قصيدة بحق الامام الحسين ع
(اللحن بحريني)

دخيلك يابو علي ... يا ابا عبدالله
#########
بين كل الزلم طب شيخ العشيرة
فرسانهم تيهت خلاهم بحيرة
لف الوادم مثل طويات الحصيرة
وكال يهل الخلك بت حيدر اميرة

من يصعد جوادة تحلالة القيادة
لعبة بجفه السيف من يوم الولادة

جا وين البسالة لو شافو خيالة
خيل وتردم بخيل بيمينة وشمالة
#######
ابنُ خير العمل حلال المشاكل
بصولاته وي علي جان افضل مقاتل
بتارة بالحرب ما يعرف يجامل
وحدة وسبعين الف جيش بجفة شايل

الغيرة الهاشمية .... عد ابن الزجية
الميمون هوس وكال .... طب راعي الحمية

من يخطف عليهم ..... سيفة يساوي بيهم
فنه اليحجي ويكول ... اسمع بس بجيهم
##########
من الماي منحرم كل ضنهم يهمة
ما يدرون بالحرب زينب منها جلمه
تسوة الجيش لوحجت احجايتها زلمة
ولو كالتلة كفو زادت هية عزمة

من الخيمة وتنادي ..... يبن امي وفؤادي
ارعد بيهم وصول ..... بصفوف الاعادي

اطحهنم طحن كوم اسلب منهم النوم
وبنص الظهر هاذ خيشوفون النجوم
###########
نشمي وحيد وشرس صال وعرجة دساس
من حيدر للنبي من تريدة ينقاس
ابو سكينه بالحرب شال براسة عباس
الما مات بالحرب عمرة يخلصة وهواس

الاطرش يسمع الصوت .... الاعمى يشاهد الموت
يختل كلشي بيهم ....... لحسين لمن يفوت

ضاكت والنفس ضاك ..... نشفت كل الارياك
الحومة غركت وصار ..... الدم يعبر الساك
##########
ابن شمس وكمر شايل كل الاوصاف
بنص الجيش لو وكف مايوكف بالاطراف
من تثكل يرتجز ما يهتم للخفاف
اسرع من ضربتة وبس خيالة ينشاف

سيفة يسابك الخيل ...... ماخذ من علي الحيل
نترست كربلة اعظام .... من هاي المجاتيل

ما يحسب مسافات .... سطرة سيفة خطوات
يمشي الوادم تطيح ...... بس خيالة لوفات

#سيد_احمد_الزاملي

@ahmedalzamly

رباط

طحنت اظلوعة ... الخيل الاعوجية

#سيد_احمد_الزاملي
@ahmedalzamly

#رباط

سدن جروحة ....رمل وتراب بالطف


#سيد_احمد_الزاملي
@ahmedalzamly

برنامج العشرة الثانية
قصيده عن السبي
(ثكيل/ شور/ سماعي )


يا حسافه ..... يا حسافه
صار الموادع مثل خيط الصبح
كلهم اعزاز وجرح يلجم جرح
بيا وكت ماي النهر عنك يشح

ليش اخوي حسين بشفافه العطش
ليش كاع الطف وذر جسمه انفرش
عمت عيني من شفتهم ...... بالشمس كلهم عفتهم
########
يا حسرتي ..... يا حسرتي
حضرت رجليه لوداعي الاخير
حافية وكلي حضن يبن الامير
استورحيت بمنحرك ريحه عبير

انت اخوي وجان الملاكه مسافه
انت اخوي وهيج اشوفك ياحسافه
عيوني ما لحظة نستهم .... بالشمس كلهم عفتهم
################
يا هضيمه .... يا هضيمه
انترست عيون العبايه من مشينه
يا هضيمه ... يا هضيمه
اشكثر سبو اهلنه وما حجينه
اعزاز اهلنه وكلشي منهم ما نسينه

شلون اطلع بالنهار وانه نجمه
شلون انام وذاك اخوي انباك حلمه
بليله وحده ودعتهم .... بالشمس كلهم عفتهم
##########
يا حلاته .... يا حلاته
راسك وراس الكمر يمشن سويه
عينك وعين الكمر صدن عليه
يا حسرتك لمن كالولك سبيه

انت ذاك الما تخلي الجدمي اثر
وانت ذاك الما تعيش بلا كمر
ماردت بس فاركتهم ... بالشمس كلهم عفتهم
#سيد_احمد_الزاملي
@ahmedalzamly

قصائد العشرة الثانية للامام الحسين ع
(ثكيل / سماعي / شور)

مولاي حسين ....... مولاي حسين
##############
حبيبي يا احلى حبيب ..... ياجرحي ولله انت عجيب
ما لكو لجروحك طبيب ..... من دونك شيعني العمر

لو قصرت لحظة ونسيت ....اعذرني لو عنك سهيت
صدكني غيرك ما هويت ..... يا سيد الحب اعتذر

بين الملاييين وملامح ضحكتي
بساعة طواريك تفرفح دمعتي
اهلي شنهي !!انت اهلي وقيمتي

كل دكة بسمك من تدك .....
يا سيد الحب والعشك ....
ما اكدر بلحظة افترك ....


مولاي ..حسين مولاي حسين
##########
لمن يجي هذا الشهر .... جن نجمة ومضيعة كمر
وعيوني ماخذها السهر .. تبجي لحد خيط الصبح

شيسوي محتار الكلب ..... عايش ترة بموقف صعب
شلون ارتوي بماي الشرب وانت اعله مودي منذبح

آسف اذا يوم بنفس ما اذكرك
آسف اذا عني تشيل بخاطرك
يحسين الك قربني حيل تعذرك

عقلي بطواريك يجن
مثل الطفل اركض واون
لمن يجي شهر الحزن

مولاي حسين ... مولاي حسين
###########
اذكر مصابك وانجرح .... الف وتسع مية جرح
فوكاها نحرك ينذبح ......وانت العلى جروحك غفة

نامت على جروح الشمس .. الف وتسع مية نفس
يا كربلة جنج امس ..... وسنين مذبوح الوفة

جنك امس يحسين طحت بكربلة
حرك الخيم جنة امس بالعايلة
وزينب تظل حرة عزيزة مدلله


سيف ونحر جف وصبع
حر وعطش جان الوضع
اعليك البجي ما ينشبع

مولاي حسين ..... مولاي حسين
######
كل السوالف ما تهم ....... شيقنع الما يفتهم
جرحي بمصابك ينلجم .. ويطيب اذا بالحضرة اطب

كل دمعه طاحت بالصحن ... بيها السوالف ينحجن
بس انت صايرلي وطن ..... و غيرك فلا راد الكلب

افرح اذا دمعي يطيح بحضرتك
افرح اذا بعيوني طالت نظرتك
حيل ترتاح النفس لو زارتك

ويا ضلمة المجلس ضوة
وبس يمك اشتم الهوة
وبس انت لجروحي دوة

مولاي حسين ..... مولاي حسين

#سيد_احمد_الزاملي
@ahmedalzamly

قصيدة بحق الرسول الاعظم ص
#استشهاد_الرسول_ص

انت يا اول نبي حيدر علي دك بابه
انت يا اول نبي. يتعذب من اصحابه
الله جان بعظمته يطيب جروحك
يا رسول الله سلاماً على روحك
#########
ماكو صاحب
جنت اذا تنطي ظهر يطعن كفاك
ماكو صاحب
وانت من تمشي علي يمشي وراك
جان الك حيدر علي رايه وسند
وجنت دوم اتكول يا حيدر مدد
كلها خلفت بس علي صان الوعد
انت يا اول نبي اترف من الفراشه
انت يااول نبي نايم علي بفراشه
#######
كلها خانت
من متت ماكو صديق البي حميه
كلها خانت
راحوو وكسروو ضلع من الزجيه
الله يلعنهم لان كسرو ظلعها
وصاحت اعليهم ولا واحد سمعها
وشافت المحسن سكط صبت دمعها
انت يا اول نبي. اصدقائه اتخونه
انت يا اول نبي سمتك الملعونة
##############
ماكو زوجه
بس خديجة ياحلاها شكد وفيه
ماكو زوجه
عائشهً جانتً. عدوة وطائفيه
نكرتَ الطيبه ورحمتكًٌ يامحمد
وهي. تدٌ ريَ انت منَ الله مسدد
بس كلبها زٌايدبحًقده وتمرد
انت يااول نبيًًً. ٌ تصبرعلىجتالك
انت يا اول نبي. ماتهم الحالك
########
يا رحمتك
جنت ماتنطي كفاك لكل هله
يا رحمتك
بت منافق عيشتها امدلله
انت طبعك ماترد كلشي هديه
انت يا اول صباح بلا مسيه
ولله وسفه وشككو ذيج الوصيه

انت يا اول نبي بتك وامك فاطمه
انت يا اول نبي. الزهره جانت تخدمه

#سيد_احمد_الزاملي

لطمية بحق استشهاد الرسول ص
(شور / ثكيل / نزال)

اليوم بمصاب النبي تهل عيني
وحالة الزهرة وعلي تبجيني
###########
اليوم ابو ابراهيم من عدنة انفكد
خلي تحزن كل طوايف هل البلد
هوة راح ومن ورة عيونة شبعد

ياهو بعدك يالوصي يسليني
##########
الليلة كلشي اعليك يتغطى بسواد
وانت اكبر فاجعة لهاي العباد
فوك عرش الباري ينخط الحداد

وكون ابجي اعليك كل سنيني
##########
انت بعدك ما متت وتصافحو
وحدر ذيج اهل السقيفة اتحالفو
وضد علي والزهرة همه اتكاتفو

وفاطمة بس هية التواسيني
##########
شلون عدهم جرئة حتى يسمموك
وهيج اصاحبك حسافه يعاملوك
بعينهم تقرة الحقد لمن اجوك

ويا محمد روحتك تاذيني


#سيد_احمد_الزاملي
#استشهاد_الرسول_ص
👈 @ahmedalzamly

ما اوذي نبي مثل ما اوذيت

#يارسول_الله
#استشهاد_الرسول_ص
#سيد_احمد_الزاملي

اللهمَّ انّا نشکو إليك فقدَ نبيّنا.🖤🥀

#يارسول_الله

اليوم ٢٨ صَفر | صّاحت الأرض حُزنًا للسّماء قد فَقدنا
خِتام الأنبيَاء 💔
‏‌#استشهاد_الرسول_الأعظم⁩

لطمية بحق الامام علي ع
(ثكيل - سماعي - شور )

علي.. يابو
علي.. يابو اليتامة
#########
يابو الحسن بيتك
بي عطر حنيتك
يا محلة تربيتك...... يابو الحسن
انت اعرف بحالي
محد علي والي
بس انت تبرالي.... طول الزمن

ماكو غيرك يا علي يداريني
بس انت التضحكني وتبجيني
علي...... يابو اليتامة
# # # # # # # #
طبع الفقر ظالم
مايرحم الوادم
كونك تظل سالم..... من طبرتك
محتاجك انه اهواي
حاجة زرع للماي
مهدودة كل اعضاي... من طيحتك

الدنيا ماتسوى اعيشن بيها
ماكو غيرك يا علي محليها
علي... يابو اليتامة
# # # # # # # #
آلامي ب آلامك
من عمري ليامك
سيف الطبر هامك.... چن هامتي
ما فادة جرحك شد
ودمك نزل عالخد
شفت الضوة أمدد.... يا حسرتي

ردتك اتعيش وتظل الباجر
ياعلي بعدك كسرت الخاطر
علي..... يابو اليتامة
# # # # # # # #
كالو خلص عمرة
يا جرحك شكبرة
راح الورد عطرة.... وتيتميت
رمضان اجة بعيدة
خلي يجي بهيدة
يا فرحة التريدة... وانت المشيت

يا جرح بعدك يهيد الليله
وجرحك الاسلام ظل يبجيلة
علي..يابو اليتامة


#سيد_احمد_الزاملي
#حسينيات
@ahmedalzamly