9 أيام على نهاية الحجز المبكر لمجلس العطف على النفس.

مساء الخير. .
أنا عندي امتحانات، كل الأشياء ما بين الملخبطة، والمتوقفة، واللي هتتوقف، الرد على الواتساب هيتأخر علشـان أنا تواصلي مع المساعدين قليل، فبالراحة عليهم، ده وضع مكمل لمدة شهر من الآن : ))

حقكم عليا ❤️

مقالي عن مدرسة: أنظمة الأسرة الداخلية
https://www.facebook.com/A.Y.A2050/posts/pfbid02LDHv4Qb3ZYgvdrLPfcXVAJQzhWrw97BsCrqgjCLRH627gDwKJqSu2DNE3REM9tvDl?__cft__[0]=AZWGylkO9YpGlM0vWAPmuxiI_DwZA3-zx-hge4Ufsq5eN4CmqOU4YpBi_2GpHSgUvduV4phsOONBlijchyuPYBWqR5olWwQ_K2pYSmCwMxnAhEzTF3HFZlYzXtAzUiZ16mlX2ewMdH-zretAZhkxjUm-HXjLFsplIz8FosaMhuKPOb24WVbnmOvERgF53CNMCSSFhxlM0ceGIPDSkiZMfnoMG0KktlPlDy7-DfIrvMBdCw&__tn__=%2CO%2CP-R

استمتعوا

شديد الأهمية. .

هامش شخصي:
الفترة الأخيـرة، ومع الامتحانات، أنا كنت بشتغل تقريبًا ما لا يقل عن 16 ساعة يوميًا، بدون انقطاعات تقريبًا، وبدون نوم، وده وضغط ضاغط جدًا، لكـن مكنش في فرار منه لإنه ده كان ما يتوجب فعله على مستوى اللحظة، والحمد لله الذي أكرمنا، وده انتهى، مكنتش فترة غريبة على نمط إنجازي، لكـن كانت فترة من أكثر الفترات المرهقة، علشـان أنا بتعامل حاليًا مع مستوى مختلف تمامًا من المسئوليات، على مستوى البيت، على مستوى الدراسة، على مستوى الشغل، وغيره. . وأظن إني بقالي كده شهر وأكثر شوية في burnout عنيفة جدًا، مازلت بحاول أخرج من آثارها، لعل العالم يديني فرصة أعمل ده. .
الفترة الجاية أنا محتاج فترات انقطاع أطول، وأوسع، علشـان أحاول أتدارك نفسي، لإن الـ6 شهور اللي فاتوا كانوا مهلكين بالنسبالي.
زمان شوية، كان هيبقى نمطي بيقولي: You have to do more than that، أو اللي أنت بتعمله not enough، لكـن الحقيقة ده انتهى : ) بحول الله وقوته، وبعد سنين في الرحلة دي، ده خلص، مفيش صوت بيقولي يلا محتاج تحقق كمان، ولا حتى في خلفية المشهد، في صوت بيقول: أنت عامل عظمة، وعامل فوق العظمة عظمة، ومؤدي أحسـن أداء مشرف في آخر 50 سنة، ويلا علشـان ترتاح : )))
والحمد لله الذي من عليا بمثل هذا الصوت، الحقيقي، الرحيم. . والعطوف.
يوم الإثنين اللي فات كان ليلة امتحان من الامتحانات، ثم فوجئنا باعتداء ما، ضرب واحدة من أعمق ترومات طفولتي، والحقيقة إني كنت منتظر اليوم ده! جدًا! من سنين طويلة، جدًا، منتظر اللحظة اللي هاخد فيها جزء من حقي كطفل، اتعرض لانتهاك بشكل أو بآخر، والحمد لله، وقفت وقتها أختار، واخترت إني أنتصر لنفسي! ومبسوط بده، أو على الأقل مبسوط بالجولة دي جدًا، جولة قادر أحط فيها قيمي ورا سيكا، وأنتصر لنفسي! والحمد لله الذي من عليا بذلك. .
بقول ده لأسباب مختلفة، كل واحد ياخد من الكلام اللي يشوفه، وكمان بقول ده علشـان أفكر نفسي قدام إني عامل كويس، لو الكويس ده مش كافي للعالم، فهو كافي ليا، جدًا، جدًا. .
وبقول ده كمان علشـان أقدم اعتذار مبكر للحاجات المختلفة اللي الناس منتظراني فيها، أنا مازلت يادوب برجع، واحدة واحدة، وبراحة، على قد ما أقدر، علشـان أكون (أنا) وأقدر أكون موجود بشكل فعلي وحقيقي، فحقكم عليـا، وواحدة واحدة نرجع لكل حاجة متأخرة بإذن الله ❤️
وخلونا نفتكر سوا: لا فاعل على الحقيقة إلا الله.

باسم الله. .
تمرين: إلقاء المرسـاة في العلاج بالقبول والالتزام.

التمارين لها أثرها الهائل، للي عندهم طاقة يجربوها ويدوها فرصتها لوقت طويل كاملة، بالإضافة إلى الشغل على الوعي والبصيرة والفهم.

رحلة سعيدة : )

https://m.youtube.com/watch?v=yMYDoJjySd4&pp=0gcJCfwAo7VqN5tD

: ))

عندي تقدير شديد لكل الناس اللي هنا، وأخص الناس اللي هنا من بدري، كل نعمة في السكة دي كانت بدايتها هنا، مش هنا بالظبط، علشـان كان في أشياء مشابهة، لكـن هنا كمكان بلور كل حاجة. . في اللحظة اللي بدأ يتبلور جوايا السؤال المرعب: من أنا! بدأت كل حاجة هنا.

شكرًا على الوقت والرحلة : ))

: )

رحلة يا رحلة . .
يا صعبة يا سهلة!

"إن الأسوار الجيدة، تصنع جيرانًا جيدين"

"إن العلاقة العلاجية ذات اتجاه واحد! أي أنها [في صالح] المريض!"

مهم جدًا، لا مشكلة في حديث المعالج عن نفسه كما يقول يالوم، المهم، هيعمل ده امتى؟ هيعمله إزاي؟ هيعمله لصالحه ولا لصالح المريض.

مسـاء الخير. .
نقدر نحول: 400 جـ على الانستا باي، أو فودافون كاش وندخل جروب المتعلمين.
(الجروب متاح بدون مقابل لأي حد معانا في مجلس العطف، أو في مجلس التربية) **

إيه اللي هنستفيده من ده؟
حتى الآن حاجتين أساسيين:
1. هنستكمل بإذن الله لقاءات كتاب القلق يحدث.
2. كل اللقاءات اللي بتنزل على اليوتيوب تقدروا تحضروها لايف وتشاركوا فيها وده مختلف بإذن الله، وعندنا تفصيل طويل في ده.

أعمل ده إزاي؟
أحول المبلغ على
التحويل على فودافون كاش رقم:
01015740340
أو انستا باي
ahmedyaserroza@instapay

ثم أبعت رسالة على واتساب ده فقط
01063070272.

هامش: لا يوجد استرداد للمبلغ بعد الدفع.

صباح الخيـر : ))
جمعة مبـاركة عليكـم إن شـاء الله.
السيشن دي هي السيشـن رقم (3) في سياق العلاج بالقبول والالتزام.
السيشن (1): في السيشن الأولى، اتكلمنا عن إلقاء المرسـاة. .
إزاي أثبت نفسي، لما العاصفة تيجي، إزاي مسيبهاش تقضي عليا، بدون ما أقف أتحداها، وبدون ما أشتت نفسي عن اللي بعيشه، وردود فعل الناس اللي جربت ده بالنسبالي أكثر من مرضية الحقيقة، وهتشوفوا في سيشن النهاردة بعض الفيدباكس عن ده.
السيشن (2): نحو مزيد من اليأس
عودة إلى السلوكيات اللي بنعملها علشـان نحاول نكون أفضل، علشـان نحس بمشـاعر أحسـن، علشـان نتجنب ونشتت ونهرب من المشـاعر الثقيلة، وغرضها كان الوصول لدرجة ما من اليأس إنه لو بذلنا جهد أكبر ألف مرة في ده، فبرضه هنوصل لنفس الحتة.
ثم السيشن بتاع النهاردة. . سيشن المقاومة، وإيه اللي في إيدي.
في السيشن دي هنتكلم تاني عن سؤال واحد:
لو مكانتش المشـاعر والأفكار والذكريات في كثير من الأحيـان هي المشكلة طيب إيه هي المشكلة؟ وبنقول إنه المشكلة بقدر كبير في حاجتين:
1. مقاومة المشـاعر والأفكار.
2. الرغبة في التحكم فيهم. .
من أهم الأشيـاء اللي بنتكلم عليها هنا، هي تكلفة إني أفضل أزق في مشـاعري طول اليوم، على تركيزي ووجودي، وكمان إيه في إيدينا وإيه مش في إيدينا على الحقيقة.
لو عايزين نشوف الحلقات نقدر نشوفهم بالترتيب ده:
1. نحو مزيد من اليأس.
2. سيشن المقاومة.
3. إلقاء المرساة.
وشكرًا : )) استمتعوا

صباح الخيـر . .
مواعيدنا في السيشن الأوفلاين حتى الآن مقفولة كلها لفترة.
بسعى إننا نوفر ميعادين أو 3 أونلاين الفترة الجاية إن شاء الله.
شكرًا

https://www.youtube.com/watch?v=lz7uY9wXK5g&ab_channel=RimBanna

أظن ريم واحدة من أكتر الناس اللي بتقطع شرايح من روحي، سكينة شديدة البرود، بتدخل تاخد روحي بـ واحدة "آه آآآآآآه" بس.

مساء الخير..
عندنا ضغط شديد على الرسايل، سواء على رقم حجز الجلسات، أو رقم التدريبات والمجالس، فمن فضلكم، براحة عليهم، لإنهم بيحاولوا يردوا واحدة واحدة على قد ما يقدروا

واصلني إن ده موتر، وواصلني إن ده مزعج، واننا محتاجين نصرف فيه أكتر، بس ادونا فرصة لده.

وشكرا

اللي صاحي وموجود هنعمل لقاء دلوقتي عن التربية الإيجابية.