قيل للإمام علي بن أبي طالب
: «أهناك أشد من الموت؟ قال: نعم؛ فراق الأحبة أشد من الموت
سطر من جنتي عدله مامراويج
بس هسه اني كاتبلج قصيده
انه اغلام ابوي الخوه چا هيج
عتابي اوياج ماتكفيه جريده
صوتج ذاك اليگومني اذا اطيح
هسه يمر علّي مثل الرعيده
چنّه ابفد غطه مو عوز بس شوگ
المتر عدنه مسافاته بعيده
نتگاسم الخبزة والخبز ضااال
وحيده ارواحنا وتهوى الوحيده
هلي نخله يخيتي وانتي جمار
النخل من غير جماره شيفيده
انه اوياج ماشفنه المراجيح
ولا شفنه الملاعيب الجديده
ماهمينه مره بجية العيد
كلمن چان وجه الثاني عيده
گضينه اعمارنه نار بتنانير
بحيث گلوبنه تليين الحديده
رغم كلشي وضحكنه نطلعه للناس
حزنّه مابشر ردنه يصيده
نتزاعل ثواني ونضحك اشهور
نداين ضحكه للناس العنيده
امي ابموتت امها مابجت هيج
وابوي اتصاحبن صدره اعله ايده
وثغبة جارنه ياخويه تدرين
تشبه ثغبة الكاطع وريده
انه التحت جدمج جنته تصير
اعدال امي حسبتج يالفريده
نعيد الي نريده آنه وياااج
بس هالساع طولج مانعيده

قناة الشاعر خادم الحسين
سيد عباس الفاضلي

الوقف الدائم

يالفركَتك تاذيني ها ياصدر حاجيني
ما بين الظلوع مشتعله الشموع
ها ياصدر حاجيني
____________
بينه العطش جاي.......نتنطرك ماي. ....عطشنه عطشنه
حتى الضوه انباك..فقره احنه عشاك. .. تحبنه تحبنه
ايا مصيبة ذكراك
مفجوعه حيل التهواك
القله من ذاك و ذاك .....يتعنه مشاي
ياحبيبي شلونها.......الهسه ويحبونها... بزمنه بزمنه
تعرف سوالف عيني ها ياصدر حاجيني
تموتها الدموع مشتعله الشموع
____________
اسمع شخص جاك ....يحجي بهده وياك ...فكدتك فكدتك
تشبه علي اهواي........ .يمشارك اوياي ...خبزتك خبزتك
بس عكب موتك عرفيت
كل لحظه من اعتازيت
انته التدك باب البيت .....تدري معتاز
واركض اعله أعصابي...والكه زااد ابابي.....عشكتك عشكتك
متندم أعلى سنيني ...ها ياصدر حاجيني
وبنظره موجوع مشتعله الشموع
___________
شط دمعي ماهاد......ها يا ابو الاولاد.....عجيبه عجيبه
متعني مشااي.........متوالمه اوياي........مصيبه مصيبه
المنبر يسولف بيك
الكاع رادت رجليك
عوجيتك اتدور اعليك .....ضنها مختاض
من تطيح تعينك .....جانت بجفينك.........جريبه جريبه
عوجيتك تبجيني ها ياصدر حاجيني
بالفقره مر جووع مشتعله الشموع
__________
جلجل علي ليل ......زاد الوكت ريل......جزاني جزاني
لو مر علي طير...........يحجيلي عالخير......ثواني ثواني
يا ابو مؤمل والطير
انطاني شاره وتفسير
جان الصدر هوه الخير .....سولف وطار
قل هوه الله الخالقه...جلمه للحك ناطقه....معاني معاني
البينك حبيبي وبيني ها ياصدر حاجيني
ماجني مسموع مشتعله الشموع
___________
جمعت الاخشاب...ماندري بالغاب..... .علينه علينه
ثاري التسويه........نوح العمل بيه......سفينه سفينه
لمن رحت مر طوفان
يغرف غرف بالشبان
يا ابو مؤمل والآن .....صار ما صار
كلبك وكل لحيتّك .........بالظبط جن نيتك..حنينه حنينه
يالبالعطش ترويني ها ياصدر حاجيني
وبصدري مطبوع مشتعله الشموع
احمد رحيم

يحجي ابوي  واسمع   شگال
طيحو العگل واچفوها الدلال
گتله آنه ليش؟ وصوته چتال
گلي ابو امؤمل حمل  وشال
وياه   ولده   الراحو   اثنين
نگصت الگاع  وزادها بطين
بوية الصدر يشبه  للحسين
مات وتبــــين  موته  للدين
چانت متربه والسمه اغيوم
وانگلب اســـود لون الهدوم
خلّه بگلبنه السيـــــــد البوم
تحرگ الأخضــــر نار الهموم
هذا الخــــــبر  من  گد  نشازه
طب ب اذني بس طبت گزازه
ماشفته بس معــــــتازه  عازه
واحسد الوگفو  عالجـــــــنازه
رفن ازنود امي وحجـــــــتلي
يردن لطــــــــــم وتــــنوعتلي
ال أبچي يمها آنه بچتـــــــلي
گالت السيد ناســــــــــي واهلي
  (يمه ابو امؤمل  ناسي واهلي )

عشكنه   اساسه العاشر     دمعنه    يعيشة الحافر
يبو    عبدالله    عبدالله   لهسه نصيح اله اسم الله
■■■■■■■■■■■■■■■■■■
كل العشك عندِ الخدم   عاشر محرم ساسه
حب ام ل ابنها ما وصل   يمهم ابد مقياسه
كل العشك ب الوان بس عدنه تلكاه
كلمن يحب حسين ثوبه اسود اوياه
واشما  يسود  الليل وشما   بعد  زاد
ثوب   الخدم  لحسين  اكثر بالسواد
بعدنه   نشوفه الحاظر   عددنه   يتعب الناظر
واذا باللطمه مازدنه       صدرنه الي يدك جفنه
لتكملة القصيدة واللحن 👇
@Hdeuti

هلال    مجيئك حافر بالعاشر تجيبه
هلال    مصايب جايب مو وحده المصيبه
هلال    حُسين ابجيتك شيباته خضيبه

مضيعلي جم نجمه من هلتك
يالماخذ النعمه  وي جيتك
ومعزبك خذته ميت عطش
يهلال  اسألنك عن  غايتك؟
بسم الله
كلشي ما خليت من عياله
كل قدومك يتماها اطفاله
جسمه كله ابساط واحمر لونه
كثر ما سحكت عليه خياله
■■■■■■■■■■


احمد رحيم
لتكملة القصيدة
وطلب اللحن 👇
@Hdeuti

#للعليله

هذا السفر وين      يابويه الحسين
شو ما الي امجان  معقولة  ناسين
صعدن خواتي      وضمن    عباتي
درب الشفه اوياك  يا كل حياتي
كالولي عِليله وكلت الهم خلوني
واللهِ اكلف من امراضي تعوفوني
درب السبي باجر    اتحمل  اتعابه
بس المهم عندي عالناكه تصعدوني
نار
تاكلني لو رحتو هلي نار
وبكد الخيام وعلي   نار
باجر خواتي ابلا ولي نار
جا بالعلاج اني شلي نار
■■■■■■■■■
جهزت الاغراض   ضني الابو راض
من كلي تبقين     شط الدمع فاض
كل الجرى اوياي كصبة وجفه الماي
لاغيمه وتطيح    لامن   نهر   جاي.
بالعاشر اتمنه انقل ماي العبدالله
ويغفي بيّديه وكلما فز اسم الله
صدكوني ذن كلهن اتمناهن بالطف
بس شفت ابوي انطاني الشاره من صلى..
دار
ماترهم  ابلايه  اهل   دار
لورحتو اكعد جني  خطار
من هسه مرسومه الحياطين
باجر  الريح  يصير  تذكار
■■■■■■■■■■
يامن  تروحون      باجر      تموتون
وابقه انه بالدار   ماعندي  كل   لون
كل الحياطين       رسمن الي حسين
بس شفته مذبوح  ومفتش   العين
راسه  برمح   يعلى من   بعد ماينحز
مو رايه حتى بطول الدرب ضل ينهز
عالحايط  الرسمات  اهواي  تراويني
ياهلي    والمشكله   الرسم   ماينجز
صار
كل الي شفته اعله الرسم صار
من    الهواشم   فرغت   الدار
رحلتهم    ابلا  رجعه انجوم
وابقه    يتيمه   آخر   اخبار
■■■■■■■■■■
كل السفر  هاذ       من   الدم   انعاذ
ادري اعله الحسين طاري الذبح شاذ
ومناطِرَتهم        وادري      بذبحهم
بس كلبي ميريد    يقبل     فكدهم
بعد السفر تشييع الجلمة(مرتاحة)
لانومي  نوم  ولا كعداتي بالراحه
مثل الشمع دمعي جي خيطي المسافر
مامش امل يرجع ويكف كلبي انياحه
ناح
كلبي   على   الوالي شكثر  ناح
حدما صحت بس مامش اصياح
صوتي يضييع  اشواي  واشواي
اخرها صوتي الكل  سمع   شاح


https://www.tg-me.com/aklrh
اللحن👇

هكذا ارى الطف

والعقيله الحره زينب باوعت يكرب نعشها
بليلة الفركه العقيلة باجيه اكثر من عطشها
احمد رحيم

#قائد_مجاهد_عليل

وكفتك جانت  امامي  وكفة   اشراع
انت المحرك السفينة التمشي عالكاع
قائد مجاهد  عليل
قائد مجاهد  عليل
●●●●●●●●●●●●
ما وراء الطف تجي ابالك مشاهد
لمن   الماي    بشفايفهم     يعاند
خيمة السادة الهواشم والبخت ذااك
باوعت عاليحرك شكد كلبه بارد
بعدها اختك سكينه
تكلك   عمي    وينه        اريد الماي
على الشاطي وجروفه
صدك طاحن    جفوفه؟  لأن ماجاي
كلت الها هذا المي وشرابه    سراب
وهسه الكفيله عمتي العقيلة بكتاب
كافلة ضعون الهواشم والسبايا
يوم عاشر  بيدها   كل  الروايا
وانت التطيع الكفيل
قائد  مجاهد   عليل
●●●●●●●●●●●
ما خله  بالك  ابد من ذكر الحسين
من بعد موته بقت ذكرى الدواوين
راح ابوي تكل للينشدك على الحال
حال فلاح وحضه بحرك البساتين
حياتك غاظرية
تموت المغربية بصور ناسك
دمع عينك لغيته
لأن دمك جريته جرح جاسك
لسه المناظر    بيها الحوافر    تدوس
خنصر جفوفك عاود طفوفك ضروس
تشتعل بس مامش الماي اليطفيك
وركه..وركة باوعت طاحو غواليك
وابالك الطف  طويل
قائد   مجاهد  عليل
●●●●●●●●●●●●
المرض مايوجعك بس يوجعنك
العلاوي من   تطيح   يكومنك
رغم كل وحده اديها ابنار الخيام
جرح بيهن لجن ركضن واعتننك
مشاهد طف عظيمة
يتيمة  تجر   يتيمه  تشاهدهن
تصيح ومن يسمعك
مرض جسمك يمنعك تساعدهن
يامن حياتك    كلها  المماتك  جروح
لاصيحه رعده ولادمعه وحده وتروح
مبين اصياحك بعينك للمشاهد
كلي ياهو  اليقنع الدخان بارد
جسمك عليهم  نحيل
قائد   مجاهد   عليل
●●●●●●●●●●
موت اهلك يختلف عن العشاير
بكثر ماذبحوهم يخضرون باجر
يا امامي وياحلات  الي  مثلهم
ماتو   ولِسه  طواريهم   كناطر
عرفت ابراسك الطف
كتب ومعلكه ابرف  فخر بيهم
صحيفة كل دعائك
مبادئ من   عزائك   معانيهم
كل البواجي وسمع المحاجي سيوف
وي كبره كلبك يتساوى تعبك تشوف
جويه جويه وكبرن وروحك تضمهن
مثل منضمن خواتك يم  عبي  امهن
قد كان صبراً جميل
قائد  مجاهد  عليل
اللحن 👇
@Hdeuti

قريبا ان شاء الله قصيدة المشاية

#قصيدة_بعد_انتهاء_الخدمة_والمشاية
حسين
طيحنه المواكب
چن طيحة مصايب  وتوادعنه اويه دربك
حسين
والمشاية   خلصت
كل دمعاتي  صبت   بعد خدمه آنه اطلبك
مامش   مشاي   بعد
وانه اخدم جاي مدد
ب اسمك ه الچاي بُرد
چي مامش ناس
اهلا    زوار   صحت
كلشي تحبون  جبت
بس لا ترحون گلت
من الاحساس
......................
حسين
رجعنا امن الزياره
وصل كلمن دياره     وتلكونه اهلنه
حسين
لجن   زينب  تعاود
الى الشام  وتشاهد  ابد مامش محنه

شتريد تكول و  اهي
اخت المكتول سبي
وبكاع الجول عبي
بس هنه افياي
كل درب الشام تره
مابي   خدام  مره
بس الظلاّم  سره
يكطعون الماي
...........................
...........................
حسين
انشاط احنه بخدمتك
بثواني   نمد  سفرتك .والعالم  نعجبة
حسين
بس حيل الخدم راح
اذا   موكبهم  الطاح.. رايح  ما نحسبه
ينزاح   الحيل   تره
لو مامش ناس سره
والخادم صوت طره
اهلا زوار
كل الحسرات  اجت
وقواري الجاي بجت
كل   الزوار   مشت
كل الاخبار
............................
حسين
نريد العودة كل عام
رزق ترزقنه  خدام ...ونواسي العقيلة
حسين
صوتي ورافع ايدين
هلا بزوار  الحسين..سفرتكم طويله
وادموعي وياي شرط
مابيهن   كون   فرط
من غير الروح شحط
حتى اوفي الدين
راح آنه اشتاگ سنه
الملگه الزوار وانه
يكتلني الشوگ ضنه
ويكسر الطين

✍احمد رحيم
اللحن👇

#انشروا_السواد_الفاطمي

نصرةٌ لقضية مولاتي الزهراء صلوات الله عليها
ورفع الضُلامة عن ذكرها
نشر هذا البوست لتعميم السواد في كل مكان بدآ من منازلنا ...

#محرم فاطمه

وذكرهم بأيام الله 💔
السلام على أم الحسنين

(امنياتي واعترافي)

دلينا    اعله   امجانج  وين
يمخلفه انتي ااتلاثه حسين
محرومين   انزورج     ليش
مشتاكين   انبوس   الطين

حلم كل الخدم
تزور    المنهدم
ضريح انسوي الج
ونرفرف بالعلم

ما ريدن غير ضريحج  اشوف
من غير شباج  تضيع  الجفوف
مولاتي مشايه  ريت   اعتنيج
والمثلي خدام   تزور  وتطوف
○○○○○○○○○○○
خدامج بس  نشرب ماي
وانّام   ويحرسنا   افياي
بس حيدر  جان  الوياج
بس هسه احنه شكد اهواي

ظلع  ماعدنه طك
ولا راس انفشك
واكلج مختصر
قليل الي عشك

العشك الصدكي يوم الطفوف
من عابس كام يكسر   السيوف
من طاح وصاح حبيبي حسين
يا مولاتي   يعادل   الوووف
○○○○○○○○○○○

من ذنبي ومن ذنب الغير
هالضايع من عدنه  الخير
يم احسين النظره احتاج
كم هائل  عندي  التقصير

الذنب عندي كبر
ذنوبي امن البشر
اريدن غربه  الج
واحزنج كل  دهر

والغربه   اتكون     يريت   ابهواج
خل كل كلشي يطفئ  اشوف بضواج
يا من تسمعيني يمته استفيق
وبفعلي  يمته    اكونن   دواج
○○○○○○○○○○
خليني امن القله الكاج.
واشتم  اترابج  وانعاج
مو وحدج يم كبرج صوت
المهدي ابكل ساعه اوياج

بخت هذا الحلم
يطَيّبْ المنثلم
والمبديله  ماي
بعد منه  شيلم

احلامي  اكبار  والذنوب  اهواي
والله   محتاج   وكفتج   وياي
عطشانين احنه الج دمعة وشوك
يم  حسين  العطش  مو   للماي
○○○○○○○○○○○
ما اريد ابأسمج اي صيت
خليني اخدم ضلمه ابيت
يكفيني انتي الي تنظرين
ياريت   واكبر   ياريت

لطمتي  ودمعتي
جبيره امصيبتي
الحقيقه(امي مشت)
بداية   غربتي

تبدي الغربه ابترك حجي الناس
حجي المابي(علي)ابلا مقياس
اتنطر موتتي   واني   اوحيد
مرات   الشجره  تتنطر   فاس

احمد رحيم
لطلب اللحن
@Hdeuti