#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


 قصيده گعده للامام الصادق ع واستقبل محرم
.
.
.


صرخه صرخه / بهاي الليالي الصادقيه
صرخه صرخه / لهل الگلوب الحسينيه
العاشــور باقـي ايام
للخدمه شدو احزام
صرخه صرخه

--------

ويــن ارباب المجالس ويــن اصـحـاب القضيه
دعوه بسم الصادق الكم نحيي ذكرى الغاظريه
وكمــا قــال اقــــرؤها بالـطـــريـــقه الـــعراقيه
(امرر على جدث الحسين وقل لأعظمه الزكيه)
(يا اعظــما لازلــت مــن وطــفاء ســاكبةً رويه)
وخلو المدامع هامله .. وابچو على احسين وهله
الهشمو صدره بكربله .. بالــجـــــياد الاعــــوجيه
 
صرخه صرخه / الكل شخص للعطشان عاشق
صرخه صرخه / يقــره بحــزن جعــفر الصادق
رســـــاله للـخــدام
للخدمه شدو احزام
صرخه صرخه
----------

جعفر الصادق امام الفقـــه والحب والفضيله
يگول غير حسين احنــه ابد ماعـــدنا وسيله
الينطي للعطشان صم احسين يترسله شليله
والـــراد دنيــه واخـــره .. ليفرط ابهالجوهره
اليـخدم ابــو اليمــه تره .. چفة اعماله ثچيله
 
صرخه صرخه / من صادق اهل البيت الكم
صرخه صرخه / يتــــقبـل البــــاري عـملـكم
يامن خــدمتو العام
للخدمه شدو احزام
صرخه صرخه

-------

اتخرجت اربــع مدارس من تحــت ايده التقيه
الـــحنبلـيه الــشافعـــيه الحـــنـــفيه المـــالكيه
لچن كل هذا والصادق بــقه امواضـب عالعزيه
وهالحچي للي اتخلفو .. ومن تالي عود اتثقفو
ضد الحسين اتوضفو .. انفــاسهـم تبــقه بعثيه
 
صرخه صرخه / حي الله اصحاب الضمائر
صرخه صرخه / بعيونهم شـــوكه الــشعائر
امشو ورفعو الهام
للخدمه شدو احزام
صرخه صرخه

--------

عفيه ولــد احســين عفيه ابــد ما چلــو وملو
وبالصبر وكت الشــداد ابصبــر ابو اليمه تحلو
عن قــضيتهم الأم ابكل زمـــن لا مـــا اتخــلو
الصادق العتره قلدو .. اصروح الشعاير شيدو
وتغربو وستـــشهدو .. لـــچن مــاخـــنعو وذلو
 
صرخه صرخه / نبقه بمســـيرتنه نواصل
صرخه صرخه / وبصاية الله وابو فاضل
والله وســـبع تنـعام
للخدمه شدو احزام
صرخه صرخه

-------

نبچي امام الجعفريه الـجرعه المنصور ســـمه
مثل مانبچي المصايب والده حسين ابو اليمه
وعهد ننطي لبو الكاظم هالـــدرب احنه نلزمه
عالخدمه لامانبتـــعد .. ومن عزمه قوه نستمد
العاشوره باللحظه نعد .. حتى ابو اليمه نخدمه
 
صرخه صرخه / وقعنه لجل حسين بالدم
صرخه صرخه / واحدنه مخــلوق المحرم
بــينه العــــزم مادام
للخدمه شدو احزام

صرخه صرخه

 
حيدر تركي الكربلائي
 
 

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


 نزلة الليله الاولى
.
.
.

 
مادگ بــاب غيـــرك وانـته تــدريها
ابابــك حاجــتي يحسيــن ابديــها

***

مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها

***

ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها

***

يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها

***

يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها

***

اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها

***

تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها

***

گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها

***

كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

صفينه جعفريه
لابن خير البريه 

وريث المصطفى وحيدر وصيه 
@@@
مثيله ماوجد عالي ابزمانه 
لنهج الله عطه الوادم ضمانه
امام ودارت ابچفه سمانه 
والى المحشر يضل نهجه حمانه
… 
وجود ابعالم الذر 
ابضياءه الدين يفخر 
وتباهت عالسمه ابجدمه الوطيه 
@@@
مثل جده النبي وي جده حيدر 
على الامه فرض وده مقرر 
اجه من فاطمه للناس كوثر 
ومن الباري صفه العاداه ابتر 
…
النبي المختار جده 
امنهل بيت الموده 
وكفايه ابقدره إن امه الزچيه 
@@@
العلم منه رعايه ونور نبراس 
ولولا منهجه چا ضاعت الناس 
فقه من النبي مو راي وقياس 
واليتبع حصى مايعرف الماس 
…
المذاهب لو تعدهن 
من الصادق علمهن 
الحمل علمه من الباري هويه
@@@
يضل جعفر رمز ميمون بالكون
وعلم دونه بلا طعم وبلا لون 
الذي ابدونه فتوا من وين يفتون
فتاويهم غلط وشما يگولون 
…
اليصدرون الفتاوي 
فتاويهم بلاوي 
وتضيع امن الفتى تالي الرعيه 
@@@
يشيعه مو سهل عالصادق الصار 
ترى وگته صعب چالآل لبراز 
بني أمّيه وبني العباس اشرار 
وشواهد عالظلم من حرگوا الدار 
…
گضه ايامه اليمه 
يعاني بالظليمه 
مثل اباءه وارث چم قضيه 
@@@
الدوانقي ابجهل فكره وضلاله 
انتقم من الوصي ابذبحه لعياله 
وعمد عالصادق ابظلمه وجهاله 
وغرس سمه ابچبد نور الجلاله
…
صفه المنصور هالهم 
يدس للصادق السم 
ويشب ابفعلته نار الرزيه 
@@@
گضه الصادقه يشيعه تالي مسموم
امام العاش حتى ومات مظلوم 
اليزوره بهالزمن هم ينعه لليوم 
ضريح ابن النبي هالصار مهدوم 
…
بالمصيبه العظيمه 
صرخ گبره الظليمه 
ضريحه وتربته صارن سويه 
@@@
 علي أحمد الحمود 
٢٠-٤-٢٠٢٥
شهادة الصادق ع 


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


عمه زينب جعفر آني
الصادق وحزنچ عماني
حتى باخر لحظه من عمري بچيتچ
...
بيتي وخيمتچ ياعمه محترگات
واتحملنه من هذا الزمن لوعات
بس الماتصير اشلون علويات
وي ذباح ابوهن مشن مسبيات

وآنه ياعمه بعباتي
امن الحرگ احمي بناتي
وانتي ياوسفه الشمر واصل ثنيتچ
حتى باخر لحضه من عمري بچيتچ
...
من باب امنه وصلتنه يعمه النار
الاصل من السقيفه الضلمو الكرار
امعزبه انتي واجتچ نارهم خطار
وسهم عبدالله اجاچ ابهيئة البسمار

وآنه من شبت عليه
گمت اطفيهه بديه
وبزوايه البيت يمي اتخيليتچ
حته باخر لحضه من عمري بچيتچ
....
عرفت اشصار بالطف من اجه الدخان
وضلت بالغرف تتصارخ النسوان
من شفت الصحابه وفزعة الجيران
ذكرتچ وحدچ حرمه ابوسط عدوان

گمت انوح وراسي محني
لا طحت لا صوط طگني

بس اخذني احساسي إوعالتل لگيتج
حتى باخر لحضه من عمري بچيتچ
...
اذا چبدي انمرد جدي انسحگ صدره
واذا داري احترگ من خيمتج جمره
الحرگ من الله ارجو ايطول بعمره
واضل طول الوكت محروگ عالزهره

مااذب سود الملابس
بيتي بانيه للمجالس
والف لطميه عله المنبر قريتچ
حتى باخر لحضه من عمري بچيتچ
....
اعلمودج بيتي سويته حسينيه
وابوهارون يسعدني بنعاويه
يقرالي واگله اقرالي لطميه
لاكن أقره باللهجه العراقيه

الباچي لحسين ومصابه
لو قدر جنح الذبابه
بالقيامه ايكون ياعمه ابحميتچ
حته باخر لحظه من عمري بچيتچ
....

محمد الجماسي
اللهم عجل لوليك الفرج

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


‏اخر حرگ لآل النبي .. صار بداري
‏وصورة الفرّن بالعبي .. صار بداري
‏ومن داري حرگوها .. اذكرت الي كسروها
‏ـــــــــــــــــــــــــــــــــــــــــــــــــــــــــــــــــــ
‏چان اول حرگ يا هالناس النه
‏ايام ماتعبر السبعه بموت جدنه
‏اجتمعت الاصنام حرگت دار امنه
‏وأنت بكسرة ضلعها شلون أنه
‏
‏بحرگة الباب ودفعته .. چفها اتچوه
‏شفايف محمد باسته .. چفها اتچوه
‏منانه وابدوها .. اذكرت الي كسروها
‏ـــــــــــــــــــــــــــــــــــــــــــــــــــــــــــــــــ
‏ونار الاخره البالطفوف السعروها
‏حرگو اخيام العقيله وفرهدوها
‏چم طفل من الجمر رجله چووها
‏الخدّر ابلا خيم گلهن بيتوها
‏
‏ثاني حرگنه بالخيم .. بالطف صاير
‏وصارت نسانه ابلا زلم .. بالطف صاير
‏موته اليحرسوها .. اذكرت الي كسروها
‏ــــــــــــــــــــــــــــــــــــــــــــــــــــــــــــــــ
‏الحرگ داري يضحك و واگف يهفي
‏واني حرت استر حرمنه لو اطفي
‏موقف اشما احچي بي هم مااوفي
‏مثل زينب نارهم حرگتلي چفي
‏
‏دخان مثله ماشفت .. ضل يخنگني
‏ساعتها عمتي تذكرت .. ضل يخنگني
‏نار الي شبوها .. اذكرت الي كسروها
‏ــــــــــــــــــــــــــــــــــــــــــــــــــــــــــــــــ
‏أبيتي بس دخان كلشي مااشوفه
‏بس سواد العبي بالنسوان خوفه
‏ذكرني الطف لَمَن هجمت الوفه
‏عالخيم والكفل متگطعه چفوفه
‏
‏تنشاف ماعدنه مره .. وسفه وسفه
‏بس عدنه عمتي امأسره.. وسفه وسفه
‏مجبوره اخذوها .. اذكرت الي كسروها
‏ــــــــــــــــــــــــــــــــــــــــــــــــــــــــــــــــ
‏السم مثل ابائي خلصلي حياتي
‏وقبل موتي اتجمعو ولدي وبناتي
‏ارد اودعهم قبل جية مماتي
‏شحچي والسم ضره شگگلي لهاتي
‏
‏بموتي اجتني فاطمه .. تصيح وليدي
‏ولله تشكي المضلمه .. تصيح وليدي
‏بينه يأذوها .. اذكرت الي كسروها
‏


الشاعر غضنفر الزيداوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ
قصيدة الامام الصادق ع

للصــــادق ايسيـــل دمعنه دمعنه
اليله اعله حبه انجمعنه انجمعنه
"""""""""""""""""""""""""""""

للصادق انوح ـ انون ونت الدوح
وبثوب الاحزان ـ للمجلس انروح

نتحزم احزام ـ نلطم على الهام
ونگله للموت ـ نبقه احنه خدام

نتلاگه بهموم ـ نصرخ يمسموم
انحسها ام الحسين ـ ويانه هاليوم

مفتخره حيـــل ابلطمنه ابلطمنه
اليله اعله حبه انجمعنه انجمعنه
"""""""""""""""""""""""""""""

گلب المحب لاع ـ بمصباح الوداع
وموكبنه من سار ـ سد ناضر الگاع

لحبه احنه نحضر ـ ايجرنه الگلب جر
الخدمه اعله الملاك ـ بيها انتبختــــر

الخير ابثــناياه ـ بخـــدمتنه شفناه
وبالاخره ايفوز ـ الضل اعله مسراه

بهاي التجـــــــــاره ربحـنه ربحــنه
اليله اعله حبه انجمعنه انجمعنه
"""""""""""""""""""""""""""""

تون شجرة النور ـ غصن الها مكسور
واجب يخـــــدام ـ ندميله الصدور

كهل وصبي وشاب ـ انشارك بالمصاب
الكاظم نعزيه ـ لضل دمعه سچاب

الصادق يالحباب ـ بدره انطفه وغاب
بالســــم يويلاه ـ منه الچبد ذاب

الناعي الحزن صوت رفعنه رفعنه
اليله اعله حبه انجمعنه انجمعنه
"""""""""""""""""""""""""""""

رمز العلم شال ـ وسلطان الاجيال
واجب اله اليوم ـ نتهدل اهدال

مجلسنه نحييه ـ وام الحسن بيه
وهذا العمل دوم ـ الوجه الله نهديه

سيـــد الكرامات ـ ناحـــتله الآيات
ومختبصه وتنوح ـ ارض وسماوات

الصــــــادق وطنه او علمنه علمنه
اليله اعله حبه انجمعنه انجمعنه
"""""""""""""""""""""""""""""

يايوم اله انشوف ـ حضره ونجي انطوف
ونقره على الباب ـ حي الله الضيوف

نضحيله بنحور ـ انسويله عاشور
بالغرقد انقيم ـ مجلس نعي وشور

الخالفنه غلطان ـ ايضل ماله عنوان
من يوگع ابضيج  ـ خل ينفعه افلان

بجــــــوده وعطايا طمعنه طمعنه
اليله اعله حبه انجمعنه انجمعنه
"""""""""""""""""""""""""""""

✍الخادم
كامل السعيدي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ



قصيدة الامام الصادق ع

انه فاطمه بالســــــــــــــان ناطق
اشكر من حضر مجلس الصادق
اجره عليه
انه الزجيه


يفوز اليحضر المأتم
ابلهفه لخدمة امحزم
هذا نجه ـ ومني وعد ـ الى الأبد فاز

اليجي ومحضر الدمعه
حضه بالرفعه والسمعه
وسمه انكتب ـ وي الخدم ـ وفضل شرف حاز

هنيـــاله شكــــثر ربحان
يعيش بكل زمن سلطان
شانه ارتفع ـ راسه اعتله ـ وبهيبته امتاز


انه الزهره اجيت ابدمــع العيون
اســـــجل اسمائكم يلي تلطمون
بهاي العزيه
انه الزجــيه
……………………………

يمن نيتك مثل شيبك
اخـــــدم محد ايعيبك
كلك وفه ـ كلك شرف ـ وانه افتخر بيك

يالمواســــيني بمصابي
باجر تســــــمع اجوابي
اتفضل هلا ـ وميت هلا ـ للجنه اوديك

الخادم ثوبه مايعتك
اسمه بلوحتي امعلك
ويه اهل الوفه ـ والمعرفه ـ ومن حصتي انطيك

لگال امشونه للمجلس يالحباب
باجر بيدي اهيل بكبره الاتراب
مني هديه
انه الزجيه
………… ..

خلك بالعزه امحزم
للخلص حياته ابهم
واجب اله ـ بثوب الحزن ـ تتوشح اوشاح

دوم الدمعه تبراله
صورة كربله اباله
سبي الحرم ـ ذبح الطفل ـ وروس اعله الرماح

يبجي بروحه وحساسه
شيب الطف ترس راسه
حرگ الخيم ـ ضرب الحرم ـ والعل نهر طاح

ابكلبك عيش اجواء الحزن هاي
وكثر يا مــــــوالي ابنوحك وياي
عشت الرزيه
انه الزجــــيه
……………………


حافظ عل عزه ابروحك
ولجله الجمهن اجروحك
لطم الصدر ـ بي راحتك ـ اني اعرف بهاي

الصادق منبر الشيعه
احـــــذر بالك اتبيعه
خاسر تضل ـ وباجر الك ـ مايبقه كل راي

اخ اشكد صعب فگده
ماي اعله الثرى اتبده
ياشيعتي ـ الفكده نون ـ وتكابلو اوياي

ضلمه الدنيه صارت من جفه وراح
روحي اتعودت عل ون والصـــــياح
بس شبديه
انه الزجيه
……………………

الصادق للخدم معـــبر
صــــانع ثورة المنــــبر
كل الفخر ـ لسمه انتسب ـ ضد الجهل ثار

المذهب ضل عليه شاهد
العلمه ما وصـــل واحــــد
علمه ترس ـ كل الفلك ـ ومحمل ايثار

كتبه الكلها قدســـيه
ضـــد ذل العبـــوديه
بالمعرفه ـ يطفي الفتن ـ كل ماتشب نار

مات الينسأل لمن يحيرون
ومفجوعيـــن طلابه ويونون
والحسره بيه
انه الزچــــيه
……………… ..

✍الخادم
كامل السعيدي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


استشهاد الامام الصادق ع

اگول الحمد لله و اشكر الخالق
شيعي واعله مذهب جعفر الصادق
"""""""""
اگول الحمد لله والشكر دومي
شيعي وجعفري ورافضي من يومي
حيدر سمه وولده بالسمه نجومي
گد ما حب علي اذكر علي بنومي
انه ارجع واعيد الـگلته بالسابق
"""""""""
نعمة اچبيرة الله انعم اعلينه
على حب علي والصادق تربينه
ومن طينة علي خالقنه بارينه
طينة جعفرية فاضل الطينه
انه واهلي حبنا لعلي متطابق
""""""""""
بهويتي امن افتخر حگ احچي مو نزوه
يلوموني ويگولولي شنو شـدعوه
وكلام فلان عندي فلس ما يسوه
البسمار الـتدگ فوگه يصير اقوه
احچيها بفخر انه جبل شاهق
"""""""""
ابويه گلي كلمة وكلمته هايه
شويه الناس حبها وحيدر هوايه
گلي بـرايه واصبح رايي من رايه
مذهب علي اول واخر احچايه
صرت اشبه ابويه الخالق الناطق
"""""""""
يسألوني منو عايش بدلالي
اجاوبهم علي وما غيّر اقوالي
شيعي بحب علي والله هنيالي
غيري يبچي واضحك انه بالتالي
يوگفلي علي بيوم الحشر واثق
""""""""
عن هذا انتمائي شحچي من حقي
شيعي والله احسن خَلقي وي خُلقي
عشقي علي دنيا واخرة عشقي
ارزاق الحياة وحب علي رزقي
ربنه انطاني هو المعطي والرازق
"""""""""
شملني خالقي بنظرة الهيه
خله انفاسي كلها كلها شيعيه
وصارت دمعتي دمعة حسينيه
الحمد لله الهوية كربلائيه
حسيني ابقه ويه الخدمة مترافق
""""""""""
حب حيدر وحب الصادق شكبره
عنهم ما يغيروني ولو شعره
بيهم مِعتِقِد بالفطره والفكره
وباقي على نفس الفكره والفطره
ابقه جعفري لو مية الف عائق

انيس الخفاجي الكربلائي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

#قصائد_الامام_الصادق_عليه_السلام


يا دمـعنه الما سكت لمصابك
سيدي كلهـــــا تنـوح احبابك
__

سيدي ابدمع الحزن ناح الفــضه
جعفر الصادق خلص عمره وگضه
ناحـت السبٕــــعه الـك والرافــضه
بالحزن ناحــــــت الك طلابك
___

بالحزن ناحــــت الـك وتـهل دمـع
چبدك المسمــوم يا محني الضـلع
بيك ابو الحسنين مـــولاي انفجع
حيل فاجعــــنه امامي اغيابك
__

حيل فاجعنه المــــصاب وقصـته
مات مســــــموم الغريب ابـغربته
داره شــــبت نار فــــــــرت عيلته
نار شــــبوها وســـــافه ابابك
____

داره شــــبت نار تشـــــبه للخيم
دوم عايش كربـــــله آباله الحرم
ما نسه حسينه ابد عايـــش ألم
حگنه لو نبچي ونون بعتابك
____

حگنه لو نبچي على الداره جمر
على الفرت عمته بـــــحر الظهر
سيدي يومـــــك يضل بينه اثر
وانته علمك جـان دوم يهابك
___

الخادم المقصر ناجي ابو كيان الصالحــــــي ونسالكم الدعاء لي ولوالدي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


#مقدمه_للامام_جعفر_الصادق ع


عظم الله اجر الامام المنتظر

انعزي غايبــنه نجي هـاي المسـيه
ابليلة استشـــهاد امام الجعـــفريه
ابكلبه تســـــعر ماطفت نار الرزيه
ابمجلس الصـــادق نون ويا سويه

كل موالي اليله دلاله انفــطر
عظم الله اجر الامام المنتظر
°°°°°°°°°°°°°°°°°°°°°°°°°

العلم كله اليــوم عــــن طــلابه غايب
بكاس من سم ياحسـافه چبده ذايب
المهدي الله يعين گلبه اعله المصايب
هدمت گلـــــبه اســـف كثر النـــوايب

منصدع گلبه لجل هذا الخبر
عظم الله اجر الامام المنتظر
°°°°°°°°°°°°°°°°°°°°°°°°°

سادس اهل العتره عن احبابه رايح
وتـارك ابكل بيـت آهـات ونوايـــــح
ابكل بقاع الارض تتنصـب فـــواتح
وكل عزيه بيها واگف ابوصـــــــالح

راسه شيب مارحم گلبه الدهر
عظم الله اجر الامام المنتــظر
°°°°°°°°°°°°°°°°°°°°°°°°°

جعفر الصــادق لمن حرگوله داره
بگلبه مو بالدار ضلت تسري ناره
ذكر عماته البقن بالطف حيــــاره
من دوت خيمتهن وراحن اسـاره

هذا موقف ياخلگ يحني الظهر
عظم الله اجر الامــام المنتــظر
°°°°°°°°°°°°°°°°°°°°°°°°°
گلبه شيب والله ماينقاس صـــــبره
امصــايب اهله لوعــنه وحنن ظهره
باچر بارض البقــيع ايسـوي حضره
ونحضر ابمجلس الصـادق بيها نقره

عينه مامرها الوسن شبعت سهر
عظم الله اجر الامام المنتــــــظر
°°°°°°°°°°°°°°°°°°°°°

✍الخادم
كامل السعيدي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

أبيات ابوذيه للامام الصادق عليه السلام

على الصادق يگلبي ابنوح حضر آه
أمــام وماله فـــوگ الگــاع حضـره
اليـــوم بمجلسه المنتظـــر حضـراه
يعـــزي شيعتـــه بهـــاي المسيــــه

*
حـــزن الطـف حزن گلبـي يعمّـه
وأنشـــدچ عالجـره أهنـــاك يعمه
بالطف عالارض طاحــت يا عمّه(*)
مــن حـــزو نحـــر روح الزچيه

(*) اي عمامه
*

الشاعر
موسى البديري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


(قصيده لذكرى استشهاد الامام الصادق ع)

عايش بينه     عايش بينه
ذكرى امصابك عايش بينه

يالصــــــادق لجـلك ونيـنه
ومأتم لمصــابك منصــوب.
مــن اتمر ذكرى استشهادك
مثل الشمعه اعليك انذوب.
يا ثامـن جـرح الما يشـــفه
كل شيعي ابيومك منكوب.
الما يلطم ويكسـر اضلوعه
امقصـــر وياك اومطــلوب.

التدمع عينه   التدمع عينه
تغفــر ذنبه التـــــدمع عينه
©©©©
يامـدرسة الشيعه الكبرى
چـم باب العلمك مفتوح.
هنـــيال اليتعــنه الـدارك
يرجع مـن عنـدك مملوح.
طـــــلابك هاليله اتندبك
كل واحـد منهم مجروح.
ما ينســـونك يا قدوتهم
يالســـاكن بعمــاق الروح.

ماناسينه     ماناسينه
نذكر فضلك ماناسينه
©©©©
نفس الكسرو ضلع الزهره
وصـابوها بذاك المســـمار.
دخــلو يا مــــولاي الدارك
بغضـــن شـــــبو بيها النار.
خافو تعلن ضـــدهم ثوره
ويرجــع بيـــــدك ذل فقار.
يالمعروف ابشـدت بأسك
ذليــت اعــروش الفـــجار.

الضدك وينه   الضدك وينه
طامس ذكرى الضدك وينه
©©©©
والزهره بهل مجلس تحضر
تلطـــم وتهل دمــع العـــين.
يالمشــــــهد ترويع اطـفالك
مـر ابزينـب والحســـــــنين.
يالمسـموم ابيوم امصـــابك
حــزنن لجـلك دنيـــا ودين.
انس وجن مكسوره الخاطر
وكل انصـــــــارك متــــأذين.

ياوالينه      ياوالينه
انوح الفگدك ياولينه
©©©©

نار الهـم ما تبــــرد ســـاعه
وحزنك يتجـــــدد كل يوم.
يالما شايف راحــه ابعمـرك
يالعشـت وميـت مظلــــوم.
ذكـرك ماگــــدرو يمحـــونه
باقي انته وخصمك مهزوم.
رايـه انته وضلت مرفوعـه
ابچف انصـــارك يالمسموم.

ماحبيـنه    ماحبيـنه
غيرك وهلك ماحبنيه
©©©©

     الخادم
كامل السعيدي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

يَاهِي البالشِدَد وَاجِب ذِكِـرها
وكِل رُوح التِوِن تِجبر كَسرها
مَعروفه كِل حِين
أُم المَسـَــاكين
كِل رُوح التِوِن تِجبر كَسرها
***

مِـن يشـتَد ألَم دَهـرك يَراعِــي الهَــم
ونهَـار النـَـاس بعـيُونك يصِـير اَظـلَم
وكـُون اَلله الوسِـيع اتشَـاهِـدَه غـَـيَّم
صَـفـِّـي النِيـَّـه واقصِـدها وفـلَا تِهتم
إقــرَه الفاتحـَـه واِهدِيهـَــا لِـيهَه
واِجري ادمُوعك التِفهَم حَـﭼيهه
اتحِب دَمعة العين
أُم المَسـَــاكين
***
إقصِـدها ابيـَـقِـين امـنِ الفَرَج ﮔَـَـرُب
ولا تســأل حَكِـيم وإســأل امجَــرّب
امن اﮔلّـك عالتِـﮔـدرَه ابداً لتِستَغـرُب
حَقيقه العِندي عَنها ومُو مَثل أضرُب
شِيل إيد الرِجَه وإلهَـج بِسِمها
وحَـل المشكله اتشَاهِد رَسمها
بالدِنيه والدِين
أُم المَسـَــاكين
***
ﮔَـَبل لاتطلُب الحَاجه اِنتِـهِج إسلُوب
وحلّفهـا ابـﭼبـير اَولَادهـا المَهيـُـوب
الوِفه ابـﭼَفين وابرَاس ابعَمَد مَضروب
تنطِــيك المُــرَاد وماتـظل مَتعـُــوب
صَـدّك تِحضـرَك واتـزِيـل همـَّــك
وعَليك اتصِير اَحَن مِن ﮔلُب أمَّك
اتشيلك بجفين . ام المساكين
***
هـَـاي أم الوَفـَــاء اتوَافـــي دَاعِــيها
وبِاذن رَب الجَلاله الحَاجه تِـﮔضـيها
ومفتــَـــاح الفـرَج للشِــده بيــديهــا
اتعَـزّب ضَـيفها ابسُــفره التـخلـِّـيها
أَمـَّــن مِن يناديها ابنوَايــب
وحاشَه ما يرِد ابيوم خَـايب
حِصن المُذنبين
أُم المَسـَــاكين
***
هـَــاي الشَارِكَـت بنت النَبي الهادي
بالهـَــم عالذبيــح ابغــبرَة الـــوَادي
مَـيردها الإلــه وكِـل طَـلَـب عَــادي
مِن اتـﮔِلـَّــه  ربـِّـي ابدَاعَــة اولادي
هاي اُم البنين ومِـن اَجيـبَـه
طَاريها يَـجِد جَرحِي طَـبيبه
وايبَطـْـل الوِنين
أُم المَسـَــاكين

---------------------------
لقمان البدران


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

((يالصادق))


يالصادق النــــار ألكــم سجيه
ورثتو النار مــــن باب الزجيه
وبعيـــــونك جرح للفــــاطميه
وصارت دمعتك قصه وقضيه

ومن خيام الحسين
تدمع للجـــرح عين
يالمخنوگ مــــولاي
نارك صفـــت نارين

نارك من تـشب وعيونك تشوف
ادري تذكـريت اخـيام الطـفـوف
نعادت كربله يـم بابك وخــــوف
بس عباس ماكو وماكو الجفوف

يامولاي ابو الكاظم ...

"""""""""""""""""""""""""""""""""""""""""""""""" """"

صرت بهيئةّ حســـين وغــربته
محنتك يالولي تــشبه محــنته
فوگ اخدودك اتحس بدمعــته
بروحك سيدي افديته ونصرته

منك لـــوعه للماي
وللشمــــات للجاي
للماعــــرفو الـدين
نارك صارت اهواي

يبو سبــعين عام وحيل مهدوم
عمرك خلصيــــته وماشفت نوم
ماكو هلال صار العمر بس صوم
على طف المدامع صرت مهدوم

يامولاي ابو الكاظم ...

"""""""""""""""""""""""""""""""""""""""""""""""" """"

ترسم بالخيــــال وطفـك احلام
وتشوف الحقيقه وحيل محـتام
تذكر مــن برز بالحسـره جــسام
وعله حايط الذكره ترسم اخيام

لهلك حَنَـتّ الـــروح
يالبصــــفنه مجروح
بيك الــــنوم ميــنام
عايش وانته مذبوح

يا روحك وحــزنك تـــارس الروح
كل ساعه وتشـوف حسين مذبوح
وجن عباس ادري تشوفه مطـروح
نص اليل هــــاجت حيل الجــروح

يامولاي ابو الكاظم ...

"""""""""""""""""""""""""""""""""""""""""""""""" """"

صاحت منك جـروحك والعيون
يامــــولاي كلشي البيك مدفون
بابـــــك وين صايـر لليـــنوحون
بقيعك هم تون ويّ اليــــــونون

انته بكلشي عنوان
بس مولاي حيـران
مو عطشان للمــاي
للـــــــزوار عطشان

يل برض البقيع الگبر چـا وين
مهدوم وعليك تهــــــدم الدين
الك عيني تصب وانوب الثنين
يل چنك علي يل چنك حسين

يامولاي ابو الكاظم ...

عبد زينب
محمد الابراهيمي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

تسعر وسط قلبه النار
أبن الحسن يطلب ثار
للصادق أعيونه ومصابه أشكبره
يدك على راسه ومختنك بالعبره
............................
يعينك الله يابو صالح من عشت هذا الوضع
وانت ينزف بيك باقي ومانشف كسر الضلع
هيه  نفس  النار تلهب و الدمع نفس الدمع
بعتبت الزهره الزجيه وصادق العتره الورع
المهدي عاش أصعب حال
  هالموقف  يهد  جبال
شلال دمعه وقلبه صاير جمره
يدك على راسه ومختنك بالعبره
...............................
ندري يالمهدي بشعورك عايش بحسره وألم
وبيك لوعات الزجيه وزينب وحرك الخيم
هذا  امام  الرافضيه  الحارباهم  بالقلم
للظلم  لا صوته يصدح وأبد ما كلهم نعم
جعفر الصادق عنوان
باب العلم والأحسان
مصدر علوم الكون صار بأسره
يدك على راسه ومختنك بالعبره
.....................................
هذا شيخ الجعفريه  داره تلهب تحترك
يركض يطفيها بيده وصارت جفوفه زرك
الجذب وأهل الخديعه تحرك الكلمه الصدك
أبد متصير الهه جاره نخيط وهيه التشك
يالمهدي نسمع ونشوف
يذبح حجيهم بسيوف
من تحجي كل أهل النوايه الصفره
يدك على راسه و مختنك بالعبره
.....................................
جبده مسموم وينازع ظل يلوج و يرتعد
ذبل عوده ووجهه أصفر وأنمرد كلبه مرد
جعفر الصادق يشيعه منه راح وما يرد
أتوجه القبله وتشاهد وأنكسر غصن الورد
راح  و دمعته  بالعين
يبجي على جده الحسين
يالمهدي ما توصل أجفوفه الصدره
يدك على راسه و مختنك  بالعبره
.....................................
شكد عظيم أجرك يمهدي دمعك عللخد يهل
مات مسموم الأمام  ونار داره تشتعل
الظلَم عترة محمد لعنة الله عليه تحل
الحرك والسَم إمام وركّب الخدر هزل
نعرف نوايه وأسباب
الدفع عالزهره الباب
الظالم جهنم  بالحشر  تنتظره
يدك على راسه ومختنك بالعبره
....................................
أحساسك المرهف يمهدي أحس بيه طعنه وجرح
والزمن مارحم حالك فوك جرحك رش ملح
واضحه الحاله العشتهه بلايه توضيح وشرح
آآه من حجي الشماته بالكلب مثل الرمح
عصر الفتن قيل وقال
صار الظلم واقع حال
لو رفت الرايه وسرجت المهره
يدك على راسه ومختنك بالعبره
.....................................
حيدر مطر العبادي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


هاي الليله اتنوح الزهره ..
عالصادق خنكتها العبره ..
   شاركها الهم..
   صادقها أنسم..
وعليه مفجوعه ومتكدره
**
(١)
أم الأحزان المظلومه...بالصادق مفجوعه اليوم
بالصوت أتصيح اه يوليدي...ريت السم جبدك مسموم
من شفتك طايح تتلوى...حسيت أبضلعي المهشوم
يتلوى وياك وبسماره...لازال ايصب جرحه ادموم
وأنه وجدك..
نبجي الجبدك..
والشيعه اتنوح ومتحيره
***
(٢)
كل يوم البين ايصوبها...هل زهره المهضومه صواب
لساع اتنوح اعله المحسن...لساع يألمها الباب
ولحيدر صدت مذهوله...من شافت راسه المنصاب
واليوم الصادق ذكرها...بالصابو نعشه ابنشاب
ذكرت جبده..
شلون ايمرده..
سم البحشاه مثل الجمره
**
(٣)
يوم الطف جانت موجوده ...تنظر لحسين ابلا راس
تنظر جثة روح الهادي...تنرض بالخيل وتنداس
تنظر زينب خويه تنادي...وتحشم وينه العباس
وين المتكفل بالمحمل ...كام اتفرهد بينه الناس
شافت مصرع..
حتى اليرضع..
شافت عبدالله ودم نحره
****
(٤)
هل زهره اشلون انصبرها...والبين اشكد بيها ايعيل
شيعتها احنه ومانتحمل...دمعتها المن دم اتسيل
هاي الليله اتودع كوكب...بالآهات وبالترتيل
هل كوكب صادق عترتها...نازل ينعاه جبرائيل
هذا الكوكب..
عنها اتغيب...
وتنوح اعليه أم العتره
****

(٥)

هل ليله الزهره اتناديكم...ياشيعة حيدر وتريد
يم كبر الصادق نحضرها...كبره ابذيج الغربه اوحيد
يمه السجاد ابهل غربه...والباقر حسراته أتزيد
يمه السبط الردو نعشه...عن جده ودفنوه ابعيد
محد يمه..
حس ابهضمه..
وين اللي ايواسيه ويصبره
**
الشاعر (كريم الدراجي)

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


اشتياق مولاي الصادق عليه السلام لمولاي صاحب الزمان عج

لاخر آية الضلت بينة
لاخر شي ضل بجذور الحَق
قدموله شما بيكم هِمه
يستاهل تسليم المُطلَق
__

اذا يطلع ملك عصرة
واخر ورقه بالشجرة
شايل سبحة الزهرة
كلوله اكبر اهلَك جان الشوفّك تنعصر روحة

كلوله الگلب يضّمة
وجدك جان بالخدمة
تمناك انت لو يمة
يشوفك يا حبيب الروح لان انت اكبر جروحة

يكمل دين الله وقرآنه
لعقول الناس المقصورة
ومن يفسر قرآن الله
تطلع سوره تفسر سورة
__

الفساد المِنتشِر بالبَر
وحرام العالبشَر سيطّر
امامي وابني من يظهر
يجلي هموم كِل الناس وماكو حّل بعد غَيرة

أما الزبّدُ معدوم
والينفع الناس يدوم
يفّهم الجان ما مفهوم
وماكو العلى الاحوط جان وماكو هنا بعد حيرة

اوكت الغربيل هنا ماكو
ويبقى هنا بس ربعه الخُلَص
ال يا رب رجعوني هنا تگضي
( والياريت ابقى وياه ) تِخلّص
___

أضّل وياه جِنت ودي
واكله احسبني لو جندي
امشي وياك يالمهدي
واكله معزتّك والله آخر نَضره لموادِع

بكثر ما روحي حنّتلة
دُعاء العهد كاتبلة
ونُدبة بكلبي شايلة
اليدرگه يكله بالصادق جان الشوفّك ينازِع

اخر مَنفذ من هالدنيا
تعوفون الدنيا وصُحبتها
و ما تتغير ناس وتصفى
الا يصَفون گلوبتها
____

والشوف الفرج يسعي
اذا مو من كلب يدعي
حُبه يصير مو شرعي
مثل الكال كلبي وياك بس بالسيف تعذرنة

الراد حسين يلحكلة
واجاه جايب سِتر اهلة
اجاه وحتار شيگِلة ؟
ومن جاب الضعن وياه كالو ما نريده احنة

جانو بالروح متانينة
ويدعوله يفّرج كُربتهم
ولمن حَط اجدامه ورحلة
تلگو لكن بسيوفَتهُم
_

اذا يشرِق آنه امنيتي
آخر شي بهَل بيتي
اگله امن احترَك بيتي
واگله شلون بيه هنا أطَفي النار بجدامي

بقت بس تحجي حسراتي
وتِطفيِ النار دمعاتي
وتذَكرت عماتي
من حركولي بيتي الگوم شفت جَن حرگو خيامي

متانين الياخذ ثار اهلة
ويطَفي خيام اهله الوَجن
زلمه آنه ومن اركض صعبه
شلون بعماته الي رِكضَن


اللهم عجل لوليك الفَرج
علي الحسن

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


#استشهاد_الامام_الصادق_ع_
.
.
.

.                 عـلـى الـصـادق مـصـابـي
                  الــدمــع يـشـرح عــذابـي

                            *---------------*---------------*

                  بــــلال اجــروحــي كـبّــر
                  اعـلـه حـزنـي الـلــهُ أكـبـر
                  الــدمـع لـلـصـادق الـيــوم
                  نـصـب بـعـيــونــي مـنـبـر

                        وعـلـى المسموم
                        الألــم مـرســـوم

                  مـثـل لـوحـه اعلـه بـابـي
                  الــدمــع يـشـرح عــذابـي

                            *---------------*---------------*

                  بـچـت عـيـن الـطـبـيـعــه
                  عـلـى اجـروح الـشـريـعـه
                  و لـبـسـت ثـوب الاحـزان
                  الـكـعـبــه ويـه الـوديـعــه

                        الـبـقـيـع اتـنـوح
                        وثـراهه اجـروح

                  عـلـى احــزانــي جـوابـي
                  الــدمــع يـشـرح عــذابـي

                            *---------------*---------------*

                  الـشـرع بـعـيـونــه دمـعـه
                  و أصـلـه يــعــزّي فــرعــه
                  و نـصـفـه الثاني مـفـگـود
                  الـكـتــاب بـگـلـبــه لــوّعـه

                        و معاني احـزان
                        عـلـى الاكــــوان

                  انـعـكـس بيهه اكـتـئـابـي
                  الــدمــع يـشـرح عــذابـي

                            *---------------*---------------*

                  الـحــزن خــيّــم ظـلامــه
                  وطـفـت شمس الـيـتـامـه
                  انـفـطـر گـلـب الــرسـالــه
                  عـلـى امـصــاب الأمــامـه

                        مـصـاب آيــــات
                        و ألـــم كـل ذات

                  بــيــهــه الــعــدل رابـــي
                  الــدمــع يـشـرح عــذابـي

                            *---------------*---------------*

                  عـلـى الــصـــادق دلـيـلـي
                  تــهــاوه وغــاب حـيـلـــي
                  الـســم فــطّـــر چـبــدتـــه
                  وصـحـت يا دمـعـه سيلي

                        بـحـزن نــاديـت
                        و يـَـ آل البـيــت

                  حـــزن تـجـري الـبـيـابـي
                  الــدمــع يـشـرح عــذابـي

                            *---------------*---------------*

                  حِـــزن كــل الــمــذاهــب
                  عـلـى امـصـاب الاطايـب
                  شـــرايــع ديــن الاســلام
                  لـفَــت لـيـهـه الـمـصـايـب

                        بـچبد مـجـمـور
                        يـغـيـب الـنـــور

                  بـدمـع صـار اخـتـضـابـي
                  الــدمــع يـشـرح عــذابـي

                            *---------------*---------------*

✍️خادم آل محمد ص
الشاعر سعد هادي الشمري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

استشهاد الامام الصادق ع

جتي محنية ضلعها
تجري للصادق دمعها
نوحي عالاولاد يالزهرة الحزينه
"""""""""
جتي للصادق الزهرة بظهر محني
تبچي وتگول ابني وينه الـنشد عني
ضلعي المهشم تگله ما يهمني
المهم عندي بسلامة تگوم يبني
يمته ترتاح الزچيه
وعدها يومية رزيه
ما تعوف اولادها الام الحنينه
""""""""""
شافت ايد الصادق وزادت بچيها
محرگات ايدين ابنها مثل اديها
وشافت ببابه اثر نيران بيها
الزهرة ذكرت بابها الـطاحت عليها
بابها لو باب ابنها
بابها المحروگة چنها
فاطمة عدها گلب الله الـيعينه
""""""""""
النار تحرگ منزله تشاهد الزهره
يركضن ابنياته من حجره لحجره
فاطمة هالركضة گالت الها ذكره
ركضة اسكينة ورقية وسط صحره
الصادق اصعب نايباته
خايفات ايصد بناته
فرّن ويتراكضن گدام عينه
""""""""
من يون الصادق الزهرة تسمعه
السم مشه بجسمه وبده لچبده يگطعه
الزهرة گامت من گبرها وجت تودعه
من گبرها تنعه ولحد گبره تنعه
باخر انفاسه اجت يمه
حاچته ظلموك يُمه
بيا ذنب چبدك ييمه امسممينه
""""""""""
الصادق ومثل البقية الگوم غدروه
مثل اجداده ومثل اولاده سموه
هو بس حسين من النحر ذبحوه
وراسه من گطعوه فوگ الرمح شالوه
تهون يمه كل مصيبه
عاري والجثة سليبه
بگلبه نبلة وبالحجر صوبوا جبينه
""""""""""
تگول انه الوالدة وگلبي اعله ولدي
بالذبح والسم وِلِد ما بقوا عندي
ويايه كون المهدي انه اتعبت وحدي
ادعي الله ايعجل بطلعة المهدي
ما بقه بس هو إلها
ياخذ بثارات اهلها
واحنه ويه فاطمة نرفع ادينه


انيس الخفاجي الكربلائي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA