‏"عانق أمانيكَ مهما ذُقتَ مِن تعب
من ذا الذي نالَ ما يهوى بلا تعب!"

-♥️

ياغيمة عشق 🤍

مولد كربلائي 💙

بالريستات جربوا تسمعون مواليد
وان شاءالله رب العالمين يبارك بـ ايامكم ويعديها على خير وبالمعدلات الي تتمنوها وبيها خير الكم

” قَالَ رَبِّ أَنَّىٰ يَكُونُ لِي غُلَامٌ ... قَالَ كَذَٰلِكَ قَالَ رَبُّكَ هُوَ عَلَيَّ هَيِّنٌ “

” قَالَتۡ أَنَّىٰ يَكُونُ لِي غُلَامٌ ... قَالَ كَذَٰلِكِ قَالَ رَبُّكِ هُوَ عَلَيَّ هَيِّنٌ “

ألا يكفي هذا ليطمئنَّ قلبُك؟!
لا تقل عن حلمك مستحيلاً، فهو على ربِّك هيِّن.

#حيدر

مرحبا طلاب ان شاء الله تكونون بخير♥️♥️ تحملوا طول الرسالة اليوم وكملوها موضوعها مهم ...كثير منكم هالفترة جاي يمر بحالة (واذا الله ما انطاني المعدل الي اريده ؟؟) ..كلنااااااا مرينا بيها هاي ..بس بقت الي دخل للامتحان وهي وياه ، والي كعد وي روحه وتخلص منها ...انا كنت قبل اكول ، ياربي اريد تنطيني حلمي وخلاااص ما اريد شيء غيره .. هنا وانا اكول هجي ابداً ما كنت متطمنة ، كنت احس بالخوف ، ما احس بأمان انه راح ينطيني اياه ... بس قررت اكعد وي روحي واغير الفكرة .. قررت اغيرها الى :- يارب انا راضية بالي انت تكتبه ، بس ياربي اتمنى من قلبي يكون نفسه الاريده ....هنا لما الرب يشوفكم راضين ، يرضيكم ! ... هو يريد يشوف قلبكم مطمئن اله .. ويطمنكم ... يريد قلبكم واثق بي ، فيكون گد ثقتكم وابداً ما يخذلكم ...انا حتى اوخر هالفكرة كعدت وي روحي وكتبت لروحي رسالة ، ناقشت بيها كل شيء ، مخوفني ، وذكرت افكار خايفه منها وحتى اوخرها ثبطتها بفكرة ثانية ، مثلاً الفكرة (بلكي ما طلعت طب ؟ ) المثبط ( انت رائعة بكل مكان ضحى ووين ما تنحطين راح تصيرين مبدعة ) ...مثلاً (بلكي الله ما انطاني حلمي اكيد ماراح اتحمل ) المثبط (الله ما يكلفنا فوق طاقتنا لو انطاج او منعج اثنينهم بوسعج وضمن طاقتك ) ...نجي هسه تكلولي هاي الفكرة تخوف ما تريح ؟؟ ..اكلكم لاء ، انا ماجاي اكول انو الله ماراح ينطيني لو ماراح يحقق حلمي ، بس مجرد فكرة احط كدامها حاجز يكللها يلا بلة فنچ تمرين ! ، يثبطها وبس ...هي ماراح تصير ، مجرد اتخلص منها بفكرة گد مستواها ...نفس من واحد وضيع ومو محترم يجي يتهمك بشيء انت بعيد عنه ، مثلاً يكلك انت حرامي هنا انت ورا ما تقنعه انك مو حرامي وما يقتنع ويظل لازك بفكرته ، راح تكله (اوك انا هجي وانا حرامي شتريد هسة ؟)...كأنو تجاريه حتى يفكك وتخلص منه ، فنفس الشيء الفكرة الوضيعة هاي اجي انطيها مثبط يخلصني منها ، يجاريها ، وبمستواها واكللها (خوش ما اطلع هندسة؟ ) (انا بكل مكان انفع وراح ابدع) ...من كلت للشخص الحجا عليك اوك انا حرامي ..معناها انت حرامي ؟ ، لو بس تريد يسكت ؟ .. نفس الشيء هنا الفكرة هاي بس اريد اخلص منها بمثبط يسكتها وتروح ...فجربوا هذي الطريقة (خنسميها طريقة #التثبيط ...يعني الإيقاف او المنع ...
وهاي رسالة انا كاتبتها لنفسي على هالنمط (الفكرة ، ومثبطها ) وبنفس الوقت العام من كنت بوضعكم...
اليَّ :-
ما أراده اللهُ كان وما لم يرِده لم يكن ! ... انتهى . اتركها تأتي كما أرادها الله فلعلها تأتي كما تمناها قلبك ! فالله ليس بغافلٍ عما يدور بين قضبان صدرك !
الله سوف يضعك في المكان المناسب ، انت مبدعة في كل شيء ويشهد من حولك بذلك ستبدعين في اي مجال  ، كل ماعليك فعله الان هو الدعاء بإن يكون ما زرع الرب حبه في قلبك هو ما كتبه لك ، بذلت قصارى جهدك ، لاتنسي الدموع ، لاتنسي الرغبه بالاستسلام والخضوع ، لا تنسي كيف خرجتي منها وكأنها لم تكن ، لاتنسي حاجتك لاعتزال الكون والبكاء ، ورغم ذلك اكملت بقلبٍ من حديد ، لاتنسي المرات التي اجبرتك صحتك على التوقف ولكنك استمررت في الوقت الذي كان يجب التوقف ، لاتنسي انك بذلت قصارى جهدك ، ولو تكرر كل هذا ما كنت لتعطي افضل مما اعطيتي ، اطمئني ما اراده الله كان وما لم يرده لم يكن ما أراده الله كان وما لم يرده لم يكن ... كوني واثقة بان الله لا يكلف نفسا الا وسعها فإن شاء اعطاك وان شاء منعك وكلاهما في سعتك فاطمئني ... وتذكري ان الله ارحم واحن عليك من امك بك ، هل تظنين انه سيكسر قلبك ؟ سيميت ذلك الحلم بداخلك ؟ بعد ان نماه وسقاه برحمته ؟ حاشاه ...وان فكرت بقوة الظروف فاعلمي ان الله اقوى !  وان فكرت في انه مستحيل تذكري  ان ((كذلك قال ربكِ هو علي هين)) كان هو الجواب من الله  حينما قال مريم وزكريا  (انَّى ؟)معترضين لقوة الظروف  ولا تنسي (( ولسوف يعطيك ربك فترضى))
بعدها سيغدو كل شيء كما تريد سيكون كل شيء سلسا الصبر فقط الصبر !...وتذكري ما اختاره الله خيرٌ وما اراده الله كان ومالم يرده لم يكن واعلمي أنَّ وعد الله حق ! ...انتهى . تفائلي  فالله ربك تفائلي وتذكري ان اياً منها لم يكن صدفة ! بل رسالة الهية من العظيم العلي اليك بالذات !
كتبوا لنفسكم مثلها او كعدوا وناقشوا روحكم بهالموضوع ..
#ضحى

❤️.

ستُفرج !
ولكن ليس بالضّرورة أن يحصل ذلك بالطّريقة الّتي ترسمها الآن أنت ! قد يحدث ما لا تتمنّاه ولا تريده ولا ترضاه ، بل قد يحصل ما تحذره فأنت الآن تكرهه وتخشاه ، لكنّه يُسفر لك بعدها عن بدائل خلفه أولى ومراتب فوقه أسمى ! قد يأتي ما تراه الأدهى فيحملك إلى الحال الأبهى ! قد تضحك أنت غدًا عمّا تبكي عليه هنا !
‏( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ).

ليلة ١٥ شعبان هي الليلة اللي يتقدر بيها كلشي مكتوبلك بهاي السنة من خير وشر ونجاح وزواج ومعدل وكل مقدراتك هذه الليلة تنكتب بالقلم الرصاص حتى بليلة القدر بعد تنختم ويجري عليها القلم

اطلبوا اشياء ثمينة
اطلبوا الله يرزقكم الحج وزيارة مشاهد المعصومين لاسيما الامام الرضا والبقيع والسيدة زينب

اسألوا الله ان تنالون توفيق ختم الكافي ومستدرك وسائل الشيعة وكل مصادرنا المعتبرة

خلي مطالبكم ثمينة تشمل الآخرة موبس الدنيا.❤️

#مهمة

▪️ فترة ضعف ... تعدي ❤️

#ســـالـــم_ال_مــنـــصـــور

خليك فخور بنفسك ، فخور انك لسه مكمل بهذا السعي
فخور انك راجع تحاول گدام الكتاب اللي چنت تبچي گباله
فخور انك حافظت على گلبك واخذته بعيد عن الشخص اللي البارحة چنت تگول حموت اذا هو ابتعد عني
فخور انك بعدك هنا وتحاول بعد كل ليلة تمنيت بيها تختفي ومايكون الك وجود.

كلشي يگلك أبدي،
حتّىٰ لو حسيت نفسك بعدك ما مستعد،
وحسيت الخوف مسيطر ومالي أفكارك،
أبدي إذا تريد تتغير وتحسن من نفسك،
أبدي إذا تريد تخلي نفسك بزاوية آمنة،
إذا مقرر فَ فرصتك صارت جاهزة بس أبدي وأخطي هالخطوة الّي مستصعبها والّي تأجل بيها والّي ياما حاولت وياها وفشلت بيها،
أرجع أبدي
هوَّ شنو عمرنا من يكون بلا محاولة؟
علمود سعيك ينشاف وگلبك يرتاح وتقر عيونك .. يحتاج تقدم وتتعب أكثر،
ما دام أدركت هاليوم ورب العالمين ما مكلفك أكثر من سعتك معناها بعد أكو مجال إنو تتحمل وتواجه وتغير
بس توكّل علىٰ الله وأبدي وإحنا كلنا وياك ما راح تكون بدرب السعي وتهذيب النفس وحدك، إمام زمانه يريدنا كلنا. 💚

وَقَالُوا لَا تَخَفْ وَلَا تَحْزَنْ 🤍.

‏﷽

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ
يَا أَيُّهَا الَّذِينَ آمَنُوا صَلُّوا عَلَيْهِ
وَسَلِّمُوا تَسْلِيمًا ۝
ﷺ


جمعه مباركه 💜