دفعو عالزچيه الباب والبـــــــسمار لاگــاها

ثگـيل الباب چــــــــــان ولاگته الزهره
وشهگت مــــــــن كثر ماتوجع العصره
عرش الله انكسر بس ياهي من كسره
الله يعين حــــــــــــــيدر مانفذ صبره

من گالو وآن بالبيت وام البـــيت سطروها

بيت ام الحــــــسن بيت الله واسراره
وحامي الجار بيته احتــرگ من جاره
حيدر عالمصيبه مــــــــــــاطفت ناره
من يمته علي مـــــــــــــايفزع الداره

حيف الشالع البـــــيبان وادم تدفع ابابه

صاحت فاطمه يافضــــــــه سنديني
بالگوه احچي مــــن كونچ تسمعيني
مابيه اعله شيل اجـــــدامي عينيني
بسمار وخشب وضـــــلوعي تاذيني

شاغت روحي بالدفعات والدخان عاميني

دلوني اعله گبره وانفــــــــض اترابه
اريد اشكي لبوي اشــسوت اصحابه
يدري ابفاطمه مهضــــــــومه بغيابه
بسمار بضلعهه ويلچـــــــــم اصوابه

ماغمض جفنهه الليل ام حسين موجوعه

بالباب الزلم والبــــــــــيت بيه حرمه
وهيه فاطمه بــــــــــت آشرف الآمه
من عصروها طاح المحسن امن امه
والمكسوره وين اولـــــيدهه اتضمه

مالحگ عله الكاروك محسن طلّعو روحه

خادم القصيده
شاكر الصيمري

https://www.tg-me.com/aabas78
قصائد لكل ايام محرم اشترك بالقناة

قصيدة ( اعتذر منچ يزينب ) وكأن ام البنين تعتذر لأنها كانت تتمنى أن لها بنت ذهب اسيره بدل السيده زينب عليها السلام



اعتذر منــچ يزينــب يمه مــا عندي بنات
دونچ يشدون اديهن عالهزيله امسلبات
قدمت أربع ولد ظني ابو اليمه يرد
يمه مــا عندي بنات

*-----*-----*-----*-----*

دمعي أسيله يــالعقيــلـه بـأعتــذاري
حسره عمري ناري تسري أه ينــــاري

ريت كــل هاي المصيبه المرت بطف كربله
عندي كــون ابنيه دونــچ بالمصايب معوله
وتنظــر إخــوتهـا ضحــايا اربعتهــم بالفــلا
وســالم حسين وبنينه وكــل بناته وكل هله

ولدي كون الطـف ذبحهم عالرمــال امگطعــين
وسالم ابن الزهره يرجع والله يمه تگرلي عين
ابــد مـــا همنـــي البعـــد ظنـي ابو اليمه يـــرد

*-----*-----*-----*-----*


لا كفيلـچ وحشــه ليلـچ يمـــه زينب
والظلامه بس يتــامــه كلها تنحب

اخ مــن ليــل الفجيعــه مــن بعـد حــرگ الخيّـم
بنتي كــون بحيــره دونچ تجمــع أطفـال وحـرم
وكــون مــو أنتـي الصرختي وينــه شيال العلم
بنتي كــون الي تنادي وجــدها ريته ألي أنشتم

يعينج الله أعلى الفجيعه شطولـه ياليل اهدعش
حــرم مذهــوله ويتـامه وخوف وهموم وعطش
المــن ايتــامــچ تصـــد ظني ابو اليمــه يــرد

*-----*-----*-----*-----*

والله حيره يـالامــيــره بهل الرزيه
بلا عشيره أنتي أسيره من ال اميه

كون مــو أنتي السبيه بنتـي راحـت للسبي
وشمر ريته يشد أديها يگلها عالناگه اركبي
وسـوط البمتنچ عليها وسالمـه بنـت النـبي
وريت مو أنتـي أسيـره يا أبــه و قبلة عبي

كون مــو چفــچ يـزينب والله ينشـد بحبال
ريت عندي ابنيه دونچ والله يربات الدلال
وفاگــده إخــوان أولــد ظني ابو اليمه يرد

*-----*-----*-----*-----*

اه يوسفه والله كلـفــه والله بـلـــوه
يــا ألمها شكبره همها الفگدت أخوه

حيرت السوگ ومصابه كون مــو بيـچ اليمـر
والله يــا يمــه يزينــب الــچ ميلـوگ اليسـر
ريت عندي ابنيه دونـچ واگفــه بحــر الظهـر
وريت مــو أنتي الدخلتي بنتي دخلـت للقصر

والشماته تصد عليها والـچ مــا واحـد نظـر
فــدوه انه وكل بنيني وما يمــر عينـچ سهر
ومحــد لچفــچ يشــد ظني أبو اليمه يــرد

*-----*-----*-----*-----*

يا مصابه بالخرابه شكبره صبرچ
والرزيه من رقيه حسره عمرچ

والله صعبه بت محمد بالخـرايب مــن تبات
يساعــدچ الله يــزينب يــا عظمـها النايبات
كــون بنتي بحيره ظلت تجمـع أيتام وبنات
وتگعــد بدمعتها تنعه يســاعد الله الفاگدات

تصـبــر بدمعــه رقيـــه تگلها ما مات الحسين
بس ابو فاضل وإخوته عالــرمال مگــطعيــن
فــدوه طعنــات الچـــبد ظني أبو اليمه يــرد
*-----*-----*-----*-----*

الشاعر موسى البديري

https://www.tg-me.com/aabas78
قصائد لكل ايام محرم اشترك بالقناة

زينب وأم البنين ع

أربعة انطيت يلبوة حيدرة
فدوة لحسين وأحس امقصرة
ريت كون انطي العمر    قصرت يم الخدر
أربعة انطيت يلبوة حيدرة
* * * * * * * * * * * * * *
يمّي ياريت تشوفين اشحصل
يوم الحسين على الكوفة وصل
شسوة عباس اخوي ابن الفحل
وجعفر أو عون وعبد الله البطل
ذلو اجيوش الكفر   العندة مثلج يفتخر
وين اكو اتجيب زلم مثلج مرة
* * * * * * * * * * * * * * *
انه ربيت يزينب هالزلم
لجل الحسين يشدون العزم
أربع أحيود شهم يتبع شهم
لچن مرات أحس آنه ابهظم
مافديته ابرگبتي     هاي چانت منيتي
ابروحي اواسي الزهرة الطاهرة
* * * * * * * * * * * * * * *
يم البنين عطائج موقليل
ماكو مثلج أبد لا مستحيل
عن دراية اختيارج من عقيل
لجل زينب تجيبين الكفيل
اختارج الزينب سند    عدها لو ماضل أحد
والجزة هناك ترى بالآخرة
*
باچر اشلون شگل بنت النبي
لا شفت سوط ولا ظيم السبي
وحرك الخيام ولا سبني أجنبي
ردت وياج يزينب مطلبي
ومثلج الخيمة تشب   وهم يحركون الكلب
وردت وياج أروح أميسرة
* * * * * * * * * * * * * * *
انتي ظيمين حملتي ابضلتج
ظيم الفراگ أو ظيم اللوعتج
انطيتي للدين فلذت جبدتج
وعلى المظلوم جريتي دمعتج
انتي منبع للوفة    ابيوم ابن حذلم لفة
انتي للدين هيبة أو مفخرة
* * * * * * * * * * * * * * *
گلبي مالوم يبنت ام الحسن
مات الحسين غريب ابهالوطن
دارت إعليه المصايب والفتن
ريت العيون عكب شخصة عمن
عگب عينه وين أروح    تارس گليبي جروح
ريت روحي ابدالة أعلة الثرة
* * * * * * * * * * * * * * *
كلمات الشاعر والرادود عدي البصراوي


https://www.tg-me.com/aabas78
قصائد لكل ايام محرم اشترك بالقناة

قصيدة نزله في حق ام البنين عليها السلام

خيمة ايتام تمثلت أم البنين
خيمة أيتام تمثلت أم البنين
.........
بعد ما بضعة نبينه استشهدت
والمآسي اعله اليتامه خيمت
ماكو للحسنين غير ام البخت
هيه هاي ام البنين اللي اجت
أم تصير الطاهره
هاي أعظم مفخره
والدهر ضام لليتامه الطيببن
خيمة أيتام تمثلت أم البنين
.......................
فاطمه اتغير اسمهه لهالامر
خاف منهم بأسم أمه ينقهر
تعرف اتعلم الصبور اعله الصبر
وتخدم الايتام كل هذا العمر
وطائعه الحيدر علي
والهه كل هم ينجلي
وكل الايام ثابته ولا ماتلين
خيمة أيتام تمثلت أم البنين
.....................
من مشاعرهه الحنونه الواضحه
جن وضوح ال قل هوَ وي الضحى
لو قره الانسان الهه الفاتحه
تنكضي حاجاته والرب سامحهه
حته لو ذنبه جبير
ينمحي من يستجير
الهه الاسلام حفظتهه بهذا الحنين
خيمة أيتام تمثلت أم البنين
........................
منزلتهه عد علي بأرفع مقام
ابحيدره التاريخ عَدهه من العظام
لو بحار ابحقهه ما يكفي الكلام
حد علمنه القاصر اعليهه السلام
وهيه اكبر من حرف
بالسطر ينزل وصف
وكل الاحلام نبقه الهه ذاكرين
خيمة أيتام تمثلت أم البنين
......................

فاركت عمر المصايب والهضم
ماتت وعبره ابصدرهه من الظلم
للمثلهه ازغير في حقهه النظم
والقلم لكبر فضائلهه ابعقم
لكل تعزيه وكل نعي
منهه نحتاج الوعي
وتنعه الاقلام ام بدور الثائرين
خيمة أيتام تمثلت أم البنين

الشاعر
ياسر العارضي


https://www.tg-me.com/aabas78
قصائد لكل ايام محرم اشترك بالقناة

انه عاهتج عهد ــــــــــــــ ابقه خادم للئبد
يمْ البنين يمْ البنين
ـــــــــــــــــــــــــــــــــــــــــــــ
انـه عـاهــتـج وضـل دوم بـخـدمـتـج
بسجـل خـدامج دسجليـني عله بختج
انـتـي باب الله اورحميـني ابـرحمتج
اجكد حنينه لام وحن من امي شفتج
انه بالشده اعرفج ــــــ مايـخيب الكلفج
يمْ البنين يمْ البنين
ـــــــــــــــــــــــــــــــــــــــــــــــ
امـي جـانـت لـوثـكـل كـلـش حـملهه
تصيح بسمج ولحمد تـقـراهـه كلهه
يـمه هـاي ام البـنيـن امنـيـن اكلهه
ادكلي للحاجـات يبني الـرب جعلهه
تكضي كل مصتصعبه ــ يبني هاي امجربه
ـــــــــــــــــــــــــــــــــــــــــــــــــ
يـبـني هـاي الضحت ابـربـع والـدهه
هـاي للمـضـايـج اويـنـخـاهـه كـدهه
تكضي حاجت كلمن اتعنه اوكصدهه
الـف هنياله الخدم كل عمـره عـدهه
خادم الهه امن الزغرــــ يبني نـاذرتك نـذر
ـــــــــــــــــــــــــــــــــــــــــــــــــــ

يبني اسـولفلك بـعـد خـلـيـني عنهه
هاي ربـت غـيـره الباري ابحضنهه
ماجفه الطف دون زينب بس ابنهه
لئن شارب كـمـر هـاشم مـن لبنهه الضحه بالطف ركبته ــــــ بت حزام الربته
ـــــــــــــــــــــــــــــــــــــــــــــــــــــــــ
خادم الحسين عليه السلام حكيم الفرطوسي

https://www.tg-me.com/aabas78
قصائد لكل ايام محرم اشترك بالقناة

وفاة ام البنين… عليها السلام
+++++++++++
شباقي بيها روحي راحت من زمان
اي يملك الموت باكثر من مكان
مات ثلثيني قهر
وحصه ضلت عالنهر
اي يملك الموت باكثر من مكان
++++++++++
يفترض تسئلني المن عايشه الهذا الوكت
بالرغم راحت بنيني وبجفاهم مامتت
والضعن ذاك انتظاره يگطع انفاسي وعشت
عل عسا وهلبت يردلي حسين ولهذا اصبرت

ضل مچاني خالي عالعتبه وغريب
وما رجعلي اشگت بچيت اعله الغريب
باقي لدموعي اثر
وحصه ضلت عالنهر
اي يملك الموت باكث من مكان
+++++++++++
ورگِتي امن زمان طاحت من رجع خالي الضعن
ومن دخلنه حسين داره ريتها اعيوني انعمن
آه ياعباس صاحت زينب وگلبي انطعن
گلت مات حسين يعني ابلايه عباسه اظن

روحي طلعت من شفت ذيچ الضعون
استغربت زينب اجتني ابلايه لون
عدها ما باقي نظر
وحصه ضلت النهر
اي يملك الموت باكثر من مكان
+++++++++++
ياملك بس عندي چلمه لو جواب الهاصح
يمته روح حسين طلعت بالرمح لو بالذبح
ابيا جرح روحه اسحبتها وهوه كل جسمه جرح
وحرمه يم جسمه اسمعتها امترب الوجه السمح

تمسح ابخدينه من ذاك التراب
امنين چانت تاخذ الزهره خضاب
صدره لو من النحر
وحصّه ضلت عالنهر
اي يملك الموت باكثر من مكان
*
يالله ملك الموت عجل روحي اخذها بالعجل
من عِيوني اسحبها روحي تطلع وبيها بلـل
من دموعي الحرمه راحت عالهزيل ابلا اهل
وآني احس ابموتي غربه ابعازت الچف الكفل

غربه ليشيلونه نعشي اعله الچتوف
وزينب الصعدت هزل بين الصفوف
اثنينه ابعازت گمر
حصه ضلت عالنهر
اي ملك الموت باكثر من مكان
+++++++++++++
حته منكر لو سألني وين افنيتي العمر
ادري من يسمع جوابي عن سؤاله يعتذر
بالبدايه ابيت حيدر خادمه وبيها افتخر
وخاتمت عمري بواچي وابني من طين الگبر

حسين ابلل گبره من مجره الدموع
وحيل اشيل اچفوف والطم عالضلوع
او ليلي بونين وسهر
وحصه ضلت عالنهر
اي يملك الموت باكثر من مكان
+++++++++++
هسه كلهم بنتظاري ياملك متوقعه
تفتح اذراع الزچيه ياهله ام الاربعه
موكب وحراسه ولدي حته زينب طالعه
حته في يوم القيامه ام الخدر متگبعه

هسه كلهم بالگبر متجمعين
وعيني بين الزهره مابين الحسين
بيهم ايلمني القدر
وحصه ضلت عالنهر
اي يملك الموت باكثر من مكان


الشاعر ثائر الربيعي

https://www.tg-me.com/aabas78
قصائد لكل ايام محرم اشترك بالقناة

من يوم الطفوف وذيچ وگفتهه
لحد هذا الوكت مفروشه سفرتهه

هاي ام البنين الضحَّت ابأربع
گضاية حوائج بالشدد تفزع
اشما جال الوكت سفرتهه تتوسَّع
وجيهه ام الوفه ومسموعه دعوتهه

ربنه عوضاهه ابجاه يرفع راس
وگفتهه صفت معروفه بين الناس
من اتحير بس حلفهه بالعباس
جَرّب يالتريد وشوف فزعتهه

أدَلِّيِك ابطريج الياخذك ليهه
ابكسرة خاطر ام عباس حاچيهه
اذا مهموم مَشِّي زينب اعليهه
واحسب حاجتك ياصاح گظَّتهه

گلهه ادخيل اجيتچ حاير ابدنياي
مهموم اعتنيت ومِنِّي تاه الراي
أحلفچ بالغريب الراد گطرة ماي
وبزينب الحره وذيچ غُربتهه

إنخه ام البنين ابدمعك السچَّاب
گلهه الينتخيكم والله ماينعاب
اذا ماأدگ بابچ بلله ادگ ياباب
يباب الله الأبد مايوم سَدَّتهه

من تنخاهه منك حاشه تتعذر
إدعي وبيقين احسب إلك تحظر
يم عباس گلهه منچ اتشكر
وكون ابكل وكت تنعه المصيبتهه

سيد علي الموسوي


https://www.tg-me.com/aabas78
قصائد لكل ايام محرم اشترك بالقناة

الفاتحة عل ام البنين اقراها
دير بالك تطلع وتنساها
ءءءءءءءءءءءءءءءءءءءءءءءء
علية اقرة الفاتحة بطول الزمن
توكف وياك وتعينك بلمحن
جفة يشبة بلكرم جف الحسن
ما تظل محتار من تنخاها
ءءءءءءءءءءءءءءءءءءءءءءءءءءءءءءء
هاي ام عباس هاي ام الوفة
هاي ام الزود وم المعرفة
واللة مانكدر فظلة نوصفة
هاي ربك بل السمة علاها
ءءءءءءءءءءءءءءءءءءءءءءءءءءءءءءءء
سجلت برض الطفوف اروع صور
ظحت بشبانة بزود وفخر
يظل شاهدة الزمن وي الكمر
ونظل دنية واخرة بحماة
ءءءءءءءءءءءءءءءءءءءءءءءءءءءءءءءء
تصيح يمة حسين كل لحظة التمر
واللة من بعدك فلا يسو العمر
عمري بفراك خلص ون وصبر
تنوح روحي افراكك البجاها
ءءءءءءءءءءءءءءءءءءءءءءءءءءءءءءءء
يعينة اللة من رجع ينعة بشر
يصيح ياءهل المدينة ومنكسر
.لعنة اللة عليهم يزيد وشمر
والف لعنة علالمية وياها
ءءءءءءءءءءءءءءءءءءءءءءءءءءءءءءءء
لشاعر ابو حقي الخفاجي


https://www.tg-me.com/aabas78
قصائد لكل ايام محرم اشترك بالقناة

بالك تطلب الحاجات اذا مو من اهاليهه
جرب واچهب ام عباس والعباس تگضيهه
--------------------------------------------------------------
لاتسأل حكيم بهاي لازم تسأل مجرب
مادرست بكليات بس الاول اعله الطب
سر العافية بجفهه وبراچيته ماتكتب

من أيئيسك الدكتور
لم عباس يبدي الدور
من عدهه الدوة والشور
اقره الفاتحه اعليه بنيه صادقه واطلب
--------------------------------------------------------------
تربات المضايف هاي واعله الهاك متعلمه
بت خير واهله اشيوخ ترس اعيونه النعمه
حرمه الخلفت عباس تتعادل بالف زلمه

فوگ الغيم سمعتهه
مره وشالت عشيرتهه
بيها افتخرو اخوتهه
لو گتلك بالف رجال اي ماتنحسب حرمه
--------------------------------------------------------------
علي  البيده  يدير  الكون  من  اوله  لتاليته
اشگد حاسب لهاي احساب من اختاره البيته
رباهه  وثلث  تنعام  من  حيدر.  وتربيته


مو كل واحد اليختار
صارت  قبلة  الايثار
أم  الاربعة  الاقمار
ضحت واليضحي اليوم تقديره اعله تضحيته
--------------------------------------------------------------
احفظ ماي البوجهك بالك تطلب امن افلان
يگضيهه  ويمن  اعليك دين  ومنت الديان
دگ باب الوفه ام عباس لاتفتر عله البيبان

تنطي وماتحسبه بدين
لا هسى.  ولا. بعدين
بس گله بثواب حسين
تاخذ حاجتك بيدك منه وماتظل حيران
--------------------------------------------------------------
چان  الحسن بالديوان  لايهتم  ولايحتار
من تتحزم ام عباس نار وتوگف اعله النار
ماطب للمضيف الزاد بارد دوم حار بحار

كرام الضيف غايته
و تعلمنه  حالته
وبكل بيت سفرته
من ذاك الزمن لليوم واحنه انعزب الخطار
--------------------------------------------------------------
الينفق في سبيل الله تاج وينحط اعله الراس
لازم ينحسبله احساب ومقدر ابين الناس
من سمعت الطف اتريد گامت واطت العباس

ال  تنفق  زلم  لله
وتعيش بدمع والآه
تاخذ كلشي تتمناه
حرمه والمثله تصير چفه بكل وكت تنباس
--------------------------------------------------
الشاعر حيدر الخفاجي


https://www.tg-me.com/aabas78
قصائد لكل ايام محرم اشترك بالقناة

بدارك يابو صالح .. نصبناهه الفواتح
وراعي الفاتحه ندريبه حاضر
المهدي بهالعزيه .. حضر هاي المسيه
موجود وتهل منّه النواظر
لعلي الهادي انجمعنه ** ويهل لجله دمعنه
***
طبع الناس من تفگد حبايب
تحـضـر بالعزه كـل الگرايب
عدنه الفاتحه هالليله واجب
ندري المهدي بيها ماهو غايب
...................
بدار المهدي اجينه .. وعلى الهادي بچينه
عالمسموم نبچي ونهمل العين
بيتك صار مرقد .. لاهلك يامحمد
وي كل دمعه تنزل نذكر حسين
الزچيه يعني يمنه ** ويهل لجله دمعنه
***
الهادي العاش عمره ونين وهموم
مثل اهله گضه ياوسفه مسموم
ابنه الحسن يمّه وحيله مهدوم
معصوم وگعد يم راس معصوم
.................
يگله شلون بيه .. اعتنت ليك المنيه
شنهو الياذي روحك ليه ديره
يحط خده على خده .. ولا يگدر يجعده
احتار العسكري وشلون حيره
ويون گام على ونه ** ويهل لجله دمعنه
***
على الهادي بچت حتى السماوات
وبچت حتى الكواكب والمجرّات
لعلي حتى الملائك نزفوا آهات
واله القرآن يبچي ويهمل آيات
...................
حبيب الله وخليله .. لعلي دمعه يسيله
لسامره اعتنت روح الزچيه
اجت تهمل دمعها .. الحزن يلچم ضلعها
ضلعها ماشفه من الغاضريه
انكسر مثلچ ضلعنه ** ويهل لجله دمعنه
***
انجمعنه بالصحن لاهل السماحه
ونلطم عالصدر ماردنا راحه
نصبنا الفاتحه ونعلن مناحه
نواسي المنتظر ردنا وجراحه
...............
العزه واجب علينه .. نحبهم مو بدينه
وندري بالعزه يحضرون اهله
اهل البيت كلهم .. اجو لديار اهلهم
وعلى الهادي الونين اليوم يعله
ونين شگد سمعنه ** ويهل لجله دمعنه
***
اجه لسامره اصحاب الخدامه
اهل الدمعه مو اهل الفخامه
يقدمون العزه لاهل الشهامه
بچوا لحسين ولحرگة خيامه
.................
يمهدي اقبل عزانه .. نحبك ياحمانه
خدامك الك رفعت عزاهه
يگللهم المهدي .. احبكم وحگ جدي
بالخدام ابوصالح تباهه
الك بس انت طعنه ** ويهل لجله دمعنه
***
سيد علي المدني


https://www.tg-me.com/aabas78
قصائد لكل ايام محرم اشترك بالقناة

شفت اهوال السجن
والدمع صب عالوجن

شلون يالهادي گضيت اسنينهه
بالسجون وروحك الله يعينهه
***
صعبه واطالع سيرتك....... شاهد عيان اكبالي
شفت السجن ويه الهضم......مرسومه صوره ابالي
والحيره تأكل بالكلب....كلشي الاشوفه اوحالي
محروم من شم الهوه.....محتار اشوف الغالي

عشت وياك العذاب
صعبه نايم عالتراب

روحي ظلت بالحزن بونينهه
بالسجون وروحك الله يعينهه
***
عشت السجن لوعه وقهر ....قصة حزن ارويهه
مثل الگبر هذا السجن ....مظلم عليه تاليهه
معقوله باب الله اختنك.......لشيعه لو احچيهه
شفت الجره يابو الحسن.... من قصتك ابچيهه

والله صعبه امصيبتك
اشما ... اطالع سيرتك

شعيتك تنعه وعلامه اجبينهه
بالسجون وروحك الله يعينهه
***
عالبال ما چان الامر ....شفت العذاب ابعيني
والهادي ياويلي انهضم ...چان الجرح ناسيني
وادخلت ابواب الحزن......ماتت حياة اسنيني
شاهدت كدامي الظلم....اغفه عله صوت اونيني

شلون اسولف قصتك
علي الهادي وغربتك

بالحقد مهجتك سم مسگينهه
بالسجون وروحك الله يعينهه
***
من يمك ومات الدهر ....اهل الحقد يدرونك
من بني العباس الفعل..... هذا السبب يجفونك
شفت العجيبه بهالسجن...ماغمضتهه اعيونك
شلون حالك سيدي......وشلون صاير لونك

اتفاجئت كلشي اتضح
بخنكته شفت الجرح

وين ...هاشم ما لفتلك وينهه
بالسجون وروحك الله يعينهه
***
ايام شفنه مظلمه......اهل الرجس تتماده
حتى الضوه مشتاك الك مايلفه يمك
راده
متعود السم والغدر.....بيت النبي كالعاده
ياوسفه تاليته الدهر....يتماده فوك اسياده

اتصلي ودموع دمه
تبچي....وياه فاطمه

جثتك اهل الوفه امشيعينهه
بالسجون وروحك الله يعينهه
***
اخر محطات الحزن....والحسره تكبر بيه
مذبوح عمري بالدمع ..طول الدهر لطميه
وشلون انسه كربله ....نار الخيم يوميه
وحسين نايم عالترب....محد ايشرب اميه

عالرمح شفت الحمد
والكهف تنعه وتصد

دارت الدنيا وتخون احسينهه
بالسجون وروحك الله يعينهه
****
تمت بعون الله
خادمكم...... يوسف الفتلاوي

https://www.tg-me.com/aabas78
قصائد لكل ايام محرم اشترك بالقناة

الامام الهادي ع

لو سم لو ذبح ولدي يودعوني
يوميه عليهم تهمل عيوني
—————-
بكل بلده جرحني وكتي بولادي
واجيت اليوم ابجي لفركة الهادي
بعد حسرة ربيع وحسرة جمادي
بثالث من رجب رد انخطف لوني
————-
انخطف لوني واجيت بكسرة الخاطر
لعاشر ولدي ابجي بمدمعي الحاير
وانه عاشر ابن ذكرني بالعاشر
وذكرت حسين لمن صاح الحكوني
———-
وصلته وعيني شافت جبده مسومه
وعليه انعاد جرح المجتبه ويومه
عمت عيني الولد متغيره رسومه
عله هذا الجرح ياشيعه عينوني
———-
شفت توديعه بس أتمنه ماشفته
لكيت ابنه الحسن ايده اعله خاصرته
وصحت يالهادي حيلي اعليك هدمته
ييمه وناسي بفراكك يصبروني
————
تغسل واندفن وعياله ملتمه
بس حسين ضل ابلا دفن جسمه
يضل أصعب جرح جرحك يبو أليمه
لايوماً كيومه الخيب ضنوني
————
جمره بكلبي وين اليخمد الجمره
واخذت مني ابني الليله سامره
بهذا اليوم احس ضلوعي متكسره
واحس اهل السقيفه اليوم سطروني
———-
سيد معتز الحسيني


https://www.tg-me.com/aabas78
قصائد لكل ايام محرم اشترك بالقناة

نزله
لذكرى أستشهاد
الأمام علي الهادي عليه السلام
...........
صاحب العصمه الأمام العاشر
يا علي الهادي النقي الطاهر
..........
1
الليله بمصابك مجالس فاتحه
تنصب الشيعه أو تنوح النايحه
أو يال ثاراتك حناجر صايحه
والحزن فوك الملامح ظاهر
...........
2
يا علي العمرك وصل رابع عقد
أو سممتك عن حقد أهل الحقد
نعشك الرمزي علي ننثر ورد
ننتظر مهدينه ثاره أيباشر
............
3
هذا صوت الواعيه أيهز الأرض
الليله مات أمنالفرض نص الفرض
يمته للثارات يظهر ينتفض
يوسف الزهره أنيس الخاطر
.............
4
الليله سامره أبحزن واضح جلي
جبدك أمسمم تعاين يا علي
أو نار حزن الفاجعه يصلي صلي
بيها و الحاضر يعزي الحاضر
............
5
يا علي الفقره أعله بابك تنتظر
ريت هذا اليوم ما طرله فجر
كاعده أتانيك و المدمع يدر
أوياها سامره أملها أتشاطر
............
6
يا ضريح أو حضره يا منقب علم
يا شهم ونته عدل ميت شهم
اليوم ألك تلطم نسا أو تلطم زلم
أشلون لطميات يوم العاشر
...........
7
ما متت حي أنته والمات العدو
ولي يسأل حزنت الشيعه شكو
أنكله شوف أصلك يالمصخم شنو
أو تالي أسأل عن حزنها السافر
............
8
السممك عاد أو هدملك كبتك
حتى منك عود يحرم شيعتك
ما دراها الشيعه لجل أزيارتك
ودها بدروب الشهاده أتسافر
.............
9
يا علي الهادي الأمين المؤتمن
شيعتك تقسم ألك يابو الحسن
ما تعوف أزيارتك مهما الثمن
يالضريحك شوفه سر الناظر
.............
خادم أهل البيت
الشاعر : أسماعيل الجوراني

https://www.tg-me.com/aabas78
قصائد لكل ايام محرم اشترك بالقناة

https://vm.tiktok.com/ZM6xHJ1jS/
صوت جوهري كلمات رائعه

أويلاه أعله زينب . اويلاه أعله زينب
.....................................
قصتهه نوح وفاجعه من أبديهه
زينب أسيره والشمر يحديهه
أزرك متنهه والحبل بيديهه
تمشي بدرب للشامت يوديهه
أويلاه أعله زينب . أويلاه أعله زينب
....................................
ندري يقين الموت كلمن يومه
بس زينب بلايه أخو ومهضومه
شافت أخوهه مسلبات هدومه
مذبوح عاري عالترب بالحومه
أويلاه أعله زينب . أويلاه أعله زينب
..................................
يبجي الموالي كل نهاره وليله
عالوارثه منمهه حجاب وشيله
كل شيعي بمصابج تهدم حيله
والظلم حقج بت علي ياويله
أويلاه أعله زينب . أويلاه أعله زينب
................................
مرفوع دوم وما يدنك راسهه
محبوس ظل كل الحزن بنفاسهه
ياجبل ثابت والصبر مقياسهه
ظلت أبيه وعالرمح عباسهه
أويلاه أعله زينب . أويلاه أعله زينب
.................................
هالليله زينب والحزن موضوعنه
خل نشعل بهذا العزاء أشموعنه
كلش قليله من تسيل أدموعنه
بمصاب زينب خل نهشم أضلوعنه
أويلاه أعله زينب . أويلاه أعله زينب
..................................
هاي العقيله بالخدر معروفه
تشهد عليهه كربله والكوفه
فخر النساء مكيده ومجتوفه
لحسين تتعنه الرمح وتطوفه
اويلاه أعله زينب . أويلاه أعله زينب
................................
صرختنه دوم الزينب نعليهه
هاي المجالس كل رجب نحييهه
المهدي ندري ويانه حاضر بيهه
والهامه من كثر اللطم يدميهه
أويلاه أعله زينب . أويلاه أعله زينب
..................................
الليله حتمن حاضره وموجوده
الزهره الزجيه والجبد ممروده
تبجي على زينب والكمر وزنوده
تدري الكفيل وياهه وفّه أعهوده
أويلاه أعله زينب . أويلاه أعله زينب
....................................
حيدر مطر العبادي


https://www.tg-me.com/aabas78
قصائد لكل ايام محرم اشترك بالقناة

منهـو بـالله الهالجنــازه
كريم الحاج فليح
ونسإلكم الدعاء


نـادت الـزهـره الـزﭽيـه والـﮕلب يلهـب جَمــر
منهـو بالله الهالجنــازه يـا شــباب الـعـالجســر
ـــــــــــــــــ
وﮔفـت الـزهــره تنـادم أبـدمعـه مـن دَم هـاملــه
هـــذا كـاظمكـم يَشيعــه هـذا إبــن عقــد الـولـــه
ليـش محَـد شــال نعشــه او واسه بمصابه هَلـــه
وينــه ليشيِّـع إمـامـه بنــوح وبلطـــم الصـــدر
ـــــــــــــــــ
مـﮕابلـه التابـوت وإبـﭽـي وإصـرخ آ يَمْصيبتـه
وينــه ليشيِّـع إمــامــه الـكاظـم إبصب دمعتـــه
بالسجـن خلـص حيـاتــه وﮔطـع السَـم ﭽَبـدتـــه
هـذا إمـام الـرافضيـه وكعبـت الهَـم والصبر
ـــــــــــــــــــ
ليـش يــا سَجـانـه ﮔلــي هــالحقـــد وتسممـــــه
مـاكسَـر ﮔلبـك يظالـم مـو بـﭽـت لجلــه السمـه
حيـن ذَب إمنـالحشـايـا ﭽبـدتـه وزاع الــدمـــه
مـا كفاك إبسجنه خَلَّـص هالـولـي كـل العمـر
ـــــــــــــــــــ
إنـﭽـان عنـدك بيهـا غـايـه عنـه تبعــد شيعتــه
ﮔـوم شـوف الشيعـه تلطــم عالصدور شَيِّعتــه
تعتني المشايه تسعـي بلهفـه ﮔصدت حضرتـه
مـا يهمهـا الـناصبيه ولا غَــدر إهـل الغَـدر
ـــــــــــــــــــ
ﮔـوم شوف إشلون كلها بلهفـه وبحب ﮔصدتـه
ﮔوم شوف إشلون كلها إتطوف والله حضرتـه
بـالـذهَــب صاغــت إديهــم يـالمنافــق ﮔبتـــه
وينه هارونك هـذاكَ الطاغي ما ضله ذﭽـر
ـــــــــــــــــــ
ﮔـوم شوف الكظم غيضه شنهي إصبح منصبه
بـــاب للحـاجـات إصبـح مــا يـــرده اليطلبــــه
تحيط الإملاك إعلـه ﮔبـره وينـه ذاك الحاربـه
قطعـه مـن الجنـَّه ﮔبـر وبي تشم إحلى العطـر
ــــــــــــــــــــ
شـوف هالـﮕبه الشريفه الترتبط بـرض النجـف
وصـوت زوار الحسـين أبكربلـه الأجلـه هتـف
آه يحســين ومِصابـه ودمـه لســه الـمـا نشـــف
يـا لـثـاراتـه إمنُميــه وحرملـه ومـن الشمــــر

الشاعر كريم الحاج فليح


https://www.tg-me.com/aabas78
قصائد لكل ايام محرم اشترك بالقناة

بنعشج انشالت رزيه.   بيها طف الغاضريه
وجمر الاخيام
بالنعش تل المصيبه.   بالنعش زينب غريبه
تموت بالشام
==========
ياغريبة.     غربتج حته بمماتج زينب جروح
ياغريبة.    تالي زينب بالغرب هم تطلع الروح
بغرب تالي يزينب ينختم عمرج
بعيده عن اهل بيتج صبح كبرج
يزينب ياغريبة وشعظم صبرج
بقه بگلبج يزينب ماطفه جمرج

بالگبر خيمه وشريعه.   بالگبر جرح الوديعه
وجرح الايتام
بالنعش تل المصيبه.   بالنعش زينب غريبه
تموت بالشام
==========
ياعجيبه    ماكو اخوه تشيل نعشج هالمسيه
ياعجيبة.  مااجوا أهلج واجت ليج المنيه
النعش منهو اليشله واخوه ماعندج
منو زينب يجيج ويحظر بلحدج
بقت حسرة دمعتج زينب بخدج
بهاي اللحظه منو اليحظرج ودج ؟

منهو ردتي من اخوتج.   يكصد ويحظر بموتج
موت الآلام
بالنعش تل المصيبه.     بالنعش زينب غريبه
تموت بالشام
==========
عالترابه.    الليله تغفه عيونج ومايبقه كل حيل
عالترابه.   انرسمت كبالج خرابة وظلمه الليل
انرسم يمج گمر بس انگطع جفه
ونينه ينسمع يمج ولا يخفه
ابوفاضل عليج ابروحه جم لهفه
جرح گلبه السبي ولامابعد يشفه

كافلج زينب تحير     گطعوا اجفوفه وتعذر
بعينه الاسهام
بالنعش تل المصيبه.   بالنعش زينب غريبه
تموت بالشام
==========
دمعة العين.   بللت نعشج مدامع حسره وأهات
دمعة العين.  صعبه من اطيح غربة ابين شمات
وسط گبرج غريبة زينب الحره
وليل احزانج  معاند تره الگمره
اسنينج ذبلن وماشافن الگطره
شافن بس عطش تالي بوسط صحره

زينب الباري يعينج.    شفتي ضيم بكد ونينج
جرح الايام
بالنعش تل المصيبة.    بالنعش زينب غريبة
تموت بالشام
==========
بهل ليالي.    انطفت شمعة حياتج يم الاحزان
بهل ليالي.   عمرج بيا ضيم هيج شلون خلصان
مفروض انتي ميته هناك بالعاشر
من شفتي اخيج عالترب حاير
أبو الأكبر يزينب رضَّه جم حافر
بحوافر خيل اميه بس وذر صاير

سحكت بصدره اعوجيه. شفتي جم محنه ورزيه
كسر الاعظام
بالنعش تل المصيبه.     بالنعش زينب غريبه
تموت بالشام
==========
         ✍الشاعر علي النائلي


https://www.tg-me.com/aabas78
قصائد لكل ايام محرم اشترك بالقناة

نزله. ﴿ يدفان ﴾


يدفان. يـدفان. بالله هونك بالدفن

**
بالله هونك بالدفن باالكت يجيها
بلكي عباس اليجي. ويحــظر وليها
هايه زيـنب بت علي هيبه عليــهَا
هايه الاميره الماهده.الحضه بجيها


والخوان والخوان بلكي تحـظرهـا وتـون
يدفـــان. يدفــان بالله هــونــك بالدفــن
***
هايه الجنازه بلا أهل أحظر يعبـاس
زينـب تريــدك ياكمر يارفعـت الرأس
وصلـت منيتي بالغرب وباخر انفـاس
ويلي الجنازه ع الثره يمها غرب ناس

يعباس يعباس ياهو اليغمض الجفن
يدفان. يدفان. .بالله هـونك بالــدفن
***
يالشايل بجفك تــره نعــش الغريــبه
هاي الاميره الكبرت وياها المصـــيبه
من الصـغر حد الكبر عاشـت نحـيـبه
وبلا أهل وكــت الدفن كلـش عجيبه

بالحزان. بالحزان. عاشت بدمعه وحزن
يدفان. . يدفان. بالله هـونـك بالدفن
***طول العمر ياحصرتي دمعتها تجـري
بديره غرب ياابالفظل وتنادي وحدي
هيه التنوح على النحر بالونه تحدي
هيـه التنادي بالخيـم وشـباكي عندي

يواليان. يواليان روحي كل ساعه تحن
يدفان. يدفان. . بالله هــونك بالـدفن
***
كلمات
الخادم. 👇
مرتضى مكطوف


https://www.tg-me.com/aabas78
قصائد لكل ايام محرم اشترك بالقناة

نزله

حره زينب والفخر عنوانها
سكّت ايزيد وزمرته السانها
ـــــــــــــــــــــــــــــــــــــــــــــــــــــــــــ
توراثت زينب شجاعت حيدره
بـــيها ينبع زود سبع الگـنطره
خــــلت العدوان كلها محــيره

رغم مجروحه وجثيره احزانها
ـــــــــــــــــــــــــــــــــــــــــــــــــــــــــــ
رغم مجروحه وجثيره النايبات
هزة اعروش النواصب ولطغات
كلها زود وما تدنگ يم شـــمات

ما تذل وذللت عدوانها
ـــــــــــــــــــــــــــــــــــــــــــــــــــــــــــ
ما تذل وتبقى اْميره مخدره
نكّست راية يزيد وعـــسكره
بت علي الكرار صارت مفخره

بالبلاغه وبالصبر ويّمانها
ـــــــــــــــــــــــــــــــــــــــــــــــــــــــــــ
بالبلاغه وبالصبر صارت مثال
كلها عفّه وهيه نبراس الجلال
هيبة الكرار وايآت الكــــمال

كلها ترجف من يطگ بركانها
ـــــــــــــــــــــــــــــــــــــــــــــــــــــــــــ
كلها ترجف من عقيلة حــيدره
مثل ابو فاظل يموت التنّضره
هيه قائد والجيوش ميــــسره

وال اميه زلزلت اركانها
ـــــــــــــــــــــــــــــــــــــــــــــــــــــــــــ
ال اميه ما بقت عدهم رجــال
ظلت اگبال الخدر بس الخيال
جن علي ونازل عليهم بالقـتال

ولعزم ماخدته من خووانها

علي كاظم المنصوري


https://www.tg-me.com/aabas78
قصائد لكل ايام محرم اشترك بالقناة