#قصائد__مسلم. بن عقيل_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

بعد أن وصل خبر استشهاد مسلم ابن عقيل وقفت مولاتنا حميده فقالت

عطشانه ومدري أبجي المن...وكلهن يابويه التمن
موتك وجروح البيه...وباجر امشي مسبيه 

****__

متأمله جنت الكاك ... بويه وتكعد انت وياي
واحجيلك عله اللي صار...ثلث أيام ماكو الماي
شبكني حسين بالخيمه...وتيه مني كل الرأي

عمي الغالي...عاين حالي..يمسح بيده ..ظل براسي
بحسره ننحب..وصاحت زينب...مسلم طايح..ياعباسي

بعدك ما يهدأ بالي...مجروحه ويهظم حالي
أنحب مدري اليا هيه...وباجر امشي مسبيه

****__

عزه ردت اني اسويلك...وابجيلك حزن وانحب
بس العطش نساني...وحالي بفركتك يصعب
نسيتك من وكع عباس.. كمت ابجي اني وي زينب

عمي الهيبه...الماي يجيبه...لاجن مارد... شفته واكع
وزينب صاحت..خويه وناحت..لمن شافت..وحده راجع

عباس بلا جفينه...ونابت ياسهم بعينه
طايح راعي الحنيه...وباجر امشي مسبيه

****__

ريتك بويه حالي تشوف...من وجت علينه النار
وين نروح بس نسوان...واحنه أطفال حيل ازغار
نركض كمنه بالصحره...وكلشي البينه بويه احتار

النار موجره...ودست الجمره..من كمت اركض..دست اني الشوك
وسط الهيمه...واني ايتيمه...اركض ظليت...ولاحتني حروك

حيره وكلما اني افتر...أتلكه بوجهي العسكر
وتعاين كلها اعليه...وباجر امشي مسبيه

****__

وي رقيه جنت اركض...وتاهت مني من وكعت
اعاين الها من بعيد...التراجي منها أنسلبت
الشمر بيها ولا يرحم...تلوع من الألم ظلت

بلا ترجيه...ظلت هيه...ومن المتنين...ظل يجري دم
الما يسوه...طكها بقوه..وتدري شسوه..الما يرحم

يا بابا تصيح بلهفه...ام جفوف شكد ترفه
ضليت ابجي وي رقيه...وباجر امشي مسبيه

****__

ردتك من أجاني الليل...حرنه أنبات بس جاوين
لا انت العليه ترد...ولا سالم بقالي حسين
ولا خيمه اللي بيها نبات...يبويه شلون اغمض العين

لتظن ارتاح...بطرت المصباح...حظرولي احبال..ونوك الهزل
وباجر ماشين..وماندري الوين..ديره لديره...شكد اتحمل

منهو يصعدني اعله النوك..وباجر دخلتنه اعله السوك
تريد الوالد لبنيه..وباجر امشي مسبيه

****__

سالم كلت اني الكاك...بالكوفه لمن اوصل
وتشبكني من اشوفك غاد..وتعدل بيدك المحمل
بس من القصر شمروك...شلون اتخيل المقتل

من يمروني...تصد عيوني...لطيحت طولك...احلم وحدي
اشكي همومي...واه ياحالي..وكل عثراتي.. لذاك المهدي

ياخذ ثاري من يظهر...ويم كبرك ينصب منبر
لحالك وجروح البيه...وباجر امشي مسبيه

****__
منتظر صالح الكعبي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__مسلم. بن عقيل_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


موشح نجفي في حق مسلم بن عقيل (عليه السلام)

دخنت والكوفه شبت نارهه
بيهه مسلم كَالو بأخبارهه
......................
طبهه مسلم والزلم تردم زلم
ضلت وبالخنكَه ماتكَدر تشم
بيهه مسلم نار شبت والنعِم
من جهبهه الحرب مسلم دارهه
......................
رجفت الحيطان مو بس العده
ارجال فوك ارجال ذبهه امدده
جيش هُمه وهوه جان الوحده
موت بيهم من شهر بتارهه
......................
والعُبَيِدِ الله ردوله خبر
جيب جيشك احنه تيهنه المفر
ارسلتكم كَلهم اني ال بس نفر
ضربته كَالوله جيش ابحارهه
......................
احتارت الفرسان بس من صرخته
صوته يذبح كَبل شدة ضربته
حيدره وعباس جانت صولته
اليمنه تاهت بيهم من اشمالهه
......................
هذا مسلم لو علي كلمن سأل
جاوبه ابسيفه غضب ربك نزل
سيفه حش اركَابهم حش الاجل
بني هاشم كفو من افعالهه
......................
حاصر الكوفه كأن جيش وعدد
ضربته توضيح الله الصمد
لم يكن من ضربته كفواً أحد
للقيامه ايشد جيوش ارحالهه

الشاعر ياسر العارضي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__مسلم. بن عقيل_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


طوعه يامسلم تصيح
يخو سبع الگنطره
هـذا يـومـك يـابـطـل
عيدحملت حيدره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طوعه نادت وانتخت وين راعي الموزمه
خويه هاي الجيش اجت اوعالقتال امصممه
وانتـه يـامسلـم وحـيد يـبن حماي الحمه
ريت وياك الحسين
لـو گـمـر هـاشـم دره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شـال سيفه وانتفض نـزل بالكوفه غضب
گـال عندي ايصير عيد انه ميدان الحرب
هـجـت اصـفـوف الـعـده راد يگـلبها گلب
فـرت الكـوفه تـلـوذ
اليوم كـلـها امطبره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امطبره فـوگ السطوح گـام يشمر بالـزلم
هـذا مـجـروح اويـلـوع ذاك شـارد منهزم
ابغيرت العباس هـد وأخذ من حيدر عزم
اليوم راواهاالحتوف
جندلاها اعلى الثره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طوعه مشدوها تشوف هذا مسلم لوعلي
بعمه حيدر من يصيح من يهاجم ينتخي
كـسـر رايات الـطـغـات او رايتـه ماتنثني
سوى بالكوفه طفوف،
بيه ظـلـت حـايره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيـچ يالكـوفه طبع اتعلميتي اعلى الغدر
خلده التاريخ مسلم مات عالحگ منتصر
وينهااعروش الطغات شوفي چاوينه القصر
ذكرى مسلم ماتموت
فـاز دنـيه او اخـره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعر اهل البيت عليهم السلام
خـالـد عـامـر الـزيـادي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


في حديث لمولاي سيد الشهداء مع نفسه.....


حسين بس ألزم دمعتك..... كافي تنحب
وقوي گلبك قبل لا...... ترجع لزينب
ظهرك خسرته وهايهيه
حضر حجي اتگوله لرقيه
كافي تنحب......... كافي تنحب
..........................................
قبل ساعه ابخير جيشك رغم بس عباس يمك
الغربه ثاريها ابو فاضل من تطيح وما يگومك
يلساكت ابعز الحجي شمثگل سكوتك
يحسين اول تالي ما ينسمع صوتك
بس آخ من دنيه الخذت منك تجوتك
وما خلتك تتهنه ويه ولدك واخوتك

هوه اخوك وجنت مثل... ابنك تشوفه
اهروش گلبك گطعوهن...وي جفوفه
مالايگ النوم لعضيدك
بس شتسوي ماهي بيدك
كافي تنحب.......... كافي تنحب
............................................
كابر وشد حيل ظهرك بعد رايد منك الطف
اعتبره ما ميت ابكلبك وگول ياعباس واوكف
ورد الاعمامه الراسك وألبس عباتك
صوت الشماته وصل حد خيمة خواتك
وضمهن بگلبك تره اتأخرك ذكرياتك
هو انته منا وانتهى كلشي بحياتك

گوم وبوجهك العامود المخيم
طيَحه بس لا توگع امن ايصير مأتم
التوجع تقنع ياهي منهن
بعباس متعلقات كلهن
كافي تنحب......... كافي تنحب
..............................................
ماي البعينك كضيته وكلشي أخضر بيك شيّب
راح امان اخيام زينب حگك تخاف اعله زينب
لاحگ وراك اشكد بجي امسح دمعتك
يلجيت ترگض للنهر حير برجعتك
واطلبها من طولك يرد بيك لوگفتك
وحاول تگض اعيونك أمن اتشوف اختك


توجع اسوالفها جي...... زينب امايه
أوين اخوك اتگلك أمن... اول احجايه
لا تحجي الها كلشي شفته
شما بيك تگدر خلها سكته
كافي تنحب........ كافي تنحب
...........................................
اعزاز طاحولك عشيره وما شكيت وگلت ظهري
جا گمر هاشم شكبره بگلبك المايرضى يدري
روح الگمر طلعت وروحك بدت تطلع
يحسين ما دامك عدل لخيامك ارجع
عندك رقيه استبطتك خافنها تسمع
گوم ارجعلها وخلي منك عاد تشبع

گلها عمج عالنهر يبنيتي عفته
وغير الموضوع من توصل جربته
وأبجي اعله كيفك من تضمها
ماريدها تحس مات عمها
كافي تنحب........ كافي تنحب
.........................................
ليش كل هذا المناشغ كافي مو خلصت انفاسك
افراگه ساعه ما يطول بين ما تنطي انته راسك
شمسوي بيك المامشيت ابدونه خطوه
بس عاذرك جي ادري بالعباس يسوه
الماي بيده واعلمودك ما تروه
ونكران ذاته العل نهر جسَد الخوه

آنه ذاك الينزف وضل يبجي سكته
آنه ذاك السولف اوياك اعله اخته
شگد حاولت الزم جروحك
يحسين انه احسين روحك

كافي تنحب............ كافي تنحب

احمد ماجد الكلابي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



اقرايات النعي  تصلح قصيدة منبريه أو نعي
الاشطر بين قوسين من التراث

أقرايات النعي البلغاضريه
تهز گلبي وتزيد جروح بيه
★★★★★
(آنا الوالده المذبوح أبنها )
(أوطول الدهر مايبطل حزنها)
نعي يخص الزچيه ويخص ونها
على البلوه يعين الله الزچيه
★★★★★
(آنا إلي عگب عزي ودلالي  )
(وعگب اخوتي وكل ذيچ الغوالي)
نعي زينب الضلت دون والي
تون علمشوا كل صبح ومسيه
★★★★★
(يخويه بياكتر طاحن زنودك  )
(يخويه العلم وينه وين جودك )
العفا علماي بس ردنه وجودك
الكافلها تنادي الهاشمية
★★★★★
(بچه وناداه ياجاسم شبيدي  )
(يريت السيف گبلك حز وريدي)
يگله حسين ياسلوة عضيدي
يجاسم هظم لو رحت من أديه
★★★★★
(أشحال الناس تتفرج علينه    )
(عمت عينه اليصد بالعين لينه  )
گالت زينب الحادي الظعينه
ترضه اختك يبو الغيره سبيه
★★★★★
(ماخلوا يشوف حسين دربه   )
(عليه اترادفت ضربه على ضربه)
المثلث ماخطاه وصاب گلبه
وعليه سحگت خيول الاعوجيه

الشاعر حسن لعيبي الحريشاوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

لزيارة الحسين عليه السلام 
طور ابوبشير النجفي
(يزينب راح ابوالغيره)

شوكت اووصل يبو الطيبه.
وعطر گبرك اشم طيبه
وجنح شوگي يوديني. ازورك يانظر عيني
وعطر گبرك اشم طيبه
★★★★★
رغم ظرفي  ازورنك يبواليمه
بدون زيارتك تدري العمر ظلمه
نوايب هلزمن كل مره ملتمه
يسالفتي التهم گلبي وتشد عزمه

الك روح وگلب يهوه. بحنان الشوگ اتچوه
أمنياتي وغاية اسنيني.  ازورك يانظر عيني
وعطر گبرك اشم طيبه
★★★★★
تره بروحي الوكت ما أنصفت روحه
على روج الحزن ظلت مثل لوحه
لچم كلبي الحنين وزَيَّد اجروحه
شاب من البعد حد ماكثر نوحه

عليك دموعي سچابه  يمن بچه السمه مصابه
عباداتي وأصل ديني  ازورك يانظر عيني
وعطر گبرك اشم طيبه
★★★★★
بياراي احتكم ومنين اجيب الرأي
يامثل النفس عايش  عمر. وياي
يمن دنياك كلها انطيتها الدنياي
ولجلي اتحملت غربه وعطش للماي

بلهفه اتعنه البابك.  وانوحن وابچي لمصابك
وهذا بعمري يكفيني . ازورك يانظر عيني
وعطر گبرك اشم طيبه
★★★★★
يمن زحت الطغاة الوگفت ابدربك
وصاروا خبر يوم تعمدوا حربك
عليك بفگد الأكبر من كسر گلبك
مد چفك حزينه گلوب التحبك

ردت يامهجة الهادي. ازورك واكسب امرادي
گبل لاموتي يلفيني. ازورنك يانظر عيني
وعطر گبرك اشم طيبه
★★★★★
الك طول الوكت هذا العمر منذور
بلاعاشور اردن بالهظم مكسور
بلامعنه حياتي بلاشهر عاشور
بلاماي العمر هيمه يظل مهجور

أَحْسَّن عايش بغربه. اعوف زيارتك صعبه
ردت وكتي يخليني  ازورك يانظر عيني
وعطر گبرك اشم طيبه

الشاعر حسن لعيبي الحربشاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ
خلونه نشد حزام
ظلن للخدمه ايام
كل واحد بينه يقدم دوره

نبذل بيهن مجهود
شاعـر ناعي ورادود
من نضهر لازم بأجمل صوره

نحسب للعام الجاي
ونحضر للطف ماي
خلونه نشد حزام
×÷×÷×÷×÷×÷×

أجــانه محــرم ومـاضل قـــليل و يبـدن ايـامه
يـحضـر باســـم الحــانـه والمــحنه بـده لهامه
العين تحضر الدمعه على حسين وعلى ايتامه
نهـار العاشـر مـن يضـل وحيد وتنـولي خيـامه

نوگف وگفت أصحاب
شـــبان ويـه الشـياب
ونواسي الحجه بهاي احزانه

صحـراء الدنيـا تصــير
والمهدي بنصها يحير
ويشاهد جده بنص عدوانه

عاشور جروحه هواي
ونحضر للطف ماي
خلونه نشد حزام

<><><><><><>

خدم وبها لأسم نفخر ولانهتم لليذمنه
نضيع بعالم الدنيـا ومحرم يرجع يلمنه
اذا شفنه الهلال يهل على زينب تألمنه
يجن ليل هدعش ظلمه وگمرها ولا خبر منه

عـالتل وتحـشم وين
حي لوميت يحسين
ياخـويـه أنهـض لم ايـتامك

لاانت ولاعــــــــــباس
ياهـو يرد هاي الناس
وصلو يبن امي لحد خيامك

محد منـــكم ويــاي
ونحضر للطف مـاي
خلـونـه نشد حــزام
××~××~××~××

بقينه لهل سنـه نخدم عسانه بكل سنه نخدمه
الحسين النعمه والواجب نحافظ احنه عالنعمه
سفح كل الوجود يضل وابو الاكبر يضل قمه
هلال احزانه من يهل تشوفه وتبچي كل نجمه

يالشهرك شهر الله
منـعوفــــك لاوالله
عاهدناك نضل لاخر قطره

يالمثـلك مـاكـو ثنـين
خيمتنه تضل يحسين
لوضاگت بينه نلوذ بكتره

واحد يحسين الراي
ونحضر للطف مـاي
خلـونـه نشد حــزام
××~××~××~××
علـي عگـاب العـمري



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA