الليلة الثامنة
محرم الحرام 1447
ليلة علي الاكبر علية السلام

ياعلي ألاكبر
ياعلي ألاكبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بان إلى الحرب جواد يعتلي
في شخصه موت وحتف منزلي
صاح بصوت أرعب الكل به
أنا علي أبن الحسين أبن علي
حله توه العرك توه
نزل تربايت اللبوه
تباين من عرينه
الأكبر زغرو گباله
وهگ با الجيش وثگاله
عصف بيهه الثخينه
مالت والشهم يهواهه من تميل وتموج
والتمشي عدل خلالهه ما تمشي عدل عوج
ذل أكبارهه وأزغارهه وشدهه با السروج
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ليث ودك الجيش ذاكه اليوم دك
وكفه أحنى الرقاب وامتلك
يوم عجيب والفتى كان عجيب
دارت رحاها وأرتطم فك بفك
يلم كبارهه وطشهه
مثل حش الگصب حشهه
نثر با الروس ينثر
نزر ما حاجه يتوصه
جمعهم هوس بنصه
يحر وخلفه الحر
فات عليهم الضرغام وافتلت كتايب
جر عنان ميمونه يجر ذيج الشوارب
اهله شيوخ يوم الكون حي الله المحارب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
منه رأت مالم يراه المنضري
عباسها الثاني علي الأكبري
قد أمسك الهامات وأهتم بها
يفري بهامات العدا صار فري
غضب صايودهه الصيده
نكث روس الزلم بيده
يفر بيهه ويقاتل
هلا بعباسهه الثاني
ردمهه الداني با الداني
مثل عمه ابو فاضل
خضاهه وخزرهه وطلع المضموم منهه
فر رسن الكحيله ولف الاسباع برسنهه
والتحجي كبل ساعات گصاهه لسنهه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
قالو بأن الحرب فيها كر وفر
لاكنه كر ولم يبقى نفر
ضنو بأن المرتضى جاء لهم
ك شطرت الكرار ابطال شطر
يشمرت علي لخيبرهه
عبس والزلم شمرهه
كلف وعلومه كلفه
يدوس ابطالهه بجدمه
ردمهه الزلمه با الزلمه
لوه العسكر بچفه
ذب الخيل فوگ الخيل والزلمه عله زلمه
دمه الحار والخيال خله بطوله دمه
هاذه الحيل من عباس راعي الحيل عمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

https://www.tg-me.com/aabas78
قصائد لكل ايام محرم اشترك بالقناة

حي الله الأكبر........بالحومه كبر
بالحومه كبر........حي الله الأكبر

==============================================================================
1️⃣
     أول بدر مـن هـاشم
     يعلنها موقف حاسم
للحومه دارت عينه وناشرها الاعلام
     هـذا البـطل بأفـعـاله
     يرهب نشوفه خياله
رايـد يـعـيد ايامـه ومـعـروفه الأيـام
                  ~~~
     نـازل نشـوفه وعـالـن قـراره
     بصيت الهـواشم رافع شعاره
     يـذلـها العـساكر بأول مـغـاره
                  ~~~
طـبها وتخـير............بالـحـومه كـبر
بالحـومه كـبر..........حـي الله الأكبر
======================
2️⃣
     فوك المهر من صـاعد
     بالـهـيبه كـشـخة قائد
بالـطف يغربل بيهم حـيرها العـيون
      طـف كـربله وتاريخه
      الأكبر جبيره وشيخه
هـوه الأبد ما جـامل كـلهم يشهدون
                    ~~~
      كبال المـراجل وكفوا سويه
      صاحوا دخيلك بين الحميه
      بضربة يـمينك شفنه المنيه
                    ~~~
احتار المعسكر.........بالـحـومه كـبر
بالحـومه كـبر..........حـي الله الأكبر
======================
3️⃣
     مـن الـخـيم للـحــومه
     يمشي ونشرها علومه
بسيفه يطشر بيهم واحتارت الناس
     يا هوه الكصدهم نازل
     مـعـقوله هـذا الكـافـل
هذا الحصد بالقـادة مـعقولة عباس
                  ~~~
يطحن جماجم فخر العشيره
اليهجـم يرده وياخـذ مصيره
جـف الحـرايب جـفه اليديره
  ~~~
اكباله اتطشر...............بالحومه كبر
بالحـومه كـبر..........حـي الله الأكبر
======================
4️⃣
فـزعـت كـبار القـاده
وصارت ركبها كلاده
بسيفه شطر بن غانم بالحومه نصين
وشـردت زلـم كـدامـه
ويضحك رجع لخيامه
وليلى فرحت بلقادم وستبشر حسين
~~~
يعطش نشوفه وعينه لحزينه
ومـن هالسـوالف نسـمع ونينه
وظلت تنوحه بحسره الحنينه
~~~
ليلى اتحسر................بالحـومه كبر
بالحـومه كـبر..........حـي الله الأكبر
======================
1️⃣
لأخـر نفـس بأنفاسه
واكف ولا طخ راسه
ع الحك يقدم روحه ولدينه قربان
فـوك المـهر ما طايح
صوب المعسكر رايح
اتـگطع وذر تاليهـا والديـره عـدوان
~~~
بدم المـنـاحـر كـاتـب عـبـارة
بالطف نشوفه يترجم شعارة
عالحك نـموت وهذا افتخارة
~~~
بتاريخه يفخر............بالحـومه كبر
بالحـومه كـبر..........حـي الله الأكبر
==========================
محمد خشان ✍️.
========================
https://www.tg-me.com/aabas78
قصائد لكل ايام محرم اشترك بالقناة

علي الاكبر ع


يرجع إلي الأكبر علي ليلى اندعي وتوسلي
وگلبي دعه بجاه حسين سالـــم يرد لخيامه
***
قــصـــة مصـــابي بدمعــتي أرويهه
بالطف بدت والـــدهر مــــايطـويهه
مـــن كـــربله والكــــــربله تالـــيهه
وبالمختصر گلــبي انطبر وهم بيهه يعگوب وسفر
من خيمتي للميدان عمري اختصَر اعوامه
***
بلحظـــة خطر ضـاگت عليّه الوسعه
شلــــت ايدي للباري ودعيــت بدمعه
ابني علــــي ســــالـــم إلــيّه ايرجعه
اشعر صفن حتى الزمن وهناك لن گلبي استچن
رد يوسف لعد يعگوب وگلبي انجلت آلامه
***


ياراد يــــوسف رددتهـــه بلــهـــفه
وبحگ ظمه حسين ومحنته الكلفه
وربي استجاب بـــــرحمته وبلطفه
والخيمتي طب سلوتي ربي استجاب الدعوتي
من شفته ردتلي الروح نوره يشع جدامه
***
روحي عـــليّه ردت ومــــن شفته
ماضي الربه والـــراح كله اذكرته
للطف علـــي ومـــو للكبر ذاخرته
عن والده ايرد العده الدين النبي الأكبر فده
مذخور الاكبر للدين ولجله نذخرصمصامه
***





ودعته والتـــوديع هــــدم حيلي
چنت اندعيله گتله يبني ادعيلي
اصبر على فگدك يشمــعة ليلي
فگد العمر رايد صبر وعــن هالطلب لا تعتذر
خلينه اشوفك بالطيف بتالي العمر ويامه
***
ألمـــني ظامـــــي للحرب لمـــن رد
ونصاب هامه وحيل ابو اليمه نهد
ويــه ابنه الاكــــبر عالترابه اتمدد
حيله نهدم فگده ألم ألف وتسعمية سهم
گلبه علي الاكبر راح متخضب بدم هامه
***
تمت بفضل الله وتوفيقه، الحمد لله رب العالمين،
اللهُمَّ صل على محمّدٍ وآلِ محمّدٍ وعَجِّلْ فرجَهم
حيدر كريم جار الله الكربلائي
الفاتحة إلى أمواتي وبالخصوص والدتي رحمها الله
2025م

https://www.tg-me.com/aabas78
قصائد لكل ايام محرم اشترك بالقناة

محرم 1447ه‍-2025م
قصيدة الليله الثامنه (نزله)

انا عد عينك يَعم بس ردت كلمة نعم
؛★★★★★★★★★★★★★★★★

لا تباوع على طولي وگامتي
شوف گدامك وباوع هيبتي
انت بس سلّمها بيدي رايتي
اگر عينك يالحسين بهجمتي

النصر بچفوفي نرسم انا عد عينك يَعم
؛★★★★★★★★★★★★★★★★

انت ابوي وتاج راسي وموئلي
الدنيا من دونك بعد بيها شلي
ردت من عندك فقط كلمة بلي
بيمن انا اختلف عن ابنك علي

اثنينه بنفس القيَم انا عد عينك يعم
؛★★★★★★★★★★★★★★★★

ياللي منزلتك بمنزلة الحسن
يا وطنه وغيرك شعدنه وطن
الموت دونك احله شي بهذا الزمن
انا مستعجل اطب جنة عدن

ارتفعت بروحي الهمم انا عد عينك يعم
؛★★★★★★★★★★★★★★★★

مشتهي ملاگه الخصم ملگه الولف
والحماس بداخلي ما ينوصف
ما اهم يا عمي بالسبعين ألف
إلا اخلي الگاع بيهم تنخسف

عمي شيّال العلم انا عد عينك يعم
؛★★★★★★★★★★★★★★★★

صح زغير العمر لكني ذخر
ما نقيس احنه الشجاعه بالعمر
عمي انا كفو ودگيت الصدر
وحگ عينك بيه باچر تفتخر

الخوف من يمي انفطم انا عد عينك يعم
؛★★★★★★★★★★★★★★★★

علمتني من الزغر عمي درس
اقصى حد للجود جود البالنفس
العاش وياك وأخذ منك أُسس
شي اكيد الموت احله من العرس

سيفي يلهمهم لَهم انا عد عينك يعم
؛★★★★★★★★★★★★★★★★

جعفر عطيه البزوني

https://www.tg-me.com/aabas78
قصائد لكل ايام محرم اشترك بالقناة

حي الله الأكبر  حي الله الأكبر
،،،،،،،،،،،،،،،،،،،،،،،،،،،،،
صال بيها الاكبر وشد حرب
ضيعو مشرادها وتاه الدرب
جنه حيدر بالمعارك لو غضب
كلهم افنيه وعلي وفنه ليطب

حي الله الاكبر   حي الله الاكبر
،،،،،،،،،،،،،،،،،،،،،،،،،
لوح بسيفه وعلن وكت الجهاد
اليوم حالف اله اسويهم رماد
عمي لعباس مثله سيفي حاد
كطف روس القاده للسبعه الشداد

حي الله الأكبر   حي الله الأكبر
،،،،،،،،،،،،،،،،،،،،
اليوم اغرك كربله بفيض دمه
سيفي باشط يوصل عنان سمه
مايهاب الموت وكت الموزمه
نسخه طالع من علي حامي الحمه

حي الله الاكبر حي الله الاكبر
،،،،،،،،،،،،،،،،،،،،،
غيره عده تكول غيرت حيدره
سيفه صفه الوادم اوكفو سره
زوده من عباس سبع الكنطره
الطف قيامه وصار يوم الاخره

حي الله الاكبر حي الله الاكبر
،،،،،،،،،،،،،،،،،،،،،،
كلها رجفت خوف من طباها
المالت بجفه الشهم رداها
حايره القاده الفحل خلاها
الصعبه الاكبر من نزل حلاها

حي الله الاكبر حي الله الاكبر

،،
الشاعر مصطفى فوزي المالكي


https://www.tg-me.com/aabas78
قصائد لكل ايام محرم اشترك بالقناة

من طب علي الاكبر خله الزلم تعثر
حي الله هاشم. حي الله هاشم

شالاهه رايته. وفاهه احچايته
والحومه بصايته. رد
رافع راسه

طشرهم عل ارض. فحطهم بالركض
سيفه يفرض فرض رد
رافع راسه

ردللخيم مثل الصبح من يذبح الظلمه
خله العده تشبع قهر عيشهم الهظمه
هذا علي الاكبر علي مايهتم الخصمه

وجوه العده تصفر. خله الزلم تعثر
حي الله هاشم حي الله هاشم
///////////////////////////////////
يمطر دم لوغظب. سيفه يگص بل رگب
جيش ابكبره انرعب. رد. رافع راسه
مايهتم للعدد. طب راعيهه الشدد
لخيامه اكبرسند. رد رافع راسه

انطاهم ادورس الحرب والعده ذلاهه
خله العده تركظ ركض ابلا راحه خلاهه
اطيح الزلم فوگ الزلم والحومه بچاهه

اليتعده من يگدر خله الزلم تعثر
حي الله هاشم. حي الله هاشم
/////////////////////////////

يامحله اعمامته. تتباهه سادته
من زينب رادته. رد. رافع راسه

طوله ضل عل خيم. وگف ضل كل علم
لوحة قائد رسم. رد. رافع راسه

بلعده يخسفهه الارض لونخن عماته
كربله تشهد لوگلت بعلوم وگفاته
كل الكتبته بلوصف ماوصل صولاته

بسمه الكسر يجبر. خله الزلم تعثر
حي الله هاشم حي الله هاشم
///////////////////////////

يل نوره ماله حد. لليهوه انته سند
من گلبي اخذ الوعد. رد رافع راسه

خليني ابخدمتك. ومسحني ابرايتك
يل عازه عازتك. رد رافع راسه

وفقني اخدم حضرتك وبچي عله اخيامك
ماريدن ايامي التجي من دون ايامك
مجروح الك كل الدهر تجرحني اسهامك

اجفون الخيم تسهر. خله الزلم تعثر
حي الله هاشم. حي الله هاشم
////////////////////////

عطشان ومن طحت. ياعمه من صحت
عله ارقيه اتعلمت. رد رافعه راسه

وحسينك منكسر. عطشان وبل ظهر
كسره ماينجبر. رد رافع راسه

رد الحسين ابلا علي مكسور للخيمه
صارت العيشه ابلا طعم چن ضايع ابهيمه
طاح وگف رغم التعب بالعاشر وظيمه

وبجرحه يتحير. خله الزلم تعثر
حي الله. هاشم حي الله هاشم
//////////////////////////
الشاعر سلام البهادلي


https://www.tg-me.com/aabas78
قصائد لكل ايام محرم اشترك بالقناة

راح وليدي الكله احساس ..چن رايح مني العباس
اصعب واحد من ودعني_ هيچ انه الاكبر كاسرني
/////////////////////////////////////////
اليوم كسران الظهر حسيته بيه
من شلت كل المعزه انه اعله اديه
وجبتك اباب الخيم طحنه سويه
راح الحيل كله اباب الخيام
يليله وعل تراب وليدچ ينام
بعد هاذ المصاب الطف الي اشظام

نوحن يمه وبلكي يگوم شيخلصه ابلاعلي اليوم
شلته اعله متوني وشابگني
هيچ انه الاكبر كاسرني
////////////////////////////////

شيبت خطوه اعله خطوه وگلبي خلصان
محني امشي وكلشي بيه اليوم حزنان
كل وجهه بخيامي اشوفه بعطش ذبلان
ظاع الماي بلطف والعطش صار
ويوم العاشر ينشف الچبد حار
ودور الماي بلكي الهاي الزغار

ايموتون اگبال العين. وصيحون الحگ يحسين
وحيد وماواحد ناصرني
هيچ انه الاكبر كاسرني
//////////////////////////////////

فرحت العدوان والتمت علينه
ابطيحت الاكبر تمايلنه وهوينه
والعده حرگت خيمنه وماطغينه

اودعكم يبويه اوداع البعيد
العده محظره خيول وتسحك تريد
ناس ابلارحم كل زمرت ايزيد

يازينب الله اليحميچ. لو رفعو راسي يدليچ
انه ادي ابگلبك عاذرني
هيچ انه الاكبر كاسرني
/////////////////////////////

خويه اركظي من الخيم للتله بهداي
حيل اخاف عليچ من الحافر الجاي
ادري روحچ يلحنينه راحت وياي
عينچ علطفال وظل بناتي
مايهمه الطف اذا تخلص حياتي
وعل الرماح المغرب اتوقع صلاتي

كاسرني اوداعچ يم عون. وي شامت راح اتظلون
شعدهه العدوان اتحاربني
هيچ انه الاكبر كاسرني
////////////////////////////////////
خنگه صار الطف بعد عين اليموتون
الازمين الرايه ماظني يروحون
هاي ساعه العده بيهه اشگد يفرحون
اغير كلشي بس عندي رساله
اذا عباس احشمه يلم وصاله
والعدوان ترجف من خياله

بخيامي ادري تشب النار وكل وحده البيچن تحتار
العبره اعله اوداعچ تعصرني
هيچ انه الاكبر كاسرني
///////////////////////////////
الشاعر سلام البهادلي
#جديد_محرم_الحرام_١٤٤٧هـ✍️


https://www.tg-me.com/aabas78
قصائد لكل ايام محرم اشترك بالقناة

قصيدة نزلة للاكبر {ع} ابو ادم الحلي

يبني لو تُـنظر يالاكبر حالي

يبني لوتـنظر علي عينك الي
شلون بعدك حالي اصبح ياعلي
ليل وانهار الحـــــــــزن ماينجلي
يابعد روحــــــي يـيـمه وكل هلي
دمعي من عيني جره // ونار بيه امـــــــــــوجره
هــــــــــذا حال امـــــــــــــــــــك يـيمه الغالي

يابعد روحي الك ارخص الروح
وانته جـنت الروح يبني ولوتروح
تبقه هاي الروح باللوعه وتنوح
وتنزف بكـلبي تضل يبني الجروح
تنزف جروحي تضل // يالجنت ليه الامل
اويـــــــــاك راحـــــت يبني كل امــــــالي

يالجنت انت الامل وانت الذخر
ذخري حاسبتك لـون طال العمر
وبيدك تهيله علي إتراب القبر
وابــــــــد ماحسبت يبني هالامر
غفله صارت فركتك // وابقه انه بحسرتك
ابقه ايــــــــــــــــــــــــــــــام انتظر وإليالي

يبني يالاكبر بقيت بعبرتي
تجري يايمه وبقيت إبلوعتي
بعدك بحسره اكـضيها الدنيتي
وهم بعد وتعود ليه فـــــــرحتي
هم ترد ليه بعد // ويرد عمري يالولد
يبني يـــــــاروحـــــــــــــــــــــي ونبض دلالي

يبني ماظن دهري للفرحه يعيد
ويبقه بالونات كـلبي ومــــــايهيد
بعدك الهذا العمر لا مـــــــــااريد
وعمري بغيابك يالاكبر مايفيد
اكضي عمري بالدمع // وكلبي يبني منفجع
بفركـتك بس الهظم يصـــــــــفالي

خادم الحسين {ع} ابو ادم الحلي


https://www.tg-me.com/aabas78
قصائد لكل ايام محرم اشترك بالقناة

اختلفت الاراء !!! هذا   حيدر  لو   علي  الاكبر   نزل
اختلفت  الاراء!!!  يوم شال السيف علحومه وحمل

بالشبهه يشبهه محمد،،،،، بالحرب كرار   ينعد
:::::::::::::::::::::::::::::::::::::::::::::::::::::::::::::::::::::::::::::::::::::::::::

من نزل للحومه الا كبر  شردت  اگباله  الزلم
توشح  بدرع  البطوله  وبسم  حيدر  محتزم
شد عله العدوان  حيله بغيره  وبزود  وعزم
والشرد  جدامه  عافه   بنهج   حيدر   ملتزم

من عظم وقع النزال،، عله العده ماخله حال

والعده بصولاته تشهد،،،، بالحرب كرار  ينعد
-------------------------------------------------------------------------------

بين طه  وبين  حيدر  ظل  بعضهم  مختلف
لفة  المغزل بسيفه   يطوي   الارگاب   ويلف
ارتجز صوت  بعلاته وصاح  طلعولي التجف
مستعد للكون اواجه شنهي بس سبعين الف

علي  الأكبر  يصول ،، چن اسد خيبر تكول
لسانه صوت الحق تردد،،بالحرب  كرار  ينعد
---------------------------------------------------------------------------------

غيره   مليان   وشجاعه   لمن  يغير   بفخر
نفس حيدر مايثني  طبره  وحده  لو  طبر
من العده چافنه واحد سيف اله بوجهه نشهر
ويله  ياويله   اليصدله هذا  ابن  فارس   مضر

بمرجله  ودقه  يصيد ،، مايدور  عله  العبيد
بخزرته  الفارس  تمدد،، بالحرب  كرار  ينعد
--------------------------------------------------------------------------------

صاحوا بصوت الاعادي  اليوم  رد چن حيدره
وخلي   واحدكم  يخبر  خاف   واحد   مادره
من شهر سيفه ودناهم  صاحوا صياح   المره
خله  روس  العده    طارت   والأجساد  موذره

واگف وجـه خطاب ،، اليوم ازلزلهه الرگاب
والعدو  بموته  توعد، ،،بلحرب  كرار  ينعد
-------------------------------------------------------------------------------
سيفه چن بركان  ثاگب  هذا  شبل  المصطفه
ما  تهزهه  الدنيا   كلهه  ولا  جموع   تخوفه
توعد  براس ابنه غانم   بالوعد   لامه   وفه
كل صفات العزم عنده والشجاعه  اجمل صفه

ناده  وبصوت الضمير،،، ،، اليوم اسوي المايصير
والجمع  كله  تبدد،،، ،، بالحرب  كرار  ينعد
=======================================
الشاعر احسان الحميداوي


https://www.tg-me.com/aabas78
قصائد لكل ايام محرم اشترك بالقناة

لا تلجمونه من السحك طايح ضلع
لا تغسلونه غسلت  الاكبر بالدمع
  بهيده وياه جسمه المصيوب
من الوجع راح يذوب

لا تلجمونه من السحك طايح ضلع
**
موذاكه جسمه الوالي متغير هواي
يومين الاكبر بالشمس ما شارب الماي
ظليت اصيحن يالولد ما يحجي وياي
كلبي على فكدك منذبح ومتيه الراي

ما تعرفونه رايح جماله من التعب
ما تروونه يومين الاكبر ما شرب

ما صح بدي وشري الماي
حته  النهر شد وياي

لا تلجمونه من السحك طايح ضلع
**
سلبو قميصك يالولد ودري الترب حار
وظليت ادورلك جفن ونظر بالكتار
من كل كتر ينزف دماء ظل كلبي محتار
مصيوب الاكبر بالسهم وصوابه عبار

يالتشوفونه ترضون  الاكبر ينظرب
لا تعوفونه حسو جبينه من الترب 

عدله ودوت بيه النار
من كالو ابنج محتار
لا تلجمونه من السحك طايح ضلع 
**
ما خلص ويجري النهر بس ابني عطشان
لا بيه اشيله وياه الظعن لا صحت اجفان
مثل الورد فوك الترب خليته ذبلان
وكلبي على شوفك يالولد يا يمه لهفان


يالتحاجونه  كلوله ظعن امك يرد
لا تبعدونه ما بطلت منه النشد

لو بيدي اضلن وياه
طول العمر راح انعاه
لا تلجمونه من السحك طايح ضلع
**
عديت الجروح شكثر وسهامك البيك
ومابينت يمه الولد ياهوه ماذيك
ما عندي شي بس الدمع جا بيش اداويك 
وفوك الذبح يمه انسبي وعيوني تربيك

يالتسمعوني  خليت الاكبر منذبح
بالشمس باقي   بالحومه عاري  ومنطرح

ماكو جفن ظل مطروح
ومن كل كتر بيه جروح
لا تلجمونه من السحك طايح ضلع
**
ودعت الاكبر من رحت والمدمع يسيل
وعيوني تنزف من جمر لو جلجل الليل
يمه الولد لمن رحت ماظل بعد حيل
وامك سبوها بلا ذنب عالناكه وتميل
من على الناكه   عاتبته ويسيل  الدمع

طايح الغالي   خليت نايم ما كعد
ينشلع كلبه     كلمن يضيعله ولد

تمنيت اموتن وياه
هذا انا حالي بلياه
لا تلجمونه من السحك طايح ضلع
**
الشاعر ابو هاجر المجراوي


https://www.tg-me.com/aabas78
قصائد لكل ايام محرم اشترك بالقناة

الرضيع عليه وسلم 👇👇👇👇👇

ليلة مولاي عبد الله الرضيع عليه السلام


ميت والوليله        وبحسره اناغيله
عبدالله اكعد ليه    بعيوني أفَيِّله
==========
من جابه الحسين واجه خليت ابني بحضني
لوليتله بدمعي وصحت عبدالله اكعد يبني
ياشمعة اسنين العمر تكبر ييمه وضني
ضني تجازي ارباي الي بيدك ردت تدفني

ماردت ادفننه           بس ردت اشربنه
وشسوه جرحك بيه   بعيوني أفَيِّله
==========
ماحسبت يمه ابد ذبحك يصير اكبالي
ماجانت أبالي تره وهسه خذت كل بالي
من عمرك اكبر هالسهم سهمك شسوه بحالي
ميت بحضني مانمت موتك جرح يبرالي

شيضمد اجروحي.     ياللي خذت روحي
والفركه مره عليه     بعيوني أفَيِّله
==========
غصنك يبس من النزف ومخضره بيك النبله
ذبحت وريدك ياترف هالنبله ابد موسهله
ذبلان ياوجه الشمس وياك گلبي امذبله
من مثلي يمه بالخلك ميت ابنها ويحله

بس فكهن عيونك    خل اعرف شلونك
ذبلان بين إيديه       بعيوني أفَيِّله
==========
حاولت يوليدي اشكثر ايدي امدها وارجع
بس كون اطلع نبلتك شكد حاولت ماتطلع
اكسرها لو اسحبها الي خافن وريدك اشلع
نحرك اخافن ينگطع گلبي وعلي يتگطع

بس خفت الجمنك     يمه من احركنك
والنبله تكتل هيه       بعيوني أفَيِّله
==========
ظليت اعاين رگبتك كلش ذهلني المنظر
محفوره بالنبله حفر ودمك عليها مطشر
مصابك فجع حته العرش لگلب العرش جن فَطَرْ
عبدالله فك عينك الي يوليدي گلبي تحير

عبدالله موسالم.     ميت فلا نايم
بنار البعد مجويه     بعيوني أفَيِّله
==========
الشاعر علي النائلي

https://www.tg-me.com/aabas78
قصائد لكل ايام محرم اشترك بالقناة

(( يبني عبد الله ))

حسين ... حسين


فارغ الكاروك يبني
حرملة منك حرمني
يمه وكماطك ذبحني ... شفته دامــــــي

وينك ووين المنية
توني قدمتك بدية
يا عزيز اختك رقية ... يمه ضامــــــي

يا حبيبي الما جزت من نحره شم
تالي يوليدي صفه بنحــــرك سهم
گالوا بدمه ارتوى حسبــــــاله مي
هذا مو ماي النهر لا يــــــــــمه دم

يا حبيبي شلـــــــون
يا حبيب ام عـــــون
ردتك لتالي العمر عريس اشوفك

يا ضياء العيـــــــن
يا زغير حسيــــــن
توني والدتك يـ يمه شلون اعوفك

يبني عبـد اللـــــه ... يبني عبد اللـــــه
-----------------

هذا مو رجواي يمـــه
تنذبح وبروحي هظمه
وينه نحرك خل اضمه ... يا حبيبــــــي

يبني فز ناغيها امك
والله شيّب كلبي دمك
بيا وكت ع الغبرة جسمك ... يا طبيبــــي

يبني جنت آنه انتظر منك خبــــر
شو مشيت بسفرة بس طال السفر
رايح ويه الوالي يرويلك عطــش
شو بطيتوا شبعده چا يمه النـــهر

يا سراج النـــــــور
ع الارض مشمـــور
ودمك اعلى الكاع مامش كطرة منه

يا ملاذ الطيـــــر
يا صباح الخـــير
راسك يلالي برمح ينگط محنه

يبني عبد اللــــه ... يبني عبد اللـــــه
--------------------

يا نهر ضم مايه عنك
والنبال يحاوطنّــــك
خلي اشبع شوف منك ... يا زغيـــــري

يا بزر كعدة اهلنه
يا طبيب اليوجعنه
ونه تشمرني اعلى ونه ... يا اميــــــري

يا رضيع الما رضع من امـــــه در
مگمط وخايف على امه من اليسر
توه فاتح عينه ابني اعلى الحياة
بعدك زغير يـ يمه اعلى الگـــــبر

بگلبي وجت نـــــار
والدمع مـــــــــدرار
وليدي مات وحتى ما لحكت افطمه

واصرخ اعلى الجيش
ابني رمــــــحه ابيش
انطوني رمح ابني اشيله اني امه

يبني عبد اللـــــه ... يبني عبد اللــــــه
--------------------

كربلاء كاع المصايب
فرگت كل الحبايب
تالي نمت اعلى الترايب ... يمه ترضــــــى

لا خيام وبيها الوذن
ولا رجال وبيها اعوذن
يمه ثق ارسومي مو ذن ... جنها رمضــــى

يبني كلب امك احـــــن من الابل
ينعى راس حسين لو ينعى الطفل
يا ظلام الغيرت مســـــرى السـفن
ما فزعت وغيرت مســـــرى النبل

يا عزيز البيــــــت
بلا زلم ضليــــــت
والشمر يفتر علينه ويحدي بينه

يا اله الكــــــــون
كمنه نبجي عيون
والله لو تدري يـ يمه شكد بچينه

يبني عبد اللــــــه ... يبني عبد اللــــــــه
------------------

يا وحيدي الماكو غيره
بجاله جنت آنه اميرة
تالي صار اسمي الاسيرة ... يمه وينـــــــك

يمه والشامت ضربني
وراسك معلگ هضمني
وسفه نايم وسفه يبني ... فكها عينــــــــك

يمه وجهك صاير اصفر من رموك
انت ميت هسه والگبلك اخــــوك
مطرت الدنيا حزن بس بالطفوف
والله نعمه وبعده واكف يمه ابوك

والله نعمه وگـــــــام
وانت جفنك نـــــــام
بگومته گامت ملائكة السمه

باس الاكبر غــــاد
ورد للاصغر عــــاد
ودع اولاده وتحنن بالدمه


يبني عبد اللــــــه ... يبني عبد اللـــــه


#محمد_نعيم_الكناني


https://www.tg-me.com/aabas78
قصائد لكل ايام محرم اشترك بالقناة

نزله 
سهمك مرد دلاالي  

دللــول.    دللـول.  عبدالله يبني الغالي  
_
يل غافني بحظانك سهـم يايمه ويلي
شلي بحياتي بغيبتك مايبكى حـيلي
ياويلي يـمه بفركتتك شيخلصه ليلي
يادمعـه بــفراك الولد يادمــعه سـيلي 

بدمع العين  صحت وين. ماأحمل أنه غيابك 
بالحساب ولاجان يايمه أعيش افراكك 

يويلاه   يويلاه   بصوته الوحي ينعالي
_
يل نحرك ارقه من الورد وشلونك بهاي 
لو ادري هيج ع السهم مانطـلب الماي 
وشلي بحياتي ودنيتي ياجرح دنـياي 
 ماظل فكر وبغيبتك شو فاكده الرأي 

ع الصار كلب نار. يلهب ييمه بروحي
 اه واه. يويلاه   ماتشفه يمه اجروحي 

يمدلول  يمدلول   سهـمك مــرد دلاالي 
_
يل سهمك أكبر بالعمر نحرك تره صـغير 
يايمه عــبدالله الولد سـهمك تره جـبيـر 
وشلون اطلعنه الـسهم كل فكري ايـحير 
ماجنت اضن يمـه الولد كل هذا ويصـير

سهمه جبير   عمره صغير  عبدالله أبني الغالي 
بيه حتار فكري وحار يلهب جـمر دلاالي 

من الصار  من الصار  حيـره تظل أبالي 
_
يايمه أحير ودمعي مثله المطر ساح 
ضليت أون اعله الجره راح الولد راح 
ريـت بغــيابك يالـولد يذبحني ذباح 
متمنيه اموت بموتتك يوليدي وارتاح 

وين الموت صحت بصوت بلكي يجيني ليلة 
حته أتاح صوتي صاح جسمي نهدم كل حيله 


حيره وأه.  حيره وأه   وشلون أوصف حالي 
____
ياثمرت اسنين العمر ياضحكتي شلون 
وشلـون اودعك ياجرح وعلية متـهون 
حيـــرني فـكدك يالــولد وتـغـير الــون 
عـبدالله يبني لورحت تعميهاا العيون 

يبن حسين  تعمي العين  طول العمر انعالك  
وبكل حال  عله البال   يايمه أشوف اخيالك 

يبن حسين يبن حسين   يايمه يبن الوالي 
____
مرتضى مكطوف الموالي 

https://www.tg-me.com/aabas78
قصائد لكل ايام محرم اشترك بالقناة

منهاج محرم الحرام الحرام 1447 هـ
عبد الله الرضيع (عليه السلام)

طير چان بكربله
وشاف نبلة حرمله
يروي أخر شبگه ما بين
الطفل عبد الله والحسين
طير چان بكربله

طير وأسال عمري كله.... وين ابو اليمه أشوفه
واعرفت بالطف واجيته....ودي أقَبِلَّه چفوفه
وگلت هسه الناس زحمه....محاوطه حسين وتطوفه
وين أَحَصّل نظره منه....وگلبي بس من هاي خوفه

واقنعت كلبي بخبر
لو مشه إنشم الأثر
أو نشوف اليوم الأثنين
الطفل عبد الله والحسين
طير چان بكربله
ــــــــــــــــــــــ١ـــــــــــــــــــــــ

جيت من جهة العساكر....گلت اكيد اعليه زحمه
وبالوجوه شما اباوع.... هاي ماهي اوجوه رحمه
اعله النهر باوعت فارس....ابلا چفوف ويجري دمه
انعصر گلبي وصرت اصرخ.... هذا بس لا أبو اليمه

وردت اموت واستمع
صوت للحگ مرتفع
الصوت هذا الجايني منين
الطفل عبد الله والحسين
طير چان بكربله
ــــــــــــــــــــــ٢ـــــــــــــــــــــــ

گلبي أخذني لأبو اليمه.... وشفته شايل طفل بيده
يِشم نحره وهوَّ يمشي....أشعر ايواسي وريده
والطفل چي على ذراعه.... عيونه مبتسمه وسعيده
وچنه بعيونه يگله....مو الماي أنت الأريده

وبالحسين أشعر ألم
چنه خايف من سهم
ويا حنان سوالف بعين
الطفل عبد الله والحسين
طير چان بكربله
ــــــــــــــــــــــ٣ـــــــــــــــــــــــ

الطفل گدما بي براءة....وگد جماله ودي أحضنه
وطرت فوگه حتى أبعد....بجنحي حر الشمس عنه
ودرت وجهي ولنها نبله.... جايه وتقترب منه
بگلبي ردت اشگفها لكن....منذبح أنظرله لَنَّه

وانظرت لن الدِمَه
منه صاعد للسمه
والامحاضن بين حضنين
الطفل عبد الله والحسين
طير چان بكربله
ــــــــــــــــــــــ٤ـــــــــــــــــــــــ

دَوَّرِت لو بعد نبله.... حتى كون انذبح بيها
ارد اموت ولا اشاهد.... عيون الحسين وبچيها
وبي يشم الدرب كله.... والخيم تنطر يجيها
وصاح زينب مدري أمه.... وحرمه اجت ترجف إيديها

اتگله اهلا بالضوه
ساكت اتوقع روه
وباوِعَت دم اعله الايدين
الطفل عبد الله والحسين
طير چان بكربله
ــــــــــــــــــــــ٥ـــــــــــــــــــــــ

منذبح وامه تگله....شبي تِغيَّر لون خدك
نايم إهنه وابقى نايم.... بحضني ما اردك لمهدك
يُمه لا افتح عيونك....حتى أعرف شني اشعندك
بكلشي منك يُمه أرضى....لچن ما بيَّه اعله فگدك

يُمه گالو منذبح
وينتظر راسك رمح
وبالسبي ابقى انظر لوين
الطفل عبد الله والحسين
طير چان بكربله
ــــــــــــــــــــــ٦ـــــــــــــــــــــــ

أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء

https://www.tg-me.com/aabas78
قصائد لكل ايام محرم اشترك بالقناة

محرم 1447ه‍-2025م


عبدالله يبني الغالي فگدك كسر دلّالي
يمه يا نور عيوني
يمه بدونك خلوني
فگدك كسر دلّالي
؛★★★★★★★★★★★★★★★★★★

يمه يا عبدالله يا روحي وحياتي عايف امك للنحيب
انت عمري ولو متت يعني مماتي وانت للعله طبيب
اعتبرني ميته من بعدك يغاتي الموت من عندي قريب

مني مشيت الموتك وصار الرمح زاتوتك
يمه عگبك يولوني
يمه بدونك خلوني
فگدك كسر دلّالي
؛★★★★★★★★★★★★★★★★★★

بعمر ورده بعدك وخلصت ايامك يالچنت ليه ضوه
يوم يوم انتظر بيه تكبر احلامك وعودك اللين روه
چنت اتمنى اشوفك وي عمامك تگعد وياهم سوه

يالحطميت احلامي خليت گلبي ضامي
يبني بلياك شلوني
يمه بدونك خلّوني
فگدك كسر دلّالي
؛★★★★★★★★★★★★★★★★★★

آه يا فگد العزيز شگد مصيبه تحرگ بروحي حرگ
والحبيب يموت لو فارگ حبيبه لأن گلبه ما يدگ
صحت يا هالموت ابني ما تجيبه انا كل لحظه اختنگ

صار الدهر چتالك ماخذني كون ابدالك
ثكلى راح يسموني
يمه بدونك خلّوني
فگدك كسر دلّالي
؛★★★★★★★★★★★★★★★★★★

طير وترفرف چنت بالمهد يمي وحرمله بسهمه رماك
لا تظن يرتاح بعدك لحظه جسمي بالشمس اگعد وراك
دمك الطاح بذبحتك احس دمي كون ماخذني الخذاك

طاح بوريدك سهمك تمنيت ذابح امك
بموتك ردت يموتوني
يمه بدونك خلّوني
فگدك كسر دلّالي
؛★★★★★★★★★★★★★★★★★★

كسر ظهري فگدك وفگد الغوالي ما بقى عدنه سند
راسي چان وياكم اعله من العوالي فراگكم هد حيلي هد
رحت انتَ وراح ابوك الشغل بالي العمر ما اريده بعد

احنه وراكم ضعنه يمه ترى تسلبنه
بعدك ترضه يسلبوني
يمه بدونك خلّوني
فگدك كسر دلّالي
؛★★★★★★★★★★★★★★★★★★

آ شگد بعدك ييمه بروحي حسره وشعظم هالمعضله
اليفگد ابنه من وراه شيفيد عمره لو يموت افضل اله
انا كل لحظه اصيح ودمعي اهمره اوف منچ كربله

راح اظل كل ايامي بس صورتك گدامي
منك وسفه يحرموني
يمه بدونك خلّوني
فگدك كسر دلّالي
؛★★★★★★★★★★★★★★★★

جعفر عطيه البزوني

https://www.tg-me.com/aabas78
قصائد لكل ايام محرم اشترك بالقناة

اخر دللول....احچيها يمك
اخر دللول....يسمعها مهدك
رايح للتراب.       يااغلا الاحباب.
**
يعبدالله دلولك.               اخر مره احچيها
يمه خلافك الايام.        گلي شلون اگضيها
اعاين رگبتك يبني.....   مكسور السهم بيها
هليله الحزن والهم........    امك خيم عليها
عبدالله اناديك........وانظر وريدك
والنبله تاذيك....        لازمها بيدك
ياذيني الاصواب.....يااغلا الاحباب
**
ماعندي ولد غيرك.....واگول أنساك وتصبر
چنت يوميه احسبلك.. وافرح لو شهر تكبر
لو ترجعلي كل دنياي ...لجلك مستعده أسهر
اعدل رگبتك بيدي..........وما يتعدل المنحر
عميانه العيون.       فگدت ضواهه
امك تريد تريد.    ..  منك رباهه
كافي من الغياب.      يااغلا الاحباب
**
من ابعيد اناغيلك......       واتمنه تفز ريتك
عبدالله يبعد امك.            تسمعني تمنيتك
شجاني وما حسبتلها....وتشرب ماي وديتك
يبني بكربله مذبوح ....... هاي اليله خليتك
موتتي الافراگ.         وانه بجوارك
.مابين الضلوع.        شيطفي نارك
تدري الگلب ذاب ...  يااغلا الاحباب
**
راسك عاالرمح رفعوه...وگدامي طلع رمحك
ترف كلش ترف انت... ونسمات الهوى تجرحك
شنو الذنب الي سويته....ليش الوادم اتذبحك
وشيال الرمح كل ساع. ...من يتعمد  يرفعك
راسك عاالرماح.............گدامي عالي
ومهدك على الگاع........خليته خالي
حتى الجفن شاب.....يااغلا الاحباب
**
مثل هزت مهد يبني.  تدري الناگه مشيتها
امك باالدرب تنعاك.......وتنحب بستراحتها
من بعدك ليالي الضيم... يا عبدالله شافتها
مجتوفه وحضن خالي... ...هيچ الدنيا ردتها
فوگ الجره وصار....مچتوفه اديه
وبرمحه يندار..............راسك عليه
جرحك ولا طاب.    يااغلا الاحباب

الشاعر سعدالعبودي


https://www.tg-me.com/aabas78
قصائد لكل ايام محرم اشترك بالقناة

نام  نام          باجر وراك الذبح
نام   نام         وآنه وراي الجرح

اشهور عمرك موسنه// تنذبح بيدي يلظنه

نام نام                       نام نام
/////////////////////////////
اسم الله بس لا لا تفز ... نام نام ابراحتك
ساكت يبعد امك عجب ... هل سكته أبد مومالتك
من شفت كوه أتجر نفس ... هضمتني كلش حالتك
يايمه ميته آنه ردت ... ولا كبلي صارت ساعتك

وين وين              رايح يبعد النظر
وين وين               بلكت يحن النهر

وتشربه يمه بلهنه// تنذبح بيدي يلظنه

نام نام                      نام نام
///////////////////////////////
الكعده الاخيره بالحظن... والليله آخر ليله
آنه الوحيده العدها ابن ... مالحكت اتلوليله
اوليدي جان اول طفل... مو جفي رمح ايشيله
مو آنه ياوسفه صبح ... خيل العده اتناغيله

راح راح              من ايدي يمه رحت
راح راح              من عمرك انته اشفت

انهدم بيتي الي انبنه// تنذبح بيدي يلظنه

نام نام                       نام نام
//////////////////////////////
ام عبدالله جان اسمي وصرت... هسه الرباب اتسمه
مو خرزه ابني امن السهم ... خاطر نعرف انضمه
كل طفل ندري بهل عمر ... من الرضاعه انفطمه
بس ابني مفطوم ابسهم... والرجله واصل دمه

ليش ليش               منه اشيريد السهم
ليش ليش               بوليدي شو مارحم

ظهري اعلى فركاك انحنه// تنذبح بيدي يلظنه

نام نام                          نام نام
//////////////////////////////
باجر نساوين السلف ...كل وحده ابنها اوياها
وكل وحده تفرح بلظنه ... وانه بلا ظنواها
جلمة اليمه امن الولد ... جا تطلع اشمحلاها
واليمه واحلام العمر ... مني السهم باكاها

ساد ساد                   بيبانه ليش الفرح
ساد ساد                   ووليدي ليش انذبح

روحي اعلى فكده امدوهنه // تنذبح بيدي يلظنه

نام نام                            نام نام
/////////////////////////////
من شاله الحسين ومشه ... عبدالله صوبي ايباوع
سالم اوليدي ابلا جرح ... وحسيته جنه اينازع
ماادري نظرات الولد ... معناها  نيته  ايوادع
لو ادري ببني ينذبح ... باب الخيم ما طالع

مات مات                     عبدالله رمشت جفن
مات مات                     ضل خالي عكبه الحظن

هوه الفرح بس انفنه// تنذبح بيدي يلظنه

نام نام                            نام نام
///////////////////////////
تمت // مرتضى الرافضي


https://www.tg-me.com/aabas78
قصائد لكل ايام محرم اشترك بالقناة

الرضيع

طولك مهد مو مال شوغة منيه
بين السهام اتنام مو بين اديه
       ماتعرف اتگول
       چلمة دللول
مو بين اديه
     ++++++++
سامحني موبيدي العطش
جف اللبن من صدري
لو ينفع ويروي الضمه
چا گطرتلك عمري
ماسامعه قبلك طفل
بگماطه وادما تجري
يالطولك ابعمر الورد اشماله السهم مايدري

منتظره يم الباب واسأل سكينه
گالتلي رد حسين وطفله اعله ادينه
      وگماطه محلول
       وچلمة دللول
مو بين اديه
     +++++++++
عبد الله گلب امك عِلم
أول طلعتك مني
ودعتك وطاح الگلب كل خطوه تبعد عني
صحتك تجي لو ماتجي
مهدك يون الوني
بيهن انشف دمعتي
نگعت اهدومك ذني

من الزمت لحجاب ساعة.وداعك
هاي العلامه البيك توحي بضياعك
       والساني مشلول
       وچلمة دللول
مو بين اديه
    ++++++
گالو رجع يمكن روه وحسين شايل طفله
بس مو مثل مشيه قبل مگلوب لونه وشكله
يم خيمة الحره عثر والباب مايندله
عن الشمس غطه الولد
لو يخفي عني النبله

صاح اعله زينب ليش مو آنه امك
ما ادري ليش حسين عني يضمك
      معقوله مكتول
       وچلمة دللول
مو بين اديه
     ++++++++
يوليدي لمّك ماصحت لو گطع صوتك سهمك
اشحاچيت ابوك اخر نفس لمن شبگته وظمك
اشفافه حمر منها اعرفت عودك ابنحرك شمك
راوني چفه واعرفت تارسله چف من دمك

ضليت اشم لثياب عطرك لگيته
گتله ابني وين وگال عنچ خفيته
       ضل ونّته اتطول
       وچلمة دللول
مو بين اديه
      ++++++++
حار الرمل وانت ترف عبد الله هسه شلونك
من الدللو والمهد ماشابعات اعيونك
هسه انته مييت منفطم ما ادري شيسمونك
يحرم عليّه كل سگف اگعد ابفيّه ابدونك

خلف الخيم مدفون وحرگو خيامي
خوفي الجمر هم لاح جسمك يضامي
      ياهوه مسؤل
     وچلمة دللول
مو بين اديه
       ++++++++
باجر اصير اعله الهزل وراسك ابرمحه اگبالي
مذبوح واعليه تحن الچفي تصد يالغالي
بمچانك بچفي حبل حالك يحن الحالي
واعيونك اتسولف الم تنظر الحضني الخالي

لمّن يجيني الليل وتنام الاعيون
بس عيني ما ترتاح واتغمض شلون
         والداير الحول
       چلمة.دللول
مو بين اديه

الشاعر ثائر الربيعي

https://www.tg-me.com/aabas78
قصائد لكل ايام محرم اشترك بالقناة

قصيدة في مصاب عبدالله الرضيع لسان حال الرباب ...
ـــــــــــــــــــــــــــــــــــــــــــــــــــــ


ضاعت برَمية سَهَم يايُمّه أمنياتي
تاهَت الروح بحِلِم ويّاها ذكرياتي

مِـن رِحِــت يَغـالي
بس هضم صفالي

ـــــــــــــــــــــــــــــــــــــــــــــــــــــــــــ


تِــــدري يَبني تسعة أشهر آنه شِلتَك
يا الغذاءك من وريدي ضلوعي بيتك
وبشــــتياقي تنــطّرتهـا يبني طلتـك
وبكبُـــــرتي يَبـــني تَچوة منتظرتك

مثل ما داري الوَرد داريتك بحناني
ثغرك يناغي الأمل وعيونك الأماني

ســاهَرِت لَيـــــالي
بس هضم صفالي

ـــــــــــــــــــــــــــــــــــــــــــــــــــــــــــــــ


چنت أشوفك كل صباح وكل مسية
چنت أشـــيلن عمري لو شلتك بدية
ولو همــــــومي ٱلتَمّت ودارت عَلَية
كِلهِــــن يروحَــــــن إذا تنـــظر إلِيّـة

وجهك المنّه الگمر ماخذ يروحي نوره
بخَــــدّك يطِگ الوَرد مِتـــنوّع بعطوره

وأســرَح بخَـــيالي
بس هضم صفالي

ـــــــــــــــــــــــــــــــــــــــــــــــــــــ


زلمة تصبح چنت أنِطرك كل ثواني
تلِمني يُمّه بكُبري لو وَكتي رِمــاني
ويَمّــي تِحضَر يبني لو گرب أواني
أمنـــيات وتحـــمل اشكال المعاني

هالأماني ٱتبخّرت يبني بلَهَب مُصابك
من وصلنا لكربله لاحَت سُحُب غيابك

وروحَــة الغــوالي
بس هضم صُفالي


«««««»»»»»»««««»»««»»»»»»»»»»»


والله صعبة من أشوفك ظامي بالطّف
واليِحِــــملك يا رضــيعي ريجه أنشَف
لا تظـــــن يبــني الزمـن ويانه أنصَـف
حــــكمـة البـــاري بعــــباده هو ألطَف

مو سهل أتمايزك تذبل عطش خدودك
چنك تريد السفر وين أصبحت وعودك

رسـمك ٱعلـــــبالي
بس هضم صفالي .


«««««»»»»»»«««««»»»»««««»»»«««


ماكو أصعب من رضيع تشــوفه أمه
ظامي صابت نحره نبلة بلايه رحمة
يعينه الله الشــالك وبگلـيبه هضـمة
يرمــي دمــك للســما ونحـرك يشمه

حالتك أصعب على الوالد من المشعّب
والعطــش ومصــيبتك نار بدليله تلهب

تـدري بالجـــرالي
بس هضم صفالي


ـــــــــــــــــــــــــــــــــــــــــــــــــــــــــ


ما أريــدن عمــري عگــبك يا حبيبي
يبني يبني ومن حياتك شح نصيبي
حزنــي ما يــنفع ولا يـنفع نحـــيبي
بَـس غيــابك يشـعل بگلــبي لهـيبي

من أعاين عالمهد يطفح نزف جروحي
ثوبك أشتمه بقهر شيصــبّرچ يروحي

مهدك إنته خالــي
بس هضم صفالي .

ـــــــــــــــــــــــــــــــــــــــــــــــــــ

الأستاذ / ستار عذاب الحچامي

https://www.tg-me.com/aabas78
قصائد لكل ايام محرم اشترك بالقناة