ANDIJON DAVLAT PEDAGOGIKA INSTITUTIDA “ZAKOVAT” BO‘YICHA “REKTOR KUBOGI”NING SARALASH BOSQICHI START OLDI

Andijon davlat pedagogika institutida talaba-yoshlarning mantiqiy fikrlash salohiyatini oshirish, ularni intellektual o‘yinlarga keng jalb etish hamda eng zukko jamoalarni aniqlash maqsadida “Zakovat” bo‘yicha “Rektor kubogi” uchun “Yoshlar ligasi” o‘yinlari boshlandi.

Mazkur liga uchun 150 ga yaqin jamoa ro‘yxatdan o‘tgan bo‘lib, bir vaqtning o‘zida buncha jamoa bilan intellektual o‘yin o‘tkazish imkoniyati mavjud emasligi sababli, dastlab 5 guruhli saralash bosqichi tashkil etilmoqda. Har bir guruhda 30 tadan jamoa o‘zaro bellashadi.

Saralash bosqichidan muvaffaqiyatli o‘tgan 60 ta eng kuchli jamoa “Yoshlar ligasi”da ishtirok etish huquqini qo‘lga kiritadi.

O‘yinlar 15-oktyabr kuni quyidagi tartibda o‘tkaziladi:

1️⃣-guruh – soat 12:00 da,
2️⃣-guruh – soat 13:00 da,
3️⃣-guruh – soat 14:00 da,
4️⃣-guruh – soat 15:00 da,
5️⃣-guruh – soat 16:00 da.

Har bir guruh o‘yini 2 turdan iborat bo‘lib, ularda jami 20 ta savol (har turda 10 tadan) o‘ynaladi. Shunday qilib, saralash bosqichida jami 100 ta savol ishtirokchilarga taqdim etiladi.

Jamoalar qaysi guruhda ishtirok etishi haqida ma’lumotlar yuqoridagi jadvalda keltirilgan.

Barcha jamoalarga o‘yinlarda omad, zafar va mantiqiy teranlik tilaymiz! Saralash bosqichiga belgilangan vaqtda o‘z vaqtida tashrif buyurish so‘raladi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

Andijon davlat pedagogika institutida “Rektor kubogi” uchun “Zakovat” intellektual o‘yini bo‘yicha “Yoshlar ligasi” saralash o'yinlari natijalari

Natijalar asosida eng yuqori ball to‘plagan 30 ta jamoa “Zakovat” intellektual o‘yini bo‘yicha “Yoshlar ligasi”ning asosiy bosqichida ishtirok etish huquqini qo‘lga kiritdi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube