода,
турибман ночор,
Юзим беркитаман, ҳолимга кулар.
Кỹксимни ỹртайди уят, алам, ор,
Нима исташимни сỹрайди улар.
Қандай айтай,
сени кутаётганим?
Келаман, деб ваъда қилганинг ул дам,
Қандай айтай сенга мукофот қилиб,
Келтирганим фақат ғариблигим ҳам!







Қандай айтай, ахир,
                            бундай ғурурни
Юрагим қаърига яширган бỹлсам?..
Ўт босган яйлоқда ỹтириб танҳо,
Кỹкка тикиламан бетин, беовоз.
Ва кутаман илҳақ,
                              фалак тоқидан
Сенинг ташрифингни малакларга хос!
…Мана сен келасан,
                                 илоҳий бир куй
Оғушида сокин нурга қоришиб.

Пойингга сочилар тилло сочқилар,
Келасан…
                  дунёлар кетар ёришиб!
Кумуш қỹнғироқлар
                          жарангин тинглаб,
Дунё асир бỹлар шу ёруғ сирга.
Олтин аробанинг юксак кỹшкидан
Сен тушиб келасан
                                     самодан ерга,
Ҳамма тизилади сенинг изингга,
Дилларни чулғайди ҳайрат ва титроқ.
Ҳар бир зот истайди шу қутлуғ дамда
Сен билан ёнма-ён бỹлишни,
                                                  бироқ!..


«Сен эса тутасан,
                                   бир умр кутиб,
Сен учун сақлаган тоза дилини
Ишқингда юксалган, лек уят, алам
кỹйида тỹкилган
                                    бу қиз қỹлини!..
Лек…
Сен индамайсан, бермайсан овоз,
Бỹғар изтиробнинг қора нафаси.
Оғир-оғир ỹтиб боради умр,
Эшитилмас сенинг қадаминг саси.
Қаршимдан ҳувиллаб келмоқда замон,
Лек…
               сен ҳаммадан сỹнг,
                                   ҳаммадан кейин,
Турибсан қоронғу вақт поёнида,
Наҳотки келишинг шу қадар қийин?
Мана
                    хỹрлик, азоб исканжасида
Бу – мен
                 дийдорингни кутаяпман жим,
Наҳотки,
                       келишинг шунчалар қийин,
Менинг Осмонларда қолган севгилим?.

@Zebo_mirzo

ЗЕБО МИРЗО

КИШАН КИЙМА…

«Кишан кийма,бўйин эгма,
ки сен ҳам ҳур туғилғонсен!
Абдулҳамид Чўлпон


«Кишанлар кияйми,
Бўйин эгайми,»
Эркимни берайми сенга қайтариб?
Ўзни унутайми,
қонлар ютайми,
турайми қошингда муъте, музтариб?!
Чопайми
Чопилган томирларимни,
Суғуриб берайми тилимни?!
Бир «ҳайт!» деб,
Сирмасанг қамчининг,
Қул қилиб берайми Элимни?!
Кўзими юмайми,
Энди очилган
Тарихнинг асотир китобларидан?
Юзимни бурайми,
Ёвдан юзини
Бурмаган аждодим хитобларидан!?
Қиличим ташлайми
Синмасдан бурун…
Қаттол қиличига тегмай жаранги?
Қўқонми,Марғилон
ва ёки Жиззах…
Жанггоҳ этагида тугамай жанги?
Санчайми
Ҳар битта гўдакларимни,
Ваҳший бир аскарнинг милтиқ тийғига?
Кўйлагин илайми
Кўкалдош,Кўкча…
Масжидин тўрида турган туғига?
Ўтайми
Пок муслим,тоза муслима
Бобом ё момомнинг қабрини бузиб?
Ерга урайинми яловларимни
Онам туморини узгандай узиб?
Кетайинми яна
Юз йиллар нари,
Пешонамга лаьнат тамғасин босиб?
Ўлдирайми
гул-гул фарзандларимни
Сургунга жўнатиб,
Дорларга осиб?!
Қараб турайинми
Суврати аьён,
Сотқин сиёғига жимгина боқиб?
Лаьнатлайми
Чўлпон,Усмонларимни,
Қодирий китобин ўтларга ёқиб?!
Бузайинми
Хива,Бухоро Аркин,
Минг йиллик минора ҳавозаларин?
Бир дағдаға қилсанг,
Очиб берайми
Тошкент ё Самарқанд дарвозаларин?!
Ерга кўмайинми,
Осмонни очган
Настаълиқ,шикаста имлоларимни?
Бузилган қасрингга
Тўлайми хирож–
Ипагу пахтамни, тиллоларимни?
Оми деб кулайми
Даҳоларимдан,
Беришса– кўзининг ёғигача еб?
Ор қилайми халқим,
Она тилимдан,
«Шуям миллатми деб,шуям халқми деб?!»
Бўшатиб берайми
Мадрасаларни,
Ёв бостириб келса –отхоналарга?!
Алмашиб берайми
Масжид,мадраса,
Саждагоҳларимни бутхоналарга?!

Яна нима дейсан,
Нима истайсан,
Ёлғон, фитналардан безмадингми ҳеч?!
…Пушкин Навоийнинг қошига келиб,
Узр сўраб турар!..
Сезмадингми ҳеч?!
Ўйнашма
Миллатнинг ғурури билан,
Миллатнинг Номуси,Оридир –бу Эрк!
Она дегани бу– Она тилидир!
Ва бутун бир халқнинг боридир –бу Эрк!
Жонини жаҳонга
Жон деб улашган
Улуғ бир Онамиз–шу Ватан ҳаққи,
Келсанг,
Одамдай кел!–
Бағримиз очиқ,
Нон ҳаққи,туз ҳаққи, жону тан ҳаққи!..
Истибдод сиртмоғин
Бўйнимга солмоқ–
Бўлса агар қасдинг,
Умидингни уз!
Коинот қалбида
Порлаб турибди
Бугун Ўзбек деган мунаввар бир Сўз!
Қўрқитма!
Қалбимдан қўлларингни торт!
Катта Йўлга чиқиб бўлган Карвонмиз!
Асли сен қўрқасан!
Чунки Ишқ билан,
Бир буюк қалб бўлган Ўзбекистонмиз!
Бир буюк халқ бўлган Ўзбекистонмиз!

Кишанга қайт,дейсан…
Эй, шўрлик олчоқ…
25 май 2020 соат 9-35

@Zebo_Mirzo

Навоийга нома...

Оппоқ тонглар эшигин очиб борар оппоқ шам,
Осмонга оят ёзар Нурли Илоҳий Қалам.
-Навоийдан бир Сўз айт, токи уйғонсин олам,
Ухлаётган дилларни Сўзлар уйғотар, болам!
Айтгил: "Сиз элнинг шони, фитрати Навоийсиз,
Сўз мулкининг султони Ҳазрати Навоийсиз!
Сизким,
Ул Низомиддин Мир Алишер ...ҳам Фоний,
Ҳам Туркийда яктосиз, форсийда шер лисоний,
"Кўнгилларнинг севгани" – "Хазойин -ул маоний",
Малак кифтида олий, фалак кафтида оний,
Юрт қалбининг уммони, ҳайбати Навоийсиз..
"Бадое ул-бидоя" – ёшлик айёмида Ишқ,
"Наводир ун ниҳоя" – умрнинг шомида Ишқ ,
"Насойим ул-муҳаббат" – оловнинг домида Ишқ,
Аттор пайғомида Ишқ , Жомийнинг жомида Ишқ,
Лутфийнинг бор туғёни, ҳайрати Навоийсиз..
Ким билмас, Амир Темур Жаҳонгир довруғини,
Ер юзин меҳварига санчганда Ўз туғини!
Кўтарайин кўкка деб бутун бир халқ руҳини
Бани башар қалбига қадади Сўз туғини!
Сизким, Руҳ арслонин шиддати Навоийсиз!
Дунёга сўз айтдингиз Қуш тилин оҳангида,
Деҳавий, Ганжавийлар дил берган ишқ рангида.
Панжага панжа уриб, қиличлар жарангида
Беш қитъани олдингиз Буюк "Хамса" жангида!
Беш муаззам достони шуҳрати Навоийсиз!
Рубъи маскун гавҳари Самарқандни ёд этиб,
Боғи чорбоғ , мадраса, кўприклар бунёд этиб,
Сўзу Соз, Нақшу нигор аҳли ҳам ижод этиб,
Эл кўнглини шод этиб, мамлакат обод этиб,
Шоҳ, Байқаро аркони давлати – Навоийсиз..
Тариқат сулукида асрор – Ваҳдатул вужуд,
Пири дастгирсиз Валий – Ҳақ сори учган Ҳудҳуд.
Ки, Беҳзод мўйқалами учида порлаган ўт,
Ёндирди Ғарбу Шарқни ...Қосим Али...ё Маҳмуд
Музаҳҳибнинг энг ёниқ суврати – Навоийсиз!
Ғайб қушлари сиз сари алҳон учиб келурлар,
Қизғалдоқлар қирлардан алвон кўчиб келурлар.
Лайли Мажнунлар ваҳдат майин ичиб келурлар,
"Ишқ" деб, Фарҳод Ширинлар жондин кечиб келурлар,
Олис ишқнинг осмони, талъати Навоийсиз!
18 минг оламнинг сарҳадини билганлар,
Ўлмай туриб ўлганлар, Қақнусдай туғилганлар.
Юракнинг ҳар сасидан қайтадан тирилганлар,
Худодан берилганлар, Худога берилгайлар!..
Ҳақ йўлининг ҳоқони, қуввати Навоийсиз!
Сиз деганда Хуросон, Ҳинду афғон бирлашур,
Қиличлар пастга тушиб, ёвлар хушхон бирлашур.
Мулки Турон бирлашур, Турку Турон бирлашур,
Жаҳон харитасида аҳли жаҳон бирлашур,
Руҳ ила қалб бирлашур, жисм ила жон бирлашур,
Сўз мулкининг султони Ҳазрати Навоийсиз,
Олам элининг жони, қудрати Навоийсиз!..

Зебо Мирзо
20 январ
3 феврал 2023
@Zebo_Mirzo

"Armon" Zebo Mirzo she'ri,
Botirali Yo'ldoshev o'qigan.

@Zebo_Mirzo

*** «Сояси тушгунча Парвардигорнинг…»
Шодмонқул Салом

Тўнтарилган
Осмон остида
Жаҳолатнинг устунлари тинч.
Қанотларим
Руҳим дастида,
Кўролмайсан,
солаверма синч!..
Осон синдим
Ёвлар олдида,
Олдимикан қаҳрига Осмон?
Чоҳлар қаздинг довлар олдида,
Эй макрга сиғинган замон!
Юрагимнинг дупурларида
Қонлар ютиб,
Қонларга ботдим!
Бойчиборнинг қанотларидай
Мен қалбимни қучоқлаб ётдим!..
Бу дунёдан
кетмоқлигим шарт
Бўлса эди ҳукми давворнинг,
Ётмасмидим
токи сояси
Тушгунича Парвардигорнинг?

Зиндонингда мен эмасман—Ор,
Зиндонингда номус ила жон.
Бир Ўзига айтар гапим бор,
Арқонингни тортгил,Қоражон!
Ҳукми мутлақ
Унинг қўлида!
Билармикан аҳли ағёрнинг?
Мен кетмайман…
НУР ва Сояси
Тушмагунча Парвардигорнинг!..
03.01.14.
@Zebo-mirzo

МУКОФОТ ҚУТЛУҒ БЎЛСИН!
      
   Миллий маданий меросимизни тарғиб ва тадқиқ этиш борасидаги  ибратли фаолияти, асарларида инсонийлик, Ватанга садоқат, меҳр-муҳаббат, эзгулик акс этган ижодкорлар, хусусан Халқаро “Олтин мерос” хайрия жамоат фонди Васийлик Кенгашининг қарорига асосан Зебо МИРЗАЕВА тележурналист, бошловчи ва шоира “ОЛТИН МЕРОС” медалига сазовор деб топилдилар.

Осмон ёғилади ой гардишидан,
Тундан оқиб кирар бир гўзал соя.
Энтиккан гулларми кетар ҳушидан,
Сенинг лабларингдан кутиб ҳимоя.

Кечиккан қушлардай уфқ ортидан
Интиқиб учади кўнглимиз “оҳ” и!
Хазондек ўтармиз умр ёдидан,
Маҳзун бу севгининг йўқдир паноҳи...

Бир-бирин пинжига кириб тошлар ҳам,
Сумбула сувига солади титроқ.
Ёлғизссан- кўнглингда бир муқаддас ғам,
Ёлғизман-қўлингга етмайман бироқ.

Қарайсан – кўзингда бир илинж соя,
Қарайман – кўзларим ҳасратлар чоҳи.
Бу ғариб севгига йўқдир ниҳоя,
Бу маҳзун севгининг йўқдир гуноҳи...
             
                                            10.06.2010

@Zebo_Mirzo

Азиз санъат ва адабиёт мухлислари.
"Замондош" кўрсатувининг бугунги қадрли меҳмони Ўзбекистонда хизмат кўрсатган артист Нодирахон Пирматова бўлади.
Соат 11-30гача санъаткор ҳаёти ва ижодига доир саволларингизни смс тарзида https://www.tg-me.com/Mutafakkir_mir юборинг.
Энг теран, энг қизиқарли савол эгаси муаллифнинг ва меҳмонимиз дасхатини қўйилган китоблар ва сирли эсдалик совғаларига эга бўлади.
Кутиб қоламиз!
Ҳурмат ила Зебо Мирзо.

ШАФФОФ ПАРДА

Юрагинг кўлига отаман тошлар--
Осмон кўзларида
Чақнаб кетар нур!
Бахтли лоқайдлигинг сукунатини
Чайқатиб-чайқатиб…
Қиламан ҳузур!..
Юрагинг кўлига отаман тошлар,
Мен –«Иблис»…
Соҳилда турганча минг йил.
Сен
тортаверасан ялтироқ парда,
Мен
этавераман бу сирни чил-чил!..
Сенга ёқмас
менинг шаккок тошларим,
Менга ёқар
қалбинг қалдироқлари.
Бир кун
чиқиб келар қалбинг қаъридан
Барча тақиқларни бузган
Сувпари!
Ёниб…
бўғриқасан, телбаланасан;
«Қайт!» дейсан Зулумот қопқаси томон.
Кўм-кўк томирларда лойқаланасан,
Ҳайратдан ярқираб кетади осмон!..
Кўлмак
соҳилларда занжирланган қул,
Сени
аллаласин ботқоқ тушлари,
Сени
оғушига олсин Ялмоғиз,
Мени олиб кетар Осмон қушлари!.
Кетаман
Қудратли уммонлар томон!
Майли,
тиғлар узра қолмасин изим.
Ахир сен биласан,
либосин Шайтон
Ўғирлаган ўша – Сувпари ўзим!
…Сен ахир билардинг,
Этарди фошлар –
Юрагинг кўлига мен отган тошлар!

@Zebo_Mirzo

Abduhoshim Ismoilov nimani o'g'irlab kelgan edi?
Nimani gapirishni hohlamadi?
Sir tutilgan ko'ngildagi achchiq haqiqatlar?
"Maqom" uchun qanday zarbalar qabul qilgan edilar?

Shu... va boshqalar haqida "Zamondosh" ko'rsatuvida.
"Madaniyat va ma'rifat" Telekanali, yakshanba "Zamondosh" Ko'rsatuvimiz Samarqanddagi Sammit tufayli 18-55 ga efirga uzatiladi

BIR DAVRADA...
  Ardoqli hofiz Sherali Jo'raevga

Hofiz kirib keldi horg'in davraga...
Kuygan, suyganlarning dilini  chertib.
Qaradi. Bazmning avji to'rida
Bir mashshoq kuylardi bo'g'zini yirtib...
Bu qo'shiq..
bu yurak uniki edi!
Musallam arshiga dam urgan damlar.
Osmon girdobiga uryon uchganda
"Dod"solib qulardi ko'kdan odamlar!..
Necha dovonlarga dov urgandi u,
Arslon o'kirigi - na'rasin tortib.
Bir millat sha'nini ko'targandi u,
Bir millat yukini yelkaga ortib!
Qani o'sha Qayslar?
Devona Qayslar...
Alam xori kirgan tovonlariga?
"Hu'"desa,
"Yohu!" deb ergashgan kaslar?
Boshin urib o'lsa Dovonlariga...
Qani Zulayholar?
Zuhrolar qani?
Ishq uchun jon berib, jonini tutgan?
Oltin beshiklarda tebrangan qoni?..
Nahot bari o'tgan?
Bari unutgan?

...Poygakda jimgina kutadi Hofiz
Ochilar darvoza tabaqalari!
"Bahor ayyomi"ga...charx urar bir qiz,
Sarmast chayqaladi izdihom qa'ri.
...O'tirar
va chekar...qattiq, xijolat.
Buzganday bir oliy dam shukuhini.
Nogoh ko'rib qolar;
ko'zlarida dard,
U'ziday mujarrad shoir Ruhini!
...Shoir yalangoyok, tushadi yo'lga,
Mohim Begim bo'lib chaqirar Qobul...
Hech kim payqamaydi,
Hech kim bilmaydi,
G'amgin chiqib ketar davradan Bobur!..
        16.09.2014.
....Bu o'shanda Shoirga bag'ishlangan katta bir anjumanda
yuz bergandi...
Olloh rahmat qilsin...
@Zebo_mirzo

Abduhoshim Ismoilov nimani o'g'irlab kelgan edi?
Nimani gapirishni hohlamadi?
Sir tutilgan ko'ngildagi achchiq haqiqatlar?
"Maqom" uchun qanday zarbalar qabul qilgan edilar?

Shu... va boshqalar haqida "Zamondosh" ko'rsatuvida.
"Madaniyat va ma'rifat" Telekanali, yakshanba soat 17-07 da!

Такроран так,дим этилмок,да.
Ку'ринг ва мулох,азаларингизни юборинг.

Ассалому алайкум! Сиз билан яна бирга эканлигимиздан бахтиёрмиз.
"Замондош" кўрсатувининг бугунги қаҳрамони Ўзбекистонда хизмат кўрсатган артист Беҳзод Муҳаммадкаримов.
"Буюк Амир  Темур" роли учун уни танлашмаган эди!
Камералар нега бузилди?..
Кино учун театрдан ҳайдалишга тўғри келдими?..
Иккинчи Отабек бўлиш қийинми...
Унинг энг севимли образи...
Ҳали кимдир сўрамаган саволларга...очиқ жавоблар...
Юрак ҳақиқатлари...
Бугун  соат 20-40ларда.
"Маданият ва маърифат" телеканалида учрашамиз.
Бизни ўтказиб юборманг...
Ҳурмат билан Зебо Мирзо.