Oʻqishga kirishda 41 imtiyoz bor!

🇺🇿 Davlat qabul komissiyasining 2022-yil 29-dekabrdagi 10-son majlis bayoni bilan “Davlat OTMlariga kirish uchun berilgan imtiyozlarning yagona REYESTRI” tasdiqlangan.

Reyestrda 41 ta imtiyoz turi mavjud:

1. Imtihonsiz qoʻshimcha davlat granti asosida talabalikka tavsiya etish boʻyicha imtiyozlar (15 ta);
2. Imtihonsiz bazaviy toʻlov-kontrakt asosida talabalikka tavsiya etish boʻyicha imtiyozlar (4 ta);
3. Tegishli fan boʻyicha imtihondan ozod etilib, maʼlum miqdorda ball berish boʻyicha imtiyozlar (5 ta);
4. Toʻplangan ballga nisbatan qoʻshimcha ball berish boʻyicha imtiyozlar (2 ta);
5. Qoʻshimcha kvota doirasida tanlovda ishtirok etish boʻyicha imtiyozlar (12 ta);
6. Qoʻshimcha imtiyozlar (3 ta).

📈 ABITURIYENT 🆙

❌ Shpargalka
✅ San'at asari

Professor talabalardan birini shpargalka ishlatayotgani bilib qolibdi. U talabaning shpargalkasini san’at asari deb tan oldi.

📹 Nima uchun bunday deganini bilish uchun video lavhani ko‘ring!

📈 ABITURIYENT 🆙 – Yuqoriga intilib!

Toshkent shahridagi barcha oliy ta'lim muassasalari, yo'nalishlari, fanlar majmuasi hamda o'tish ballari

1. O'zbekiston davlat jahon tillari universiteti
2. Toshkent davlat texnika universiteti
3. Jahon iqtisodiyoti va diplomatiya  universiteti
4. Geologiya fanlar universiteti
5. Jamoat xavfsizligi universiteti
6. Milliy rassomchilik va dizayn instituti
7. Milliy esterada san'ati instituti
8. Huquqni muhofaza qilish akademiyasi
9. O'zbek milliy musiqa san'ati instituti
10. O'zbekiston davlat konservatoriyasi
11. O'zbekiston davlat san'at va madaniyat instituti
12. O'zbekiston davlat xoreografiya akademiyasi
13. O'zbekiston jurnalistika va ommaviy kommunikatsiyalar universiteti
14. O'zbekiston milliy universiteti
15. O'zbekiston xalqaro islom akademiyasi
16. Toshkent arxitektura-qurulish instituti
17. Toshkent axborot texnologiyalari universiteti
18. Toshkent davlat iqtisodiyot universiteti
19. Toshkent davlat o'zbek tili va adabiyoti  universiteti
20. Toshkent davlat pedagogika universiteti
21. Toshkent davlat sharqshunoslik universiteti
22. Toshkent davlat stomatologiya instituti
23. Toshkent davlat transport universiteti
24. Toshkent davlat yuridik universiteti
25. Toshkent farmasevtika instituti
26. Toshkent kimyo-texnologiya instituti
27. Toshkent pediatriya tibbiyot instituti
28. Toshkent tibbiyot akademiyasi
29. Toshkent to'qimachilik va yengil sanoat instituti
30. Toshkent irrigatsiya va qishloq xo'jaligi mexanizatsiyalash muhandislari instituti

📈 ABITURIYENT 🆙 – Yuqoriga intilib!

😭 Imtihonga chala tayyor bo'lganlar yig'lasin, o'zini “bilimli” qilib ko'rsatganlar yig'lasin.

💪 QO‘RQMA, ABITURIYENT!

🔥 Oylar mobaynida ham issiqqa, ham sovuqqa chidab mehnat qilding. Cheksiz miqdordagi mavzularni o'qiding, testlar ishlading va savol-javoblar qilding. Buning barchasi harakatlaring edi va har bir qadam muhim edi.

💯 Qo`rqma! Muvaffaqiyatsiz bo'lishdan qo'rqma. Sen qilgan va erishgan hamma narsani qadrla. Sening harakatlaring besamar ketmaydi. Sen hech kim sendan tortib ololmaydigan bilimlarga ega bo'lding.

✅ Sen halol mehnat qilding va endi o'zinga ishonch bilan olg'a intil. Va esda tutki, SEN ALBATTA TALABA BO'LASAN, chunki sening fidoyilik va harakatlaring natijasiz qolmaydi.

O'zing yakka kurashga kirishdan qo'rqma. Ortingda mehrli ota-onang va kuchli ustozlaring turibti.

💥 SENING SAYOHATING ENDI BOSHLANMOQDA VA U IMKONIYATLAR VA MUVAFFAQIYATLARGA TO'LA BO'LADI.

📈 ABITURIYENT 🆙 – Yuqoriga intilib!

⚡️2025/2026 o'quv yili qabulida kirish test sinovlarida abituriyentlarning bilimini baholash uchun javoblar varaqasi NAMUNASI

🖨 Ushbu javoblar varaqasini chop eting va uni to'g'ri to'ldirishni hozirdan mashq qilishni boshlang!

❌ Esingizda bo'lsin, bo'yaganda doiradan tashqariga chiqmang. Doira ichini to'liq bo'yalmasligi ham xato;

❌ Xato qilib belgilagan doirani "teshish" mumkin emas. Skaner teshilgan javobni baribir xato deb hisoblaydi;

❌ Bitta testga javob sifatida birdaniga ikki yoki undan ortiq doirani bo'yash mumkin emas. Bu ham xato va buning uchun hech qanday ball berilmaydi.

‼️Eng yomoni, xato qilganingiz uchun sizga yangi titul berilmaydi!

📈 ABITURIYENT 🆙 – Yuqoriga intilib!

Bugundan qabul boshlandi, lekin sayt 404 error holatida ishlamayapti

Prezidentning PF-81-son Farmoniga muvofiq, oliygohlar bakalavriatiga qabul jarayoni ikki bosqichda — “avval test, so‘ng tanlov” tamoyiliga muvofiq amalga oshiriladi.

🔹1-bosqichda abituriyentlar har yili 5-iyundan 25-iyunga qadar (25-iyun kuni ham) test sinovi topshirish uchun my.uzbmb.uz saytida onlayn roʻyxatdan oʻtadi hamda quyidagilarni tanlaydi:

🟢Faqat test sinovida ishtirok etsa:
✅fanlar majmuasi;
✅taʼlim tili;
✅test topshirish hududi.

🟢Alohida iqtidor talab etiladigan taʼlim yoʻnalishlari boʻyicha kasbiy/ijodiy imtihonlarda ishtirok etsa:
➡️taʼlim tili;
➡️test topshirish hududi;
➡️alohida iqtidor talab etiladigan taʼlim yoʻnalishi;
➡️kasbiy (ijodiy) imtihon topshiriladigan oliygoh.

Oliygohlarga kirish imtihonlari iyul-avgust oylarida oʻtkaziladi.

🔸2-bosqichda abituriyentlar kirish imtihonlari toʻliq yakunlanganidan soʻng 15 kun davomida my.uzbmb.uz sayti orqali quyidagilarni tanlaydi:
➡️oliy taʼlim muassasasi;
➡️bakalavriat taʼlim yoʻnalishi;
➡️taʼlim shakli;
➡️tanlov ustuvorligi.

Abituriyent test sinovida toʻplagan ballarini imtihon oʻtkazilgan kunning ertasiga bilishi mumkin. Uning talabalikka tavsiya etilgan yoki etilmagani qabul jarayonining 2-bosqichi toʻliq yakunlangandan keyin bir hafta muddatda Bilimni baholash agentligining rasmiy veb-saytida eʼlon qilinadi.

✔️ Texnikumlarda oʻqish istagini bildirgan abituriyentlar oliygohlarga qabulning yakuniy natijasi eʼlon qilinganidan soʻng 10 kun muddatda quyidagilarni tanlaydi:
🟢texnikum;
🟢kasb va mutaxassislik;
🟢taʼlim shakli.

🗣 Natija bir hafta muddatda Bilimni baholash agentligining rasmiy veb-saytida eʼlon qilinadi.

📈 ABITURIYENT 🆙 – Yuqoriga intilib!

🔍 Samarqandda 100 balldan past to'plab qayerlarga o'qishga kirish mumkin?

Quyidagi ma'lumotda o'tgan yilgi o'tish ballariga ko'ra, Samarqandda 100 balldan pastroq to'plab, o'qishga kirish mumkin bo'lgan yo'nalishlar keltirilgan.

📈 ABITURIYENT 🆙 –

🤯 Matematikadan savolning injig'i

Kim birinchi topa oladi? Izohlarda yozing!

Yaqinlarga yuboring, ular nima derkin!

📈 ABITURIYENT 🆙 –

❓Test to‘lovini qachongacha qilish kerak? 

✅ JAVOB: Joriy yil bitirganlar uchun testga kirish tekin, avvalgi yillarda bitirganlar 187 ming 500 so‘m (yarim “minimalka”) to‘lashi kerak.

❓To‘lovni amalga oshirmasa nima bo’ladi?

❗️To‘lovni amalga oshirmagan abituriyentlar ro‘yxatdan o‘tmagan deb hisoblanadi va test sinovlariga qo‘yilmaydi.

❓Bo’lib-bo’lib to’lasa ham bo’ladimi?

✅ Ha, ushbu to‘lovni bo‘lib-bo‘lib amalga oshirsa ham bo‘ladi, faqat 25-iyunga qadar (o‘sha kuni ham) mazkur summa to‘liq to‘lanishi shart. Ya'ni qachon ro'yxatdan o'tganingizning farqi yo'q, asosiysi to'lovni 25-iyun soat 23:59 gacha to'lash shart.

‼️LEKIN!!! Siz taqab oxirgi muddatga olib bormang. Sababi bank va onlayn tizimlarda kutilmagan profilaktik ishlar bo'lsa, yoki oxiriga taqagan odamlar tufayli serverda yuklama ko'payib ketsa, kutilmaganda to'lovni amalga oshira olmay qolishingiz mumkin.

❓Kimlar to‘lovdan ozod qilingan:

— taʼlim muassasasini joriy yilda tugatganlar;
— Mehribonlik uyi va Bolalar shaharchalari bitiruvchilari;
— to‘liq davlat taʼminotidagi shaxslar;
— nogironligi bor shaxslar;
— ijtimoiy himoya yagona reyestriga kiritilgan shaxslar va ularning farzandlari;
— “Yoshlar daftari”ga kiritilgan yoshlar.

📈 ABITURIYENT 🆙 – Yuqoriga intilib!

❗️Testdagi savollarning qiyinlik darajasi

Joriy yilgi test sinovlarida ham avvalgi yillardagi kabi savollarning qiyinlik darajasi quyidagicha taqsimlanadi:

🔴 15-25% birinchi darajali savol (oson);
🔴 50-70% ikkinchi darajali savol (o‘rtacha):
🔴 15-25% uchinchi darajali savol (qiyin).

Misol uchun, mutaxassislik fanidan 30 ta savol berilsa, shundan:

⏺5-8 ta oson;
⏺15-21 ta o‘rtacha;
⏺5-8 ta qiyin savollar bo‘ladi.

#Qabul2025 #Abituriyent2025

📈 ABITURIYENT 🆙 – Yuqoriga intilib!

Qaysi platformalar orqali qachongacha hujjat topshirish mumkin?

Abituriyentlar turli platformalar orqali hujjat topshirishi mumkin. Bular:

➖ Kasb-hunar maktablariga qabul (1-iyuldan 20-iyulgacha)
👉 my.edu.uz

➖ Bakalavriat yo‘nalishlariga qabul (20-iyundan 20-iyulgacha)
👉 my.uzbmb.uz yoki my.gov.uz

➖ Magistratura mutaxassisliklariga qabul (1-yuldan 30-iyulgacha)
👉 magistr.edu.uz

➖ Texnikumni a’lo baho bilan tamomlagan abituriyentlarni suhbat asosida OTMga qabul qilish (5-iyuldan 25-iyulga qadar)
👉 my.edu.uz

➖ Ikkinchi mutaxassislikka qabul (10-iyuldan 10-avgustga qadar)
👉 my.edu.uz

➖ O‘qishni ko‘chirish (15-iyuldan 5-avgustgacha)
👉 transfer.edu.uz — davlat OTMning biridan boshqasiga;
👉 my.uzbmb.uz — xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga.

Bu foydali postni abituriyent tanishlaringizga yuborib qo'ying.

#Qabul2025 #Abituriyent2025

📈 ABITURIYENT 🆙 – Yuqoriga intilib!

Imtihongacha qanday qilib barcha savollarga tayyor bo‘lish mumkin?

Buning uchun atigi 3 muhim qadamni bajarish kifoya:

1. Haqiqatni tan oling
Avvalambor, siz:
Qaysi fanlarga yaxshi tayyorsiz, qaysilariga esa yo‘qligingizni;
Va imtihongacha qancha vaqt qolganini aniqlab olishingiz zarur.
Masalan, sizda 1 oy vaqt bor. Endi har bir fanni tahlil qilib, kuchli va zaif tomonlaringizni aniqlang va bularni qog‘ozga yozib chiqing. Miyangizda hammasini tutib turish oson emas, shuning uchun yozib chiqsangiz, reja tuzish ham osonlashadi.

2. Aniq reja tuzing
Bugundan boshlab imtihongacha har kuni nimalarni o‘rganishingiz kerakligini hisoblang.
Aytaylik, 1-fandan 1000 bet, 2-fandan 500 bet ma’lumotni o‘rganishingiz kerak. 1 oyda buni o‘zlashtirish uchun har kuni taxminan qancha o‘qishingiz kerak? Rejalashtiring. Oxirgi haftani esa umumiy takrorlashga ajrating.

3. Rejangizga moslashishni unutmang
Eng yaxshi reja ham ba’zida ishlamay qolishi mumkin. Muhimi — rejalashdan voz kechmaslik.
Masalan, 7 kun kasal bo‘lib qolib, hech narsa o‘qiy olmadingiz. Reja bo‘lmasa, qancha ortda qolganingizni bilmay qolasiz. Reja bo‘lsa esa, qancha bet yetib olishingiz kerakligini aniq bilasiz. Shunda vaqtni to‘g‘ri taqsimlab, imtihongacha ulgurishingiz mumkin.

Xulosa: Reja bor joyda nazorat bor, nazorat bor joyda esa muvaffaqiyat!

#Abituriyent2025 #abituriyent

📈 ABITURIYENT 🆙

​7 usul orqali testlarni to‘g‘ri ishlashni o‘rganing!

Imtihon asosan 4 variantli test ko‘rinishida bo‘lishini hisobga olib, sizlarni shu turdagi testlarni to‘g‘ri ishlash usullari bilan tanishtirib o‘tamiz.

1️⃣ Testdagi savol va savol sharti bilan yaxshilab tanishing.
Savoldan tashqari, savolning qo‘shimcha sharti bo‘lishi mumkin. Savolning shartiga yaxshilab e’tibor bering. Javob variantlarga to‘g‘ridan-to‘g‘ri sakramasdan, sharti bilan yaxshilab tanishing. Savolning biroz chalg‘ituvchi shartlari bo‘lishi mumkin.

2️⃣ Avvaliga oson savollarga javob bering.
1-qadamdan so‘ng, oson savollarga javob berib chiqing. Bu sizga imtihonning savollari, formati va qiyinchiligi bilan tanishib chiqish imkonini beradi. Eng muhimi esa test boshlanishi bilanoq bir qancha savollarga to‘g‘ri javob berishingiz, o‘zingizga ishonchni keskin oshiradi.

3️⃣ Javoblarni xayolda topishga harakat qiling.
Savolni o‘qing va javob variantlarini qo‘lingiz yoki bir parcha qog‘oz bilan berkitib, xayolingizda eng yaxshi javob nima bo‘lishi mumkinligini o‘ylang. O‘xshash variantlar odatda chalg‘itib yuboradi. Oldindan o‘ylab olsangiz, shunday chalg‘ib qolishdan saqlanasiz.

4️⃣ Har bir javob variantini o‘qing.
Hamma variantlarni o‘qing. Javob to‘g‘ri ko‘rinishi mumkin, lekin siz topgan javobdan ham to‘liqroq va aniqroq javobni tashlab ketayotgan bo‘lishingiz mumkin.

5️⃣ “Chiqarib tashlash” usulidan foydalaning.
Agar savol sizga qiyin tuyulsa va to‘g‘ri javobni bilmasangiz, noto‘g‘riligi aniq bo‘lgan javoblar ustidan ruchkada chizib tashlang. Qolgan variantlar orasidan javobni belgilashingiz, to‘g‘ri javobni topishingiz ehtimolligini oshiradi.

6️⃣ “Barcha javoblar to‘g‘ri” shaklidagi savollar
Aytaylik, “barcha javoblar to‘g‘ri” degan javob varianti bor. 2 ta javob to‘g‘riligini bilsangiz, “barcha javoblar to‘g‘ri” degan variantni tanlayvering.

7️⃣ Har bir savolga javob bering.
DTM tizimida noto‘g‘ri javoblarga jarima berilmaydi, ya’ni noto‘g‘ri javob uchun ball ayirib tashlanmaydi. Shunday ekan, barcha savollarga javoblarni belgilang. To‘g‘ri javoblarni topish ehtimolingiz oshadi.

#Abituriyent2025 #abituriyent

📈 ABITURIYENT 🆙

⚡️Ertaga to'lov qilish muddati ham tugaydi

📌Ertaga qabulning oxirgi kuni bo’lgani uchun testga kirishda to’lanadigan to’lovni ham ertadan kechiktirmay qilish kerak.

To'lov ertaga 25-iyun kuni soat 23:59 gacha qabul qilinadi. Undan kechiksa abituriyent ro‘yxatdan o‘tmagan deb hisoblanadi va test sinovlariga qo‘yilmaydi.

📆Avvalgi yillarda bitirganlar testga kirish uchun 187 ming 500 so'm miqdorida to'lov qilishi kerak bo'ladi. To'lovni belgilangan muddatga qadar bo'lib to'lash ham mumkin, undan kechiksa, testga kiritilmaydi;

Imkon qadar to’lovni ham oxirgi daqiqalarga qoldirmang. Serverga yuklama ortishi munosabati bilan tizim ishlamay qolishi mumkin va bu sizga kutilmagan muammolarni yuzaga keltiradi.

💬Quyidagilar testga kirish uchun to‘lovdan ozod qilingan:

— taʼlim muassasasini joriy yilda tugatganlar;

— Mehribonlik uyi va Bolalar shaharchalari bitiruvchilari;

— to‘liq davlat taʼminotidagi shaxslar;

— nogironligi bor shaxslar;

— ijtimoiy himoya yagona reyestriga kiritilgan shaxslar va ularning farzandlari;

— “Yoshlar daftari”ga kiritilgan yoshlar.

#Abituriyent2025 #abituriyent

📈 ABITURIYENT 🆙

❓Savol:

Men “Fizika va Matematika” fanlar majmuasini tanlaganman. Ro‘yxatdan o‘tib, to‘lovni amalga oshirdim. Endi esa tartibni o‘zgartirib, “Matematika va Fizika” qilishni xohlayapman. Fanlar majmuasini o‘zgartirsam bo‘ladimi?

📎 Javob:

Ha, fanlar majmuasini 2025-yil 25-iyun, soat 23:59 gacha o‘zgartirishingiz mumkin. Shuni alohida ta’kidlash kerakki, majmua o‘zgartirilganda qaytadan to‘lov qilish talab etilmaydi.

📈 ABITURIYENT 🆙

❌ Rasman: 2025-yilgi abituriyentlar soni 800.000 nafarga ham yetmay qoldi!

2025 – 2026-o‘quv yilida oliy va professional ta’lim muassasalariga qabul qilish bo‘yicha test sinovlarida ishtirok etish uchun 732.411 nafar abituriyent ro‘yxatdan o‘tdi.

Izoh: Test sinovlarida ishtirok etish uchun to‘lovni 26-iyun soat 23:59 gacha amalga oshirish mumkin. Shu boisdan yuqorida keltirilgan statistik ma'lumotlarda to‘lovga oshirish muddati yakunlangandan so‘ng o‘zgarish bo‘ladi.

📈 ABITURIYENT 🆙 – Yuqoriga intilib!

⚡️Imtihonlar 14-iyulda boshlanishi mumkin

2024-yilda OTMlarga kirish test sinovlari 14-iyuldan 25-iyulgacha bo‘lib o‘tgandi. Bu yil ham shu sanalar o‘zgarishsiz qolishi mumkin, dedi Bilim va malakalarni baholash agentligi vakili Jamshid Odilov

Test sinovlari uchun zarur infratuzilma va binolar ro‘yxati allaqachon shakllantirilgan. Bu degani, imtihonlar belgilangan muddatda boshlanishi uchun texnik va tashkiliy tayyorgarlik tugallangan.

❗️ Lekin bu hali oxirgi rasmiy ma'lumot emas. Yaqin orada sanalar rasman e'lon qilinadi.

📈 ABITURIYENT 🆙 – Yuqoriga intilib!