وداعت الله يخوتي عنكم  مشيت
وعله الصار بحالكم من دم بچيت
--------------------------------------------------------------------------------

راح   عنكم   يخوتي   للشام   اروح
بس جسد امشي وتظل يمكم الروح
عله ايتامي وعالجره  من  دم  انوح

وعذرا   أعتابي  اذا  يمكم  حچيت
وعله الصار بحالكم  من  دم بچيت
"" "" "" "" "" "" "" "" "" "" "" "" "" "" "" "" "" "" "" "" "" "" "" "" "" ""

من  حچيت  القصد   فزعتكم  اريد
ياهوه احشمنه وصبح ضعني  بعيد
وعلي  يامر  من  عگبكم  ظل  يزيد

يل  ابد   ماغيركم   يوم   ارتجيت
وعله الصار بحالكم من  دم  بچيت
"" "" "" "" "" "" "" "" "" "" "" "" "" "" "" "" "" "" "" "" "" "" "" "" "" ""

مارجيت   لغيركم   كل  عمري ابد
يا  سند    زينب    ياعون    وسند
بعد  شتحمل   عگب   عزكم   بعد

جبل   وياكم    ولا يوم    نثنيت
وعله الصار بحالكم من دم بچيت
"" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "

ما ثناني    الدهر   لا همي   الحزن
بس اموت من اسمع ايتامي  تون
وللمدينه    وللاهل    گامت   تحن

شرد أجاوب وانه ويدهري شجنيت
وعله الصار بحالكم  من دم   بچيت
" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "

اشجنيت   ودار   دولاب    الزمان
ابمكان  اخواني   ويتامي  ابمكان
لاطبيب  ولاضوه   ولا ظل   امان

توجهت صوب الغري بحرگه اشتكيت
وعله الصار بحالكم من دم بچيت
" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "

اشتكيت  لوالدي   من   الجره
ترضه  زينبكم  تروح  ميسره  
وباليتامه  وبالضعون  محيره

زينب انه مچتفه وللشام  اجيت
وعله الصار بحالكم من دم بچيت

=========================================
الشاعر احسان الحميداوي

https://www.tg-me.com/aabas78
قصائد لكل ايام محرم اشترك بالقناة

من يگول الحره ذلت بالسبي
تبچي مكسورة گلب لاوالنبي
مااصدگ هالوضع     هيه بتمن وقتنع
تبچي مكسورة گلب لاوالنبي
***
هاي زينب ياخلگ هاي العقيله
هاي بت حيدر علي واصل الفضيله
شلون فهموني اذن تمشي ذليله
وهيه حمل الدنيه لومالت تشيله

يم شماته شلون بالله تنكسر
وهيه من عدهه اخذ درس الصبر
شلون شافوه الدمع    هيه بتمن وقتنع
تبچي مكسورة گلب لاوالنبي

زينب المفهوم للعز والاباء
وماتطيح ادموعهه بس بالدعاء
صوتهه يسمعوه بس اهل السماء
شلون بين اجناب تبچي بكربلاء

هيهه لورفعت اديهه للجليل
الگاع حدر اجدامهم والله تميل
الباري ألهه يستمع     هيه بتمن وقتنع
تبچي مكسورة گلب لاوالنبي

هاي من حيدر علي اخذت صفات
كل الجبل وكت الشدد بالنايبات
ماتطخ الراس تعرف يم شمات
وهيه بس للله تدنگ بالصلات

الجبل هم ينچتف ارد افتهم
حتلو طايح فرض راعي العلم
ياجبل دنك خضع      هيه بتمن وقتنع
تبچي مكسورة گلب لاوالنبي

زينب بعلم وفهم منزل امام
وبالبلاغه چن علي توزن الكلام
الصبر يمهه يدنگ يحني هام
ويامره گلي مثلهه بهل المقام

چان صبر ايبوب مضرب للمثل
ومن صبرهه احتار ايوب وخجل
بالصبر ألهه رجع       هيه بتمن وقتنع
تبچي مكسورة گلب لاوالنبي

الله مايقبل لون ذلت محال
هيه ستر الله وحجاب الكمال
هاي زينب هوه ياهو الگام گال
شلون چاه راحت سبيه وللجدال

هيه راحت موسبيه لا ابد
راحت لعرش الطغات تهده هد
هدمت عرشه وگع      هيه بتمن وقتنع
تبچي مكسورة گلب لاوالنبي

انه اريدن واحد يگلي بدليل
زينب الحره مشت مشي الذليل
بالقصر وكفت مثل حامي الدخيل
براس مرفوع دخلت مو بالعويل

الاسير الذله بطباعه تصير
كيد كيدك هاي موچلمت اسير
هاي موذل وركع       هيه بتمن وقتنع
تبچي مكسورة گلب لاوالنبي




الشاعر علي مظلوم الجناحي


https://www.tg-me.com/aabas78
قصائد لكل ايام محرم اشترك بالقناة

من هجمو علينه اصغار واكبار
صار ابسوكَـهم ينباع الأحجار
□□□■■■□□□■■■□□□■■■□□□
١=
خويه اوداعتك من طبت الشام
نار بكَـلبي تسعر جنهه الاخيام
ما واحد رعاني وراعه الايتام
كلهم حاربوني بذيج الايام
 
اجيتك .... ياروح الزجيه
اجيتك .... كلشي اينوح بيه
اجيتك .... مو زينب سبيه
 
ليالي العز مشن من صرت طشار
صار ابسوكَـهم ينباع الأحجار
٢==
□□□■■■□□□■■■□□□
ساعت ما وصلنه الشام يحسين
تلكَـونه بالحجار الملاعين
وكلهه اتصيح صوت اسبوهه مرتين
هاي اخت الكَـطيعه اجفوفه الاثنين
 
يخويه ...  والشماته كثره
يخويه ... عشره اكَـبال عشره
يخويه ... والمنحر انظره
 
اعله رمحه ايصب دمه فاير مثل نار
صار ابسوكَـهم ينباع الأحجار
 
 
٣===
.□□□■■■□□□■■■□□□
اباب الساعه وكَـفونه احنه ساعات
ابهذاك الحر الي ايبجي السماوات
بحيث الشافنه يحسبنه أموات
وكل طفله بجت تتعاله ضحكات
 
شَكَـلك ... عن ذيج الليالي
شَكَـلك  ... ما راعو دلالي
شَكَـلك .... يالشوفك حلالي
 
كون اكَـبالي اشوفك ساعة اندار
صار ابسوكَـهم ينباع الأحجار
 
 
٤====
□□□■■■□□□■■■□□□
الشام امزينه الكَـيناه بزهور
محتفله ابذبحتك يوم عاشور
تتراكَـص على اجروحك يمنحور
ماهمهه دليلي اعليك مكسور
 
بالطبول ... خويه استقبلوني
بالطبول ... دكَـو ما رعوني
بالطبول ... يبن ابن امي سبوني
 
اضن وصلت الك ياخويه الاخبار
صار ابسوكَـهم ينباع الأحجار
 
 
٥====
□□□□■■■■□□□□■■■■□□□
وبأخر محطات السبي السوكَـ
إله طبيت وانه الكَـلب محروكَـ
زينب هاي كلهه اتصيح الحلوكَـ
جابوهه أسيره بهزل النوكَـ
 
أسيره ... جبناهه الأميره
أسيره ....أخت بدر العشيره
أسيره .... كلمه اشكَـد جبيره
 
وما سولفلك ابمجلسهم الصار
صار ابسوكَـهم ينباع الأحجار
===========================
✍️🏻 كلمات // موسى_الخادم ٢٠٢٥

https://www.tg-me.com/aabas78
قصائد لكل ايام محرم اشترك بالقناة

نزله

جنة الله زينب ولبست هدم
امبينه من هيبتهه هاي اخت الشهم

جمعتكم حتى اكلكم يا اعز ناسي وهلي
  بلا فواصل خبر عاجل استمعله ومايلي
عدنه واهس بل مجالس نخدم بجنت علي
حشم اخوتك علي صوتك گلهه امري ادللي
انتي فهمتي الصدگ مايفتهم



كون لازم شكو خادم يلطم ابلوعه وهضم
انه اريدك لطمت ايدك كون توصل للعظم
دكلي صدرك راح ابشرك شنهي فأدته الطم
من يحضرك وسط كبرك خاف اكول وتنصدم
اتحضرك الحوراء اذا عندك علم


نشمي اريدك عله زينب جفك اوصدرك حمر
المهدي حاضر اويناضر ينطي للواساه شكر
هذا لطمك  الينفعك   باجر ابيوم الحشر
صيح ويلي انهدم حيلي عل مشت درب اليسر
من اذكرج حيلي رئسن ينهدم



وبنياحك كل جراحك تشفه يابعد العمر
راح اسمعك شي يعجبك ادري متحب تنتظر
نادي زينب بعله صوتك بغضن ابربع الشمر
راح اتعبك بل قصيده ياموالي اطني العذر
قصة كلش واقعيه موحلم


ضلمه همه ومن طبعهه الضلمه ماتهوه الصبح
رحمت الله حسين گلي شلون رحمه وتنذبح
شوفوهه راس اخوهه گاعدابراس الرمح
دين  ماغزر  اوياهم  ماضن ايغزر الملح
والسبوهه والله ماجانو ولم

الشاعر محمود رحيل


https://www.tg-me.com/aabas78
قصائد لكل ايام محرم اشترك بالقناة

اليوم بل كوفه الغريبه اشلونها
خاف تعمه امن البواچي اعيونها
__

اليوم بل كوفان زينب نايحه
امشيبة راس اونحيله اوشابحه
عدها بل دلال چادر فاتحه
لأن تنصب عزه ميخلونها
__

مدري ابيا حال زينب صايره
تنحب امن الضيم مدري صابره
هل جره عليها مثيله ما جره
زين عدله او تمشي ايشوفونها
__

شافت ابعيناها ما لا يُحتمل
لو جبل والله تهدم هل جبل
شافت احسين الذي وجهه ذبل
او بي جراح اتعّب اليحسبونها
__

شافت العباس مرمي عل نهر
واقعن مو حچي مكسورة ظهر
قبلة صارت للهظايم والقهر
انوب فوگ اجروحها يسبّونها
__

عل الهزبله رچبوها الضالمين
او فوتوها عمد من يم الحسين
ودّعته من بعيد او تهل عين
او چنها گام اتنازع ايشوفونها
__

اتنازع الموت او ثجيله انفاسها
لحد ما دگت الكوفه اجراسها
وجت تركض عل زينب ناسها
تريد تتفرج اجت لضعونها
__

تريد تتفرج على بنت النبي
والمصيبه الي حداها ناصبي
شكو واحد عجمي او شكو اعرُبي
گال خل يلفون واينظرونها
__

مدري چيف احوالها او ذاك الگلب
من تشوف الناس ترست هل درب
هاذه يشتم هاذه كل حيله ضِرب
ابلا حميه گامو ايشتمونها
__

ريت ابو فاضل يراها من تنوح
او بل عباه تستر وجهه والجروح
روح ما ضل عدها بل كوفان روح
تشتكي المن منو ايسمعونها
__

ابو فاطمة الطائي


https://www.tg-me.com/aabas78
قصائد لكل ايام محرم اشترك بالقناة

ها يخْوِتي

زينـبكم آنـه اعالهـزل اعــداكــم امچتـفيـني
بدرب السبي امشي بقهر والدمع تارس عيني
يخواني والحادي نذل كلسا يجي يحاچيـني
روس اخوِتج فـوگ الرمح وحچـايته تآذيـني

يالاخوان
الحرمة ابغير اخوتها هظيمه
بكبر سنها لچن مثل اليتـيمة
نار الدنـيـا هـاي وآنـي خيمة

ها يخْوِتي
ــــــــــــــــــــــــــــــــــــــــ1ــــــــــــــــــــــــــــــــــــ
طول الدرب دمعي يصب واطفالي عذبوها
العطش تـارس محـملي والـنـوگ شـرِّبـوها
ولو طفلة تبچي عالهزل بالسوط يضربوها
ولو بيـدهم چـا باليسر اطفــالنا ايـذبحوها

يوليان
بعدكم ماكو راحـة يـالغوالي
مصايب صبّت اعلينه الليالي
اريد احچيلكم والرمح عـالي

ها يخْوِتي
ــــــــــــــــــــــــــــــــــــــــ2ــــــــــــــــــــــــــــــــــــ
عين الكمر تگـطر دمه ورغم السهم شايفنه
مگـطوع راسه وعالرمــح لاچن ولا عايفنه
ينظر علينه ومستحي شاف الحبل چاتفنه
ننظر على عيون الكفل ودم وتراب ابجفنه

والاچفوف
عفناهن على الشاطي رمية
آه يجـروحنه ال بالغاضرية
كلسـا نــنلجم مــنها ســوية

ها يخْوِتي
ــــــــــــــــــــــــــــــــــــــــ3ــــــــــــــــــــــــــــــــــــ
كلسا يجي شامت صلف ويسولف بضحكاته
راس الاحــسين اعله الرمح شوفنّه يبنياته
واحجار لايـح جبهـته والـدم صُبـغ شـيباته
والحافر بگــلبه انــغرز سـألن عليـه خــيّاته

والاخيول
تجي وتروح ضلت فوگ جسمه
يســحگـــنــه والمــثلث يلـچـمه
انترست كربــله مــــن ابو اليمه

ها يخْوِتي
ــــــــــــــــــــــــــــــــــــــــ4ــــــــــــــــــــــــــــــــــــ
ننظر شخص كلسا رفع چفه وعلينه يباوع
ثاري بأصبعه محبس ال خنصر حسين الضايع
ولمـّـن سألناه وبقهـر جاوبـنه والكـل سامع
حاْولت بيدي ماطلع گصيت اصبعه التاسع

والاحسين
من قاومنـي طـــگيته اعله ضـلعه
وضّلت تنزف جروحه اعله اصبعه
مو عــــشرة الاصـــابع بقـن تسعة

ها يخْوِتي
ــــــــــــــــــــــــــــــــــــــــ5ــــــــــــــــــــــــــــــــــــ
حادينه صاير حرمله واحچـايته اسمعناها
عبد الله لمعـة ركبتـه ما اگدر اتخطّــــــاها
بچتلة رضــيع بحــظن ابــو گـدامنه يتباها
يخواني والحرمة صعب ذباح اهلها اوياها

والآلام
بينه تمشي مسرى الدم يالاخوان
وصـوت حسين اسمعنه الى الآن
وحق جدي رسول الله عطــشان

ها يخْوِتي
ــــــــــــــــــــــ6ــــــــــــــــــــــــــــــــــــ

#احمد_رزاق_الاعرجي
#رزقهم_سلام_الله_عليهم

https://www.tg-me.com/aabas78
قصائد لكل ايام محرم اشترك بالقناة

       🌱 ↓❀ٴ‏﷽‏↓❀ٴ‏🌱

┈┈┉✿•༻٭🌱٭༺✿┉┈

#قصائد_محرم_1447
مصائب السبي

قصيدة //تعب على الهوادج

•┈┈•••••••••⊰✿✿⊱••••••••••┈┈

عمه تعبانه الهوادج تعبتنه هواي عمه....
و هاي العیون التباوع لاکو ذمه ولاکو رحمه...
لیش عالنوگ الهزایل والله وسفه صعدونه
واحنه ستر الگاع بینه کلنه خیر و کلنه نعمه.....


عالهزله عمه صعدونه....
چا وین عنه حسین أبونه....
یا عمه مشتاگاتله هواي
چا وین أبو الروح الحنونه...


مشتاگات العینه و مایرجع بعد.....
هم یدري بستر الله اعله الهزل صعد....

(یا عمه .... یا عمه...) 🏴

•┈┈•••••••••⊰✿✿⊱••••••••••┈┈

عمه شو صاحو خوارج واحنه اطهار البریه......
بلا هم یدرون اهلنه ام خدر راحت سبیه......
صاحو اعلینه الیتامه واحنه نصرخ مو یتامه
ننتظر یرجع أبونه و ننتظر من عنده جیه.....


ننطر یجي یرجع دلاله.....
نوم الصحاري ما حلاله....
یقبلها أبونه یصیر اسمنه
ضعن السبایه والثکاله....


واعدنه نظل یمه ومایخلف وعد ....
هم یدري بستر الله اعله الهزل صعد....

  (یاعمه .... یا عمه...) 🏴


•┈┈•••••••••⊰✿✿⊱••••••••••┈┈

عالرمح شو راس أبونه مگابل بعین العلاوي.....
عمه شو شیال راسه تمایل ونص حیله خاوي....
والله لو یدري بغلاته عدنه چا ما شاله یمنه
راس یبچي لو بچینه ینحب بکثر النعاوي....


بس فاتحتنه اعله الهزیله....
مالت الدنیا شلون میله....
مالت ننوح شهور وسنین
هل فاتحة کلش ثگیله....


نتذکر بالعاشر بالخیل انمرد....
هم یدري بستر الله اعله الهزل صعد....

  (یا عمه.....یاعمه...) 🏴


•┈┈•••••••••⊰✿✿⊱••••••••••┈┈

آخ اذا یرجع علینه ونگعد ابسده او نشمه.....
والله تسوا الکون کله الساعه النعدیها یمه.....
بس عمت عین الحوافر خلت آثار اعله صدره
طشرته بیوم عاشر آخ یحسین شیلمه.....


جسمه التفرهد بالبراري....
حسین وتطشر بالصحاري....
یاعمه هم یدري اشجره وصار
بالسبي ماضن هسه داري....


هم یدري اعله الناگه مایحصل مَرَد ....
هم یدري بستر الله اعله الهزل صعد....

   (یا عمه ..... یا عمه..) 🏴

•┈┈•••••••••⊰✿✿⊱••••••••••┈┈

✍كلمات الشاعر: خالد السویطي

https://www.tg-me.com/aabas78
قصائد لكل ايام محرم اشترك بالقناة

يوم السفر حان والاخوان عفتهم عالثره

مشبوحه الاعيون والاجفون تسولف بالجره
يوم السفر. يوم السفر
.............................
مطرت الدنيا عليه بس مصايبهه ويسر
وارثه من امي دمعهه حتى خد المنسطر
هيه مكسوره ابضلعهه وانه كلبي المنكسر
كلشي يتجبر ابكلمه وكلبي لا ماينجبر

كافل بلا عين والحسين الجثه امطبره
مشبوحه الاعيون والاجفون تسولف بالجره
يوم السفر. يوم السفر
.................................
حضرو نوگ الهزيله وحيرتي الما تنوصف
وانه بين اثنين كلبي اظل لو افاركلي طف
الجان من صوتي ايعرفني هسه يمي وماعرف
كربله الخيم حزنهه وكلبي وي لوني انخطف

انه احمي الاعيال والاطفال. ضعنهه الي سره
مشبوحه الاعيون والاجفون تسولف بالجره
يوم السفر. يوم السفر
....................................
كربله الخيم حزنهه وشفنه بيهه الما يمر
فوگ طعنات الخواصر همه الي حسين شكثر
احس كل طفله الي تركب يعني ابوهه ينطبر
وين واحنه ابين غربه وحتى ماتكدر تفر

لمن يفرون يركضون. وراهم بالعره
مشبوحه الاعيون والاجفون تسولف بالجره
يوم السفر. يوم السفر
...................................

امنين ما اندار الگه هذا يبجي وهذا حن
وذني ركضن صوب جسمك حشمن وتشتمن
وانه گلي شرد اسوي خدري باگاه الزمن
والله يالتنشد عليه حكهن اعيوني انعمن

جثه بلاروح. والاجروح علي متناثره
مشبوحه الاعيون والاجفون تسولف بالجره
يوم السفر. يوم السفر
.....................................
نطب للكوفه وعلينه اتكول وادمهم غرب
وحالة الفگدت اهلهه ياهلي كلش صعب
وين ما ننطي وجهنه نلكه اليأذي الكلب
نلگه ترجيه واثرهه يخر دم وينضرب

ياحال الاطفال والاعيال بقت متحيره
مشبوحه الاعيون والاجفون تسولف بالجره
يوم السفر يوم السفر
.....................................

وتالي بتراب الخرابه وياعظم هالمسئله
نكعد ومحد ذكرنه وجم گلب رايد هله
اه ياعلتي الجبيره شفت طفله امدلله
فزت امن النوم تصرخ ياهله بجيتك هله

كلبي انه عطشان. يعريان يحزو منحره
مشبوحه الاعيون والاجفون تسولف بالجره
يوم السفر يوم السفر

خادم اهل البيت علي الزرگاني


https://www.tg-me.com/aabas78
قصائد لكل ايام محرم اشترك بالقناة

عربة السبي اه يازينب


رايحه للغرب زينب رايحه
ضلت الخوان بالدم سابحه


اه يروحي الدهر شد وياها
كابعه بهم وحزن خلاها
رايحه لارض الغرب منواها
اتضل على الخوان روحي نايحه

شلون روحي تروح عنك ياحسين
بفركتك ياخويه ماتغمضلي عين
مالي بس أنتم اهل  يالطيبين
الفراك الكلبي كلش جارحه

يانبض كلبي ودلالي والحياة
انت والعباس سكاي الفرات
ريت يمك خويه ياخذني الممات
واندفن وياك هاي اللايحه

ضلو الخوان صرعى اعله الثرى
والارض بالدمه حمره امعفره
الله يدري شلون حالي بالجرى
حيره ويه الركضت و بالطايحه

خويه يحسين الحمل كلش ثجيل
عايله وكافلها زينب والعليل
ناكه هزله وبينا كل ساعه تميل
واليكود الناكه عالي صايحه


محمد دعبل النوري


https://www.tg-me.com/aabas78
قصائد لكل ايام محرم اشترك بالقناة

من ظلن وحيدات اخذوهن اسيرات
دارت بيهن دنيتهن وعالهزل تاليتهن
**
ذبحو حسين وسحگت بصدره الخيل
وبعده خواته من الشمر شافن ويل
ينطن وجهن وين لو صار الليل
ولا خيمه عدهن لا اخو لا ظل حيل

بالطف ركضن اهواي وما صح الهن الماي
ما تتوصف حالتهن وعالهزل تاليتهن
**
والله وكت هالدنيه دارت بيهن
عگب الخدر ذاك الشمر يسبيهن
عذبهن ويفتر بسوطه عليهن
ومحد خوات حسين اجه يحميهن

صارت زرگه المتون وبيهن باجر شلون
محتارات بغربتهن وعالهزل تاليتهن
**
للكوفه عالهزل سبايه اخذوهن
أمخدرات وبالحبل جتفوهن
بذيج الظهاري وبالشمس مشوهن
وشكثر بالسوط العده ضربوهن

بيهن شمتت الناس وصاحو وين عباس
وظلت تكبر حيرتهن وعالهزل تاليتهن
**
محتاره بيهن زينب وتاه الراي
ذيج التگلها عمه تعبانه اهواي
وعطشانه هاي اتگلها ما عندج ماي
شتصير زينب بت علي الذيج الهاي

زينب صاحت حسين اجتني كربله منين
طالت بعدك محنتهن وعالهزل تاليتهن
*
للشام اخذوهن غصب مسبيات
ومن السبي ودربه شكثر تعبانات
ساعات وگفوهن اباب الساعات
وتتفرج عليهن عيون الشمات

كلها ازغار وكبار ظلت ترمي بحجار
وعالخد تهمل دمعتهن وعالهزل تاليتهن
**
والله وكت زينب تطب ابديوان
ما تنسبي لو عدها زينب خوان
طبت خرابه ونامت عله التربان
مصيبة رقيه اجروح الهم واحزان

تجرح ذيج الايام دموع وموت وآلام
طالت بالهم رحلتهن وعالهزل تاليتهن
***
تمت
ميثم العمري

https://www.tg-me.com/aabas78
قصائد لكل ايام محرم اشترك بالقناة

احسب عذاب اجروحي
ميته   اشكثر  ياروحي

كل  نظره ياخذني البين
فوك الرمح راس حسين
***
شتريد منطيتك  گمر.......يادهري  ارحم بيه
والعايشه اسهام  وحرگ.....تگضي العمر مسبيه
والغربه  صارتلي  وطن......مذبوحه چم علويه
وزعته عمري  ابكربله........لسه الچوي ابرجليه

ابيضت حزنهه اعيوني
چم ديره اطب بضعوني

بضعوني اسدر بس وين
فوك الرمح راس حسين
***
ما حسبت جرح العمر..... ثكل المصيبه اعليه
خمسين عمري بالهضم.......خلاني اون ليليه
دگات گلبي اتزاحمت.....هون يگلبي اشويه
يصعب يخوتي هاالحچي.....لو گالو  المسبيه

هضموني  خويه  اهوايه
كل ساع سمعت احچايه

حال النسه اتشوفه العين
فوك  الرمح راس حسين
***
ياوسفه يحدينه الشمر ...والرؤؤس هاي اگبالي
للكوفه  مشوني الغرب...حسباتي حسره ابالي
والدمعه بعيوني جمر......نشدوني وين  الوالي
وانه الفگدت ابدنيتي....چم غالي عندي وغالي

طحت  ابعذاب اسنيني
وبروحي عشت اونيني

موضوعي ابدي انه امنين
فوك  الرمح  راس حسين
***
عذبني   ياخويه الزمن...وايامي خلصت بالمحن
والشيب من طف كربله...خمسين عمري تعذبن
بالهودج اشگد حشمت..والحادي گدامي صفن
ومشامر اگبالي الحچي..وانه التفت بس الضعن

بالحسره عشت ايامي
ماتت  جميع  احلامي

انسه الجرح  عاد  اثنين
فوك الرمح راس حسين
***
مرت  مواقف  بالسبي....والحاقد ابعينه صلف
معقوله امشي  اميسره...ديوانهم   كلش كلف
وحسين يدري  ابحالتي..ياخويه مابيهم عّرف
وبهل مصيبه شاهدت.....چن انهدم ركن النجف

زينب صرت مهضومه
بجروحي هم ملچومه

درب الغري انعيشه اونين
فوك  الرمح راس حسين
***
تاليهه يا دهري اشبعد....وسط الخرابه اضعوني
ماتت رقيه من الهضم.....والليل  ياخذ   لوني
ياروحي ذابت مهجتي.....بانت حزنهه اجفوني
والحادي مايرحم صلف .....زينب بعد  فجعوني

محنيه  شفت اظلوعي
صار  الدمع  موضوعي

جرح  الگلب باقي اسنين
فوك الرمح  راس حسين
***
تمت بعون الله تعالى الشاعر_يوسف_الفتلاوي

https://www.tg-me.com/aabas78
قصائد لكل ايام محرم اشترك بالقناة

محاكمة رمح
ـــــــــــــــــــــــــــــــــ
ياشجره كلي يارمح مكطوع من ياغابـــــه
شتكول لو يوم الحشر صارت عليك اطلابه
ـــــــــــــــــــــــــــــــــــــــــــــــــــــــــــــــــ
شتكول لو يوم الحشرسئلوك عن اعمــالـك
وتقدمت جدم وجدم انته وي متــــن الشالـك
وكالولك اسمع يارمح وبسرعه دون اقوالـك
راس الحسين بلا خجل شلته شيكون اجوابه
ـــــــــــــــــــــــــــــــــــ
شلون كلبك طاوعك راس الحسين تشيلـــــه
ماخشع كلبك من نطق بالذكروبتنزيلــــــــــه
قران هذا لو نزل فوك الجبل هــــد حيلــــــــه
لوتمتلك ذرة بخت جا شاركت بمصابــــــــــه
ــــــــــــــــــــــــــــــــــــ
ما انصفت وي السبط راسه عله راسك شلته
يمنه ويسار تراوي بيه للشايلك طاوعتـــــــه
لو منك آنه يارمح وجهي بدماه عفرتــــــــــه
وبكْصته امرغ كصتي وبعيوني اوخر ترابـــه
ــــــــــــــــــــــــــــــــ
الله اكبر يارمح للشام حيلك وصـــــــــــــــــل
ماصح ضمير يئنبك ذاك الوكت مايحصــــــل
ماخجل واحد بالدرب ماكالك ماتخجــــــــــــل
والناس ابد ماسئلتك عن هالجرم واسبابـــــه
ــــــــــــــــــــــــــــــــــ
شلون (مسلم) يارمح للّه وتسبح بســــــــــمه
وتكول حمدا والشكر ربي عله هاي النعمــــــه
تجاهلت حق النبي وهتكت بيت العصمــــــــــه
حسين سبط المصطفى وباب الحوائج بابــــــه
ـــــــــــــــــــــــــــــــــــ
بممشاك تتعمد صرت جدام زينب توكــــــــف
وكفت الشامت يارمح تتخوصر وتتجتـــــــف
خليت زينب بس تون منها الدمع ماينشــــف
بدلالها ماتم بنت وعيونها سجابـــــــــــــــــه
ــــــــــــــــــــــــــــــــــــــــ
كوم عله حيلك يارمح وانتبه واسمع حكمــك
انته والشالك والشمر والظالم اليحكمــــــــــك
وياك بعد اشجم رمح باجر اعدام انعدمـــــــك
عالمنخر نذبك زرك بالحاميه اللهابــــــــــــه
ــــــــــــــــــــــــــــــــــــــ
( عنوان القصيده مستعار)
الشاعر منذر السماوي

https://www.tg-me.com/aabas78
قصائد لكل ايام محرم اشترك بالقناة

بيدمن زينب بقت يابو الفضل
والسبي مر وابد ما ينحمل
""""""""""""""""""""""""""""""""""""""""""""""

بقت عدمن زينب بيوم الطحت
وضما اطفالك انت بعيونك شفت
اتگلك الحگ يابو الغيره اشتمت

حدو ضعنك غربه ونطش الشمل
والسبي مر وابد ما ينحمل

""""""""""""""""""""""""""""""""""""""""""""""

مچتفه ومسبيه عنك من مشت
ظلمة دنيتها ومغبره وما صفت
بقت محتاره وتصد صوبك بقت

عليه بالطگ گام يتماده النذل
والسبي مر وابد ما ينحمل

""""""""""""'"""""""""""""""""""""""""""""""""

غصب راحت عنك وعن كربله
اختك الچانت اميره مدلله
مشت من دونك تقود القافله

عليك گامت يابو فاضل تنسئل
والسبي مر وابد ما ينحمل

""""""""""'''''''''''''''''''''''''''''''''''''''""""'''''''''''''''''''''
حايره ومحتاره بين اعيالهه
وماصفه مشدوه زينب بالهه
تغيرت حيل وتغير حالهه

والمدامع من دمه ظلت تهل
والسبي مر وابد ما ينحمل

""""""""""""""""""""""""""""""''''''''''''''''''''''"''''"

بين شام وكربله همهه اشكثر
اشما يمر مغرب گلبهه ينعصر
حجر گام عليهه منهم ينشمر

عليهه زاد الحزن والهم والحمل
والسبي مر وابد ما ينحمل

""""""""""""""""""""""""""""""""""""""""""""""

انشاف طول الگبل محد شافهه
والحزن وياهه ابد ما عافهه
والمصايب يمهه اجت بصنافهه

كل مسيه نايبه يمها تحل
والسبي مر وابد ما ينحمل
""""""''""""""""""""""""""""""""“"""""""""""""
الشاعر احسان الحميداوي


https://www.tg-me.com/aabas78
قصائد لكل ايام محرم اشترك بالقناة

ويلي يزينب ياغريبه
ويلي يزينب ياغريبه
....................................
هاي مارايد سمعهه والابد ماتنعقل
شلون بت فاطمه الزهره تصعد بنوك الهزل
ندري ماي العذب طبعه مايود ماي الضحل
اشلون ترهم بني اميه رافكت بت الرسل
لا ماتذل الهاشميه
لبوة علي حامي الحميه
صح هيه راحت رحله للشام
بس مثلت دور الزجيه
ويلي يزينب ياغريبه
ويلي يزينب ياغريبه
......................................
ولو تعبانه ابسفرهه مشت ثوره ومو سبي
وكثرما شافت مصايب لومشت تحبي حبي
اشما تصد چتال اخوهه لاذت ابكتر العبي
وشرف هاي الدنيا لايذ بالعفاف الزينبي
امن يبعد الروح يحسين
يم الخصم مادمعت عين
لجلك اصيرن كافل ايتام
وبركبتي خدر النساوين

ويلي يزينب ياغريبه ويلي يزينب ياغريبه
........................................
ام عون مابيهه تسولف حيل تعبهه السفر
النوم مايعرف جفنهه ورافگت عين السهر
اشما تدير الوجه زينب تلگه حايطهه القهر
وگبل لاتمشي گلبهه ويه الحسين انطبر
ياوسفه طاح حسين عاري
وجسمه تطشر  بالبراري
يبن امي عاالتربان مذبوح
حگي اون ليلي ونهاري
ويلي يزينب ياغريبه
ويلي يزينب ياغريبه
.......................................
صح اخوهه ايموت ضامي والاهل فوك التراب
بس يضل هم العقيله اعيالهه وكضت الحجاب
هيه مو آخر عجيبه زينب اول بالعجاب
اشما يغثهه ابن الدعيه اتحاجي الحسين بعتاب
يحسين وينك الحگ ام عون
من الهظم ما ضلت اعيون
من همي اموتن خاف يحسين
واطفالك اخلافي يموتون
ويلي يزينب ياغريبه
ويلي يزينب ياغريبه
..........................................
ياهلي الفرگه ثجيله وخافن يطول السؤال
ليش تتعنه المصايب على الزين
اتشله حال
بس يظل شامخ اسمنه وماوصل تل للجبال
آنه اضل ام عون آنه اشما كلت بيدي الحبال
صح الحسين يموت مظلوم
وابلا رحم من ركضت الگوم
بس ياهو باجر قدوة اجيال
ياهو اليموت ابذكره ويدوم
ويلي يزينب ياغريبه
ويلي يزينب ياغريبه

خادم اهل البيت علي الزرگاني


https://www.tg-me.com/aabas78
قصائد لكل ايام محرم اشترك بالقناة

قصيدة ( قائده ) الى بطلة كربلاء وقائدة الركب السماوي


قائده ونعم القياده   نادت بهمه وأراده
      كـدْ بكيّدك           وأسعه سعيك
             تبقه لحسين السياده

*---------------*---------------*

كلمـــه گالتهه العقيلـــــــه     
لهل الوكت يدوي صداهه
واجب نحللـــهه خاطـــــر     
نوصل أحنـه لمحتواههــه
أبنظرة أصحاب السياسـه      
ننظـــــر لواســـع مــداهـه
مـن حچتـهه لهسه تــدوي      
شمس مـا تحجب ضواهه

كلمه سر الباري بيهه     
آيه يترتــل حچيهـه
بت محمد   ....   ألهه يشهد     
يا قصـــــــــر هدّت عماده
تبقــه لــحسين السيــــاده

*---------------*---------------*

قـادة الثـــوره بوعيهــــه       
بت علـــــي وبت الزچيه
يا مــره الصــارت مثلهـه       
واصلت أعظـــم قضيـــه
أبــد ما ذلــــــــت عزيـزه       
عــــزه مـن خير البريــــه
لــو يمــر عالقـاده أسمهـه        
واجـــــب أتأدي التحيـــه

منهه ضباط ومـــراتب        
تاخذ أدروس المحارب
من صبرهه.  ....   ومن نصرهه  
تفهــــــم أدروس الاراده
تبقــه لحسين السيـــاده

*---------------*---------------*

فجــرت ثــــوره عظيمــه     
أعلن الجـــور أنتكاســـــه
هايـــه زيــنب يالتناشـــد     
راضعــــه بثدي القداســه
قـــادة الثــــوره أبسالــــه     
ومن علي ثوب الفراســـه
ذلــــت أيــزيــد وأميــــــه     
أوضحت بعــد السياســـه

هـــزت أعروش آل أميه   
هايه بت حـامي الحميه
للفراســـــه   ....    وللسياسه      
زينب أطروحه وشهـــاده
تبقـــه لــحسين السيــاده

*---------------*---------------*

صــــوت دوّهَ من العقيلـــه       
حـاصـر الشـــام وحكمهـــه
صوت نهضه أعلى الضلاله       
وللنصــر رفعَـــت علمـهــــه
كد بكيدك وأسعــه سعيــك       
أنخرست وسكتــت زلمهــه
هـــزت أعـــــروش الضلاله        
ثــــــوره زينــب للفهـمــهـه

كمّلـت دور الامامــه      
بعزه وبهمّه وشهامه
آيـــه بالطـــف....بأرقـه مصحـف      
وضّحتْ معنى العبـــــاده
تبقـــه لـحسين السيـــاده

*---------------*---------------*

كل محرم يدوي صوتـــچ         
يفجر أعلى الباغي ثـــوره
چـن محمد طـــــه يُبعــث        
والله للــــــــدين وينشـره
نهَضتّــچ نهضّـــت محمد        
وثورتچ من منهـج أمــره
عالظلم لمــــــــن خطبتي        
حسين أعلـن ثوره نحــره

خطبتچ أول شـراره       
أعلــن الدم أنتصـاره
عالميــــه    ....   للبريــــــــه         
أسست مبدء  جهـــــــاده
تبقــه لحــسين السيـــاده

*---------------*---------------*

الشاعر
موسى البديري


https://www.tg-me.com/aabas78
قصائد لكل ايام محرم اشترك بالقناة

اعله باب الشام چم ساعات ضلينه
سبايه والغرب تتفرج اعلينه
سمعنه من الحچي اشكال
هضيمه علينه ينگال

ضعن متعوب من يومه من ازغر طفل ليه
الشمس والصوط تعبنه وماكو النگعد بفيه
تعبنه من المشي والضيم رفضو نگعد اشويه
كلما اريد احاچيهم صاحو انتي مسبيه

اذا تنشدني عن الشام مايرحم
اثارالدموع اهنانه ماتنضم
وتگص ابچفي الحبال
هضيمه علينه ينگال

شتمه ابكل متر نمشي وگلبي عله القهر صابر
بدمعي ومشي محنيه وضعنه اليا كتر حاير
وبنات احسين من الضيم الوحده تكسر الخاطر
صرنه اشلون صدر احسين من يسحگ عليه حافر

غربه اوجوهم كل عرف مابيهه
زينب وي غرب والغرب تسبيهه
اجدامي ابحسره تنشال
هضيمه اعلينه تنگال

المالاحهه صوط الشام من الحجر ماتمشي
الحجرمايندل امن ايطيح الچفهه ازغير مايحمي
ولايه ابطولهه فزعت علينه وبل حجر ترمي
عمه اهواي گمت اسمع الح گينه انتخن بسمي

حرت ياهي الاضمهه وياهي اعوفنهه
وكل وحده تموت ابعيني اشوفنهه
دم من الجفن سال
هضيمه اعلينه تنگال

اول تالي بت حيدر مچتوفه ويمشوهه
بقصر گتال اخوهه اشلون ذيچ الوگفه وگفوهه
قسو بيه بحچيهم حيل وعليه اصوات علوهه
القصر والبي فرد چلمه زينب وسفه سبوهه

تمنيتك تشوف اشصاير اعلينه
من بعدك نموت احنه تمنينه
بچو حته الاطفال
هضيمه علينه تنگال

من عزي ودلاي الچان ابخرابه گعدتي صارت
ماغمض جفن بيه اختكم خويه مانامت
الضاعلهه مثل عباس بين الغربه ماعاشت
بچت مومن بچي زينب خويه من القهر ماتت

يخو زينب تعال الزينب ادفنهه
تواسيهه وتطيب چم جرح منهه
مخليتك للثگال
هضيمه علينه تنگال

الشاعر سلام البهادلي

https://www.tg-me.com/aabas78
قصائد لكل ايام محرم اشترك بالقناة

((كل المشاهد مرعبه))
غيرن شكلي ولوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°°
گالو التعبان يتوچه اعله إخوته
اعليمن اتوچه واخوتي كلها موته
التنذبح يمه هله ينذبح صوته

"صعدت الناگه لاچن چفي محروك"
"بس چف اعله چف بحبال مشبوك"
" ادهورنه يخوتي بطبت السوگ"

((لهاي المصايب ياهلي))
شيكفي دمع اعيوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°
الهوه يضيگ ابصدر اليسلبونها
موذهبها الماخذينه اعيونها
إذن مشلوعه وتغير لونها

"شلعو من إذن بنتك رقيه"
"ترچيه ونزل دمها اعله اديه"
"بهذا الحال گلي شضال بيه "

((سيف الهجر بعد اخوتي))
بالطف ذبح ذبحوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°
اشلون اگعدكم تشوفون المصيبه
أنه ام الخدر زينب موغريبه
منين أنه هسه ابوفاضل اجيبه

"خذيتو الحيل مني  من مشيتو"
"واحد گابل الثاني صفيتو"
"الكلام الي حچيته هم سمعتو"

((مخنوگه من جرة النفس))
من اسمع يشتموني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°
والجسد ضلن حوافر دايساته
لوا وخر احجاره لواحير بناته
هوه الي يشوف الرمح شله بحياته

يچوينه الضهر  وبحرةالشموس"
" أنه أول مرة إخوتها  بلاروس"
" الماطلعت بيوم بشوچهه ادوس"

((المثلي چبيره مدلله ))
ليش بحبل چتفوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°°
منين حيله التنذبح كل العشيره
الچنتو الي اسموني زينب يااميره
عمري خلص ذني ساعاتي الاخيره

"ليش الطف خذه من عندي الإخوان"
"چنت اخت الگمر هسه ام الحزان"
"وكت خلاني اطبن هيج ديوان"

(( الماشافو خيالي بحلم ))
كلهم تره شافوني
(( شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°
سيد محمد الهاشمي


https://www.tg-me.com/aabas78
قصائد لكل ايام محرم اشترك بالقناة

موسبي راحت سفير
يا اميره وبت امير
فخر راحت موهضيمه
تنشر الثوره العضيمه
............
هيه ما اراحت سبيه واجزم بهذا الكلام
ملك ويسولف عرشهه ثورة الحق والظلام
تمشي وي ضعن الفواطم هيج وصاهه الامام
يعني لو هضموهه زينب نقره عالثوره السلام

للضعن كافل تصير
يا اميره وبت امير
تحجي عن قصه اليمه
تنشر الثوره العضيمه
...........
الزلمه لو ميتين اخوته يدير الانگاب ويصيح
وزينب الوگفت قضيه سكته دمعتهه التطيح
زينب وحيدر صبرهه ابوكت اليوفي شحيح
مثلت دور العبايه وچان الحسين الذبيح

امهه بالناگه التسير
يا اميره وبت امير
مطرت من الصبر غيمه
تنشر الثوره العضيمه
..........
امهه بالناگه ابصبرهه غطت الدنيا بوقار
سولفت خطبه السمعهه گال ردلنه الفقار
يافضل زينب اشبهه ويشبه الفضل النهار
الدنيا لوله ام عون احسهه ضلمه وامتيهه القرار

الصار تحجيه واليصير
يا اميره وبت امير
ذلت الگوم اللئيمه
تنشر الثوره العضيمه
.............

كعبة الاحزان هيه وهيه منهج للصبر
يامره الميتين اهلهه وتحجي الهم للنحر
چلمة الذله اعله زينب چانت ابدن ماتمر
يا اخت عباس ثوره وانتي ذليتي الاسر

لا تذل ولاتحير.
يا اميره وبت امير
فيت اعله الدين خيمه
تنشر الثوره العضيمه
...........

ابد ماقلت صبرهه وابو الباقر بالضعن
مثل الحسين اعله زينب جفه للحره وطن
صح عليل ولچن دوره مايقدرونه ابثمن
نشف الدمعه الخواته وللفواطم لو بجن

گدهه ابو الصبر الچبير
يا اميره وبت امير
للخلگ يشرح جريمه
تنشر الثوره العضيمه

خادم اهل البيت علي الزرگاني

https://www.tg-me.com/aabas78
قصائد لكل ايام محرم اشترك بالقناة

عايف الحره والسده اعليهه
ولاهي وره الدنيه وبلاويهه
/////1/////
المفروض من عندي اموتن والله ياناس
من اسمع الحره انسبت من بعد عباس
وحسين اخوهه اعله الرمح تنظرله بس راس
للمثلي بله امنين اجيبن انه الاحساس
 
خلَّصت عمري ما اهم بيهه
لاهي وره الدنيه وبلاويهه
٢==
المفروض من عندي أصيرن لخت الاحسين
خادم موالي ابكل وكت مو شهر شهرين
مو هين امصاب السداهه ابذيج الاسنين
يا حرمه مثل الحره شافت ذبح بالعين
 
واجب عليه اسنيني انطيهه
 
٣===
المفروض من اسمع سبوهه ابجي الاعيون
والطم على الراس وعلى صدري والامتون
زينب أمانة فاطمه يامن تسمعون
عالأقل جان اعليه اصبرهه الفكَـد عون
 
ما فكرت ظلمه لياليهه
لاهي وره الدنيه وبلاويهه
٤===
المفروض ما بيه يضل يا سامع الحيل
من اسمع الحره اطلعت لحسينهه بليل
وكَـعدت تدور اعليه ما بين المجاتيل
بس انه وين الملتهي بل قال والقيل
 
وابالي ما مرت مآسيهه
لاهي وره الدنيه وبلاويهه
٥=====
المفروض من عندي أعيش اوياهه الاَلام
زينب مشت وحدهَّه للشام اويه ظلام
مجتوفه بحبال اليسر وي سرب الايتام
أوسط الخرابه المضلمه ما كَـدرت تنام
 
وانه الليالي احلام كَـاضيهه
لاهي وره الدنيه وبلاويهه
==========================
✍️🏻 كلمات // موسى_الخادم ٢٠٢٥

https://www.tg-me.com/aabas78
قصائد لكل ايام محرم اشترك بالقناة

ياحادي ابضعنه. مر بينه اعله اهلنه
          خلي انودع الحسين      
             وانودع الكفلنه
      .....................................
مر بينه عليهم  نحجي بالصار
وانگلهم خيمنه احترگت ابنار
  يبو الاكبر عفتنه والزمن دار
  هجت بالبراري اكبار وازغار

   عفتني ابلاولي يحسين وحدي
  الم ابعيلتي ودمعي اعله خدي
   ما فارگ دمع يوم من بعدك جفنه
   .....................................
حرمه وحايره وماتندل ادروب
ابغيابك حيل صعبه جية الاغروب
طشت عيلتك ما ادري ياصوب
عليك حسين دمعي منگع الثوب

غرب يحسين ياهو الي انشده
وشدة زينبك  ما  منهه  شده
اشما نبجي يشتمون ماترحم خصمنه
......................................
آنه اوياك چنه حاجب وعين
واحد من يغيب اشنفع الاثنين
وحگك دنيتي ضاگت يالحسين
وحيده  زينب  وكثره العناوين

رحت وضيعتنه ابغير وليان
وعطشان اليصبر گلب عطشان
چهبنه الماي يحسين لاكن ماشربنه
......................................
اشوف الماي ويعرضلي الاسهام
البيك وتجوي گلبي نار الاخيام
اشيرد النه  اليالي وذيج الايام
واشوفن كافلي وايردلي جسام

ويلتم الشمل وانشوف عباس
لا چفه انگطع لا صابو الراس
اشيرد لينه المطاعين واتطشر شملنه
......................................
مشيتو وگلبي ظل ينعه ابمصابه
وبعد يحسين من  يسمع عتابه
السئلني يا سهم  يوجع  خضابه
اگلله   الاشد   سهم  الخرابه

   سبيه اتنوح واتصبر سبيه
   وماتت بالغرب بنتك رقيه
تمنيتك تجي اتشوف مصاب الي فجعنه

خادم اهل البيت علي الزرگاني


https://www.tg-me.com/aabas78
قصائد لكل ايام محرم اشترك بالقناة