“Taqrizlar tanlovi”ga nima deysiz?

Ushbu haftada nashriyotimiz yangi ofisga koʻchib oʻtmoqda. Shu sababli @akademsavdo profiliga yozilgan xabarlarga biroz kechroq javob berishga majbur boʻlyapmiz. Noqulayliklar uchun uzr soʻraymiz.

Bu kitoblarni nashr qilganimizdan buyon xayolimda bir fikr aylanib yuraveradi: “Agar yaqin oʻtmishimizda oʻn nafar Gulchehra Nurilloh qizi boʻlganda hozir boshqacha jamiyatda yashayotgan boʻlardik”.

Yaqin tariximizdan oʻz gʻoyasi va tutumiga nihoyatda sodiq boʻlgan, bu yoʻlda fikri oʻzgargan yoʻldoshlari, yoʻldan chalgʻigan yetakchilari, maishiy halovati, xavfsizligidan voz kechib boʻlsa-da davom eta olgan boshqa ziyoli shaxslarni koʻp ham topa olmasak kerak.

Nazarimda Gulchehra opa hatto ijodining ilk davrlarida sheʼriyatidagi ustuvor jihat boʻlishi mumkinligini koʻrsatib bera olgan lirik ruhdan ham voz kecha olgan va gʻoyasi uchun xizmat qilgan ijtimoiy-publitsistik sheʼrlarga koʻproq urgʻu bergan.

Gulchehra Nurilloh qizining uch jildlik kitoblarini oʻqib balki Siz ham bu fikrlarga qoʻshilarsiz yoinki boshqa bir xulosalarga kelarsiz. 28-iyunda shu kitoblarning taqdimoti boʻlyapti. Keling!

Telegram | Instagram | Facebook