العجل يا مهدي

بغريب الغرباء
المغسل بالدماء
اللهم عجل
لوليك الفرج
.
بالشفاه الذابلات
بالقرب من الفرات
اللهم عجل
لوليك الفرج
.

يا الهي بغربة حسين بكربلة
العاري ضل اعلى الترب محد غسله
عجل بطلعت الياخذ ثار العطش
لهسه عطشان الحسين يعاين اله
.
بالامير الي انخذل / العجل
…………………..
بركضت المخدرات
عالجمر حافيات
اللهم عجل
لوليك الفرج
.
البالامس مْدللات
وصبحن مسبيات
اللهم عجل
لوليك الفرج
.
الما واحد لمحهن طول العمر
مجتفات انشافن بدروب اليسر
وعين امامي تشوف الحاديهن منو
العطشاهم حدى ضعون ام الخدر
.
بالمشن دون الكفل / العجل
……………………………
بالسبي وضيم الهزل
بجرح والام الحبل
اللهم عجل
لوليك الفرج
.
بعنق زين العابدين
وغربته بعد الحسين
اللهم عجل
لوليك الفرج
.
على ناگة مضلعة مولاي انجتف
امن السلاسل من رگبته دمه نزف
وعالرمح كدام عينه روس الاهل
من دمع عينه الجفن ما مره نشف
.
امن الگلب دمعه همل . العجل
……………………..
بالاميرة ام الخدر
الكسر خاطرها اليسر
اللهم عجل
لوليك الفرج
.
بطبت الكوفة العصر
والشماته والقصر
اللهم عجل
لوليك الفرج
.
من دخلت على الما بيهم رحم
طولها ضمته زينب بين الحرم
يا الهي الگبل ما شافها بشر
بالكوفة گلبها شكد انهضم
.
دمع مولاتي نزل / العجل
……………………
بشام الشماته والحجي
الما يفض جرحة البجي
اللهم عجل
لوليك الفرج
.
شكو اصعب من مره
لال امية ميسرة
اللهم عجل
لوليك الفرج
.
بزينب اووكفتها بديوان الغرب
بالحجي الّخلاها محروگت گلب
شكو اعظم يا الهي وام الخدر
بت علي تغمض جفنها فوك الترب
.
الگلب بالغربة ذبل / العجل

لطلب اللحن
@k_rark

مقدمة عزاء


هل اهلال عاشور
وين الگلبه مكسور
ودمع عيونه منذور
للحسين
………………………………….
هلْ الحزن يهل الحزن وين الكضاها بحسرته
وين المرخص دمعته بس للحُّسين وكسرته
المكظي ايام العمر ينعى لخيامه وغربته
اليطيح كلبه لو سمع مولاه هوى من مهرته
.
وين الذابحه الشوك
ومثل خيامة محروك
وكلبه بحزنه مخنوك
للحسين

………………………………….
بيام عاشور الحزن يرف مثل رفة علم
للغزرت بيه دمعته للخيم ولراعي الخيمّ
عالمنكسر كسرة غصن لحسين ولذاك الالمّ
وينگطع كلبه لو سمع محبوبه مصيوب بسهم
.
الحط حسين بالروح
وكلبه بجرحه مجروح
وحلاله اللطم والنوح
للحسين
…………………………………..
يالتهوى الحسين وتحس طاريه الك مثل الهوه
جم ليلة واجفوف العدو تكطع الماي بنينوى
ويدير عينه اعلى النهر ويتهافت بعينه الضوه
اوحش الفلا منه ارتوت وحسين منه ما روى
.
من الماي محروم
بهم عياله مهموم
مات وهو مهضوم
الحسين
………………………………….
يالتنتظر شهر الدمع كوم بدموع استقبله
ايام وحسينك يضل وحده غريب بكربله
ايام ويمر مسمعك حسين طايح بالفلا
عريان وخيول العده متحزمة اجت تركض اله
.
نايم على التربان
من الشمس ذبلان
اويلي وضال عريان
الحسين
………………………………..
مثل المضيع من يون ون كون ونك ينسمع
لازم تشوفك فاطمة مكسور وتهل الدمع
صح ما ترد خيل العده من تدك حيل اعلى الضلع
بس لا تخلي فاطمة الوحدها تبجي وتنفجع
.
الطم حيل الضلوع
وابجي وطيح الدموع
گلب فاطمة مفجوع
للحسين

لطلب اللحن
@k_rark

قصائد الليلة الثانيه
#ليلة_الخدمة
#على_الزهراء_توكلنا
اللهم عجل لوليك الفرج

يمحبوبي الاخذ روحي
المن عنده عرفت الحب
اذا ما جايني منك
الهوه عيب اعلى ريتي يطب
.
كظه عمري بغرامك
وحنينك كبراني
انسجن كلبي بخيامك
وهواك الاسراني
.
بداعت رقيه . المحرومه منك
احرمني كلشي يسلب دمعتي
بحبك اريدن . يخلص شبابي
ابلايه دمعتي شتسوى عيشتي
..................................
مو بس امن اشربه الماي
اذكرك يا ابو الاكبر
انت بكل وكت وياي
دم وبالكلب تفتر
.
يا حب الطفولة
المربيني حبه
اسمك من اكوله
اشمن ريح غربة
.
من اذكر اسمك . اتخيلك انت
تكلها لزينب يا خويه العطش
يفززني دمعي . وارجع اذكرك
والكه جمالك باقي ابلا نعش
.........................................

غيري يغمض براحة
بنص الخير محبوبه
وانه يا راحة اشوفنها
و حبيبي سلبو ثوبه
.
جرح كل الليالي
وكسر كلبي وعذابه
بقى محبوبي عاري
على حر الترابه
.
الكلبه يحبك . بحسراته عايش
ووي خده ما تتفارك دمعته
المثلك حسافه . حر الترايب
بايك جماله وبايك ضحكته
................................

تحلى الدنيه بعيوني
واكابلها بجرح خيمة
تحلى شلون الي الدنيه
وحبيبي احتار بالهيمة

.
كبل ليسدها عينه.
شاف مدللاته
ركضن بالبراري
كدام الشماته
.
الغيرة تخنكه . وينهض ابوهن
ويخونه حيله ويوكع هالترب
التركض بناته . اكبال الشماته
ما يبقى عنده يا دنيه كلب
................................
محد شالته الغيره
من شافوك تتعذب
بس اختك اجت تركض
اويلي يا كلب زينب
.
ما هود گلبها
من شافت اخوها
ركضت من خيمها
اكبال الغربوها

.
لمن اجتك . كالت يخويه
خليني اعينك ونرد للخيم
يم المخيم . كَرب عدوك
وما الها غيرك يا خويه الحرم
..............................

لطلب اللحن @k_rark

رئيسية

بعد لو اعيش عمرين
وينطيني الله گلبين
حرام ان جان العيون
تعشك غير الحسين
.
محبوبي . واتنفس باسمة
محبوبي . مولاي ابو اليمه
…………………….
امن الدنيه ريح الغربة هب
زغِير وخذه گلبي التعب
وگلبي نخه الخله وهب
يشمر صليبه
.
واتبدل بساع الهوه
وطلعت شمس من نينوى
ومنها دخل گلبي ضوه
اطاني هيبة
.
حسيت توني منولد وصارت الي روح
ردت افرح بحبه ولكيته گلبه مجروح
وبراحة عيشني وسعادة وهو مذبوح
.
عيشني احسن الناس
وخلاني ارفع الراس
بس ضل هو مكسور
من فراك العباس
.
بحنيته . صرت الهوه اشتمه
محبوبي . مولاي ابو اليمه
…………………………..
لمن قريته بالكتب
شفته امير وكله حب
وبساع يدخل للگلب
من كد حنانه
.
وشفته وحيد بنص غرب
من مهرة طايح عالترب
ومحروم من ماي الشرب
اشفافه ذبلانه
.
محبوبي ابو حلو الملامح فوك التراب
ذاكه الجمال الهاشمي بحر الشمس ذاب
ويلي واجه صوبه العدو سلاب سلاب
.
حب اتلون باااه
بحسره عايش اوياه
حسيته بجلمتين
ويلي حسين ويلاه
.
حسراتي . للرخصو دمه
محبوبي .مولاي ابو اليمه
…………………………
بين الشمس بين الضمه
وافراكه عن مخيمة
محتار گلبي بفاطمة
امه الحنونه
.
لمن اجت وتعنته
عريان ابنها شافته
اوليدها وما عرفته
مغيرين لونه
.
شافت ابنهه الربته عاري بلا هدوم
والخيل والحر والعطش مغيرات الرسوم
وليهسه ام حسين تبجي بگلب مهضوم
.
مضيعة وتجري دمعات
وتفتر عالعزائات
تموت الناعي اذا گال
حسين امن العطش مات
.
وتگابله . الصب دمعته بهمه
محبوبي . مولاي ابو اليمه

………………………………
اقره ولكيت اخر جرح
خدر اخته شافاه ينذبح
هي بهزل هو برمح
ماتو سويه
.
يصد الها وادموعه تهل
كل ما تعثرها الهزل
ويشوف ايدها بالحبل
هي ورقية
.
حسين طلعت روحه مو من رمح وسيوف
مات بوكت شاف العقيلة جفها مجتوف
عالرمح ويشوف الحبل يجرح بالجفوف
.
جرح ما صحله طيبه
عيشني بنحيبه
جرح كل الليالي
زينب يا غريبة
.
يا جرحي . يا طيبة التلمه
محبوبي . مولاي ابو اليمة
……………………….
مختصر هذا عن عشك
ما اكدر اوياه افترك
من زغري بيه گلبي يدك
وتبجيله عيني
.
ما عندي حب غيره الي
هذا الحبيب الاولي
مولاي اميري ابو علي ت
لذة سنيني
.
الحمدلله على حبه ودمعة العين
وان شاء الله كل عمري اضل خادم للحسين
لو مو دمعتي لغربته انطي الوجع وين
.
هذا الحب خذاني
بغربة عيشاني
ما اكدر بدونه
اتنفس ثواني
.
حب غيره . ما اكدر افتهمه
محبوبي . مولاي ابو اليمه

لطلب اللحن @k_rark

قصة حب عشتها امن الطفوله
وحجيي بدمعي يالله اكدر اكوله
وي محبوبي عشت احلى اليالي
بكل ساعه يتراوه اكبالي طوله
.
امبين الكلبه يحب
بعيونه عاشك منكتب
ويرغب الدنيه وينرغب
وفرحته تكثر
.
وانه الترس دلالي حب
شمات كسروله كلب
وحرموه من ماي الشرب
مولاي ابو الاكبر
.
جان محبوبي شيخ الزلم
ومن كثر ما غيور وشهم
اكبال كتاله ذاك الضهر
مات واشفافه جانت تبتسم
........................

جان عنده ابن يضوي بخيامه
شاب واعيونه متروسه شهامه
اسمه الاكبر عليه من الهوه يخاف
وضحى بيه خاطر نعيش بكرامه
.
زتاه ابوه صوب الحرب
ودموعه من عينه تصب
ساعه ووكع فوك الترب
وحسين كظ كلبه
.
من وصل صوت ابنه اله
انشلع كلبه بكربله
راحاله يركض بالفله
وتشاهده الغربه
.
وهو يركض يصيح يبني علي
يا حبيبي وابوي وكلي هلي
اتمدد اويه ابنه فوك الترب
ترضى بويه حبيبي ينولي

.......................
من ذيج اليالي وكلبي بيده
حلم عندي اصيرن من عبيده
كل ما اكبر اشعر بالمصيبة
شلون فارك حبيبي عضيدة
.
لمن سمع طاح الكمر
كالو ركض صوب النهر
لمن وصل يمه عثر
وعالترب حط خده
.
لو ما اعياله البالخيم
جا مات وي راعي العلم
يا ظهره نصين انجسم
ورد للخيم وحده
.
من رجع زينب اتلكته
وشافت كسرته ودمعته
عرفت في اخوها الكمر
طاحت عالنهر رايته
.........................
شيعي وكلبي حار وكلي غيرة
كل ساعة ابجي للدللني خيره
ما افك حزني لاخر نفس بيه
وجسم ابو الاكبر انلم بحصيرة
.
ما دامني اشتم الهوه
ما انسى كسرة نينوى
ولا انسى كلبه الما روى
وجان النهر يمه
.
كدام امه فاطمة
خلو يموت امن الضمه
ووجه الحلو ينزف دمه
واحترك كلب امه
.
هذا كله الحجي والحرم
متانيه يمته يرجع للخيم
وتالي للتل مشت هيبته
وشافته ينزف وكله دم

لطلب اللحن @k_rark

انكسر واهس فرحتي
وما اتهنيت ابسمتي
الدنيه المغربه حبيبي
ما عشت بيها برغبتي
.
بزغري اتغربت
وعلى ادموعي عشت
ومالي بالدنيه عرف
.
الحبيبه منكسر
يشب كلبه جمر
وعالنعي كلبه يرف
.
ينكسر واهس شبابه وروحه تهوه الغربه
الحبيبه اتلث ليالي باقي ضامي كلبه
غير دمع عيونه ما يرهم على المتغرب
شما بجه تبقى المصيبه بجي وضيم اطلبه
...........................
حرك بالصحره خيامه
ودله بالوادم غرامه
اهواي عنده احباب هسه
اهواي اهل غيرة ونشامه
.
وضل وحده امس
تبراله الشمس
وَحده شافه العدو
.
مشه بس منهضم
مشيت منحرم
من فكد اخر اخو
.
استوحدو لمن رجع من النهر لخيامه
ودع اسكينه ورقيه وكام شد احزامه
شال سيفه ومشه بيهم مثل ابوه من يغضب
جيش كامل ما كدر يوكف امس كدامه
....................
حسين اخر ذكرياته
ادموعه طاحن يم خواته
يمشي وعيونه عليهن
وكوة فاركهن بناته
.
على اعيونه انرسم
غريبات الخيم
وكلبه ينبض زينب
.
واجه غفله السهم
وضيع كل حلم
وكلبه بالهم شيب
.
طاح من المهره واسهام الغدر بمتونه
ذكر زينب من اجت جابت اله ميمونه
بيده لم كل الترب انتجى صوبه اخيام
حسين لاخر نفس زينب باقيه بعيونه
..............................
مرت اهواي الليلي
وباقي جرحه على بالي
الدنيه ما تحلى بعيونه
العنده جوه الخيل غالي
.
شما افرح ردت
طاح اتذكرت
وحيل الطم عالضلع
.
طايح عالترب
ويدك كوة الكلب
ويهل من عينه الدمع
.
باله يم اخيام زينب ياهو اليحاميها
والعطش ذبل رقيه ياهو اليرويها
لو هجم جيش ال اميه شلون ذيج الساعه
اضعون مكفولة كمرها العدو يوليها
...................
يا خلك مو كسر خاطر
حتى احنه نجبره باجر
حسين وجه الله وحبيبه
داست بصدره الحوافر
.
ابن حيدر علي
ابن اطهر ولي
طاح كدام العرب
.
انخلق كلشي اله
حسافه بكربله
ماي راد وما شرب
.
ضامي كلبه وتركض لصوبه اجت خياله
وزينب تباوعله ودموع الجفن هماله
تالي مرت على صدره الخيل وانهد حيله
وزينب اخته والفواطم مشن وي كتاله
....................
لطلب اللحن @k_rark

لمن ردت افتهم معنى السعادة
اسمك لفضته ولگه گلبي مراده
صرت اسعد انسان
لمّن بجيتك
گلبي الخشن لآن
لمّن بجيتك
……..
كل ذكرياتي بهل الاسم . كلشي بحياتي منه
مره يخليني ابتسم . ويكتلني مره حزنه
.
انت الردت گلبي يحب . ويحزن الك يامولاي
وينكسر لو جاسه عطش . ولو ردت اشرب الماي
.
اسمك . جاباني امن ايدي وكلي ابجي لعطشانك
اسمك . هو الدلاني وين يصير مجانك
اسمك . جسد حسرت الغربة وكل احزانك
.
وهذا اني متعود امن الطفولة
گلبي يتحسر اذا اسمك اكوله
امن اسمك يعطشان
همت وهويتك
وصرت اسعد انسان
لمن بجيتك
…………………………..
قال الامام الحسين عليه السلام
(انا قتيل العبرة . لا يذكرني مؤمن الا بكى)
كامل الزيارات


ما مؤمن امن اذكره . طاري اسمك وبجاله
من الله هايه للخلق . اعظم واهم رسالة
.
معناها مشروط الدرب . لله بدمع مصابه
هذا حبيب الله وغدا متوسد الترابة
.
المؤمن : اليتحسر من يذكر اسمه ويبجيله
المؤمن : اليسعد كلب الزهره ويكعد ينعيله
المؤمن : الينهد حيله من يسمع رايح حيله
.
وسفة اذا يغلى دمعي لمصابك
ولخاطري بهيمة غافي ابلا ثيابك
الهيمة هواها
حار اعلى ريتك
وصرت اسعد انسان
لمن بجيتك

……………………….

اشكد عظيم وبيه حرت . اسمك يمحبوب الگلب
العباس ما گاله ابد . الا وگع فوك الترب
.
بدر الهواشم والثقة وكافل حراير حيدر
وما كاله بس مره لمن جسمه هوى فوك البر
.
صاحك: باسمك وبگلبك فزت فرحة خوه
صاحك:باخر لحضه من صار افراكك كوة
صاحك: من ما ضلت بالدنيه كطرة نخوة
.
يعرف قدر هالاسم راعي الكفاله
والا منيته اجته يالله گاله
ابادابه مولاي
ترحمني ريتك
صرت اسعد انسان
لمّن بجيتك
………..
هذا الاسم بجى علي . وام الحسن بجتله
الزهره ما مرها مسه . الا بحزن نعتله
.
من جابته لهسه تون . وتبجي بحزن كسيرة
اوليدها لب الگلب . لموه بالحصيرة
.

الزهره . تحرگ كل الدنيا امن تون حسرتها
الزهره . اسم حسين لوحده يطيح دمعتها
الزهره . مكسورة وبس الله اليدري بكسرتها
.
يا حسرة امه المها وحزنها
بالهيمة شافت تبدى لبنها
وياها للنوح
متعني اجيتك
وصرت اسعد انسان
لمن بجيتك
……………………………

هذا الاسم صاحه گلب . من حركو المخيم
گلب العقيلة المنجرح . الدمعته تجري من دم
.
شكد صاحت بهذا الاسم . امن الخيل اجت عليها
شكد صاحتها من الحبل . التف على اديها
.
خويه : يحسين شكد صاحت من ركضت بالبر
خويه : شكد صاحت من ناكتها الهزله تعثر
خويه : يحسين اتبدل مركب لبوة حيدر
.
حسين شكثر صاحتك ام المصايب
بالعاشر وباليسر او بالخرايب
وياها مولاي
اصيح ونعيتك
وصرت اسعد انسان
لمن بجيتك

لطلب اللحن
@k_rark

اشغل كلبي . بحب اعيونك
ودلي اعيوني . بحزن اضعونك
حسسسسين
عيشني الحب . اليكفيني
وميخلها . روحي تخونك
حسين
.
رايد استغني بخدمتك
عن كلشي بالدنيه
كون اكتفي بمحبتك
ووحدك تضل بيه
ها يالحنين العشرتك
ترستني حنية
.
خليني اعيش بعالمك
واكظي حياتي بماتمك
نسيني كل شي بدنيتي
ولهيني بس بمخيمك
...........................
انه الضايع . والماله احد
عشت مدلل . بثوبك الاسود
حسين
امن اول دمعة . رحمة كلبك
من خدامك . خلتني انعد
.
ضايع جنت يا ابو علي
وجابتني حنيتك
مديت ايد الحب الي
ودليتني ابيتك
مرني نسيمك سيدي
ومن كلبي حبيتك
.
ارخيص مالي اي ثمن
وغليتني بحب الضعن
ورسمت طريقي غربتك
وصارالي حب جرحك وطن
.........................
شما تبعدني . الدنيه عنك
اشتاك وارجع . لعالم حزنك
حسين
نفرض غيرك . راداني اعشك
ياهو يضحي . اكثر منك
.
ياهوه يرضى اهله تضل
بلايه ستر خيمة
وممشاهن يصير بهزل
ويغمضن بهيمه
الحسب هذا الحب سهل
ما عايش بضيمه
.
ما دامني اشتم الهوه
وبحبك احساسي ارتوى
الا اضحي بكلشي الك
وابقى رهن حب نينوى
...........................
يكبر بيه . كل ما اكبر
جرح افراكك . وي الاكبر
حسيين
الربيته . بماي عيونك
شفته بعينك .نايم بالبر
حسين
.
التغطي وجه لو طلع
خايف يحسدونه
من المهر لمن وكع
الدم اخذ لونه
بين ايدك ونفسه انكطع
وسديتها اعيونه
.
هذا الجرح بيه انرسم
وعيشني كل عمري بالم
مكسور خاطر خادمك
لاول كمر جافه الخيم

...................
وياك مكظي . احلى ايامي
اخدم وابجي . كل احلامي
حسسسسين
الكسرت كلبي . شلون مغمض
يم الشاطي . وكلبك ضامي
حسين
.
من ادنى من ماي الشرب
تتراوه الي اعيونك
ذبلانه غاطيها الترب
تمسحها بمتونك
خلاك مكطوع الكلب
وباك العطش لونك
.
شافتك امك فاطمة
ذبلان من كثر الضمه
ناحت عليك ومن بجت
بجت ملائكة السمه
..............................
لطلب اللحن @k_rark

ما اريد يبردلي كلب
واتناسه اثار الضمه
رايد اضل دوم الوفي
بعيون امك فاطمه
.
رايد . وياك عمري ينكظي عالحلوه والمره
رايد .تطيني من غيرة وهب وارضي امك الزهره
.
اجناحي اخذني /لديره بيها هواك
وشفتك صحتني / وكلبي يركض اجاك
وما تيهتني /. من يوم كلبي لكاك
.............................
حبيتك وكلشي انتهى
ومن صدري طلعته الكلب
امنته يم باب الكمر
خاطر بعد ما ينغلب
.
مولاي .الورد لو ماكو ندى يضل بالشمس ذابل
مولاي . حبك بساتين الورد والندى ابو فاضل
.
عمها رقيه. /كافل غرام الخدم
كظني امن اديه /. وعلمني حب الخيم
عيونه عليه /. حتى امن ارف العلم
...............................
يا اول جروح الكلب
جرحك ولا صحله دوه
يا دوه اليرهم للبقى
محبوبه عاري بنينوى
.
التهضم . انت حبيب ام الحسن وهيبة بني هاشم
التهضم . اكبال امك فاطمة فوك الترب نايم
.
كسرة بكلبنه . /الما يرهم الها جبر
مالك عمرنه /. عاري وكت الضهر
وكل الذبحنه. /اعياله خذوها بيسر
...........................
كون السمعناه مو صدك
وما واصل انت لكربله
وعايش بخير اويه الحرم
وبتك رقيه مدلله
.
امنيتي . مره افز والكه الشمس ما غيرت لونك
امنيتي . ارقيه مو فوك الترب نامت على امتونك
.
اتمنى كلبك /. ما وصله الهضم
ولا رقيه /. امن الزغر تنحرم
لهل المصايب /. ما يكفي اللطم
...........................
لازم المثلك لو مشى
ينحني كدامه الضهر
بس ورة ضيم المشرعه
ظهرك يمولاي انكسر
.
الخويه . حرموك منها وخلتك من تمشي بالكوة
الخويه . من هوت بيك اتشمتت اعيون ما تسوه
.
طايح عضيدك /. واكباله طايح علم
الربيته بيدك /. من العدو ما سلم
ترجع يريدك /. محد بقى للخيم
....................
لطلب اللحن @k_rark

أبو فاضل حماي ضعن الغيرة

ضعن الوفه. اتكفل دلاله أبو فاضل
وكبل السفر . بجفوفه عدلها المحامل
.
صعد بنات حسين عالناكه وحده وحده
ورقيه من جاها السره باسته اعلى خده
وعبدالله ازغر هاشمي ومهيوب فوك الناكه
من ابعيد ويبين جماله وهو غافي بمهده
.
مرتاح الضعن
. يحرسه الكمر
ولو جاسه العطش
. يفزعله بنهر
..............................................
مشى الضعن .واعيون أبو الغيرة تباريه
يرف العلم . وترتاح زينب من تصد ليه
.
كل ساعه ويكلها يخويه أم عون ما تعبانه
وتكله يا تعب اليمرني والكمر ويانه
كل ما اشوفك عالمهر يرتاح كلبي وبالي
يالمن وره اجفوفك يسموني العرب سلطانه
.
كل ما اصدك الك
يرتاح الكلب
اليمشي برفكتك
ما يحس بالدرب
...................................
كل ما تحن . عالمهره ياخذها حميده
صارلها ابو . ودللها عمها بغيرة ايده
.
عوضها حنية ابوها ونست ذيج الغربه
ولو عطشت الماي الا من جفينه يالله تشربه
وكلما تسئله شلونه أبوي يكلها عايش بالخير
يعيش بالخير اليحب حسين من كل كلبه
.
كلساع ونزل .
من ضهر المهر
دللها الكمر
و نساها الهجر

....................................
أهل الكرم . لكربله وصلو بالسلامه
نصبو خيم . وحراسها عيون الشهامه
.
هيبة ضعن هاشم مشى والعلم رف بظهره
وشمت اجدامه نينوى وخضر ورد بالصحره
ظهريه جانت والشمس ضهر الحديد اتذوبه
وبكربله مطرت لمن طبوها ولد الزهره
.
أقمار أم الحسن
طبو كربله
وكل الخير اجه
وي القافله
...............................
المغرب اجه . اوزينب امن الخيمه طلعت
وكلها الكمر . خير الأميرة شبيها فزعت
.
كلتله يا أبو الفضل خنكتني هاي الهيمه
كللها يختي وحك كلب الأمير وضيمه
ما دام اشم الهوه وبيمنتي فقاري
الهوه المو هاشمي يحلم يطب للخيمه
.
انه ابن الامس
كطعها الركَب
وجان اسمه كبل
قتال العرب

لطلب اللحن @k_rark

قصائد الليلة الثالثه
#ليلة_العليله
#على_الزهراء_توكلنا
اللهم عجل لوليك الفرج

دلالي من الفركة موجوع
افراكهم ما كفته ادموع
ما احسه ينبض جوه الضلوع
جنه الكلب راح اويه الضعون
.
فاركتني العافيه من فاركوني
اتغيرت واتغير امن الفركة لوني
دموع عيني غيرت حتى الملامح
رحمة لو ردو هلي وتالي اعرفوني
.

…………………………….
اليوم ما جنه يجي النوم
مهضوم كلبي وحيل مهضوم
ليش اهلي ما ذكروني لليوم ؟
ما ذكرو احبيبة گلبهم
.
شكد حنينة گلوبهم ما ضن نسوني
اهلي البماي گلبهم دللوني
لجن ست اشهر اهواي وانه اناطر
لا رساله الاجت منهم لا اجوني
.

……………………….
البجوني لمن ودعوني
ان جان باجر ما يجوني
وعبدالله ما اشوفه بعيوني
ازعل وهمه بزعلي يدرون
.
ازعل وماي اهلي ما اضوگه واشربه
والدوه ما ادنى يمه ولا اگلَبه
لو اموت احسلي من عيشتي هايه
شنهي ضلتي وحتى هذا الهوه غربة
.

………………………………….
سويت كلشي وما ارتاحيت
تكتل كتل يا وحشة البيت
كون بكبر يا بوية غمضيت
ولا هاي كطعتكم عليه
.
بوية لو درب الضعن تندله العيون
جا انه من ليلة امس امشي اويه الضعون
حتى لو جدمي تعب ازحف واجيكم
كلشي يا بويه لاجل شوفتكم يهون
.

……………………………..
ريحة غريبة مرت الروح
رسمتك بويه بعيني مذبوح
اوعمتي زينب كاعدة تنوح
بس لا صدك عيني التشوفه
.
رسمتك عطشان بويه بهيمة نايم
وعالترب متوسدة بدور الهواشم
وخيم محتركة وعدوك يمها واكف
وعمتي يتامر عليها الجان خادم

لطلب اللحن @k_rark

يالما ترضى اتغمض عيونك
الا بيمناك اتومني
محلفتك بويه بعشرتنه
كلبك يطيك تفاركني
.
بسكوتي بويه انخاك
اروح لكربله وياك
مفكره تكظي الايام
تباري اعيوني يمناك
.
شمسويه حتى امن الزغر
يفاركني الاغلى امن العمر
بويه الهوه جنه انكطع
لمن كلت جيبو المهر
..........................
طفله ازغيره وما اتحمل
وين عيوني وين الغربه
البعمري ووالدها يهاجر
الماي اتضل بالكوه اتشربه
.
اذا من بيتي جافيت
شيسوى اخلافك البيت
خليت اختي عالنوك
وحسرة بكلبي خليت
.
يالحضنك لروحي وطن
عيوني الزغار اتعذبن
محضره غراضي من امس
حسبالي اروح اويه الضعن
.................... .....
ما دام مقرر تتركني
روح وما اريد اتودعني
ادري اوداعي يكسر ضهرك
واتصب عينك لو شافتني
.
اذا من غالي الوداع
يكسر ظهر الاسباع
بجلمة الله وياك
حسيت العمر ضاع
.
امشي وره اضعونك ردت
واعثر يبويه اشما كمت
اذكر ضحكتك وانهضم
اشما علي وجهك درت
..........................
فزيت ولن بيتك خالي
وما بيه من عباس احجايه
ومرت ايام وكل حلمي
شوفت عمي بجفه الرايه
.
اليفز بالليل مشتاك
كاتل كلبه الفراك
منهد ما كلي ماشين
من عدها النفس ضاك
.
البعيونه لم كل الوفه
ما عوداني اعلى الجفه
ذاك دلاله وضحكتي
وي روحته كلشي اختفه

.........................................
واخر ليله الشلعت كلبي
شفتك متغير بحلامي
بهاي الدنيه اهواي الوادم
جا ليش إلا أنت اتضل ضامي
.
عكب في العلم ذاك
الوكت بالهيمه خلاك
يساتر كلشي عالكاع
ماكو اهدوم فوكاك
.
شفتك غريب ابلا اخو
وضعنك غده بجف العدو
من عدها غربني الوكت
يالما شفت مثلك ابو

لطلب اللحن @k_rark

ثكيل / رئيسية

صلة وطلع واضعن بالاحباب
ونزلت دمعته بعتبت الباب
لكلب العليلة التتمنه
ياخذها وياه تمشي بضعنه


نزلت دمعته بعتبة الباب
……
مثل طلعة شمس طالع
           ضواه شع بالمدينه
ويماشية كمر هاشم
          ابو روح  الحنينه            
.
اول مره هاي تصير بالكون
بنفس الوكت شمس وكمر يضوون
بممشاهم بعد ما ضل ضوه اهناك
انعدم طعم الحياة بممشى الضعون
.
شلون تحلى العيشة ببيوت
امن حسين ميمرها بعد صوت
وبيت حسين الاكثر حزنه
…………………..
اول ما مشى ضعنه 
           انترست عينه غربه
اجته نسمه من بيته
            بيها انكسر كلبه        
.
هدوئ الدنيه بس يحس وراه صوت
ومن التفت حنت روحة للموت
من شاف العليلة بجفها الزغير
تومي للضعن وتنوح بسكوت
.
بايد تمسح دمعت العين
وبايد تومي لضعن الحسين
ودمعات ابنيته كسرنه
…………………………..

من تغرب الدنيه
                 يحن لذيج الايام
من جانت تجي بحضنه
                وتحضن گلبه وتنام
.
البنيه اعلى ابوها غاليه اهواي
اويلي شلون فارك بنته مولاي
تاخذ روحه من يذكرها بالليل
من اتمنت يكلها امشي وياي
.
صح بمحرم صار مذبوح
بس بطلعته طلعت الروح
باول خطوة ميت جنه
…………………………………..
كل ما خيمو يكعد
            ويحن اعلى العليلة
ومثل حسين ابو ويحن
           حسرته شكد ثكيله
.
يباوع للخيم  وبعينه الدموع
يحاول ما يبين كلبه موجوع
عن لا ينكسر گلب العقيلات
خلى الالم يفتر بين الضلوع
.
المن عزيزة گلبه محروم
ويحن عليها بگلب مهضوم
امن ينام ادموعه يكعدنه
………………………………

العليله بعد جم ليله
           ويجيبه بطيف الغراب
وتشوفه الامس دللها
           جماله مغيره التراب
.
تشوف الددلاها شلون متعوب
غريب الجان عد الزهره محبوب
وحيد وما اله بالضهر خوان
راحت رايته والحيل مسلوب
.
منها وتتاني رجعت ام عون
امن الشام ترجع وي الضعون
وتكلهه راح الدللانه

لطلب اللحن @k_rark

روحي يهلي . مشتاكة الكم
تعبت من ادموع الفركة
اتمنى اكعد . يمكم ساعه
وياكم يا محلة الكعده
.
يهل الغيره /يالكمر . يالشهم . يا علي. يا خويه الاكبر
وانه زغيره /الوحدي . بغرفتي . بدمعتي . واتخيلو المنظر
بكل عصريه / انكسر . وابقى اشم. بالهدم . واتحن عيوني
ووجي اديره / لكربله . واختنك . والنفس .كوه يضل ينجر
➖➖➖➖➖➖➖➖➖➖➖
اول دمعة . طاحت مني
للرباني بين احضانه
بويه افراكك . كاسر كلبي
لحنيتك روحي عطشانه
.
يمدللني . من احن . يرسملي . خيم . وانت تباريها
واليكسرني . من رقيه . الك . تبتسم . وانت تحاجيها
لو ماخذني . جا بقينه . سوه . بالخيم . انه ورقيه
اختي تحبني .ومن مشت. ما رضت . تفترك . عن ايدي ايديها
……………………………
يا رقيه. . يالحنينه
تدرين انه شكد مشتاكه
حاجي ابونه . يرد ياخذني
طلعت روحي من افراكه
.
يا رقيه . يختي ما . غمضت . الجفن . الا واني ابجي
تموت اديه .لو شفت . يالحنينه . ابو .وي بته يحجي
مو عليله . ومشى مني . المرض . هسه اون . من فركه طوله
يحن عليه . لو طحت . غير ابونه . منو . ولابنيته يتجي
……………………….
يا ابو فاضل . عمي وينك
مو واعدني ترد تاخذني
يمربيني . بماي اعيونك
افراك اعيونك واجعني
.
حلمي عيوني . بابي يندك . وافتحه . واشوفن ذيج الضحكة
حلم عيوني . يالوفي . ترد الي . وتنتهي . . ايام الفركة
حلم عيوني . عمتي . زينب . ترد . والعلم . فوكاها يرفرف
حلم عيوني . من ابوي . الكلب . من يرد . يحضاله بشبكه
….

لطلب اللحن @k_rark

قصائد الليلة الرابعة
#ليلة_ام_البنين
#على_الزهراء_توكلنا
اللهم عجل لوليك الفرج

يوليدي يا ابا الفضل . باوع ييمه الي
كون اتعيد بكربله . صولات المولى علي
الما ينحني للحسين . ما اريدن تبقيله اثر
اكسرها اضهور العرب . وردها لجدها الاولي
.
يبو فاضل يبو فاضل
اريدن للنجف يوصل الدم يبني
.
اذا فارس . كَرب خيمه
ترده ابلا كلب صوب النهر يبني
………………………..
ربيتك يمه بتعب . وتعبي اريده بكربله
ضعن ام عون ام الخدر .بجفك كون ادلله
اترس كاع الله جثث . واحرك يوليدي المدن
لو خدر الله يالكمر . واحد تدنه اله
.
احرك الدنيه يبو فاضل
اذا واحد تدنه يم خدر زينب
يتم اطفاله وضيع اعياله
اليحاول يلفضه يمه اسم زينب
……………………..
يا شبل الخله العرب . ترجف من اسمه يمر
اليرفع صوته ابلا ادب . بجفك ضهره ينكسر
اتنخى بسم الحسن . وكله مولاي المدد
كونك تحسسها الامان . وتغمض ام الخدر
.
اذا غمض . جفن زينب
كون الناس كلها تكعد وتسكت
النهر روجه . كله اسكت
ونشفه الماي بيدك لو رفض يسكت
………………….
لتغمضه يمه الجفن . وبكربله لا. تنام
سيفك خليه عالمتن . واسهر واحرسها الخيام
تشمه الهوه يالله يفوت . لخيام العز والدلال
انت الحامي والكفيل . لخيام الحب والسلام
.
عليك يزعل . يكافلهن
اذا نسمه غريبه تفوت للخيمه
يحاميهن . يبعد امك
اعيونك خلهن مفتحات عالخيمه

لطلب اللحن @k_rark

ام البنين


حسين يبني وداعت الله
بالسلامة لكربله توصل ييمة ان شاء الله
لكربله وياكم امشي
هاي حسرة وبالكلب يا ابو رقية ضاله
.
مرافجة ام عون . شمحلاتهه امشي مرافجة ام عون
وتصد العيون . كل ساعة ليك تصد العيون
واخدمها الضعون . من نستراح اخدمها الضعون
وابفرد ماعون . زادك يلمنه ابفرد ماعون

……………………….
اعذرني خافن قصريت
خاف مرة عيوني نامت وانت بعدك ما نمت
اعذرني يبني لو نسيت
خاف مره اكبال طولك ناسيه وما دنكت
.
يا حلو الارسوم . خدامتك يا حلو الرسوم
جهبتها الهموم . وي روحتك جهبتها الهموم
يحسين مالوم . الحدر الضلع يحسين مالوم
مسدر ومهضوم . عاينتك مسدر ومهضوم
………………………..
كون طلعت روحي مني
من سريتو ناكة ناكة وعالدرب زتيتكم
جويعده واربي لضعنكم
وگلبي احسه يطيح مني من هوه الله يحرك اهديماتكم
.
مسرع يغاتي . بممشى الضعن مسرع يغاتي
بلل عباتي . دمع الهضم بلل عباتي
روحي لهاتي . جنها اوصلت روحي لهاتي
ويه بناتي . كون اطلعَت ويه بناتي
…………………………
غاب ضعنك عالنواظر
وكمت رديت اعلى بيتك وانفطر دلالي
فرفحت وانصاب گلبي
مجانك البيه تكعد العصرية شفته خالي
.
اركض للهدوم . مهرفه رحت اركض للهدوم
وبحر السموم . بيهن كعدت بحر السموم
جن ماي الغيوم . صار الدمع جن ماي الغيوم
فكدك يجيدوم . رخى العضم فكدك يجيدوم
…………………………
بابك مگابلته وابجي
وهيسيت اًونين طفلة وباگ حيلي اونينها
تگربت ليها وشفتها
من بجيها تريد تطلع روحها من عينها
.
ابنيتك تنوح . وكسرتلي گلبي ابنيتك اتنوح
والصوت مبحوح. من البواجي الصوت مبحوح
يطلع الروح . ونين الغريبة يطلع الروح
شكد رادت تروح . لكربله شكد رادت تروح

لطلب اللحن @k_rark