❰ صباح الخير ❱ ♥️🌱
أحنة حاليًا بمرحلة أنتظار النتائج ومانعرف شلون راح تكون نتائجنا ، لكن نعرف أنُ رب العالمـيـن مايظلم أحد هوا يختار النا الأفضل ، أقدارنا مكتوبة كلما نكبر أكثر نعرف حكمة ربـنـا أكثر ، الي كاتبه رب العالمين النة هوا أفضل من الي نريده أحنا ، دائمًا أختيارات ربـنـا أحسن من أختياراتنا ، كل شخص بينا هسة لابد من أن عنده توقعات لدرجاته صح ! طيب لو أجت عكس توقعكم هنا شنو راح يصير ! اكيد راح تبچون على أحلامكم الي ضاعت وتكولون ليش هيچ وتعبنا ضاع وماحصلنا الي نريدة ودراستنا كلها وين راحت وسهرنا والخ .. بس أكللكم " عند الله مايضيع شي " اي فعلًا ربـنـا مايضيع شي عنده ولا يضيع تعب أحد ، مرة شفت مقطع بي شخص يكول : في ناس مُجتهدة وتتعب وما الها نصيب ! يكول هذه كلها حكمة ربـنـا بيكرم منو وما يكرم منو " مهما أجتهدنا علمود نعرف حقيقية هذي الحكمة مراح نعرف " وحده ربـنا يعرف " انتَ تسوي الي عليك وتجتهد واذا حققت الشي الي چنت تسعى وتتعب علموده ف هاي ربـنـا كاتبه الك وحققته لأن ربـنـا هيج يريد ، واذا ما حققت ف تبقى سويت الي عليك ، ربما هو مو رزقك الي كاتبه ربـنـا الك " بس الأجتهاد هذا شي أساسي ومو يعني اذا احد وصل يعني هذا اكثر واحد أجتهد والي ماوصل مو مُجتهد لا الكُل مُجتهد الي بيوصل ولا موصل لأن ربنا مكاتب هذا الشي الة وتبقى هاي كلها حكمة ربـنـا ، أي ف اكلكم أنا ضد أحد يحكم على أحد محد يعرف أجتهاد أي طالب كل الي ينكال من تطلع النتائج أنه أحنة ما أجتهدنا هذا الشي بنظرهم ، بس محد يعرف مدئ سعي أي طالب غير الطالب نفسه ورب العالمـيـن وحدهم يعرفون السعي والأجتهاد ، الشخص بالمقطع الي شفته أيضًا گال : في ناس أجتهدت وضحت أكثر وتعبت بس ماحصلت الي تريده بس رزقهم مو بهذا الشي الي سعوا الة وهاي حكمة ربـنـا ويمكن رزقهم بشيء أفضل وأحسن من الي يردوا ، أي ف لا تستنقصون من قيمة نفسكم محد راح ينصفكم الكُل باچر يتفلسف وممكن البعض يسمعونكم كلام جارح بس أنتم أبقوا أقوياء ولاتخلون أي كلمة تأثر بيكم وحدكم تعرفون شكد تعبتوا وربـنـا يعرف وهذا يكفي ، أرضوا بحكمة ربـنـا ولا تعترضون على شي ربما رزقكم بشيءٍ أخر والحلم الي تسعون الة وممكن لاسامح الله محصلتوا ف ربـنـا كاتب الكم شي أفضل و أكو هواي مجالات وهواي تخصصات كلنا نكدر نبدع ب أي مجال ومو نهاية الدنيا اذا ماحصلنا الشي الي نريده " رضيت بما قسم الله لي " 🫂♥️♥️♥️

تعدون السادس وتكتشفون انو هو ماچان كلشي لحد ماتنسون اصلًا انو اكو طلاب بعدهم يدرسون سادس ،
وتتخرجون وهم تكتشفون ان الدراسة ماچانت كلشي و تنسون انو اكو ناس بعدهم يدرسون ..

كلشي جاي تعيشوا مهما جاي تشوفوا چبير وصعب، هو جزء صغير من عمركم
واذا ماضبطت هاي المحاولة ف دائمًا حتكون اكو محاولة ثانية .. لا تفقدون الأمل

ومبروك لكل الناجحين اتمنالكم بدايات حلوة جديدة تعوضكم عن كل تعبكم♥️

حكمة الله ♥️

تستوعبون انه الدنيا متوگف ع المجموعة الطبية؟

هذه رِسالة لك: ليس لأنّك لست بخير بل أنت غارِق بِخَيرِ الله، و لكِن لأنّك خائف، لأنّ الخَوف يأكُلك بشهيِّةِ جائِع، و لأنّ نوافذ روحك كُلَّها مفتوحة، يعبث فيها الهَلع مِثل رِيح عاصِف. لأنّك لم تَعُد تعرِف كيف تمضي أيّامك، دون أن يأخُذ فيها الخوف حِصَّتهُ الأكبر. أقول؛ الخوف -لا يجعل الأشياء الّتي تلتهم قلبك- أفضل، لا يفعل الخوف شيئًا أكثر مَن أن يُكشِّر عن أنيابه، و يضحك على ارتِجاف روحك، مثل وحشًا كاسِر، أتدري أيّ المحطات ينتهي عِندها الخوَف؟، عند اليقين. خوف أكبر يقين بالله أقل، و -يا للأسف الشديد- هذه هي المُعادلة، أن تُجازِف بالإيمان، تنفَخ -بخوفك- على شُعلة الإيمان، في كَهف قلبك، و ستتخبّط، لأنّ النور لا يكفي لكي تمشي بِثقة مُبصِر. لا مجال بعد الآن، إلاّ أن تدع الأمور كُلّها لله، دعها بِملْء قوّتك، ارمِها كما لو أنّك تقذف حجرًا في نَهر، لا بُدّ أن تودّع الخوف اللّيلةِ هذه، الله مُتكفِّل بِك، إحاطة و احتِضان تفوق تصوّراتك، و لكِن إصرارك على أن تخاف هذا هو الشيء الوحيد الّذي تُجيده. خُذ نفسًا، و ابتَسِم لخوفك، قُل له، أنت لست صديقي، روحي لا تتّسع لِثُقلك. إنّني أُفضِّل أن ادع الأمور تجري بِثقة مَن يعرِف معنى رَأفة الله و فَيض حنانه.

-هالة الجبوري

ولسوف يعطيك ربك فترضى🤍.

#لاتأيس
#إنهض_بعدما_أخفقت

سلام عليكم
كيف حالكم سيدنا الحبيب
معكم ولدكم الذي يستمع لدرركم ويستفاد منها كثيرًا

سبدنا اكو فد مسألة ومحتاجينك بيها جزاكم الله خير..
عندي اختي بالسادس علمي وهاي ثاني سنة يصير عدها اخفاق وما تنجح
وهذا الشي تسبب لها في احداث مشاكل نفسية كبيرة بحيث سيدنا بيوم النتيجة
كادت أن تنتحر
لولا لطف الله فينا

سيدنا اذا تتفضلون علينا بارسال بصمة ويكون الكلام لها مباشرة
حتى ارسل لها البصمة لانه هي تسمع لكلامك عسى وان يتغير حالها لانه الان هي تعيش حالة من الانزواء والانعزال ووو وعندما اتكلم معها تقول لي انا نزلت رؤوسكم وانا خجل منكم وانا وانا

فجزاكم الله خير سيدنا عندما تتطلعون ع رسالتي هذه لا تقصروا بالرد

#عينكم_على_المستقبل

" ‏كونوا رُحماء بأنفسكم، ليس علىٰ الأيام أن تكون مثالية دائماً، ليس علىٰ قراراتك أن تكون صائبة في كُل مرة، لا بأس في أن تُخطئ مرة ومرتين وثلاث حتىٰ تتعلم، لا يجب عليك أن تكون مثالياً لست لوحة ولا منحوتة ولا شيئاً سيُعرض للتعديل والنقد، يكفي أن تكون أنت بكُل وضوح وأن تُحب نفسك بصدق."

ابو #الدور_الثاني تعال احاجيك

ممكن أول مره تجرب شعور دور ثاني
فـ راح اسميك طالب مجاهد عنده فرصة ٢

احب أكلك راح يجي اليوم
وراح تعيش أجواء اخر امتحان
وتكمل مادتك وتنام وتكون مستعد لباجر
وبداخلك تحسب آخر ساعات بالسادس

راح تكعد الصبح وتسوي ريوك و يرافقك شعور غريب
وتبدل وتروح للإمتحان بكل حماس وما خايف ليش ؟
لان آخر امتحان ولأن احمد وعدك راح تجي سهلة

وراح تدخل للقاعة و تتوزع الأسئلة
وتجيك إبتسامة قلبية 🤍
لان الأسئلة نفس ما كلك احمد سهلة
وتحل بيدك وماخذك الحماس
اي هذا قريته اي هذا وزاري اي هذا سهل
وتكمل وتطلع وتبدي تاخذ صور ويا جماعتك
و توثق آخر امتحان و تصور حتى طريق رجعتك

راح ترجع للبيت للأول مره فرحان وخشمك كبران
و تنام بوقته نومه طويلة 🤍
راح يجيك شعور غريب و تتسائل بداخلك
خلص السهر و التعب و التفكير و السادس ؟

هذا اليوم للأول مره تكون انسان طبيعي
و بوقته دعائي يجيك العوض و دموع الفرح
مو دموع القهر و التعب و ادعيلك تروح هالات عيونك و تطلع و تسوي كلشي بداخلك براحتك بدون حجاية انت سادس .

الانسان لايتعافى الا بالله وحده🤍.

@ شعاع ..

حتى وانت تنزف .. تبسم ..

فهذه عاده الابطال ...


@Sajjadmohammed97

@ شعاع ..

يجب ان تكون مؤمنا ..

مؤمنا بذاتك .. مؤمنا بما تقدم ..
مؤمنا بأدواتك .. مؤمنا بطريقتك ..

لا تهتم .. فقط توكل ..
وأعلم .. انك لست وحدك ..


@Sajjadmohammed97

@ شعاع ..

عليك ان تجيد فن الاحسان ..
فن المساعدة .. فن صناعة الابتسامة ..
عليك ان تجيد صناعة الحلول ..
حتى لو كلفك ذلك .. بعضا من ذاتك ..

@Sajjadmohammed97

"‏أرجو أن يلين لك الوجود، أن تثمر جميع محاولاتك، أن تستطعم حلاوة القدر، أن تتزاحم عليك الأفراح، وتتوالى عليك الضحكات، أن تمشي شامخاً مهما عاثت بك الظروف، أن تصافح بيديك البهجة وتضمها إلى صدرك، أن يسكن الرضا في قلبك، وتمتد في روحك المسرة وتألفها كل العمر."