#مجالس_محرم_الحرام
يامولاي القاسم

🔹🔸

من اعيونه ومبسمه الله خلق هالسمه
الكمر لو شافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
القاسم والجمال امن الحسن كله
ابمشيته وبالكرم وبشكله وبفعله
اللغـاز ابجماله وصعـــبه تتفســـر
الــعمه مثل ابو فاضل صعب حله

اجه الطف واجـــه بلامـه ودرع من الحسن كامل
طلع مثل الشمس يضوي بشروقه جنه ابو فاضل

ياجماله البلضمه خضار وحل موسمه
النهر وضفافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
روحـــه امن الورد لا بل ورد جنه
واكبر من وصف شاعر يصف حسنه
تشوفه المجتبى ومره تشوفه الماي
وجه من الكمـــر بل الكمـــر منه

ابن اكرم بشر والله خلق من طينته القاسم
نهر من الوفه العمه جــره بغيرة بني هاشم

خاتم مبهم طلسمه بروحه لوحه مرسمه
الشافه ماعافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
وصيه على الزند معكــوده من غيره
اذا يبقى الحُسين الوحـــده وبحيره
قبل لاتنفتح طك عرجـه سل السيف
الوفيـــه ذاتـــه مـن كيفه يهل خيره

بوصافه وفعل ذاتـــه تشوفـــه سيد الموقف
نزل شايل عزم حيدر وانه ابن الحسن يهتف

الجرح العم بلسمه بوصافه الحب سمه
الحب لو طافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
شبل مــن الحسن بالطف بذل روحـــه
وعلى متون الوفـــه دك لافته ولوحـــه
اهدعش من العمر قدمها بس لحسين
عشك درب الشهاده ونزفت اجروحـــه

وره اعيونه وفه مبني وشهاده وعزه والنخوه
بثنيات الخيم صيته ولمع نجمه وركض هوه

يامحله الخاتمه ونطى بجفه الدمه
العالم بطيافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

بصوت حسن العايدي

من اعيونه ومبسمه

كلمات الشاعر
فيصل عاشور المنصوري

#مجالس_محرم_الحرام 1447 هـــ
مولاتي العليله ع

🔹🔸

مو حلم واقع بجيت اعيوني
اهل المحنه بالدمع عافوني
ليليه افز مشتاكه
وروحي فوك الناكه
واقع بجيت اعيوني
ــــــــــــــــــــــــــــــــــــــــــــــــــــــــــــــــ
فتحــــو البـــاب الفركتي وطلعوا اهلي
وانــــه متوجهه بدعائـي وجــــاي اصلي
افــــراك اهلي ما لوانــــي هدنـــي كلي
لانكســــاري من بعدهم شــــرد اخلي

مو عليله والسبب فركاهم
يوميه اسولف بالحلم وياهم
ونار الكلب حراكه
وروحي فوك الناكه
واقع بجيت اعيوني
ــــــــــــــــــــــــــــــــــــــــــــــــــــــــــــــــ
سولفت وياهـــم انــــه ودمعـــي يجــري
ويبست اوراق ابشجرتـي وخلص صبري
من بعد الحسين واهلي شيسوه عمري
انــــه علــــتي فاركتهــــم والله يــــدري

وبعتبة الباب انتظر باللامي
يوميه اسافر بالحزن للضامي
يصعب عليه افراكه
وروحي فوك الناكه
واقع بجيت اعيوني
ــــــــــــــــــــــــــــــــــــــــــــــــــــــــــــــــ
مو عليله وحيل بيــــه الچويــــة النــــار
للضرب اكــــدر واكابــــر ويه الاصغــــار
خل ينسطر خدي واشاكف بويه واحتــار
كلشي هين بويــــــــه الا افـــراكك الدار

يحسين محمل مو الي تانيني
وليليه افزن والكلب ماذيني
وكلبي يتاني املاكه
وروحي فوك الناكه
واقع بجيت اعيوني
ــــــــــــــــــــــــــــــــــــــــــــــــــــــــــــــــ
منين اشوف الراحــه انه ابلايه خــــوان
وكلبي لايام الغوالـــي اهــــواي عطشان
ياصبر روحي الاليمــــه اكبال الاحـــزان
انـــه من دون الحبايب حيلي خلصــــان

كل لحظه بدياره تمر من روحي
بعلتي وبصفي الدوه وبنوحـــي
براية هجر خفاكه
وروحي فوك الناكه
واقع بجيت اعيوني
ــــــــــــــــــــــــــــــــــــــــــــــــــــــــــــــــ
الليل ماخذنــــي ابكسرتي الهاي لايام
وطش بــــذر البواجــــي بنص الاحــلام
الليل ماخذنــي بخيالي الكلب الاسهام
وعيشني المصيبــــه وكــــــــــــل الآلام

جوتني ايــــام البُعد وغيابــــه
والدار من دون الاهل جن غابه
غصني دون اوراكه
وروحي فوك الناكه
واقع بجيت اعيوني
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

بصوت مسلم المطيري

مو حلم واقع بچيت عيوني

كلمات الشاعر
فيصل عاشور المنصوري

مُـــحــــرّم الــحـــرام ـ 1447هــــ

«  حــــرز الـــعــيـــون  » 



الــــدمـــع مـــثــل الـــحِـــرز 
مـــابــيــن الــــعـــيـــون
ســــلامــــاً عــالــمــجـــالـــس  والـــيِـــخـــدمــــون
ــــــــــــــــــــــــــــ
ســلامــاًعـالـمـجـالـس مـن گــلـب ولـسـان
نِـحــب طــاري الــعــزا والــطـور نــيـشـان 
آنـــــه الــــوالـــده والــگــلــب لـــهـــفـــان
ويّـــه الــزّهـــره هــذا الــنــعــي
مـــضــمـــون
ســــلامــــاً عــالــمــجــالـــس
 والـــيِـــخـــدمــــون
ـــــــــــــــــــــــــــ
بــس دمـعــك حـــرز  مَــحــلاتَــه بـالــعـيـن
ومــيـفــيـدك يـخــادم بـــس الــحــســيــن
إبــچــي شــمــا رِدت والـدنــيــا يــومــيــن
لــــسّــــا عــلــه الــــتـــل جــــروح
أم عـــــــــون
ســـــلامــــاً عــالـــمــجـــالـــس
 والــــيِـــخــدمــــون
ــــــــــــــــــــــــــــ
تــرا الـدمـعـه بـــريــد وهـــم مــراســـيــل
أحــجــزلك دمـــع عـالــداســتــه الــخـيــل
مـن بَــاب الـگــفــيـل الــنـظــره والـحــيــل
بـــرعــايــة ڪُــمــر هـــاشـــم
الـــيــعــشــڪُـــون
ســـــلامــــاً عــالـــمــجـــالـــس
 والــــيِـــخـــدمــــون
ـــــــــــــــــــــــــــ
الـمُـخـيــم مـحـتـرك وانـت أحــتـرك ويّــاه
الــتـعــب مـريــود للـمــذبـــوح وشـمـحـلاه
صـيــر انـت نــهــر لـخــيــامـه مـن تــنـعــاه
ســـــلامـــاً عـــلـــه الــــسّـــاقــــي
والــــيـــعـــطـــشُـــون
ســـــلامــــاً عــالـــمــجـــالـــس
 والـــــيِـــخــــدمـــــون
ــــــــــــــــــــــــــــ
هــــوّ الــعــنــده مــســبــيّــــه بــخـرايـــب
شــلـون يــهــيــد جـــرحــه عــالــغــرايــب
يـعــيــش ايـامــه ڪلـهــا بـس مـصــايــب
لــــسّــــا الــمــهــدي حَـــــمــــره
اعــــيـــونــه تــــــــــــدرون
ســـــلامــــاً عــالـــمــجـــالـــس
 والـــــيِـــخـــدمــــــون
ــــــــــــــــــــــــــــــ
ابــو فــــدك الــشّـــامــي ✍🏻

ـ مُـــحــــرّم الــحـــرام ـ 1447هــــــ



تــــــعــــب الـــخـــدمـــــه مـــحـــلاّه
لأبـــــــي عَــــــــبـــــدالله
ـــــــــــــــــــــــ
شــــڪــراً اعــلــه الـــخــدمــه
يـــــاولــــــــــيّ الـــــنــعــمــــه
انــــــت يـــــابــو الــــيــــمــــه
يـــــــــااغـــــــلـــى مـــــذبــــــوح
خَـــــيــــرك امـــــغــطــيـــنـــي
والله ڪـــــــل ســــنــــيـــنـــي
الـــدنــيـــا بـــس حـــســيـــنــي
يــــــــــاســــــاڪـــــن الـــــــــرُّوح
عـــــمـــــري وا حُـــــســــيـــنـــاه
لأبـــــــي عَــــــــبـــــدالله
ـــــــــــــــــــــــــ
وشـــــحـــــلات جـــــــروحـــي
يــــــادمــعــتــي ونـــــوحـــــي
انــــعـــــى يــــامــــذبـــوحـــي
واعــــــشــــــك عـــــــــــزائــــــــك
والــــــــــــدي ربّـــــــــــانــــــــي
وشــــــڪــثـــر وصّــــــــانـــــي
مـــاڪـــو غـــيـــرك ثــــــانــــي
وبــــــــــــــس گــــــــربـــــلائــــــك
ديـــــــر بـــــــالك تـــــــنــســــاه
لأبـــــــي عَــــــــبـــــدالله
ـــــــــــــــــــــــــ
والـــــخــــيــــم اهــــــــواهــــــا
عـــــايــــــش بــــذڪــــراهــــــا
حــــــــاشــــــا مــاانــــســـاهــــا
ويـــــــــــــــوم الـــــــمـــنــــيّـــــــه
عـــــايـــش انـــــي بــحَــــســـــره
عــــــالــــمُـــخــيـــــم جَــــمـــــره
والـــــعَــطـــــش شــــيــــفــســره
وبـــــــــــــالــــــغـــــاضـــــريّــــــــه
روحـــــي عُــطــشـــت ويّــــــــــاه
لأبـــــــي عَــــــــبـــــدالله
ــــــــــــــــــــــــ
اقـــــــره ڪـــــل ايــــــامــــي
يــــاحــبــيــبــي الــــضــامـــي
انــــــت ڪـــــل احــــلامـــــي
مـــــــاڪـــــو بـــــــغـــــلاتــــــــك
غـــــالـــــي يـــــابـــوالاڪــبـــر
اي وحـــــــــگ الــــمـــنــــحــــر
عـــــالـــــــتــــراب امــــــــــوذّر
وخـــيـــــمــــه صــــــفــــــاتــــــــك
وبــــــعــــــزائـــــي أنـــــــعـــــــاه
لأبـــــــي عَــــــــبـــــدالله
ــــــــــــــــــــــــ
بــــالـــمــــواڪـــب عــــمــــري
اتــــعــــودت مـــــن زغــــــــري
الـــــطــــــم انـــــي صـــــــدري
عـــــالــــداســـــتــــه الــــخـــيــــل
مـــــايــهـــمــنــــي الــــــعـــــاذل
مــــايــهـــمــنــــي الـــــقــــائــــل
ويــــــاي انــــــي الــــگـــــافـــــل
مـــــــنّـــــه تـــــــرا  الـــــحــــيـــــل
گــــاشــــفَ الـــگــــربِ أنــــخــــاه
لأبـــــــي عَــــــــبـــــدالله
ـــــــــــــــــــــــــــ
ابــو فــــدك الــشّـــامــي ✍🏻

ـ لــيــلــة اهـدعــش مُـحـرم الـحـرام ـ
1447هـــــ
ــ نـــزلـــه ــ « واَ زَيـــــنــبــاه»


واَ زَيــــنـــبـــاه  •   واَ زَيــــنـــبـــاه
ــــــــــــــــــــــــــــــــــــــــ
لــيــلــة الـوحـشـه والـعـقـيـلـه بـحـسـره
تـنـاشـد بــدمـعـه الـحـبـيـبـه الـڪُـبـرى
ويـــن يــابــاالـــغـــوث ويــن الـــزّهـــره
واَ زَيــــنـــبـــاه  •   واَ زَيــــنـــبـــاه
ــــــــــــــــــــــــــــــــــــــــ
ويـــن يــابــاالــغــوث يـابـــويـــه عــلــي
امنــيــاتـي بــگــربــلـه ذبـــحـــو اِلــــــي
راح ابــو الـــســجّــاد يـاشـمـعـة هـــلــي
واَ زَيــــنـــبـــاه   •    واَ زَيــــنـــبـــاه
ـــــــــــــــــــــــــــــــــــــــــ
مـاڪـو خــيــمــه تــلـوذ بـيــها اِلـعـيـال
بـالـضِـمــه يـومـيـن عـطـشـانـه الاطـفـال
راح سَـــيـــِّـد الــــــمــــاي وراح الـــدّلال
واَ زَيــــنـــبـــاه    •   واَ زَيــــنـــبـــاه
ــــــــــــــــــــــــــــــــــــــــ
بــعــد ابـوفـاضـل فـلا شـفـت الـضــوه
راحــت احـلــى ايـام عـشــنــاهـا ســـوه
ابــلايــا گــافــل يـعـنـي غـربـه نـيـنــوى
واَ زَيــــنـــبـــاه    •   واَ زَيــــنـــبـــاه
ــــــــــــــــــــــــــــــــــــــــ
راح تــبـدي غُــربِــتـي وحــانَ الــرحـيــل
مــابــقـــى وللــــشّــــام إلا الــقـــلـــيـــل
مـنـيـن اجـيـبـن بـالـسـبـي چــف الـگـفـيـل
واَ زَيــــنـــبـــاه    •   واَ زَيــــنـــبـــاه
ــــــــــــــــــــــــــــــــــــــــ
ابــو فـــــدك الــشّــــامــي ✍🏻