Хурман мутта ду хӀара, Мисрехь хилларг дика кхетар ву кху суьртах, хӀун ду а ца хаьа, мархийн баттахь ца хилча йиш йоцуш чӀогӀа дезаш мутта ду хӀара, мархийн бутт дӀабаьлча цкъа а дага а ца догӀу, ткъа хӀинца мархийн бутт бу богӀуш, мутта дац!

АллахӀа цу мархийн батте кхачадойла вай, АллахӀ реза волчу кепара и мархийн бутт кхабар а лойла, жоьжахатих цу баттахь хьалхадитинчех а дойла.
✈️Ӏадлан Харачо

Шайх Iабдул-Iази‌з ТIари‌фис (АллахIа Iалашвойла иза) боху:

«Марха кхаба ницкъ ца кхочуш цамгар елахь, я и кхаьбча цунна зен а деш, хало хуьлуш цамгар елахь, я и кхаьбча гIоли хилар дахлур долуш цамгар елахь, и кхаьбча валарна кхоьруш цамгар елахь-м хIетте а, оцу дерриге хьелашкахь марха ца кхаба йиш ю, цу тIехь салафашна юккъехь къовсам а бац».

[Тафси‌р вал-байа‌н, агIо: 1/231]
✈️Ӏадлан Харачо

Шайх Мухьаммад Хьасса‌на (АллахIа Iалашвойла иза) боху:

«ТIебеа мархийн бутт, самукъадолийла-кх вайн!... Самукъадала хьакъ ду-кх вайна... Само елахь ас олучунна, АллахIаца доьху ас хьоьга, хIинцца хьайга аьлча, цхьа итт де я ши кIира даьлча, итт миллион доллар са ер ю хьуна, АллахIаца доьху ас хьоьга, лахахь хьайн дагчохь бакъдолу иман, хьайн тешаран марзо, ши кIира даьлча итт миллион доллар хьайна са ер ю аьлча, АллахI воцург, кхин Дела ца хиларца дуй ма буу ас, муъмин стеган самукъа ма долу мархийн бутт тIебарца, итт миллион доллар са ер ю аьлла шена кхаъ баьккхича чул а чIогIа!».
 
[Хьехам: Жа‌а рамада‌ну фал-нафрахь]
✈️Ӏадлан Харачо

Ибн Ӏабдул-Барра (АллахIа къинхетам бойла цунах) аьлла:

«АллахӀа «марха Шен ду» аларца кхачам бу хьуна цу мархийн дозаллина кхидолчу Ӏибадател а».

[Фатхьул-ба́рий, агӀо: 5/220]
✈️Ӏадлан Харачо