"يتوقف المرءُ عن كونه لطيفًا
حينَ يُسلبُ منه
ما أَحب ..🤍🤍"

بحسّ إنه أسوأ شي بهالحياة وغير عادل مطلقًا
هي لحظات الفرح وسرعتها
مش متل لحظات الحزن وطول الأمد تبعها
طب أنا كيف بحسن خبّي هاللّحظة لبعدين؟
طيب لنفترض ماحسّيت فيها متل مالازم أحسّ
مافي مجال إنها تنعاد كمان مرة !
كيف الحدا فيه يقاوم أيّامه البشعة بدون اللّحظات الحلوة إللي مخبيها بقلبه ..
بتحسّ إنها معادلة صعبة الحل ومعقّدة جدًا
كيف اللّحظة بتعيشها لمرة وحدة وبشكل مؤقت
الله يملّي أيامنا بالشغلات الحلووة إللي بتضّلها معنا للأبد آمييـن 🤍🤍.

‏يا إلهـي
‏ألّا تموت الرجَاءات الصغيرةُ بنا
‏ألَا يفوتَ الأوانْ
‏ونَجْني على أنفسِنا بالنّدم ..

العِبرة
في ألّا يندم كل منّا علىٰ
اختياره لشطرِه الآخر ..🤍🤍.

معروف عني قديش أنا حدا رقيق ومابيتحمل لحظات الوداع أبدًا
طيب ليش لما نتعوّد عوجود شي أو حدا محدد بينسلب مننا؟
او حتى لما منتعود نتاقلم عمكان معيّن بهالفترة بالذّات مابضلّنا مكان فيه !
وبينكتب علينا انه نكمّل حياتنا كأننا ماعرفناه واللي بقيلنا منه هي الذكرى بس ..
طب لو هيدي النهاية من الأساس ليه لندخل بهالمتاهة ونوجع قلبنا زيادة .
طب مانضل وحيدين يعني مش أفضل ؟
يالله الوداعات شو بتخلق جواتي غصّة وفراغ
يالله قدّيش بيوجعني قلبيي لما ودع حدا عزيز عليّ
أبدًا ماعم بالغ بوصف شعوري حتى بحسّ إني ماعطيته حقه ..
يارب لو بحياتي الجاية كتبتلي اني اقابل اشخاص لطيفين بيشبهوني خليهم معي للأبد ممكن؟
بعرف انو حدا مؤقت عم يطلب شي دائم بس بتزبط أحيانًا
الله لايفجع حدا فينا بأي شي آلفه وحبـه ويرزقنا سعادة أبديّة دائمة مهما كانت النهايات ..آمييـن🤍🤍.

"ألّا يخونني
الطّريق
الذّي
سأدفعُ فيهِ
جزءًا من
عُمـري "

- إنما هي الرغبة المُلِحّة
في أن نمشي سويًّا
في طريقٍ طويل ..🤍"

⠀
لا أعلم ماذا تَرين
في شخصٍ رثّ مثلي
ويملؤه الخَراب،
هل تُحبين جَمع الآثار القديمة ؟ 🖤

قدّيه هلق السما
بتكون معبايّة أدعية وأمنيات !
اللّه لايخيّب حدا فيينا🤍🤍.

{قَالَ قَدْ أُوتِيتَ سُؤْلَكَ يَٰمُوسَىٰ}

اللّهُـمّ ونحـنُ🤍🤍.

يُخبِرُنِي أبِي فِي سِنَتِي الرَابِعَة
بِأنَنّي جَمِيلَة
وَ كَأنّهُ يُهدِينِي سِنِين أُخرَى
لِلَيلِي ، قَلبِي وَ أنَا

الآن فِي سِنَتِي الواحد والعشرون
أُضِيءُ مِن سبعة عَشر سِنَة
وَ تَتبَعُنِي رَائِحَةُ الأقحُوَان ..♥️

- ١١ تمّـوز .

"على المرءِ أن يُحاول دائِمًا
مهمَا عاكسه العالم
أن يَحصل على
انتصارٍ صغير في العَتمة
ووحَدكَ أنتِ
كنتِ انتصارِي 🤍🤍.."

اكتشفت مؤخرًا إنه كلنا حرفيًا نعاني من المشكلة ذاتها
إللي هي عدم الرضا وتقبل الوضع إللي نحن فيه
وإننا لو رضينا نص مشاكلنا اذا مش كلها بتنحل ومابيضللها ندبة حتّى ..
لو انآمن بإنه إللي نحن فيه واللي صار معنا هو الخير المخبّى لالنا
وإنه لو صار إللي بدنا إياه كانت حتكون النتائج عكسية وممكن برضو مانرضى ..
فـ ليه لنتعّب حالنا ونهلكها بالتفكير بينما لو عرضت علينا أقدارنا لاخترنا إللي نحن فيه
وهالموضوع هيدا بيذكرني بمقولة لجبران وهي المفضلة عندي وإللي بتقول :
‏"صدّقني.. لو فقدت ما فقدت لو كسّر الحرمان أضلاعك، ستجتاز هذه الحياة، كما يجتازها كل أحد، فاختر الرضا يهُن عليك العبور"

فاختاروا الرّضا عـ طول اللّه يرضى عليكم🫂🤍🤍.

"كما لو أنّ كلّ كلمة وداعًا
قِيلت لي يومًا
‏تُقال مجددًا كلّها
دَفعة وَاحدة "