لطلاب الدور الثاني ( المترددين الخايفين ) ..💛🧡
@Sunshinegril_bot
#ضحى

الي دور ثاني او قرر يعيد خلي يسمعه ..#ضحى

للطلاب الجدد
السادس صعب ؟!
@Duhaha_bot
#ضحى

الخوف وشلون نتعامل وياه
@Duhaha_bot
#ضحى

للطلاب الجدد
@Duhasomeone_bot
#ضحى

إذا وصلت إلى هدفك.. لا تنسى أن تهدي التائهين من بعدك، لا للطريق بل للاكتشاف. لا تمنحهم آثار أَقدامك، بل أسرار إِقدامك، واجعلهم يصنعنون رحلتهم الخاصة.

‏كل ما تلاقي حالك مُحبط اتذكر إنك مُش في سباق مع أحد ولا مضطر إنك تثبت حاجة لأي شخص، وإن كل حاجة تجي في وقتها، وإن الدنيا دار بلاء وابتلاء، دار اختبار، وأنه رزقك ماراح يروح لغيرك، وكلنا فترات في حياة بعض وبنفترق مهما كانت الوعود وقوة العلاقة

لست في سباق مع أحد، فقط
افعل ما تستطيع، ولا تلتفت.

باعوا طلاب من تدرسون لاتحسون انو اكو ثقل على اكتافكم ولاتنظرون للدرس كأنه فد شي مزعج  وبس تريدون تخلصون منه لا  كولوا اني داقرا حتى اطور من نفسي حتى ازيد ثقافتي ومعلوماتي حتى اوصل لمستوى يليق بي
حبوا نفسكم من انتو دتقرون حسوا بروحكم انو انتو متميزين انو انتو ناس مثقفين انو دتسوون شي عظيم وانو انتو مهمين بالمجتمع😍😍
حاولوا تستمعون بالقراية هسه اني معلكة صبورة بالغرفة والبس مناظر واتصور انو اكو طلاب جايه اشرحلهم واشرح لروحي وافتهم بسررررعة الدرسس اتبعوا هاي الطريقة كلششش تفيد 🤓
ومن جملة مااعرفها الحنها واسويها اغنية😑 فما انساها
و هم الون من اقرا الالوان تفيد تنخزن المعلومات بالذاكرة😍
واخلي ملصقات اكتب عليهم الشغلات المهمة حتى لاانساها واكتبهم بطريقة مامفهومة مثل لغز محد يعرفه غيري
اخذ اول حرف من كل كلمة واسويها كلمة تضحك غالبا
وهم من اشرح لنفسي اتخيل الشي وارسمه رسم من يمي او اسويها فد قصة بخيالي بصورة سهلة.. يعني اتسسسسلوا بالدرس💃💃وادرسوا بحب🙊
ولاتخلون ساعة كدامكم وكل شوية تباعون عليها وتتوترون  خلولكم وقت مفتوح حتى تدرسون براحتكم
واذا ضيعتو وقت عاادي لاتنهارون وتأيسون كولوا احنا حنصنع الوقت 💪
وهم اتحدوا نفسكم من تقرون كولوا حاخذ باجر درجة كاملة وغصبا عن الكل اني شكم مرة سويت هيج واخذت 100👊👊

ولاتفكرون بالجهد الي دتبذلونو حتى لاتتعبون من قبل لاتبدون
وكولوا حتى لو تعبنا عاددددي قابل دنموت محد مات من التعب ومن الدرس 🤷‍ 🤷‍♀
ومن تجون تقرون لاتخلولكم هدف كبير مثلا تكولون حخلص هالفصل كله وتعدون الصفحات تشوفوها هواي وتنسطلون لا خلولكم اهداف صغيرة تؤدي الى هدف كبير 🙃
مثلا كولوا اني هدفي اخلص هاي الورقة بس من تخلصها خلي صحين عليها حتحس انو انجزت شي وتتحفز تكمل😍
وهم اعتمدوا نظام المكافأت هسه اني محددة كلما اخلص 20صفحة اكافئ روحي اكل جبس او نستلة او اسمع اغنية تعجبني فافرح كلش واحس داحقق شي واسمن هم🌚
وخلولكم صور بالغرفة كلما تشوفوها تحفزكم دائما خلوا هدفكم كدام عينكم حتى لاتتوهون عنه وخلوا خلفية جهازكم صورة تشجعكم اني حتى المنبه مخلية بي اغنية حلمنا واقف مستنينا وكاتبة عالمنبه استيقظي ايتها الدكتورة🌚
وكلما يروح واهسكم فكروا باهلكم  شكد ديفرحون اذا اخذتم درجات عالية وامتياز 😍وفكروا بنفسكم شكد حتفرحون اذا جتكم الدرجة الي ببالكم😍اتخيلوها بحذافيرها تجذبوها😍

طبعا اني جنت بس افكر بالدراسة راسي يوجعني رأسا
.. ف هسه من اقرا  افكر انو  عندي  فد مشروع 🔨وحخلصو فاتونس بالشغل عبالك داحضر لفد شي ممتع 🤭
واكو شغلة مهمة ..لاتساوون نفسكم بمستوى الكتاب..اتخيلوا انو هو مجرد اوراق مكتوب بيها كلمات وانو مستوى عقلكم اكبر بكثييييير منه تدرون انتو عدكم 150مليار خلية عقلية وبداخل كل خلية منها اكو مليون وحدة اصغر منها اسمها سنابزس وبداخل كل سنابزس اكو مليون خلية اصغر
فشنو هالكتاب بالنسبة لمستوى عقلك وذكائك!!!!!!
لك انت عندك قدرات خارقة حرامات تضيعها والله حرامات  اكووو وووحششششش بداخلك وانت تكدر تحقق كلشي تريده لان الي حققوه مو احسن منك بس مكتفي بهذا المستوى المتوسط..خلي ببالك دائما العظمة تجلب العظمة..

#نصيحه من نور الشمري 👆

"وأنت تفكر بأسوأ إحتمال ممكن يصير تذكر إحتمالات ربنا الّي مالها نهاية، وأنت تثگل علىٰ نفسك بمخاوف من مخيلتك تذكر إن الواقع مو وحدك بي والله موجود وياك.

ولمن ترسم خطّة صغيرة وكلها صعوبة لنفسك، تذكر إنه هوَ هم راسملك خطّة الخير والتساهيل بيها اكثر من ما أنت متوقع"

تصبحون على حب وسعادة وأمل ونشاط وراحة بال وهدية من الله❤️
#شمس

اتوكلوا على الله ولا تخافون من شي كلشي بإيد الرحمن
يارب يسهللكم كل صعب اقروا زين كلش زين حلو وزاريات اهم شي ... وطبعا أحبكم ❤️
#شمس
@shms98_bot

قاتلوا بكل ساعة واستغلوا كل دقيقة
ماكو شي مستحيل أمام قدرات أعظم شي خلقة الله بس اهم شي ماكو خوف وأكو ثقة بالرحمن❤️
#شمس

يُمكنك تَعذيب نَفسك بالقلق أو حرر نَفسك
بالتوكل على الله.
-

الله يلطف بحال گلبك الّي محد يعرف شبيه وبشنو يمر غير خالقه، يا ربّ يربط علىٰ گلبك بالصّبر وأنت تعيش كلّ هالتساؤلات والحزن مالي عيونك، يا ربّ يرزقك حسن الظنّ بيه لحكمته وتدبيره ويوهبك اليقين الّي يرجعك تگوم من جديد وتلملم روحك، أملي برحمته چبير إنو ينطيك القوّة حتّىٰ ترجع تبني الّي نهدم من بنيانك وتوگف من جديد.

تصبحون على خير وطمأنينة وهدية من الله ❤️

#شمس @shms98_bot