Шайх Халид ЖухӀанис (АллахӀа Ӏалашвойла иза) боху:

«Тавхьид - иза Лекха а, ЦӀена а волу АллахӀ цхьаъ вар ду, массо хӀума кхуллуш верг а, лелош верг а, массеран Эла верг а, Паччахь верг а Иза Ша цхьаъ ву аьлла. Иштта и цхьаъ вар а ду, Лекха а, ЦӀена а ву Иза, Ӏибадат Цунна бен ца дарца а, Цуьнан цӀершкахь а, куьцашкахь а».

[ХӀидайатур-рашидахӀ, агӀо: 35]
✈️Ӏадлан Харачо

Шайх Халид ЖухӀанис (АллахӀа Ӏалашвойла иза) боху:

«Нахе ша хаставайта лууш йина Ӏамал къобалъеш яц Сийлахь, Тоьлла волчу АллахӀа!».

[ХӀидайатур-рашидахӀ, агӀо: 65]
✈️Ӏадлан Харачо

Шайх Халид ЖухӀанис (АллахӀа Ӏалашвойла иза) боху:

«Бозбуунчалла лело Ӏамийнарг а, иза нахана хьехнарг а, я иза нахана лелийнарг а керстаналла деш ву!».

[ХӀидайатур-рашидахӀ, агӀо: 68]
✈️Ӏадлан Харачо

Шайх Халид ЖухӀанис (АллахӀа Ӏалашвойла иза) боху:

«Элчано (саллаллахӀу ӀалайхӀи ва саллам) ца магийначух уггаре даккхийчех ду бозбуунчалла, хӀунда аьлча дуьненахь а, эхартахь а дакъазалле кхачош и долун дела, Абу ХӀурайрата (АллахӀ реза хуьйла цунна) дийцина, Пайхамара (саллаллахӀу ӀалайхӀи ва саллам) элира аьлла: «ХӀаллаквеш долу ворхӀ къинах ларлолахь». Цара хаьттира: «ХӀай АллахӀан Элча, муьлхурш ду уьш?». Цо жоп делира: «АллахӀаца накъост лацар, бозбуунчалла, АллахӀа бакъо елла доцуш, Цо де хьарам дина адам дер, риба даар, боберийн даьхни даар, тӀамехь керстана дуьхьалакхетча кхеравелла вадар, вон дерг дага а ца деъна болчу муъмин-зударшна тӀе вон цӀе кхоллар». [Бухарий: 2766, Муслим: 89]

[ХӀидайатур-рашидахӀ, агӀо: 69]
✈️Ӏадлан Харачо