اقرو كويس عشان تتخرجو وتبقو زينا كدا ما حقول ليكم زينا كيف خلوها مفاجأة..

الهدف الأول والأخير من اي علاقة اجتماعية في الحياة هي التطبيل فأي صاحب او حبيب ما بطبل ليك ويقول ليك قدر شنو انت حلو ومعلم ومكنة افصلها منو طوالي ، لأنو دا اسمو بالإنجليزي زول توكسيك يعني سام من السم الهاري 🌚.

حكمة اليوم :
ما تعرسي راجل ما بحبك ♥️✨

انا م بعرف أبارك ولا أعزي وبعمل رايحة وقايلة نفسي لسه صغيره الناس ما حتشتغل بي.

هذا المساء..

" ما تخاف من البيلومك ويعاتبك
خاف من البيسكت ويتجاوز عشانك
خاف من الطرف البيرخى دائماً في سبيل أنو ما يخسرك "

=بقدر ما شايفه الصفه دي مؤذيه وبتاخد مننا كتير ، ألا وهي أحيانا بتصبح أقوى سلاح لينا.
كونك تكون الطرف البيحاول
الطرف البيرخى لما يشوف التاني شادي بغض النظر عن هل أنت غلطان أو لا .
المهم أنك ما تخسر شخصك المفضل ده حتي لو حتجي على نفسك .
اللهو زعلك ما نهايه العالم وما مهم أحساسك أنت شنو، كل المهم بالنسبه ليك نُصك التاني وبس.

= بس في النهاية كلنا بشر وعندنا حد معين نصلو بنقيف فيهو .
والنوعيه دي حدها يعتبر سلاح قادر يحسم كل الفوضى دي.
اللهو أنا لمن هنا كفاية، اثبتة بما يكفى أنى فعلاً بحب وما نفسي أخسرك، وحابه نكمل طريقنا سوا.

=بس المره دي القيم عليك أنت يا أما كسبتة واثبته أنك كمان نفسك تكمل .
أو خسرته.

#وفي_النهايه..

"المره دي أنا ما حاجي عليك
المره دي أنا حاقيف بعيد
وأشوف حيتعمل عشاني شنو❤".

المهم سريع كدة:
خبراء العلاقات ومستشاري الزواج.. (في الدول المحترمة طبعا)
قالوا انه من أهم عوامل نجاح العلاقات.. (العلاقات العاطفية طبعا)
هو وجود intellectual compatibility أو التوافق الفكري..
وقالوا المؤشر الأساسي البيدُل على مدى التوافق الفكري بين نفرين هو #الونسة..
آي والله الونسة الوااااحدة دي ..
يعني مقدرة اي اتنين مرتبطين على أنهم (يتونسوا) مع بعض.. بسهولة وسلاسة واستمتاع..

فااا إذا أنت عايز تبدأ مشروع ارتباط مع شخص معين ..
لازم أول شي قبلما تصعِّد، تفتح عينك كويس..
وتتأكد انه هل انتو الاتنين بتعرفوا تتونسوا مع بعض؟

خبراء العلاقات ومستشاري الزواج برضو قالوا ليك
إذا لقيت الونسه عسمانة..
او فيها توتر وعدم أريحية في مناقشة الأفكار..
او فيها لحظات صمت مريبة متكررة..
يبقى دي إشارات واضحة لي انك تنسحب..
مهما كان الزول ده جميل ورائع وفريد وعاااجبك..
برضو انسحب وما تقعد تعافر ساي..
لأنه "الشيل الكعب بيملِّخ اليدين"

وبس

لي قدام لو الله مد في الأعمار..
ممكن نشوف الشباب ديل قالو شنو عن محددات ومواصفات الونسة الناجحة.. قالوا كلام كتير خلاص😂

‏اكتر زول عاقل البغنج بي حبيبتو الما بوريها لاصحابو حتى ولا بتجدع بيها في مواقع التواصل, ما insecurities ولا شي لكن طالما عملت share لحياتك الخاصة الالسنة بتكتر وبتتعكس عليك وبكچوها ليك

ماعندي 1% فضول أعرف حاجه عن حياة أي زول
وياريت تبادلوني نفس الشعور

- وشكراً

اتخيل أخر يوم في الحرب الناس طالعين من سنار مدني والجزيرة وعطبره وشندي ودنقلا ماشين على الخرطوم و الشارع زحمه و الناس في كُل باص و عربية عاملين سيرة و اغاني و هجيج و زغاريد،و ناس شندي وعطبره وسنار ومدني والجزيرة عايزين يطلعو الا اهلهم حالفين طلاق الا يقعدو معاهم و يسافرو بكرة، و مطار الخرطوم يستقبل الرحلات ب "أهلاً و سهلاً بكم في وطنكم بعد غياب دام ل شهرين نتمنى لكم أيام سعيدة في أنحاء البلاد"؛ و التُجار راجعين الاسواق ب ربنا يعوضنا و يبدو تاني؛ و الجامعات تفتح و نلاقي أصحابنا و نبكي أيام بُعدنا؛ و ناس يمشو شارع النيل و يعدو في الشوارع مبسوطين ب عودة الحياة🫂
يارب تتحرر بلادنا واحنا سالمين و م ناقصين نفر❤

لي سنين ما بجامل في راحتي الحاجة البتضايقني ببعد منها، والأكل الما بحبّو ما باكلو، والمكان الما برتاح فيهو ما بمشيهو، والناس البضايقوني بعدّت منهم، اتعلمت أسمع إحساسي وأصدقو، أكون في الحتة البتشبهني ومع الناس البتريحني لأنو الراحة قرار وأنا اخترتو.

20 الف
حالة 24/2025
محمد مريض نفسي
يحتاج حبوب :.

Quetiapine 500mg
Depox500mg
التكلفة :
⭕20000⭕جنيه
للاستفسار والمساهمة؛
0912275040
-012172261
بنكك 1431534
فورى المعرض. 51168423
اوكاش. 244688
اللهم احفظ السودان امنا مطمئنا
مايفيض عن الحوجة يحول لاخري
#مبادرة_ولوبشق_تمرة
#شيرك_حياة

هوي يا ناس ما يغشوكم :
الناس بالناس ، وصلة الرحم وصية النبي ، وقضاء حوائج الناس من مكارم الأخلاق ، والمسامح كريم ، والتواضع من شيم الرجال ، والحياء من شُعب الايمان ، والاعتراف بالذنب فضيلة ، والبغلط هو البعتذر ، واحترام الكبير بكبرك ، وأكل الحرام ما بوديك لقدام ، خليك طيب وخفيف وساهل ، القاسي بتقسى عليهو الدنيا ، والظالم بنظلم ، اكرم ضيفك ربنا بكرمك ، مد ايدك ولِم لسانك ، اتمنى الخير للغير ، أصلح ما تضر وقول قولاً يسُر .

عارفين شنو السبب الرئيسي اللي بيخلي اي حواء تحب زوجها وتبقى شايلاه في عيونها وعايزة تريّحُه طول الوقت وماتبقا سبب في ضيقته أبدًا.!

حنيّته عليها في الأساس.! 🫂

لما الراجل بيبقى حنين على مرته وبيحترمها وبيقدّرها وما بيفكر يجرحها ولا يهينها أو يستغل نقطة ضعفها.!

حتى في عز الخِلاف؛ بتبقى مستعدة تعمل عشانه أي حاجة، وتفديه بروحها كمان.! ❤️

و الإنسان الوحيد اللي ما ممكن تنساه في حياتك هو المحترم في الوِد والخصومة🫂❤️

مع مرور الوقت حتتأكد إن أهم صفة ممكن تكون موجودة في شريك حياتك،.!

إنه يكون شخص ليّن وفي قلبه حنيّة ورحيم ..!

ساعتها حتقدم ليهو عيونك بكل حُب وانت راضي ومبسوط.! 🫂❤️

هو ممكن شكلي يوحي ليك اني شخص open minded بس وجلالة الله انا closed minded ولو اتعديت حدودك افلقك نصين .

حبيبي شكله ارتبط

إنك تهتم بزعلي وتخاف عليا ده عندي بالدنيا ، ومن أكتر الحاجات اللي بتأكدلي إنك بتحبني ، إنك عارف الحاجات اللي بتزعلني وبتضايقني ومبتعملها لمجرد إنك م عاوزني أزعل ولا أضايق ، تصرفاتك دي حتخليك تكبر في نظري وحتخليني مشوف زول غيرك ولا أحسن منك بسبب خوفك عليا ..❤.

من أنا صغيرة، كنت دايمًا متخيلة الراجل ال ح أحبو ، ما كان الشكل يهمني، كنت بفتش على الأخلاق والتعامل الراقي. بحلم براجل يكون زي ولد لأمي قبل أي حاجة، يكون معاهم دايمًا، ويكون سند ليهم، ويفتخروا بيه. نفسي يكون أخو حقيقي لأخواني، حنين، ضحوك، وأخلاقه واسعة عشان نكمل بعض وما نكون إحنا الاتنين ضيقيين الطبع.

عايزاه يكون شهم وكريم، محبوب من الناس، طيب وما بزعل بسرعة، هادئ، لمن أكون مضايقة أو الدنيا لفت بي، هو يكون الحضن والأمان، وما يزعل من تصرفاتي الطفولية. نفسي يكون عنده ذوقه الخاص، ويفهم شغلي ويفتخر بقرايتي، ويكون سند حقيقي في تحقيق أحلامي وطموحاتي.

بحب يكون زول ليه هيبة، الناس كلها تحترمه وتخاف منه، وكلامه ما بيتكرر، وصارم لما يحتاج يكون. تعامله مع الناس يختلف عن تعامله معاي، وبيحب الناس وبيعرف يتعامل معاهم، وأصحابه يحبوه.

وما مهم يكون غني، حتى لو حاله بسيط، بس راضي ومبسوط، وأنا أكون سعيدة بالبسيط ده معاه. لأني لما أحس إنو تعب عشان يلقاني، ح أكون مطمئنة إنو ما ح يخليني بالساهل.

يمكن تكون صفاتي غريبة، لكن دي الحاجات البتحسسني بالأمان والسعادة ♥️

#ديدا_التي_تعلمون

مساء الخير للايادي الخاليه من الدبل للأنفس الخاليه من أي ارتباط مساء الخير لاي بت م ناضمين فيها ولا عارفنها حيه ولا ميته زاتو⁦❤️⁩😂.