🏓Yoshlar oyligi doirasida Toshkent shahrida yoshlarni bo‘sh vaqtlarida ommaviy sport o‘yinlariga jalb etish maqsadida turli tadbirlar va intellektual o‘yinlar tashkil etilmoqda.

Shu jumladan, bir qator hamkor tashkilotlar tomonidan talaba yoshlarning bo‘sh vaqtlarini mazmunli tashkil etish hamda sport turlariga yoshlarni keng jalb qilish maqsadida joriy yilning 10-12-iyun kunlari Toshkent shahrida joylashgan Shayxontohur sport maktabida Oliy ta’lim muassasalari talabalari o‘rtasida sportning “Stol tennis” yo‘nalishi bo‘yicha musobaqa bo‘lib o‘tdi.

🧑‍🎓Musobaqaning saralash bosqichida Toshkent shahridan 32ta davlat va nodavlat oliy ta’lim muassasalaridan kelgan talabalar qatnashdi. Unda jami 100dan ziyod talaba ishtirok etdi. Shu bilan birga, turnirga umumiy и 50 dan ziyod oliygoh qiziqish bildirdi, qolgan jamoalar esa kelgusi mavsumlarda musobaqada qatnashish imkoniyatiga ega bo‘ladi.

Tashkilotchilar tomonidan g‘olib bo‘lgan talabalarga pul mukofotlari beriladi. Shiddatli hamda murosasiz kurashlarga to‘la o‘tgan turnirda  “Stol tennis” yo‘nalishida yigitlardan oʻrtasida:
1‑o‘rin — Renesans ta’lim universiteti talabasi Rahmonov Ro’simuhammad (pul mukofoti — 1  500 000 so‘m)
2‑o‘rin — O‘zbekiston milliy universiteti talabasi Diyorbek Toshniyozov (pul mukofoti — 1 000 000 so‘m)
3‑o‘rin — Jahon iqtisodiyoti va diplomatiya universiteti talabasi Iskandarov Mustafo (pul mukofoti — 500 000 so‘m)

Qizlar oʻrtasida:
1‑o‘rin — O‘zbekiston davlat jahon tillari universiteti talabasi Qaxramonxo‘jaeva Lolaxon (pul mukofoti — 1  500 000 so‘m)
2‑o‘rin— O‘zbekiston milliy universiteti talabasi Yusupova Na’muna (pul mukofoti — 1 000 000 so‘m)
3‑o‘rin — Irrigatsiya va qishloq xo‘jaligini mexanizatsiyalashtirish muhandislari instituti talabasi Muminova Muxlisa (pul mukofoti — 500 000 so‘m)

Obuna bo’lishni unutmang
Instagram | Telegram | YouTube