Koronavirus sabab Buyuk Britaniya Hukumati yig'ilishi tarixda birinchi marotaba video-konferens aloqa tarzida o'tkazildi.

@aburxanov

Bugun hammaning e’tibori koronavirus pandemiyasiga qaratilganligi shubhasiz. Lekin hayot to’xtagani yo’q, mutasaddi idoralar 2020 yil Davlat dasturining o’z vaqtida bajarilishini ta’minlashga harakat qilmoqdalar. Xususan, regulation.gov.uz portaliga O’zbekisrton Respublikasi Prezidentining yangi – Oliy ta’lim muassasalariga kirish imtihonlarini yanada soddalashtirishga qaratilgan qarori loyihasi muhokamaga qo’yildi. Unga ko’ra 2021/2022 o'quv yilidan boshlab O’zbekistonda maktab bitiruvchilar yakuniy davlat attestatsiyasi hamda oliy ta’lim muassasalariga o’qishga kirish sinovlarini birlashtirib, majburiy fanlar va maktab bitiruvchisi tanlagan bakalavriat ta’lim yo’nalishiga mos 2ta fan bo’yicha yagona test sinovlari aprel-may oylarida o’tkazilishi belgilanmoqda. Test sinovlarining natijalari esa ertasi kuni DTMning rasmiy veb saytida e’lon qilinishi belgilanmoqda. Ya’ni Rossiyaning Единый государственный экзамен analogini joriy etish rejalashtirilmoqda.
https://regulation.gov.uz/ru/document/16493

@aburxanov

⚡Butun dunyo bo'ylab Koronavirusga chalingan odamlar soni 1milliondan oshdi...

Umumiy kasallanganlar: 1 000 168 nafar

Vafot etganlar: 51 354 nafar

Tuzalganlar: 210 191 nafar

2-aprel kuni 4ming 231 kishi vafot etdi...

@aburxanov

💻 COVID-19 инфекцияси туфайли дунё бўйлаб масофадан фаолият юритадиган ишчи ходимлар сонининг кескин ўсиши кузатилмоқда. Ўзбекистонда ҳам бу тенденция амалда.

Шу боис, "Юксалиш" умуммиллий ҳаракати эътиборингизга видеоконференция олиб бориш ҳамда масофадан лойиҳаларни амалга оширишда кўмаклашувчи онлайн-платформалар руйхатини тақдим этмоқда. Ушбу технологиялар ортиқча сарф-ҳаражатсиз жамоанинг алоқада бўлишига ва иш фаолиятини давом эттиришга имкон беради.

#UydaQoling
#vahimasizkarantin

@uzbyuksalish

Бугун Ўзбекистон Республикаси Президентининг “Коронавирус пандемияси даврида аҳоли, иқтисодиёт тармоқлари ва тадбиркорлик субъектларини қўллаб-қувватлашга доир қўшимча чора-тадбирлар тўғрисида”ги фармони имзоланди.
Унга кўра:

✅ 2020 йил 31 декабрга қадар 20 турдаги товарларни олиб киришда божхона божи ва акциз солиғининг ноль ставкалари белгиланди.

✅ 2020 йилнинг март–июнь ойларида тўлаш муддати тугайдиган болалари бўлган оилаларга нафақа, бола парвариши бўйича нафақа ва моддий ёрдамлар тўлаш 6 ой муддатга танаффуссиз давом эттирилади.

✅ Ўзгалар парваришига муҳтож бўлган ёлғиз кексалар ва ногиронлар ва бир марталик ниқоблар, антисептик воситалар ва бактерияга қарши совунлар жамланмаси билан бепул таъминланади.

2020 йил 1 апрелдан 31 декабрга қадар
а) туроператорлар, турагентлар ва туризм соҳасида меҳмонхона хизматлари кўрсатувчи субъектлар, “Uzbekistan Airways” АЖ ва унинг таркибий бўлинмалари, “Uzbekistan Airports” АЖ ва “Ўзаэронавигация маркази” ДУК:
- ер солиғи ва мол-мулк солиғидан озод қилинади;
- ижтимоий солиқни 1 фоиз миқдорида тўлайди;

б) фойдаланилмаётган ишлаб чиқариш майдонлари, яшаш учун мўлжалланмаган иншоотларга, шу жумладан 2020 йил 1 апрелга қадар аниқланганларга нисбатан мол-мулк солиғи ва ер солиғининг оширилган ставкаларини қўллаш, шунингдек, кўрсатилган солиқлар бўйича оширилган ставкаларни қўллаш натижасида юзага келган қарздорликка нисбатан пеня ҳисоблаш ва мажбурий ундириш чораларини кўриш тартиби тўхтатилади.

✅ Карантин тадбирлари даврида ўз фаолиятини тўхтатишга мажбур бўлган якка тартибдаги тадбиркорлар учун жисмоний шахслардан олинадиган даромад солиғи қатъий белгиланган суммасини ва ижтимоий солиқни ҳисоблаш тўхтатилади.

✅ 2020 йил 1 апрелдан бошлаб юридик шахслар томонидан газ ва электр энергияси бўйича олдиндан ҳақ тўлаш тўғрисидаги мажбурий талаб
30 фоизгача пасайтирилади.

МАРКАЗИЙ БАНК:
— тижорат банклари томонидан молиявий қийинчиликларга дуч келган юридик ва жисмоний шахслар, якка тартибдаги тадбиркорларнинг кредитлари бўйича тўловларга 2020 йил 1 октябрга қадар кечиктириш тақдим этади;

— амалга киритилган карантин режими фаолиятига салбий таъсир кўрсатган қарздорларнинг муддати ўтиб кетган кредитларига гаров таъминоти бўйича жарима санкциялари ва ундирув чоралари қўлламаслик чораларини кўради.

✅ Коронавирус инфекцияси тарқалишига қарши курашиш учун киритилган чеклов чоралари туфайли молиявий қийинчиликларга дуч келган корхоналарга нисбатан банкротлик тартиб-таомилларини қўллаш ва уларни банкрот деб эълон қилишга 2020 йил 1 октябргача бўлган муддатда мораторий жорий этилади;

— мажбурий аудиторлик текширувидан ўтказилиши лозим бўлган хўжалик юритувчи субъектларни 2019 йил якунлари бўйича аудиторлик текширувидан ўтказиш муддати 2020 йил 1 октябргача узайтирилади;

— карантинга олинган шахсларга нисбатан қўлланилган маъмурий жарималарни тўлаш муддатлари карантин муддати тугагунга қадар узайтирилади;

— 2020 йил 1 октябргача дорихоналарда тайёрланадиган дори воситалари, тиббий буюмлар ва бошқа маҳсулотларни улгуржи сотишга рухсат берилади;
карантин тадбирлари даврида ўз фаолиятини тўхтатишга мажбур бўлган тадбиркорлик субъектлари томонидан давлат мулкидан фойдаланганлик
учун ижара тўловларини ҳисоблаш ва ундириш тўхтатилади.

✅ Коронавирус инфекциясига қарши курашиш бўйича тиббиёт ва карантин муассасалари қурилиши учун зарур бўлган қурилиш материаллари, шунингдек, улар фаолият кўрсатиши учун зарур товарлар 2020 йил 31 декабргача муддатга божхона тўловларидан, шу жумладан ҚҚСдан озод этилади;

— коронавирус инфекциясини аниқлаш бўйича экспресс-тестларни олиб киришда улар учун божхона расмийлаштируви йиғими ундирилмайди.

@aburxanov

"Юксалиш" умуммиллий ҳаракати раиси Акмал Бурханов пандемия шароитида муҳтожларга бепул психологик ёрдам кўрсатиш ташаббусини билдирган бир гуруҳ фаолларга ўз миннатдорлигини билдирди

👉Телеграм канал: https://www.tg-me.com/psixologikmaslaxat
👉Савол йўллаш: https://www.tg-me.com/psixologikmaslahat_GT_bot

Токио BBT (Бизнес ютуқлари) университетида карантин қоидаларига риоя қилиш мақсадида Битирув маросимида университет битирувчилари дипломларини масофадан туриб, роботлар орқали қабул қилиб олишди.

#UydaQoling
@aburxanov

Маҳаллий ҳокимиятлар Президент ва Махсус комиссия қарорларини аниқ ижро қилиши керак, уни бўрттириш ёки ўзидан ташаббус қилиб қўшиб бажарилиши тўғри эмас. Мисол учун Тошкент шаҳри маҳаллаларидан бири шундай тўлиқ ёпилган. Агар ёнғин содир бўлса ёки бирор фуқаро соғлиғи оғирлашса на тез тиббий ёрдам, на ўт ўчирувчилар кира олмайди.

@aburxanov

Covid-19 вирусини юқтирганларни даволаш учун бир кунда қанча маблағ сарфланмоқда? Касалликнинг оғир ёки енгил кечишига қараб турли давлатларда бу миқдор турлича баҳоланади. Хусусан (АҚШ долларида):
Хитойда 215$ дан 1535$ гача;
Россия Федерациясида 821$ дан 2767$ гача;
Чехияда 800$ дан 6000$ гача;
АҚШда 3034$ дан 5307$ $ гача;
Украинада 180$ дан 360$ гача;
Молдовада 125$ дан 295$ гача маблағ сарф қилинмоқда.
Шунингдек, даволашга кетадиган ушбу харажатлардан ташқари, врачларнинг маскаси, махсус кийими, кўзойнаги ва қўлқопларига алоҳида маблағ сарфланади. Айрим давлатларда, ушбу миқдор тиббий суғурта тизими орқали тўлиқ ёки қисман қопланади, айримларида эса 100 фоиз фуқаро томонидан тўланади, айримларида эса (масалан Ўзбекистон ва Италияда) ушбу маблағлар тўлиқ давлат томонидан ажратилади. Яна шуни таъкидлаш керакки, касалланганларни даволаш муддати камида 14 кун давом этади.

@aburxanov
#UydaQoling

АҚШда карантинда ўтирган фуқаро уйидан туриб кофе сотиб олиб, Дрон орқали қабул қилиб олибди. Агар бу фуқаро ушбу ҳаракатларини Ўзбекистонда амалга оширганида, Жиноят кодексига мувофиқ, унга уч йилгача озодликдан маҳрум қилиш жазоси тайинланган бўлар эди.

@aburxanov
#UydaQoling