Имам Нававис (АллахӀа къинхетам бойла цунах) аьлла:

«Бозбуунчалла лело шена Ӏамор а, иза кхечунна дӀахьехар а хьарам ду. Нагахь цу юккъехь керстаналла делахь-м и Ӏамор а, дӀахьехар а керстаналла ду».

[Шархь Муслим Нававий, агӀо: 14/155]
✈️Ӏадлан Харачо

Шайх Iа‌дил Iазза‌зис (АллахIа Iалашвойла иза) боху:

«ШарIо магош йолу спорт, иза жихIадна пайде мел йолу а, цу жихIадан белхах мел лоруш йолу а спорт ю, масала: каратэ, дзюдо, боьрба, бег, альпинизм, иштта дIа кхин а... Ткъа цхьаболу Iеламнаха цу спортехь ахча даккхар ца магийна, кхиболу Iеламнаха иза а магийна, нагахь санна хьо кураллина доцуш, жихIадна кийча хила ниятца лелаш велахь».
 
[Тама‌мул-миннахI, агIо: 4/64]
🚀Ӏадлан Харачо

✅Хаттар: Хьайн дIадаханчу шеран къиношна гечдан лаьий хьуна?

Жоп: Абу Къата‌дата (АллахI реза хуьйла цунна) дийцина, АллахIан элчане (саллаллахIу IалайхIи ва саллам) Iа‌шу‌ра‌ъ дийнахь марха кхабарх лаьцна хаьттира аьлла, тIаккха цо элира: «ДIадаханчу шеран къинош дIадойу цо».
[Сахьи‌хь: Муслим: 1162]

Кхечу хьадисехь Абу Къата‌дата (АллахI реза хуьйла цунна) дийцина, Пайхамара (саллаллахIу IалайхIи ва саллам) элира аьлла: «Iа‌шу‌ра‌ъ дийнахь марха кхаьбначунна АллахIа гечдаре дог догIуш ву со дIадаханчу шеран къиношна».
[Сахьи‌хь: Муслим: 1162]

⏺Ткъа оцу Iа‌шу‌ра‌ъ денца, цулла хьалхарчу дийнахь марха кхабар а суннат ду, цунна далил - Пайхамар (саллаллахIу IалайхIи ва саллам) аьлла: «...ИншаАллахI, вай юха шаренга довлахь, (Iа‌шу‌ра‌ъ дийнал хьалхара) 9-гIа де а кхобур ду вай...».
[Сахьи‌хь: Муслим: 1134]

⏺Амма Iа‌шу‌ра‌ъ дийнал тIаьхьарчу дийнахь марха кхабарха долу хьадис даIиф ду, цундела, цу дийнахь кхабар суннат ду ца олу вай, ткъа кхобуш волчуьнга ма кхаба, бидIат ду а ца олу.

⏺Шен мархийн баттахь дисина, тIекхаба дезаш марха долчунна а мегар ду оцу шина дийнахь марха кхаба, цуьнан ши некъ бу:

1- Шена лаахь, шен дисина марха, юха тIекхобур долуш, дита а дитина, и ши де кхобур ду.
2- Шена лаахь, шен дисина марха а, хIара суннат марха а кхаба шинне ният дина, кхобур ду. Иштта кхабахь - диснарг тIера а дер ду, суннатах ял а хир ю.

⏺Ният «суннат марха кхаба» аьлла, дагахь хилчхьана кхачам бу, багахь хIумма а баха оьшуш дац. «Кхана марха кхобур ду ас», - аьлла дагчохь сацам хиллехь - иза ният лоруш ду.

⏺Iа‌шу‌ра‌ъ дийнал хьалхарчу дийнахь марха кхабаза виснехь, деккъа Iа‌шу‌ра‌ъ де кхаба а мегар ду, цул тIаьхьарчу дийнахь ца кхаьбча а.
🚀Ӏадлан Харачо