Muallif: Feruza Nazar, Muhayyo Maksudova
Muqova: qattiq
Hajmi: 104 bet, A4, rangli
Narxi: 75 000 so‘m
Xarid: www.tg-me.com/akademsavdo

Ushbu kitob faqatgina harbiylar uchun emas, tadbirkorlar, pedagoglar va boshqa kasb egalari uchun muhim bo‘lgan asarlardandir.

Dunyoda turli xil kitoblar bor. Ba’zilari vaqt o‘tishi bilan o‘z ahamiyatini yo‘qotadi. Ba’zilari ma’lum bir auditoriya orasidagina ahamiyatini saqlab qoladi. Masalan, italiyalik Makiavelli ham XVI asrda “Muhoraba san’ati” degan kitob yozgan. O‘z davrida Napoleon ishbu kitobni sevib o‘qigani ma’lum. Biroq hozirga kelib Makiavellining kitobi o‘z ahamiyatini biroz yo‘qotgandek ko‘rinadi. Biroq bundan 2500 yil avval yozilgan Sun Zining kitobi hozir ham dolzarb va ahamiyatli. Chunki unda universal qonuniyatlar va prinsiplar haqida gap boradi. Zamon, urush qilish aslahalari o‘zgarsa-da, Sun Zi kitobidagi urush tamoyillari o‘zgarmay kelmoqda.

“Muhoraba san’ati”ning birinchi nashri 2022-yil noyabr oyida o‘quvchilarga taqdim etilgan edi. Shundan so‘ng yana bir nechta boshqa tarjimalar chop etildi. Biz boshqa tarjimalarni ham
o‘qib, tahlil qilib ko‘rdik. Tarjimonlarga ushbu ishlari uchun tashakkurlar bildiramiz va o‘z tarjimamiz
qaysi jihati bilan boshqalaridan farq qilishini bildirib o‘tmoqchimiz.

Eng avvalo, u zamonaviy xitoy tilidagi bir nechta kitoblar asosida to‘g‘ridan to‘g‘ri qadimgi xitoy tilidan tarjima qilindi. Qadimgi xitoy tili mutaxassislari, ya’ni ustozlardan maslahatlar olindi va tekshirtirildi. Ingliz tilidagi adabiyotlardan ham foydalanildi. Iloji boricha xalqchil til qo‘llanildi. Ba’zi o‘rinlarda tushuntirishlar va sharhlar berildi. Umid qilamizki, ushbu tarjima kitobxonlar uchun manfaatli bo‘ladi.

Bu kitob bo‘yicha izlanishlarimiz hali davom etmoqda. Uni biznes, marketing va menejment strategiyalari bo‘yicha sharhlash rejalarimiz ham bor. Buning uchun siz aziz kitobxonlarning fikr, mulohazalaringizga muhtojmiz.

Tarjimondan