شور كعده مصيبة الأكبر ع

يم الاكبر   راح الاكبر    كعدي عينيني
...ا
من وكع الأكبر يليله        انه هم طحت بركضتي
الحك اوليدك يالحسين    ياهبطتي وياهبطتي
مااوجد كوه دربي           ابني اصيحن مره اختي
عين يمه وعين يمجن      خافن اطلعن عزوتي

راح ابني الغالي     وكاسر دلالي
لمن  وصلته       ذبحوه اكبالي

كدامي لطمي يم علي
ميت علي وميرد الي
...ا
شرد اسولفلج يليلة     بالسيوف مكطعينه
ذاك التحبه الزهره       بالحوافر ماردينه
حاجب ابنج يم الأكبر   طاح بيدي هو وعينه
من وصلته وصاح هو    مات اخيج ياسكينه

لو شفتي هدومه    انباكن بالحومة
عله ذيج الرمله   مو حلوه النومة
ماغمضت عينه نسيت
خايف عليجن هالاجيت
...ا
يم الاكبر صيحي زينب  هيه الاتسكتني ادري
اجت زينب كام الحسين اتكله ها يابعد خدري
مات الاكبر ها يزينب  والجم ماادري حدري
بعون كون اللجمه كالت  كون انه الراح عمري

ياعمة اوليدي    الكبرته بأيدي
لمن لزمته        مايلزم ايدي

راح الولد مني انفكد
دلالي وياه انمرد
...ا
يم الاكبر راح ابنه  وانه رايح بعد ساعه
خل اكلج عله كلشي   ابنج امكسره اظلاعه
متت يمه وكعدوني    ابني ما احمل اوداعه
لا رجل لا ايد سلمت   بالحجر كسروا ذراعه

راح وخلاني     دمعي برداني
هاي اول مره    تصير وبجاني
الماباجي كل عمري وراه
بجاني من داير كفاه

...ا
الملا عباس الموالي

لمن يرجع الحسين ع من مقتل الاكبر ع
وتستقبله العقيلة زينب ع

تعبان    نفسيتي تعبت راح الاكبر
تعبان   جيتج ركض يازينب اعثر
اه اه من راح الاكبر
..ا
يزينب انتي مثل امي   واجيت اشكي الج همي
الاكبر مالزم ايدي        ميت واحترك دمي

يازينب اشلون   لو شفتي راسه
اكبالي الفرس كام   داس اعله راسه
راح راح   من بين اديه
راح راح   عطر الزجيه

زعلان   من الهوه ماريد اشمه
زعلان   وابني علي ماهو جسمه
...ا
تجيلي كبل لا طيح     اطيحن بس تطكني الريح
كسرنه حسين بوليدة     الشامت من سمعته يصيح

دكو بالاطبول من مات الاكبر
اجمع بجسمه   خلوني افتر
وين وين   ماشفتو هدمه
وين وين   وكضاني عمه
عباس    كتله ارد اروحن جيب الاكبر
عباس    الله اليعوض كلي اصبر
...ا
يزينب راح اليخبل      ادلي برجل ماتندل
بالكوه وعلي زينب     وصلت بروحي للمقتل

لمن وصلته   طحت اعله وجهي
ادري لجمته    اذيته ادري
اخ اخ   حسيته يشهك
اخ اخ   وبجفي اصفك

ويلاه    مني طلب ياخيتي شربه
ويلاه   وبمتن عمه ماكو جربه
...ا
اريد ارتاح كعديني    يزينب فدوه سنديني
من كثر العطش والضيم   يازينب طفت عيني

شربيني يم عون  مي امن العيون
بكلبي لهب نار     صدكيني يم عون
ماي ماي   خلص بالخيام
ماي ماي  صارلنه ايام
زينب   بلكوه واكف جدمي يعثر
زينب  عطشان  بس عطشني الاكبر
...ا
تعبت سنين برباته      ابني اليابسه الهاته
تعب ذاك العمر رايح    خلي يلطمن اخواته

صيحيلي سكنه   وصيحي رقية
جيبيهن اهنا      يلطمن عليه
مات مات  مذبوح اخوجن
مات مات  وانوب ابوجن

سكنه    راح اليشد احزام ظهرج
سكنه    سلمته لله بوية امرج
...ا
الملا عباس الموالي

#للأكبر ع

يعگوب بلكي وياي تدعي گلبي جمر
يعگوب مثل يوسف اريده ايرد الأكبر
انت سنين يلا شابت العين
ادعي وياي راح يموت الحسين
...ا
اتوجهت ليلة بدمعها مدري لاوين
لمن شافته تغير وجه الحسين
اتذكرت يعگوب لمن شابت العين
ولدعائه الله استجاب وردله الابنين

ويلاه متخوفة اعله ابنهه ايروح منهه
ويلاه شالت ضيم يعگوب بحزنهه
بنيامين وين ويوسفك وين
ادعي وياي راح يموت الحسين
...ا
اشلون ادعي يم الاكبر والله فشلة
وانه چنت انخاكم انتو انتم اعله
اتگله لله اقرب انت فدوه گله
دعه وكلهه يمكن ابنچ جته نبله

شاطت شاطت روحهه وطاحت عله الگاع
شاطت ولدك وين دزهم لبني فزاع
ولدك من مصر دزهم مجبلين
ادعي وياي راح يموت الحسين
...ا
ابنك الصديق مايوصل حلاته
وعلي بس يوگع علي يموتن خواته
هواي شايلني علي بطيلة حياته
اسئل الله بشيبتك بلكت نجاته

يحسين يعگوب النبي ضيف بخيمنه
يحسين خل نسجد سوه الخاطر ولدنه
مااحمل افراگة اوليدي الحنين
ادعي وياي راح يموت الحسين
...ا
والنبي يعگوب گام استأذن حسين
يگله الاكبر خل ارده بهاي الايدين
خلي ننزل للقتال اوياي الابنين
ولدي فدوه تروح والله الولدك حسين

ولن صوت يالسادة اركضو طاح ابنكم
ولن صوت من الشجرة كصينه غصنكم
ماوچد احسين الطايح امنين
ادعي وياي راح يموت الحسين
...ا
جابو اجنازة الاكبر فوك الامتون
وليلة متوچد دربهه ميته الاعيون
عله الأكبر بچه عبدالله الزغيرون
وطلعت من الخيمة تبجي وتعثر ام عون

عمه فدوه اتروحلك عمتك يالاكبر
عمه چاه ياهو اليكضني لمن اعثر
زينب من اجته لطمت العين
ادعي وياي راح يموت الحسين
...ا
بقلم الملا عباس الموالي

فزاعيات للأكبر ع

امگطع اوليدي شلته وطاح مني

لتنشديني يازينب عله اوليدي
اول مره الاكبر مايكض ايدي
ونت زينب وگلهه بعد عيدي
الطمي وياي يازينب عله اوحيدي

اتگابل اوياهه يلطم عله اوليده
...ا
حسين اغمه عليه وطاح من حيلة
ارش بوجهه ماي منين اجيبلة
يلأكبر بعد عمتك طاحت الشيلة
بعدك يالولد مافرحت العيلة

ولا تلچمنه يعلويات ابعدن
...ا
حته حسين شالته بني هاشم
مايگدر ايحرك رجله ياوادم
من هبطة اوليدة عالوجه نايم
وين الزهره ماتلفي وتجي فاطم

وينهه الزهره خل تحضر اتشوفه
...ا
الله يعين ليلة من اجه امگطع
رادت روحهه من الخيم تطلع
افراك الولد يمه علي يوجع
اول مره احاچي اوليدي مايسمع

مرعدت روحي يمه أكبال روحك
...ا
ثلث ساعات ظل حسين مغمي اعليه
وسكينه ورقية اتفرك برجلية
زينب بالعباية گامت اتغطية
ومذهولة العقيلة وطگ گلبهه اعليه


من وره اوليده اثاري حسين ميت
...ا
بقلم الملا عباس الموالي

نزال لمولاي الاكبر ع

هذا الجمال من المخيم طالع
يتونس بحز الركاب وراجع
من ال هاشم هذا اول فازع

ودع حسين نوب كف اردانه
راس ابن غانم داس فوكه وهانه
...ا
شدتله زينب بالظهر شيلتهه
وسبحة الزهره بركبته خلتهه
طلبت امراد ورايته عكدتهه

عاين ال ليله وشافهه زعلانه
راس ابن غانم داس فوكه وهانه
...ا
من نزل للمعركة شبل السادة
ماله دخل بجنود راد القادة
هاي الشراسه مو تعلم عادة

والجيش صاحوا حيدره طبانه
راس ابن غانم داس فوكه وهانه
...ا
للمعركة ينزلون رادو لثنين
الاكبر وعباس ينزله ايعين
الله ستر لوما يكضهم الحسين

الله ستر عباس كف اردانه
راس ابن غانم داس فوكه وهانه
...ا
الحسين وصلته رساله امن الجيش
يحسين رجع ابنك انريد انعيش
شوف المعاره الخوذ طارت والريش

وحسين كله حيل يابعد انه
راس ابن غانم داس فوكه وهانه
...ا
عباس كله ارجع ابداعت امك
الناس خلصت بقي زلمه العمك
ارجع اذا عباس حيل يهمك

كله بخدمتك يالرفعت الوانه
راس ابن غانم داس فوكه وهانه
...ا
عباس كله الجيش ظل شويه
يوليدي سويت المعاره عيه
تدريني حار وانه ابن بدوية

عباس عركت بالحرب ذرعانه
راس ابن غانم داس فوكه وهانه
...ا
بقلم الملا عباس الموالي

واويلي على الاكبر
...ا
وداه المهر للموت
وامه تندهه وبلا صوت
ميلمه علي تابوت
ويلي وجسمه مطشر
...ا
حسين أمن الخيم جاله
لكاه بأسوء احواله
لكه فوكاه خياله
وجه ابن النبي اتغير
...ا
زينب صاحت بحسره
عمه ابراسي الطبره
راح اليشبه الزهره
مثل امي صفه امكسر
...ا
ليله تريد ابنهه تريد
مكطع بالسيوف الحيد
وأهل الشام سوو عيد
عيد ان شاءالله الاكشر
...ا
الليلة الزهره حيل تنوح
جاه غير الولد مذبوح
الاكبر طلعاهه الروح
جسمك ياعلي موذر
...ا
بقلم الملا عباس الموالي

اهات الرباب في ليلة العاشر


عبدالله ياعبدالله ياعبدالله
صليلتله خاطر يحفظه الله
عيني ترف يايمه ليش اسم الله

وين اضمن ابني وين بياكتر ياخيمة
ابني بس مالت دلال وينه وين الهيمة

زغيرون مايتحمل أالام
محروك كلبه من العطش نام
بس ردت اكعده يفك الاعيون
وعيونه غارت وصلت الهام

وين اضمه والخيام صبح محروكه
خايفة الخيل تجي انوب تدوس فوكه
...ا
صاير ثلثتيام ميناغيني
تعبان لو عطشان ياضي عيني
مصخن اوليدي من العطش متعيني

مايحرك شو بديه خاف مات اوليدي
وين زينب صيحي ابوه خل يكعد عيدي
صيحي الحسين يشوف ابني
لسابع مخيم وصل وني
كليله لحك ابنك حسين
خل يجي ويشاركني حزني

يون سكته وونينه يكعد الموته
وكال الحسين دحضري لعبد تابوته
...ا
رح تخلص الليلة عبد حاجيني
شنهو اليوجعك يالولد دليني
بس مره وحده فدوه صد بعيني

فدوه مو صار الفجر والطبول اندكت
كلهه طلعت للحرب والسيوف نحدت

يوليدي موكافي بعد نوم
ماتت ربابك فدوه بس كوم
لا ماي لا دمعه ورشك
وجماله ماعركانه الاهدوم


لا تودع ييمه كبل ماشوفك
ياحلاتك عليه تمد اجفوفك
...ا
سادس شهر ويموت مامعقولة
من افتح كماطه يفدوه الطولة
العطشوه كلهم فده يرحوله

اخ لو طر الفجر عبد يمكن ينذبح
اخ لوصار الظهر نشوف راسه اعله رمح

باجر الحومه تغرك اونين
لمن يموت بحضن الحسين
حرمله شماله وي الاطفال
يذبح اوليدي وتعب الاسنين

والسهم وين عبد وين ركبته زغيره
عايز حسين يجمله ويظل بحيرة
...ا
جابو اوليدي وانه كمت اتعثر
رجليه ميعينني اوكف مكدر
اغمه عليه مثل ام الاكبر

لمن كعدت وشفته مذبوح رديت هم اغمه عليه
جم ثانية وفتحت العيون كالولي يلا امشي سبيه

ويلاه ظل فارغ الكاروك
ماعرستله وكتله مبروك
جنت احلم يعرسولة عالخيل
ثاري الحلم يايمة مبيوك

والسبي صار علينه وبعد ماشوفه
مو بالحبال بالكماط رحت مجتوفه
...ا
بقلم الملا عباس الموالي

#للرضيع ع


اليتئذه ابنه ايفرفح لله
كلي اشلون انت بعبدالله
عالماي اوليدك زعلان مذبوح وبيدك ذبلان
....ا
يعين الله الابو لو فارك اوليده
يناس حسين عبدالله انذبح بيده

مذبوح مذبوح وجابه للخيم لامه
مجروح مجروح وماكو بالنحر شمه
مبحوح مبحوح حسين وبالهدم ضمه
حته متشوفه النسوان

اتلكته اسكينه وسئلته
ها ابويه اخويه شربته
اشكتلهه اخيج تعبان مذبوح وبيدك ذبلان
....ا
ظل بين الخيم حاير ايكول اشلون
بهاي اللحظه اجته الفاجدة ام عون

اتكله اتكله خوية اشمالك متحدب
ابنبله ابنبله مات اوليدي يازينب
خله خله رمشي وراسي متشيب
يازينب شوفيلي امجان

يازينب فرغيلي الخيمة
كماط ابني طايح بالهيمة
ياخيتي كلش عطشان مذبوح وبيدك ذبلان
....ا
الهظيمة ام الخدر كامت تجر حسرات
طاحت عالارض من كلهه ابني مات

يزينب يزينب اشلون انخبر والدته
تشيب تشيب لو مذبوح وشافته
تصوب تصوب وخلصت عبد سالفته
اليفكد ابنه يظل حزنان

لا يحسيني خل اتشوفه
امه وتمسح دم جفوفه
وبعدين اندفنه بتربان مذبوح وبيدك ذبلان
....ا
كل هذا وربابه اتاني عبدالله
وكع عامود خيمة وصاحت اسم الله

اجتهه اجتهه زينب بالحجي اتنوح
عمتهه عمتهه كالت عبد مذبوح
عفتهه عفتهه ليش امك يمذبوح
يايمه اوليدي وجعان

يالتسع اشهور امتعبني
ردتك من تكبر تدركني
وتاليته احسابي غلطان مذبوح وبيدك ذبلان
....ا
حسين بداعت امك ياهو جتاله
اريد ادعي عليه يفجعه بعياله

حبيبي حبيبي ماشبعانه بضحكاته
يشيبي يشيبي اتحضر ماكو وجناته
بنحيبي بنحيبي ليلومني عماته
راح يدفنونه بتراب

ياهو يكمطة لمن يتعب
زغيرون اوليدي يازينب
ادريه مومالت تربان مذبوح وبيدك ذبلان
....ا

بقلم الملا عباس الموالي

هالليلة الوداعية
..ا
وي حسين صعبة انگول
باچر ينسحگ بخيول
راسه عالرمح مشيول
...ا
بس الليلة يمنه حسين
باجر ينشطر نصين
يدوس الحافر اعله العين
...ا
بس الليلة عدنه خيام
باجر تحترك للهام
نطلع ننضرب بسهام
...ا
باجر نركض وحفاي
عبدالله يجتله الماي
زينبنه تضيع الراي
...ا
نصبح والرمح بالراس
وداسو ريشة العباس
ويلاه الخدر ينداس
...ا
الملا عباس الموالي

يوليدي نام

يوليدي خل نغفه سوه
باجر تره يطيح اللوه
وتنسبي اشرف عايله
يوليدي أيس ماكو ماي
يابسه ارياجك ياهواي
وباجر ينطرك حرمله
سهام حد الخيام
وين اضمك خايفه اعليك وعلي
دنام حته انام
يمه باجر جاينه ورح ننولي
...ا
مايقبل ينام الولد
عطشان وكليبه انمرد
وشبيدي يمه للضمه
ماصارت ولا رح تصير
من العطش ميت زغير
الله اكبر عالضمه

الضمه البيت لفاطمة
العطش مكتوب اعله ولدج يالبتول
الولد نام وكعد
فز عبد جفلان من صوت الخيول
...ا
افتريت ادور بالخيم
فزعولي ياأهل الشيم
محتاجة لوليدي لبن
لا طاسة خليت وجرب
وماحصلت بس التعب
يوليدي وعيوني نعمن

الصبح ان شاءالله الصبح
عود ادز عمك يجيب المشرعه
حليب باجر حليب
باجر أطيب لبن يبني ترضعه
...ا
لا تبجي يعيون الرباب
نظراتك يذبن عتاب
خليت كلبي بحيره
انسه العطش خل ننشبك
باجر يذبحون العشك
يذبحون ركبه زغير

تجي شابع بجي
يجيبك مغطيك ابوك بنص عباته
تصير فاتحة زغير
يموت عبدالله ويموتن هم خواته
...ا
ياويلي من صار الصبح
عبدالله كالو ينذبح
يم الولد طلعي الولد
حاضنته اخاف من السهم
بس يطلع اطيح الخيم
حسيت مايرجع بعد

حرام ينذبح حرام
حار كلب اوليدي والذباح بارد
تريب خدك تريب
من شفت خدك ييمه بكلبي مارد
...ا
بقلم الملا عباس الموالي

ليلة الوحشة 💔😭

مااكدر اروح الزلم بره
ومايكدر يجيني انكسر ظهره
ااه اه طلعيله زينب
...ا
سكتت الخيل يعمه وصارت اعله الخيم لمه

يازينب الصوت لحكيلة ليموت
عطشان اخيج والرمل صايرله تابوت
لازم تطلعين محتاجج حسين
رايد يشوف عيونج ايقبلهه ويموت

ظلت حسرة راد يشوف زينب
مايدري خدرهه صفه امسلب
ااه ااه طلعيله زينب
...ا
تريد تطلع بس متكدر تشوف بره الشمر يفتر

يدور عليها يجتف اديها
طلعولي زينب يالعرب صيح بالاخيام
تنطي الوجه وين مايمهه الحسين
ماخذته من عدهه السيوف وذيج الاسهام
شيطفي المخيم اكلته النار
التطلع منه بره يطكهه الاحجار
ااه ااه طلعيله زينب
...ا
صوت ظلعه من وصلنه ردنه نوكف بس وكعنه
مكسورة الاعظام من جدمه للهام
ماظل كتر سالم تره حضريهه الادموع
يمته تطلعين مو صاحج حسين
ماعنده صوت ايصيحج وبس صوت الاظلوع

كسر ظلعه وصل يم السماوات
جاه محد فزع فزعت عبايات
ااه ااه طلعيله زينب
...ا
واخيرا طلعت النور لمن طلعت ماتت الحور

تركض تدور وكلساعه تعثر
ادور خرز تسبيحة امهه الزهره بالكاع
يازينب الراح شالوه بالارماح
راس اعله رمحه والجسم مامش تره ضاع
هو شظل بعد وانتي تدورين
يزينب لحمه ماظلت بالحسين
ااه ااه طلعيلة زينب
...ا
توجهت للغري بصوت علي بوية جيب تابوت

حمزة وعلي وين فزعوا للحسين
يالما فزعتو بالحرب فزعوله بالموت
تدروني حرمه مكدر المه
ماهو جسمه بس انه اسمع محتاجة تابوت

اذا لا سامح الله ماكو الحسين
انامن بيه انه واغمض العين
اااه ااه طلعيلة زينب
...ا
الملا عباس الموالي

#للدفن


اجيت ادفنهم اهلي اليوم بالليل
شمسويه بأبوي احوافر الخيل
مثل سبحة متطشرة عالكاع الاوصال
ادفنهم انه وبديه مجلبه الاحبال
....ا
ثلث ايام عشت بالام عله الجثته سليبة
اجيت اليوم بكلب مالوم عفت عمتي غريبة

ابويه حسين جسمة شفته مطشر
شكد باقي الفرس فوك الصدر يحفر
جسمة اهتز واسمع صوته بالمنحر
يكلي أشاخرك جسمي بشاربك

علي بويه لتنظر عله نحري
ولتعاين ابد فوك اعله صدري
شبع صدري رفسات يبويه من الارجال
ادفنهم انه وبديه امجلبه الاحبال
....ا
نمت فوكاه ولجمته بأااه ابو حلو المحاجي
الأبو من ايروح الابن مجروح ويكضيهه بواجي

ابويه يتماني ويتم اخواتي
من ودعني فاضت روحي باهاتي
لحد ماموت تبقه بوجهي دمعاتي
ومابطل ابد عالجبده انمرد

حته المشرك يرحمونه ياناس
بس حسين بعد الموت ينداس
ادور اصبعه وطلع كصه جمال
ادفنهم انه وبديه امجلبه الاحبال
....ا
اشيله امنين الجسم نصين عمت عيني اعله ابويه
الدفن شيريد تسبل الأيد واديه طاحت رميه

بحصيرة شلته كتره وطاح الاخر
كبرك بيش احطه مدري شحفر
يكلي بنحره دور ابني الازغر
دورلي الرضيع حت لو بالبقيع

على صدري يبويه دفنه طفلي
والاكبر لا تبعده يمي خلي
الابو من تبعد اولاده رأساً ينشغل بال
ادفنهم انه وبديه امجلبه الاحبال
....ا
شفت جسام برماد خيام ودفنته يم الحسين
لبن عمي كلت همي يجسام العرس وين

الف مبروك يجاسم دفنتك هاي
انه ادري العرس يراد اله افياي
يبست حنتك لا دمعة لا ماي
ليش ومنذبح ياوجه الصبح

جبتلك بيدي من اسكينه حلقه
ثنين الدنيه متحب اله فرقه
العرس تم يجسام ماتم منو الكال
ادفنهم انه وبديه امجلبه الابحال
....ا
ادور احزام الي ضرغام اخوي احزام ظهري
كلت يحسين الاكبر وين اريد افتحله صدري

من شفته الجمال وحاضن الكاع
ماشالني رِجلَيْ حين الوداع
مااكدر اودعه انه ودفنته ابساع
مدري اشضاع الي وي لحدك علي

دفنت الروح وي الروح والروح
ورجعت اهدل جتف ومثخن اجروح
علي مات اخويه وتطشرنه العيال
ادفنهم انه وبديه امجلبه الاحبال
....ا
دفنت الناس وبقه عباس ابو الرايه الثجيلة
رحتله بصوت وشلت تابوت وتذكرت العقيلة

كلتله عمي زينب اختك انطكت
وجانت رايه يمه من اسمعت وكعت
وجثة الكافل من الغيره واهتزت
ومن شلت الكمر لحضان الكبر

ماكفه الكبر عباسنه اهواي
اعله عمي البطل حيل الطمت عيناي
كلتله عله الدنيه العفه بعدك يكفال
ادفنهم انه وبديه امجلبه الاحبال
....ا

بقلم الملا عباس الموالي

الحوراء زينب ع مع الامام زينب العابدين ع قبل دفن الأجساد

صارلك يومين متحاجيني
...ا
ليش ساكت يابقية السادة
احنه عدنه القتل عمه عاده
هذا عمه الصار الله الراده
فدوه لله يروح دم حسيني

يكلهه عمه الحمدلله هواية
بس بقت عمه الجثث شجاية
ياهو يدفنهه ويشيل الراية
اتكله كوم اتنكب ووديني

يكلهه اذا رحتي منو لهاي النسه
ان شاءالله ياعمه اجي كبل المسه
عمه ابقي الضعن ياهو يحرسه
انه اتمنه تجي تعينيني

تكله ياعمه سلامي للجفيل
كله زينب صاحتك يبن الدخيل
تالي ماتالي يركبوهه الهزيل
كون سهم عيونه طاح بعيني

عمه كل لحسين زينب شافتك
مكطع وماتت قهر من عافتك
اعذرني خوية مامشيت لدفنتك
اشلون اجيلك والزلم سابيني

...ا
بقلم الملا عباس الموالي

علويه كامت تردم بعلويه
جم وحده هنه والاجوهن ميه
......ا
اجتنه الكوم صاحت كومن بسرعه
الماتسمع الكلمة راسهه انكطعه
راس حسين هذا وشيبته امفرعه
زينب راح اخيج بعد شيرجعه

وهسه انتي زينب صرتي يامسبيه
جم وحده هنه والأجوهن ميه
......ا
راح العز بعد واتلكن الذله
كمركم طافي يم المشرعه بنبله
خل يسمع حجيجن ياهي التكله
يعباس الشمر حط بالكلب عله

عباس راح وراحت البوشيه
جم وحده هنه والأجوهن ميه
......ا
صخام ونار بينه والرمش غوش
اشربهه بدموعي الحرمه من تعطش
نعوف الخيمة نشرد والجمر يلطش
الناس اعله الجرح ياخويه ملح اترش

مخنوكه بالدخان خويه الريه
جم وحده هنه والأجوهن ميه
......ا
سكينه ورمله وانه انطلع بليله
شمر هد بالزلم وحشمت خيله
يزينب علي الأكبر لازم انشيله
اوليدي النار كامت تاكل بحيله

مامش رحم بالناس ماكو اميه
جم زلمه هنه والأجوهن ميه
......ا
جمعت الحرم والحيره اذتني
مدري اوكف حرس مدري اشد متني
ماكو احد نسيته بس نسيت ابني
بزر بطني جفيته وظل يعاتبني

فوك ابني ماونيت حته اشويه
جم وحده هنه والأجوهن ميه
.....ا
بقلم الملا عباس الموالي

#الليالي_السجادية
(القصيدة تحتوي على تحويلات تراثية)

ذكرياتي بيدي عصه وكلهه نار
وضاعت أمن ايدي الزغار
نبي ابراهيم مايوصل حسرتي
گدامي وعلي جروهه عمتي ذكرياتي
...ا
ليت امي لم تلدني بالخيم كلتهه
احتركت الخيمة عليه وعمتي ردتهه
وهيه بره اوي المهر تسولف شفتهه
تگله وين حسين اخوي وتبچي اسمعتهه

گلي يالميمون وين والينه
راح ابو السجاد لو يرد لينه

ذكرياتي گلي يالميمون وين
عفت مولاك الحسين
يگلهه طاح من ظهري وصهوتي
گدامي وعلي جروهه عمتي ذكرياتي
...ا
ذكرياتي اهواي هنه وياهنه احچي
خل اسولف عن ربابه من جتني تبچي
يناغي عبدالله اسمعه عطشان ويبجي
گامت اتهز بالمهد مذهولة وتحچي

اهز مهدك يعبدالله
وعاين للمهد خالي
‏يبني وثمر دلالي

ذكرياتي فارغ احضين الرباب
وعبد نايم بالتراب
عبدالله اخوي وهم نعمتي
گدامي وعلي جروهه عمتي ذكرياتي
...ا
عود چنه بالمخيم محضرين الحنه
ورملة كلساعه تجينه اتباهي بالچنه
انعجنت الحنه بدموعي ماي مو ماعدنه
اتأخر اعلينه العريس ومارجع ابنه

جسام ياضنوتي رايح رايح من عيوني
مارحمنه الدهر انت نور البصر
رايح رايح من عيوني

ذكرياتي طفو شموع الشباب
الحنه صارت بس تراب
جاسم صاح طفوهه شمعتي
گدامي وعلي جروهه عمتي ذكرياتي
...ا
ظهري حسيته انكسر من جتني ليلة
الخيمة حرگت جسم الاكبر ياهو اليشيلة
جسمي من المرض ناحل مثل العليلة
انه مابياش اگومن وليلة تشكيلة

ااه يبني شكول اعليك اه يبني
دولبني زماني بيك دولبني

ذكرياتي ظهري حسيته انكسر
مثل ابويه عالنهر
نار الخيمة حرگتلي مهجتي
گدامي وعلي جروهه عمتي ذكرياتي
...ا
گوضت اهلي النشامة وفرينه بالبر
منين مانشرد نلاگي من زمرة الشر
هاي اول مره وسفه عماتي تنجر
وزينب اتصيح اسمعتهه من لزمت البر

ادور اعليك يبن امي ولا واحد يدليني
عاد انت بضعيف الصوت يامظلوم حاچيني

ذكرياتي بس ندور عالجسد
الباقي من عنده انمرد
توصل للعرش جمرة عبرتي
گدامي وعلي جروهه عمتي ذكرياتي
...ا
بقلم الملا عباس الموالي

#قصيدة_أساسية_لشهادة_السجاد ع

ويلي عله التبراله نسوان
بس هو باقي من آل عدنان
كضه عمرك بالونين
اه يزين العابدين
....ا
يل ورثت المرض من ايوب رحمة
بس عليك المرض صاير حيل نقمة
شطوله درب السبي وبذمتك حرمة
الحبل أذاك وصحت لحكي يعمة

انت مريض وحبلك اذاك
ياهو اليفوت بسوطه طكاك
ويشتمونك بالحسين
اه يزين العابدين
....ا
يلي تشهد بالظليمة باجر ووين
بالقيامة تسوي مجلس عزه لحسين
تقره بالمجلس على ركض النساوين
وتشرح اشسامع وانت بالصواوين

اتكلهم جنت انه بخيامة
واسمعت طكات بعظامة
تسمع اظلوع الحسين
اه يزين العابدين
....ا
مجتفيك بحبل فوك الناكه وتميل
حته ميجتلوك زينب كالت اعليل
السوط ميفك ياخه منك حته بالليل
لو ردت تغفه يعيني اتلجمك الخيل

تتذكر اخيول الأعادي
اخذن من حسين المرادي
لسه تسمع بالونين
اه يزين العابدين
....ا
احبال خشنه انشدت اعله اجفوفك
فشل من الله ورسوله ايشوفك
انت بالخيمة احركوهه اطيوفك
وانت تدري حسين راح يعوفك

من صاح الا من ناصر امعين
وانت صحت لبيك يحسين
ذاب كلبك يالحنين
اه يزين العابدين
....ا
ياامامي الليلة سلهم عينك ونام
ارتاح يابعد اهلي من جويات الاخيام
بعد مامش سبي لا كوفة لا شام
الحيرة ياهو يدفنك وماعندك اعمام

والما أله اهل وعشيرة
يبقى على حر الظهيرة
راح تبقى كالحسين
اه يزين العابدين
....ا

بقلم الملا عباس الموالي

#لشهادة_الأمام_السجاد ع

بيدي سلاسل واسمع هلاهل من رحنه للشام
ذوله الخوراج وبروحي اعالج اسمعهه كل عام
....ا
انه ياناس الوحيد لالي اب ولا عضيد
كلهه ماتت والحرم ذمة بركبتي
مو عليل انه وعلي سطرتي سطرة علي
بس امر ربك اجه وهذه قسمتي

جنت فارس اكلبه الراكب ومهره
اخذ حيلي ابويه من انسحك صدره

وهسه اني كافل احمي المحامل بس مامش اعلام
ذوله الخوارج وبروحي اعالج اسمعهه كل عام
....ا
جتفوني بالحبل اشون اصعد عالهزل
صعدت عماتي كلهن وانه ظليت
احرس اضعون الاهل ونمشي أسرة يافشل
مايلوك الأسر النه آهل البيت

شكد قاسي الحبل بجفوف عماتي
اصد ليهن وغطي بيدي دمعاتي

ولعمتي زينب كمت انه انحب واطكهه ظلام
ذوله الخوارج وبروحي اعالج اسمعهه كلام
....ا
من دخلنه للغرب شامهم صارت طرب
الناس محتفله بأسرنه وجتل الحسين
ناس من فوك القصر حيل يرمونه بحجر
شفت زينب حايره وذرفت الف عين

حارت تحمي خدهه تحمي الازغار
شو صار الحجر فوكانه امطار

موقف فلا انسا من صاحت احااا من بين الازلام
ذوله الخوارج وبروحي اعالج اسمعهه كل عام
....ا
روحي تطلع كل صبح ياهله بجعب الرمح
لا هله بطرت الصبح عماتي كالن
الناس تنظر عالخدر وعمتي ادور ستر
من عيون الناس جم احصيرة شالن

يلوذن وحده بالأخره خواتي
وكمت ليهن نزعتلهن عباتي

ليلة وربابه رمله ولبابه يدورن عله اخيام
ذوله الخوراج وبروحي اعالج اسمعهه كل عام
....ا
جسمي ناحل ماكو حيل بالسلاسل كمت اميل
امكيده رجلي وأدي وكلساع مدفوع
وانه صعبه كومتي احبال كومة بركبتي
وانظر الراس الكمر بس راسه مرفوع

اباوع للكمر طافي بنبلهم
كمت ليه وطحت عتني حبلهم

بعد المرض موت هيج اسمع الصوت كالوهه الازلام
ذوله الخوارج وبروحي اعالج اسمعهه كل عام
....ا

بقلم الملا عباس الموالي

مسموم وغريب وحالته حاله
الثاني ابابه حضر ليه خياله

#وااشهيدااه
#واامحمدااه
#يارسول_الله

وانتي حته بمولدچ ماكو فرح
من اجيتي كلشي بالدنيا انذبح
امچ وجدچ وابوچ وظل اخوچ
لحد ماعلكوا راسه اعله الرمح

#متباركين_بولادة_الحبيبة_والعزيزة (( زينب )) 💔💚

ماتت الماتت عليكم ماتت
وصاحت اعليهه الشماته صاحت

ماعدهه وادم هايه عوفوهه
جاه غير اختكم ماتلحكوهه
...ا
وين الأهل وين الأهل. ماتت ام عون أعله الهزل
ماتت وكاتلهه الخجل. امن عيون الاجناب
هذا اليسب ذاك اليطك. ذاك الي بكليبي يحرك
الشافته واقع لو صدك. امدللة ابوتراب


ايدي بكيود.
ربطهه شمر. مشاهه يسر. خلاهه تجر. ونات
مصيوب الجود.
عطشانه مره. مشوهه سره. مسبيه تره حسرات

أنه ميته امنهد ذاك العاشر
من شفت الحسين نسحك بالحافر
من صاحوا عمامة حسين اخذوهه
جاه غير اختكم ماتلحكوهه
...ا
الليلة اون الليلة اون. الليلة زينب تندفن
ياهلي وكاتلني الحزن. والونه سكته
انظر يسار انظر يمين. لا امي لا جاني الحسين
جاه وين عباس الحنين. مايلحك اخته

شأخر عباس.
ذابحته زلم بلكي الله حلم. يرجعلي وشم عطره
لحك لا موت.
محتاجة اخو. مثلك يكفو. ياديره دفو. ذكره

تذكر الهوية الطيحت عامودك
ورد الحسين وجان حاضن جودك
وبرايتك جم حرمه بجوهه
جاه غير اختكم ماتلحكوهه
...ا
ياموتي يلا شتنتظر. خواني ماخذهم كبر
ريحني يلا أمن اليسر. محد يجيني
محد يكول ام الخدر. سنين صارت تنتظر
اخ الكبر اخ الكبر. لو يغطيني

بلكت ارتاح.
وما الكه شمر لا الكه يسر لا يمي جمر لا نار
الموت اهون.
من ديرة غرب. مابيه تحب بس بيهه ضرب. وحجار

الليلة بلكي ارتاح من احبالي
الليلة ذب السوط ياجتالي
مو كافي هاي امتوني ورموهه
جاه غير اختكم ماتلحكوهه
...ا
عود أنه منتظره بأمل. لا مايعوفوني الأهل
تالي تذكرت الهزل. لمن سبوني
لا كام فزاع وفزع. من سدر الحادي وطلع
يمكن متت من الوجع. شكد عذبوني

لا مو معقول
مايمي علم وتجرني زلم كاتلني هظم ياويل
ام عشر اخوان
محدلي فزع خطواتي دمع. وكليبي طلع. بالخيل

هسه شني لو موت لو انطركم
يظلوعكم مكسورة شيكومكم
وجنازتي الغربة يشيلوهه
جاه غير اختكم ماتلحكوهه
...ا
سجاد ياعمه انتظر. بس لحضه لتوسع الكبر
مااضن يتركني الكمر. هسه يجيني
ياعمه مكطوع الادين. وبصفه مذبوح الحسين
ياعمه واحنه ميسرين يابعد عيني

كافي ارتاحي.
من ذاك الحبل وشتم النذل. طيحات الهزل. عذاب
يالموجوعه.
من طرت الزلم. وجويات الخيم. يالصرتي عظم. تراب

يلا موتي وخل ادفنج عمه
مادام عندج باقي واحد زلمه
ابساع موتي النوك جابوهه
جاه غير اختكم ماتلحكوهه
...ا
بقلم الملا عباس الموالي