Ибра́хӀи́м ибн АдхӀама (АллахӀа къинхетам бойла цунах) аьлла:

«Шен гайна доладинчо, шен дин лардина!Шен мацаллина сатохалуш верг хазачу гӀиллакхашка кхаьчна! Аллахӏана Ӏеса хилар мецачунна гена ду, вуьзначунна улле ду!».

[ГӀиза́ул-алба́б фи́ шархьи манзу́матил-а́да́б, агӀо: 2/116]
🚀Ӏадлан Харачо

Ӏеламнаха аьлла: «Абу-Бакр асхьабех вац бохучо керстаналла дина, хӀунда аьлча и аларца иза Къуръан харцдеш хуьлун дела (Къуръан чохь иза асхьабех ву аьлла билгалдаьккхина хиларна).
Изза аьлла Ӏеламнаха бусалба нехан нана лоруш йолчу Ӏа‌ишатна тӀехь вон цӀе йоккхучуьнан хьокъехь а, хӀунда аьлча иза цӀанъеш, цуьнан хьокъехь доьссина аяташ долун дела».

[Ал-ла-а́лиул-бахӀиййахӀ шархь ла́миййату шайхил-исла́м, агӀо: 28-29]
🚀Ӏадлан Харачо

Хьасанера (АллахIа къинхетам бойла цунах) дийцина, цуьнга цхьамма хаьттира аьлла:

«Абу-Бакр, Ӏумар везар суннат дуй?». Цо жоп делира: «Дац, мелхо а, фарз ду и шиъ везар!».

[Ал-ла-а́лиул-бахӀиййахӀ шархь ла́миййату шайхил-исла́м, агӀо: 29]
🚀Ӏадлан Харачо

Ма́лик ибн Анасера (АллахIа къинхетам бойла цунах) дийцина, цо элира аьлла:

«Салафаша шайн доьзалшна Ӏамадора Абу-Бакр, Ӏумар везар, Къуръан чуьра сурат шаьш Ӏама ма-дарра. Ткъа рафидаша шаьш жехӀал нах хиларна бӀостанехьа некъ лецира, шайн дегӀан лаамашна, бидӀаташна тӀехь дӀайсабекъабелира уьш».

[Ал-ла-а́лиул-бахӀиййахӀ шархь ла́миййату шайхил-исла́м, агӀо: 29]
🚀Ӏадлан Харачо