٨٨
موشح السبي
ه ه ه ه
وين زينب رايحه وياهه الحرم
وعلترب ظلت اخوتهه اهل الشيم
ه ه ه
بت علي الكرار ذيج ام الخدر
طلعت ويه اخوتهه مرفوعه الگدر
نجمه اجت والحارس وياهه البدر
وابد ماتسمع فقط جلمة نعم
ه ه ه
اربع اخوه ليوث ولد ام البنين
كلهه يمهه لوتصد من عدهه عين
حايطيهه عله اليسار وعاليمين
والكمر عباس رف يمهه العلم
ه ه ه
لاجن الايام ياوسفه تخون
بكربله كلشي انكضه بفيض العيون
مصيبة الحوراء بالطف ماتهون
وين تمشي احتار من عدهه الجدم
ه ه ه
تنضر حسين البكه من فاطمه
اكبالهه مذبوح وبفيض الدمه
الصدره خيل الاعوجيه تهشمه
وتنضر الراسه عن الجثه انفصم
ه ه ه
عالنهر عباسهه تعوفه صريع
الجان يمهه واكف السد المنيع
جفوفه مكطوعات وي راسه الكطيع
وبالعمد مطبور و بعينه السهم
ه ه ه
حرمه ومحيره ومسبيه االعيال
وهجمت عليهه الاعادي والرجال
حارت المن تنتخي وحار السوال
والعده حركت وجالت بالخيم
ه ه ه
النار شبت والعيال اتراكضت
وللضرب والسلب كلهه تعرضت
والمصايب والنوايب ماكضت
ولاجبير ولا زغير اللي سلم
ه ه ه
وعلي السجاد البكه بحاله يجود
ينضر العمته والهمهه يزود
اشعملت بحاله العلي ذيج الكيود
اتدير الگيود الاديهه لو رهم
ه ه ه
عكب كل ذيج المصايب والجره
عالهزل. زينب خذوهه ميسره
بظلم ماصاير ولا تتصوره
ويحكم عليهه الذي يمهه حكم
ه ه ه
من الطفوف الروس وياهه تسير
عله الشام بمجلس الطاغي تصير
بت علي الكرار ذلت للامير
وضمت الحسره ابكلبهه والالم
ه ه ه
واحنه لو نذكر الزينب نفتخر
هاي ام الشرف كله والخدر
ولو لفظنه اسم العقيله. نعتذر
ليش جا صارلهه بس الهم سهم
ابو احمد الهنداوي
https://www.tg-me.com/aboahmed1956
موشح السبي
ه ه ه ه
وين زينب رايحه وياهه الحرم
وعلترب ظلت اخوتهه اهل الشيم
ه ه ه
بت علي الكرار ذيج ام الخدر
طلعت ويه اخوتهه مرفوعه الگدر
نجمه اجت والحارس وياهه البدر
وابد ماتسمع فقط جلمة نعم
ه ه ه
اربع اخوه ليوث ولد ام البنين
كلهه يمهه لوتصد من عدهه عين
حايطيهه عله اليسار وعاليمين
والكمر عباس رف يمهه العلم
ه ه ه
لاجن الايام ياوسفه تخون
بكربله كلشي انكضه بفيض العيون
مصيبة الحوراء بالطف ماتهون
وين تمشي احتار من عدهه الجدم
ه ه ه
تنضر حسين البكه من فاطمه
اكبالهه مذبوح وبفيض الدمه
الصدره خيل الاعوجيه تهشمه
وتنضر الراسه عن الجثه انفصم
ه ه ه
عالنهر عباسهه تعوفه صريع
الجان يمهه واكف السد المنيع
جفوفه مكطوعات وي راسه الكطيع
وبالعمد مطبور و بعينه السهم
ه ه ه
حرمه ومحيره ومسبيه االعيال
وهجمت عليهه الاعادي والرجال
حارت المن تنتخي وحار السوال
والعده حركت وجالت بالخيم
ه ه ه
النار شبت والعيال اتراكضت
وللضرب والسلب كلهه تعرضت
والمصايب والنوايب ماكضت
ولاجبير ولا زغير اللي سلم
ه ه ه
وعلي السجاد البكه بحاله يجود
ينضر العمته والهمهه يزود
اشعملت بحاله العلي ذيج الكيود
اتدير الگيود الاديهه لو رهم
ه ه ه
عكب كل ذيج المصايب والجره
عالهزل. زينب خذوهه ميسره
بظلم ماصاير ولا تتصوره
ويحكم عليهه الذي يمهه حكم
ه ه ه
من الطفوف الروس وياهه تسير
عله الشام بمجلس الطاغي تصير
بت علي الكرار ذلت للامير
وضمت الحسره ابكلبهه والالم
ه ه ه
واحنه لو نذكر الزينب نفتخر
هاي ام الشرف كله والخدر
ولو لفظنه اسم العقيله. نعتذر
ليش جا صارلهه بس الهم سهم
ابو احمد الهنداوي
https://www.tg-me.com/aboahmed1956
٨٩
زينب والسبي
ه ه ه ه
مابين الشام والكوفه. مسبيه تروح مجتوفه
زينب بين الظلام. ياوسفه عله الايام
مسبيه تروح مجتوفه
ه ه ه
هاي العقيله بت علي واخت حسين
مجتوفه عالهزل تدير العينين
الماشافو خيال الهه عاشت السنين
مسبيه أخْذوهه وتطب إدواوين
منّ اٌلطف للشام جابوهه. فرجه الهلناس خلوهه
ويمهه عيال وايتام ياوسفه عله الايام
مسبيه تروح مجتوفه
ه ه ه
ياوسفه بت اشرف الناس بهالكون
مابين ارذل خلگ مسبيه تكون
اخت البطل عباس تنضام شلون
وجتالة اخوتهه عليهه يامرون
تنضر عالروس وياهه. وراس الكفال بجاهه
عين المصيوبه وهام. ياوسفه عله الايام
مسبيه تروح مجتوفه
ه ه ه
زينب عله الناكه الهزيله. بهالحال
الماجان ينشاف الهه بالدنيه خيال
متحيره بين. الحرم والاطفال
وبس العليل وياهه مشدود حبال
بين العدوان محتاره
وتدري بهالناس غداره
ولهل الباطل خدام. ياوسفه عله الايام
مسبيه تروح. مجتوفه
ه ه ه
تنضر لعد روس الاهل عالاعواد
وعيون المعاتب دمعهن يزداد
عفتوني وحدي شلونن يابو السجاد
وناكتي بجف كتال اخوتي تنكاد
ياخويه الكوم ضربوني
والناس هواي شتموني
هاي التتتسمه اسلام. ياوسفه عله الايام
مسبيه تروح مجتوفه
ه ه ه
من ديره لاديره انسبت بت حيدر
بذيج البراري والعطش ويه الحر
بجفوف اديهه منن النضر تتستر
وتطب دواوين الخليفه تضطر
هيج الايام خلتهه. ودموع هواي هملتهه
المثل الحره تنضام. ياوسفه عله الايام
مسبيه تروح مجتوفه
ه ه ه
ياحادي ظعن الخدر ريض ممشاك
هم تدري انته ياعقيله. الوياك
زينب عكب عباس صارت بحماك
حيف عله هذا الزمن تحكم خلاك
ياوسفه عليهه اوسفه
بالكيد الحره مجتفه
وجم جرح المايلتام. ياوسفه عله الايام
مسبيه تروح مجتوفه
ابو احمد الهنداوي
https://www.tg-me.com/aboahmed1956
زينب والسبي
ه ه ه ه
مابين الشام والكوفه. مسبيه تروح مجتوفه
زينب بين الظلام. ياوسفه عله الايام
مسبيه تروح مجتوفه
ه ه ه
هاي العقيله بت علي واخت حسين
مجتوفه عالهزل تدير العينين
الماشافو خيال الهه عاشت السنين
مسبيه أخْذوهه وتطب إدواوين
منّ اٌلطف للشام جابوهه. فرجه الهلناس خلوهه
ويمهه عيال وايتام ياوسفه عله الايام
مسبيه تروح مجتوفه
ه ه ه
ياوسفه بت اشرف الناس بهالكون
مابين ارذل خلگ مسبيه تكون
اخت البطل عباس تنضام شلون
وجتالة اخوتهه عليهه يامرون
تنضر عالروس وياهه. وراس الكفال بجاهه
عين المصيوبه وهام. ياوسفه عله الايام
مسبيه تروح مجتوفه
ه ه ه
زينب عله الناكه الهزيله. بهالحال
الماجان ينشاف الهه بالدنيه خيال
متحيره بين. الحرم والاطفال
وبس العليل وياهه مشدود حبال
بين العدوان محتاره
وتدري بهالناس غداره
ولهل الباطل خدام. ياوسفه عله الايام
مسبيه تروح. مجتوفه
ه ه ه
تنضر لعد روس الاهل عالاعواد
وعيون المعاتب دمعهن يزداد
عفتوني وحدي شلونن يابو السجاد
وناكتي بجف كتال اخوتي تنكاد
ياخويه الكوم ضربوني
والناس هواي شتموني
هاي التتتسمه اسلام. ياوسفه عله الايام
مسبيه تروح مجتوفه
ه ه ه
من ديره لاديره انسبت بت حيدر
بذيج البراري والعطش ويه الحر
بجفوف اديهه منن النضر تتستر
وتطب دواوين الخليفه تضطر
هيج الايام خلتهه. ودموع هواي هملتهه
المثل الحره تنضام. ياوسفه عله الايام
مسبيه تروح مجتوفه
ه ه ه
ياحادي ظعن الخدر ريض ممشاك
هم تدري انته ياعقيله. الوياك
زينب عكب عباس صارت بحماك
حيف عله هذا الزمن تحكم خلاك
ياوسفه عليهه اوسفه
بالكيد الحره مجتفه
وجم جرح المايلتام. ياوسفه عله الايام
مسبيه تروح مجتوفه
ابو احمد الهنداوي
https://www.tg-me.com/aboahmed1956
٩٠
ميمر السبي
ه ه ه ه ه
زينب جبل وخير العمل
لهل الوفه قدوه تضل
رغم السبي وذاك الصار زينب بگت منتصره
ه ه ه
منتصره رغم اللي جره واللي صار
بالطف وحيده ظلت ويه الاشرار
اخوتهه متذبحه وبالطف طشار
الظالم ضرم ذيج الخيم
وشردت اطفال ويه الحرم
وحسين اخيهه المذبوح والخيل سحكت صدره
ه ه ه
سبعين الف جيش ال اميه واكثر
لو يمشي فوك الصخر هم يتفسر
زينب وحيده وردته للعسكر
شنهالصبر. شنهالستر
بالدمعه خطت للنصر
بهيبة علي والزهراء ردت الهجمه الخطره
ه ه
زينب برغم اللي جره والالام
وشكثر شافت جور من الظلام
دم وحرك والحرم ماعدهه خيام
ذيج الاهل. الكل انكتل
وعالهزل فروهه الدول
اتحملت ضيم الماصار صلبه وفلا منكسره
ه ه ه
عدوانهه اجلاف ولئام وصلفه
لاجنهم انذلو بذيج العفه
قرآن ناطق جانت بكل وگفه
متهاونت. وماهادنت
بذيج الصلاة إطمانت
ركعتهه وسط الميدان درس وصلاح وثوره
ه ه ه
من نذكر الزينب وجب نعرفهه
وعالاقل احنه بالعمل ننصفهه
نفهم شرادت منه في موقفهه
انطتنه الدرب. اليضوي الكلب
البيه نطلب وماننطلب
درب الامام المعصوم
الماتلگه بي اي عثره
ه ه ه
خلينه يمهه الليله يم خيمتهه
وخل نحفظ العز والابه بشيمتهه
خير العلينه كله من نعمتهه
خل نفتخر. بم الخدر
هاي اللوت جيد الكفر
العجبت الكوفه والشام
ويزيد كسرت ظهره
ابو احمد الهنداوي
https://www.tg-me.com/aboahmed1956
ميمر السبي
ه ه ه ه ه
زينب جبل وخير العمل
لهل الوفه قدوه تضل
رغم السبي وذاك الصار زينب بگت منتصره
ه ه ه
منتصره رغم اللي جره واللي صار
بالطف وحيده ظلت ويه الاشرار
اخوتهه متذبحه وبالطف طشار
الظالم ضرم ذيج الخيم
وشردت اطفال ويه الحرم
وحسين اخيهه المذبوح والخيل سحكت صدره
ه ه ه
سبعين الف جيش ال اميه واكثر
لو يمشي فوك الصخر هم يتفسر
زينب وحيده وردته للعسكر
شنهالصبر. شنهالستر
بالدمعه خطت للنصر
بهيبة علي والزهراء ردت الهجمه الخطره
ه ه
زينب برغم اللي جره والالام
وشكثر شافت جور من الظلام
دم وحرك والحرم ماعدهه خيام
ذيج الاهل. الكل انكتل
وعالهزل فروهه الدول
اتحملت ضيم الماصار صلبه وفلا منكسره
ه ه ه
عدوانهه اجلاف ولئام وصلفه
لاجنهم انذلو بذيج العفه
قرآن ناطق جانت بكل وگفه
متهاونت. وماهادنت
بذيج الصلاة إطمانت
ركعتهه وسط الميدان درس وصلاح وثوره
ه ه ه
من نذكر الزينب وجب نعرفهه
وعالاقل احنه بالعمل ننصفهه
نفهم شرادت منه في موقفهه
انطتنه الدرب. اليضوي الكلب
البيه نطلب وماننطلب
درب الامام المعصوم
الماتلگه بي اي عثره
ه ه ه
خلينه يمهه الليله يم خيمتهه
وخل نحفظ العز والابه بشيمتهه
خير العلينه كله من نعمتهه
خل نفتخر. بم الخدر
هاي اللوت جيد الكفر
العجبت الكوفه والشام
ويزيد كسرت ظهره
ابو احمد الهنداوي
https://www.tg-me.com/aboahmed1956
٩١
دفن الاجساد
ه ه ه
الله يعين السجاد
يوم الدفن للاجساد
ينادي العمر ماينراد
ياهلي ياهلي
ه ه ه
من الكوفه كاصد والدمع يهمي
ينادي شلون ادفن والدي وعمي
اموت خلاف ابويه بحسرتي وهمي
وعله تراب الطفوف اتعثر بجدمي
ينضر ودمعه يديره
يابويه شنهلحيره
تموتون يهل الغيره
ياهلي ياهلي
ه ه ه
وكف وبدمعته وحزنه وبواجيه
يعاين للجثث عالكاع مرميه
منهم جثه مامعروفه مجفيه
مطحونه وسليبه هوايه مدميه
بعين المدامع ينضر
تالي عرفه من الخنصر
بصوت المصيبه يكبر
ياهلي ياهلي
ه ه ه
يحفر للابو وجن يحفر بروحه
وحته حسين حن الدمعته ونوحه
جسد مطحون ماينعدن جروحه
صدره عله الضهر والرگبه مذبوحه
نزل ابو الگبره
وقبل الساجد نحره
اوسد رضيعه الصدره
ياهلي ياهلي
ه ه ه
رد بحسرته وبروح محتاره
حفر حفره جبيره ولملم انصاره
ورد يدفن. حبيب وگلبه شب ناره
وعلي الاكبر يدفنه وفاضت اعباره
يدفن بخوته واهله
صعبه عليه مو سهله
وعينه عله راعي الحمله
ياهلي ياهلي
ه ه ه
عله الشاطي اعتنه ويتمايل بجدمه
الله يعينه رايح يدفن العمه
وصل يمه وتحير من وصل يمه
بلاجفين لا راس وكبر همه
ناداه يراعي النوماس
مصابك صعب ماينقاس
انه علي يالعباس
ياهلي ياهلي
ابو احمد الهنداوي
https://www.tg-me.com/aboahmed1956
دفن الاجساد
ه ه ه
الله يعين السجاد
يوم الدفن للاجساد
ينادي العمر ماينراد
ياهلي ياهلي
ه ه ه
من الكوفه كاصد والدمع يهمي
ينادي شلون ادفن والدي وعمي
اموت خلاف ابويه بحسرتي وهمي
وعله تراب الطفوف اتعثر بجدمي
ينضر ودمعه يديره
يابويه شنهلحيره
تموتون يهل الغيره
ياهلي ياهلي
ه ه ه
وكف وبدمعته وحزنه وبواجيه
يعاين للجثث عالكاع مرميه
منهم جثه مامعروفه مجفيه
مطحونه وسليبه هوايه مدميه
بعين المدامع ينضر
تالي عرفه من الخنصر
بصوت المصيبه يكبر
ياهلي ياهلي
ه ه ه
يحفر للابو وجن يحفر بروحه
وحته حسين حن الدمعته ونوحه
جسد مطحون ماينعدن جروحه
صدره عله الضهر والرگبه مذبوحه
نزل ابو الگبره
وقبل الساجد نحره
اوسد رضيعه الصدره
ياهلي ياهلي
ه ه ه
رد بحسرته وبروح محتاره
حفر حفره جبيره ولملم انصاره
ورد يدفن. حبيب وگلبه شب ناره
وعلي الاكبر يدفنه وفاضت اعباره
يدفن بخوته واهله
صعبه عليه مو سهله
وعينه عله راعي الحمله
ياهلي ياهلي
ه ه ه
عله الشاطي اعتنه ويتمايل بجدمه
الله يعينه رايح يدفن العمه
وصل يمه وتحير من وصل يمه
بلاجفين لا راس وكبر همه
ناداه يراعي النوماس
مصابك صعب ماينقاس
انه علي يالعباس
ياهلي ياهلي
ابو احمد الهنداوي
https://www.tg-me.com/aboahmed1956
Telegram
الشاعر الحسيني ابو احمد الهنداوي
قصائد حسينيه منبريه
٩٢
دفن الأجساد
لمة عزاء
المستهل
من دفنتك ادفن بروحي يبويه من دفنتك
ه ه ه ه ه ه ه
هايبويه اشلون ادفنك وانت هاي الواسعه
وياگبر ياخذ الدنيه وهالمساحه الشاسعه
انت ياباب الصلاة ويا تسابيح الدعه
بويه كوم وشوف حالي عليك امشي المشرعه
من فگدتك كلشي راح وراح كلشي من فگدتك
من دفنتك ادفن بروحي يبويه من دفنتك
ه ه ه ه ه ه ه
يلچنت انت العنايه والرعايه للبشر
ارضيت قدرك فيض نحرك وانت چنت انت القدر
السيف من خاض ابدمائك دمك عليه انتصر
وياهو مثلك عله اعداءه يفيض دمعات النحر
من نضرتك اضلمت الدنيه بعيوني من نضرتك
من دفنتك ادفن ابروحي يبويه من دفنتك
ه ه ه ه ه ه
ثلث تيام انت باقي يبو اليمه بلا دفن
وآنه امشي بگيد يسري وجرحي لجروحك يحن
الدنيه مارحمتك وانت الهه ميزان وركن
الناس مسروره ابچتلتك والوحش يمك يچن
ابهم حضنتك وقبّلت نحرك الدامي ابهم حضنتك
من دفنتك ادفن بروحي يبويه من دفنتك
ه ه ه ه ه ه ه
الأرض ويه السمه الوسعه تنتحب والهن دوي
الگاع من شافتني اجيتك جوه جدمي تنطوي
الماي مهر امك الزهره يلمتت مامرتوي
وانه وي عبد الله رايد گبرك النه يحتوي
مانصفتك من رحت عنك اميسر مانصفتك
من دفنتك ادفن بروحي يبويه من دفنتك
ه ه ه ه ه ه ه
ايعينك الله عله المصايب يامصيبه التنحمل
امصاب أبو فاضل وخوته لو مصابك بالطفل
بويه ياجرح التعوفه وياجرح منهن سهل
وجرح زينب بويه يكتل حين صعدت عالهزل
جرح الأكبر لو جرح جسام يابويه اليفتك
من دفنتك ادفن بروحي يبويه من دفنتك
ابو احمد الهنداوي
https://www.tg-me.com/aboahmed1956
دفن الأجساد
لمة عزاء
المستهل
من دفنتك ادفن بروحي يبويه من دفنتك
ه ه ه ه ه ه ه
هايبويه اشلون ادفنك وانت هاي الواسعه
وياگبر ياخذ الدنيه وهالمساحه الشاسعه
انت ياباب الصلاة ويا تسابيح الدعه
بويه كوم وشوف حالي عليك امشي المشرعه
من فگدتك كلشي راح وراح كلشي من فگدتك
من دفنتك ادفن بروحي يبويه من دفنتك
ه ه ه ه ه ه ه
يلچنت انت العنايه والرعايه للبشر
ارضيت قدرك فيض نحرك وانت چنت انت القدر
السيف من خاض ابدمائك دمك عليه انتصر
وياهو مثلك عله اعداءه يفيض دمعات النحر
من نضرتك اضلمت الدنيه بعيوني من نضرتك
من دفنتك ادفن ابروحي يبويه من دفنتك
ه ه ه ه ه ه
ثلث تيام انت باقي يبو اليمه بلا دفن
وآنه امشي بگيد يسري وجرحي لجروحك يحن
الدنيه مارحمتك وانت الهه ميزان وركن
الناس مسروره ابچتلتك والوحش يمك يچن
ابهم حضنتك وقبّلت نحرك الدامي ابهم حضنتك
من دفنتك ادفن بروحي يبويه من دفنتك
ه ه ه ه ه ه ه
الأرض ويه السمه الوسعه تنتحب والهن دوي
الگاع من شافتني اجيتك جوه جدمي تنطوي
الماي مهر امك الزهره يلمتت مامرتوي
وانه وي عبد الله رايد گبرك النه يحتوي
مانصفتك من رحت عنك اميسر مانصفتك
من دفنتك ادفن بروحي يبويه من دفنتك
ه ه ه ه ه ه ه
ايعينك الله عله المصايب يامصيبه التنحمل
امصاب أبو فاضل وخوته لو مصابك بالطفل
بويه ياجرح التعوفه وياجرح منهن سهل
وجرح زينب بويه يكتل حين صعدت عالهزل
جرح الأكبر لو جرح جسام يابويه اليفتك
من دفنتك ادفن بروحي يبويه من دفنتك
ابو احمد الهنداوي
https://www.tg-me.com/aboahmed1956
❤2
٩٣
گعديه
دفن الاجساد
ه ه ه ه ه ه
المستهل
ياعمه يلسجاد حاچيني يلرحت عني ودمعتي بعيني
هذا التراب منين چنك رحت لحسين
ياعمه يلسجاد حاجيني
ه ه ه
عمه يلسجاد گلبي يبني مايحمل غيابك
يابقية اهلي كلهم اشهلتراب العله ثيابك
چفك اليرجف شماله ودمعك ولازم صوابك
بيك انه اشمن كربله وريحة كفيل العايله
خليتني متوجله والله مابيه المصابك
يلغبت عني وايدي مچتوفه وبدموعي اصد البلدة الكوفه
ياعمه كلي وين چنك رحت لحسين
ياعمه يلسجاد حاچيني
ه ه ه ه ه
ياعلي السجاد گلبي ثلث تيام ابلهيبه
عفت اخوي حسين جثه موذره وبالدم خضيبه
وعله الشاطي هناكه طايح گمر جان وياي هيبه
كل واحد بدم النحر علترب متوذر وذر
وجبروني گوه عله السفر والجثث بالبر سليبه
فوگ التراب حسين خليته يبن امي الله وياك ناديته
گلبي انجسم نصين چنك رحت لحسين
ياعمه يلسجاد حاچيني
ه ه ه ه
ياعلي من رحت للطف جسم اخوي شلون شلته
وعلتراب بلايه راس وصدره المرضرض حضنته
وخنصره المگطوع منه بالگبر وياه دفنته
والف وتسعمية جرح وبجسمه چم سهم ورمح
تدفن اشلون المنذبح الياكتر وجهت جثته
ياعمه جسمه ابيش غسلته وطفله الرضيع شلون وسدته
ودم العليك منين چنك رحت لحسين
ه ه ه ه
ياعلي العباس وسفه بلترب يندفن وسفه
علنهر طايح كفيلي ورايته واگعه بصفه
من دفنت الگمر بيدك هم دفنت وياه چفه
ماجبت وياك العلم ذاك الكفل بيه الحرم
من طاح ماضلت خيم وعگب عينه انعيش كلفه
ماگتله اختك عگبك بحيره ومن ديره مسبيه لعد ديره
وادفنت للچفين جنك رحت لحسين
ياعمه يسجاد حاچيني
ه ه ه ه ه
التمت عليه الفواطم ودمعه من العين سدر
رمله علقاسم تنشده وليله تنشد عله الأكبر
والرباب عله الرضيع وشْيجاوبهن تحيّر
وجتي رقيه وشبگته وهوه شبگهه بدمعته
وعن الابو من نشدته حس علي بضلعه تكسر
وينضر حميده بگلب متالم مانشدته عن الابو مسلم
وسكنه تگله وين چنك رحت لحسين
ياعمه يلسجاد حاجيني
ه ه ه ه ه
وحنه هالليله ننشده العلي السجاد بدمعنه
انگله يابو الباقر اقبل وانضر بعينك وضعنه
وانته تتلگانه ندري للمجالس لو شرعنه
يلوالي نكتبلك عهد
مانرد عنكم للابد
وهلمجلس الليله شهد
وابد ماننسه أبو اليمه الدنيه وشجارت علينه
أبو احمد الهنداوي
https://www.tg-me.com/aboahmed1956
گعديه
دفن الاجساد
ه ه ه ه ه ه
المستهل
ياعمه يلسجاد حاچيني يلرحت عني ودمعتي بعيني
هذا التراب منين چنك رحت لحسين
ياعمه يلسجاد حاجيني
ه ه ه
عمه يلسجاد گلبي يبني مايحمل غيابك
يابقية اهلي كلهم اشهلتراب العله ثيابك
چفك اليرجف شماله ودمعك ولازم صوابك
بيك انه اشمن كربله وريحة كفيل العايله
خليتني متوجله والله مابيه المصابك
يلغبت عني وايدي مچتوفه وبدموعي اصد البلدة الكوفه
ياعمه كلي وين چنك رحت لحسين
ياعمه يلسجاد حاچيني
ه ه ه ه ه
ياعلي السجاد گلبي ثلث تيام ابلهيبه
عفت اخوي حسين جثه موذره وبالدم خضيبه
وعله الشاطي هناكه طايح گمر جان وياي هيبه
كل واحد بدم النحر علترب متوذر وذر
وجبروني گوه عله السفر والجثث بالبر سليبه
فوگ التراب حسين خليته يبن امي الله وياك ناديته
گلبي انجسم نصين چنك رحت لحسين
ياعمه يلسجاد حاچيني
ه ه ه ه
ياعلي من رحت للطف جسم اخوي شلون شلته
وعلتراب بلايه راس وصدره المرضرض حضنته
وخنصره المگطوع منه بالگبر وياه دفنته
والف وتسعمية جرح وبجسمه چم سهم ورمح
تدفن اشلون المنذبح الياكتر وجهت جثته
ياعمه جسمه ابيش غسلته وطفله الرضيع شلون وسدته
ودم العليك منين چنك رحت لحسين
ه ه ه ه
ياعلي العباس وسفه بلترب يندفن وسفه
علنهر طايح كفيلي ورايته واگعه بصفه
من دفنت الگمر بيدك هم دفنت وياه چفه
ماجبت وياك العلم ذاك الكفل بيه الحرم
من طاح ماضلت خيم وعگب عينه انعيش كلفه
ماگتله اختك عگبك بحيره ومن ديره مسبيه لعد ديره
وادفنت للچفين جنك رحت لحسين
ياعمه يسجاد حاچيني
ه ه ه ه ه
التمت عليه الفواطم ودمعه من العين سدر
رمله علقاسم تنشده وليله تنشد عله الأكبر
والرباب عله الرضيع وشْيجاوبهن تحيّر
وجتي رقيه وشبگته وهوه شبگهه بدمعته
وعن الابو من نشدته حس علي بضلعه تكسر
وينضر حميده بگلب متالم مانشدته عن الابو مسلم
وسكنه تگله وين چنك رحت لحسين
ياعمه يلسجاد حاجيني
ه ه ه ه ه
وحنه هالليله ننشده العلي السجاد بدمعنه
انگله يابو الباقر اقبل وانضر بعينك وضعنه
وانته تتلگانه ندري للمجالس لو شرعنه
يلوالي نكتبلك عهد
مانرد عنكم للابد
وهلمجلس الليله شهد
وابد ماننسه أبو اليمه الدنيه وشجارت علينه
أبو احمد الهنداوي
https://www.tg-me.com/aboahmed1956
٩٤
دفن الأجساد (عكيلي)
ه ه ه ه ه ه ه
يحسين وياك ادفن عمري
ه ه ه ه
ادفن روحي وادفن گلبي
وبدمع اعيوني الكم اربي
ماوچد بخلافك دربي
ومايصبر من عگبك صبري
ه ه ه
ياجمر مصابك مايطفه
وياجفن الشافك مايغفه
جرحك بيه لا مايشفه
ولسه الخيل اتدوس بصدري
ه ه ه
انظرلك ودموعي بعيني
والمنحر دامي يناديني
بطفلك يابويه اتوصيني
خل يتوسط نحره النحري
ه ه ه
اشلون ادفن للآيه الكبره
اشلون ادفن محبوب الزهره
ادفن للكرار وعمره
اتمنيت وياك احفر گبري
ه ه ه
عگب حسين ادفنت الأكبر
بجمرات گليبي التتوجر
ياخويه وعگبك مااكدر
ادفن والمدمع دم يجري
ه ه ه
ادفنت الأنصار بآهاتي
وعليهم تنزل دمعاتي
واخذتني عله الشط خطواتي
بيا عين انظرلك ماادري
ه ه ه
الصوب الماي امشيت بجدمي
واتمايل وصرخ ياعمي
تلث تيام اتركتك مرمي
يلعباس اتقبل عذري
ه ه ه
مصابك ياعمي يأذيني
وللكوفه هناكه يوديني
زينب كلساعه تناديني
وتنشد وين الكافل خدري
أبو احمد الهنداوي
دفن الأجساد (عكيلي)
ه ه ه ه ه ه ه
يحسين وياك ادفن عمري
ه ه ه ه
ادفن روحي وادفن گلبي
وبدمع اعيوني الكم اربي
ماوچد بخلافك دربي
ومايصبر من عگبك صبري
ه ه ه
ياجمر مصابك مايطفه
وياجفن الشافك مايغفه
جرحك بيه لا مايشفه
ولسه الخيل اتدوس بصدري
ه ه ه
انظرلك ودموعي بعيني
والمنحر دامي يناديني
بطفلك يابويه اتوصيني
خل يتوسط نحره النحري
ه ه ه
اشلون ادفن للآيه الكبره
اشلون ادفن محبوب الزهره
ادفن للكرار وعمره
اتمنيت وياك احفر گبري
ه ه ه
عگب حسين ادفنت الأكبر
بجمرات گليبي التتوجر
ياخويه وعگبك مااكدر
ادفن والمدمع دم يجري
ه ه ه
ادفنت الأنصار بآهاتي
وعليهم تنزل دمعاتي
واخذتني عله الشط خطواتي
بيا عين انظرلك ماادري
ه ه ه
الصوب الماي امشيت بجدمي
واتمايل وصرخ ياعمي
تلث تيام اتركتك مرمي
يلعباس اتقبل عذري
ه ه ه
مصابك ياعمي يأذيني
وللكوفه هناكه يوديني
زينب كلساعه تناديني
وتنشد وين الكافل خدري
أبو احمد الهنداوي
Telegram
الشاعر الحسيني ابو احمد الهنداوي
قصائد حسينيه منبريه
❤3
٩٥
موشح دفن الاجساد
ه ه ه
علي السجاد المدامع جابته
يم ابوه وتجري منه دمعته
ه ه
ثلث تيام الامام عله التراب
وبي الف صار وتسعمية صواب
اجه من الكوفه علي وجابه المصاب
وبوسط دلاله تسعر جمرته
ه ه ه
علي السجاد اعتنه ويهمل العين
الجدم مايكدر يحمله ولا يعين
ينادي يامظلوم يابويه الحسين
وطاح بس ماشاف ذيجه جثته
ه ه
يكله بويه خلافك الدنيه تروح
وابد مايشفن يبو اليمه الجروح
عفت زينب بويه بالكوفه تنوح
وراسك المرفوع ابد ماعافته
ه ه ه
حفر حفره ولدمع عينه يدير
امنين مايحمل ابيه مايصير
وكالهم يااسد جيبولي حصير
اواره ابوه وزاد همه وحسرته
ه ه ه
وجاب عبد الله الرضيع بكل حزن
وفوك صدر حسين خلاه ويون
بويه ريت وياكم انه اندفن
وكام والحسره تشيله وذبته
ه ه ه
كام. للانصار وبكلبه اللهيب
وكلهم دفنهم ورد راح الحبيب
يكله ياعم انت واسيت الغريب
ويم ابو السجاد صارت حفرته
ه ه ه
رد عله الشاطي ودمع عينه انهمر
راح يدفن عالنهر ذاك الكمر
لم يساره ويمنته ودار النضر
للعلم طايح ويمه جربته
ه ه
رد علي للكوفه وبيا حال رد
الضهر محني وخاوي من عده الجسد
اتساله عمته وين وبدمعاته رد
توني اجيت من الشهيد ودفنته
ابو احمد الهنداوي
موشح دفن الاجساد
ه ه ه
علي السجاد المدامع جابته
يم ابوه وتجري منه دمعته
ه ه
ثلث تيام الامام عله التراب
وبي الف صار وتسعمية صواب
اجه من الكوفه علي وجابه المصاب
وبوسط دلاله تسعر جمرته
ه ه ه
علي السجاد اعتنه ويهمل العين
الجدم مايكدر يحمله ولا يعين
ينادي يامظلوم يابويه الحسين
وطاح بس ماشاف ذيجه جثته
ه ه
يكله بويه خلافك الدنيه تروح
وابد مايشفن يبو اليمه الجروح
عفت زينب بويه بالكوفه تنوح
وراسك المرفوع ابد ماعافته
ه ه ه
حفر حفره ولدمع عينه يدير
امنين مايحمل ابيه مايصير
وكالهم يااسد جيبولي حصير
اواره ابوه وزاد همه وحسرته
ه ه ه
وجاب عبد الله الرضيع بكل حزن
وفوك صدر حسين خلاه ويون
بويه ريت وياكم انه اندفن
وكام والحسره تشيله وذبته
ه ه ه
كام. للانصار وبكلبه اللهيب
وكلهم دفنهم ورد راح الحبيب
يكله ياعم انت واسيت الغريب
ويم ابو السجاد صارت حفرته
ه ه ه
رد عله الشاطي ودمع عينه انهمر
راح يدفن عالنهر ذاك الكمر
لم يساره ويمنته ودار النضر
للعلم طايح ويمه جربته
ه ه
رد علي للكوفه وبيا حال رد
الضهر محني وخاوي من عده الجسد
اتساله عمته وين وبدمعاته رد
توني اجيت من الشهيد ودفنته
ابو احمد الهنداوي
Telegram
الشاعر الحسيني ابو احمد الهنداوي
قصائد حسينيه منبريه
❤2