شێخ احمد کاکە محمود 26418

🤔

ڕوونكردنەوەیەكی گرنگ سەبارەت بە گۆڕانكاری و وردبینی ناو تەفسیری ڕامان.!

🤔سەرەتا دەبێت مرۆی ئیماندارو خاوەن (زانست و، عەدل و، ئینساف) زۆر لە خوا ترسانه ڕەخنە بگرێ و پێش ڕەخنەگرتنیش دەبێت ئەهلی وەفاو پێزانین بێت بۆ هەر كەسێك كە سوود بەخشە!

🤔نامەوێت لێرەدا بابەتەكه درێژ بكەمەوەو بكەومه پاكانەو ڕوونكردنەوە بۆ ئەوەی كە گوایا (تەفسیری ڕامان) دەسكاری و گۆرانكاری تێدا كراوه لەلایەن كوڕی مامۆستاوە (عیرفان) بەتایبەت لە بواری ئەسماو سیفاتدا.!

🤔1- من تەنها ئەوەنده دەڵێم سەرەتا حەقی شەرعی و نەسەبی خۆمه كە وردبینی و هەڵەچنی و لێكۆڵێنەوە لە تەفسیری ڕاماندا بكەم، چونكە مامۆستا بەڕەحمەت بێت هەفتەیەك پێش وەفاتی، وەسیەتی بۆ كردم كە دوای خۆی لێكۆڵێنەوەو وردبینی ڕامان لە ئەستۆ بگرم.

🤔2- لە 2008وە تا ئەمڕۆ زیاتر لە 6 جار هەموو ڕامانم خوێندۆتەوەو سەدان هەڵەی كۆمپیوتەری و وشەی (قرتاو) و دەیان خزمەتی بەرچاوی ڕامان كراوە ولله الحمد والمنە، پێم ناخۆشە باسی ئەم خزمەتانەش دەكەم!! بەڵام قسەی تاڵ و نەشیاو درۆ، مەجبوورم دەكات ئەم شتانه باس بكەم!!

🤔3- ڕامان تەفسیرێكە الحمدلله رۆشنبیران و خوێنەران بەگشتی بەتایبەت مامۆستایان و بانگخوازان گرنگی پێ دەدەن و ئەوەی من بۆ رامانم كردووە بەهاوكاری و دڵسۆزی خەڵكی كردوومه و ساڵانه هەڵەو تێبینی و ڕێنماییم بۆ دەنێرنەوەو كەسیش تا ئەم سات و كاته بە فەرمی ئەو گلەییەیان نەبووه كە گوایا ڕامان دەسكاری كرابێت و منیش هەرگیز خیانەت لە ئەمانەتی عیلمی ناكەم!

🤔4- لە بابەتی ئەسماو سیفات، مامۆستا بەڕەحمەت بێت تا ساڵی 1999 تەواوی تەفسیرەكەی لەسەر مەزهەبی ئیمامی ئەشعەری بوو، پاشان لەو ساڵە بەدواوه جەنابی مامۆستا تەواوی تەفسیرەكەی تا ساڵی 2005 گۆڕی بۆ سەر مەزهەبی سەلەف و دەتوانن سەیری سەرچاوەكانی ناو ڕامان بكەن تایبەت بەو بواره.! وە تەواوی دەستنووس و دەفتەرەكانی ڕامان ماوه بۆ هەر بەڕێزێك كە بیەوێ بیان بینێت.!

🤔5- من تەحەدا دەكەم وە دووباره تەحەدا دەكەم وە (كَفَىٰ بِٱللَّهِ شَهِيدًۢا بَيْنِى وَبَيْنَكُمْ)، بەتایبەت لە بواری ئەسماو سیفاتدا یەك وشەم دەسكاری كردبێت یان گۆڕانكاری تێدا ئەنجام دابێت، بە پێچەوانەوە هەر بەرێزێك گلەیی هەیە لە بابەتی (نصح) و ئاگاداركردنەوە من مەمنونی دەبم ئاگادارم بكات با بە ئەوپەڕی رێزەوە وەڵامی بدەمەوە.

6- گەردنی هیچ كەسێك ئازاد ناكەم كە تفەنگ بە تارییكەوە دەنێت و دەڵێت دەسكاری ڕامان كراوە و گۆرانكای تێدا كراوە.. لەسەر پردی (صراط) دەست بگرێت بە هەر شتێك كەلەم دونیا باوەڕی پێی هەبووە لێی خۆش نابم.

ببورن لە شێوازی نووسینی ئەم ڕوونكردنەوەیەم و الحمدلله ڕامان بەرەو تیراژی 25000 هەزار نووسخە دەڕوات و خەرمانی ڕامان ناوەستێت، بەهاوكاری خوداو پاشان هاوكاری و تێبینی و پێشنیارەكانی ئێوەی بەرێز.

07702493755 واتساپ و ڤایبەر
07501115990 تلیگرام

عیرفان ئەحمەد كاكه مەحمود
خزمەتكاری تەفسیری ڕامان

پێگەکانی "شێخ احمد کاکە محمود": 🌐 تێلیگرام 🌐 فەیسبووک 🌐 یوتیووب 🌐 ئینستاگرام 🌐 تویتەر 🌐 تیک تۆک 🌐 ماڵپەڕ ١ 🌐 ماڵپەڕ ٢

@ahmadkakmahmood

Please open Telegram to view this post