قال الإمام الباقر "عليه السلام": مُروا شيعتنا بزيارة الحسين بن علي "عليهما السلام" فإن زيارته تدفع الهدم والغرق والحرق وأكل السبع , وزيارته مفترضة على مَن أقرّ للحسين بالإمامة من الله عزّ وجلّ .

#وفاء_للحسين

نزله 7محرم الحرام 
(شردت أشباه الزلم) جديد 1447


شردت أشباه الـزلـم 
طبها عبـاس الشهـم
حي الله عباس. حي الله عباس 
ــــــــــــــــــــــــــــــــــــــــــــــــــــ
طبها عباس الغضنفر والزلم كامت تميل 
شردت الخيل بزلمها وعتلى صوت الصهيل 
كلها تصـرخ بالمعاره يادخيلك يادخيل
يبس أكلوب الكتايب والدمه نهر ويسل 

يبس أكلوب  وجـدم 
طبـها عبـاس الشـهم
حي الله عباس  حي الله عباس 
ـــــــــــــــــــــــــــــــــــــــــــــــــــــ
طبها عباس المعاره والوضُع كله أختلف 
طشر الجيش ونظامه ياعلي صاح وهتف
يسحك بخشم اليلزمه وقائد القائد جتف 
ولزلم شردت يويلي وصلت أطراف النجف  

يسحك وداس الخشم 
طبــها عـبـاس الشــهم
حي الله عباس  حي الله عباس 
ـــــــــــــــــــــــــــــــــــــــــــــــــــــ
اليمنه ع اليسره يطبكهاضلمه ونزاح الـضوه
ويقسم برب الجلاله إليوم افحط نينوه
ضجت الحومه بترابه كاها وتريده الهوه
ماكو بيرغ بالمعاره بس كمر شايل لوه 

واقـع أنه ومــو حلم 
طبـها عبـاس الشـهم
حي الله عباس.   حي الله عباس
ــــــــــــــــــــــــــــــــــــــــــــــــــــ
واقع بزود المنايه اليوم أسوي الواقعه 
خيبر وصفين أعيدن رايه أدك ع المشرعه
كربله وكل الكتايب بيها أسوي الفاجـعة 
وأخذ الماي على كيفي والجثث متوزعه 

سـيفي يثـلمهم ثـلم 
طبـها عبـاس الشـهم
حي الله عباس  حي الله عباس
ـــــــــــــــــــــــــــــــــــــــــــــــــــــ
كلها نادت بالمعاره الحظه بس خل نستراح 
أرحـم أدخيلك يكافل والنهر الجـلك مبـاح
أغرف الماي ع كيفك غصب عنه وموسماح 
أملي جودك من عذبنه ولشمر وبصوته صاح 

عنده مرفوض السلم 
طبـها عبـاس الشـهم. 
حي الله عباس  حي الله عباس 
ـــــــــــــــــــــــــــــــــــــــــــــــــــــ
مايهم بيها الاعادي بالجمع وشما كثر 
طبها يمنه وطبها يسره من الكمرأين المفر 
موت الأحمـر انــه نــاده إله أراويـكم سقر  
والنهر يركض ينادي عطوه أريد من الكمر 

والجرف خاف ويهم 
طبـها عبـاس الشـهم 
حي الله عباس  حي الله عباس 
ـــــــــــــــــــــــــــــــــــــــــ
كلمات الشاعر الحسيني 
مرتضى مكطوف الموالي 

نعي للخوان   عن لسان حال زينب ع


.............
عزيز  الاخو  وبفركته  شلون
غالي وشلع وحده من العيون
غابت شوفته  وبالحد مدفون

............
اعزاز   الفكدنه وحيل غالين
وياهم   ربينه سنين وسنين
وين  انشوفهم صارو بعيدين
...........
يطول الوكت ونحن عليهم
لاهم  يجونه    ولا  نجيهم
وتمر ابالنه  لذت   حجيهم
...........
بعدنه  بشوك شوفتهم بعدنه
شالو  من  وكت ياحيف عنه
من  كعداتهم  لا   ماشبعنه
............
مستعجل الموت  وخذاهم
وضل البزر يبجي  وراهم
وسفه  عله موت الضيعاهم
............
وجه  النحبهم   صبح غايب 
عن عيني شدفنتي  يالترايب 
سوالف دافيه وكعدت حبايب
.............



مو مالت تراب حلاتهم
راحوا وضلن ينوحن بناتهم
يمجن ويعلن الونه خواتهم
وين اهل المحنه راحوا بعيد


يمحلى الاخت بين الاخوان
في عليها شحلاته في الاحنان
على كيفكم من تدفنون الوليان
وياهم يدفنوني ياريت



هلي كلهم نومه على التراب
شيردهم الي من الغياب
يمحلى لمت وضحكت الاحباب
تخلي وسط الروح نار لهابه




توصي الامام شدكله
يعمه على كيفكم لا تلجمهم
الخيل ما خلت كتر سالم بيهم
عمه فدوه اخذني وياكم ليهم
خل اموت بين الاخوان



ابوي حسين موذر لكيته
سولفت وياه وعاتبيته
كتله صار بحال اخيته
ونهظم من سمع سبيه

نعي ,,لسان حال الزهراء,, ع
على إبني حسين أريدن ناعي ينعه
أريده إيهيّـــج أحزانــي إمنسمعـــه
يفـت كَــلبي إبونينـه وأهـل دمعـــه
ويذكّــرنـي بمصــاب الغاضريّــــــه
أريدن ناعــي كــون إينـوح ويّـــاي
على حسين الذبيح الما شرب مـاي
لأن مكسور ضلعي ونوحي بهــداي
أعله صدري شلون أدك ولطم بديّه
يناعي إحنه إبمصاب وهذا عاشور
وأحير شلون ألطـــم ضلعي مكسور
وأظن راعي المصاب إبهاي معذور
بعد شنهـــي العــذر وانــه برزيّـــه
أريـــدن ناعـــي ينعـــه إبـآه واويــل
على المهشوم صدره ورضّته الخيل
يصيح بصوت عالي ولو لطم حيـــل
مثــل لطــم العقــــيلــه الهاشميّـــــه
أريــدن ناعــي من إيصيح يحسيـن
إمنسمعه يزيد حزني وتدمع العيــن
وكون أحضر المجلس وين ما وين
وأسجله إبسجل خـــدّام الزجيّـــــــه
أريد أوياي بالمجلس تحضـــــــرون
ومثل ما أبجي أنتم كون تبجــــــون
عميت إمن البجي وما ظلـّن عيــون
مثـــل مــا عمــت أختــه الهاشميّــه
يناعــي ولــو ردت تذكــر العبّـــاس
كون المجلس إيغص ناس بالنــاس
اللّطم موعالصدور إيصير عالراس
لأن يستاهــل المــا عـــاف أخيّـــــه
يناعــي ولـــو ردت تذكــر الشبّـــان
أقــرا شلــون طاحــو على التربــان
هاذا إنحـز وريده وذاك عطشــــــان
وهـذاك إموذّر وظـــــل عالوطيـّــــه
إرسال

بوذیه  السان حال  مولاتنا زینب(ع)


اضلوعی بیوم هل الشهر          خوان

لن بی راح دهری یکون           خوان

یاخذ منی باچر  خمس          خوان

بلايه أخوان تصفه ألهاشمية


✍کلمات انتظار الریاحي

قصائد زنجيل حماسية

كوم يا عباس واسكي سكينة
وين عهدك يا أبو فاضل وينة

.......................................

كوم يا عباس أحس شح الهوه
انت ياعباس شيّال اللوه
صاگر العدوان فارس نينوى
كوم يا راعي الشيم واحمينة
.........................................

كوم يا عباس يا راعي الشيم
گدها ياعباس گالتله ونِعِم
بيدك البتار يحله والعَلَم
وفي عهدك يا اخو زينب لينة
.........................................

كوم يا عباس رد الكربلة
يصيح ابو السجاد ياميّة هله
خويه ياعباس اروي العايله
كوم يا عباس وارجع بينة
...........................................

كام أبو فاضل تعنة للنهر
راح جاب الماي عباس الكمر
ما يعوف اختة ابن فارس مظر
بيدة ماي ورايتة بيمينة
.............................................

تدري من طاح الكمر علمشرعه
ظلت الحره تنوح املوعه
مشت للعباس شافت مصرعه
وكامت اتجر السهم من عينه
.................................................

والنعم عباس كافل محملي
گدها ياعباس صاحت بت علي
والنعم وفّيت بعهودك الي
انت خيمتنة وطحت يالخيمة

تمت بقلم خادم الحسين ع "عقيل حسين الطائي " نسألكم الدعاء

خلي عدوانك تموت بنارها
حظرتك ما تنكطع زوارها

خلي عدوانك تموت من القهر
والله منعوفك يبن فارس مظر
زيارتك كل عام نحييهة بصفر
يا حسين زيارتك عدناها

--‐---------------------------------------
يا حسين بكلمة إلك لبينة
يا حسين وهالعهد منطينة
ما نعوف زيارتك تدرينة
والمواكب لجلك ابنيناها

-----------------------------------------
عهدي أنة وياج يا زهرة البتول
حب ابو السجاد وي عمري شيطول
نواسي الكرار ونواسي الرسول
وأمك الزهراء واسيناها

--------------------------------------
نضرب الزنجيل وندك عالصدر
ونلعن إبن زياد ونسب الشمر
ما يهمنة الموت بسيوف الكفر
هاي صرخة ويامة رددناها

------------------------------------
عهد خطيناه من دم الوريد
حسين يسري بدمنة غيره ما نريد
خل يفجر بينه التابع يزيد
نروي للعالم الم معناها

-------------------------------------
قسم بالله ما ننسة الكمر
حارب السبعين عالماي وعبر
من بقة عطشان وبنص النهر
خوة العباس أدرسناها

-----------------------------------------
يامن احييت الاسلام ابوگفتك
ابكربله وضحّيت أهلك واخوتك
نشكر الله اللي جعلنه شيعتك
العادتك يحسين عاديناها

............................................
على امصابك كل سنه نعلن حداد
ياولينه ونلبس اوشاح السواد
نحيي ذكرى امصيبتك في كل بلاد
والنياحة اعليك عاشرناها

.............................................
عالعهد يحسين نبقه اعله العهد
انشيد اعليك المئاتم للأبد
نحظر الهه بالرخاء وبالشدد
اشما يكون الخطر نتعناها
..............................................
تمت بقلم خادم الحسين (ع) "عقيل حسين الطائي" نسألكم الدعاء
الناشر ابو يعقوب السوداني