مع سماحة الشيخ الحبيب علي السماوي

مشتاگ ييمه ،، ييمه ،،، ييمه


،،،،،،،،،،،،،،،،،،،،،،،،،،،

حيل مشتاگ واجيت المگبره
يمه گلبي بفرگتچ شيصبره ؟
البيت من دونچ خنگني بمنظره
يمه بعدچ جنه ؟ لو متغيره ؟

ذاگه وجهچ وينه يمه احچيلي
من شفت گبرچ تهدم حيلي

گعدي احاچيچ
رويحتي شبيچ
مخنوگ ييمه ،، ييمه ،،، ييمه
مشتاگ ييمه ،،، ييمه ،،، ييمه


،،،،،،،،،،،،،،،،،،،،،،،،

يمه اخبرچ وحشه صارت دارچ
يم هلا ومية هلا شخبارچ
زحمه كف رجله وگطع خطارچ
رجعي لتقنعيني موت اعذارچ

هلجبتلچ شيلتچ يمه وعباتچ
گومي ردي وياي من فدوه لحياتچ

مو وكت نوم
گلبي مهضوم
شنساچ ييمه ،،، ييمه ،، ييمه
مشتاگ ييمه ،،، ييمه ،، ييمه

،،،،،،،،،،،،،،،،،،،،،

ما وفيت وعايش انه بدونچ
كون ميت واندفن بعيونج
يمه يم كلب الحنين شلونج
عمت عيني شگد هدلت متونج

چنتي متعوبه وعلى چتافچ انام
مو جتف لا والله بيت الله الحرام
واغفى ساعات
بحظنچ ايات
محروم ييمه ،، ييمه ،، ييمه
مشتاك ييمه ،، ييمه ،، ييمه

،،،،،،،،،،،،،،،،،،،،،

يمه شحچيلچ عذابي وحالي
الشافني يگلي انفجعت بغالي ؟
هيچ واضح موتچ بدلالي
مو هدم لا صعبه اجر خيالي

هالوصلتچ بس نفس ما بيه حيل
ابنچ أويم گبرچ يصيح دخيل

بنفس التراب
هالعمر غاب

ما اعيش ييمه ،، ييمه ،، ييمه
مشتاگ ييمه ،، ييمه ،، ييمه

،،،،،،،،،،،،،،،،،،،،،

گمت اشم بترابچ واشگيلچ
والله حيره بيا دمع أبچيلچ
محد يحس بيه يمه دخيلچ
كلمن بروحه التهى وشحچيلچ

هسه لو مرني المرض واذاني
محد يباريني وابقى متاني

لحظنچ اشتاگ
موت الفراگ

دمعات ييمه ،، ييمه ،، ييمه
مشتاگ ييمه ،، ييمه ،، يمه


،،،،،،،،،،،،،،،،،،،،،،،،،

ردت انام بگبرچ ومنعوني
وانه اصيحن يمهه بس خلوني
الدنيه بعدچ مگبره يعيوني
دفنوني يم بخت السلف دفنوني

محتاج اردن للزغر بس ليله
وارتاح باحضانج واشم الشيله


بس ردت صوت
ما رضى الموت

هيهات ييمه ،،، ييمه ،، ييمه
مشتاگ ييمه ،،، ييمه ،، ييمه

كلمات الخادم / #رعد الفريجي

يبو محمد رضا لاتحچي بيهم
هذوله ازغار لاتعتب عليهم
عندك زلم فوگ اسوالف الموت
وفه العباس ينشاف باديهم
سكوتك عالي مغثوثين القزام
شكد يحچون مايوصل حچيهم
المهم سالم وغانم ياضوه العين
هذوله احنه بالف مانشتريهم

نزلة ميمر زنجيل
لمحرم الحرام عامة تناسب اي ليلة من ليالي عاشوراء

مـا شـفـنـا ميت ينداس تحت الحوافر صدره
بـس الـغـريـب المظلوم الضـامـي روح الزهره
ــــــ
ما شـفـنـا ميت ينسلب قمصانه
وتحت الحوافر ينسحق جثمانه
من دمه غـسـلـه والترب أچفانه
ريانه مـن دمه القاع او من ماها بخلت قطره
ــــــ
حسين انذبح عالمشرعه يا أُمَّه
عطشان والقاع ارتوت من دمه
وابأربعين امـن الحوافر جسمه
أعـضـائـه صـارت اشـلاء فوق الـثـرى متعفره
ــــــ
مـيـت ذبـيـح امقطعات اوصاله
وقت الـذبـح داسه الشمر بنعاله
اوصارت اراضـي كـربـلـه زلزاله
ابـسـيـف الـبـغـي والأحقاد حز الضبابي نحره
ــــــ
سبط النبي ياشِيعِتَه فوق ارمال
بـعـد الذبح راسه ارتفع عالعسّال
ضـجـت سمـاوات العُلَه بالوِلْوَالْ
لِـمْـصِـيـبِـتـه ضج الـكون بِالنَّايِبَه او بالحسره
ــــــ
فوق الرمح تتلاعب ابشيبه الريح
ياوسفى بوداج النحر دمه ايسيح
واشـفـافـه تلهج بالذكر والتسبيح
والشيبه خاضبها ادماه ياوسفى صارت حمره
ــــــ
نـسـوانـه من بـعـد الخدر سلبوها
واخـيـامـه بالنـار الـعـدى حرقوها
واطفاله بسياط الـحـقـد ضربوها
ودمع اخته فوق الخدين يچويها مثل الجمره



رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي

عبدالله الفقير وخادم تراب الإمام الحسين عليه السلام
السيد موسى السلمان الأحسائ

يهدى ثواب القصيدة لصاحبها سيدي ومولاي وولي نعمتي الإمام الحسين عليه السلام وإلى روح جدتي المرحومة الحاجة مريم حسين العسكر وجدتي المرحومة الحاجة بتلاء حسن الفوز وعمي المرحوم الحاج السيد أحمد السلمان الفاتحة لهم مع الصلوات

ونسأل من الله القبول ..الناشر رحيل القوافي الفاتحه إلى روح ا بوي العزيز

أَجمـل التهاني والتبريكـات 🌹 🌹🌹
نرفعها إلىٰ مقام مولانا ساحة القداسة بقيـَّة الله الإمام المهديّ المنتظر مُحَمَّد بن الحسن (عجـَّل الله تعالىٰ فرجه الشَّـريف )
وإليكم بحلـول عيد الأَضحىٰ المُبـارك

سائلين المولىٰ العليّ القدير أَن يُعيده علىٰ الجميع وهم يرفلون بلباس العافية والسَّلامة ، ومتمنِّـين لهم قبول الطَّـاعات والأَعمال وأَن يجعلنا وإيِّـاكم من السَّائرين علىٰ نهج وفكر وأَخلاق أَهل البيت ( عليهم السَّلام )

وكـل عـامٍ وأَنتـم لله تبارك وتعالىٰ أَقـرب
🌺🌼🍃🍂🍃🍂🌺🌸🍃🍂🍃