#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

رسالة العليله ع مع طير البراري

ياطير اسأله يمته نتلاگه. نظره وعتاب
گلّه العليله هواي مشتاگه. طال الغياب
.........

بالله ياطيــر البـراري اخذ مرسالي إله
دوّر عله حسين ابويه من تطب لكربله
سـلّم وّصـل ســلامي. انحنـي وستقبله
گلّه مـن گلب العليله هالرساله مسجّلَه

ما بية احمل جرحه وفراگه. نار وعذاب
گلّه العليله هـواي مشتاگه.     طال الغياب
.........

اخذ ياطير عله جنحك دمعتي وكلمة عتب
گلّه تنتظـــــرك عليله عجب ناسيها عجب
العليله اللي عفتـــها تشفه بس عازتها اب
انت لو ما ناوي ترجع عاد وضحلهه السبب

والله لونينـي حنّت الناگه. وكل الدوَاب
گلّه العليله هـواي مشتاگه.     طال الغياب
.........

گلّه راح تموت بنتك هم ترد لوما ترد
صارت بيوتك خرابه مقفره ومات الورد
لشوكت تبقى عله بابك تحسب ايام وتعد
فاطمه الطفله العليله هم تجيها وتنسعد

دنيا بغيابه لروحي خَـنّـاگـه ظلمه وسراب
گلّه العليله هـواي مشتـاگـه.     طال الغياب
.........

لو شفت ياطير عمي ابوفاضل بالظعن
انزل عله چفوفه حبها گبل لا يتگطعن
گلّه هم تدري العليله عيونها عليكم عمن
تنتظر جيتك عفتها يابوفاضل بالوطن

نار الهجر بجروحي حَـرّاگه. ودلّالي ذاب
گلّه العليله هـواي مشتـاگـه.     طال الغياب
.........

لو شفت عمتي العقيله زينب بهيبة امام
گلها مولاتي العليله بجنحي ودّتلچ سلام
چنتي مثل امها الحنينه رحمه وبحضنج تنام
هسّه طفله بدار ظلمه وما يفارگها الضلام

شنهو اللي أخّـر والدي وعاگه. مامن جواب
گلّه العليله هـواي مشتـاگـه.      طال الغياب
.........
من تصد وتشوف فارس شاب وبهيأت ولي
هذا اخوي وتاج راسي هيبتي الأكبر علي
بيده سلّمها الرساله انتظر يرجع الي
يرجع وياخذني بيده وفرح بشوفة هلي

ذاب الگلب من جمرة اشواگه. حس بالمصاب
گلّه العليله هـواي مشتـاگـه.        طال الغياب
.........

للعليله الطير من رد شايل الدم عالجنح
يعني راد يگلهه شفته حسين بالطف منذبح
داست الخيل عله جسمه وراسه مرفوع برمح
فتهمت الطفلة العليله. وصاحت بصوت الجرح

ياويلي ابوي الماي ما ضاگه. ظل عالتراب
گلّه العليله هـواي مشتـاگـه.        طال الغياب

سيد زيد الفحام
__'______


الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ



توئم روحي _ طلعت روحك
كون يديرن _ بيه اجروحك
عباس خويه خويه خويه
/////////////////////////
ياابو فاضل رد لخيتك _ كلشي بيه متاني جيتك
ارد اموتن فوك اديتك _ هذا حلمي
ياهو يرهملي ابدالك _ كوم دللني ابدلاالك
تخلي من تمشي خيالك _ جان يمي
عليك تنشدني رقيه _ هسه اكللهه اعله جيه
توازت اوياي المنيه _ انته همي

كل ما انظر _ خالي امجانك
كاسر ظهري _ وظهر اخوانك
عباس خويه خويه خويه
/////////////////////////
روحك وروح العقيله _ تفاركن لا مستحيله
صارت انفاسي ثكيله _ من عفتني
سومرت من لاحك الحر _ وين روحك هسه تفتر
بيه صيحه تترس البر _ حيرتني
موش اول مره اكلفك _ بيدي ربيتك واعرفك
ما يعطلك عني جفك _ ظيعتني

كطعو منك _ ثنين اجفوفك
لا ما تكدر _ روحي تعوفك
عباس خويه خويه خويه
/////////////////////////
بين افراكك بخوتك _ الخوه ماتت ويه موتك
فدوه بس سمعني صوتك _ كلي زينب
عطرك اشتمه بعباتي _ عندك اعرفهه غلاتي
صعبه من دونك حياتي _ رايح اتعب
ادري طبعك ما تجافي _ راح اجيك وجدمي حافي
بلكي تطلع خويه غافي _ جفني شيب

ادري بطبعك _ ماتنساني
ماكو يشبهك _ واحد ثاني
عباس خويه خويه خويه
/////////////////////////
حسين راجع توه منك _ يبجي ويسولفلي عنك
ماره الخيل اعله متنك _ وانته كافل
ظاميه ومنتظره ظامي _ بي عتب تفهم كلامي
سلمت رجع سلامي _ ياابو فاضل
افراكك اتبده اعله لوني _ موتوك او مووتوني
بخيمتك ميته لكوني _ ودمعي سايل

ردلي حسينك _ لازم ظهره
صاح الغالي _ انطاجن عمره
عباس خويه خويه خويه
/////////////////////////
تصيحلي جنت الحبيبه _ هسه صار اسمي الغريبه
تهزني كل ساعه مصيبه _ خويه تدري
تردني عنك مستحاتي _ ماتت ابعيني امنياتي
الخيل سحكت ذكرياتي _ تالي عمري
للخيم واصل ونينك _ ياحبيبي شبيهه عينك
جرح كالولي بجبينك _ دمه يجري

سهم بعينك _ طفه اعيوني
اوصل يمك _ ماخلوني
عباس خويه خويه خويه
/////////////////////////
بطلت تسال عليه _ يعني أيس ماكو جيه
العشره خلصت هاي هيه _ لا دخيلك
طولك اتفرحني جيته _ لاني عدله ولاني ميته
وانته بالك يم اخيته _ تشتكيلك
روحي متعلقه بحنينك _ خويه وينك خويه وينك
يالطحت الله يعينك _ اندعيلك

باليل اكعد _ يمك انعه
واشمر روحي _ بخدك دمعه
عباس خويه خويه خويه
/////////////////////////
تمت ____ علاء الزيدي
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ


الــــف وتسعمية جــرح
فوك السحك فوك الذبح
بحسين ابوي الغالي

...1...
بالحصيره لملمت جسمه واجيتج عمه
امطشر اعله الكاع شفته وحرت بيش انلمه
كل جرح بجروحه شابك جرح ثاني امدمه
اه لو شفتي الجراله موتج ايحل يمه

اعظامه كلها امكسره
التراب دافن منحره
ياعمه شيب حالي

.....2....
حسين اذاني يعمه حسين حيل اذاني
كل جزء من جسمه اشيله ايطيح يم الثاني
حاولت أرفع أضلوعه الرمح ما خلاني
وحافر الخيل اعله صدره من دمه بجاني

من كثر ما جسمه انفرس
ابصدرة انكسر حافر فرس
هذا النظرته اكبالي
.....3.....
عمه كلشي منه ما ظل سالم اتحبينه
بالرماح وبل سيوف الوالد امكطعينه
حتى ثوبه املسلبينه وخنصره البيمنه
دوريت اشكد عليه ابكربله امضيعينه

والمنظر الاكثر صعب
عمامة ابوي اعله الترب
لساهه تتراولي
...4...
احفرت حفره جبيره حتى اوسده ابراحه
لان عبدالله اعله صدره وخفت ازيد اجراحه
منحره لساعه نازف مي عذب ما لاحه
الله لا ينطي ال اميه ولا نطه ذباحه

ذابح نحر شابع عطش
كدامه نهر الله انفرش
وعطشان مات الوالي
......5.....
ما اسولف بعد اكثر خاف ازيد ألامج
كافي الهموم الي بيج ومتنج وايتامج
كلشي بالطف ما تغير فقد نار اخيامج
منهه ظل ارماد عمه وذكريات ايامج

الجربه والجف والعلم
ومهد الرضيع الكله دم
وصيوانج الظل خالي
.......
كلمات
موسى الخادم

الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

نار الطف من نار الباب _ يمه
بوجهج صفعه بوجهي اتراب _ يمه
احتركنه _ انظربنه _ انسلبنه
يازهراء ___ يازهراء
//////////////////////////
تذكرتج ييمه اليوم _ موقف شفته كدامي
والدفعو عليج الباب _ نفسهم حركو اخيامي
من اول خيمه للكاروك_ الجمر طفيته بجدامي
خبر عندي الج مو زين _ ابو اليمه انذبح ظامي

تاهت من كثر الدخان _ يمه
اطفال احتركت بالنيران _ يمه
انجوينه _ انعمينه _ شكد بجينه
يازهراء ___ يازهراء
//////////////////////////
علي عنج شال الباب _ فضه تلكته تكله
وانه الخيمه فوكي اطيح _ ييمه وهيه مشتعله
رحت الكافلي ورديت _ صحت ياهوه يندله
الشمر تعبني شايل نار _ خيمه اعلينه ماخله

محتركه تحشم عطشان _ يمه
وطفني كوه النسوان _ يمه
احترك رمشي _ كبالي كلشي _ ارماد يمشي
يازهراء ___ يازهراء
//////////////////////////
مي ماعدنه اطفي النار _ حيره بيمن انطفي
انكل بالتراب وطاح _ اباوعله جلد جفي
رماد الكاع وين اتنام _ رقيه وكفت اتغفي
نفسج يمه هم السوط _ ظربني والتوه بجتفي

محد مثلي هيجي احتار _ يمه
جفي امجوه وعندي ازغار _يمه
هايه هيمه _ ماكو خيمه _ ياهظيمه
يازهراء ___ يازهراء
//////////////////////////
عن احسين اسولفلج _ الظهريه بهذاكه الحر
قفص صدره انشلع بالخيل _ اظلوعه مطشره بالبر
انكسر منج ظلع واحد _ وجسم اوليدج امكسر
نزل فوك الشبر بالكاع _ الحافر فوكه ظل يفتر

ما خله بعيوني ادموع _ يمه
شفت بصدره ماكو اظلوع _ يمه
خيل عشره _ فوك صدره _ يون اعذره
يازهراء ___ يازهراء
//////////////////////////
مصايب كربله والباب _ خذن جم غالي من عندي
دم عبدالله الي جابوه _ فوك امتونه متبدي
خدج يمه ازرك ذاك _ وهم انه انصفع خدي
كل الدنيه يم حسين _ وكفت والزمن ضدي

يتخطف فوكانه الموت _ يمه
الكاروك تحول تابوت _ يمه
انذبحنه _ انجرحنه _ يمه صحنه
يازهراء ___ يازهراء
//////////////////////////
ييمه صرخت المحروك _ تموت لمن اسمعهه
سحكت عالجمر اطفال _ تضل رجليهه توجعهه
رقيه تبجي من الخوف _ حيره شلون اقنعهه
ذاكه الجر تراجيهه _ وذاكه بجفه يصفعهه

من الظلمه هواي نخاف _ يمه
اصبع ايدي ما ينشاف _ يمه
الخيل اجتنه _ طشرتنه _ حيرتنه
يازهراء ___ يازهراء
//////////////////////////
تمت ____ علاء الزيدي


الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

فتحة عزاء الليلة التاسعه

ويه احسين ننعاه يل اكبر يا علياه
گطعته الدليلي
_________

الابو لو شاهد ابنه للاجل راح
چن من عنده طلعن سبعت ارواح
شنهي حال ابو السجاد من طاح
ابنه . او گطعنه اسيوف وارماح

گلبه ينبض اشلون وشيصبن هل تعيون
گطعته الدليلي
_________

الاكبر من ضماه ما يگدر ايشوف
تچوه ابحر رملها او حر السيوف
گمر من گد جراحه صابه لخسوف
وگع واحسين موچب لونه مخطوف

تصدع گلبه ويلاه ينادي حسبي الله
گطعته الدليلي
_________

ابگلب ملهوف للحومه تعناه
وگع يمه او يه طوله اتمدد وياه
مخنوگ ابعبرته او گوه حاچاه
يگله والدك موته تمناه

مهجة روحي يبني راح ليش مني
گطعته الدليلي
_________

اويلي اعليك يبني تنذبح ضامي
تون وآنه ونينك نحل اعضامي
يا سلوة حياتي او بهجة ايامي
دامي انت عليك الگلب ضل دامي
يبني الما شرب ماي صارت ظلمه دنياي
گطعته الدليلي
_________

عله صدره يحط اوليده الحسين
شاله او گام يوگع كل خطوتين
جابه للخيم يم النساوين
يون وايصيح عينني اعله الونين

يزينب راح مني يزينب خاب ضني
گطعته الدليلي
_________

ابو فاطمة الطائي


الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

فتحة عزاء اللية الرابعه

تنعه او شابحه اللون .. فگد الاربعه ايهون
واحسين السباني
_________

تون واجبال تتصدع لونها
سهام البين ويلي صوبنها
خذن حلم الليالي اوخاب ضنها
احسين الي تودّه راح منها

ساكن ارض الطفوف .. بين ارماح واسيوف
ولا يرجع ثواني
________

تنعه او يا نعيها يهدم الحيل
او دمعها من توالي الليل ل الليل
موش اعيون چنها اغيوم واتسيل
تگول احسين خافن تسحگه الخيل

اخاف ابخيل ينداس ... او بعيد عليه عباس
ويلا يا زماني
________

ها يهل الرحم نيران بحشاي
ودوني الحبيبي او نور عيناي
احس عطشان ابني ماشرب ماي
لأن گلبي ايتچوه او تسعر احشاي

گلب الام يوادم .. ببنه ايصير عالم
وگلبي يوجعاني
________

آنه ام البنين المثل البدور
واحدهم نذر لحسين منذور
خل اتموت ولدي ابيوم عاشور
بس يرجع عدل مو لنه منحور

مو يرجعلي مذبوح راسه بالقنا ايلوح
واتخيب الاماني

________

بعد ماعندي مهجه واحمل النوح
عدل لحسين لو هساع مذبوح
سالم جسمه لو مليان بجروح
يبعد اولادي كلهم مابقت روح

دربچ كربله امنين اريد اشتم الحسين
عسن موتي خذاني

________

وين الي يوديني الضعنكم
اترس هل نواظر شوف منكم
اگل عباس هل هالله بختكم
لجلها ياگمر موتو اربعتكم

الزينب صيرو احجاب عن اعيون الاجناب
يحلوين المعاني
________

ابو فاطمة الطائي


الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك