زينب ورحيلها عن اخوتها


راح نمشي وعن اهلنا نهاجر
واليسافر كون يرجع باجر

شلون ممشانه وبقو فوك الثرى
حسين والعباس اهل المفخره
مالي عين تشوف جنه امطشره
ولحم نابت بيه طرف الحافر

شلون اروح ابعيد وبلايه كمر
جان يمشي وياي يمحيلي الاثر
حيف كل الحيف حداي الشمر
وجان يحمينا الكمر ويناظر

شلون اتركنك يخويه اعله الارض
يا أمام الطاعته واجب فرض
ابين عدوان وخيول البيه ترض
شلون اعوفك هاي كسرت خاطر

شلون اعوفك ياحسين بهالوضع
وانت باقي بحال مرضوض الضلع
حفر خدي اعليك ياخويه الدمع
اعليك انوحن وارد اجرح الناظر

للسبي يحدون بينا اهل الردى
اخ يالشمات من هاي العدى
ريت ميته ولا علي هذا سدى
ولايطر ريته ويجيني باجر


محمد النوري

مجلس خدام سبايا كربلاء ع #نسالكم_الدعاء

#نسالكم_الدعاء
اللهم عجل لوليك الفرج

نزال

عباس  يا تاج الراس
ابو فاضل      عباس

ابو فاضل ابو فاضل

❁   ❁    ❁    ❁   ❁    ❁

من      نزل   والرگب   لزمهن سره
عمره لحظه و صار سبع الگنطره
والما بعينه امس       شايف حيدره
اليوم       بالعباس        خل يتصوره

مثل    أبوه    وأيده
وهم ثگيل بصيده
ومن الرگب خلاها
تجفي گاع. البيده

ومن    لزم بتاره
جن علي بفقاره
وأيد مثل  الغاره

ويباوع ويلگط سيفه
            رباط

ابو فاضل ابو فاضل

❁   ❁    ❁    ❁   ❁    ❁

خله هل سبعين الف  تشبع قهر
الراسه   ما مشلوع  كاسرله ظهر
ومن  يريد  بمعجزة  يشيل النهر
وسره ماينحمل بالطف لوو ظهر

شگد   مرار بعينه
وبعلي   مشبهينه
وعالذبح  محلاها
شگد خفيفه يمنه

بالعساكر خفوفه
والله من اجفوفه
بالسطر   معروفه

وعالرووس إيدك ضل بكيفه
                 رباط
ابو فاضل ابو فاضل

❁   ❁    ❁    ❁   ❁    ❁

حسين لوو منطيه رخصه ونفترض
وجان   من   جواهم     يجر  الأرض
من       نزل  عباس   مارف اي نبض
حتى   ويه   العدل       ميتهم ركض

گاموو    يشوفونهم
شلعاها      اعيونهم
من  غضب   سواها
گنطرة من امتونهم

لووحلهم  سيفه
واليموت  بكيفه
ومايرجع  ضيفه

ومعلم   عالطگ  اجفوفه
               رباط
ابو فاضل ابو فاضل

❁   ❁    ❁    ❁   ❁    ❁

الما  سمع  عنا  امس    والما دره
وشووفاهم    سيفه   يوم  الاخره
وخله عسكرهم  يؤن   مثل المره
ومن  نزل   ذكرهم    بطگ حيدره

مثل أبوه بحساسه
و ما   يدنگ    راسه
وأخته  من شافاها
الجيش خله انفاسه

والجثث خلاها
والأرض طماها
والزلم    بجاها

من ايده الطف صاح دخيله

ابو فاضل ابو فاضل

❁   ❁    ❁    ❁   ❁    ❁

صاح  عينه  اشلعها   اليصد للخيم
سيفي بيدي وبعد هم بيدي العلم
من    خزرهم  صاح   ما شوفن زلم
وخله      حتى   الميت      يگله نعم

ضل  يصول بزوده
وما   تمل    ازنوده
والزلم      حا جاها
جفي جيش يقوده

ضل يدگ علهامه
وداسهم  بجدامه
والنهر         گدامه

والماي أيون ضل من ايده
                   رباط

ابو فاضل ابو فاضل

❁   ❁    ❁    ❁   ❁    ❁

الشاعر محمد البنداوي

الجمعة
1447

كرامة مجلس الحسين عليه السلام


فوز الدنيه والدين احضر مجلس حسين

**********
يالتريد اتعيش دنياك بسعاده

ولو ردت عمرك تصير التقوى زاده

ولو ردت تختم حياتك بالشهاده

ومرضي عند الباري واتفوز بمعاده

منجاة الحياتين احضر مجلس حسين

**********
هنانه حسن الخاتمه اتحصل عليهه

ومستجابه دعوتك من تدعي بيهه

والائمه اشكثر وصوا نسعه ليهه

وهالمجالس يسعد الزهره اليجيهه

ظل بكل السنين احضر مجلس حسين

**********
طاعة الله بهالمجالس مانغالي

امقدسه وبيهه يفاخر كل موالي

والحضرهه ومدمعه عالوجنه هالي

بگبره كل دمعه توج شمعه وتلالي

لو رايد ذخر زين احضر مجلس حسين

**********
والمجالس هاي بيهه يالمحب ذوب

دمعتك لمن تصب كفارة اذنوب

والحضرهه عد علي وعد طه محبوب

مسجل بسجل الزجيه اعليهه محسوب

اتكتبه ويالموالين احضر مجلس حسين

**********
واليحضرون المجالس تعتنيهم

فاطمه وبالمحشر اتأشر عليهم

شيعتي ياربي ارد آخذ بديهم

بجنة الفردوس اجازي كل بچيهم

شيعتنه المخلصين احضر مجلس حسين

**********
هذا ياربي شكثر دمعه تجاره

ماهجع من البچي ليله ونهاره

وهذا عامر بالمجالس لبني داره

وهذا بي طف كربله مشتعله ناره

دمعه مذبل العين احضر مجلس حسين

**********
هذا ناعي ابني الگضه كل عمره ينعه

كل ظرف عن المجالس مايمنعه

ولو قره آنه اسعه للمجلس واسمعه

والبچو اجمع دمعهم دمعه دمعه

بحسيني مجانين احضر مجلس حسين

**********
واللي صدره باللطم متوسم اوسام

واللذي بالخدمه هاي محزم حزام

كل نهاره يركض وكل ليله مينام

حسين شاغل بالهم وبكل الايام

واعله الخدمه رابين احضر مجلس حسين

**********
سيد محمد الميالي