شيرو لتعم الفائدة ♥️✨

العز أهل و السواطة أهل و الخساسة برضو أهل ،
تاني إنت و اهلك.. 🙂

مش لو صحاكي للسحور لو بقى ليك رقاق ماحيعرسك .

‏بتاخدوا بالكم إن الدعوات ال بتدعوها وأنتوا ماشيين ف يومكم randomly كدا بتُستجاب؟
يا رب ألاقي مواصلات بسرعة، يا رب ما اركب في الكرسي ال جنب الباب، يا رب مافي زول ينزلني في الطريق، يا رب الدكتور يدخلني، يا رب ال attendance اخدوبسهولة ..الخ
الأمور دي كلها مشيت عشان الدعاء فعلًا؟

‏أحيانًا بنسى أحمد ربنا على كل دا وبتخيل إني كنت قلقانة أكتر من اللازم ودا كان المسرى الطبيعي للأمور، في واقع إنه ممكن يكون ربنا يسره بس عشان دعيت، ولو ما كنت دعيت كانت الدنيا ح تبقى صعبة أكتر من كدا..

محتاجين نفتكر نحمد ربنا طول الوقت ♥️♥️

ولا ساعياً في السحر إلا قسمت ظهره
وابتليته في صحته وعافيته
وحرقت قلبه على ذريته

صُفدت الشياطين، وبقيت نفسك الأمارة بالسوء التحدي الحقيقي في مواجهتها.

ثبتنا ﷲ وإياكم.

اليوم العالمي للنساء
ابجيقة : يوم شنو كمان ؟؟ دي انطلاقة جديدة والله

لما أكون أونلاين واحنا متشاكلين ويسألني بتكلمي مين:

﴿أَيَّامًا مَّعدُودَاتٍ﴾
‏اللهمَّ اجعلها مثقلة بالأجور، مجابة بها الدعوات♥️.

في اليوم العالمي للمرأة اتمنى تخلّو المرأة في حالها.

في فهمي للعلاقات، في نوعين من الناس بيمروا في حياتنا…

في النوع الأول، الناس البتكون داعمة لينا، السند الحقيقي، البترفعنا لقدام وبتكون معانا في كل خطوة. ودي العلاقات البتدينا الأمان، البتبني الثقة، والبتخلي عندنا إحساس بالراحة والاتزان.

أما النوع التاني، فهو الدروس المقنّعة في شكل أشخاص! النوع البخليك تمر بتجارب قاسية، النوع البخلي عندك trust issues، البعّلمك حدودك، والبيخليك تبني ثوابتك في الحياة. ومع الوقت، بتلقى نفسك بقت عندك حدس قوي، بقيت قادر تقرأ المواقف وتعرف إشاراتها قبل ما تحصل. زي كأنك بتلعب شطرنج، كل حركة محسوبة، وكل قرار عنده دلالاته.

وبحكم سنة الحياة، في نوع من الناس وجودهم أساسي، ناس البيت، الناس البتكبر معاهم، والما بتقدر تتخلى عنهم مهما حصل.

في النهاية، الحياة زي سفر القطر، كل محطة بتنزل زول… يا رجّع ليك الباقي، يا قلّ أدبو عليك! Growing & Glowing Together.

#ديدا_التي_تعلمون♥️

بسم الله الرحمن الرحيم
قال تعالى :(والذين اذا اصابتهم مصيبتةٌ قالو انا لله وانا اليه راجعون ) فقدت بالامس ابي و حبيبي و غرة عيني محمد احمد محمد صالح
اللهم اغفر لأبي و عافه واعفو عنه
و اكرم نزله و وسع مدخله اللهم انه نزل عندك و انت خير منزول عنده
اللهم جازه بالاحسان احسانا و بالسيئات عفوا و غفرانا ربي اسالك بنور وجهك الكريم ان تبشر ابي بالمنزله العالية في الجنه و أن ترفع درجته و تعظم مكانته و تجعله في عليين اللهم أره مقعده من الجنة وإجعله ضاحكا مستبشرا اللهم إجعله في برزخ محمود فائزا بدخول جنتك بلا حساب ولا عذاب اللهم إجعل ابي راضيا مرضيا
اللهم اجعل حاله كحال من قلت فيهم:( ادخلوا الجنه لا خوف عليكم و لا انت تحزنون)
إن القلب ليحزن وإن العين لتدمع و أنا علي فارقك يا أبتي لمحزنون و لكن لا أقول الا ما يرضي الله
انا لله و انا اليه راجعون
وري عن الثري في مقابر الشبيلية
نعزي أنفسنا و كل الأهل بهذا الفقد الجلل
و الشكر موصول لكل من واسانا أو اتصل بنا
جزاكم الله عنا و عن أبتي خير الجزاء
أسأل الله أن يعظم اجركم و يشكر سعيكم
ولله الأمر من قبل و من بعد
و لله الحمد في الاولى و الاخرة
@MOJREM3

كل حالٍ يزول..
ما أتعبك أمس منتهي اليوم، وما يريحك اليوم يزول غدًا، وهذا حال الدُّنيا. محطات تُسلمك بعضها لبعض حسبُك أنك تمضي لله، أملُك وألمك لله، تُرافق لله، وتفارق لله..
لا بأس هوِّن عليك، عزز كونك غريبٌ هنا،
تخفف قليلًا من تلك الأعباء، اجعل حَنِينك دومًا إلى السماء،
تأمل وجه أحبتك، اختلي بأماكنك المفضلة،
أحسن ما استطعت، تعبَّد إلى الله بمحاولاتك،
امضِ، وإن أحببت اعلم كونك مفارق على أي حال..
تهيأ فأنت لا تعلم متى محطاتُك تسلمكَ لمحطتك الأخيرة.

ممكن فعلاً " أجبر نفسي عليك "

آلقى ليك عذر من العدم ..

و كل حاجة بتوجع منك ، ممكن أتجاوزها 🥀✨

الما ممكن أبداً و ح يظل مستحيل ، إني " أجبرك علي " :)🚶🏻‍♀