نواسيها الزچيه بصادق العتره
ونسچبها الدموع وتنزل العبره
••••••••••••••••••••••••••••••••••••••••••••••••••
بالصادق نواسي الزهره هذا اليوم
ابغدر ليش انجتل شبل النبي مسموم
حگ نبجي دمع من دم على المظلوم
وآثار الدمع ما تنمسح حمره
••••••••••••••••••••••••••••••••••••••••••••••••••
نتفاخر نسير ابنهجه وبحكمه
لحد يوم المنيه ما ضعف عزمه
غدرو بيه العده وسم السره بجسمه
فوك الآلأمه كلها منهدم گبره
•••••••••••••••••••••••••••••••••••••••••••••••••••
ما نترك خدمته او نذرف الدمعه
وبأرض البقيع اتضوي اله شمعه
تحضر بالعزه ويانه هل البضعه
تشاهد ساحه مبنيه وبعد حضره
•••••••••••••••••••••••••••••••••••••••••••••••••••••
شيعه وجعفريه وما يهمنه الموت
خدام الحُسين ونهتف ابهالصوت
اليحب آل النبي يوم القيامه ايفوت
سالم غانم وحيدر سند ظهره
••••••••••••••••••••••••••••••••••••••••••••••••••••••
الصادق خله أمره لليجي بعده
خاطر يبني دوله ويوفي ابعهده
سيفه اعله النواصب لازم يحده
للموعود ابو موسى ترك أمره
••••••••••••••••••••••••••••••••••••••••••••••••
✍️مصطفى النائلي

ماباقي المحرم له ايام
حضرو ارواحكم يله يخدام
خنهيأ عزانه عاشوراء اجانه
======
يله حضرو ارواحكم هل جانه عاشور
يله خل انهيئ ادينه الطلم الصدور
حسين يستاهل تره نفديله النحور
من الله شيريد التكله الزهره ماجور

هنياله ولف هنياله والله
اليخدم من صدك وي عزي مولاه
سلطان بزمانه عاشوراء اجانه
=====
احسب الجيت محرم لحضه لحضه
كلبي عاشورائي بسم حسين نبضه
امنيتي من الله عليه حسين يرضه
اليرضه عنه حسين هذا اشكبره حضه


ولباجي عله زينب دمع العيون
باجر ينحشر وي عابس وجون
الله يعلي شانه عاشوراء اجانه
_======_
انه كل عمري محرم ماكو افراح
وكون لجل حسين اموتن من النياح
الكلبه حاركته خيم شظنه يرتاح
لسه مافاركت سمعي حسين من صاح

الآن انكسر ضهري يعباس
وبيه اتشمتت ياخويه هل ناس
انهض ياحمانه عاشوراء اجانه
======
بين اهلال الحزن ودموعي هلت
اذكرت زينب لمن الخوتها ركضت
صوتها الحك يابو فاضل من تنخت
الخيمه حركوهه وعلينه ناس هجمت

خويه أطفالكم ماتت من الخوف
ها ياروح زينب ارجع وشوف
ياصاحب ألوانه عاشوراء اجانه
=======
لف شكرا لك يارب البريه
هل محرم وأنه بعده نفس بيه
جنت خايف خاف لتفيني المنيه
ونحرم من مجلس الزهره الزجيه

شكرا يالاهي اهواي ممنون
جي هاي سنه احضر مجلس أم عون
وللمهدي دعانه عاشوراء اجانه

حسين عبد الزهرة الدراجي


https://www.tg-me.com/+QYhwKs0Xy1h303S6

 الليله الثانيه
.
.
.

الحيــاة مرحــله        الوجــوه راحله
الخلـود للذي
يعيش كربله

***

كلــشي اله مـــدة نفاذ ومايضــل شـي قائم
كلشي يفنى ويبقــه وجــه الله والطف دائم
البي يعيش الطف سـوالف هوه هـذا الخادم
المارضـــه بسبـي العقـيله عـنه ترضى فاطم
 
البكاء قصته       الخلود حصته
هنيــئاً لـمن
ونينه اعتله

***

ابــن ادم شگد مايطول تنتهي ساعاته
والف هنياله الي سخــر للطبگ دمعاته
العايش حسين ومصابه ولوعت بنياته
مستحيل الزهره تنسه جمرته ولچماته
 
بكتاب فاطمه       هــُناك قائمه
الي اسمه انكتب
هنــــيــئاً الــــــه

***

اكـــو ناس حسين خدمــو وانســـه طاريــهم
احـــنه ناسيهـــم ولكــــن هـــــوه مانــاسيهم
العندى شهره الماله شـهره بدفتــره مساويهم
حسين مـن ينطيله خادم الباقي هم ينطيهم
 
القياس مو حچي     القياس بالبچي
اليذوب بالعــزه
 الحسين يقـبله

***

حسين اول عشگ خالــد والدليل خيامه
اشتعـــلت بعــاشر ولسه واجـــه بخدامه
يروح عام ويجـــي عـــام ومانــمل أيامه
الناس من الالم تهرب واحـنه نــهوه آلامه
 
جـراح نينوى       كمــا هالهـوه
بقاء للابد
ولانهــمله

***

يالخدمت حسين صدگ تنــذكر تضحيتك
علي باچــر عالصراط ايــوقـع بجنســيتك
باچـر بجنة الباري شكـــبره يصبح صيتك
يلي شخصيتك حسيني افخر بشخصيتك
 
تعيش بالدمع        تموت ترتفع
اليعيش هالوضع
رفـــيع مــــنزله
***
حيدر تركي الكربلائي


https://www.tg-me.com/+QYhwKs0Xy1h303S6

لحن هذه القصيدة بثواب ابو سلطان عز الدين الشيخ

#قصائد محرم
#بصوت ملا احمد الزوار


 الليله الثانيه
.
.
.

 
 
ما الحــبُ الا للــحبيــب الاولي
وانتــه اول الحبيتــهم يابوعلي
مستحيل ابتعد عنك
الله لايحرمني مـنك
الله لايحرمني مـنك
ياحسين
***

شكــراً الكــل الضـروف العــرفت بيـــنك وبيني
شكراً الكل شخص مؤمن على حبك فتح عيني
الينچــوي يســتاء حيل وانـه اريــدك تچــويني
بنص خيمكم يــبو الأكبر فضل منــك تخــليني
 
من خيــر چــفك انتــه ماليني ملي
وما سوته امي فضلك السويته الي
وما تملـني اعرفنك
الله لايحرمني منك
الله لايحرمني منك
ياحسين

***

مثلك انسان بحياتي ماشفت من عنده ثاني
لاطـردني ولا هجـرني ولانــساني ولاجفاني
ابــتعد سـهــواً ولكـــن نادمن ارجــعلك اني
رغم اخطائي ولكن گــلبك الدافـي حتواني
 
من كلشي ماكو سيدي سويتني
مشكور يـلي بخــيمتك خليتني
عيوني يعمن لو جفنك
الله لايحرمنــي مـــنك
الله لايحرمنــي مـــنك
ياحسين

***

ياحنين الماكو منـه ويا احـــن مـــن گــلب امي
انت التقومني اذا زل عن طريق الخدمه جدمي
ولـهذا انســـه كلـــشي بما فــيها حـــتى اســمي
الـه انتـــه المانســـيته اسمـــك مخـــلي بـــدمي
 
والمختصر عن لا تطول المــسأله
الحب انته اخــر شي وانتــه اوله
سوالفي مايشرحنك
الله لايحـرمني منك
الله لايحـرمني منك
ياحسين

***

سيدي ويانور عيـني بعاشــرك عيشنـي جـمره
ولو شفتني ردت اطفه عليه انـفخ من الحضره
الناس تتغزل بناس وشــعر تقــره بروح خضره
وبـيك مـن اتغــزل انــي مقتـلك يحـسين اقره
 
منطــيك من الذر يبو اليمه عهد
واعدتك وما اخلف اوياك الوعد
فدوه الك ذني البچنك
الله لايـحرمنـــي منـك
الله لايـحرمنـــي مـنك
ياحسين

***

بالگــلب مالك شــريك وماالــك قــط كفواً احد
السانـي يابو اليمه بسمك كل صباح ومسه ردد
كلشـي خل يـبرد بروحي اله حزنك زحمه يبرد
يالمگــطع عالتـراب الـحـــار بالصــحراء امــدد
 
عايش لچــن يحسين عايشـلك جرح
دلالي وي راسك احسه اعلـــه الرمح
وبعده يصرخ احبنك
الله لايحرمــني مـنك
الله لايحرمــني مـنك
ياحسين
***
حيدر تركي الكربلائي

https://www.tg-me.com/+QYhwKs0Xy1h303S6

#قصائد_محرم
#بصوت_ملا_احمد_الزوار

نزلة في ليلة الوحشة


زينب محتاره بعيلتها


محتـاره بعيلتــها الليله
لا والي العدها وتشكيله
لا خيـمـه الظلـت للعيله
تنظر مذبوحين اخـوتـها



ليلة وحشه وليلة غربه
عالايتام وزينـب صعبه
محتاره ومدمعها تصبّه
ولا واحد يحضر حيرتها



ظلت زينب تحرس بيهم
اطفـال وخـدّر تحميــهـم
ناموا بالصحره التچويهم
وزينـب ما نشفت دمعتـها



بسيوف حسين مگطعينه
جثّـه بـلا راس مخلـيـنــه
مرضـوض بخيل مسلبينه
وهضموا زينب من ساعتها



والكافل گطعوا چفّـيـنــه
راسـه بعـامـود مهشّمينـه
طايح عالشاطي موذرينه
ما يدري بأختـه وغـربتـها



زينــب مـا نـامــت ليلتـها
ظلت تحرس عگب خوتها
مهضومه وتنـزف دمعتـها
تـنــدب يابـويـه بشــدّتــها

خادم السيدة زينب عليها السلام
سيد زيد الفحام
______


https://www.tg-me.com/+QYhwKs0Xy1h303S6

#قصائد_محرم
#بصوت_ملا_احمد_الزوار


نعي / فاطمة العليلة عليها السلام 2024

راح الچنت اغفه بامانه
بحضنه ويغطّيني بحنانه
مظلم بقه وموحش مكانه

طفله وعليله شلون حالي
فوك المرض ضيم الليالي
راح العليّة هواي غالي

سافر ابويه حسين عني
ما رد بعد ونگطع ظني
مثل اليتيمه وزاد وني

تمنّيت كون بهالمسيه
وي عمّتي واختي رقيه
مشتاگه لهلي شلون بيه

لحسين ابوي هواي حنيت
بفراكه وحشه ومظلم البيت
يرجع وشوفه شكد تمنيت

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

https://www.tg-me.com/+QYhwKs0Xy1h303S6

#قصائد_محرم
#بصوت_ملا_احمد_الزوار


نزلة / فاطمة العليلة عليها السلام 2024

راح ابقه منتظره.
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠
مو من مرض حيلي انهدم من علّة غيابك
عيني عله دربك شابحة ومافارگت بابك
كل ما احنّ لشوفتك اتسلّه بثيابك
يابويه ظلمه بلا ضوه يقهرني محرابك
ما تنشف العبره
يا مهجة الزهره
٠٠٠٠٠٠٠٠٠٠٠٠٠٠٠٠٠٠
عايف عليله بلا ابو تنتظرك بدارك
ليل ونهار ابچي واون وتنشّد اخبارك
دزلي العذر لوما تجي وتقبّل اعذارك
لتخلّي گلبي محترگ من هجرك ونارك
ما تنطفي الجمره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
يابويه يحسين العمر ما يسوه من دونك
مشتاگه بويه لشوفتك ولشوفة عيونك
اقرالك آيات الحفظ عن لا يغدرونك
مو زينه آنه بغيبتك جاوبني عن لونك
حسره بأثر حسره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
مو كتلي اوديلج علي لو عمي ابوالغيره
لا عمي اجاني ولا علي حيره بأثر حيره
المن اروح واتّجه اتعنّه يا ديره
طفله وعليله عالسفر ما اكدر زغيره
مو طالت السفره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
يا طفله مثلي اتعذّبت فارگها والدها
ما عندي بس ام الكمر كلما تجي انشدها
تواسيني لكن هي هم جمرة حزن عدها
من كد بواچيها شفت دم يجري من خدها
مهضومه منكسره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
ابچي وسمعت الناعي اجه لن بِشِر ابن حذلم
يا أهل يثرب صرخته وبدموعه يتألّم
ذبحوا حُسين بكربله خل ننصب المأتم
يابويه ناديت وطحت حيلي البقه اتهدم
ومصابك شكبره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
هذا الخفت منه حصل ضامي انسفك دمك
گالولي راسك عالرمح وعله الرمل جسمك
اتمنّه اروح لكربله وكضي العمر يمك
طفله وعفتني بلا أبو وتيتّمت بسمك
كلبي ونفذ صبره
يا مهجة الزهره

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

https://www.tg-me.com/+QYhwKs0Xy1h303S6

(عون حيدر رادج)
.........
عـون حيـدر رادج . للولي للولي
أنطيتــي كل أولادج . للولي للولي
.........................
# مو مثل كل ضره * اشكد عظيمه وحره *
لؤلـؤه أنتــــي ودره * الحيـدر اللـه اختــارج.
# كام حامـــي ادخيلــه* أمنــج عالعيلـــه *
بجيتـج شــد حيلــــه * وداره صـــارت دارج.
بيده ربــج قـادج . للولي للولي
,,,,,,,,,,,,,,,,,,,
# أحتويتـي أطفالــــه * وصرتـي أم لعيالـــه *
حيــدر أنســـــر حالــــه * من نظـر لفعـالــــج.
# بروحج أخدمتيـهم * وخيمـه صرتي أعليهم *
وكلبـــج أيحـن ليهــــم * وأصبحـو أطفالــــج.
حـب ألاهـج زادج . للولي للولي
,,,,,,,,,,,,,,,,,,,,



# الغيــره عنـــدج هيــه * ومنبــع الحنيـــه*
بالـوفـــــه علويــــــه * وسيــــده لعيــالــــج.
# مرتفـع ظل صيـتــج * بالوفـــه وحنيتـــج*
حقـقيـتــــي أمنيـتــــج * فاطمـــــه وآمالـــج.
صرتي أم لسيادج . للولي للولي
,,,,,,,,,,,,,,,,,,,,,,,,,
# فضليتــي احسينـــج * عالكمر وأبنيـنــج*
وكرسيتــي أسنيـنـــج * بخدمتــه ومن شآنـــه.
# صرتي حضنه الدافي*ونبع عذبه الصافي*
وافـــي حبــــج وافـــــي * للولـــي ولخوانـــه.
منزله الحب فادج. للولي للولي
,,,,,,,,,,,,,,,,,,,,,,,,
# بالوفــه اول صرتي * وأشكثـر قدمتـي*
أنتــي ماقصــرتــــي * والنعــــم مشكـــوره.
# أنتـي أم مـو ضـره * للعقيــلــه الحـره*
بوكفـتـــــج منســـره * وبالكمــــر وبدوره.
نلتي هذا امرادج. للولي للولي
,,,,,,,,,,,,,,,,,,,,,,,,,

# خبر موت حسينـج * بدمع غرك عينـج*
ازداد لجلــه أونينـــج * حسين يذبـح يومـــه.
# موتـه حطم حيلـج * وسهر خلص ليلـج*
بعـده حــل أرحيلــج * ويلــي يامهضـومـــه.
حزن وسط أفـاآدج. للولي للولي
,,,,,,,,,,,,,,,,,,,,,,,,,,,,,
خادم أهل البيت(ع)
الشاعر: حيدر كامل العبودي
07815363696

(هتف صوتي)
................
هتف صوتـي ــ نزل موتي ــ أنا الكافل أنا
طفح غيضي ــ دمه فيضي ــ أنا الكافل أنا
صدر أمري تـره ـــــــ وأعيــد الكنطـره
أنا الكافل أنا
,,,,,,,,,,,,,,,,,,,,,
أطبهـا وتعرف أفعالي* بطـل بالموت مابالي* معارك تحجي ألي
بصباي وآنا ماشيها* وأعرف اشبيها مابيها* معارك تحجي ألي
رحت ليـها ـ صلت بيـها ـ أنا الكافل أنا
أنا بزغري ـ على قدري ـ أنا الكافل أنا
وأخذت المقدره ــــــ وأعيـد الكنطره
أنا الكافل أنا
,,,,,,,,,,,,,,,,,,,,,,,,





بدماي وتسري بعروكي* أحسها جنها معشوكي*أحب هيج الحرب
عشت من زغري وياها* أريد الحومه وأهواها* أحب هيج الحرب
صفت هيـه ــ عشـك ليـه ــ أنا الكافل أنا
صبح دربي ــ بطل حربي ــ أنا الكافل أنا
أبد مارد وره ـــــ وأعيـد الكنطره
أنا الكافل أنا
,,,,,,,,,,,,,,,,,,,,,,
تسولف كلها بعلومي* أبـد ماخيـبـت كومي* أذا بيـه أنتخـت
مهابه بزودي أنطيها* وأردن منتصــر ليها* أذا بيـه أنتخـت
أهــد ليــها ــ وأحاميـــها ــ أنا الكافل أنا
حلو سمعه ــ وألي فزعه ــ أنا الكافل أنا
أبنـهم مفخــره ـــــ وأعيد الكنطره
أنا الكافل أنا
,,,,,,,,,,,,,,,,,,,,,,,





أطـب اليـوم وبـزودي* أوفـي الزينـب اعهـودي* عهد منطي عهد
جبتها من الوطن بيدي* أضحي بهامي ووريدي* عهد منطي عهد
عهد عندي ــ عمري أفـدي ــ أنا الكافل أنا
الخدر يمـي ــ يظـل محمـي ــ أنا الكافل أنا
أميـره أمخـدره ــــــ وأعيــد الكنطره
أنا الكافل أنا
,,,,,,,,,,,,,,,,,,,,,,
ترفرف بيدي هالرايــه* وأريد العلكمي ومايه* أجيبنـــه وأجـي
أروي العايلـه بجــودي* أنا الوفاي بعهــودي* أجيبنـــه وأجــي
ألـــه أتعنـــه ــ وأجيبـنـــه ــ أنا الكافل أنا
يهالشاطي ــ عله أزماطي ــ أنا الكافل أنا
أسوي الماجـره ـــــ وأعيـد الكنطره
أنا الكافل أنا
,,,,,,,,,,,,,,,,,,





أقدم هامتـي وشوفـي* لخـوي وذنـي أجفوفـي* وأقدملـه العمر
أروحن وأكصد بغيره* عزيز وماكو أبد غيره* وأقدملـه العمر
تره حسينـي ــ نظر عينــي ــ أنا الكافل أنا
أنـا أعضيــده ــ واليـريـــده ــ أنا الكافل أنا
شبل أفضل مره ــــــ وأعيد الكنطره
أنا الكافل أنا
........................
خادم أهل البيت(ع)
الشاعر: حيدر كامل العبودي
07815363696