تدور الليالي والليالي لها دستور
‏تغيب خيار القوم وتجنب الخمّه
‏وفقد النشاما مثل فقد العرب للنور
‏وفقد الردي ما يفقده غير قلب امه🔕

#خلك_ذيبان

لله يا نفسي الأمّارة . . إتجهي
‏لا تختلف بوصلة دربك وتخطينه
‏أعزّ ماء فوق وجه الارض ماء وجهي
‏مُوتي ضما بس وجهي لا تهينينه 🔕

#خلك_ذيبان

أحاول أنه : ما يفصل بيننا فاصل
‏حتى ولو ينفصل راسي من متوني
‏ㅤ
‏أشّر على ماتبي و اللي تبي حاصل
‏حتى ولو تطلب عيوني . . من عيوني !🔕

#خلك_ذيبان

أنا ما خِلقت إنسان هيّن و بارد حيل
‏أنا هقوتي ترقا على الطيب و إتماري
‏كفوف الليالي مدّها مثل مدّ إبخيل
‏ليا صاعت الطيّب غدى شبه متواري
‏نفوس الاوادم . سمّها بين قال و قيل
‏تبيع السوالف قبل لا يطلب الشاري🔕

#خلك_ذيبان

ما جيت أدوّر من سقيم العقل راي
‏هذا زمان ٍ . . ! شاخ فيه الإمعه
‏يا ليت خلاها من الروحه .. و جاي
‏ما كان جاب ذنوبها . . ! ! متجمعه
‏يقول أنا الأول . ! و خلق الله وراي
‏ليت الخبل بين الرجال .. إتبرقعه🔕

#خلك_ذيبان

لولا اختلاف الراي مابان الجميل مْن القبيح
‏تعلّم اسلوووب الكلام الراقي بـ أخذ و عطا
‏اكثر مشاكل مجتمعنا .. لا رجعنا لـ الصحيح
‏كلً يشوف انه هو اللي صح والعالم خطا 🔕

#خلك_ذيبان

راحتك في راحة يدينك هذي هيّ
‏برّ والديك .. ولا تفرّط بـ فرضك
‏ِ
‏وانس وتسامح وادمح الا على ذي
‏حلالك ودينك وارضك وعرضك !🔕

#خلك_ذيبان

لو خسرت الأمس كمل من جديد
العوض قدام والماضي فدى 🔕


#خلك_ذيبان

من آخر اللي بـ اقوله و اختصار الكلام
‏خوفي من إني أَخَسرك مرحله طفتها
‏َمن شفت ما عاد في وجهك حيا واحترام
‏عيوبك الليّ ما كنت اشوفها .. شفتها
‏َالخاطر ان طاب من حاجه عليها السلام
‏لو إنّها اغلى من عْيوني عَليّ .. عفتها🔕

#خلك_ذيبان

لا مات حلمك عاد عقلك معك حي
قلبك وحيد .. وواحد اللي تمناه
اللي يبي كل شي .. بيضيع كل شي
حافظ على اغلى شي والباقي انساه🔕

#خلك_ذيبان

لانك غير
‏ووجهك غير
‏قدر يجمع عبير الورد
‏واخر نسمه للنوير
‏لانك غير ،
‏احس ان " الاوادم " كلها من شر
‏وانتي .. بس انتي !
‏ خييير🔕

#خلك_ذيبان

خليط من طيبه وعفّه وطهر ونُبل
‏شبيهة الصبح والغيم ونقيضة ضما

‏الوجه هذا يا إني شايفه من قبل ؟
‏أو يمكن أرواحنا متلاقية بـ السما !🔕

#خلك_ذيبان

اخلق من الالوان لو لون داكن ...
‏وتصير فارق بينها .. ما تلوّنت
‏سهله تقمّص دور غيرك ... ولكن !!
‏مافيه شي اصعب من انك تكون انت 🔕

#خلك_ذيبان

لو كان قلبي بالهوى رحّال !
‏بيغيّر الوجهه .. ويتّجهك

‏لك حسن وجهٍ من يشوفه قال !
‏أنا بوجهك من حسن وجهك🔕

#خلك_ذيبان

كل حاجة في يدين الناس : ماتغريني
‏دائماً احب اكون . . الفارق المتميّز🔕

#خلك_ذيبان

حتى ولو مالي على الدنيا شبيه
‏ما راح تفقدني .. لو انك عفتني
‏وزّعت نفسي فالاماكن والوجيه
‏من وين ما لقيت وجهك شفتني🔕

#خلك_ذيبان

لاتفكر في .. ( تفاصيل الامور )
‏عش حياتك واجعل لوقتك طعم
‏ٰ
‏المهم اسمك لاجا بين الحضور
‏كل مايذكر يقولون : ( ونعم ) !🔕

#خلك_ذيبان

ماني بمتضايق … ولكن : خايف
‏والخوف من ضيق الزمان وغدره !
‏ٰٰ
‏كن الحظوظ ، تصد صدة : عايف
‏وأنا الحشيم .. اللي : يهمه قدره !🔕

#خلك_ذيبان

إن جيتهم كلي … وإذا رحت كلي
‏وأعفي خطاياهم وعني يارب اعف
‏ٰ
‏أنا أنا … المتغافل ، الليّن ، اللي
‏يوجعهم إن شافوا لطافته من ضعف🔕

#خلك_ذيبان

أعرف مكاني وترتيبي وتقديري
‏وماطيح حتى لو إن أحيانا أتعثر
‏ِاللي خسرني هنيئاً له هوى غيري
‏واللي كسبني هنيئاً له وأنا اكثر !🔕

#خلك_ذيبان