يغالي ..الليالي ..بعدك متحله

🔻قصائد استشهاد الأمام علي عليه السلام


https://www.tg-me.com/aeabasae/15530
علي مات 💔


https://www.tg-me.com/aeabasae/15537
تخاف العقيله 💔


https://www.tg-me.com/aeabasae/15543
صحت وينك 💔


https://www.tg-me.com/aeabasae/15553
يغالي 💔







🖊️الشاعر عباس فاضل الشمري

"اللَّـهُم إجعلني في هٰذه الليلـة ممن نظرت إليه فرحمته وسمعت دعاءه فأجبته".

﴿إِنّا أَنزَلناهُ في لَيلَةٍ مُبارَكَةٍ إِنّا كُنّا مُنذِرينَ﴾

كل عام وأنتم بالف خير تقبل اللة صيامكم وعمالكم ورزقكم اللة الصحة والعافيه وجعلكم الله من عواده أن شاء الله

كَان رَجُل العِلم و المَعرِفة ..🤍

أنتَ أبن الباقر وجَدك مُحَمَّد
بفضلك أهل البيت و القرآن يشهدْ

اعظم الله اجوركم واحسن لكم العزاء💔

#لأستشهاد_الأمام_الصادق_ع
#لسان_حال_الأمام_الكاظم_ع

ـــــــــــــــــ ❁ ❁ ❁ ــــــــــــــــــ

يالچبدتك مثل الحسن
متگـطـعه بـسم الغدر
والدنيه من بعدك حزن
ظليت انوح انـه بقهر


ـــــــــــــــــ ❁ ❁ ❁ ــــــــــــــــــ

يـابويه مـــا تردلـي . بعدك ظلام ايامــي
نعشك اشيعه بيدي . ماتت وراه احلامي
وجثتي تظل رميـه . فوگ الجسر آلامـي
مثل الحسن يبويـه . مغدور مات ودامي

بالخنجر انصاب ونزف
وچفوفـي بگيـد الألــم
رايـــة خيانتهـم تـرف
گلبي انكسر من الهظم

والشيعه حزنانه وتون
ظليت انـوح انـه بقهر

ـــــــــــــــــ ❁ ❁ ❁ ــــــــــــــــــ

شفت الچبد بعيوني. يحچي ويجرحَسرته
ميت امـام الشيعــه . يشكي الالـم نظرتـه
گلي تشوفه بعينـك . وانــه القصد عرفتـه
معناها بالسم انكتل . جاوبني مـن سألتـه

اصبـر علــه المـصيبــه
واشكي الظلــم للبـاري
واعلينــه مـو غــريبــه
نستــشهــد انــت داري

وايتذكر بقصة الحسن
ظليت انـوح انـه بقهر

ـــــــــــــــــ ❁ ❁ ❁ ــــــــــــــــــ

يابويه گدامي متـت . بس العلم بعده عدل
تزرع ورد تحصد ورد . معروفه هايه بالعقل
وانت ازرعتها وردتك. مني وردت خير النسل
وانطيته علمك للرضا . ويحارب بعلمه الجهل

وتبقـه علـوم الباقــر
محفوضه بين اولاده
والدين بيكــم ســائر
لامــا تموت امجــاده

ديــن النبي مـايندفن
ظليت انـوح انـه بقهر

ـــــــــــــــــ ❁ ❁ ❁ ــــــــــــــــــ

لمن اسولف قصتك . مجروح يابويه الگلب
المن اعاتب واشتكي.وادري انه ماينفع عتب
الظالم يصّدر الحكم .والحق اشوفنه انغصب
لازم يموت اليعترض . هذا المصير الينكتب

الي يحب ال النبـــي
لازم يضحي بدمــــه
ماهمه موت ولاسبي
ولاروح عنده تهمـه

لاهمنه ظالم لاسجن
ظليت انوح انه بقهر

ـــــــــــــــــ ❁ ❁ ❁ ــــــــــــــــــ

بالغربه ايامي گضت . يابويه اشكي حالي
جثتك اشيلنها بدي . بس انه من اجالـي
ابچي وتهل دموعي . فاگد ابــــوي الغالي
ياشمعة سنيني چنت. تضوي الي الليالــي

صارت حياتي ظلمه
بعيوني تطفه شمعه
فگــد الأبــو يهضمه
يــاهو الــي اليرجعه

لــمن يلـفونه بچفــن
ظليت انوح انه بقهر

ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري

لك العزاء ياصاحب الزمان 🖤

علــه صوت البچي الليله تــون الروح
يظل وسط الكلب حزنه جرح مفتوح
مثل جسم الذي فوگ الجسر مطروح
بخياله شگــد يعذبنه جسـر وسطوح

يشب ســم الغـدر چبــده ويشعله بنار
يـون مــن الالـم ويــهــل دمــع مــدرار
القهر لمن يظل جسمه اعله سطح الدار
شفــت ظلمـه وغــدا سيفـك يـرد الثـار

السلام عليك ياجواد الأئمه 🖤💔

•ضلعٌ ﺂخـَر مـِن ضلَوع ﺎلزَهراء
• ڪُسـر فـِي بغـَداد ، 💔
عظم الله لنا ولكم الاجر
استشهاد الامام محمد الجواد عليه السلام

استشهاد الجواد 🔻

يا مهدينه 💔

تعزيه لصاحب العصر والزمان
عجل الله فرجه الشريف

ـــــــــــــــــ ❁ ❁ ❁ ــــــــــــــــــ

جدك مسموم .. گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

يمهدينه الدمــع عالخـد يصب اليـوم
يهل دمعك على مصابه بكلب ملجوم
تنوح اعله الجواد الي رحــل مظلـوم
يمـولاي بحــزن گلبــك مـليته همـوم

حزنك مرسوم .. گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

بغــدر چبـده يتگطع والدمـع يسجب
يــون المهــدي هاليله بــقهـر ينـحــب
فگــد جـده الجــواد وگــلـبه متـعـذب
يشيل ايده بحزن واعله الصدر يضرب

مولاي اليوم ... گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

عليك بفگـد ابـو الهــادي الحزن خيم
طفه بعينك ضــوه الدنيه ونهار اظلم
يمـولاي الـدمــع يجـري عليه مــن دم
صحت ياحيف الف وسفه بغدر ينسم

غدروه الگوم ... گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

يشب ســم الغـدر چبــده ويشعله بنار
يـون مــن الالـم ويــهــل دمــع مــدرار
القهر لمن يظل جسمه اعله سطح الدار
شفــت ظلمـه وغــدا سيفـك يـرد الثـار

تعرف مظلوم ... گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

علــه صوت البچي اليله تــون الروح
يظل وسط الكلب حزنه جرح مفتوح
مثل جسم الذي فوگ الجسر مطروح
بخياله شگــد يعذبنه جسـر وسطوح

وتزيد هموم ... گلبك مالوم

يامهدينه .... يامهدينه

ـــــــــــــــــ ❁ ❁ ❁ ــــــــــــــــــ

نعـزي المهـدي هاليلــه علــه مصابه
فگــد جــده وسط كلبه جرح صابه
نهدم حيله وكسر ظهره عله احبابه
يجي الكبره ويهل دمعه عله اعتابه

جرحك ملچوم ... گلبك مالوم

يامهدينه ... يامهدينه

ـــــــــــــــــ ❁ ❁ ❁ ــــــــــــــــــ


🖊️كلمات

عباس فاضل الشمري