«ХӀара ду-кх АллахӀан кхоллар, ткъа аша гайтиша суна И воцчо кхоьллинарг!».

[Сурат: Лукъман, аят: 11]
✈️Ӏадлан Харачо

Ӏусма́н ибн Ӏаффа́на (АллахӀ реза хуьйла цунна) аьлла:

«Вай дегнаш цӀандича, Къуръанах вай Ӏебар ма дацара».

[Ад-да́у вад-дава́у, агӀо: 335]
✈️Ӏадлан Харачо

Имам Ша‌фиIис (АллахIа къинхетам бойла цунах) аьлла:

«Бозбуунчалла лелош верг вуьйр ву, нагахь цо лелош дерг керстаналле вуьгуш бозбуунчалла хиллехь, нагахь цо лелош дерг керстаналле вуьгуш дерг ца хиллехь, вуьйр вац».

[Сунан: Тирмизий, агӀо: 518]
✈️Ӏадлан Харачо

Имам Нававис (АллахӀа къинхетам бойла цунах) аьлла:

«Ӏеламнаха аьлла: «Массо къинойх тоба дар важиб ду, нагахь къа лений, Лекха волчу АллахӀаний юккъехь делахь, адамийн хьаккъах хоттаделла доцуш, цуьнан кхо бехкам бу:

Хьалхарниг: Оцу къинах дӀахадар.
ШолгӀаниг: И къа ша дарна дохковалар.
КхоалгӀаниг: И къа кхин дийр дац аьлла дог-ойла чӀагӀъяр.
Нагахь оцу кхааннах муьлхха а цхьа бехкам кхочуш ца хилахь, цуьнан тоба къобалдийр дац. Нагахь латийна долу къа адамийн хьаккъах хоттаделла делахь, тӀаккха цуьнан бехкамаш биъ бу: И лакхара кхоъ а, иза къинтӀера ваккхар а, нагахь цуьнан къа латор даьхни (лачкъор я схьадаккхар), я цунах терра долчунна хьокъехь хиллехь, цуьнан даьхни юхадерзор ду. Нагахь тӀехь йоцу цӀе кхоьллинехь, боьха дерг лелийна аьлла я цунах терра долчуьнца, шена догӀу таӀзар дойтур ду я иза къинтӀера воккхур ву. Нагахь гӀибат динехь къинтӀера воккхур ву (ша гӀибат динарг)»».

[Рийа‌дус-са‌лихьи‌н, агӀо: 13]
✈️Ӏадлан Харачо

Имам Нававис (АллахӀа къинхетам бойла цунах) аьлла:

«Къуръано а, суннато а, умматан ижмаӀо а гойту тоба дар важиб хилар, Лекха волчу АллахӀа аьлла: «Аша массара АллахӀе тоба де, хӀай муъма нах, шу декъала хилийтархьама». [Сурат: Ну‌р, аят: 31]

Кхин а аьлла Лекха волчо: «Аша гечдар деха шайн Деле, цул тӀаьхьа тоба а де Цуьнга». [Сурат: ХӀу‌д, аят: 3]

Кхин а аьлла Лекха волчо: «ХӀай иман диллина нах! Аша тоба де АллахӀе шайн дерриге къинойх». [Сурат: Тахьри‌м, аят: 8]

[Рийа‌дус-са‌лихьи‌н, агӀо: 13]
✈️Ӏадлан Харачо