#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
افتتاحيه

مات... مات ... حيدر علي
......
*__***
؛١.
انه الحسن محتاج اليواسيني
بهاي المصيبه الخذت باقي اسنيني
روحي عفتهه يم علي ضي عيني
ورديت اجر كَـوه النفس بونيني

حيل ... حيل ..  ماظل ألي
مات ... مات ... حيدر علي
...
*__***

؛؛٢..
وينه اليواسيني يجي اعله افراكَـه
هسه دفنته وروحي اله مشتاكَـه
منه رجعت ابدمعتي الحراكَـه
واعرفت ما ممكن بعد نتلاكَـه

راح ... راح .. هيبة هلي
مات ... مات ... حيدر علي
....
*__***

؛؛؛٣...
شيعته بيدي للكَـبر هالساعه
بحزني الفتح للريح حبل اشراعه
صعبه المثل حيدر تضمه ابكَـاعه
بالكَـوه عفته انه ورضيت اوداعه

وين ... وين ... مثله ولي
مات ... مات ... حيدر علي

__

؛؛؛؛٤....
اتمنيت من عمري انطي أنه العمره
اتمنيت هذا كَـبري الي مو كَـبره
عاود عليه امصابه يوم الزهره
وظليت أجر حسراتي عشره بعشره

اه ... اه ... بعده شلي
مات ... مات ... حيدر علي
.....
__

؛؛؛؛؛٥.....
حقي امنونن والطم اعله الهامه
ما يرجع الداره علي وايامه 
راح وتركني ابحيرتي اويه ايتامه
خلالي ليلي موحش وما نامه

نار ... نار .... في داخلي
مات ... مات ... حيدر علي
......
*_*



✍️🏻 كلمات موسى الخادم
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
نزله ...
...

ياموطن اهل العشكَـ
يالكل حياتك صدكَـ
دلالي بسمك يدكَـ .
يا ابا الحسن يا علي
.........
◇◇◇◇◇◇◇◇◇◇◇◇◇◇◇◇◇◇◇◇◇

؛١
كل نبضه بيه ... تشهد عليه
اليوم المنيه .... حُبك هويه

من الزغر هويتك .... وسط الكَـلب لكَـيتك
سلطاني تَوِجيتك .... يا صاحب امنياتي

غذتني حبك امي   .... ومجنونك اصبح أسمي
يشهد عليه دمي ... ترخص ألك حياتي

يا سر وجود  البشر
يا أغله من النظر
لجلك حلالي السهر
انه وبنيني وهلي
يا ابا الحسن يا علي
.....
◇◇◇◇◇◇◇◇◇◇◇◇◇◇◇◇◇◇◇◇◇

؛؛٢..
ياعشكَـي الاول ... ياحضي الأجمل
يم عطفك اخجل .... مرضاتك اسأل

انت الهوه الاشمه .... وبروحي حيل اضمه
وجهك حلالي رسمه .... غيرك فلا حلالي

يا نعمة الله احبك .... من فدوه اروح الكَـلبك
يشهد عليه ربك ..... وياك اضل للتالي

العافك امامي هلك
هنياله من واصلك
ايماني راجع الك
من دونك اني شلي
يا ابا الحسن يا علي
......
◇◇◇◇◇◇◇◇◇◇◇◇◇◇◇◇◇◇◇◇◇

؛؛؛٣...
من عالم الذر .... بحروفك افخر
رواني كوثر .... ذكرك يحيدر

احجيهه من ضميري ... ما بدلك انت اميري
بالدنية ياجبيري ..... غيرك منو الينفعني

واليت الك امامي  .... من هامتي لجدامي
وما أرجع ابكلامي .... والعاده الك يسمعني

لو ملكاني الأرض
والسمه ابطول وعرض
ما عوفه حبك فرض
غصبن على عاذلي
يا ابا الحسن يا علي
..........
◇◇◇◇◇◇◇◇◇◇◇◇◇◇◇◇◇◇◇◇◇

؛؛؛؛٤....
يا ترجُمَاني .... يمك أماني
من دونك اني .... مولاي اعاني

جن وانس يدرونك .. كلشي وَهم من دونك
بس انت صافي لونك .... صاحب شأن ماصاير

اشكر إلاهي الرازق.... بسمك جعلني ناطق
يمأيد امن الخالق ... كلمن يبغضك كافر

بيك الله باهه المله
وغيرك إله ما حله
الحبك ضمن منزله
بجنة الباري العلي
يا ابا الحسن يا علي
..........
◇◇◇◇◇◇◇◇◇◇◇........◇◇◇◇◇◇◇◇◇◇

✍️🏻 كلمات موسى الخادم
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

إستشهاد أمير المؤمنين (عليه السلام)
لسان حال الشمس..

راح اليردني شوكت ما راد
وكل فجر من بابه آخِذ امراد
ابدأ شروقي بخيره... وانوب اروح لغيره
وكل فجر من بابه اخذ مراد

اليسأل الخنگه منين اجت كل مغربيه
من عندي يا ناس وبدت هالخنگه بيّه
ايفارگني ليله المغرب اويه أغلى البريه
وليله اشيصبرني بلا حامي الحميه

وابدي انعصر..من العصر..شيگضيها ليله ابلا علي
وانه الشمس..بس اقتبس..كل الضياء من الولي

لوما علي چا عميه العيون
وچا نور ما موجود بالكون
هذا علي وتفسيره... وانوب اروح لغيره
وكل فجر من بابه اخذ مراد
ـــــــــــــــــــــــــــــ١ــــــــــــــــــــــــــــــ

رَدِچ علي گالو گلت مو بس أردله
لو رايد ارماد وعلي چا هم صرتله
وانه الشمس بس لو ثلج رايد جبتله
خالقنه گاللنه علي بكلشي إذنتله

بيده الهوه..وبيده الضوه..وبس ينوي يگضي شما رِغَب
أرض وسمه..لحامي الحمه..تتمنى بس يطلب طلب

وكل احنه للكرار خدام
وبالبيعه إله وتَميّنَه الاسلام
الما حَبَه دوم بحيره... وانوب اروح لغيره
وكل فجر من بابه اخذ مراد
ـــــــــــــــــــــــــــــ٢ــــــــــــــــــــــــــــــ

ما بيّه والله أحتمل هاي المصيبه
شلون أشرق وحيدر دنت ساعة مغيبه
وشلون أشاهد لِحِيتّه بدمه خضيبه
وأصعب حچايه من أستمع أيّس طبيبه

ريت انعمي..ويَمَه ارتمي..مطبوره ألف لا ألف ألف
بس كون أجد..حيدر يرِد..لا بِي جرح لا بِي نزف

واتشوفه زينب وأم الابنين
بالإبتسامه ومو بالاونين
وكالعاده نَفس السيره... وانوب اروح لغيره
وكل فجر من بابه اخذ مراد
ـــــــــــــــــــــــــــــ٣ــــــــــــــــــــــــــــــ

راح الضوه من باوعِت مطبور حيدر
شنهي الضوه وجنح الوحي من دمه أحمر
ومخلوق ما ظل ما صرخ اللهُ أكبر
وكلشي وگف والظلمه بس بالكون تفتر

وكشي نزل..يَمَه وسأل..شتريد طِب لطبرتَّك
وإجه كل مَلَك..گله إلك..نشفيها وإحنه بخدمتك

ومَد ايده گلهم شوفو هالطاب
وانوب ردها لنفس المصاب
بس ما أحب تأخيره..... وانوب اروح لغيره
وكل فجر من بابه اخذ مراد
ـــــــــــــــــــــــــــــ٤ــــــــــــــــــــــــــــــ

من صرت لسه أنه شمس مخلوقه ألهب
بس من اباوع طبرتَه من حرگتي اتعب
وتچويني دمعات اشعرت من مرأة تنحب
ومن انظرت لن الدمع من بنته زينب

وماتت خِفِت..گدما شفت..كل لحظه يمه وتحتضر
وگلت إرحَلَت..لنها إعدِلَت..من كلمة من حيدر تمر

ما إلها صوت بكثر الانحيب
وعن الوعي كل ساعه واتغيب
اعليها شكبر تأثيره..... وانوب اروح لغيره
وكل فجر من بابه اخذ مراد
ـــــــــــــــــــــــــــــ٥ــــــــــــــــــــــــــــــ

حيدر سكت ها يا علي إدخيلك عَلِيِنه
وياك إخذنه اشننفع هنا لو بقينه
بدونك نظل بس الدمع لايگ عَلينه
اواحد يگل للثاني چا حيدرنه وينه

هذا الحسن..جاب الچفن..واتگابلو دمع وحزن
حسين بوضع..ناگع دمع..وعباس وي زينب يون

اعليكم بچت أرض وسماوات
هالبيت مثله انوجد هيهات
الله النطاه تقديره... وانوب اروح لغيره
وكل فجر من بابه اخذ مراد
ـــــــــــــــــــــــــــــ٦ــــــــــــــــــــــــــــــ


أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

أنــوح مــن الرزيـــه      
يحمــــاي  الحميـــه

*
أنـــوح أعليك حامــي أحماي والجار
ودليلي أبنـــار بويــه أعليــك وجّــار
روحــي امچتفــه بحســرات وتجـــر
        مــــدري ليـــا كتــــر دنيــــاي بيـــه

*

النــوح لــروحــي مـــا ينفــع شفه الها
وطبرتــك بويه مــا يحصل شفـه الهـا
يبــويــه أحبـــال  بچفــوفــي  شفلـها
        اذا بــاچــــر لفتنـــي الغـــاضـــريــه

*
علــّي دنيــاي  بـالإحـــزان هــامـــات
ومــن عنــدك علينا اطبــرت  هامات
مــن نــاده الوحــي الكــرار  هــامات
      متت ويـــاك ريــــت بهـــل المســيه

*
علـّـي سيــف النــوايب دوم منسال
دمــــك يـــوم بالمحـــراب منســـال
عٓلينـٓـا نـــادت الأيتـــام مـــن ســال
        يتـــامى صـرنـــه يـــا حيدر سويـه

*
الوكــت بعـدك لبــس يا حيـف ويهين
وأحــس بالگلــب نــار أجفــاك ويهـن
جرحـــك لا تظـــن  يطيـــب ويهــون
       يظــــل ينـــزف الـــم حــد الــمنيـــه

*
حسافــه العيــد منـي يشيل ويروح
وترك بالروح كثـــره أجروح ويـروح
لـوّن روحي مشت هاليـوم وي روح
       أبــوي ولا ضگــت طعــم الـرزيـــه

*
الشاعر
موسى البديري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

شـنـهــو يـابـويـه الـعـذر مـن الـيـتـامـــه
واگــفـه ابـابـك تـنـوح اعــلـه الامــامـــه
وتـدعـي يـارب الـسـمـاء    عـجـلـنـا بـالـشــفـاء

ــــــــــــــــــــــــــــــــــــــــــــــــــــــــــــــــــــــــــ
1
مـن طـلـعـت اعـلـه الـيتامه ابابك تـبـجـي الـصخـر
مـااگـول الضـربـه كـلـفـه وجــرحه لـلـمـخ اســتـقـر
خـافـن افـجـع هـالـيـتـامـه مـن يـســمـعـون الخـبـر
گـلــت مـجـروج الامـام ويـلـتـمــس مـنـكـــم عــذر

    صــرخــه مــن ايـتـامــك الـهــزت حـنـيـنـي
    گــعـدت يـمـهـــم بـويــه وتـفـجـــر ونـيـنـي

وصحـنـه كلـنـه بهـل نداء     عـجــلـنـا بـالـشــــفـاء

  ــــــــــــــــــــــــــــــــــــــــــــــــــــــــــــــــــــــــــ
2
ورجـعـت بويـه الاخـوتـي وعايـنـت دمـع الحسـيـن
ينـزل اعلـه خدوده جمره ويضـرب بـأيـده الجبـيـن
والـحـسـن دمـعـاتـه تـجـري صـد الي وزاد الـونـيـن
يـگـلـي يـازيـنـب اگعـدي جـنـه نـنـتـضـرج تـجـيـن

    انـريـد نـگــعــد كــلـنـه ونـزيـد ابـجــيـنـه
    بــس بـعـد عــبـاس نـنـتـضــره يـجــيـنـه

ويـكـتـمـل بـيـت الـعـزاء   عــجــل انـه بـالـشــفــاء

  ــــــــــــــــــــــــــــــــــــــــــــــــــــــــــــــــــــــــــ

3
طـب ابـوفـاظـل عـلـيـهــم بـالـدمــع راعــي الـعـلـم
ونـعـقـد مـجـلـس عــزاء تـحـيـطـه دمـعــات والــم
اسـتـذكرو ظـلـع البـتـول وظـل دمـعهـم يجـري دم
صــاح الـحـسـيـن ابـدمـوعـه هـذا مـكـتوب بـقــلـم

     طــه جـدنـه الـنـبـي گــلــه مـايـگــدرون
     قـتـلـك امـواجــه ولاكـن بـس يـغـدرون

الـعـتـرتـي يـبـقـى الـعـداء   عــجــلــنــه بـالـشـفـاء

  ــــــــــــــــــــــــــــــــــــــــــــــــــــــــــــــــــــــــــ

4
ابـوالـيـمـه ذكـر مـوقـف بـالـنـحـر بـاسـه الـرســول
ونـزلـت دمعـاتـه جـدنـه وگـلـهـم اتـدوسـه الخيول
والحسـن من ثـغـره باسـه ونسـمـعـه يبجي ويگول
جـبـده مـــن الـســم تـگــطــع اه يـاولـــد الــبـتـول

      مــن وصـل يـم زيـنـب وضـيـم الـعـلـيـهـا
      گــال بـس الله يـعـرف عـظـمـه ســبـيـهــا

مـن تـطـب لــكـربـلاء     عــجــل انــه بـالــشـــفــاء

  ــــــــــــــــــــــــــــــــــــــــــــــــــــــــــــــــــــــــــ
5
رجـعــو ابـدمــعـــه حـزنـهـم يـم امـيـرالـمـؤمـنـيـن
گـلـه عـبـاس الـكـفـالـه انـتـه الـهـا اتـضـحـي عـيـن
لاعـطـش زيـنـب يـمـسـهـا اتـفـدي يـسـراك ويـمـين
ادري جبـدك ضامي يبـقى مـن اجـل اخـت الحسين

    گــلــه عــد عــيـنـك يـبـويــه وعـــد كـــلامـي
   اختـي اضـحـي جـفـوفي الـهـاوابـقـى ضـامـي

والنـحــر الـهــافـداء      عــجــل انــه بـالـشـــفـــاء

    ـــــــــــــــــــــــــــــــــــــــــــــــــــــــــــــــ
                 تمت بعون الله
            
           عقيل حسين الگرعاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

قصيدة للإمام علي ع
زينب ع تناشد في المحراب
🔸🔸🔸

بگلبي نار مصابك
وأسـأل بمحـرابك
احجـي الجـريمـه  الشاهدتها ابابك
إكشف أسرار   سولف الصار

🔸🔸🔸◽◽◽🔸🔸🔸
1
زينب صـفـت بس للدمع
جـاوبني راح انـه استمع
شنهو الذنب منه الحصل
حـاجـيني خلـيني اقـتنع

القلـع باب الضلالـه بابه محروگ
شنـوجـرم الجـنايه يهل الحگوگ
دوضحلي القضيه وشنهوالأسباب
يالشـاهد ذبحني لوالدي الشـوگ

تصدلــه    طـبـر خـيـر الـعـمـل
بغـيـابـه     انذبح خيط الأمـل
ويـتـامـه   اصبحت شيعة علي
دجــاوب   يشـاهـد عالحـصـل

مــاتـســر اخــبـاري
الليله موحش داري
بدمع المصيبه  سافرت افكاري
والگلب نار   سولف الصار

🔸🔸🔸◽◽◽🔸🔸🔸
2
تمنيت ابن ملجم يطُب
ويلاگي حيدر بالحـرُب
جـان بـخـزرته يوگـعـه
امثاله مومـالت ضـرُب

لجن شبه الرجال بغدره موصوف
المـايـوم بحـيـاتـه لاگـه السـيوف
طـبــع غــدار عـنـوانـه الـخــيـانـه
اسـياده الخـوارج اصلـه معـروف

يبغـضون   وضغـائن بالگـلـُب
بحقدهـم   اعلنو ضده الحرُب 
يمحـراب   انكسر ضهر العدل
ومصايب   بده دهـري يصُـب

الدنيا بعـد عـيـونك
ضلمـه بويه بدونك
تذبل بعدهم  اعزاز من يجفونك
وتبقى محتار   سولف الصار

🔸🔸🔸◽◽◽🔸🔸🔸
3
يالشاهـد بخيط الفجـُر
تـنضـرلـه حيدر ينـطـبُر
مـاهـز كـيانك وفـزعـت
وانته وعلي عشرة عمُر

ابـد ماعـرضـت اگـبـالـك صـلاته
وحصل موقف تدافع عـن حياته
ولـو حيهم صحت ياناس افزعو
ضـمـيرك ماخجـل سـاعـة وفـاته

مواقـف   كسـرت ضهـر الزمـَن
اشـاهـد    وضلوعي الها انحنَن
اكـــابــر    واضــم نـار الـگـلــب
ويجيني   سـهـم اهــل الـفــتـَن

ويـنـبـت ابـدلالـي
بفگـد ابوي الغالي
كبرت جروحي   وزغَـرَت امـالـي
ودمعي مدرار   سولف الصار

🔸🔸🔸◽◽◽🔸🔸🔸
4
بـعـتـابـك ايـطـول الحچي
وانته اعله حـيلـك مرتچي
شـتـتـعــذر الـمــنـبـر عـلـي
مـيـكـفــر اذنــوبــك بـچـي

بـقـت ايـتـام مـن بـعـده تـنـادي
انذبحـنه ياعلي بسيف المـرادي
وصفـت ديرة حـزن كوفة علينه
وعلى اعزاز الگلب لايگ سوادي

اليروحون   يـتـركـون الألـــــم
برحـيـلـك    ركن صبري انهدم
شيجـبره    الـمــفـــارگ وطــن
بالـضـلوع   الـك غـافـي سـهـم

وشيطيب اجروحه
البيده دافن روحـه
والله يبـويه   بفرگتك مذبوحـه
بسيف الأشرار   سولف الصار

🔸🔸🔸◽◽◽🔸🔸🔸
5
الـلـيلـه خـطـار السـمـه
يفطـر علي وي فـاطمه
وانه ابقى عطشانه الك
افـطـر ويـاك مـعـلـمــه

يبـويه العـيد گَّـرَب وانـته غـايب
وانه اتلگاه بواچـي اعله الحبايب
صفت عيني اتسامر ويه الطيوف
وحفظت من الزغر طور المصايب

بعدكـم    ولاحــــال الـيـســُر
اليتيمه    جرحتني من الزغُر
وعليهـا    تـعــودت الأســـــم
الغريبه    لـقـب تـالـي العـمـُر

اعتابي طال وليلي
نوحي هَـدَم حيلي
باالله يمحراب  ليش ماتحچيلي
وعندك اخبار   سولف الصار

🔸🔸🔸◽◽◽🔸🔸🔸
       تمت بعون الله تعالى

    عقيل حسين الگرعاوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
ابوذيه



اليه ويه الجفو ياروح .. عتبه 
عليهم والدليل اشوگ .. عتبه 
صرت گد ما نمت بالباب .. عتبه 
اتاني الفارگوني بغير جيه 

كلمات: خادمكم
اداء الملا: مسلم الوائلي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ


إنـه زيـنـب يـبـو زينـب   ،،  يمـاي العـيـن
الكلب لو هامك اتصوب  ،،  يبو الحسنين

يماي العين  حاجيني ..  يبو الحسنين

،،،،،،

انه ودمعة حزن امي عَـلَـي جلباب
اجيت اسأل على امصابك يداحي الباب
الجرح وسط الگلب عايش بعد ما طاب
وجرح ثاني نِـدَهْ روحي يبو الاطياب

الحسن وحسين يا حيدر   إلي جابوك 
يغالي وراسك امطبر   لَـمَـن خلّوك

كلتلك يا نظر عيني   المصاب امنين

،،،،،

رحت للمسجد اتأدي الفرض لله
واجيت وشيبك بدمّه خضيب الگاه
اثاري بسيف ابن ملجم اقاسي الآه
وسط گلبي جرح ثاني الظلم خلّاه

كَسِر ضلع امي من بالي   بعد ما راوح
وتخضب كالوا الوالي   وعلي اللي طاح

صحت يا دمعه عينيني   الصبر ميعين

.....

يبويه انظُر جرح هامك وازيد اهموم
يتيمة فاطمه اتجَـدّد يتمهه اليوم
شصبّر روحي وغيابك أمر محتوم
الگلب ويه الجفن بعدك صُبَح ملچوم

اودعك يا علي ونوحي يفيض جروح
وريت اموَدعه روحي قبل لتروح

الدهر ياريته راميني   بمرامي البين

،،،،،،

اجت الفقره وايتامك يبو الايتام
اعله بابك وگفت اتنادي الدهر بالام
نسألك يا دهر النه دگول شضام
اذا تاخذ علي منّه صدگ ننضام

منو بكل ليله يفگدنه   لوّنه ايغيب
ويشبعنه اذا جعنه   وجرحنه يطيب

علي لو راح دلينه   نروح لوين

.....

تنفَّسني الالم بعدك يحامي الجار
واذا براسك ،، انه بروحي الجرح والنار
فتح  باب لعذاباتي يبويه الصار
واذا. جن ليلي .. بدموعي وونيني احتار

مثل حزن امي للهادي الالم بركان
بيوت اولادك بفگدك بيوت احزان

اجود بدمعي وبنوحي   للمعَــزين

.........

الشاعر سعد هادي الشمري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

سيف الاله اسمـه علي
والـ  لا فتىٰ اسمه علي
الـقـرآن آيــاتــه عـلـي

يا حيدر يكرار يا حيدر

***

بدر واحد والاحزاب
والقالع لخيبر باب
موت وولاده بمحراب    ..   حامي الحميه

الـ قَط ما سجد للأصنام
وابسيفه صار الاسلام
بنفسه نبي بوجه ايمام   ..   فخر الزچيه


الحُبه جنه وبغضه نار اتفسر
وصك الشفاعه بأيده فوگ المعبر
حامل لواء الحمد يوم المحشر
حيدر ويخرس كل اسم يم حيدر


خادم محمد نُعرُفه
القرآن من ايوصُّفه
وصُّفه بنَفس المصطفى


يا حيدر  يكرار  يا حيدر

***


اسمه شريك القرآن
حبه اليثگّل الميزان
ينقاس بي الايمان  ..  حُب الصميده

يا والد الميامين 
بي تهتدي الموالين
معنى علي معنى الدين  ..  شافع نريده


عشگ الإله و سِر صعب تفسيره
واحنه وفاءً أله لهاي السيره
قبل الفرض والنيّه والتكبيره
نشهدُ أنَّ علي الحُب لا غيره


هالليله حزنه انجدده
متهدّمه اركان الهُده
وعالورد مذبوح النده


يا حيدر  يكرار  يا حيدر

***

بكل الشدد نلگاه جاي
والوفه ايسميه وفاي
لو رايد يصلّي الماي  .. يتوضه بسمه

يتفايض من اسمه الخير
حيدره الحق ولا غير
عالنسمه يمدلّي الطير  .. لجناحه رحمه


يبدي التسلسل باسمه ما يتبدل
اي وين ما خلّوا علي يصير اول
معظلة خصمه المرتضى، وألنه الحَل
تعطش الصحره وتذكره وتتبلل


يا رحمة الله الواسعه
وبيبان رحمه امشرّعه
عبرة اجفوني الدامعه


يا حيدر  يكرار  يا حيدر

***


بنص الگلب حُبه انشال
لكل الضماير خيّال
واشگد فخر لو ننگال   .. لاسمه احنه شيعه

سيره وگلب نفس اللون
باللون الابيض يزهون
لحيدره الناس ايوصفون  .. درع الشريعه


والعاش كل عمره سبب فرحتنه
بدم هامته تالي كسر عبرتنه
لو هيچ ندري اتظل تصب دمعتنه
بذاك الفجر وي طبرِته چا متنه


صامت وعالدمعه افطرَت
الفُقره  ابد ما عيّدت
بگد حُبك ايتامك بچت


يا حيدر  يكرار  يا حيدر

***


بگد حزنه لجل البسمار
بالشيعه تتلاهب نار
ليلة مصاب الكرار   ..  حزن الديانه

للبير حيدر شكواه
وتشكي المن الشيعه الآه
الليله الفرح ودّعناه  ..  من ودّعانه


نفس الوجع ليلته وليل العشره
ومو هامِته چنهه بگلبنه الطبره
وهذا اللي وسط اصدورنه شيفسره
الشيعه عدهه اگلوب تچوي الجمره


يا حُب علي الما حدّه حَد
ولو گالوا اشگد  ، ماله گد
گلب النبي بأسمه برد


يا حيدر يكرار يا حيدر

***


الشاعر سعد هادي الشمري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ


هذ حال المات ابوها وعايشه بظيم وحزن
تكول ريت وياه سويه وكون ميته اواندفن

الحال حال الظيم حالي خلاف ابوي وفركته
اشتم هدوه وغرفته هناك وذكر كعدته
وحشه اشوف البيت ظلمه وگلبي تكبر حسرته

وكضي ليلي بنوح بعده  وگلبي مايهده ويون

يكضي ليلي بنوح بعده وبصور وذكريات
وراح اعيشن طول عمري معذبه بهاي الحياة
تنزل دموعي عله خدي من اشوف مدللات

اخ من اذكر كعدته وگلبي اليامه يحن

جنت اشوفه الدنيه كلها وخيمه اليه من الزمان
راح مني  وزاد همي وراح وياه الحنان
كمت ادور فراشه سكته وهيج وكتي البيه خان

خلاف عينه وهيج حالي والحزن لا مايچن

راح مني وكل دلالي وراح وياه اندفن
عيوني ما سكتن يدنيه وزين منهن ماعمن
شنهو لذتهه حياتي خلافه اعيش ويه المحن

والمصايب فوك راسي وعايشه تكول بسجن

عيشه المفكود ابوها شلون تتحمل صبر
تعيش بلوعات والهم والحزن تگضي العمر
تفارك النوم وتذكره من العصر حد الفجر

تذبل وينكص غصنها شلون مگطوعة غصن


ابو سلام الجابري



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

(تجليبه)

ألـلـه ايعين زينب شاهدت حيدر
مـايـگـدر يشيل اجدامه مايـگـدر

*-----------------------*--------------------*

تشوف المرتضى ومخظب ابدمه
والـوادم أجـت وأبـآبــه مـلـتـمّـه
مـايحـمـل گلبهه ويـسعـر ابهـمـه

مطروح الصميده ايعذب المنظر

*----------------------*-------------------*

مطروح الولـي ومعصّب الـهـامـه
ومايكدر ابوهه ايـحـرك اجـدامه
ألـلـيلـه العقيله بـروح محـتـامـه

تـكـابـر للمصاب وگـوه تـتـصبـر

*----------------------*--------------------*

تـكابـر للمصاب وبـيـهـه مابـيـهـه
والحال الوصي كثرت بواچـيـهـه
اشلون ابمصابه الدمعه تـخـفيـهـه

مكسور الـگـلب للوالي مايـجـبَـر

*------------------------*------------------*

مـايجبر كسرهـه وحملت الكسره
ونـيـران الـعـقـيلـه تـلـهب وكَـبره
تشاهد للصميده وشيبته الحمـره

وبساع الدهر دولابـه مـن يـفـتـر

*------------------------*-------------------*

دولاب الـدهـر مايرحم ابطـبـعـه
زينب مارحمـهـه ونَـزّل الـدمـعـه
خـلاهـه تــنــوح وللأبـو تــنــعـه

مايضمد جرحهه وبالحزن يسعر

*-----------------------*-----------------------*

مايضمد جرحهه وغـابـت الـفـرحـه
مـنـجرحـه تضل للموت مـنجـرحـه
ومصاب الـجـره ياشاعر ايـشـرحـه

بـدمـوع الـعـقـيلـه ألـلـيلـه يتفسر

*-------------------------*--------------------*

خادم أمير المؤمنين ع
✍الشاعر رعد الجريخي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
((يحيدر))


حـنـان أم وأبـو بـيـك    يـحـيـدر
دعـيـت الله اليخليك    يـحـيـدر

يـخـيـمـه وطـولـك أفـيـاي
ألـلـيـلـه ابـطـبـرتــك جـاي

*-----------------------*-------------------------*

الـمـرادي بـطـبـرتـك حـقـق مـراده
ابـلـيلـه اليـفـتـَرض بـيهـه السعاده
فـجـعـنـي والـحـزن خـيّـم سـواده
ابـمـصـابـك يا امـيـن الـلـه العباده

أگبالي وينزف الراس     هظيمه
گـوه إجّــر الانـفــاس     هظيمه

چـنـت يالغـالـي رجواي

*--------------------------*-------------------*

يـحـيـدر جـاوب بـكـلـمــه عـلـيّـه
يلـمـعـوّظ حـنـان أمــي الـزچـيــه
ابـطـبـرتـك والـدمـه جـابـوك ألـيّـه
يـلـيـث الـمـوزمـه وحامي الحميه

أحَچـي وسالت العين     يبويه
اشـوف الهامـه نصين     يبويه

هـاجـس حـزنـي وياي

*------------------------*---------------------*

راسـك لـيش مـلـفـوف ابـعِـصـابـه
نـظـرتـك واذكـرت فـعـل الصحابه
يبـويه الشيب مصبوغ ابـخـضابـه
واجـاني الماچـنت احسب حسابـه

احسـك بـاچـر اتروح       يغالي
وابـقـه ابيـن الجروح       يغالي

وحـدي وتـجـري عيناي

*-------------------------*--------------------*

أصــد الهامـك ودَمّــه وطـبـرتـه
اكـابـر والـجـفـن تـنـزل دمـعـتـه
كلبي وخاطري بجيتك كـسـرتـه
يتچيلك حـسـن جـابـاك شـفـتـه

عـلـيّـه اضلـم الكون    اشوفه
دمـك ينزف اشلون     اشوفه

تـصـعـب حـآلـتّـك هاي

*-------------------------*---------------------*

لـيـلـي اشـلـون يا حــيــدر انـامـه
واشـوفـن حـالتك يـابـو اليـتـامـه
دعـيـت الله اليگـومـك بالسـلامـه
زمـاني والـيـتـم تـوجـع سـهـامـه

چنت ما حآسبّه احساب  طبرتك
عـادت حــرگـت الـبـاب   طبرتك

دارت چــنــهــه دنـيـاي

*-----------------------*-------------------*

جـاوب زيـنـب الـعـنـدك حـبـيـبـه
سكوتـك يـحـرك الروح ابـلـهـيـبـه
ابـتـدت ويـاي نـيران الـمـصـيـبـه
يـگـولـون الـجـرح عـاجـز طبيبـه

ابدونك لحظـه ماريـد    حياتي
اضـل ابنوحي شتفيد    حياتي

امـوتـن افـضـل اهـواي

*------------------------*------------------*

✍خادم أمير المؤمنين ع
الشاعر رعد الچريخي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ


(منتظره اليتامه)


أتگوم ابسلامه   **   منتظره اليتامه

ياعلي البابك أجوا  **  ياعلي البابك أجوا

*-----------------------*-------------------*

هـآيـه أيـتـامـك يـحـيـدر حـآيـره
بالـمـدامـع لـيـك وگـفـوا بـالـسـره
أليـجـيـك اشلـون تكسـر خـآطـره
گـوم يالـغـالي وكـسـرهـم جـبّـره

يالروحك حنينه  **  أيتامك حزينه

*-------------------------*---------------------*

يـا أبــو الأيـتـام يالـكـلــك هَـلــه
واكـف أبـابـك يـتيـم اسـتـقـبـلـه
يلعليك اهـواي صـعـبـه الـمسـألـه
يرجـع بـعـيـنـه الـمـدامـع هـآملـه

بجروحه وحسرته  **   أيضيع التركته

*-----------------------*---------------------*

ريتـك أتشوف التعنّـه أبحسـرتـه
يسـأل اعليك وتسـولـف دمـعـتـه
أنـتـه لـلـمـكسور صـايـر سـلـوتـه
واليجيك بحيـره تخلص حـيرتـه

ابچفك سعاده   **  ماحآجه الشهاده

*-----------------------*-------------------*

أسـمـك الـفـقـره بلسنـهـه أتـردده
والدموع اعليك بويـه الـشـاهـده
حَـسّـك الـفـاگـد يـحـيـدر وآلـده
والـيتـآمـه الـيـوم مـأتـمـهـم بـده

نصبولك عَزيه   **   ياحامي الحميه

*------------------------*-------------------*

صارت الدنيا ابـغيآبـك مـظـلـمـه
والضاكت ابعيني يبويه الـغانمـه
أتـذكـرت امـي الـزچـيـه فاطمـه
هـامك وحـالـك دلـيـلـي لـچـمّـه

والصعبه وهظيمه   **   الفكدو نعيمه

*-------------------------*---------------------*

خادم أمير المؤمنين ع
✍الشاعر رعد الجريخي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
يا علي

يگولون ماينفع دوه الجرحه يگولون
بـمـصـاب الـوصـي أجـرن يلـعـيـون
بـكـل دمعه التطيح اتواسن ام عون

*-----------------------*-----------------*

ألليله الوصّي المرتضى  راسه انطبر هظيمه
ياوَيلي ويسيل الـدمـه   من لحيّته الكريمه
أهتزّت اركـان الـسـمـه    بهل فاجعه الأليمه
مايگدر ايـگـوم الفحل   حيله أنهدم جريمه

اويلاه يگوم اشلون والينه اويلاه
يـتـچـيـلـه الـحـسـن للبيت جاباه
ولمصاب الصميده أظلـم الـكـون

*-----------------------*--------------------*

أتـحــمـلـت نــار وألـم    بطبرت علي العقيلة
شافت علامات الوجه    وعرفت قرب رحيله
بحسرتهه ضلت والدمع   فـوگ الجـفـن تسيله
گـالـتـلـه بويه بغيبتك    ايـزيـد الگلب عَويله

تحاچيه زينب بالحزن گامت تحاچيه
صـعـبه اتـشـوف واحـد مـن يـتچـيه
ومـا چـنـه ابـوهـه اتـغـيّـر اللون

*----------------------*-----------------------*

الـلـه يـعـيـن الـصـابـره   مـن شاهدت وليهه
ما حاسبه احساب الولي   بدم هامته يجيهه
انـعـادت اهمـوم الدهـر   وكسر الضلع عليهه
بـس المدامـع والـحـزن   هـذا الحصـل بديهه

سلامات صاحت ياعلي بحرگه سلامات
وتـشـوف الـصـميـده ايگـوم هـيـهـات
ما يـگــدر يـگــوم وگـومـتــه اشـلـون

*-----------------------*---------------------*

اتـحـمّلـت مـن الـزغـر   لـبـوة عـلـي الظلامـه
ما انصف وياهه الزمن   وسط الكلب سهامـه
يـتـمّـهـه بسنين الورد   وألـهـه الحزن علامـه
واليوم ابوهه ابطبرته   ما اضن تصح سلامه

يالجروح هايه ام عون عوفنهه يالجروح
ضـلـت بالـمنـاحــه لـحـيـدر اتــنــوح
مصايبهه چـبـيـره ومـا اضـن اتـهـون

*----------------------*-----------------------*

الحامي الحميه المرتضى   يحلـه الدمع يشيعه
واسـو العـقيلـه ابطبرتـه   أشتحمل بعد فجيعه
سيـف المرادي بالـحـقـد   عـاد الالـم جـمـيـعـه
اتـذكـرت كـسـر الـضـلـع   مـن فاطمه الوديعـه

الفراگ يجرح زينب ابطاريه الفراگ
ايـعـذبـهـه وتـضـل الروح تـشـتـاگ
وحـزنـهـه بالـگـلب يا ناس مرهون

*-----------------------*--------------------*

خادم أمير المؤمنين ((ع))
✍الشاعر رعد الجريخي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ


ابوذيات استشهاد أمير المؤمنين صلوات الله عليه
                                   😭😭😭😭😭

وحك الهادي والراضع بهامه
حرت من انطبر حيدر بهامه
مو بالدار احس روحي بهيمه
ظلمه اووحدي ومجتوفه اديه
ــ* ****
زماني اوياي باللوعـــــــــات يوعد
امرادف حرت شحسب بعد يوعد
المثلي مايتاني فرح يوعيــــــــــد
ادفنتهن وي علي حامي الحميه


اعله ابوي انعه اعله كيفي منتفي الطور
ولا ينلام گلبــــــــــــــي من تفطر
نعه اسمعته اعله روحه من تفطر
راح ورجع دامي الصبح ليّه


بشهر رمضان كالو مات آذان
بعد معناها حيــــدر ماتأذّن
بناتك يوم جرحك ماتأذّن
بكثر ماشبعن اخلافك اذيه


ونين بروحي ياحيدر دوالك
وجانون بوسط گلبـي دوالك
اخــــذ عمري اذا ينفع دوالك
واذا يندار  دير الجرح بيه


مشه وبدمه سابح رد علينه
الدهر صحناله عايل رد علينه (الردع)
يولدي الطبره هينه رد علينه
الشام اقسه وگبلها الغاضريه


لسان حال مولاي الحسين ع
👇👇👇👇👇👇👇
الحسن من گتله بعد الغسل چفّن
ابوك اعيونه دم ودمـــــــــع چفن
الصابك گطع من عبـــــاس چفين
وسحك صدري وخذه زينب سبيه


ضجيع ادم تمنيتــــــه يرادم(يشوفه ادم)
ينسه ابنه ودمع عينه يرادم(يجريه دم)
الابو كسرة ظهر فگده يرادم(ينراد أم)
وأنه ماظل ابو ولا ام اليه


الدهر مايوم شفنه راحـــه منه
امس من راحت امنه راح امِنّه
وكسرنه اليوم ابونـــه راح منه
انتجيت اعله اخوتي وطحنه سويه


اللهم عجل لوليك الفرج
خادمكم علي محسن الزيادي
ونسألكم الدعاء

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

حيو ابو اتراب علي
قالع البــــــاب علي
ــــــــــــــــــــــــــــــــــــــــ
تبدي بي كل سوره
نفس طاها ونوره
الكعبه هيه اتزوره
وتحرم امن اتطوفه لبيك علي
علي امن اسم العالي
غيره موطن مالي
بحب علي هنيالي
سبحت بحروفه لبيك علي
حامي دينه للمدينه باب مصدر كل ضوه
گلبي دمه مسجله بأسمه ومااشم غيره هوه
الهوه الهاب علي
قالع البــاب علي
ـــــــــــــــــــــــــــــــــــــــ
كلشي لجل اعيونه
منخلق يدرونه
ورادو يطيحونه
طاحو وعابرها الحدود علي
الباري گال اسراري
بعلي واصبح ثاري
علي وجه الباري
كلشي يفني وهوه موجود علي
والصميده كلها بيده دنيا يحكم واخره
كلها تبجي وهوه يحجي وخله يدري المادره
بيده الحساب علي
قالع البــــــاب علي
ــــــــــــــــــــــــــــــــــــــــ
الدين قام بســــيفه
يعلم بتكليــــــــــفه
يموت يحيى بكيفه
الله خله بجفه الاقدار علي
يادليل الضـــايع
ويامشبع الجايع
اول ومو رابــــع
ياقسيم الجنه والنار علي
الضده يندم وبجهنم يحشر اسود دفتره
والتحبه اوجوه عذبه ضاحكه مستبشره
جرحي بي طاب علي
قالع البــــــــــاب علي
ـــــــــــــــــــــــــــــــــــــــ
جفه ام ليتــــــامه
ولايگه الصمصامه
من يشـــد احزامه
كلشي يرخه اگباله ويفوت علي
بالوغه يشهدوله
ابو الضربه الاوله
الانزع يصيحوله
نازع الارواح والموت علي
الضربه عنده هيه وحده ومايثنيها ابد
والقيامه بحد حسامه القاصي والداني شهد
ليث الاحزاب علي
قالع البـــــاب علي
ــــــــــــــــــــــــــــــــــــــــ
اليحب حيدر طاهر
المايواليـــــــه كافر
ياامان الزايـــــــــر
گبره واشگد دافي شباج علي
گلبي شاف امراده
بحب علي واولاده
عبد عد الســــــاده
افخر وصار الي مــــلاج علي

هوه اميري وبغديري افتخر دوم اصبحت
ماتأخر ليّه يحضــــــــر ياعلي كلما صحت
عني ماغـــاب علي
قالع البــــــاب علي
ـــــــــــــــــــــــــــــــــــــــــــــ

علي محسن الزيادي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
حيدر تصوب              بالدم تخضب
مطبور والســـــم سره بجسمه
وادموعه تجري اعله ابو اليمه
ويبجي اعله زينب
ــــــــــــــــــــ ــــــــــــــــــــ
حيدر المحّـــــــــــد لاگاه       طاح بغدر سيف اعداه
واتهدّم الســـــــــور
صارن الطيحـــــات اثتين     اولها فگد ام حسين
وظل ظهره مكسور
فرض الصبح فجعوه بيــه     ومحرابه ظل يبجي اعليه
موحش بلا نور
بجه السمه امصابه ادموم     عايش وميت  مظلوم
ودم هامته يفور

عينه اليتاماه         وغرگانه بدماه
وخضّب الشيبه البيضـــه دمه    
وادموعه تجري اعله ابو اليمه
ويبجي اعله زينب
ــــــــــــــــــــ ــــــــــــــــــــ
بشهر الله من طاح الخير        جاع وبچه دم الطير
ومكسور الاجناح
واصبح يتيــــــــــــم الاذان       هدّمو للدين اركان
جبريل من صاح
الدنيه اظلمت واشجم حيد       وامدلله وفرحه وعيد
طاحو لمن طاح
شافوه يلوج الايتـــــــــــام         وصاحو ابونه الضرغام
ايضيّعنه لو راح

امصابه فجعهم            ولمن سمعهم     
لجمو طبرتـــــــــــــه وزاد همه    
وادموعه تجري اعله ابو اليمه
ويبجي اعله زينب
ــــــــــــــــــــ ــــــــــــــــــــ
نشدوه يبن ملجم ليش        تطبر علي اتطلبه ابّيش
ياناكر الطيب
سيفي بألف گال وبيـــه        سم بألف هم شاريه
مااصــــدّك يطيب
حق مايجامل انســــــان       صبته وشكرني الشيطان
ون كثرو ونحيب
انسو الفرح وانسو  النوم      حد حيدر الثالث يوم
ها ياأمل خيب

من صله گعده          اتحضرو الفگده
وكل ولده حيــــــــدر لمها يَمه    
وادموعه تجري اعله ابو اليمه
ويبجي اعله زينب
ــــــــــــــــــــ ــــــــــــــــــــ
من يختلط دمع اوجـــاع        بالعين وي دمع اوداع
عالخد يصب ويل
حيدر بجه بحمر اعيــــون       والسم خطف منه اللون
وماخله بيه حيل
ظل يمسح ادموعه حسين       وچن نحر مذبوح العين
تجري الدمع سيل
گال ابني رجّعها ايديـــــك        خليني اريد ابجي اعليك
ياملعب الخيـــــل

طبره انا يحسين        وطبراتك الفين
عاين النحره وظـــــــــل يشمه
وادموعه تجري اعله ابو اليمه
ويبجي اعله زينب
ــــــــــــــــــــــــــــــــــــــ
ناده بأخير الانفاس      زينب اريد وعباس
ومن شاف زينب
گال انتي أم الاحزان    يسبونج وبالديوان    
جدامج انسب
كفالي صاحت موجود   عالمشرعه ابلايه ازنود
جاوبها ينحب
وحسين گالت جاوين     گاللها مذبوح حسين
وجسمه ايتسلب

صاحتله حيدر      ليه انت تحضر
واختنگ حشـــــمي ايگلها يُمّه
وادموعه تجري اعله ابو اليمه
ويبجي اعله زينب
ــــــــــــــــــــــــــــــــــــــ

اللهم عجل لوليك الفرج
ونسالكم الدعاء
خادمكم علي محسن الزياديــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

دار عينــــــــــــه وظل يودع اولاده
وذبت اعمايمها يمه الســـــــــــــاده
ــــــــــــــــــــــــــــــــ
من سره السم بجسد حامي الدخيل
دار عينه الولده وادموعـــــــه تسيل
هاي ساعة موتتي وحــــــان الرحيل
وبضعيف الصوت رايح ناده
ــــــــــــــــــــــــــــــــ
دورت اطيـــــور اعله عش دارو عليه
هذا باس اجدامه ذاك يبـــــوس اديه
ابو محمد يشتكي امن الغربــــــه ليه
وحضنه للكرار صار اوساده
ــــــــــــــــــــــــــــــــ
ولحية حسين بدموعه مبلله
صاح بويه يالتعدل المايــــله
سند ردتك ليّــــه عود الكربله
سولف اهواي اويه ابوه مافاده
ــــــــــــــــــــــــــــــــ
ظل علي يوصي الهواشم بالحسن
گالهم من بعدي هوه الكم وطــــن
لوذو بي واتكاتفو اوياه بالمحــــن
المامشه برايه يهلكه اعناده
ــــــــــــــــــــــــــــــــ
يالحسن گال انت جبدك ينمرد
بالسم وعن گبر جـــــدك تبتعد
وانت يحسين بمصابك تنفــرد
تنجرح بالطف الف وزياده
ــــــــــــــــــــــــــــــــ
شاف ابوفاضل وحيله المنهـــدم
گله شد حيلك لخيك ياشــــــــهم
براسي طبره وانت راسك ينهشم
بعينك ابني السهم يلگه امراده
ــــــــــــــــــــــــــــــــ
وارتفع صوت البجي وصوت الونين
هوت زينب فوگ اميــــــر المؤمنين
اصعب اوداع الحنينه اويه الحنين
اتصيح جرحك هذا دمعي اضماده
ــــــــــــــــــــــــــــــــ
بويه صاحت ياعظمها امصيبتي
گبل موتك ريت حانت موتتـــي
ياهو يتگفلني گلي امن اخوتي
رايده العباس اعرف اوداده
ــــــــــــــــــــــــــــــــ
گال ياعباس اخيتك طلبتـك
هاي يمنتها امـانه بيمنتــــــك
اوديعة الزهره يگله برگبتــك
ورايتي وايمثله بالطف راده
ــــــــــــــــــــــــــــــــ
اجبينه من ظل ينضح الحره بوجل
صاحت اشهالحال ياخيـــــــر العمل
بويه گاللها علامات الأجــــــــــــــــل
وكل حزنها اعله امها حيدر عاده
ــــــــــــــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
قصيده مقدمة عزاء من وزن العكيلي لجرح امير المؤمنين عليه السلام


جرحك يــا ابو حسيـن الليله

*
شد للمـوت الليله احــزامــك
وأختــم بالمحراب أصيامـك
مـــا نصفــت ويــاك أيامــك
گضتها آويــاك أبكـــل حيلـه

*
يـا حيــدر جرحــك ما يبـره
بگلب أحبابك خلِـف حـسـره
بـالقــــرآن الليلــه الطبــره
تنــــزف آيـــاتــه وتــرتيلــه

****

جرحـك هـــز أركـان السبـعـه
وهــدّم ركن الدين وشــرعــه
جبريــل أبصوتــه ظـل ينعـه
بالأكــوان ودمـعـــه يسيلــه

****

جرحـــك معـــروف بأسبــابــه
مـن غــدرت بالـهادي أصحابـه
مــا طـايــب لليــوم أصـوابــه
گـلــب المهـدي هــدّم حيــلــه

****
ظـلــت منــه أتنــوح الحــــره
يلـچمهــا وي ضــلع الـــزهــره
منــه حســين اتـــوذر نحـــره
أبصدره الظـالم سحگت خيله

****
جرحــك بعــده يسيـل أبـدمـه
مــا ناشــف مــن غــدر ألامــه
مجمــوعــه لبغضـــك ملتمــه
جيــل يسلـــم البغــض لجيلـه

****
الشاعر
موسى البديري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

على وزن حمزه الزغير رحمه الله قصيدة ( دهري ذبني)


غـــايــب     عنّـــي     
عيـــد المبــارك ياهـــو اليــگلـــي

۩ ۩ ۩ ۩ ۩

يــا بويه باچــر عيد گــوم أبسـلامــه
وعيــد اليمرنــه شلون واحنـه يتـامه
دمعــي بزغــر بالعين صايــر عــلامـه
والـدهر مّـــن البــاب صـوب سهامــه
حــزنـي          دايــم      
عيـــد المبــارك ياهـــو اليــگلـــي 

۩ ۩ ۩ ۩ ۩

يــا بويــه هـــذا العيد عيــد النـوايــب
واشلــون أعيّـد بيــه وإهلالـه غـايــب
يــا بويـــه مــن الباب شفت المصايب
مــا يشفه ابــد بالـروح جرح الحبايب
ينــزف           بعـــدك     
عيـــد المبــارك ياهـــو اليــگلـــي

۩ ۩ ۩ ۩ ۩

عيــد المبــارك راح يــا وسفــه منّه
وخلالـي هــذا العيد بعد أهلـي ونه
بأحضانــه ملتمين يــا دهــري چنـه
يا وسفه سيف الموت طشر شملنه
حسره      وعبــره      
عيـــد المبــارك ياهـــو اليــگلـــي

۩ ۩ ۩ ۩ ۩

مبــارك دمــوع العيــن بعـدك عليــه
وعيــد اليمــر بجفـــاك  عيـد الرزيه
جــرحك يابويه أنضاف وي الزچيـه
فرهدت عيدي اليـوم وسفــه المنيه
أنحــب        بويــــه      
عيـــد المبــارك ياهـــو اليــگلـــي

۩ ۩ ۩ ۩ ۩

كل ساعه اصد للباب ملهوفه عيني
واذكــر يمـــاي العيـن لمّـن تجينـي
ظليت أتاني تعــود بــويـه بحنيني
يــا سلوتي بجفـاك أصبـح ونينــي
ونّــي         زايـــد      
عيـــد المبــارك ياهـــو اليــگلـــي

۩ ۩ ۩ ۩ ۩

يا بويــه نـار أجفاك منها الگلــب شـاب
استعرت يبوالحسنين وياها نـار الباب
كــل مـا يمـر مصــاب يتجدد أمصاب
وي وشيبك المخضوب بويه الفرح غاب
غابــت       روحـــي     
عيـــد المبــارك ياهـــو اليــگلـــي

۩ ۩ ۩ ۩ ۩

الشاعر
موسى البديري
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tg-me.com/+tVfRCNCfpmJlMGRi
الكروب الثاني 👇
https://www.tg-me.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA