Вайн Шайх а, Имам а волу Iабдул-Iази́з ибн IабдуллахI ибн Ба́за (АллахӀа къинхетам бойла цунах) олуш хезира суна: «АллахIан шарIаца доцуш, кхечуьнца хьукма динарг хIокху деаннах цхьана декъана юкъавахана:

1- «Ас хьукма кхуьнца до, хIунда аьлча бусалба динан шарIал а хIара гIоли долун дела», - цо бахахь, динчуьра аравоккхуш долу доккха керстаналла ду цо динарг.

2- «Ас хьукма кхуьнца до, хӀунда аьлча бусалба динан шарI санна ду хIара а, кхуьнца а мегаш ду хьукма дан, шарIаца а мегаш ду», - цо бахахь, цо динарг динчуьра аравоккхуш долу доккха керстаналла ду.

3- «Ас хьукма кхуьнца до, амма бусалба динан шарIаца дар гIоли-м ду, делахь а, АллахIа доссийна доцчуьнца а мегаш ду хьукма дан», - цо бахахь, цо динарг динчуьра аравоккхуш долу доккха керстаналла ду.

4- «Ас хьукма кхуьнца до, АллахIа доссийначуьнца бен хьукма дан мегаш доций сайна хуушехь». «Бусалба динан шарIаца хьукма дар гIоли ду, и доцчуьнца хьукма дан мегаш а дац», - ша боххушехь могуьйту цо я шен лакхарачеран омра кхочушдархьама леладо цо иза, ткъа ишттачо динарг динчуьра ара ца воккхуш долу жима керстаналла ду, уггар даккхийчу къиношха лоруш а ду».

[Бара́хӀи́нул-жалиййахӀ, агӀо: 49-50]
✈️Ӏадлан Харачо

Шайх Ӏусма́н Хами́с (АллахӀа Ӏалашвойла иза) боху:

«Цхьаъ вухакхетча, шайн тайпанца вогӀуш вац аьлла йоӀ яхийтарх, ша яхийтича цунах кхин анпалш хила а тарло аьлла хеташ, хӀумма а дац-кх, уьш къеста ма де аьлла тӀедожийна дац цунна. Вайн Шайх волчу Шайх Ӏусаймине (АллахӀа къинхетам бойла цунах) цхьана вашас хаьттина дагадогӀу-кх суна, цо элира: «Мегар дуй суна зуда яло, сайн тайпанца йогӀуш а йоццушехь?». Шайхо хаьттира цуьнга, со вара цигахь, Шайхо элира: «Ахь ялийча цу гӀуллакхан тӀаьхьало муха хир ю аьлла хета хьуна?». Цо жоп делира: «Сан цхьаболу гергарчу наха гергарло хадо мега соьца, бист ца хуьлуш, царах цхьаболу жехӀалша-м тохарца тӀе куьг кховдо а мега». Шайхо олуш дагадогӀу суна: «Кхиниг лаха хьайна, ма ялае иза, кхечуьнга хьажа, хьайн тайпанца йогӀучуьнга хьажа. Айхьа-хьайна анпалш хӀунда лоьху ахь, хьайн тайпанца йогӀург ялаехьа!».

-Кху къамелах лууш дерг, и санна дерг лар ца дича цуьнан тӀаьхьалонах анпалш, гергарлонаш хедор хиларна кхоьруш велахь, шайн тайпанца йогӀург ялор ю-кх, нагахь иштта хир дац аьлла хетахь, тӀаккха шена хетарг дер... Дукхах болчу Ӏеламнаха бохучунна тӀедоьгӀча, цуьнан хьакъ ду-кх иза, шена лаахь вухакхета, шен тайпанца йогӀуш яц аьлла ца ялош (иштта кӀант шайн тайпанца вогӀуш вац аьлла йоӀ ца йохуьйтуш вухакхета а).

[Хьехам: Ма́ хӀуват-така́фуъ бин-насаб]
✈️Ӏадлан Харачо

Кху шаӀбан баттахь дерриге умматан шеран Ӏамал шена тӀееъча АллахӀана хӀун гур ду техьа? Гур ду те уммат дикачу агӀора хийцаделла, тӀаккха хӀара шо АллахӀа вайна дан а дlадаханчу шерал дика а, беркате а?! Я гур ду те АллахӀана вайн хьал вочу агӀора, кхин а телхина, тӀаккха хӀара шо даханчу шерал а вон хила: баланаш, сингаттамаш, гӀайгӀанаш, тӀемаш, зенаш даханчу шарал а алсамдовла?!

АллахӀа боху: «АллахӀа адамера хьал хуьйцуш ма вац, уьш шаьш цкъа хийцабаллалц». [Сурат: РаӀд, аят: 11]
✈️Ӏадлан Харачо