#أبوذيات
أحس فگــد الولـــد للچبـد جـاسم
و مثل سم الحسن هاليـوم جاسـم
صحت بصـــوت يالعريس جاسم
أمّحنة اشلون مــن دم المنيـه
هـاي أشمــوع يــا جاسم وحنه
و صـــارت بالفــرح ونــه وحنه
بعـدك مـا فرحنـــه ابــداً وحنه
يسارى مـن بعــد عينك لميــه
حــنين النِـوگ الك جسـام حنيت
و ظهري من مصاب الصار حنيت
چفوفك مـن دماك اشلـون حنيت
و حنتك بالــصواني ذيــچ هيـه
علــى الشبان أحس گلبي ورمله
وذاري الطف صبح حنته ورمله
جاسـم عالثرى طــايــــح ورمله
تتاني وما درت عـرسه المنيه
الشاعر
موسى البديري
#اللهم_عجل_لوليك_الفرج
أحس فگــد الولـــد للچبـد جـاسم
و مثل سم الحسن هاليـوم جاسـم
صحت بصـــوت يالعريس جاسم
أمّحنة اشلون مــن دم المنيـه
هـاي أشمــوع يــا جاسم وحنه
و صـــارت بالفــرح ونــه وحنه
بعـدك مـا فرحنـــه ابــداً وحنه
يسارى مـن بعــد عينك لميــه
حــنين النِـوگ الك جسـام حنيت
و ظهري من مصاب الصار حنيت
چفوفك مـن دماك اشلـون حنيت
و حنتك بالــصواني ذيــچ هيـه
علــى الشبان أحس گلبي ورمله
وذاري الطف صبح حنته ورمله
جاسـم عالثرى طــايــــح ورمله
تتاني وما درت عـرسه المنيه
الشاعر
موسى البديري
#اللهم_عجل_لوليك_الفرج
#نعي
آيبني شگـول اعليك آيبني
دولبني زماني بيك دوليني
ـــــــــــــــــــــــــــــــــــــ
دولبني زمان بيك ياسلوه
شلون انساك ونسه أيامنه الحلوه
اشهل بلوه المثلها ما جرت بلوه
آيبني العند الموزمه ذنبي
ــــــــــــــــــــــــــــــــــــــ
تذب البيك تسعه امن الشهر شالت
اونالت من ثجيل الحمل ما نالت
أمك جابتك يمدلل او حالت
اويوم البيه صرت ياشبل شيبني
ــــــــــــــــــــــــــــــــــــــ
شيبني اصيارك والهدم حيلي
هز مهدك يشمامه او سهر ليلي
منك حرمت امك ليش ياويلي
آخر ما گلت حقها او تطالبني
ــــــــــــــــــــــــــــــــــــــ
اطلبك سهر ليلي والمنازع ذاك
اطلبك باللبن من درَّتي الغذاك
نسيت ارباك يا جاسم نسيت ارباك
يمدلل سگمني ارباك وتعبني
ـــــــــــــــــــــــــــــــــــــ
تعبني وسگمني او غير اللوني
على صدري ربيت او مر على امتوني
حسبت احساب وحسابي طلع دوني
على راسي ابيوت امشيده تبني
ــــــــــــــــــــــــــــــــــــــ
تبني البيت لامك والجعيده امك
تصاحبني وتجيب الواجب ابصمك
ريت الگبر ضمني قبل ما ضمك
الموت الموت يبني اوياك يرغبني
ــــــــــــــــــــــــــــــــــــــ
يرغبني الكبر سني او شوفي ازهيد
حيلي راح مني والجريب ابعيد
يبني من تجي الشبان يوم العيد
صار النوح يوم العيد يطربني
ــــــــــــــــــــــــــــــــــــــ
يطربني العزه والنوح بالهجري
يفي الصيف يا عذب الهوه اليسري
اخذني الكبر منحيه الضهر تدري
ابذلة كبرتي يبني تسيبني
ــــــــــــــــــــــــــــــــــــــ
تسيب امك يجاسم من بعد عدها
عين الله على العريس واحدها
تريد اتناشدك تگعد او ناشدها
تگلك باليسر منهو اليرچبني
ــــــــــــــــــــــــــــــــــــــ
يبني الفاجدات اكثرهن امخلفات
ماتدري تموت ام الولد لو مات
يبني ارباي وينه او سهر ليلي الفات
يبني ليش ماتگعد تحاچيني
المرحوم
عبد الامير الفتلاوي
#اللهم_عجل_لوليك_الفرج
آيبني شگـول اعليك آيبني
دولبني زماني بيك دوليني
ـــــــــــــــــــــــــــــــــــــ
دولبني زمان بيك ياسلوه
شلون انساك ونسه أيامنه الحلوه
اشهل بلوه المثلها ما جرت بلوه
آيبني العند الموزمه ذنبي
ــــــــــــــــــــــــــــــــــــــ
تذب البيك تسعه امن الشهر شالت
اونالت من ثجيل الحمل ما نالت
أمك جابتك يمدلل او حالت
اويوم البيه صرت ياشبل شيبني
ــــــــــــــــــــــــــــــــــــــ
شيبني اصيارك والهدم حيلي
هز مهدك يشمامه او سهر ليلي
منك حرمت امك ليش ياويلي
آخر ما گلت حقها او تطالبني
ــــــــــــــــــــــــــــــــــــــ
اطلبك سهر ليلي والمنازع ذاك
اطلبك باللبن من درَّتي الغذاك
نسيت ارباك يا جاسم نسيت ارباك
يمدلل سگمني ارباك وتعبني
ـــــــــــــــــــــــــــــــــــــ
تعبني وسگمني او غير اللوني
على صدري ربيت او مر على امتوني
حسبت احساب وحسابي طلع دوني
على راسي ابيوت امشيده تبني
ــــــــــــــــــــــــــــــــــــــ
تبني البيت لامك والجعيده امك
تصاحبني وتجيب الواجب ابصمك
ريت الگبر ضمني قبل ما ضمك
الموت الموت يبني اوياك يرغبني
ــــــــــــــــــــــــــــــــــــــ
يرغبني الكبر سني او شوفي ازهيد
حيلي راح مني والجريب ابعيد
يبني من تجي الشبان يوم العيد
صار النوح يوم العيد يطربني
ــــــــــــــــــــــــــــــــــــــ
يطربني العزه والنوح بالهجري
يفي الصيف يا عذب الهوه اليسري
اخذني الكبر منحيه الضهر تدري
ابذلة كبرتي يبني تسيبني
ــــــــــــــــــــــــــــــــــــــ
تسيب امك يجاسم من بعد عدها
عين الله على العريس واحدها
تريد اتناشدك تگعد او ناشدها
تگلك باليسر منهو اليرچبني
ــــــــــــــــــــــــــــــــــــــ
يبني الفاجدات اكثرهن امخلفات
ماتدري تموت ام الولد لو مات
يبني ارباي وينه او سهر ليلي الفات
يبني ليش ماتگعد تحاچيني
المرحوم
عبد الامير الفتلاوي
#اللهم_عجل_لوليك_الفرج
#نعي
مشه للقاسم حسين وتعناه
وشافه امخضب اعله الكاع بدماه
جر حسره عليه وصاح ويلاه
باجر للحسن شعتذر منه
حط صدره اعله صدره وشال جسام
ورد مكسور ضهره فوگ الخيام
تلگنه الفواجد ها يضرغام
اشجرى وظهرك شبيه القوس چنه
شگل للحسن باجر من الاكيه
من يفگد اوليده وينشد اعليه
شرد اعتذر منه وشرد احاجيه
وشسولف للحسن لو نشد عنه
وگف بين الشباب وناده الحسين
يطيب الكم النوم وتغمض العين
يبطال الصفا وعج الميادين
العسكر يم خيم زينب تدنه
وين أم الشباب الـراح .وين العـدها أبن مفـگـود
خل تعلن حزنها الـيـوم. خل تلبس أثياب الســود
حگها الرايح ألها أولـيـد. الون أعلى الولد مريود
وهذا العاشته أم جسام. كل ساعه وحزنها يزود
السيد حسين الياسري
#اللهم_عجل_لوليك_الفرج
مشه للقاسم حسين وتعناه
وشافه امخضب اعله الكاع بدماه
جر حسره عليه وصاح ويلاه
باجر للحسن شعتذر منه
حط صدره اعله صدره وشال جسام
ورد مكسور ضهره فوگ الخيام
تلگنه الفواجد ها يضرغام
اشجرى وظهرك شبيه القوس چنه
شگل للحسن باجر من الاكيه
من يفگد اوليده وينشد اعليه
شرد اعتذر منه وشرد احاجيه
وشسولف للحسن لو نشد عنه
وگف بين الشباب وناده الحسين
يطيب الكم النوم وتغمض العين
يبطال الصفا وعج الميادين
العسكر يم خيم زينب تدنه
وين أم الشباب الـراح .وين العـدها أبن مفـگـود
خل تعلن حزنها الـيـوم. خل تلبس أثياب الســود
حگها الرايح ألها أولـيـد. الون أعلى الولد مريود
وهذا العاشته أم جسام. كل ساعه وحزنها يزود
السيد حسين الياسري
#اللهم_عجل_لوليك_الفرج
#نعي الى لمولاي الأكبر عليه السلام
***
دخلت خيمته ورفعت اديها
والاكبر سالم تريده يجيها
تدعي للولد وشصار بيها
ومن كثر البواجي انغمه اعليها
صاحت كلبي بفراكك تفطر
وعكبك ما نشف دمعي يالاكبر
وجه حسين اشوفنه تغير
وصحت اشلون بيه الله وكبر
ينساني ويروح ما ادري الولد ينساني ويروح
من كثر الجروح اجر كوه النفس من كثر الجروح
محد يعوضه يايمه الولد محد يعوضه
واشلون ترضه كلب امك تكسره اشلون ترضه
ما شايفه النوم. صايرلي اشكثر ما شايفه النوم
والحيل مهدوم انوح الفركتك والحيل مهدوم
ما يشفه ويطيب. تره جرح الولد ما يشفه ويطيب
راسي انترس شيب. ييمه بفركتك راسي انترس شيب
مابي محنه يثاري افراكم مابي محنه
شيريد منه يايمه الوكت شيريد منه
شيردها الايام راحت يالولد شيردها الايام
بليل ما نام. من يوم الرحت بليل ما نام
تعبني فركاك يبو طول الحلو تعبني فركاك
ما راح تنساك امك يالولد ما راح تنساك
ما لايك اعليك. يايمه الكبر ما لايك اعليك
وتراب غاطيك لكيتك يالحنين اتراب غاطيك
*
الشاعر
تحسين الخفاجي
#اللهم_عجل_لوليك_الفرج
***
دخلت خيمته ورفعت اديها
والاكبر سالم تريده يجيها
تدعي للولد وشصار بيها
ومن كثر البواجي انغمه اعليها
صاحت كلبي بفراكك تفطر
وعكبك ما نشف دمعي يالاكبر
وجه حسين اشوفنه تغير
وصحت اشلون بيه الله وكبر
ينساني ويروح ما ادري الولد ينساني ويروح
من كثر الجروح اجر كوه النفس من كثر الجروح
محد يعوضه يايمه الولد محد يعوضه
واشلون ترضه كلب امك تكسره اشلون ترضه
ما شايفه النوم. صايرلي اشكثر ما شايفه النوم
والحيل مهدوم انوح الفركتك والحيل مهدوم
ما يشفه ويطيب. تره جرح الولد ما يشفه ويطيب
راسي انترس شيب. ييمه بفركتك راسي انترس شيب
مابي محنه يثاري افراكم مابي محنه
شيريد منه يايمه الوكت شيريد منه
شيردها الايام راحت يالولد شيردها الايام
بليل ما نام. من يوم الرحت بليل ما نام
تعبني فركاك يبو طول الحلو تعبني فركاك
ما راح تنساك امك يالولد ما راح تنساك
ما لايك اعليك. يايمه الكبر ما لايك اعليك
وتراب غاطيك لكيتك يالحنين اتراب غاطيك
*
الشاعر
تحسين الخفاجي
#اللهم_عجل_لوليك_الفرج
#أبوذيات
يعوف اوليده عل تربان ... يابى
يخط بجدامه صوب الخيم ... يابه
وايگله علي يا علي .......... يابه
اكسرت ظهري يبويه اشلون بيه ....
اكسرت ظهري يدهري الله ... واكبر
انه اشعندي فقط عباس ...... واكبر
انترس جسمه جروح ازغار ... واكبار
خلص دمه . او دمع ما خله بيه ...
مصابك غير ارسومي ... ولوني
علي واعداي من عگبك .. ولوني
لانه المتت من گبلك ..... ولاني
جبتلك ماي من گبل المنيه ....
ابو فاطمة الطائي
#اللهم_عجل_لوليك_الفرج
يعوف اوليده عل تربان ... يابى
يخط بجدامه صوب الخيم ... يابه
وايگله علي يا علي .......... يابه
اكسرت ظهري يبويه اشلون بيه ....
اكسرت ظهري يدهري الله ... واكبر
انه اشعندي فقط عباس ...... واكبر
انترس جسمه جروح ازغار ... واكبار
خلص دمه . او دمع ما خله بيه ...
مصابك غير ارسومي ... ولوني
علي واعداي من عگبك .. ولوني
لانه المتت من گبلك ..... ولاني
جبتلك ماي من گبل المنيه ....
ابو فاطمة الطائي
#اللهم_عجل_لوليك_الفرج
#نعي
لمولاي علي الأكبر روحي فداه
ابـاب الـخـيـمـه ليـلـى اتـصـد لأبنـهــا
أوحـســبات الـمـفــــارگ خـــذنـــــهـا
تـخـــاف اعـلـى الـولــد ينـبـاگ منـهـا
الـكـل هــذا الـدهــر مـا غــاب عـنـهـا
تـعـبـت اعليك يبنـي وأحسـب أسنـين
وعلــيك مسـاهـره مـاغمـظـت الـعــين
حسبـالـي تــرد لأمـــــك ربـــى الــديـن
وكــل سـاعـه وگـلـت راح الـولـد ويـن
مـــا حـاسبـه أحســـــاب الـمـيــــاديـن
حـين الشـــافـهـه حســين أوسمـعـهــا
تــون اعلـى الـولـــي ويـنـزل دمـعـــهـا
أوليلـى أمن البـچـي أتـغـيـر وظـعــــها
غــص بحـســـرة أو گــــــوه دفــعــهــا
گـاللـهــا الخـطــر يـالـيـلــى چـــنــه
جـريـب أوهـل بـرزلــه أنخـاف منـه
بلـكـت لـو دعـيـتـي الـخـطــر عـنــه
يـدفـــعـه الله يـلـيـلـه ويـرجــع النه
روحـت علــي طــولــت چــنـــهــــا
وكــل اخــبـار مـا وصلـتـنــي منــها
دعــاء الـوالــده البــاري لأبـــنــــــهـا
يلـيـلـه ايـسمـعـه ويــرده الحـظـنـها
وگـفـت ليـلـى يـم بـاب المـخــيــم
وصـاحـت يـلاهــي أبـحـالي تـعـلم
اريـد اولـيـدي كـون ابـهــاي يسـلـم
ويــرد لـيـه عــدل مــــن الـمـحــتـم
أستـجـاب اللـه الـدعـاء أورد علـيـهـا
علـي الأكبــــر وصـــار ابـيــن اديـهــا
وگـــــــام ايسـولـفـلـهـا ويحـاچـيـــها
وطـلـب شـربـت أميـه اليـگـوه بـيـها
علـى الـعـــدوان خـاطــر يــرد ليـهــا
خذت مـاعـونـهـا لـيلـى أومشت بيـه
تــدور مـــــــاي للأكـبـــــــر تــرويــــه
مــاخـلــت مـچـــان المـامشــت ليــه
أوردت خــالـيــه بـمــاعـونهـا اعليـــه
مـامـقـسـوم أبـنـهـا أمــيـه تسگـيــــه
لأبـيــــــك روح يـالاكـــبــر يــرويـــك
أوبلـكـت مـاي عـنـده وشربـه يسجيك
ثجـيله الحـرب خـاف أوتكـلـف اعليك
أوتـظـعـف هـمـتـك واعــداك تـوليـــك
فـگــد الـولــد مـحــد يـحـس بـيـــه
بـس اللـولـت أوسهـرت سنـه أعلـيــه
خـل شـوفـي يــروح أعلـيــه خـــلـيه
الـعـزيـز أمـه تـحـن طـول الـدهر ليـه
طـول أبطــول حـط وي الـمـشـكــر
أوشبــگ كــل منهم الثـانـي وتحسر
مـاي أمـنـيـن أجـيـبـلـك يـالاكــبـــر
يگــله أونــار جـمــر الـگـلب تســعـر
عمــت عيـنـي يـبـويـه مـذبلـك الحر
تــوادع وي علـي ورد يمشـي بهداي
بعـد چـلـمـت علي اباله العلى الماي
عـــود آنــه يـبـــويــه ردتــك اوياي
مـن تـهـجـم علـيـه اوتـلـتـم اعـداي
نسألكم الدعاء
السيد حسين الياسري
#اللهم_عجل_لوليك_الفرج
لمولاي علي الأكبر روحي فداه
ابـاب الـخـيـمـه ليـلـى اتـصـد لأبنـهــا
أوحـســبات الـمـفــــارگ خـــذنـــــهـا
تـخـــاف اعـلـى الـولــد ينـبـاگ منـهـا
الـكـل هــذا الـدهــر مـا غــاب عـنـهـا
تـعـبـت اعليك يبنـي وأحسـب أسنـين
وعلــيك مسـاهـره مـاغمـظـت الـعــين
حسبـالـي تــرد لأمـــــك ربـــى الــديـن
وكــل سـاعـه وگـلـت راح الـولـد ويـن
مـــا حـاسبـه أحســـــاب الـمـيــــاديـن
حـين الشـــافـهـه حســين أوسمـعـهــا
تــون اعلـى الـولـــي ويـنـزل دمـعـــهـا
أوليلـى أمن البـچـي أتـغـيـر وظـعــــها
غــص بحـســـرة أو گــــــوه دفــعــهــا
گـاللـهــا الخـطــر يـالـيـلــى چـــنــه
جـريـب أوهـل بـرزلــه أنخـاف منـه
بلـكـت لـو دعـيـتـي الـخـطــر عـنــه
يـدفـــعـه الله يـلـيـلـه ويـرجــع النه
روحـت علــي طــولــت چــنـــهــــا
وكــل اخــبـار مـا وصلـتـنــي منــها
دعــاء الـوالــده البــاري لأبـــنــــــهـا
يلـيـلـه ايـسمـعـه ويــرده الحـظـنـها
وگـفـت ليـلـى يـم بـاب المـخــيــم
وصـاحـت يـلاهــي أبـحـالي تـعـلم
اريـد اولـيـدي كـون ابـهــاي يسـلـم
ويــرد لـيـه عــدل مــــن الـمـحــتـم
أستـجـاب اللـه الـدعـاء أورد علـيـهـا
علـي الأكبــــر وصـــار ابـيــن اديـهــا
وگـــــــام ايسـولـفـلـهـا ويحـاچـيـــها
وطـلـب شـربـت أميـه اليـگـوه بـيـها
علـى الـعـــدوان خـاطــر يــرد ليـهــا
خذت مـاعـونـهـا لـيلـى أومشت بيـه
تــدور مـــــــاي للأكـبـــــــر تــرويــــه
مــاخـلــت مـچـــان المـامشــت ليــه
أوردت خــالـيــه بـمــاعـونهـا اعليـــه
مـامـقـسـوم أبـنـهـا أمــيـه تسگـيــــه
لأبـيــــــك روح يـالاكـــبــر يــرويـــك
أوبلـكـت مـاي عـنـده وشربـه يسجيك
ثجـيله الحـرب خـاف أوتكـلـف اعليك
أوتـظـعـف هـمـتـك واعــداك تـوليـــك
فـگــد الـولــد مـحــد يـحـس بـيـــه
بـس اللـولـت أوسهـرت سنـه أعلـيــه
خـل شـوفـي يــروح أعلـيــه خـــلـيه
الـعـزيـز أمـه تـحـن طـول الـدهر ليـه
طـول أبطــول حـط وي الـمـشـكــر
أوشبــگ كــل منهم الثـانـي وتحسر
مـاي أمـنـيـن أجـيـبـلـك يـالاكــبـــر
يگــله أونــار جـمــر الـگـلب تســعـر
عمــت عيـنـي يـبـويـه مـذبلـك الحر
تــوادع وي علـي ورد يمشـي بهداي
بعـد چـلـمـت علي اباله العلى الماي
عـــود آنــه يـبـــويــه ردتــك اوياي
مـن تـهـجـم علـيـه اوتـلـتـم اعـداي
نسألكم الدعاء
السيد حسين الياسري
#اللهم_عجل_لوليك_الفرج
#نعي
كأني بأبو الفضل العباس
ينعى ابن أخيه علي الأكبر
عليهم السلام
كسرت گلوبنة يا بعد عمك
متگطع وذر مدري شيلمك
ابوك حسين هذا وانة يمك
راح ايموت اخيي فوكَ جسمك
طول بطول دومك انت وياي
نتشارك يعمي حتى بالماي
اجيتك يبن اخوي متيه الراي
ما تطري اعله بالي عملتك هاي
يعمي يا عزيز الروح ياكبر
عمت عيني شفت جسمك تطبر
بعد عمك متت عطشان بالحر
وجمسك يا عزيزي تارس البر
محتار بمصابك عمي بأمرين
مدري عليك اونن مدري لحسين
كسر گلبي اشوفه يديرلي العين
يبو فاضل يگلي راح الحنين
كأني بالامام الحسين يكلم ابا الفضل عليهما السلام
يگلة
يبو فاضل عزيزك راح عنك
شيل ابني يخويه ابين حضنك
لليسوه النياحه زيد ونك
ودم العين خلها اتسيل منك
يبو فاضل علي راح من ادينه
شال بعيد ابو روح الحنينيه
يخويه الگوم ابد ما راحمينه
وذر خوية الاعادي مگطعينه
على الدنيا العفا من رحت يكبر
جرح گلبي بغيابك گام يكبر
انكسرت ولكن الدلال يكبر
ما اريد انكسر جدام امية
اسالكم الدعاء رائد الاسدي
#اللهم_عجل_لوليك_الفرج
كأني بأبو الفضل العباس
ينعى ابن أخيه علي الأكبر
عليهم السلام
كسرت گلوبنة يا بعد عمك
متگطع وذر مدري شيلمك
ابوك حسين هذا وانة يمك
راح ايموت اخيي فوكَ جسمك
طول بطول دومك انت وياي
نتشارك يعمي حتى بالماي
اجيتك يبن اخوي متيه الراي
ما تطري اعله بالي عملتك هاي
يعمي يا عزيز الروح ياكبر
عمت عيني شفت جسمك تطبر
بعد عمك متت عطشان بالحر
وجمسك يا عزيزي تارس البر
محتار بمصابك عمي بأمرين
مدري عليك اونن مدري لحسين
كسر گلبي اشوفه يديرلي العين
يبو فاضل يگلي راح الحنين
كأني بالامام الحسين يكلم ابا الفضل عليهما السلام
يگلة
يبو فاضل عزيزك راح عنك
شيل ابني يخويه ابين حضنك
لليسوه النياحه زيد ونك
ودم العين خلها اتسيل منك
يبو فاضل علي راح من ادينه
شال بعيد ابو روح الحنينيه
يخويه الگوم ابد ما راحمينه
وذر خوية الاعادي مگطعينه
على الدنيا العفا من رحت يكبر
جرح گلبي بغيابك گام يكبر
انكسرت ولكن الدلال يكبر
ما اريد انكسر جدام امية
اسالكم الدعاء رائد الاسدي
#اللهم_عجل_لوليك_الفرج
#ابوذيات
لمولاي الاكبر عليه السلام
سواد العين فـاض ونشف مايه
عله إللي نزل للميدان مايه
إسم ألله يا إوليدي عسن مايه
الكدر ليك وترد محروس إليه
يهل شايل عزيز الروح وانه
إودعنه وجر إعليه وانه
منه إسهرت الليالي إعليه وانه
الكسرني الدهر بأرض الغاضريه
إصبي العين متلولح وناراه
وذهب من ناظري ضيه وناراه
بگلبي ظلت الونه وناراه
إحمست چبدي وأجر ونه خفيه
جمـر العطش بگليبي شبابه
عله إللي منحرم لذة شبابه
يمدونه عله الغبره شبابه
إنگطع منه الوصل وإنگطع بيه
يالأكبر هاك إخذ گلبي وراعه
يبني وإدرع إبصبره وراعه
وإخذ الماي من چبدي وراعه
إتغذه إبمهجتي إو شد عالمنيه
الشاعر المرحوم
الحاج كاظم المنظور الكربلائي
#اللهم_عجل_لوليك_الفرج
لمولاي الاكبر عليه السلام
سواد العين فـاض ونشف مايه
عله إللي نزل للميدان مايه
إسم ألله يا إوليدي عسن مايه
الكدر ليك وترد محروس إليه
يهل شايل عزيز الروح وانه
إودعنه وجر إعليه وانه
منه إسهرت الليالي إعليه وانه
الكسرني الدهر بأرض الغاضريه
إصبي العين متلولح وناراه
وذهب من ناظري ضيه وناراه
بگلبي ظلت الونه وناراه
إحمست چبدي وأجر ونه خفيه
جمـر العطش بگليبي شبابه
عله إللي منحرم لذة شبابه
يمدونه عله الغبره شبابه
إنگطع منه الوصل وإنگطع بيه
يالأكبر هاك إخذ گلبي وراعه
يبني وإدرع إبصبره وراعه
وإخذ الماي من چبدي وراعه
إتغذه إبمهجتي إو شد عالمنيه
الشاعر المرحوم
الحاج كاظم المنظور الكربلائي
#اللهم_عجل_لوليك_الفرج
#تراث
مقتل سيدي ومولاي علي الاكبر
صلوات الله وسلامه عليه
-تسايل بالدمع لوداع الأكبر
-ويگلبي ذوب لوداعه او تفطر
يويلي من تلاگوا عند الوداع
امشابگ طول لمن هووا للگاع
لاع ابنٍ لبيّه والأبو لاع
على ابنيّه يويلي اوداع الاگشر
يشم احسين خد ابنه او يحبه
او دمعه مثل دمع ابنه يصبه
والنار اللي ابگلب ابنه ابگلبه
يخفيها على ابنه او نوب تظهر
يگله والدمع بالعين دفاگ
ابعبره امكسره وابگلب خفاگ
يبويه اوداعة الله هذا الفراگ
يبويه اشبيدنه هذا المگدر
يبويه للسيوف اسدر او للزان
او لُوح ابغارتك واشلش الميدان
يبويه اليوم مرواحك لِلجْنان
او بالكوثر يبوي اليوم تِفطر
تحسر ويل گلبي وجذب ونّه
او منّ الماي آه انگطع ظنّه
عرف لنّ المنية دنت منّه
جره دمعه او للميدان سدّر
.
.
-شبل احسين للميدان سدّر
-او خلّه الخيل بالهامات تعثَر
سدر والكون شابچ زان واسيوف
نشّاب او نَبِل وارماح واحتوف
ما والله رجف گلبه امن الخوف
ولا وجهه من اشراگه تغيّر
هز غدارته او ذبّ العمامه
نِشر راسَه اسم الله اعله النشامه
خز اگلوبها او شرّگ الهامه
او لَف راياتها وللسّرب نشّر
عگب ما شرّگ الهامات والطاس
اجتّه ضربة العبدي على الراس
ضعف واتواردو بسيوفها الناس
شبگ عالمهر ويلي والمهر فر
.
.
-على ابن احسين يا گلبي تفطر
-شبگ علمهر ويلي والمهر فر
شبگ عالمهر لبّاله يودّيه
لبوه احسين عنّ الگوم يحميه
أويلي المهر للعدوان فر بيه
وأوچب آه بِموسط العسكر
داروا بالسيوف عليه والزان
مثل چتال سبع المات فرحان
عسى ابعيد البلا وليته العدوان
أراذل بالمعايب دوم تفخر
هذا يگطع ابسيفه وريده
او هذا بالخناجر فصّل ايده
او هذا يغط من رمحه الحديده
ابخاصرته وهو يعالج او يفْغَر
ثگل بيه الطبر وتلوج روحه 😭
اومحد عرف غير الله اجروحه
دِمَاياته على احصانه سفوحه
لمَن خرّ ابهناديها اموذّر
نده يحسين هذا الساع جدي
سگاني الماي واروى عطش چبدي
يگول اسرع تراك اليوم عندي
أويلي احسين صاح: الله واكبر
.
.
-أويلي احسين صاح: الله واكبر
-يبوي ليش هالنومه ابهالحر
گعد عنده او شافه امغمض العين
ابدمّه سابح امترّب الخدين
متواصل طبُر والرّاس نصّين
حنه ظهره على ابنيّه او تحسّر
يبويه گول منهو الشرگ راسك
ينور العين من خمّد انفاسك
يعگلي من نهَب درعك او طاسك
يروحي اشلون اشوفنّك امطبّر
يبويه من عدل راسك او رِجليك
او من غمض اعيونك واسبَل ايديك
ينور العين كل سيف الوصل ليك
گطع گلبي او لعند احشاي سدّر
يبويه من سمع يمّك ونينك
من شبحت لعند الموت عينك
للعشرين ما وصلن اسنينك
او حاتفني عليك الدهر الاگشر
اريد امسح اجروحك واشم خدك
واحط صدري على صدرك ووسدك
ما راعوا يبويه حرم جدك
واجت زينب تصيح: الله واكبر
الشاعر المرحوم محمد بن نصار
#اللهم_عجل_لوليك_الفرج
مقتل سيدي ومولاي علي الاكبر
صلوات الله وسلامه عليه
-تسايل بالدمع لوداع الأكبر
-ويگلبي ذوب لوداعه او تفطر
يويلي من تلاگوا عند الوداع
امشابگ طول لمن هووا للگاع
لاع ابنٍ لبيّه والأبو لاع
على ابنيّه يويلي اوداع الاگشر
يشم احسين خد ابنه او يحبه
او دمعه مثل دمع ابنه يصبه
والنار اللي ابگلب ابنه ابگلبه
يخفيها على ابنه او نوب تظهر
يگله والدمع بالعين دفاگ
ابعبره امكسره وابگلب خفاگ
يبويه اوداعة الله هذا الفراگ
يبويه اشبيدنه هذا المگدر
يبويه للسيوف اسدر او للزان
او لُوح ابغارتك واشلش الميدان
يبويه اليوم مرواحك لِلجْنان
او بالكوثر يبوي اليوم تِفطر
تحسر ويل گلبي وجذب ونّه
او منّ الماي آه انگطع ظنّه
عرف لنّ المنية دنت منّه
جره دمعه او للميدان سدّر
.
.
-شبل احسين للميدان سدّر
-او خلّه الخيل بالهامات تعثَر
سدر والكون شابچ زان واسيوف
نشّاب او نَبِل وارماح واحتوف
ما والله رجف گلبه امن الخوف
ولا وجهه من اشراگه تغيّر
هز غدارته او ذبّ العمامه
نِشر راسَه اسم الله اعله النشامه
خز اگلوبها او شرّگ الهامه
او لَف راياتها وللسّرب نشّر
عگب ما شرّگ الهامات والطاس
اجتّه ضربة العبدي على الراس
ضعف واتواردو بسيوفها الناس
شبگ عالمهر ويلي والمهر فر
.
.
-على ابن احسين يا گلبي تفطر
-شبگ علمهر ويلي والمهر فر
شبگ عالمهر لبّاله يودّيه
لبوه احسين عنّ الگوم يحميه
أويلي المهر للعدوان فر بيه
وأوچب آه بِموسط العسكر
داروا بالسيوف عليه والزان
مثل چتال سبع المات فرحان
عسى ابعيد البلا وليته العدوان
أراذل بالمعايب دوم تفخر
هذا يگطع ابسيفه وريده
او هذا بالخناجر فصّل ايده
او هذا يغط من رمحه الحديده
ابخاصرته وهو يعالج او يفْغَر
ثگل بيه الطبر وتلوج روحه 😭
اومحد عرف غير الله اجروحه
دِمَاياته على احصانه سفوحه
لمَن خرّ ابهناديها اموذّر
نده يحسين هذا الساع جدي
سگاني الماي واروى عطش چبدي
يگول اسرع تراك اليوم عندي
أويلي احسين صاح: الله واكبر
.
.
-أويلي احسين صاح: الله واكبر
-يبوي ليش هالنومه ابهالحر
گعد عنده او شافه امغمض العين
ابدمّه سابح امترّب الخدين
متواصل طبُر والرّاس نصّين
حنه ظهره على ابنيّه او تحسّر
يبويه گول منهو الشرگ راسك
ينور العين من خمّد انفاسك
يعگلي من نهَب درعك او طاسك
يروحي اشلون اشوفنّك امطبّر
يبويه من عدل راسك او رِجليك
او من غمض اعيونك واسبَل ايديك
ينور العين كل سيف الوصل ليك
گطع گلبي او لعند احشاي سدّر
يبويه من سمع يمّك ونينك
من شبحت لعند الموت عينك
للعشرين ما وصلن اسنينك
او حاتفني عليك الدهر الاگشر
اريد امسح اجروحك واشم خدك
واحط صدري على صدرك ووسدك
ما راعوا يبويه حرم جدك
واجت زينب تصيح: الله واكبر
الشاعر المرحوم محمد بن نصار
#اللهم_عجل_لوليك_الفرج
#نعي الى الامام الحسين عليه السلام اليوم العاشر
***
لكيت اعله التراب حسين مگلوب
نايم بالشمس والثوب مسلوب
كل ساع الحوافر تاخذه بصوب
من عدها وبده شلعان الكلوب
رحت لبن امي وبهمي اعتنيته
ومتخضب لكيته بدم لحيته
مسحت اتراب جسمه وكلبيته
ودورت اعله صبعه وما لكيته
عطشان عطشان اشلون ايموت اخوي حسين عطشان
عريان عريان اخيي اعله الترايب عفته عريان
خويه ..ويهدم الحيل يبن امي مصابك يهدم الحيل
ودوسك الخيل. كل ساع بمجان ادوسك الخيل
محد يشربك. هذا الماي بس محد يشربك
مملوخ كلبك. عمت عيني صحت مملوخ كلبك
وكف امن العتاب بسك يا كلب كف امن العتاب
نايم بالتراب. ابو طول الحلو نايم بالتراب
تعبت اخونه يشيال الرمح تعبت اخونه
بهل حال ابونه. كون ايشوفنه بهل حال ابونه
وانكسر ضهري اعله ابن امي الحنين انكسر ظهري
ماريد عمري. من عكب الاخو ماريد عمري
وشكف بالصياط اطفي بالخيم وشكف بالصياط
وتشتم بالكماط الرباب امدوهنه وتشتم بالكماط
خويه الحمل مال من بعدك صحت خويه الحمل مال
وننجر بالحبال خويه بيا وكت ننجر بالحبال
غريبات عكب حسين ضلينه غريبات
سبيات لرض الشام ودونه سبيات
*
الشاعر
تحسين الخفاجي
#اللهم_عجل_لوليك_الفرج
***
لكيت اعله التراب حسين مگلوب
نايم بالشمس والثوب مسلوب
كل ساع الحوافر تاخذه بصوب
من عدها وبده شلعان الكلوب
رحت لبن امي وبهمي اعتنيته
ومتخضب لكيته بدم لحيته
مسحت اتراب جسمه وكلبيته
ودورت اعله صبعه وما لكيته
عطشان عطشان اشلون ايموت اخوي حسين عطشان
عريان عريان اخيي اعله الترايب عفته عريان
خويه ..ويهدم الحيل يبن امي مصابك يهدم الحيل
ودوسك الخيل. كل ساع بمجان ادوسك الخيل
محد يشربك. هذا الماي بس محد يشربك
مملوخ كلبك. عمت عيني صحت مملوخ كلبك
وكف امن العتاب بسك يا كلب كف امن العتاب
نايم بالتراب. ابو طول الحلو نايم بالتراب
تعبت اخونه يشيال الرمح تعبت اخونه
بهل حال ابونه. كون ايشوفنه بهل حال ابونه
وانكسر ضهري اعله ابن امي الحنين انكسر ظهري
ماريد عمري. من عكب الاخو ماريد عمري
وشكف بالصياط اطفي بالخيم وشكف بالصياط
وتشتم بالكماط الرباب امدوهنه وتشتم بالكماط
خويه الحمل مال من بعدك صحت خويه الحمل مال
وننجر بالحبال خويه بيا وكت ننجر بالحبال
غريبات عكب حسين ضلينه غريبات
سبيات لرض الشام ودونه سبيات
*
الشاعر
تحسين الخفاجي
#اللهم_عجل_لوليك_الفرج
#نعي
امشنـــه للــــــغالي نــودعه
يمكن بـــعد مابيــــه رجعــه
يگطعون راسه وحته اصبعه
وباچر تسمعن كســــر ضلعه
سكــــنه رقيــه رملـــه ليلـه
باچر حسين يـــــروح حيله
يوگع وما واحــــــد يشيلـه
وفوگه العدو يلكـــد بخيله
باچر معاني حسيــــن تنداس
وفوگ الصدر مگعاد الارجاس
لو دارته مـــــن كل كتــر ناس
عينه تصــــــــد لصوب عباس
ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين
حيدر ابو كيان الفاطمي
#اللهم_عجل_لوليك_الفرج
امشنـــه للــــــغالي نــودعه
يمكن بـــعد مابيــــه رجعــه
يگطعون راسه وحته اصبعه
وباچر تسمعن كســــر ضلعه
سكــــنه رقيــه رملـــه ليلـه
باچر حسين يـــــروح حيله
يوگع وما واحــــــد يشيلـه
وفوگه العدو يلكـــد بخيله
باچر معاني حسيــــن تنداس
وفوگ الصدر مگعاد الارجاس
لو دارته مـــــن كل كتــر ناس
عينه تصــــــــد لصوب عباس
ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين
حيدر ابو كيان الفاطمي
#اللهم_عجل_لوليك_الفرج
#نعي
يا من بگيتوا فوگ الرمال
نزلن اعلينا امصايب اثكال
ونريد نخبركم بمرسال
سمعوا الحچي والحچي چتال
نسوانكم ما بين الرجال
سمعوهن وشافوهن أنذال
ويردن غيارى إتهد الجبال
ضلن ترى بعازت الكفّال
عگب الگمر اظهورنا اهلال
فزعوا بصوارمكم يـَ أبطال
يهل الحمية عدكم عيال
دخلوهن السوگ اعلى الجمال
ودرب السبي عذّب الدلال
كشّر اوجوه وموّت أطفال
يا آل هاشم نكسر الحال
نتمايل ومشونا أميال
مو احنه ليگيدونه بحبال
احنه بنات الزهراء والآل
علي العابدي النجفي
#اللهم_عجل_لوليك_الفرج
يا من بگيتوا فوگ الرمال
نزلن اعلينا امصايب اثكال
ونريد نخبركم بمرسال
سمعوا الحچي والحچي چتال
نسوانكم ما بين الرجال
سمعوهن وشافوهن أنذال
ويردن غيارى إتهد الجبال
ضلن ترى بعازت الكفّال
عگب الگمر اظهورنا اهلال
فزعوا بصوارمكم يـَ أبطال
يهل الحمية عدكم عيال
دخلوهن السوگ اعلى الجمال
ودرب السبي عذّب الدلال
كشّر اوجوه وموّت أطفال
يا آل هاشم نكسر الحال
نتمايل ومشونا أميال
مو احنه ليگيدونه بحبال
احنه بنات الزهراء والآل
علي العابدي النجفي
#اللهم_عجل_لوليك_الفرج
#نعي
فز من نومتك يوليدي ناغيني
وفتحهن عيونك باوع بعـــيني
صدك خلصت عشرتك راح تجفيني
ماشبعانه منك شوف تدريني
عشرتي وياك ست اشـــهر يـغالي
وعفت امك وحيده بحضن خالي
انه تمنيت لو تحجي اليــــــالي
عله ذاك السهر وضيم حــــالي
اعد وحساب ايام انتـــظر تكبـــر
وشوفك هيج شاب بطول الاكبر
لنوح اعليك نـــوح واســكن البر
لحد ما بالكبر يــــــوليدي اعثـر
صدك فوك الرمح يايمه شالوك
ما كفاهم من العطش ذبــحوك
من ابجاي ضل يبجي الكاروك
جا شيصر كـــون اميه انطوك
مصطفى الحسيني
#اللهم_عجل_لوليك_الفرج
فز من نومتك يوليدي ناغيني
وفتحهن عيونك باوع بعـــيني
صدك خلصت عشرتك راح تجفيني
ماشبعانه منك شوف تدريني
عشرتي وياك ست اشـــهر يـغالي
وعفت امك وحيده بحضن خالي
انه تمنيت لو تحجي اليــــــالي
عله ذاك السهر وضيم حــــالي
اعد وحساب ايام انتـــظر تكبـــر
وشوفك هيج شاب بطول الاكبر
لنوح اعليك نـــوح واســكن البر
لحد ما بالكبر يــــــوليدي اعثـر
صدك فوك الرمح يايمه شالوك
ما كفاهم من العطش ذبــحوك
من ابجاي ضل يبجي الكاروك
جا شيصر كـــون اميه انطوك
مصطفى الحسيني
#اللهم_عجل_لوليك_الفرج
#نعي
ذبحو ابوهن يم بناته
وسمعن الخيل الساحگاته
ماظل ظلع ما كاسراته
ركظن بناته وي خواته
صاحن ابصوت الفاگداته
وعدن اجروح الصايباته
والتمن ابسدة امدللاته
ما ينشبگ بس شابگاته
وبالدم وجهن صابغاته
علي الحميداوي الكربلائي
#اللهم_عجل_لوليك_الفرج
ذبحو ابوهن يم بناته
وسمعن الخيل الساحگاته
ماظل ظلع ما كاسراته
ركظن بناته وي خواته
صاحن ابصوت الفاگداته
وعدن اجروح الصايباته
والتمن ابسدة امدللاته
ما ينشبگ بس شابگاته
وبالدم وجهن صابغاته
علي الحميداوي الكربلائي
#اللهم_عجل_لوليك_الفرج
#نعي
اباوع عالجثث كلها مطاعين
كلها اعله الضهر نومت السبعين
هناك ولمح شوفي ابطارف العين
الوحيد اعله الوجه مگلوب الحسين
__
اباوع عالجثث وي هزت النوگ
ومثل حرگ المخيم كلبي محروگ
الجثث سبعين بس حسين مسحوگ
ونزل دوس الحوافر بي للعروگ
__
اباوع عالجثث والحادي شمتان
ومثل ناعور بينه افتر الميدان
كسر كلبي الوحيد حسين عريان
منيتي أوگف وستره ابيش ماجان
__
اباوع عالجثث وانه اعله اممشاي
وكل ساعه التفت لا حيل لا راي
بحلم مدري ابعلم ما گامو وياي
اطلع وي غرب ما حاسبه الهاي
__
اباوع عالجثث حيره اشباوع
معروفه الجثث وحسين ضايع
مجوم موذر مو عالترب واگع
ما سلمت وياه حتى الاصابع
__
اباوع عالجثث ومضيعه محبوب
ادور عن جفيلي حرت ياصوب
المثلك ما ينام وضعنه منهوب
يبعد الحيل گوم الحيلي متعوب
بسام قابل الياسري
#اللهم_عجل_لوليك_الفرج
اباوع عالجثث كلها مطاعين
كلها اعله الضهر نومت السبعين
هناك ولمح شوفي ابطارف العين
الوحيد اعله الوجه مگلوب الحسين
__
اباوع عالجثث وي هزت النوگ
ومثل حرگ المخيم كلبي محروگ
الجثث سبعين بس حسين مسحوگ
ونزل دوس الحوافر بي للعروگ
__
اباوع عالجثث والحادي شمتان
ومثل ناعور بينه افتر الميدان
كسر كلبي الوحيد حسين عريان
منيتي أوگف وستره ابيش ماجان
__
اباوع عالجثث وانه اعله اممشاي
وكل ساعه التفت لا حيل لا راي
بحلم مدري ابعلم ما گامو وياي
اطلع وي غرب ما حاسبه الهاي
__
اباوع عالجثث حيره اشباوع
معروفه الجثث وحسين ضايع
مجوم موذر مو عالترب واگع
ما سلمت وياه حتى الاصابع
__
اباوع عالجثث ومضيعه محبوب
ادور عن جفيلي حرت ياصوب
المثلك ما ينام وضعنه منهوب
يبعد الحيل گوم الحيلي متعوب
بسام قابل الياسري
#اللهم_عجل_لوليك_الفرج