ياموت اشخذت ..من عندي ورحت
منك شيبت ..عالزهره
***************
ضاكت عليه دنيتي واجروحي صارت لجمات
صح انه بالدنيه عدل بس حالي من حال المات
يجيني اليل راح اشلون اخلصنه ..وفاركت الوديعه
اخلصه اونين ونه تجبر بونه .. وجروحي وسيعه
فاركت الملوحه .. شيب علي بنوحه .. بالزهر جناز
انه الدفن روحه .. وماتنعد اجروحه .. ياجرح العزاز
حيدر دمعته .. صبغت شيبته
ثكلت ونته .. عالزهره
******************





فاركني البريتي نفس وماعيش ابد من دونه
الدنيه تضحكلي اذا اشبع نضر بعيونه
انه المكسور كلبه بدمعة الايتام .. وماتنشف دمعتي
انه الرديت سعفه محدب بلا حيل .. وتوجه بعبرتي
التارس جفن عيني .. راح ويخليني ..شيخلصه ليلي
روحي تجافيني ..خلصت تره سنيني .. وحسره بدليلي
ياموت الهجر .. يذبح العمر
ضهر منكسر .. عالزهر
*****************
العبره تاخذني وترد ذاب الجفن يم حسين
الجفه رد بيها الشمس اجفوفه ماتت مرتين
مره بضلعج المكسور اخذني الموت ومره بهيل التراب
كل حسره بدليلي تكعد الميتين وعيوني عله الباب
كل دمعه الج طاحت .. بعبرت كلب صاحت ..ماضلت عيون
وياي السمه ناحت .. ام الحسن راحت ..ذبلانه الجفون
راحت خيمتي ..ونسمة دنيتي
نزلت دمعتي .. عالزهره
************
ميت تره الفاكد محب ومن الهجر ضهره هلال
بروحه تصير المكبره للمنجرح راحت بال
كابلت المكابر بلسم المجروح .. واضماد المدامع
وتتبده الصور كل ما ادير العين..وتهيج المواجع
الفاركني شيجيبه ..غطه الجفن شيبه ..من شيب الراس
راح الهوه وطيبه ..وتاركلي تعذيبه .. واشهك بالانفاس
ياعطر الورد .. ميت راح ارد
كلبي منمرد .. عالزهره
********************
ياباب المعاتب اسد واشخله بجروحي الباب
بابي انكلب قوس ونبل وبعيوني يترس نشاب
شما صد عله بابي تصرخ العبره..وين اهلي الجفوني
اغمض والصور ترست جفن عيني ..وين الفاركوني
لا اول وتالي ..مافاركت بالي .. ارحمني ياموت
شويه ارحم بحالي .. شييرجع الغالي ..بعيوني تابوت
شيعت الهوه .. وفاركت الضوه
دلالي انجوه .. عالزهره
*****************
تمت
احمد الخفاجي

‏مقطع صوتي من احمد الخفاجي

كل مجلس عله الزهره
بدمعه الحسين يحضره
يبجي وينادي بحسره
يافاطمة المظلومه
******
حسين كل مجلس يجي متحزم احزام
ويفتر بين المجالس كل الايام
رغم صدره المنكسر ويانه لطام
وتنزف بكثر الطم اثار الاسهام
يلطم يناس بلوعه
ماهم لجم اضلوعه
الزهره حمره دموعه
يافاطمة المظلومه
*****
عظم اجرك نادو خل يسمع صدها
للعرش خل توصل اليرضه الرضاها
امصاب محسن ياخلك كاسر كفاها
تبجي يم الباب ابو الحمله لكاها
حاضر عزانه اليله
شمسوي جرح بحيله
كسر الضلع يبجيله
يافاطمة المظلومه
********
المجلس عله الزهره ابو ايمه يعطره
والمصيبه النفس بالكوه يجره
حسين اجه بلا راس والدم فوك نحره
يلطم ومتهشمه ويلي اعضام صدره
كاتلته حيل الحركه
وريته بهظم مختنكه
ضاع النفس بالشهكه
يافاطمه المضلومه
*****



والله ياناس شعظمها دمعة العين
منك بقاروره ياخذ بيها الحسين
دمعه وحده عله الزجيه بالبراهين
تنطفي بيها جهنم والبراكين
بمجلسها صوت الونه
انجاوب السألنه
يعني كبل للجنه
يافاطمه المضلومه
****
حسين يسمع بالطم آهات صدرك
ايأشر بجفه الحبيب ايسجل اجرك
يالنذرت اسنينك بهالخدمه عمرك
اشترجه منها وعالي يم حسين قدرك
كلشي الحبيب انطانه
برتبت ملك سوانه
اليله ينادي ويانه
يافاطمة المظلومه
********
نزلت املاك السمه وياكم يلطمون
رادو امراد وخذو من دمع العيون
مدو الجنحان بالمنبر يمسحون
شهل الكرامه البي وللمجلس يحضرون
الكسر ضلع يلجمها
صوت السمه يكلمها
يعني اشعظم مئتمها
يافاطمة المظلومه
*******
تمت
احمد الخفاجي

بدمع الحزن محتضره ..الضلع الحسين وكسره
إكراماً الج يم عباس .. نعشج نشيل الزهره
*******
كل دمعه اعلى خدج بيها الف لوعه
عله حسين الغريب ورضة ضلوعه
عفتي الدنيه كلها وبيها مفجوعه
ويحسين بدليلج ونه مسموعه
سهرانه الليل.. والدمعه تسيل ..وعشتي مهضومه
شمسويه الخيل .. بحسين الويل .. ومغيره رسومه

كل ما تهل عيونج .. حزنج يغير لونج
ضحيتي باربع اولاد .. الله اليكون بعونج
*---*****
يم كلب الوسيع وجرحج بكبره
مكسورة دليل ودمعتج حمره
يم اربع زلم مذبوحه عالغبره
بس همج غريب المنسحك صدره
كلبج مجروح .. كل ليل ينوح .. لحسين الغالي
حلمج مذبوح ..دمعج مسفوح .. عالخد يلالي

ضل يدي جرح سنينج .. ودم الدمع من عينج
يالعفتي كل اولادج .. و يالما نسيتي حسينج
*****
يالصرتي بديار حسين الف فضه
وعينج ماتفارك وجها باللحضه
عجب كلبج يدك وما سكت نبضه
وسمعتي شلون صدره الحافر ترضه
ماشفتي النوم .. من ذاك اليوم .. ومنتضره اخباره
حيلج مهدوم .. وكلبج ملجوم .. ويشب بناره

الدمعه بشر بعيونه .. عن الجره يسألونه
كلتيله عوف اولادي .. وحسيني كلي شلونه
****
بجيتي الخلك يم الوفه بولدج
نزل نهرين دمعج يحفر بخدج
عله فراش المنيه والي ماعندج
اجاج الموت وانتي بدارج لوحدج
باخر انفاس .. يم رفعة راس .. ماعفتي ونينج
دمعج باحساس .. يم العباس .. مانشفت عينج

اعليه التضيك انفاسه .. ملتمه اهله وناسه
لا يمج اليبجي بصوت .. ويصب دمع بحساسه
*******
عد راسج خديجه ومريم العذره
وكعدت عد يمينج زينب الكبره
وحوه وآسيا وكل نسوة العتره
ولعد الباب اجتج تنحب الفقره
عطشان هواي .. وما ضكتي الماي .. بموتج عطشانه
ونج بهداي .. يم الوفاي .. وعينج ذبلانه

حسينج يرد امنيتج .. وبيها يرد عافيتج
طال الهجر بس الدوح .. يالحره ون بيتج
****
تمت
احمد الخفاجي

يمته استراح ياعلي يمته استراح
من النياح ياعلي من النياح
************
شيبني يابويه الدهر والشيب تارس راسي
طف كربله وحبل السبي كلبي الحزن ما ناسي
شحجيلك بضيم الجره من رحلت المئأسي
حسيته ضهري منكسر من ودعت عباسي
من الرماح ياعلي من الرماح
يمته استراح ياعلي يمته استراح
*************
سابيني يابويه الحزن واجروحي حيل هوايه
طول الدهر ما ينسي نهر الفرات ومايه
جان الكمر بالطف الي عالخيمه ضل افيايه
يفييلي دخان الخيم عكب الكمر والرايه
مو كلشي راح ياعلي مو كلشي راح
يمته استراح ياعلي يمته استراح
*************
كل عمري عشت امدلله ومحد يشوف اخيالي
ماقصر اعضيدي الكمر عباس اخوي الغالي
تالي برمح راسه انرفع وشماتي تمشي اكبالي
ضلينه من جرح الجرح وضلت دمعتي اتلالي
كثره الجراح ياعلي كثره الجراح
يمته استراح ياعلي يمته استراح
*************



ماغمضت عيني ابد واشخله ليلي بعيني
ياخذني نوبات السهر بحبل الدمع سابيني
من اذكر الخيمه احس جمره سهم تجويني
والتل رسم كل الصور كطعو نحر لحسيني
شمس الله طاح ياعلي شمس الله طاح
يمته استراح ياعلي يمته استراح
*************
انه المتت من القهر وارموشي ما مطبوكه
انه الحرك كلبي الشمر مثل الخيم محروكه
اتلفت اليا آخ اضل وبالعبره اون مخنوكه
بجيته الحزن جالقافله وبصدري ناخت نوكه
كل دمعي ساح ياعلي كل دمعي ساح
يمته استراح ياعلي يمته استراح
************
تمت
احمد الخفاجي

صاحت عمتي والتمت الناس
طاحت خيمتي من طاح عباس
حكه تتباها الشماته ..راح المدلل خواته
*******
من طاح العمد وصلوا للخيام ويا وليه ولوها
لا ضل الها ابن لاضل الحسين لاعباس اخوها
مكسورت كلب مابين الايتام من وصلوا لكوها
كل ذيج الخيم عكب الصناديد بالنار احركوها
الله يعين كلبج عمتي ام عون
لاضلج اخو ولاضلت متون
والكسر كلبج غلاته ..راح المدلل خواته
*******
بالخمسين عام وتركض شلون شيبني عمرها
عالتل اصعدت تنضر للحسين الكاسر ضهرها
تندب ياعلي من ينزل الصوط ياناس شكبرها
زينب ياوكت مجتوفه الايدين والشامت يجرها
حال ام الخدر بالغربه ياحال
من ذاك الخدر مجتوفه بحبال
وطايح الماكو بوفاته ..راح المدلل خواته
*******
عالتل اصعدت وتدير العيون والدمعه اعله خدها
كل دمعه اعله خوها تهدم الحيل ماتبجي لولدها
اغله من الضنه والدنيه الحسين غالي حسين عدها
تلجم ياخلك لجمات السياط بالغربه لوحدها
شيصير الكلب ومفارك اخوان
والكاسر ظهرها حسين عطشان
ماشرب ماي لمماته ..راح المدلل خواته
*******
وبحر الشمس عطشانه الاطفال ياناس العجيبه
جابو ماي رادوهم يشربون وهنانه المصيبه
كلهم ركضو لعد راس الحسين نتبده اعله شيبه
صاحو يشرب اله ونشرب الماي لو لحد يجيبه
كاتلهم عطش واحتارت بهاي
ركضوا عالرمح من جابو الماي
والرمح عالي شعلاته ..راح المدلل خواته
*******
ركبت عالهزل وتهل العيون وبيها الناكه راحت
ركضت بالطفوف تدور الحسين زينب وينه صاحت
من شافت اخوها مكطع اوصال من ضهرها طاحت
راحت يم اخوها تكوم وتطيح وياها النوك ناحت
شافت جسم اخوها بكلب محروك
وتون اعله ونها التمت النوك
وعالجسد طاحن بناته..راح المدلل خواته
*******
تمت
احمد الخفاجي

‏مقطع صوتي من احمد الخفاجي

صاحت ومحد سمعها ..شكالت وينزل دمعها
افتهموا بلزمة ضلعها ..اخوي ..اخوي
راح اخوي وحامي خدري
********
مشية الفاكد مشت واعله اخوها حدبت
تطيح .. تصيح .. عجيبه
وين اخوي ابو الفضل ميت بروحي عدل
احير .. واصير .. غريبه
منكسر كلبي واعاين عالشريعه
بلكت يرد لاخته ابو جفوف الكطيعه
ضيعتي بوادي الغرب ياخويه ضيعه
عفيه عيني وشافت اهوال الفجيعه
ندبت ومحد حضرها ..عالنهر غايب كمرها
ناحت ولزمت ضهرها ..اخوي ..اخوي
راح اخوي وحامي خدري
********

ينزل بخدها الدمع ..الصعبه مكسور الضلع
طريح ..ذبيح .. تشوفه
نابت بكلبه السهم ..ينازع بذاك الألم
سؤال ..محال .. تعوفه
الاخت وي الاخو غيره ومحنه
تكول مو زينب تعوفه وتمشي عنه
عالجسد كامت تفيي بصوت ونه
الاخو صعبه خواته يفاركنه
قرر الراس بسبيها .. يمشي ويعاين عليها
وكامت تأشر بديها ..اخوي ..اخوي
راح اخوي وحامي خدري
********








وين زينب والغرب بالدمع تطوي الدرب
مصاب .. عذاب .. حزنها
صعدت التله تون .. يشيب الراس الحزن
حسين ..سنين .عمنها
اللحضه بالطف اعله زينب جنها الف عام
سلها جفن عيونها المايقبل ينام
شتنسه زينب يامصيبه بجرح السهام
و انتها باخر جرح من حرك الخيام
شافت حسين ورضيعه ..والكمر يم الشريعه
طايح جفوفه كطيعه ..اخوي ..اخوي
راح اخوي وحامي خدري
********





شيبتها نينوه ..وكوه تشتم الهوه
سيوف ..تشوف ..تجيها
حرمه خمسين العمر ..وطكها بالصوط الشمر
عيال ..حبال ..بديها
بناكه عرجه عله الهزيله طلعوها
مروا بجسم الحسين ولوعها
طلعت وتمشي الشماته براس اخوها
وينه يازينب دلالج سمعوها
هضمه والهضمه شكبرها ..زينب بهذا عمرها
بالحبل واحد يجرها ..اخوي ..اخوي
راح اخوي وحامي خدري
********









للمصايب تستعد ..تلتفت من تبتعد
وداع ..ضياع ..بعدهم
هاي نضرات العتب ..بيهن هوم وتعب
حنين ..ونين ..عليهم
الدمع بس المنجرح يفهم حجيهن
مدللات وصبحن مجتوفه اديهن
صعبه لو نطرن عزيز ومايجيهن
المده تعمي العين لو طالت عليهن
طالت المده بحزنها ..ليله مايطبك جفنها
صاحت بعالم حزنها ..اخوي ..اخوي
راح اخوي وحامي خدري
********
تمت
احمد الخفاجي

‏مقطع صوتي من ابو الأكبر

يالمهدي زينب من الاحبال..جفين اديها كوه تنشال
ازرك متنها وتون .. شمخلي بيها الحزن
**************
توكف اطيح وراس اخوه تشوفه عالي عله الرمح
تصيح خويه ومن سمعها يدور راسه المنذبح
جم رمح كاسر ضهرها شايل براسه الشمس
يفتر الراس بمشيها بالرمح ضل ينغرس
آه.. عالوجه من تنهطر .. آه.. يلعب بصوط الشمر
آه.. عالرمح راس البدر
بدمعه تصدله وينضر الها
وضلت تخط زينب رجلها
لا ضل اخو لا ابن .. شمخلي بيها الحزن
**************





بجر الاجبال عمتك غاد جم مره طاحت عالوجه
تهل العيون بجرح المتون بعد المن تتجه
صاير ارماد المخيم بكثر ماشابع حرك
بالسمه الدخان غيم عالمخيم مختنك
راح ..كلشي من طاح الكمر..راح .. بالطف حزام الضهر
راح ..كل جفنها من السهر
كسرو ضهرها بوادي الطفوف
رايح نضرها بكطع الجفوف
كل رمشه شاب الجفن .. شمخلي بيها الحزن
**************











تمشي كوه يخط جدمها تارك اثار السبي
والرساله الك دمعه خطها تل الزيني
البيها زينب صعت التل بلف خاطر منكسر
وشافت حسين عله علوجها ويكطع بنحره الشمر
خيل.. شافت بصدره ترض . خيل.. طول تسحك
بالعرض .. خيل ..ركضت بجسمه ركض
تاخذ حوافر دم الحسين
للشام توصل بالنياشين
وضلت رقيه بلاحضن .. شمخلي بيها الحزن
**************









بحرك الخيم وذيج الاسهام بصدر الحسين شكثر
وحارت شلون تلم الايتام وصوط من كتر الكتر
ينزل الصوط بمتنها وكامت تشاكف بالم
ركضت عله حسين اخوها وعاشت بذاك الألم
اشوف ..الأثر فوك الأثر .. اشوف.. جم ضلع بيه انكسر
اشوف..تشوفه مكطوع النحر
الف وتسع ميت جرح بيه
تمسح دمعه لو تداويه
وطالت عليها السن .. شمخلي بيها الحزن
**************





طبت السوك حيل صعبه ذبح جم مدلله
ذاك يشتم. وذاك يسطر والجفون مبلله
تكتل عيون الشماته صوط ينزل عالظهر
ابد ماخلو خواطر خاطر الحره انكسر
تنوح ..عمتك من تنشتم .. تنوح ..لحضه لحضه تلجم
تنوح .. وباليتامه اشكد تهم
كل لحضه شيبه برمش العيون
عامين تكبر بيهن ام عون
ينطر كلبها شما تحن .. شمخلي بيها الحزن
**************
تمت
احمد الخفاجي

لبت حامي الحمه .. ون وحي السمه ..يا زينب
بجروح الضمه .. ماتت عالمه .. تتعذب
زينب .. زينب .. زينب .. ياغريبه
****
ماتت بت علي هالليله بالغربه
ويلي من قهر ذاك السبي ودربه
الليالي المرت اعليها شكثر صعبه
بمدامع عينها لطف كربله تربه

بديار الغرب .. مدمعها يصب .. لخوتها
ياموقف صعب .. لجمات الكلب .. لجمتها
زينب .. زينب .. زينب .. ياغريبه
****
يجرح الشام شوف بزينب شسوه
تمشي اعله الجدم خلاها بالكوه
تطب ديوان اخت الراعي المروه
غريبه وعالمتن السياط تتلوه

بسياط المتن ..بالغربه تون .. مهضومه
ياليل الحزن .. مايطبك جفن .. ملجومه
زينب .. زينب .. زينب .. ياغريبه
****
زينب بالغرب ياحاله حالتها
هواي تعذبت من عافت اخوتها
يجيها الليل عالخد تجري دمعتها
مصايب كربله بالعين شافتها

من جرح لجرح .. حسين المنذبح .. راووها
راسه اعلى الرمح .. وبحبال الصبح .. جروها
زينب .. زينب .. زينب .. ياغريبه
****
مصيبة كربله شخلت بعد بيها
مجتوفه بحبل ومكطعه ايديها
كوه يخط جدمها وسوط ياذيها
غريبه وهالشماته تعاين اعليها

وي خط الجدم ..زينب تنلجم .. بالحسره
من عكب الزلم .. شامت يبتسم .. عالحره
زينب .. زينب .. زينب .. ياغريبه
****
اصعب ليله مرت ليلة العاشر
من ضلت وحيده وتكسر الخاطر
كل ليل اليجيها زينب تكابر
تتذكر بأخوها شسوت الحافر

كل ليل اليمر .. ياذيها شكثر .. سهرانه
بليالي الهجر .. وسياط الشمر .. ذبلانه
زينب .. زينب .. زينب .. ياغريبه
****
ماتت والدمع ماينشف بخدها
من يطبك جفنها بغربه وحدها
جايمته يجي العباس ويسدها
العين وباللحد بيده يوسدها

ماتت والدمع .. عالخد منطبع .. باللوعه
لراس المنكطع .. ولكسر الضلع .. مفجوعه
زينب .. زينب .. زينب .. ياغريبه
****
تمت
احمد الخفاجي

ماتت زينب بغربه .. صعبه ياخلك صعبه
وين الينوحون .. لجنازة ام عون..غريبه
****
اليموت احبابه تتحزم .. ابواجي اعله النعش تلتم
زينب ماتت من الهم .. غريبه
وين البالهوه الينشم .. ابو فاضل المشيم
زينب عكب المخيم ..غريبه
يناس شگد هضيمه وحشه الجنازه
الاخو بهالحضه لاخته عازته عازه
اليشيعونه اعلى نعشه احبابه تتوازه
شمسويه العقيله وهيجي تتجازه

وين التنزل دموعه ..ويبجي لزينب بلوعه
ويعميها العيون .. لجنازة ام عون..غريبه
****
وين الينحب بحسره .. وتنزل دمعته حمره
ماتت زينب الحره .. مصيبه
بكلبها من الخيم جمره .. جرح ياعالم شكبره
خواطر بيها منكسره .. مصيبه
على اخوتها تكضي الليل مهضومه
ومن جرح السبي وسياطه ملجومه
تنام شلون اخيها انسلبت هدومه
ومن حر الشمس متغيره رسومه

ردت من ابو اليمه .. قميصه السابح بدمه
وماضلت متون .. لجنازة ام عون..غريبه
****
شمسوي الدهر بيها .. الدنيه اندارت اعليها
حبال مكطعه ايديها .. عجيبه
قطيع الراس حاميها .. الشمر ياناس يسبيها
تطب لسوك تاليها .. عجيبه
بدروب السبي وبحبال جروها
وبسوك الشماته حجار يرموها
تطيح اعله الوجه بالسوط خلوها
ويويلي ام الخدر والعفه سبوها

بخرابه الكطعوا انفاسه .. جابو بالطشت راسه
خل يسمع الكون .. لجنازة ام عون..غريبه
****
يهنيال اليجيه ليله .. نام وما هدم حيله
ولا من مدمع يسيله .. لحبيبه
شحال الفارك العيله .. بحزن كل ليله تبجيله
العنده عيون يعميله .. لحبيبه
الليل البس حزن ويخلص بدمعه
يمر بس عاليتيمه بغالي منفجعه
شيرجعه اليموت الداره شيرجعه
وعله جروح العقيله ونت السبعه

غريبه مفاركه اخوتها .. وعالخد تجري دمعتها
تريد اليونون .. لجنازة ام عون..غريبه
****

المنيه الليله وافتها .. وغير الدمعه ماعدها
جم مصيبه شافتها .. عصيبه
المصايب حيل سلتها .. الجبيره مصيبة اخوتها
تمشي كوه خلتها .. عصيبه
تجيها منين زينب لحضة الراحه
وماتت وي اخوها بسيف ذباحه
مثل طير اليموت بكسرة جناحه
ردت بالقميص الخضبه جراحه

وين الكطعو زنوده .. جيته الليله مريوده
وي اليشيعون .. لجنازة ام عون..غريبه
****
تمت
احمد الخفاجي

سولفلي جرحك ياكيد حبل الاسيره
هم مثلك جروحه هواي بيد الاميره
طامورت الضلام.. هم تشبه الخيام
سولفلي ياكيد
*******************
من احتركت الخيمه ..كالو تكسر الخاطر
تكوم عللوجه وطيح .. كلي بعمتي اصاير
كالو ركضت بهيمه .. عالتل ضلت تكابر
من شافت اخوها حسين ملعب صدره للحافر
صعدت اعللتل يويلي ام الخدر
تعاين حسين ويحز نحره الشمر
ناحت.. طاحت.. صاحت .. كلبي حاير
شال الشمر راس حسين بالطف قهرها
حال الغريب العطشان كاسر ضهرها
ياغربة الآلام.. هم تشبه الخيام
سولفلي ياكيد
*******************
ماشافت شمس عيني .. سولفلي بشمس زينب
كالو تشبه النيران .. وي حرك الخيم تلهب
ونها يشبه اونيني .. كلي شلون تتعذب
وسوه بمتنها الصوط ..حبلها بيا عضم جلب
عمتي بوادي الغرب شبعت هضم
انلجمت بجر الحبل حت العضم
جروحي .. وروحي.. نوحي .. عالمسلب
ركضت لخوها العطشان من سحكته الخيل
بس جفها ينزف لجمات والمدمع يسيل
ياجمرة السهام .. هم تشبه الخيام
سولفلي ياكيد
*******************





كوه صعدت الناكه .. ركبت والضهر محني
عالناكه وضهرها هلال..طف الغربه ذابحني
روحي هواي مشتاكه ..ضوه من الطف يصابحني
ماشفت الضوه من اسنين .. بس الكيد جارحني
ياظلام الماشفت منك صبح
خذني للطف خلي راسي عللرمح
بغربه .. وصعبه .. نعشي .. جن طرحني
الطاموره ماخلت عين شابح نضرها
مثل الخرابه بالشام اضلم حجرها
خرابت الئآم .. هم تشبه الخيام
سولفلي ياكيد
*******************





جرح الكيد حاجيني جرحك مارحم حالي
منك بس شفت لجمات وصورة عمتي اكبالي
كالو طبت الديوان وبس المدمع ايلالي
وكافلها الكمر عباس راسه عللرمح عالي
مجلس ابن زياد شيب عمتي
شما بجيت الآه تنده دمعتي
حزني .. اوني ..هدني .. يا الغوالي
كل ليله طف يملي العين جرح العقيله
عالتل تسولف حسرات بونه ثجيله
بخرابه من تنام .. هم تشبه الخيام
سولفلي ياكيد
*******************






كالو بالغرب ماتت وحشه اجنازت الحره
لا يمها الكمر وحسين غريبه تموت بالحسره
يحضرها اخو رادت وحيده زينب الكبره
مثل اجنازتي باجر الكاظم محد يحضره
هم تضل وحشه الجنازه بلا اهل
تندفن مهضومه تربات الفحل
عانت..ماتت .. نزلت.. الدمعه حمره
باخر نفس ياعباس وتحلم الجفوف
ماتت غريبه بالشام سلالها الطفوف
من آخر الكلام .. هم تشبه الخيام
سولفيلي ياكيد
*************************
تمت
احمد الخفاجي

اليله النجم والكون كله كبر
مثل البدر لحسين صار الاكبر
هيئة رسول الله انولد .. شمس نوره بالمهد
نزل جبريل وصعد .. اشكثر يم مهده كعد
هله بميلاده البدر هله بميلاده
******
نزلت املاك السمه بميلاده
ياملك ينزل يريد امراده
شايل بجفه الورد .. وعطره لجنان الخلد
فطرس يروح ويرد ..احسبني يالاكبر عبد
هله بميلاده البدر هله بميلاده
* ****
كمر وبنوره النجم تتباها
هواي ماخذ بالشبه من طاها
الماي من عينه ارتوه .. الهوه شم منه الهوه
صافن بوجه الضوه ..نولد فارس نينوه
هله بميلاده البدر هله بميلاده
***-**
لحسين فرحه بمولده هاليله
علي الأكبر زينب اتناغيله
علي ابد ما ينوصف .. رتل احروفه بلطف
حرز اسمه بكل حرف .. شايل احساس وعطف
هله بميلاده البدر هله بميلاده
****
من نور وجها للسمه يتلاله
فلقت بدر وحسين بيده شاله
حسين من شافه ابتسم .. عطر من وجناته شم
يريد من زغره العلم ..والطف بخده انرسم
هله بميلاده البدر هله بميلاده
****
طيور الفرح لحسين جابت ورده
وطير الحمام ايبوس ضل بخده
بنت يم مهده صرح .. جنح يتلاكه بجنح
دوه الاكبر كل جرح .. وبزغ من نوره الصبح
هله بميلاده البدر هله بميلاده
*******
تمت
احمد الخفاجي

نور الامام الحسن نور الجلاله
يامحله يوسف علي بهيبة جماله
اليله ..بنوره ..ضواها الكوان
*******
يشمس المعالي صعبه انت تنشاف
يشيخ المضايف حيرة الاوصاف
صوره وجهك يالعيونك آيه
ابيت ابو الحسنين صرت امرايه
من يصدلك علي يشوفك مكانه
اليله فرحت علي وزهرة زمانه
بوصفك ..حاير ..شلكاله عنوان
*******
حاتم مضيفه منك درس جان
الما طب مضيفك ماهزله فنجان
هليله يملي الكون فور ادلالك
حكه بالجوعان يتعنالك
هاي الدلال الك بالمولد انفور
يمك يباب الكرم فرحانه الطيور
بسمك..غنت .. يا اغله ريحان
****
حاير شوصفك محتاره العيون
موش بزماني لو شفتك شلون
انه مجنون الحسن سموني
الماتشوفك شلي بيها عيوني
مرلي طيف بجمالك كحل الجفون
خل اصير بخدمتك عابس وجون
مرلي .. بطيفي ..وهذا احله برهان
******
بزغري وعشكتك عشك المجانين
يالماكو مثلك بس وجه الحسين
يشبهك العباس حيل هوايه
انت شيخ وهوه بيده الرايه
كمر عدنان اخذ منك معاني
وانه غير العشك ماشوف ثاني
حبك ..بكلبي ..وي نبضي نيشان
*******
مولد امامي نور بسمانه
باب المكارم هليله اجانه
معزب اسرافيل يم حيدر نزل
بمهده هز جبريل ويهني الفحل
انفرشت اليله الك كل الدواوين
ترس وجهك ضوه بكل الحياطين
وجهك ..صوره .. والبسمه قرآن
****
تمت
احمد الخفاجي

بدمعة يتيمه عالباب ضليت اتاني
هلبت يجوني الغياب آه يازماني
وامسح دمعها العين .. مهضوم اخوي حسين
آ يازماني
****
كل دمعه اعلى خدي بيها صورتهم
وتكتل ياخلك كل ليله فركتهم
يفز جرح فراك .. كلما اشتاك
الليله امي وابوي عيوني رادتهم
من زغري وتشح اعليه شوفتهم
شفت الثنين .. بعيون حسين
كلما اشوف حسين ينهدم حيلي
ليل الحزن لو طال شيخلصه ليلي

ياكلبي نوح المجروح نبضك نحيبه
ضم نوحك لدرب الشام زينب غريبه
وشما تمر سنين .. مهضوم اخوي حسين
آ يازماني
****
فاركني ابوي شيحمل الفركه
مابين الهضم والدمعه مختنكه
بالفركه شلون.. ينراد عيون
من حكه الينوح بفكد ابوه حكه
شيعوض مكانه وشبكة الملكه
يرجع ياريت .. شو ضلمه البيت
اظلم يناس البيت من عكب ابونه
شمخلي بينه الموت عالفاركونه

صار اظلم بعيني البيت عكب الغوالي
لاينطبك جفني بليل لا يهده بالي
وانحب على الماشين .. مهضوم اخوي حسين
آ يازماني
*******
شيبني العمر من فركة البضعه
وانه اول بشر مجويه بالدمعه
كلب المجروح .. طير ومذبوح
جن ونة غريب ومحد يسمعه
وجن ركضت حوافر رضت بضلعه
وكل جلمة ماي .. تكسر مكفاي
ريت العمر لحظات مو كثرة ايام
ولا احترك يحسين وي حرك الخيام

يحسين اشوفك عطشان وترضك الخيل
واعثر اجيتك بالليل بين المجاتيل
كلبي انجسم نصين .. مهضوم اخوي حسين
آ يازماني
****
شمحضرلي وكتي بليلة العاشر
لا يبقالي ابن لايبقى اخو باجر
ولا تبقى جفوف .. ولا عين تشوف
راح ابقى غريبه واكسر الخاطر
مابين الخيام وسحكة الحافر
وكل طفله تطيح .. يابويه تصيح
لا حاضر الشدات والشده تنحل
عمري جزه الخمسين وكوه اصعد التل

رمح برمح تمشي الروس واحنه وراها
والحره راس العباس كاسر كفاها
ومن طيحة الجفين .. مهضوم اخوي حسين
آ يازماني
****
راح امشي اسيره وبالحبل انجر
ومن حر الشمس حتى الرمل جمر
والتمشي بساع .. تجويها الكاع
نركض عالرمح من يجوي بينه الحر
ويفيي علينه بارسه ابو الاكبر
وبراسه فياي .. ضل يمشي وياي
وين انطي وجهي بسوك من دخلونه
مو بالهلا وبحجار يستقبلونه

من كربله لحد الشام مجتوفه ادينه
وما فارك امتوني السوط من انسبينه
وابقه انتظر لا وين .. مهضوم اخوي حسين
آ يازماني
****
شلون الشام اطب وضلوعي محنيه
التكتلني الشماته التنظر اعليه
ومن يصدون .. شيضل بأم عون
وسفه ام الخدر بالغربه مسبيه
وبتراب الخرابه عيوني معميه
وشلون انام .. بين الضلام
فزت رقيه تنوح وتريد ابوها
راسه بطشت جابوه بي موتوها

بغربه الدهر ياناس شمسوي بيه
فوك الطشت عالراس ماتت رقيه
والراح اجيبه منين .. مهضوم اخوي حسين
آ يازماني
****
تمت
احمد الخفاجي

متى ترانا ونراك .. متى ترانا ونراك
****
يالمالك مستقر .. ودموعك دم نهر
شيبت من القهر...بيا صحره تعيش
الكالك وين اثر .. بيا حضره ويانحر
و اتخيل بالصور ...بيا صحره تعيش
يابحر غركنه شوك جروفك
يمته تطلع بالبقيع نشوفك
وكبه تبني للحسن بجفوفك

متى ترانا ونراك .. متى ترانا ونراك
****
مر طيف اعلى الجفن ..كافي الهم والحزن
محبوبك ليك احن ...ذابحني الشوك
كل عمري ليك اون .. حزني يهد المتن
تتركني ما اضن ..ذابحني الشوك
حزن كلبك عالبقيع شكبره
يمته تطلع يبو الرايه الخضره
وتبني لام عباس كبه وحضره

متى ترانا ونراك .. متى ترانا ونراك
****
وين نشوفك حلم ..نورك بين النجم
الجنه بعطرك نشم ..يا راعي الثار
شد رايات العزم .. فوت بظهرك زلم
وبيها ابني المنهدم .. ياراعي الثار
الصادق السجاد يمته نزورهم
ليش مهجوره بجفاك كبورهم
بظلم حكام الرذيله وجورهم

متى ترنا ونراك .. متى ترانا ونراك
****
شو طالت غيبتك .. اشتاكينه لطلعتك
تصفيها برايتك .. يا ثار الله
عشت بهم غربتك .. حمره تصب دمعتك
لمصيبة عمتك .. ياثار الله
زينب بطف كربله سلبوها
وبالخرابه ام الخدر خلوها
وتالي بديار الغرب دفنوها

متى ترانا ونراك .. متى ترانا ونراك
****
كافي جروح وعتب ..حيلك مو للتعب
دمعك حزنك كتب .. مذبوح حسين
جسم حسين انسلب ..بصدره تشوف العجب
راس بطشت الذهب ..مذبوح حسين
ياللي عمرك خلصيته تكابر
ولحضه وحده مانسيت الحافر
شحال زينب ويه ليل العاشر

متى ترانا ونراك .. متى ترانا ونراك
****
تمت
احمد الخفاجي

باب العشك سدينا وغيرك ما حبينه
شجره بجرف كون انصير وانت الماي يروينه
حب الكلب لو لثنين .. هم يعشك حسين حسين
***
انت اول واخر عشك عاش بنبض دلالي
ياغالي واغله من الهوه وماعندي غيرك غالي
طبع اليحب يهوه السهر ودموعه دوم اتلالي
من اسمع بأسمك افز ومدري اشيصير بحالي
يحسين اهيم ابطرواك وانسه اليل واحزانه
عيون التحبك مولاي من الشوك ذبلانه
طيفك يكحل الجفنين .. هم يعشك حسين حسين
**
تدري العشك مابي طعم كون اليحب بالحيله
بس اليحبك من صدك آه اشيخلص ليله
المتعوده عينه عله السهر شيضل يناس بحيله
كلبي مثل دلة بدو فوحت غرامه بهيله
تعرف حبيبك بالشوك كلبه يذوب بالحسره
ماشفتك وكلبي عليك يخفك كام عالفطره
الماشافتك عميه العين .. هم يعشك حسين حسين
***
حسين العمر فدوه الك  يالمنطي كلشي العمري
شنهو انه واحملك اسم  وبجالك ارفع قدري
لاضهري بالطف منكسر  لا دمعي بالطف يجري
الكاتلني لجلك سيدي مايكفي اقدم نحري
كون العمر ميت روح فدوه تروح لعيونك
الحلوه من اصيرن مجنون ويكولن مجنونك
بيك الخلك مجنونين .. هم يعشك حسين حسين
***
يحسين اخذني العالمك  وهنيالي اصيراً عبدك
عليك الزجيه الطاهره احسبني خادم عندك
يالمنطي كلشي بكربله وياغربه ذيج الوحدك
خدك برد لاح الرمل  بس هوه يجوي بخدك
وبيدك تشيل العطشان رايد ماي يرونه
بدمه يفرفح جالطير بسهم الموت يرمونه
وانطر دليلك نصين .. هم يعشك حسين حسين
***
نايم على صدرك طفل  تلوليله يبني اسم الله
توليله وايدك علجرح خايف يفز عبد الله
يالثغرك بذاك العطش محد كدر يوصله
المحنه العليل بدفنتك شلون عله جسمك صله
يمكطع اوصال اوصال ابنك حار باوصالك
شلون بحصيره يلموك وانت الكون يبرالك
ياسيد عله الكونين .. هم يعشك حسين حسين
***
تمت
احمد الخفاجي