#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ
موشح للعليله


هـالعليله النوح صـار اسـنادهـا
واجت تتشمت وسِف حسادها

======================
لـلـعـليلـه نـوح مـا مـنـه مـثـيل
والحزن بيها صبح وسفه يعيل
مستحيل ايروح منها مستحيل
إلا مـن اتشـوف كـل أسـيـادهـا

======================
بـعـيد صاير عنها شـيال الـلـوه
والجفن من البچي ذاب وخوه
دوه شـوفـة راعـي عيلتها دوه
يـمـته هاشـمها تـعيـد امجادها

======================
عـاشـت وماتـت بـالم ذيچ الايام
والـزمن منـهـا أخـذ حـفـنـة ازلام
رادت اويـالعـيله تگـضـيها بسلام
لچن حتى انحرمت امن اعيادها

======================
العـين عـالباب الگـلب يم الحسين
عـالهجر رب السـمه الگـلـبي يعين
شو أحس گطعوا لبو اليمه الوتين
وگـيـدوا كـربـلــه زيــن اعـبـادهـا

======================
گــوم مـا ظــل حـيـل لــتـيـتـم الــروح
بويه مجروحه اصبحت حتى الجروح
دارت اعـليـه المـصـايـــب يـــمــذبـوح
خـبـر مــوتـك روحــي صــدگ بــادهـا

======================
عـترة الهادي تـگيدوهـا بحـبـال
يرضا عـنـكم ربي لا هـذا محال
شلون أبن الزهره يبقه عالرمال
هالفـعل بـي مشترك مـوسادها

======================
نادت بـلـهـفـه وحـزن بـنـت الـرسـول
كـون يــرجـع حـيـدره فحـل الفـحول
خل يجي ويشـوف مذبوحه الأصـول
شــر هــنــد هــوه الــذبحـنـه وقـادهـا

======================
27/6/2024 يوم الخميس
20/ذي الحجة 1445 هـ
#الشاعر_الميرزا_محمد_الساعدي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



مولاتي العليلة ع

راحـوا لـلـموت وعـافـونـي
صحت اوياكم ما سمعوني
وآنه الوحـدي
جرحي اليدي
راحـوا لـلـموت وعـافـونـي
======================
آنـه اجـويعده وشـفت الضـعـن حمّـل
سألت وبس ردت افهم شنو اليحصل
صحت يالأكبر اختك حگها لو تـزعـل
گــلــي عــمّــتـچ تـوگـف غـداً عـالتـل

شنهو الصايـر متـفـهـومـنـي
أخـذونـي ويـاكـم أخـذوني
گـــالـــوا ردي
وآنه الوحـدي
راحـوا لـلـموت وعـافـونـي
======================
مشوا لبـعـيد وآنه روح ما بـيه
كـلـمن راح ماظـن يرجع اعليه
عاده النوح صاير عندي يوميه
لـيلـيه على الـمـاشـين لطـمـيه

تتـشـمت تحـضر عدواني
ردت الوالد بس ما جاني
أنــدب جــدي
وآنه الوحـدي
راحـوا لـلـموت وعـافـونـي
======================
يـوم الـفـارگـونـي عـيـوني هـمـالـه
شـمـالـه هـالـدهـر ويـه عـلي شـماله
شفت بالطيف ابوي اتسحگه خياله
وعـمـاتـي شـمـر يسـبـيـهـن اچـماله

فـزيت وهاجن ءآهـاتـي
بس لا سـابـيهـن عماتي
فكري ايـودي
وآنه الوحـدي
راحـوا لـلـموت وعـافـونـي
======================
مشـتاگه أشــوفـك يالأبـو اهـوايـه
بس لا من صدگ ذابحتك احچايه
أنـه الـمـايـوم گـلـبي يخـطأ بـرايـه
يـگــلـي والــدچ ذابــحــتــه ودايّـه

ياماي عيوني وكل روحي
لتزيّد جرح اعله اجروحي
مفطر چـبـدي
وآنه الوحـدي
راحـوا لـلـموت وعـافـونـي
======================
ما أشكي ولا كـدرلـكـم الـخـاطـر
خبر منكم يگلبي وهـالخبر ناطـر
عليه يا زمن شـو صـايـر الشاطر
بعزازي الگلب كل يوم الي فاطر

ميته من المدمع يلگوني
وي ظلمة داري الخلوني
حزني العندي
وآنه الوحـدي
راحـوا لـلـموت وعـافـونـي
======================
27/6/2024 يوم الخميس
20/ذي الحجة 1445 هـ
#الشاعر_الميرزا_محمد_الساعدي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

ما بين الجثث عطرك اشمه
وادور عليك يموذر
ييمه

ضلعي وصدرك ثنين
وصار الكسر كسرين

ييمه ييمه


🩸🩸🩸🩸🩸🩸🩸

ياوارث صفوه الله ينايم فوك التراب
ياوراث نوح واكثر مصاب عيالك مصاب
وكليم الله ورثته يجامع كل الاسباب
وريث الهادي جدك ورثت احزاني والباب

ادور عليك يومين
وصار الكسر كسرين

ييمه ييمه

🩸🩸🩸🩸🩸🩸🩸

يما تدري بناتك ولاهن ضالم وجار
اجيت اليله ادورك واكلك بيهن شصار
تبجي عيوني من دم متحلفتلي الاقدار
يالمحزوز نحرك جرحك بالكلب صار

بضعن لاوين ماشين
وصار الكسر كسرين

ييمه ييمه

🩸🩸🩸🩸🩸🩸🩸

ياهو باخر انفاس غمض عينك وراح
لو مشبوح العيون لمن تسمع صياح
من هجمو للخيام جنت تلاوي الرماح
نار بروحي يحسين نار تجوي الصفاح

شافت نحرك العين
وصار الكسر كسرين

ييمه ييمه

🩸🩸🩸🩸🩸🩸🩸🩸

لمن تسمع تصيح زينب بين الخيول
خويه حسين وينك ماتسمعني معقول
خيالك عدل لو مات هيه المهرك تكول
وانه ابين الجروح دار عليه جم حول

رض بصدرك البين
وصار الكسر كسرين

ييمه ييمه

🩸🩸🩸🩸🩸🩸🩸

صعبه ساعة الموت لمن تطلع الروح
وحدك بين الجيوش هايوليدي مطروح
حسين الشيبه النور ضي عيوني مذبوح
ابجي وتعمه العيون واعاشر بعدك النوح

راسك يالسبط وين
وصار الكسر كسرين

ييمه ييمه

🩸🩸🩸🩸🩸🩸🩸🩸


🪶 حميد العكيلي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


(يبن الحيد)
.......................
ياجســـام يبــن الحيـــد طـــب ليــــهـا
لجـل حسيـــن روحــك كـوم افديــهـا
.....................
يبـن الحيــد. ياصنديـــد. أفــزع للحسـيــن اوحيــد
اخذ السيـف. وأنهض كوم. ناصر للحريبـه ايريـد
ياجســـام. يبنــي انخـــاك. عن المعركــــه لتهــيــد
هذا حسيــن. نور العيــن. ماريــدك تظــل ابعـيـــد
لجـل حسيـن هاي الروح أنطيهـا
,,,,,,,,,,,,,,,,,,,,,,,,,,,,,,,
ياجســام. شــد احزام. وأرفع للحـرب صمصام
أفــزع ياحبيــب الروح. دارت عالخيـــــم ظــلام
ماعـدهم حميــه وديــــن. وماظنهـم ييمــه اسلام
بيهــم لاتهــم يلحيـــــــد. يبنــي ولاتطــخ الهــام
وكــوم العادتـك جســام عاديــها
,,,,,,,,,,,,,,,,,,,,,,,,,,,,,


يلعـفــــراس. يـلدرواس. قــلــد بالحـــرب عبــاس
من طب للنهر بالجود. وداس اعله الشريعه داس
يبــن المجتبـــى بهاليـــوم. اردنــك تشيــل الراس
أنا ابن الحسن جسام. صيـح وخـل تشوف الناس
وكالعبـاس عمـك كوم سـو بيـها
,,,,,,,,,,,,,,,,,,,,,,,,,,
أرفع كوم. راسي اليوم. يومك يبنـي هذا اليـوم
شد الحيل. لاكي الخيل. يبـن المجتبــى الجيـدوم
من ازمان. ياجســام. انتــه الهالحــرب مضمـوم
بسيفك فوت. طب للموت. يومـك يولـد محسـوم
ارفـع راس رملــه وكـوم سويـها
,,,,,,,,,,,,,,,,,,,,,,,,,,,,
حط عنـوان. بالميـدان. وأصبـح قـدوه للشبــان
ازغير وبالحرب مهيوب. شايل هيبـة الفرسـان
غيـره وبـاس. ياجســام. ماخـذ من كمر عدنـان
بيـك أتفاخـر بهـاليـــوم. تسلــم ياعظيــم الشـان
تحجـي بصولتـك هالناس خليـها
,,,,,,,,,,,,,,,,,,,,,,,,,,,,,,,,,,
خادم أهل البيت(ع)/الشاعر: حيدر كامل العبودي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



ليلة علي الأكبر ع ....محرم 1446

رايح تعب اسنيني
وبالحسره امخليني
اتسولف دمعة عيني....آه يالأكبر

ـــــــــــــــــ❀•▣•▣•❀ـــــــــــــــــــ

رحل عن عيني شخصك واقترب همي
واذان اجروحي كبّر وانتحل جسمي
وليدي البيه احسّن يجري وي دمي
رحل ما گال خاف اكسر گلب امي

كلشي ابروحي اينادي
آه يشبيه الهادي
حزنك بيّه الحادي....آه يالأكبر

ـــــــــــــــــ❀•▣•▣•❀ـــــــــــــــــــ

الولد غالي على امه وفگده مو هيّن
وعلى ارسوم الوجه لو غايب امبيّن
المغرب ذكرياته اتشيب من ايجن
اذكر طولك الچان اعلى عيني ايحن

اصورّك تترس بالي
فگدك عذب حالي
تدري اعلى امك غالي.....آه الأكبر

ـــــــــــــــــ❀•▣•▣•❀ـــــــــــــــــــ

چنت احسب لباچر يا بدر عيدي
انت اتلم كبرتي ابشيبي يوليدي
وتاليها الزمان ايبوگك امن ايدي
واضل تالي الوكت من عگبك اوحيدي

رايح نور اسنيني
ودمعاتي اتسليني
والفرگه اتأذيني......آه يالأكبر

ـــــــــــــــــ❀•▣•▣•❀ـــــــــــــــــــ

يوميه الصبح جنت اقرى لعيونك
آيات وسور خافن يحسدونك
اموتن تدري يوليدي انا ابدونك
شيسليني اذا باچر يذبحونك

ذباحك لو ادري
يقبل انطيه نحري
ها يشمعة عمري.....آه يالأكبر

ـــــــــــــــــ❀•▣•▣•❀ـــــــــــــــــــ

حزني ونوحي ما فارگته من بعدك
لچمه ابروحي ضلت ليّه شيردك
يمن تدري ابدليلي شيحمل الوحدك
ما انساك قسم بالمصطفى جدك

شايل نور اعيوني
لا تنشدني شلوني
ارماد اخيامك لوني...آه يالأكبر

ـــــــــــــــــ❀•▣•▣•❀ـــــــــــــــــــ

✍️ الخادم فراس موحان الساعدي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

لسان حال فاطمة العليلة

انا العليلة والوكت    ارتاح   ما خلاني
وكت اليفرحني مشه  وكت المدامع جاني
أنا العليلة
انا العليلة
★★★★★
اتعذبت  وتحيرت وتلوعت   بعتابي
لمن مشوا عني أبعدوا  چنهم سعوا بمصابي
محد سئل من الاهل شنهي الحصل بحبابي

انا العليله اتلوعت  محد دره ابلوعاتي
ياطارش يروح الهلي   ويشرح جمر چوياتي
انا العليله
انا العليله
★★★★★
بدار الحزن  ضليت أون إلهم أحن  واتعذب
سيف الهظم حز العظم زاد الظلم   وتشعب
بلهم طحت وتمحنت  عمه صحت يازينب

انا العليله الياوكت   تنزف جروح جروحي
لكلشي نهايه وانتظر   ماكو نهايه النوحي
انا العليله
انا العليله
★★★★★
ايام العمر   وحشه تمر گلبي جمر من همي
لامن أكو  عم واخو   لامن أبو  ولا  أمي
وبحسرتي   وبغربتي  لاراحتي ولاعزمي

انا العليله من هلي بدار الحزن خلوني
زين ويضل من البچي شوف وضوه بعيوني
انا العليله
انا العليله
★★★★★
حال الگلب  كلش صعب  وحال الغرب  خلوني
صعب السهل  عگب الشمل  عيوني تهل اعيوني
همه الضوه   وشم الهوه الجرحي دوه  وعافوني

ايردون ياساعة الأهل  والله الصبر تعبني
ماهمني ياذيني المرض  فراگ الاهل كاتلني
انا العليله
انا العليله
★★★★★
بغربه صرت من الوكت بيكم چنت  اتگوه
هموم الزمن كلهن لفن  مثل المحن والبلوه
حال السعد  عني أبتعد  وعمري بعد مايسوه

أمودع الله يافرح    بالك تمر أبابي
ماحاجه تتعنه وتجي  راحوا أعز أحبابي
انا العليله
انا العليله

الشاعر حسن لعيبي الحريشاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA