هلاوو دكتوره طبعا اني من متابعاتج ع اليوتيوب اني حاليا طالبه سادس احيائي حبيت احجي وياج هنا
تعرفين بعد طالبه سادس اجت تتحوب الج😂💔
حرفيا دا ابجي واكتب بالرساله جنتي نوبه كأبه حاليا بس زين يعني نوبات الكآبه مالتي ساعه وتروح ما طول يوم ويومين ههههه بس حرفيا مدري احس بشعور مو حلوو ساعات اكعد اقره وساعه ابجي اكيد تعرفين الوضع الي اني بي لانو انتي هم ماره بهاي المرحله راح اعتبرج صديقتي واحجي لانو تعرفين بالسادس ماكو اصدقاء عدهم وكت للحجي ههه وهم عادي تقرين الرساله هذي او لا كل واحد عنده اشغال ههههه
معرف حته مين ابدي واحجي بس كل الموضوع انو اني لسه عندي نقوصات وبعدني ما بديت مراجعه كلت ورا ما اخلص النقوصات ابدي وهاي الفتره دا اقره واخلص بالنقوصات
بس تعبانه مو لانو اقره بس نفسيا لانو السادس تعرفين هوا تعب نفسي اكثر مما جسدي
مشكلتي الثانيه عندي عداوه ويه الفيزياء 💔😂ما احبهه جافه وتاخذ وقت يله تنحفظ مدري احسهه هيج لانو عندي نقوصات بيهه المهم فما اعرف شلون اوثق علاقتي بيهه ههههه
الانجليزي لانو جنت اسمع انو اسهل ماده ومدري ايش ما اهتميتله مثل باقي المواد وحاليا ماكله عسل بي هههه لانو لسه ما عندي مدرس محددته وادرس عليي ولا ملزمه يعني جنت اقره بس قواعد ع مدرس والباقي اني اقرا وجبت 90 بالنصف الاول بس بنصف السنه ملحكت اكمل ماده فجبت درجه ناصيه المهم يعني ورا نصف السنه بعد ما قريته جنت ملتهيه بغيره وهذا غلط وهم لانو ما محدده مدرس اقره عليي فهذا الشي خلاني ما اقرا
والرياضيات حاليا الفصل الثالث قاريه بس موضوع منه وباقي الافصل ما عندي بيهن نقوص الحمد لله
اما بالنسبه لبيقيه المواد لا زينه الحمد لله يعني نقوصات بسيطه ودا احاول اكملهم
مشكلتي الاكبر انو اريد معدل 99 بس المشكله مو بالمعدل المشكله بالخوف الي صار عندي جنت قبل نصف السنه ما خايفه من السادس اما ورا نصف السنه صرت اخاف🤦‍♀ وتدرين بدماغنه يجيب و يودي وما بين تفكير وتفكير
عندي هم مشكله بعد انو ما عندي احد يوجهني واني اخاف اتخذ قرارات ويطلع غلط يعني ساعات اثق بنفسي وساعات لا
وبس خلصت حجي ولو طولت وهوا بعد اكو كلام بس هذي الزبده😂
كل التوفيق الج دكتوره 💗💗
وان شاء الله اتخرج من السادس واطلع معدل واحقق الي اريده وهم يكولولي دكتوره هههه
متابعتج فاطمه الزهراء 💜

شوفوا أني هم يوم من الأيام جنت سادس وهم حالي حالكم أبجي واقره وأتعب وكلشي بس حاولت بكل ما أكدر انو استمر
تعرفون أهم شي هوا انو نستمر أهم شي نكمل وما نوكف
كلهه تبدي بدايات قويه بس منو يكدر يضل للنهايه
هاي الرساله ضليت محتفظه بيهه هاي بنيه دكتوره عدهه قناه وجنت متابعتهه وبوقت جنت محتاجه افضفض ورحت وكتبت هاي الرساله هيه ما ردت بس عادي اكيد جانت مشغوله المهم جنت مؤمنه بنفسي
ركزوا بأخر سطر كليتلهه اطلع من السادس وهم يكولولي دكتوره
وهسه الحمد لله صار إلي أريده
بس لا عبالكم إجت بالسهل إجت بتعب وبجي ودماار وإنكسارات وخيبات وألم ومعاناه دامت سنه و 4 اشهر
جنت اوكع وأرجع أوكف جنت أدمر وأرجع أبني نفسي جنت أحاول أضل قويه بأوقات ما بيهه ذره طاقه
كلنه مرينه بهاي الأوقات الصعبه
لا تفكرون إنوا بس انتوا دا تتعبون أو بس انتوا عدكم ظروف
اني مريت بظروف هواي صعبه من اكتب الكم قصتي راح احجيلكم بالتفاصيل
كل الي اريده منكم ابطالي انوا تستمرون
بعد اكو وقت صدكوني بعد هواي حته وإن لسه ما بديتوا اكو وقت بلكي هاي الرساله تعطيكم أمل
توكلوا على الله ما راح تخسرون صدكوني
انتم ابطال... ❤️❤️❤️
@fatoma099_bot

من شفت الجدول انقبض گلبي😔
حتى من مره صديقتي دزت امساكية رمضان بالكروب بس شفتها اختلست عبالي جدول السادس هههه وعبالك امتحاناتي
اسأل الله انو يعينكم
نصحيتي الكم حتى وانتو تبچون اقروا ..

احبكم للابد
#شمس

4:44
ربي يجبر خاطركم ويفرحكم بحق أذان الفجر ان شاءلله السنة الجايه انتوا بكُليات احلامكم وبالكليات الي رب العالمين كاتبلكم بيها كُل الخير يارب 💙

{أَيَحْسَبُ الْإِنسَانُ أَن يُتْرَكَ سُدًى}.🤍

لا تغلط غلطتي part 1

1- من تقرون الماده مو اهم شي تحفظون الاهم انو تفهمون يعني مو المهم تخلصون بسرعه الي قريتوا اهم شي انو تضبطون الماده
2- من تقرون لا تركزون على الاجوبه فقط بل ركزوا بالاسئله هم
مثل انو دا تقرون ادب او كلاميات فيزياء او غيرهه لا تقرون السؤال بس مرا والجواب تقروا اكثر وتحفظوا هيج بالامتحان راح تشوف السؤال وراح تكول اني هذا قاري بس يا جواب اله وراح يروح عليكم
3- لا تحملون نفسكم اكثر من طاقتهه ولا تستهينون هم
يعني من تريدون تقرون او تراجعون لا تكولون اني اقره 4 افصل باليوم او 16 ساعه او تكولون اقره فصل واحد حته اذا جان الفصل قصير لأنو اريد اضبط
سوي توازن بالماده وبالوقت
4- لا تهتمون لعدد الساعات بكد اهتمامكم بكميه الماده
يعني المهم هوا شكد خلصتوا ماده مو بعدد الساعات الي قريتوا بيهه بهذا اليوم
مثلا قريت اليوم 12 ساعه وخلصت بيهه موضوع قواعد
ممكن تصير قريت اليوم موضوعين قواعد وما طولت اكثر من 10 ساعات
5- لا تكولون اني اكره ماده معينه او صعبه
هذا الشي كلش كلش راح يأثر عليكم عن تجربه احجيلكم جانت اكو ماده اسمي اكول صعبه اكرهه مدري ايش الى ان صارت معضله عندي وصرت ما اطيقهه ولا اريد ادرسه حرفيا من جنت اقراهه احس غصبا عني
استبدلوا هذا الشي وكولوا هاي الماده سهله او هاي الماده احبهه او راح اصيطر عليهه

@fatoma099_bot

عاشت ايدج 💙

عمري 💗💗

@PH19noora_bot
#نوره

لو حابين نحجي عن شوكت تبلشون مراجعه.؟
أو كلام عن النقوصات وشنو اهميه انه اتخلص منها قبل المراجعه
او اي فكره ثانيه
او الكلام السلبي وغيره.

النـقوصـات
وشنو الطريقه الي اتبعهـا
#نوره
@PH19noora_bot

فتره المراجعه
1

فتره المراجعه2