هذا مِنْ فَضْلِ رَبِّي لِيَبْلُوَنِي أَ أَشْكُرُ أَمْ أَكْفُرُ وَ مَنْ شَكَرَ فَإِنَّما يَشْكُرُ لِنَفْسِهِ وَ مَنْ كَفَرَ فَإِنَّ رَبِّي غَنِيٌّ كَرِيمٌ

#قصائد_استشهاد_العباس_ع ⬇️⬇️
جميعها هنا
https://www.tg-me.com/yy555h

#نسالكم_الدعاء

قصيدة علي الاكبر ع

طلع يوسف كربله ـ امن الخيم للحومه
كلّه غِيره ومرجله ـ وحان بالطّف يومه
°°°°°°°°°°°°°°°°°°°°°°°°

هاشمي وعالحق ثباته وسيفه يعدل لو شطر
كربله شــاهد عَيـَــانه ترك بيها اروع صـــور
تحت امره الموت صـــار وكلمن ايشوفه انبهر
ضاگت الوسعه عليهم مايصــــح درب المفر

صوته شِبه الزلزله  ـ  وياحـــــلاة اعلومه
كله غيره ومرجله  ـ  وحان بالطف يومه
°°°°°°°°°°°°°°°°°°°°

ســـــيفه ابابيل وعليهم چنه سجيل ونزل
دخنت ســوح المنايه لعلي الاكبر من حمل
ذكّر اشــــــباه الرجال بعلي ومعركة الجمل
كل مخطط فشل عــدهم لمن اعليهم زعل

مـــات كلمن قاتَـلَه  ـ  وذل يزيــــد وگومه
كله غيـره ومرجله  ـ  وحان بالطف يومه
°°°°°°°°°°°°°°°°°°°°

غُبْره صارت بالمعاره حين هب چن عاصفه
ونجَلَت لنّه ايتبــــــــــختر والرجال امچتفه
من هتف هل من مبـــارز بكر عن عينه اختفه
خاف من شاهد جثثهم حدر جدمه امخالفه

الگابله اليوم ابتله  ـ  روحــه تبقه تلومه
كله غيره ومرجله  ـ  وحان بالطف يومه
°°°°°°°°°°°°°°°°°°°°
سطّر اعجوبه بمشيته وجْهه شمس الله وضوت
زمهرت عينه عليهم حـــــــدره گاع الله انطـوت
والجيــــوش الگابلها اندهشـــت وعــنه انزوت
روج يردم روج دمــــهم كربـله بيـــــــه ارتوت

بيرغه ابچـفه عِلَه  ـ  ومايهاب اخصومه
كله غيره ومرجله  ـ  وحان بالطف يومه
°°°°°°°°°°°°°°°°°°°°°

ابد ميهاب المنايه ويطــــــبگ العشره سوه
اضطراب وقلق مرهم ضــجه صارت نينوه
علي براسه اومن يقاتل يفني ابن غانم نوه
ونطلق مثل الشراره السلِم من سيفه انجوه

نينوى صـارت اله  ـ  والحـرب محسومه
كله غيره ومرجله  ـ  وحان بالطف يومه
°°°°°°°°°°°°°°°°°°

✍الخادم
كامل السعيدي

بصوت ملا حسين قاسم الشاوي

اللهم صل على محمد وال محمد


بسم الله الرحمن الرحيم

‏﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ‏﴾✨


- [ الأحزاب : 56 ]



٠

شوط كربلائي/بحر طويل
لأستشهاد الإمام علي السجاد عليه السلام...

زين  العابدين  اليوم   / بالسم  أنمرد  چبده
حليف الركعه والسجده/هالليلة أنحفر لحده
★★★★★★★★★★★★★★★★
نعه ناعي المصيبه وصاح/مابين المدينة بهم
گضه  زين العباد  اليوم/ ياشيعه أنغدر بالسم
وينه اليحضر  أيشيعه /وينه   الدفنه يتحزم
چن أسمع تگول الناس
العليل  أبآخر  الأنفاس
ينادي حسين  ياعباس
حتى أبآخر اللحظات/مات ودمعته بخده
★★★★
بهيده للبدر شيلوا/وبراحه الجسم غسلوا
تراهُ أتألمه أعضامه/وسعوا   للحد وسعوا
لسه  السلسله  لسه /أثرها  برگبته  تدروا
محزوزه چفوف أيديه
ومتنه ورگبته ورجليه
سلم   يالموالي   إعليه
يم جده النبي المختار/خل أنشيعه ونوسده
★★★★
عمره سبعه وي  خمسين/گضا  بس  ونين أونوح
صورة     كربله   بعينه  /  أبد   ماتنسي    وتروح
ينسه شلون أبوه حسين/شافه أعله الثره مذبوح
ماينسه  هذاك  اليوم
مشهد  كربله مرسوم
حتى بيقضته والنوم
راس حسين من الشام/هوه وعمته رده
★★★★
مصيبة  كربله  صعبة/ بكل أمصيبة  ماتنقاس
چانت مونيته وحلمه/يموت أبهل شهر ياناس
حتى   بموتته  يواسي/حسين  وعمه  العباس
أسود كل  حياته  الثوب
حزنه چن حزن  يعگوب
صبره   چن  صبر  أيوب
لمصابه بچه العالم/وشيعته أو ولد ولده
★★★★
الله   يساعد   السجاد /  ماشاف  الفرح  مره
ياشعية  آما   تدرون / عالخد دمعِته    حمره
ضعف جسمه وذبل عوده/چنه فاطمه الزهره
والماي الذي إيشربه
ينعصر   عليه   گلبه
عينه   الكربله  تربه
آه يحسين ومصابه/رتلها وگرب وعده
★★★★
سؤال المالگيت جواب/عليه وفكري ظل محتار
كل هاي  العداوه  ليش/ لآل  المصطفى  الأطهار
بالسم لو طعن  بالسيف/گضوا آل النبي المختار
ماواحد   سلم   منهم
بس واحد بقه عدهم
باچر   يجي   قائمهم
ويآخذ ثار أبوه حسين/وأمه أو والده وجده
★★★★★★★★★★★★★★★★
الشاعر (أسعد قاسم الكريعاوي)
#نسالكم_الدعاء #نسالكم_الدعاء

يلله يا مهــــدينه. عجل بصولاتك
يلله يا مهــــدينه. ننــــتظر ثاراتك
يلا جاوين. ثار الحسين
……....
يلا يالغايب تعال وشوف هاي احبــــــابك
كلها منتظره يمهدي اصيح طال اغــيابك
يا عطر يوسف تعال انريد عــــطر اثيابك
نذر يالغــالي نذرنه ارواح لجل اترابـــــك
يلله يا مــــــــهدينه. يمته تشــهر رايه
يلله يا مــــــــهدينه. الك ثار بهايــــــه
صارت ســــــــنين. ثار الحــــــــسين
……….
يمته يالغايب نشوفك تدري فاض احساسي
مو دعاء ندبه قريــــــته الك يا اعز ناســــي
اسمك ويه الدمه يجري وحتى وي انفــاسي
العراق اجروح ينزف وانه شــــــــيب راسي
يلله يا مــــــــهدينه. خل نحس بوجودك
يلله يا مهــــــهدينه. قسم كنه اجنــــودك
عهد منطــــــين. ثار الحــــــــسين
……………
اظــــهر وشاهد مجــــــازر ســــــيدي خلــونه
رخــــصو دمنه النواصب كامو يفجـــــــرونه
لَـگِنْ انتــه انفاس عايش بينه ميغــــــــيرونه
بنتــظارك يابو صــــالح حــتئ لْـۆ لامونــــــه
يلله يا مــــــــهدينه. اخذ منهــــم حيفك
يلله يا مــــــــهدينه. يمته تشــهر سيفك
الك جفيــــــــــن. ثار الحســــــــــــين
…………
يمته يا مهدي تجينه وتنظر النه بعيــــــنك
هواي ثاراتك يمهدي وبالاخــص لحــسينك
الباب يحجــيلك مواقف خل تقلعه ايمينك
ثار للكسرو ضلعها ليــش غايــــب وينــــــك
يلله يا مــــــــهدينه. الك. ثار ايــــــــنادي
يلله يا مــــــــهدينه. بينه تدري اســــادي
نبدي منــــــــين. ثار الحــــســــين
……………
خاف يا مهدي تــــطول وانه امــوتن باجر
كحل اعيوني بظــــهورك يابعد هل ناضــر
طالت الغيبه يغايب وانه جرحــــــي يكابر
انتظر يا مهدي يومك. راح اضــل امناطر
يلله يا مــــــهدينه. كوم. واظهر كافــــي
يلله يا مــــــهدينه. كلمه. فوك اشفافــي
كحل العــــــــــين. ثار الحســــــــــين
………… .
المقصر ناجي ابو كيان الصالحي "
ونسٱلكم الدعاء لي ولوالدي