چن قامت القيامـه



بطبرت اُبو اليتامه
چن قامت القيامـه

جبـريـل نـــادى منـالسمـه
طبروا علـي حامي الحمه
چن قامت القيامـه


طبــرة غـدر وي الفجـــر
صابت ولينه ابهامته
طـاح الولـي حيدر علـي
و الدم يغرگ اعماته
جرحه نزف صوته هِتف
فُزتُ وَ رَبي ابسجدته
صوابه كلف ما ينوصف
و الدم يخضب شيبته

إحــا يَّهَــل مصيبـه
ساعة حزن رهيبــه

محـرابه غرگـوا بـالــدمـه
طبروا علـي حامي الحمه
چن قامت القيامـه



الوالي انطبر ذاعه الخبر
وايتامه فزعت عالجره
ركضوا اله الشيعه و هله
بدموع تنـزف مُوجره
الكل منفجع و عله الضلع
صار اللطم يا حيدره
الداره وصل شنهي الحصل
من أشبگتَّه الطاهره

تبچي بچي السقيمه
مـن شافـة الجريمـه

والدمعه عـالخـد ساجمـه
طبروا علـي حامي الحمه
چن قامت القيامـه



طاح العمَـد سـيد الشدد
هالطبره بينه موجعه
الچان المدد ألنه و سند
صارت سجدته فاجعه
ما صح دوه الراعي اللوه
للشيعه و اهله إيرجعه
وسفه الجبل وجهه ذبـل
بعيونه تقـره مصرعه

بغدره المرادي جانه
نـاوي علـى الخيانـه

بهــاي المصيبـه المـؤلمــه
طبروا علـي حامي الحمه
چن قامت القيامـه



نياحه و حزن و الكل يون
و الوضع صار اشمصعبه
ايحز بـالگلـب دمـه يصـب
و الهامه وسفه امعصبه
شلـون اعتنـه إبــن الـزنـه
و السيف سَلَّـه و صوبـه
بليلـه قــدر صـابـه القـذر
خلـه الگلــوب امعطبـه

آ يــا ألــم بلــوانــه
هز العرش و اركانه

هالضربـه چـانت قـاصمه
طبروا علـي حامي الحمه
چن قامت القيامـه



زينب نعـت يمـه و بچت
و مگابلتـه و حـايره
بجرحه تشم حـزن اليتم
دارت عليها الدايـره
مدمعها صب موته گرب
حسره بگلبها امكسره
اوداع الولـد يمـرد مَـرد
اعليهم تكسر خاطره

شمصعبها هاي الساعه
لمـن بـدوا بوداعـه

حــان التقـائـه ابفــاطمـه
طبروا علـي حامي الحمه
چن قامت القيامـه



كريم الحاج فليح
٧ ــ ٣ ــ ٢٠٢٥


https://www.tg-me.com/aabas78
قصائد لكل ايام محرم اشترك بالقناة

ميثم التمار شد انگابه
يا علي يصيح ويون لمصابه
*
يبجي ميثم والفگد حيدر يون
وصاح كون وياك هليله اندفن
الدنيه عكبك من رحت صارت سجن
يالرحيل ما حسبنه احسابه
****
جابر الأنصار يم اجنازته
ويلطم اعله العين ضل لمصيبته
شبكه تابوته ويشم بعمامته
وحضرت التشييع كل اصحابه
**
قنبر امن المكبره رد منكسر
وصاح محبوبي اندفن وسط الكبر
من اكولن يا علي حيل انعصر
بكلبي حيدر ما يطيب اصوابه
****
صاح ابن ظاهر على الدنيه العفه
فاركتني وتدري جرحك ما شفه
يالحبيب وياك ما ينسه الوفه
والدمع نهرين صب بغيابه
***
ناصبين الفاتحه صحبانه
وصاحو المحراب خالي امجانه
اليحب حيدر خل يون ويانه
واليتامه اتجمعت يم بابه
*
اليوم حيدر راح والعالم حزن
البگه براسك كلها كالت للحسن
والغريب حسين هد حيله الزمن
ولبو اتراب ينوح ضل اترابه
****
تمت
تحسين الخفاجي


https://www.tg-me.com/aabas78
قصائد لكل ايام محرم اشترك بالقناة

وداعاً....   ياعلي حامي الحمه


شلون أودعنك يحيدر أرحم انته بحالي
انــه بعدك هايحيدر دمعــتي الـتـبرالي
وأنه زينـب يابـو زينـب. خيــبـيت آمالي
راح أعيــش بـدونك أنه وما تفـارك بالي

يبويه          الدنيا بعدك مضلمه
وداعاً.         ياعلي حامي الحمه

الكون متغـير يـبويه واختـلف كـل الـونه
جـم يتـيم اباب بيـتي ماطــبكها عيــونه
كلها تصـرخ كلـها تبـجي لمـن يشــيعــونه
وكـلب زينب ها يحـيدر كلهـم يواســـونه

يحيدر          بعدك الشوف أنعمه
وداعاً.          ياعلي حامي الحمه

عمري مارايده بغيـابك  علي كرت عـيني
شـلي بيـها الدنيا بعدك مااريد أسنــيـني
بويه والقــرآن بعدك ماأعــوفـه أونيــنـي
اكضي عمري ع المنـاحه غيـبتك تاذينـي


يكرار.       الغيبه صعبه ومولمه
وداعاً.      ياعلـي حامي الحـمه


بالغدر بــويه تراهـم وصلو إلها حدوردك
مااجـو وجـها لوجـهـن عالي أنتـه بزودك
مادنـو حدك يحيدر من تـــدكها احـدودك
من حقدهم من كفرهم تشكي يم معبودك

والحقاد..    بالـــغدر ومـــحزمــه
وداعــاً       ياعلي حامي الـحمه


ربي ألــعـن أبــن مـلـجم  بل يــتم خـلانه  
ويلي حيدر هــل مسيــه خالي هذا مجانه
والله فكـدك ها يبـويه بكــل وكـت بجــانه
ويا حــلات العــيد جـــنه علي جـان ويانه


بلاياك.           العيد لا من سالمه
وداعــاً         ياعلي حامي الحمه

العــيد يابــويه بغيـــابك ماأريــد اعــياده
العــيد مـتريده اليتـامه وكلبي هم ماراده
بحيره بعدك والله ضلت بويه عمت الساده
هذا أبوي الماكو مــنه حلوه حـلوه أمجاده

والعيون.    دم ودمع شو هامله
وداعاً.       ياعـلي حامـي الحمه


كلمات الخادم
 مرتضى مكطوف الموالي


https://www.tg-me.com/aabas78
قصائد لكل ايام محرم اشترك بالقناة

للجواد ع 👇👇👇

على الجواد ....واويلاه
على الجواد ...واويلاه

آه واويلاه صيحو يامُوالين
لا تجف اعله ابو الهادي دمعة العين
للجواد الليله كون انزيد الونين
انعزِّي بمصابه الرسول وأم الحسين

نعلن حِداد ....واويلاه
على الجواد ...واويلاه

شيلو فوگ الروس نعش ابن الزچيه
وندخل امن اربع جهات الكاظميه
خَلُّو صوت النُّوح يتعاله المسيه
وابجوار ابن الرضا انقيم العزيه

نشرو السواد ....واويلاه
على الجواد ....واويلاه

انواسي موسى الكاظم ابلوعة حفيده
ومانخلِّي فاطمه الزهره وحيده
الهل رزيه ننتحب والون نزيده
والبِچَه اعله امصيبته ياخذ ابإيده

سيد العِباد ...واويلاه
على الجواد ....واويلاه

أبو اعلوم الكامله وسفه ايسمَّم
حيل إبنه الهادي من شافه تِهدَّم
بالحزن بمصابه يستقبل مُحَرَّم
اينوح وبگلبه توج نار المُخيَّم

وابحزنه زاد ....واويلاه
على الجواد ....واويلاه

عالعهد مولانه لو طبينه صَحنَه
بالنداء الرافضي للوالي صِحنه
يالجواد ابكل وكت خِدَّامك احنه
مانسينه امصابك وجرحك جرحنه

يابو المُراد ...واويلاه
على الجواد ...واويلاه

سيد علي الموسوي


https://www.tg-me.com/aabas78
قصائد لكل ايام محرم اشترك بالقناة

للجواد اعلن ولائي
يرتفع عالي ندائي
واجواداه...........واجواداه
*
صاح...گلبي بروحتك نار الحزن تبدي
وياك.......حسرة فاطمه ياسيدي تحدي
انطيت ...كلمات العهد حالف يظل وعدي
الثار......باچر ينتفض بيده ويجي
المهدي

سرمدي يبقى رثائي
للجواد اعلن ولائي
*
تاج.....صارت خدمتي وتعطر انفاسي
دوم ....شايل رايتك بجروحي وحساسي
جنون...شايل يالجواد وعابس
ابراسي
نار......دمي حيدري وبطبعي عباسي

والعشك باقي سمائي
للجواد اعلن ولائي
****
دموع.......تجريلك دمه ماينتهي
حزني
امراد........منك ارتجي ماخيبت ظني
ارتاح.......انه بحضرتك لو دهري
ضيعني
اتشوف...هاي امحبتك والمجلسك
شدني

سيدي ارفع دعائي
*
اتعيش....نارك يالجواد بجمره
دلالي
موت ....فگدك ياشباب وعذبت حالي
ليش ....نايم عالسطح بالغربه يالوالي
راح ...بيك أجمل حلم بالحسره
يالغالي

انه موسم بكائي
****
طاح.......دمعي ابروحتك وتيتم العالم
ادموع....شوك الكاظميه وكلبي ظل هايم
انصيح......ياباب المراد ودمعة الكاظم
شلون ......مسموم الچبد متفطر وصايم

سيدي افدي دمائي
*
اه........طلعت من كلب مجبوره بالحسره
انشوف....بالمجلس تون وام الحسن تقره
وياي.....شفت المهدي واكف منحني ظهره
لاح........بعيوني الحزن لمصيبتك
عبره

بالدمع راسم عزائي
*
تمت بعون الله
خادمكم.... يوسف الفتلاوي

https://www.tg-me.com/aabas78
قصائد لكل ايام محرم اشترك بالقناة

غمض عيونه ورحل ونعشه عالروس انحمل
راح الجواد
**
فوك سطح الدار مرمي اشلون جسمه
ولا كرابه ولا عشيره تنوح يمه
الهوه جان امن الالم كوه يشمه
ضل يجود بنفسه والسم سره بدمه

وحده ضل ابلا اهل ونعشه عالروس انحمل
راح الجواد
**
ضل ثلث تيام من بعد المنيه
ابلا غسل وبلا جفن يهل الحميه
مثل جده حسين برض الغاضريه
لجن ما سحكت اضلوعه الاعوجيه

امن الشمس والحر ذبل ونعشه عالروس انحمل
راح الجواد
****
اخر اللحضات ون وبكلبه جمره
راد مثل حسين خيل ادوس صدره
والشمر راسه يطبره اثنعش طبره
والمثلث كون يحفر حيل ضهره

جده عطشان انجتل ونعشه عالروس انحمل
راح الجواد
****
ليش ينسم والامام بعز شبابه
اشلون يتحنه الجواد بدم خضابه
مات عطشان وغريب اعله الترابه
الهادي ضل ينوح ويون المصابه

والدمع عالخد همل ونعشه عالروس انحمل
راح الجواد
**
ليش اليفارك ابو ينهد كيانه
ويبقه من يشتاك يتعنه المكانه
الابو خيمه ومحد ايعوض حنانه
الهادي ضل يصرخ ابونه فاركانه

انحنه وياه بالمغتسل ونعشه عالروس انحمل
راح الجواد
**
العنده دمعه اليوم خل يبجي الامامه
تنحب اعله امصابه هليله اليتامه
بالشمس وتضلل الجسمه الحمامه
والحزن بوجوهنه تارك علامه

والهم بثكل الجبل ونعشه عالروس انحمل
راح الجواد
*
تمت
تحسين الخفاجي


https://www.tg-me.com/aabas78
قصائد لكل ايام محرم اشترك بالقناة

قصيدة بحق الإمام الجواد عليه السلام

للموت ما ننسى الجواد
للموت ما ننسى الجواد
**
اي وحگ الخمسة من أهل الكساء
صحنه منعوفك يبن خير النساء
غصبآ اعله الناصبة يبقى النداء

واتصيح كل هذه البلاد
للموت ماننسى الجواد

**
ما نعوفك هذا للمحشر عهد
أحنه دوم وياك من أبٍ وجد
عالعهد باقين ما نخلف وعد

منعوف هذا الإعتقاد
للموت ما ننسى الجواد

***
يلي واسيت الحسين ابمقتله
مصيبتك تشبه مصيبة كربله
هالمسة ننعاك والصوت أعتله

ننعاك يا باب المراد
للموت ما ننسى الجواد

**
يا أبن حيدر علي حامي الحمه
مو دمع ياريت نبچيلك دمه
نعزي هالليله الزجية فاطمه

ابهاليوم نعلن الحداد
للموت ما ننسى الجواد

****
عالروؤس نشيل نعشك يالحبيب
مودعينك بالمدامع والنحيب
ياجواد الدين تشيعك مُهيب

وكل عام تزداد العباد
للموت ما ننسى الجواد

تمت بعون الله تعالى
يوسف هاني الأسدي

https://www.tg-me.com/aabas78
قصائد لكل ايام محرم اشترك بالقناة

السلام عليكم ورحمه الله
على بركة الله
سوف انشر لكم 1000 قصيدة لبرنامج محرم1447 على الرابط👇👇

https://www.tg-me.com/aabas78

قصيدة بلسان حال العقيلة زينب ع في إستقبال هلال المحرم  ....
ـــــــــــــــــــــــــــــــــــــــــــــــــــــــــــــــ



يا هــلال الفاجـــعة    يا هـلال الفاجـــعة
طلعتك طلعة حِـزِن   طلعتك طلعة حِـزِن
ـــــــــــــــــــــــــــــــــــــــــــــــــــــــــــــــــــــ

تصــلّي هالنــاس وتهلّل بالســمه لو بَـيّنت
وانه عيني من تلمحك آه أصيحن وحزَنِت
جَيّـتَك تِلــچم جروحي وللــــمواجع أذّنِت
حـربك الما بيـها رحمة على زينـب أعـلَنِت

طلعِتك يعني الدمع   طلعتك يعني الدمع

يعنـــي بالآلام أوِن    يعني بالآلام أوِن
ــــــــــــــــــــــــــــــــــــــــــــــــــــــــــــــــــــــ

إنتَ دفتر ذكرياتي واللــــيالي المــظلمة
أذكر اللي صار بية والمــدامع ســــاجمة
أذكر الطّف الرهــــيبة والمــناظر قاتــمة
والسما ما أنسى لَمّن بالحزن مُطرت دِمه

شلون أنسى كربله   شلون أنسى كربله

البيها گلبي يِمتِحِن   البيها گلبي يِمتِحِن
ــــــــــــــــــــــــــــــــــــــــــــــــــــــــــــــــــ

يا هلال ومن أشوفك چنها هسا ٱمصيبتي
شلون أنساها الطفوف البيها جارت دنيتي
شلون أنسى الغاضرية ويوم ذبحوا أخوتي
شلون أنسى آل أميـــة بنار حرگوا خيمتي

وإبن أبوي ٱعللثرى
وإبن أبوي ٱعللثرى

جِسمه دامي ٱمن الطعِن
جِسمه دامي ٱمن الطعِن
ــــــــــــــــــــــــــــــــــــــــــــــــــــــــــــــــــــ

يا هلال وبــعد فترة تكتـــمل نص الشـهر
ما أظنك تشبه إنتَ الطاح يَم جَرف النّهر
أعني أبو فاضل كفيلي أعني عباس الگُمر
ظامي ظل ٱعللشريعة والسهم لاح النـظر

والچــفوف ٱمبــتّرة   والدمه يغطّي الحِسِن
والدمه يغطّي الحِسِن  والدمه يغطّي الحِسِن
ــــــــــــــــــــــــــــــــــــــــــــــــــــــــــــــــــ

تعتـــقد راح آنه أگلك من أشــوفك يا هلَه
بشوفتك أذكر رضيع حسين وذكر حرمــلة
چان وردة بحضن أبوه وسهم حاقد ذَبّــلـه
منــذبح عبدالله نحــره ورَد إلِيّــه يِحــمِلَـه

إخذي مني هالطفل   إخذي مني هالطفل

والدمع فوگ الوجِن   والدمع فوگ الوجِن


ـــــــــــــــــــــــــــــــــــــــــــــــــــــــــــــــــ

أدري يـــهلال الكِـــدر ويـاك ما ينـفع عَــتَب
إنتَ يالبيك ٱبن أبوي حسين عالوجه ٱنگلَب
والشمر يگطع رُگبته وحتى من ثوبه ٱنسلَب
والعلــيل الما له حــيلة ٱوياي للشام ٱغتَرَب

أذكر أيام الســـبي    أذكر أيام الســـبي
 
وأذكُر سياط المَتِن   وأذكُر سياط المَتِن
ــــــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي  

https://www.tg-me.com/aabas78
قصائد لكل ايام محرم اشترك بالقناة

1محرم 

يرتفع صوت النداء 
لووصل شهر العزاء 

واغريباً.   واسليباً.  واحسـيناه 
ـــــــــــــــــــــــــــــــــــــــــــــــــــــ
لوكرب شهر الدمع   
نلطم ونكسر ضـلع   
                     والشهر ياذينه 
نصرخ بدمعه ونصيح   
ويلي والـمنحر ذبيح  
                   والحزن غاطينه 

هلال شهرك لولفانه وبين هلال السـمه 
ألبس اثياب العزيه وصرخ انه فاطـمة 
ورفع الرايه ع بيتي عـيني بالدم  هامله 
يامصاب حسين اصرخ والحزن يرهم إله 

تنزف الجرحه السماء 
لـووصـل شـهـر العـزاء 
واغريباً.   واسليباً.  واحسيناه
ــــــــــــــــــــــــــــــــــــــــــــــــ
نلبس اثياب السواد.  
ونعلن بدمعه الحداد 
                  وبمصاب الغالي 
نذرف الدمعه بحزن    
نبجي وبحركه ونون 
             والجروح الوالي 

انصب المأتم ونادي ياحبيبي المنذبح
ويلي ياويلي انادي ع الترب ضل منطرح 
ماكو واحد غسلااه وراسـه فوك ع الرمح 
حسين ياسر الحياه حسين ياوجه الصبح 

تجري من عنده الدماء 
لـووصـل شـهـر العـزاء 
واغريباً.   واسليباً.  واحسيناه
ـــــــــــــــــــــــــــــــــــــــــــــــــــــ
تجري من عنده الدمه  
وتنزف الجرحه السمه 
                والغريب ع الترب 
جسمه يبقى بلاجفن   
صدره باالخيل نطحن 
         ويلي من حقد الغرب 

يبفى فوك ع التراب مرمي عاري بلاغسل 
ليش يحشود آل اميه شنهو ذنبه وينجتل 
منه مسلوبه العمامه وزينب تروح بحبل
حكـنه لو ننصب عزيـه ونلطم نحير الـعقل 

منـه مســـلوب الــرداء 
لـووصـل شـهـر العـزاء 
واغريباً.   واسليباً.  واحسيناه 
ـــــــــــــــــــــــــــــــــــــــــــــــــــــ
زينب بوسط الخيم    
تصرخ بحركه وألم 
                   الحره من تنعاله 
من يرد خالي المهر.    
تعلم بهـذه الأمـر 
                     طحنته الخياله 

تسمع ضلوعه اتكسر شابحه بدمعه النظر 
تحشم وماكو اليجيها والكفيل على النهر 
حتركت الخيمه وتنادي خويه وينك ياكمر 
حتارت بجمع اليتامه وباجر يجيها السـفر 

 تنسـبي بركب العداء 
لـووصل شـهـر العـزاء 
واغريباً.   واسليباً.  واحسيناه
ـــــــــــــــــــــــــــــــــــــــــــــــــــــ
نـذكر أيام اليـســر  
زينب يطكها الشمر 
                بلارحم سباها 
تحشم وماكو اليجي.   
تحشم وزاد البجي. 
                والدهـر أذاها 

نذكر وزينب غريبه على الهزل مسراها 
تمشي بدورب البعيده مادرت منواها 
الحادي مايرحم يويلي بكل وكت بجاها 
ياوسافه وياحسافه والسبي اذاها 


ويلي من شمر الخناء 
لـووصـل شـهـر العـزاء 
واغريباً.   واسليباً.  واحسيناه
ـــــــــــــــــــــــــــــــــــــــــــــــــــــ
كلمات خادمكم الشاعر 
مرتضى مكطوف الموالي


https://www.tg-me.com/aabas78
قصائد لكل ايام محرم اشترك بالقناة

(( #يا_هلال))  #محرم_الحرام
……………………………………………………………

ياهِلال  . من تهل دمعي يهل
يا هِلال . ابعيني الك مية شكل
مره اشوفنك جسد و بلا رداء
ومره راس اعالرمح يمطر دماء
يا هِلال .. ياهِلال

……………………………………………………………


چني اشوفنك مره و تلزم كسرها
ومثل شكلك بالظبط حدّب ظهرها
امخليه المسلب قميصه ابنص حجرها
احمر و من البجي احمر نظرها

منخل صار . بيه اثار . الف و تسعميه
ابرض اضلوع . بيه مطبوع .  حافر اعوجيه
أمحنبه اعليه . وتشم بيه . عطر ابن الزجيه

يا قميص . عاري ظل وكت الضهر
يا قميص . شمس فوگه ومنصهر
يل اشوف اعليك دم تبجي السماء
ومره راس اعل الرمح يمطر دماء
يا هِلال .. ياهِلال

……………………………………………………………


مره تتراوالي جف و ماهو اصبعه
على مود المحبس ابـ خنجر يگطعه
هذا منظر يذبح بروحج يبضعه
موش عشره والبقن بجفوفه تسعه

ابرمل الگاع . غاص و ضاع . وي اشلاء جسمه
رجل الخيل .سحكت حيل .طحنت حتى عظمه
عشره اهواي . و مو بهداي . اعليه تركض ابهمه

والشفاه . صحره ما شافت مطر
والشفاه . الماي گلبه الها انفطر
يا هلال وهم جبت وياك ماء
ومره راس اعل الرمح يمطر دماء
يا هِلال .. يا هِلال

……………………………………………………………


ابعيني اشوفنك سهم ذابحله ورده
طفل ودميعاته تتجاره اعله خده
على ضحكاته البريئه ينوح مهده
عود يشرب بس ابوه مذبوح رده

طفل ازغير . سهم اجبير . يا مترف رگبته
مثل النار . بارد صار . من شوغة ذبحته
غمض عين . مات حسين . من طلعت شهكته

يا رضيع . يلي ما شابع حضن
يا رضيع . ابرمل فاير مندفن
چني اشوف انفاسك ادور هواء
ومره راس اعل الرمح يمطر دماء
ياهِلال .. يا هِلال

……………………………………………………………


جف اصدن بيك منه ايطيح مايه
جفوف طاحت لجن ضم ابصدره رايه
او جود يركض حيل و الاطفال غايه
اتبده و العباس اعلنها النهايه

كبل الموت . اخر صوت . ردد اسم زينب
مو للعين .  لا جفين . الخدر اخته تعذب
صح عطشان . بس بركان . كلبه لسكنه يلهب

ابلا جفوف . موقف ويعصر عصر
ابلا جفوف . طاح من فوگ المهر
ابوجه يتلگه الارض شيخ الوفاء
ومره راس اعله الرمح يمطر دماء
يا هِلال .. يا هِلال

……………………………………………………………


بيك ظلمه وليل وحشه وگاع هيمه
وحرم باتت عالتراب ابلايه خيمه
ذبلت اطفال ابعطش جوع و هظيمه
امدللين و صاروا الضرب و شتيمه

تدمي الروح . بيك تلوح . ترچيه رقيه
جدم ادموم . بيه ملموم . شوچ الغاضريه
بالجمرات . والعثرات . اشكد شبعت اذيه

والنساء . ليل و الدمعه اتهمل
والنساء . الهن اتحضر حبل
يا هلال وهنه اميرات الحياء
ومره راس اعل الرمح يمطر دماء
يا هِلال .. يا هِلال

……………………………………………………………


بيك صوره المهدي متعذب لجلها
مره تركض و الرمل يجوي ابرجلها
اصمله من تعثر و لا واحد يگلها
السوط و بكل ضربه ياذيها و يشلها

الكاع تگول . ما معقول . زينب وينه خدرج
اخت حسين . وتركضين .  بالخمسين عمرج
هزله النوگ . باجر سوگ . شجم فره تفرج

والحِبال . تحفر بأيدج جرح
والحِبال . اعليه دمعاتج ملح
راس ابو فاضل يصدلج بالبكاء
ومره راس اعل الرمح يمطر دماء
يا هِلال .. يا هِلال

……………………………………………………
✍️ ( سيد خضر الزاملي )


https://www.tg-me.com/aabas78
قصائد لكل ايام محرم اشترك بالقناة

يهـلال المـصـيـبه ونايـبـاتي
شفتك وحضرن كل ذكرياتي

شـفـتك ودلالي انلچم وكسر بقيت الخاطر
والكله من عندك جرح شلون اعلى جرحه يكابر
يهلال لميـت الـحـزن عالـروح ماضي وحـاضر
زينب غـريـبه ابـلا اهـل وذكـرت يـوم العاشر
زينب ياغريبه الله اشمصيبه
وجهچ يزينب وين مذبوح اخوچ حسين
والجثه سليبه الله اشمصيبه


مجروح گلبي وما شفت من المصيبه الآمه
وبصفنته يموت الامل ثاري التموت احلامه
شـلون اليمر ابمسمعه مكسور صـدر ايمامه
ولـيـل وضلام وفـاجده وزيـنـب تـلم ايتامه
زينب الليله تحرس العيله
من عگب الاخوه حرمه وحدها من يساعدها

نار الدمع عالخد يهل وبعيني عاشت جمره
عالـراحـت اعياله بأسر والكـوم حزوا نحره
مذبوح ويصد عالحرم والصبر مل من صبره
وزينب تگله اتحيرت من طحت فوك الغبره
يحسين اخبرك من طحت عالغبره
زينب مشت چتالك يباريها من طحت عالغبره

ديرة حزن من كربله كل عمري عايش بيها
نيراني تسعر عالـجـره بـس البچي يطفيها
عالـتـنـتـظر مـن النـهـر بـلـكـت يرد واليها
وتريد ابوفاظـل يجي وايـتـامـهـا يسگيها
حامي الضعينه ماتدري وينه
ياخويه صرنه بياحال عطشت اليوم الاطفال
والوعد وينه ماتدري بينه

مـن كثر مـاكلي الم صرت الاحزان اهواها
لـن كـربله لاتنسي ومـاريـد لحضه انساها
كل مـااشوفـن ام تـون اگعد ونوح اوياها
وعيوني تعرضلي صـور رمـله تون لرباها
جسام ياضنوتي رايح رايح من عيوني
مارحمني الدهر وانت نور البصر
رايح رايح من عيوني

مـن يمر مـن يمي طفل عيني تصد لعيونه
يـنـعـصـر گـلـبي ويـنـمرد مـن يتغير لـونه
ويلي يعبد الله الفرغ حضن الرباب ابدونه
ومـه تـصـيح اعلى المهد لـو رادوا ايـهزونه
اهز مهدك يعبد الله وعاين عالمهد خالي
يبني وثمر دلالي وعاين عالمهد خالي


ليليه وجروحي تفز والگلب ينحز هرشه
وتحوم روحي ابلا اهل طير وتطشر عشه
وجدامي تعثر بالدرب واحتار وين الممشه
من اذكر اديار الخلت من وجه اهلها اوحشه
هاي دار النوايب عتبوها
وعلى حال العقيلة ناشدوها
لا خيم وتلوذ بيها لا زلم وتحن عليها
شلون بأمر اليتامه حيروها
هـاي دار النــوايب عتبـوها


هـاني ناصـر السعيدي

https://www.tg-me.com/aabas78
قصائد لكل ايام محرم اشترك بالقناة

موكب احزان السماء..
هل محرم.. بالعزاء...

..........هلال جرحج فاطمه
***
اتحضرت كل الملائك.......صوت واحد تعتلي
تنظر الروح القداسه.......والدمع منهه يهلي
اهلال بين بالمصيبه......اتفاجئ الطف مايلي
نحور قبلهن محمد........فاطمه ويمهه علي

تبچي حتى الأنبياء
چنهه صوره من دماء

.......هلال جرحج فاطمه
***
بالسمه شفت العلامه.......نحر مذبوح وسهم
والمصيبه الله اكبر......چم طفل بيها انفطم
الراوي بدموعه كتبهه.... نار محترگه وخيم
والمهر مكسور ظهره .....طاح شيال العلم

موسم جروح وبكاء
بالنعي يحلى الرثاء

...... هلال جرحج فاطمه
***
شفت حيرتهه الفواطم.... هلال ريتك لاتهل
تبتدي برسم المصيبه ...منحني ظهرك
خجل
منهجك مطلوب فديه..... يامحرم دم طفل
تنذبح حسره السوالف..... بالنحر زارع نبل

عالي صوتي بالنداء
ضمي جرحج كربلاء

.........هلال جرحج فاطمه
***
اوچبت بيها المصايب.....حسره زينب بالجرح
وبخيالي شفت صوره.... هذا ياهو عله الرمح
اهلال أرحل ما اريدك........گلب زينب ينذبح
وتعدي ظلت غريبه.... بت علي ابوجه الصبح

مرت أشكال العذاب
هلال جرحك بالمصاب

........هلال جرحج فاطمه
***
عطش والصحره عله گاعج...بس مدامع
هامله
والضمير ايصير ميت.......ليش ناسج حرمله
شفت كل إنسان ظالم ..... لو يجي تستقبله
والعقل جاز بحدوده.....ضمي روحج كربله

اتشابگت بيها السهام
تحترك ليش الخيام

...........هلال جرحج فاطمه
***
ياجرح عاش ابدليلي.......دمعه ينزف كوكبي
والخيم متوجره صارت .....نار ابذيال العبي
وانه اشوف الوعه بيها.......حسره تل الزينبي
والفواطم والله حيره......چنهه زينب تنسبي

تنچوي شفت الزغار
اتفاجئت بالخيمه نار

........هلال جرحج فاطمه
***
تمت بعون الله
خادمكم .....يوسف الفتلاوي


https://www.tg-me.com/aabas78
قصائد لكل ايام محرم اشترك بالقناة

قصيدة فتحة العزاء

يَهلال لو هَـل مُحرّم لا تهِل غِـيـب
يَهلال جرح المْفارِگ عُمره مَيطيب
ــــــــــــــــــــــــــــــــــــــــــــــــــــــــــــــــــ
آنه زينب يَالهلال ابشوفتك ظَهري كِسرته
الفَارِگوني راحوا و مَا رِجعوا و رَاجعلِي إنته
يَالخَذِتهُم بالله لو عايفهُم و عمري الأخذته
من أشوفك چَنّي اشوف احسين مَگطوعه رگبته

يَهلال گلبي اويه راسي ابحسرته ايشِيب
يَهلال جرح المْفارِگ عُمره مَيطيب
ــــــــــــــــــــــــــــــــــــــــــــــــــــــــــــــــــ
ياحسرتي يَالهلال ابكربله شِفت المَينشَاف
راحوا اهلي و عَافوا الخدر الذي ما چان ينعَاف
و ابعَباتي چَم طفِل لايذ يگول امن العِده انخاف
آ يَويلي لسّه مِن ضَرب السْياط امْورمَه الچْتاف

يَهلال نَار و شِمَاته و سَبِي و تَسليب
يَهلال جرح المْفارِگ عُمره مَيطيب
ــــــــــــــــــــــــــــــــــــــــــــــــــــــــــــــــــ
لا تمُرنَه يَالهلال ابشَهرك اتهيّج جروحي
ياجروحي مِن يلوح الشَهر وَيْ اهلاله لُوحي
مِن بُكائي أنه البكّاءه البِچَت روحي اعله روحي
إي وحگّك مَا وصل يَعگوب حتى الربُع نوحي

يَهلال النوح ابسنيني ايودّي و ايجيب
يَهلال جرح المْفارِگ عُمره مَيطيب
ــــــــــــــــــــــــــــــــــــــــــــــــــــــــــــــــــ
اشذَكّرتني مِن نِظَرتك يَالهلال ابهالمسيّه
بَبوفَاضِل مِن إجه ايودّعنِي و ايسَلِّم عَليّه
گِتله خويه تدري مِن اتروح شِيسوّون بيّه
گال أدري عالهزِل ترحِين يازينب سبيّه

يَهلال آمالي كِلها ابغيبته اتخِيب
يَهلال جرح المْفارِگ عُمره مَيطيب
ــــــــــــــــــــــــــــــــــــــــــــــــــــــــــــــــــ
يامُصابي يَالهلال امنين اجيب امْكَابَر امنين
والله صعبه اشلون أبدي ابْسَنَه اجديده ابلايه الحْسين
البيت خالي وين ابوي و وين اخوي و فاطمه وين
ريت مَيته و لا أعيش ابدنيه بيها احبابي مَيتين

يَهلال الدنيه تدور و تخطِي و اتصيب
يَهلال جرح المْفارِگ عُمره مَيطيب
ــــــــــــــــــــــــــــــــــــــــــــــــــــــــــــــــــ
لو أعاتب ياهو يسمع عَتبي و ايسَكِّن ونيني
اشلون دنيه و اِنذِبَح الحْسين اخوي اگبال عيني
ذكرياتي حتى لو انَام ابحلِم أسود تجيني
رَاح اموتَن و بَعدَه طَبع الحَبِل ما راح امن اديني

يَهلال والحزِن عنّي ما رِضه ايغيب
يَهلال جرح المْفارِگ عُمره مَيطيب

الشاعر كرار حيدر الخفاجي


https://www.tg-me.com/aabas78
قصائد لكل ايام محرم اشترك بالقناة

ياهلال  بجيتك  ماضلي بيت
هلت اوياك النوايب من اجيت
كابلتنه.     وفركتنه.  
وهلت اوياك النوايب من اجيت
ــــــــــــــــــــــــ


هلال المحرم عليك اقسم نبينه
روح منانه وبعد لاتلفي لينه
روح لابهموم دهرك تبتلينه
وثوب الاسود من تضل يلزگ علينه

ارحمني روح عله القهر  مابيه حيل
وبشوفتك موبس دمع  دمنه يسل
  مرمرتنه.    وعذبتنه
وهلت اوياك النوايب من اجيت
ــــــــــــــــــــــ


انت لدروب الخطر اول علامه
ومن تهل مايبقى الحسين بسلامه
امدللاته ايصيرن بجيتك يتامه
اودمه يصبغ شيبه ويحني العمامه

اطفال بحضان الاهل رادت تعيش
ارجع اطشر الشمل جالنه ليش
جاورتنه.      وبهذلتنه  
وهلت اوياك النوايب من اجيت

ــــــــــــــــــــ

هلال يمطشرنه  يمحرم السعاده
باجر اتفتت جبدنه واحنه ساده
الخيام بعــــــــاشرك تصبح رماده
والرمال الخـــــــد ابو اليمه وساده

عوفنه نكمل عمرنه بلا جروح
من تضل ايام زينب تكضي نوح
     فاجئتنه.     وخوفتنه.  
وهلت اوياك النوايب من اجيت
ــــــــــــــــــــــــــ

روح لتخليني اشوف الغاضريه
اسياط مايحمل كفـاي ولا أديه
مدلـــــله وشلون اعيشن بالاذيه
ومن اميره بيوم اتحول سبيه

تدري وي اقذر بشر باجر اسير
والي اصعب منها للشام المسير
     بهذلتنه.      شوغتنه. 
وهلت اوياك النوايب من اجيت
ـــــــــــــــــــــــ
العليله تدري ماكمل دواها
اتركها خل الدنيه تمشي بمشتهاها
تدري لو رحنه وبعد ماتم شفاها
اتموت  و بموتتها انته السبباها

تدري شنهو الرايح تخلفه  وراك
اعلينا حيل استعجلت شنهو الاجاك
          حيرتنه.  ودمرتنه
وهلت اوياك النوايب من اجيت
ــــــــــــــــــــــــ

ليش مستعجل على جيت الاذيه
اتعطل اجم عام خل تكبر رقيه
ازغيرة ماتحمل مرار الغاضريه
اتركني اربيها وكبرهه اعله اديه

تدري مايكمل عمر هاي السنه
الا جـــــــاني عله ارقيه جنه
ما عفتنه.    وفتتنه
. وهلت اوياك النوايب من اجيت
ـــــــــــــــــــــــــ
خادم الزهراء ع ابو احمد الطائي

https://www.tg-me.com/aabas78
قصائد لكل ايام محرم اشترك بالقناة

آ يالهلال – آ يالهلال
طلعتك هلت ألم – للعقيله والحرم
آ يالهلال – آ يالهلال
------
يالطلعتك لوعه وهضم مابيهه گمره
ســاعاتك البينه تمر عالعتره مُــره
من شوفتك حتى الهوه نشتمه حسره
كلشي ليجنيه بطلعتك بي انت ادره
بيهه تبده محنتي – منهه تكثر ونتي
آيالهلال – آ يالهلال
------
ايامك التجري هضم واشگد كئيبه
اكبر رزيه من تجي ذيچه المصيبه
ماتدري انــت بجيتك اصبح غريبه
تصبح اخيمنه يااسف كلهه سليبه
ادري يگظي هالعمر – بلوعه وبهم وصبر
آيالهلال – آ يهالهلال
-----
يللي بطلعتك بس حزن ويحل ظلامي
ارد آنه اودي بهالمسه لأمي سلامي
بشيمه اعتذر من النبي لهذا كلامي
بل لوعه اگلك ياعلي عذراً امامي
اعتذر للطالبي – لو كلامي اعله السبي
آيالهلال – آ يهالهلال
-----
هالمصيبه بطلعتك كلش جبيره
الليله احجي بدمعتي عن المسيره
تعتذر من النبي هاي الاميره
صعبه اوصف حالتي بجلمة اسيره
هالامر لا مو الي – آنه بت حيدر علي
آيالهلال – آ يهالهلال
------
وي هلتك هل القهر يشرح مصابي
ماعندك انت ذنب كلشي بكتابي
مكتوبه اعلم قصتي وجمرة عذابي
آيه يرتلهه بعزم صبري وحجابي
همتي وخدري السند – مااذل لاحد ابد
آيالهلال – آ يهالهلال
------
شحجي وشسولفلك بعد عاليجره بيه
عندي خبر من الوصــي بالغاضريه
سولفلي كلشي بونته ضلع الزجيه
متعاهده آنه بعهد احمي الهـــويه
من زمن هذا الوعد - واجب اوفي بالعهد
آيالهلال – آ يهالهلال


تمت بحمده تعالى / الخادم ابو لقاء البهادلي

https://www.tg-me.com/aabas78
قصائد لكل ايام محرم اشترك بالقناة

للهلال احمد العكيلي

بداخلي كلشي يوِن وانگلب كلي حزِن
تبچي عيني وگلبي مقهور
من يهل اهلال عاشور
ــــــــــــــــــــــــــــــــــــــــــــــــ
إبلا شعور دموعي تدفع باب الخدود
وترفع ابيوت القوافي اعلامهه السود
وتوصل لكربله افكاري برمشه وتعود
ويستفيق الهامي بوّل صوت رادود

على المنبر لو صعد يعني للدمعه إستعَد
يبدي ينعى ويختم بشور
من يهل اهلال عاشور
ـــــــــــــــــــــــــــــــــــــــــ
تنجمع كل المآسي اگبال العيون
وكل مصيبه اذكرهه تكسر حيل الظنون
بمدرسة عابس درست انواع الجنون
والمشاعر عندي ما يحكمهه قانون

ودمعتي ما تنوصف عبْرت احدود العرُف
لا ولا يكفلهه دستور
من يهل اهلال عاشور
ـــــــــــــــــــــــــــــــــــــــــــــــــــــــــــــــــ
وصف اكبر من خيالي وماله مقياس
من اعاين للشريعه والگه عباس
تارك اچفوفه وجربْته وغيره واحساس
حتى لا بسكينه تشمت ناس مو ناس

ويدري زينب تنتظر والتمس منها العذر
كاتب اعله الجود معذور
من يهل اهلال عاشور
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
لو وصلْت حسين حيلي يظل بلا حيل
إمن اذكر شلون اعله صدره تسحك الخيل
إتميل وياي الفجيعه ويذبح المَيل
والنهار انطفت عينه وانگلب ليل

عندي واهس للبچي يسكت گباله الحچي
نور ليلي ايظل بلا نور
من يهل اهلال عاشور
ـــــــــــــــــــــــــــــــــــــــــــــــــــــــــــــــــــــــــ
مِن اصد وتصير عيني بعين الهلال
موقف ايحرك سكوني وصفنة البال
چن خيم محتركه اشوف وزحمة اعيال
شفت يم صبر العقيله ازغيره الجْبال

لو ذكرْت ام الخدر حيل ادگ اعله الصدر
وكلمن يواسيها ماجور
من يهل اهلال عاشور
ــــــــــــــــــــــــــــــــــــــــــــــــــــــــــــــــــــــ
الشاعر احمد العگيلي

https://www.tg-me.com/aabas78
قصائد لكل ايام محرم اشترك بالقناة

#محرم1446هـ



نزله للهلال احمد العكيلي

أشهدُ انَّ محرّم شهر الاحزان
ــــــــــــــــــــــــــــــــــــــــــــــــــــــــــ
كبل هلْة اهلاله هلّت دمعة العين
وننتظرها بروح هاي أيام الحْسين
والمهم عاشور عدنه وكلشي بعدين

الما يصب لحسين دمعه ماهو انسان
ـــــــــــــــــــــــــــــــــــــــــــــــــــــــــــــ
الحزن مكروه بس لحسين مشروع
والفرح مسموح وبعاشور ممنوع
شما بجينه نكول ما كفّتنه الدْموع

والدمه بينه تفور وجنهه بركان
ــــــــــــــــــــــــــــــــــــــــــــــــــــــــــ
مو دموع اتحس لئالئ عالخد اتطيح
كل نفس كل اه محسوبات تسبيح
ياحُسين بصوت عالي واحد انصيح

نحضر بمجلس عزائه بسود الالوان
ـــــــــــــــــــــــــــــــــــــــــــــــــــــــــــ
حسين مثله ما جره ولا صاير امصاب
حسين مكطوع النحر مسلوب الثياب
اسهام ورماح وحوافر خيل نشّاب

كلهه يتلكاهه جسمه وهوَّ عريان
ــــــــــــــــــــــــــــــــــــــــــــــــــــــ
خل تدك اعله الصدر كل حيلها الناس
خل تدك عالراس للمتهشم الراس
فدوه كل اجفوفنه لجفوف عباس

النهر كدّام عينه ومات عطشان
ـــــــــــــــــــــــــــــــــــــــــــــــــ

خيَم محتركه وتهج بالصحره الزْغار
وزينب اتحير بخدرهه اتحير بالنار
من تظل بلا اهل يا حيره تحتار

هيه تمشي للسبي ومذبوحه الاخوان
ـــــــــــــــــــــــــــــــــــــــــــــــــــ
زينب الماعدهه بس نسوان وايتام
شنهي حالتها اذا ودّوها للشام
ويلي عالايام سوده بوجه الأيام

تمشي ظلت بالفواطم بين الاوطان
ـــــــــــــــــــــــــــــــــــــــــــــــ

للشاعر
احمد العكيلي

https://www.tg-me.com/aabas78
قصائد لكل ايام محرم اشترك بالقناة

للخدمه 1447👇👇👇👇👇👇👇