☜ بـسمـه تعـالى ☞

الـقصـيدة : بس عشگ
اداء : السيد فاقد الموسوي
كلـمات : حمزة الحسناوي

☆☆☆☆☆☆☆☆☆☆☆☆

اتمنى اكتبك بس عشگ
لازم تضل بلا نعش
يطلع مثل وجهك سرح
وتموتكم وابن العطش
وانسى العطش وانسى الجرح

☆☆☆☆☆☆☆☆☆☆☆☆

بيت القصيدة الينكتب
يطلع مثل وجهك سرح
بس بوسط هذا الحچي
يعرفني راسك على الرمح
اكتبلي بيت ولو كمل
بالثاني لازم تنذبح
لازم تضل بلا نعش .. ياابا عبدالله

☆☆☆☆☆☆☆☆..

نفرض كتبك مبتسم
بس الصدگ ما تنعقل
شمس الله لو كض طيحتك
لو ظهرك لما ينعدل
لو بل يسر حرمه وطفل
وبصفها هم حرمه وطفل
خاطر يطيحهم سوه
چتفهم بنفس الحبل
ذاك الركض ذاك انسحگ
والضل من الخيام احترگ

☆☆☆☆☆☆☆☆☆☆
جروحك ولا يتشابهن
يتشابهن بس بالنزف
جرح السهم گد السهم
جرح الرمح يملي شكد كلف
ذني وبعد ، سيف وبعد
خيل وبعد سبعين الف
بس الحوافر مو جرح
لا هم جرح بس منخزن
شتفيدك وروحك گضت
جرح بجرح گالوا تشد
هلبت تشد ايدك ردت
وخر الطفل لا ينمرد
يالميت صاحوا بعد
لحد يضم سيفه ويرد

☆☆☆☆☆☆☆☆☆☆

الله اكبر يا علي
علي ميت تهل
يتنافسون على الذبح
ياهو اليسوي اكبر جرح
عيش بكثر ما سولفوا
حس بطعم هذا العشگ
مو ضمه هيه وتنتفل
والزهره مامك منسفك
سحگوله حد ما هوسوا
تريد الصدگ هذا الصدگ
بالخيمة مو بس العبي
حتى الحرم شبعت حرگ
تعرف خواتك يا شهم
توجعهن عيون الزلم
ياابا عبدالله .. ياابا عبدالله

☆☆☆☆☆☆☆☆☆
.....
...

هلال محرم

*هل بـســمـا هـلال الــحــزن ويـا الرزيّه*
*مأجـوره يـم حـســيـن يـازهـره الزجيّه*

مـا قـول قـومـي واسـتـعـدي لبسي اسواد
لــنــچ يـازهــره بــالــدهــر كـلـه بـالـحـداد
موت الـنـبي وهظمچ بعد وامصـاب الولاد
*واصعـب مصيبه اعليچ يـوم الغاضريّه*

لمساعد الله بـحـالـتـچ فـي شـهــر عاشور
لـمـصـيـبـة اللي امن القفا يويلي مـنـحـور
راسـه عـلـى ذاك الـرمــح والـصـبـع مبتور
*وهـشـمـت جسمه يا وسافه الاعوجيّه*

مـن مـاتـم الـمـاتـم تروحي و تجري العين
وايدچ على ضـلـعـچ تقولي ابنوح و ونين
(واعظم عليه لو نعى الناعي على حسين)
*يومـه يـشـيـعـه وشـكـثـر چايد عليّه*

ياحرمه فـجـعـوهـا ابولدهـا مثلي يانـاس
خلوه يطـلـع عـن جـواري الزمـره لرجاس
وذبـحـوه ويلي وبالعوادي جسمه ينداس
*وراسـه تـعـلـق فــوق راس السمهريّه*

وبـكـل مـاتـم احضـر وايـدي اعلى ضلعي
وانعي بــعـــد هــم شـيـعـتــي والله انعي
و الطم مـعـاكـم هـم بـعـد اجــري الدمعي
*مـو وسـط  قـبـري انـي كـلّـه بالعزيّه*

تمت بحمد الله ومنه
لمحرم 1442 هــ

*لخادم اهل البيت عليهم السلام*
*المُلا محمد سامي المرعي*

فزاعيه املاكاه
لعبد الله الرضيع سلام الله عليه
...................

عبد الله ترف

والسهم بي ماضي

دمه ابچف ابوه حته النفس گاضي

**

يلوج من العطش ونفطر دلاله

وگلب امه عليه بالدمع تبراله

وبحضن الابو سهم الغدر جاله

ايروونه //بسهام الموت
*****
وبنحره السهم متنيشن وصابه

ودمه السال ما طاح اعل الترابه

جنح جبريل شاله وعله بخضابه

وحسين اتهدم// كل حيله

✍🏻طالبةالزهراء
*****
مذبوح الولد حلّن اگماطاته

سهم النايبه عبدالله مافاته

لطمن على الهامه هنا يعماته

اعلى الهامه// لطم المذبوح

**
چابه للخيم والرگبه مگطوعه

وسكنه وعمته والحرم مفجوعه

على نحره الترف ضربات مطبوعه

انهد حيلي// من گالو مات

✍🏻 الحجيه لم علي البصره
**
غطنه الولد لاعن تشوفه امه

ملجومه واجت يم زينب ابهمه

تنشدها عليش الحرم ملتمه
اعلى كماطه// مطبوع الدم
✍طالبة الزهراء
**
تمت القصيده
بقلم شاعرات اهل البيت
الحجيه ام علي بصره
و طالبةالزهراء القريشي

سألو مولاتي ام البنين ع قالو لها يافاطمه عند كثرة الجيش على الامام العباس ماهو السر الذي يجعل العباس لايتراجع من الجيش فأجابتهم قائلتا".
ابن حيدر علي الماكو بشر كده
عباس ابني اعرفه منيله الشرده
عرض وطول اشوفنه يطب عالجيش
اخر بشر بيهم سيفه ميمده
ومو سبعين الف لا بالعدد غلطان
جثثهم وصلت العباس يم زنده
صح هو كمر بس طب عليهم ليل
اليلزمه ابجفه الا يموت ويهده
وكف عالمشرعه انكلبت وجوه الخيل
الطير اعله الشريعه ايخاف يتعده

✍علي سعيد
#اي_والله

يلي جاه مسوي ليه وحترام
لبستني اهدوم وهدومك سهام
خيمت اعليه ونت بلاخيام
وانه ماحس بيك
__
لمن اعتازك اذكرك
ومن اطيح ابشده اندبك
وانه اصلن مااعرفك    منهو انت
يلي كايدني منديه
وجن حرس صايرعليه
اغلط اوماتنطي بيه     منهو انت

حسين        من اغلط اتلتملي
حسين   شايل ابضهرك حملي
حسين    سالت دمائك لجلي 

شربت روحك عطش الخاطري
انطيت خنصرحته يسلم خنصري
وانه ابيعك ونت بيه تشتري
وانه ماحس بيك
__
ايدك مجلبه باديني 
شما ابيعك تشتريني
مااجيك انت التجيني      منهو انت 
فضلت نحري اعله نحرك 
فضلت دمى اعله دمك
صعدت خيل اعله صدرك    منهو انت

حسين   شكد فشله منك مولاي
حسين     بعتك مقابل دنياي 
حسين   كل هذا وانت ويياي

وياي لاجن انه احس عنك بعيد 
وانت أقرب ليه من حبل الوريد 
بياوجه يحسين اشوفك بالوعيد 
وانه ماحس بيك
__
يالاحن مني عليه
قدمت اهلك اليه 
بحر هذيج الغاضريه     منهو انت 
حتركت الخيمه عليهم 
وبالحيل مجتوفه اديهم 
وبالبراري مشرديهم     منهو انت 

حسين      شنهو المحنه العندك 
حسين    حاسبني جن من ولدك 
حسين      مقصر تراني بحگك

تارس الكاع اعلمودي بجثتك 
عفت هندامك اوعفت اعمامتك 
والله مااسوه لمح من نضرتك 
وانه ماحس بيك 
____
كلشي ضحيته بحياتك 
اخوتك كلهه وخواتك 
ولدك اوحته بناتك          منهو انت 
وحته لعليله عفتهه 
اعله مودي وماجبته
وحيده بالدار اتركتهه     منهو انت 

حسين     منهو انه ومنهو انته 
حسين      مثلك بشر ماشفته 
حسين      الاجلي يترك بنته 

من قبل محد مسوي سوياتك 
الخادمك ضحيت اله كل عيلتك 
خادمك شنهو الذي قدمته الك 
وانه ماحس بيك
_
والله لو ماانت اني
مانطق لسه لساني
بس اسم خادم تراني.      منهو انت
انت صوتي وانت شوفي
بجالك التمت حروفي
ويايه بحلامي وطيوفي      منهو انت

حسين     شماابعد اتقربني
حسين     شقدمت وانت تحبني
حسين     اغلط اومتحاسبني

بيدك تردني اذا عنك رحت
وعزمي اتشده اذا اتململت 
اعترف يحسين  هواي قصرت
وانه ماحس بيك
____
الى خادم الامام الحسين ع 
ملا عمار ابوشبع الكربلائي 

https://www.tg-me.com/sakiAtashi

لسان حال الموالي لامير المؤمنين

((لحضه مواجهته الموت ودخوله القبر))


يابو الحسن تحضر ردت من ساعه ايدفنوني
وتحميني من نارالغضب بلكبر لو سألوني
غيرك محد اليه ...غيرك محد اليه
____
بذيالك امجلب انه ماهدك اوماعوفك
ايتيم احسبني علي اوسيرة بطيوفك
ماعندي غيرك بالكبر مربيه خل اشوفك

مربيه ياحيدر علي
ابشاربك ايالولي

يوم التشهد اديه
غيرك محد اليه
__
مر بيه يا حيدر علي وذنوبي عدن حدهن
عيوني غطاها ترب والخوف جلجل عدهن
دخيل ياحامي الحمه نيران اجتني ردهن
ماعندي غيرك بلكبر
والنار كربتلي شبر

اسكن تحت الوطيه
غيرك محد اليه
_
شنهو الاكوله لو اجو منكر نكير ايسألون
لازم اجاوب بالعجل تدري انت ماينتضرون
دخيلك اذا الساني ثكل ومني جواب ايريدون

ابداعت حسين اوحسن
احضرلي ابيوم المحن

ايدك مدهه الاديه
غيرك محد اليه
___
احضرني بيوم المحن خليني اشوفك يمي
بيوم الابات بحفرتي بالوحشه يكثرهمي
منك يشع نور الذي يضوي الظلام اليمي

ترتاح روحي بجيتك
تختم علي من شيعتك

تمحي ذنوبي سويه
غيرك محد اليه
____

من ينظغط كبري علي يلوالي اصيح بصوتي
يا سيدي دخيلك انه تحضرني كون بموتي 
بلدنيا خادم حضرتك جنت الطم بكل قوتي
بوادي سلامك اندفن
شمعاتي لمن ينطف
ن
يا عادل بلبريه
محد غيرك اليه
_
ادريبك انه اليخدمك اتحضره توكف يمه
وبيدك سجله تمسحه وتبرد الي ألمه
وتكوده لجنان الخلد اوبين اديك اضمه

امسح ذنوبي بيمنتك
ضللني من في خدمتك

دخيلك حامي الحميه
غيرك محد اليه
_
____
تمت بعون الله تعالى
✍الفاطميه طالبةالزهراء

https://www.tg-me.com/sakiAtashi

أنــا ام البنين الفاقدة اربع شباب للرادود نزار القطري مكتوبة

للرادود نزار القطري
أنــا ام البنين الفاقدة اربع شباب
فدوى لتراب الحسين..فدوى لتراب الحسين
انـــا ام البنين الفاقدة اربع شباب
فدوى لتراب الحسين..فدوى لتراب الحسين


ساعة الغادر ضعنكم بالطفوف ودمعي يجري
ساهرة وقلبي يتاني ومااظن بالسفرة يدري
اربع من اولادي طلعو روحي وياالطلعه تسري 
نزلو بوادي المنيه وخطفت الايام عمري
انطر دروب السفر ماحصل عنهم خبر
قلبي عاين ونته على حسين وغربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


صرت كل لحظه اناشد والدمع على الوجنه سادل
روحي تتلاها بحزنها عـ الضعينه وعـ الفواطم
مادريت اش يجري بيهم من كفلهم قمر هاشم
بس اريد حسين ابني وضنوتي يرجع لي سالم
خلى صبري من المحن ضعت بهموم الزمن
نهدم ركني وصيحته على حسين وغربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


سافر الحبيب ضعنكم واخذ من عيني نظرها
فاطمه المعلوله تنشد عالسفر محد خبرها
وانا وياها بفقدكم روحي مستارة جمرها
بيا عن عبدالله تسئل عن ابوها وعن قمرها
وانا انشد على الولي حزني ماظن ينجلي
بيا تسعر جمرته على حسين واخوته .. غربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


يالي روح الزهراء روحك والعلي ياحسين عينه
يابدر احبابي واهلي قلبي لفراقك ونينه
داري وحشه من غيابك يمتى ترجع للمدينه 
تنظر عيوني املها عودت ضعنه وبنينه
اربع اليوث العرين قلبي مصيوب وحزين
قلبي شاجر لوعته على حسين وغربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


دنيتي خيبت ضنوني والحزن هدم كياني
دهري بغياب النشاما ولدي كم رميه رماني 
لاجن الماقدر احن له فقد ابو اليمه شواني
عيني لرض الطف ربيه والمصاب الي عماني
عشت بهموم ونحيب على بو اليمه الغريب
وانتحب لمصيبته على حسين وغربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


دنيتي خابت ضنوني والحزن هدم كياني
دهري بغياب النشاما ولدي كم رميه رماني
يمه يمه يمه دهري بغياب النشاما .. دهري بغياب النشاما
ولدي كم رميه رماني 
انـــا ام البنين الفاقدة اربع شباب
فدوى لتراب الحسين..فدوى لتراب الحسين

الرادود مجتبى الكعبي

كلمات علي الفيصل

يمگصر أللسن ومحير الأقلام..بچفوفه لواء الله والإسلام
شارب آل طه وعز الخيام..أسمه ابگلب الحسين
بالغ قاب قوسين.. سيدنا أبو فاضل
____
ضگت وأرتعد..  طب گاضي، الشدد
يفني أگبر جمع.. بيا حيدر مدد
رعد غيض بعيونه.. ولمع چنه ضوه
مال الشعر بالهوه
فتل شارب حيدر.. على الحومه نوه
طوي المغازل طوه.. سيدنا أبو فاضل
_

زلمه برمش عينه.. يهزله طفين.. خله جيوشهم من طب سماطين
منه الموت يندار.. حار ومن ظهر  حار
سيدنا أبو فاضل..... سيدنا أبو فاضل
__

الجن ويه الأنس.. خالسهم خلس
لوغاض الگمر.. ماتسمع نفس
لوي أرگاب يلويها.. الحرب گونه حمل عاگرها مثل الجمل
الوحيد أنته بچفك.. عگست ألنه المثل
من تحجي فعل وفعل.. سيدنا أبو فاضل
__
ثنه أگبال أخيه.. وطگ الرگاب.. شايب چان خلگه وعالحرب شاب
گلها أحلوگ ميته.. ولووگف ناب
فگ جنحان شاهين.. فك ريشاته الأثنين
سيدنا أبو فاضل.. سيدنا أبو فاضل
____
من گض العلم.. سواهم عدم
زف ذاك النصر.. لعيون الخيم
خصم راي المعارة وعبر بيها دهر.. راواها ياهو الگمر
سيدنا أبو فاضل.. سيدنا أبو فاضل

أنــا ام البنين الفاقدة اربع شباب للرادود نزار القطري مكتوبة

للرادود نزار القطري
أنــا ام البنين الفاقدة اربع شباب
فدوى لتراب الحسين..فدوى لتراب الحسين
انـــا ام البنين الفاقدة اربع شباب
فدوى لتراب الحسين..فدوى لتراب الحسين


ساعة الغادر ضعنكم بالطفوف ودمعي يجري
ساهرة وقلبي يتاني ومااظن بالسفرة يدري
اربع من اولادي طلعو روحي وياالطلعه تسري 
نزلو بوادي المنيه وخطفت الايام عمري
انطر دروب السفر ماحصل عنهم خبر
قلبي عاين ونته على حسين وغربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


صرت كل لحظه اناشد والدمع على الوجنه سادل
روحي تتلاها بحزنها عـ الضعينه وعـ الفواطم
مادريت اش يجري بيهم من كفلهم قمر هاشم
بس اريد حسين ابني وضنوتي يرجع لي سالم
خلى صبري من المحن ضعت بهموم الزمن
نهدم ركني وصيحته على حسين وغربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


سافر الحبيب ضعنكم واخذ من عيني نظرها
فاطمه المعلوله تنشد عالسفر محد خبرها
وانا وياها بفقدكم روحي مستارة جمرها
بيا عن عبدالله تسئل عن ابوها وعن قمرها
وانا انشد على الولي حزني ماظن ينجلي
بيا تسعر جمرته على حسين واخوته .. غربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


يالي روح الزهراء روحك والعلي ياحسين عينه
يابدر احبابي واهلي قلبي لفراقك ونينه
داري وحشه من غيابك يمتى ترجع للمدينه 
تنظر عيوني املها عودت ضعنه وبنينه
اربع اليوث العرين قلبي مصيوب وحزين
قلبي شاجر لوعته على حسين وغربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


دنيتي خيبت ضنوني والحزن هدم كياني
دهري بغياب النشاما ولدي كم رميه رماني 
لاجن الماقدر احن له فقد ابو اليمه شواني
عيني لرض الطف ربيه والمصاب الي عماني
عشت بهموم ونحيب على بو اليمه الغريب
وانتحب لمصيبته على حسين وغربته
انـــا ام البنين الفاقدة اربع شباب
فدوى لتراب الحسين..فدوى لتراب الحسين


دنيتي خابت ضنوني والحزن هدم كياني
دهري بغياب النشاما ولدي كم رميه رماني
يمه يمه يمه دهري بغياب النشاما .. دهري بغياب النشاما
ولدي كم رميه رماني 
انـــا ام البنين الفاقدة اربع شباب
فدوى لتراب الحسين..فدوى لتراب الحسين

الحمدلله وصل عاشور وامتد العمر بيه

وارد البس ثياب السود واخدم بالحسينية

الحمدلله وصل عاشور وانا بهالسنه موجود

اروح لمئتمك يحسين وارد البس ثياب السود

وازيد اعله السواد اسواد والطم لو قرة الرادود

بلجن بالخدم اسمي متسجل بتعزية

يبو اليمة العمر رايح واكسر واجمع بدهره

دخيلك جاي واترجاك باقي العمر لا اخسرة 💔😭

جم عاشور باقيلي؟ !ابجي وي امك الزهره
.......................................................
الملا. محمد باقر الخاقاني
اسم القصيدة. الحمدلله وصل عاشور

نعي لحضور الزهراء عليها السلام إلى المجلس

🎤🎤🎤🎤
انه فاطمة الزهره الزچيه
تره انه حاضره بهاي العزيه
مرمرت گلبي الغاضرية
🎤🎤🎤🎤
انه أجيت للمجلس اشوفن
واسجل أسماء الجاي يبچن
رغم هل ضروف ومايخافن
🎤🎤🎤🎤
اسجل أسماء وگلبي مقهور
والله عماني مصاب عاشور
ومصاب ابني المات منحور
🎤🎤🎤🎤
كل الهله يامن تعازين
اريدج دموعج ماتبطلين
وني وعينيني عله حسين
🎤🎤🎤🎤
يل جايه عوفي السوالف
علني حدادج بلمجالس
وجني بمحبتج مثل عابس
🎤🎤🎤🎤🎤
انه كاعده وبعتبت الباب
اسجل البچتلي بدمع سچاب
اعتب عليكم يحله الاعتاب



جواب الخدام لهاا


هله بيج يلدومج حزينه
ابنج غريب وذابحينه
مات من العطش لا مانسينه
🎤🎤🎤🎤
كل الهله بجيتج يزهره
گلبج تعده الصبر صبره
تبچي السمه دم ومغبره
🎤🎤🎤🎤
نعازيج وتشفعين لينه
وبلحشر باجر تحضرينه
وينعاد هل مجلس علينه
🎤🎤🎤🎤
كون المجالس كلهه تنعاد
ونبچي عليج بحركه افاد
فدوه نروحلج ضحيتي الاولاد
🎤🎤🎤🎤
احس مقصره وياج عذريني
كون من البچي اعميهه عيني
والخدمتج اكضي سنيني
اويلاه يمصيبة حسيني


تمت بعون الله تعالى واسئل الله القبول
بقلم خادمة أهل البيت
عليهم السلام

فاطمة عدنان



قناة أّئمًةّ أّلَبًقُيِّعٌ
یوسف الزهراءع 💔

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه  عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


لسان حال السيده زينب بعد مصرع الحسين عليه السلام وبعد حرق الخيام

*

اجيتك تايــــــــهه او مندل يالحسين

مكسور الكلـــــــب ومغوركه العين

دخان وحـــــــرك يبن أمـي جاوين

جثيره اعله الرمل خويه المطاعين

*

اسحك عالرمل والكــــــــاع حمره

جثث واسيوف والله و نار جمـــره

ادور وين طايـــــــــح على الغبره

واشمن من بعـــــــد ريحة الزهره

*

حافي الجدم واتخطـــــى المجاتيل

واصدلي  الجسـد من غير تغسيل

من نحره الدمـــــــوم اتنبع اتسيل

التوه كلبي واحســــن ميت الحيل

*

اعاين للجســد بالحـــــــجر مدفون

واصدله واشوف الصـدر مطحون

وبخاصرته اشوفن رمــح مطعون

والحافر اضنه امــــــرد  المــتون

*

وصلته وطحت يمه فــوك التراب

ارجف وابجي واتفكـــر للمصاب

دخن جمـــر كلبي وطلــع عطاب

مكلوب اعله وجهه نسل الاطياب

*

ميت وانكطــــــع راســـه واصبعه

طايح بيدي شــــلته اشلون ارجعه

جرح كله انوح اعلــــــــــيه وانعه

النحر مكطوع ويلي اشلون كطعه

*

ذاري الرمل ويلـــــي ترس نحره

وكمت بالشيله امسح جرح صدره

وامسح بالتراب  العلــــــى ظهره

اصدلـــــــــــــه توذر وذره وذره

*

كأنما الحسين عليه السلام كلمها من نحره الشريف

*

وبعد ماحبتهه بعظمـــة المنحـــر

وبعد مازاد ونهه والدمـــع خـــر

وكلبهه امن الحــزن والله تفطـر

ومنهه البال مشـــــــــدوه وتحير

*

من النحر جن حاجاهه الحســين

كللهه يزينــــــــــب الله المعـــين

كافي امن البجي يم كلب الحنين

بطلي النوح كومي نشفي العـين

اريدج يالاخت هســــــه تكومين

ولخيامي خيتــــي الساع ترحين

تتناج اليتامــــــــــــه والنسواين

****

خلصت يالأخت بالطف حياتي

يخيتي بكربله اصـــــبح مماتي

وسلبو صايتي خويـــه وعباتي

عريان وذبح صــــارت وفاتي

يخيتي اوصـيج بعـيالي وبناتي

باريلي اليتامــــه وكـل خواتي

***

عينج بالاخص يختي الرقــيه

خافن تفكد الوالـــــــد خطــيه

وتنشدج يالعقيلــه بهالمســـيه

تريد اتشوفني ابكـــل مغربيه

حنينه وتشبه الزهره الزجـيه

لتخـــــــبرينــهه بهاي المنيه



أبو علي الركابي

▪️

#نزله

اليوم خل صوت المجالس يرتفع
هل   شهر  عاشور  خل  نهل دمع

ياشهر  عاشور   ياشهر   الهضم
بيك  وجبنه  المجالس  والطم
ونته  عند الله من  شهور  الحرم
ويا مقام البيك  بالطف  يندفع

بيك صارت بالطف اكبر ملحمه
گضو ال المصطفى بسيف وضمه
حتى  عبدالله  الرضيع  اتقدمه
انفطم بسهام المنيه من الرضع

ياشهر بيك  الحزن  طعمه اختلف
والبجي علحسين بدموع وشغف
بيك ثوب المحب من لونه نعرف
والحزن غيم على الناس ابجمع

الحزن والهم  خيم  ابيت  البتول
وصعدو زينب على النوك الهزول
ومنعو الماي علهل بيت الرسول
ورادو   بصوت   الموذن   ينمنع

رادو   يموت التسامح   والصلح
ورادو يصير الحكم  سيف  وذبح
وسم ابو الحسنين رادو  ينمسح
كون   بلاذان   ابد   ما   ينسمع

رادو   الحق  يتفق وي  الرجس
ورادو   القران  صوته   ينحبس
كون ايمام الجماعه يضل نجس
ورايه   للاسلام  لا  ما   ترتفع

ال  سفيان   وعمر  وابن  الحكم
ناس  باعوهه  الضماير  والشيم
وعافت القبله وتصلي عله صنم
الينكر الحق   والبطل  بي يقتنع

قسم  بسم النون  وسطور  القلم
لجل دين الله الحنيف انطينه دم
مثل  ما  خله  برهه  بفيله  انهزم
العار   بوجوه   اليضدك   ينطبع

                    الشاعر
        ابو حيدر الابراهيمي

••‏​‏​​‏•~•••(•«﷽»•)•••~•‏​‏•‏​‏•

"اللهم عجل لوليك المنتقم الفرج"

أنتظر


يحسين طحت ابيا كتر
                   اگطع امل لو انتظر
لخيامك ادنه الشمر
                 ولملم عَلَي جيش الكفر



من تلال وادي كربله چان تل بالغاضريه
حاله حال الگيعان بس أله قدسيه
وصار اسمه الزينبي من وطئته الحوري
ادور خبر واليها اتأخر تگول إعليه
           اشعطلك  يل والي
           بيك انشغل كل بالي
وبعد ما ظلي صبر-اگطع امل لو انتظر



شافته إمدد علىٰ رمل ومغطه بعجاج الخيل
ركضت عليه وحضنته وصاحت عَلَيَّ ياويل
گال زينب يَمي گالتله هديت الحيل
گال ردي للخيم وانتي إعليهم وكيل
             لا تظلين اوياي
            يشمت بيه اعداي
اتگله ودمعها منحدر-اگطع امل لو انتظر



ردت محنية ظهر عافته برض الحومه
مگطوع خنصر ايده ومسلبات اهدومه
محتاره شترد الها لو نشدت عليه كلثومه
اتگلها عفته يختي نايم ابفيض ادموعه

       أمصيبه وطاحت عليه
        وراح مني ال تچيه
اشلون اگظيه العمر-اگطع امل لو انتظر



منه ركضت للخيم نيرانه شبت للسمه
با لها يم العليل المرض كلش آلمه
گالتله انهض يا علي جتنه الجيوش الظالمه
بس انت وآنه ظليت راحو رجال الموزمه
             گلها ياعمه اطلعن
         من الخيم بس لا تبعدن
صعب الوضع ما ينگدر-اگطع امل لو انتظر



صاحت وينك ياعلي يلي احضرت يم سلمان
اشكثر بعد المسافه واحنه يمك جيران
احضر اولادك يبويه وشوف حال النسوان
اعلوج تتجح عليه وبسوطه يهويني اسنان
           اهل الشيم هجروني
           ماچني اخت عافوني
وجوفي ابناره مستعر-اگطع امل لو انتظر



نيتهم ايأسروني يصيحون هايه بت علي
وبديه تنشد احبال وهيچ ذله موش الي
إلتفت يمنه وشمال ماكو احد من هلي
هم سامع ابجفن العين علىٰ الحاجب يعتلي
        غدار مو خوش الوكت
       ال خفت منه بيه طحت 
محد لحالي ينتغر-اگطع امل لو انتظر



جمعة الديلمي

يا سايگ النوگ ما تگدر تمر بهلي
انه چبیرة گدر لا تعاین المحملي
انه اخويه شمس وأنه الگمر چافلي
امر وانهه چنت وبس اسمع اتدللي
بدولابه فرني الدهر وخله دموعي تهلي
رايده منك طلب سويه لله والي
توصل مضارب مضر وعلى ناگتك معتلي
وتصيح يهل الشيم يولاد حمزه وعلي
الكم حراير شفت ظلن بلايه ولي

كــعــدت نسوانه فــــوك التراب
                     وفكدتهن ماهي موجوده الرباب
            رايحه العبد الله أبنها  --  رايـــده  ينام  بحضنها
                            وتـــدري  مات
    --------------------------------------------------------------------
1= كاعـده  وعــالكاع  ترسم  مهد  وبكتره  جنين
     تلـتفت تـــــنضر  وراها وعــاليسار  وعاليمين
     عـوف موتك هاك حضني فارشه الطولك الأدين
     خاف تتعـــب لا تجيني أنه أجي  بس  كلي  وين
     ----------------------------------------------
                 الموت مايعـــرف يلوليلك  تعال
                 تريد  تغفه بطولي أسويلك خيال
           عيونك  شمحلا  وسنها  **  رايده  يـــــنام  بحضنها

      زنجيل للخدم


      ياخدام ابــــو السجاد   هايه الليله ليلتكم
      واسو ام الحزن زينب   تستاهلهه لطمتكم
===================================
      خل نذكر متن زينب من بالسوط ضربوهه
      نوبه اتگوم نـوبه اتطيح من الوجع خَلَّوهه
      دگ ابظهرك الزنجيـل وتخَيــل هيچ اذوهه

                 كـــــــون ابدگت الزنجيل
                 لحم مــــن المتون انشيل
                 عله الرکضت عليه الخيل

       يساده شافته اتگطع   حدر الخيل عمتكم
       واسو ام الحزن زينب   تستاهلهه لطمتكم
===================================
      خلي ايدك يبو الــدمــام دگت خـدم مفجوعه
      وي طور القصيده ايصير يِبين الحزن واللوعه
      زينب مــن هذاك اليوم بذنهه اطبول مطبوعه
     
                   آيادگـــت الــــدمـــــام
                   من طب الضعن للشام
                   مـــو لوعه يدگ بانغام

  فرح والوادم يصفگون   وحجر يرمون اميرتكم
  واسـو ام الحزن زينب    تستــــــاهلهـه لطمتكم
===================================
       زينب مشت لرض الشام وروس اخوانهه وياهه
       الشمر وي زينب السواه اتّمنه المــــــوت خلاهه
       ابــدرب السبـي لامــــــوكــب ولا خــادم تلگاهه

                   كل واحــد صعد عالدار
                   يــراميهه بشتم وحجار
                   وتشگف بـالکلتهه الـنار
                  
   عــــن ارقيه والنسوان   اذكروهــــه ابقصايدكم      
  واسـو ام الحزن زينب     تستــــــاهلهـه لطمتكم
===================================
      نخلي لافتــــه جــــدام ونختار اســـم للموكب
       ونكتب عـالــروايـه احسين لو عباس لو زينب
        تـــــدرون ابضعــن زينب كتبـوا لافته اتشيب
        
                   للبيــــــــع الضعـن والبيه
                   شنهي اتـريــد الك ننطيه
                   بس محبس الدم خاطيه

     غالي وبالذهب ينقاس   مـايشبه خـــــــواتمكم  
    واسـو ام الحزن زينب    تستــــــاهلهـه لطمتكم
===================================
      تـــــــدور بـالـخرابــــــه هنـــــاك لا رادود لا ملّه
      اه يحسين ومصــابـــــه قـرتهــه وبــالـگلب عله
      چفوف ارقيـه محترگات ولطمت حيل وي رمله
                     
                  الــربــاب اتوزع الهن چان
                  ابثواب اوليدهه العطشان
                  مـــــــــــاي وبالگلب نيران
                 
  ابكثر احبوب ماي الشام     بچت وبكثـــر دمعتكم
  واســــو ام الحزن زينب     تستــــــاهلهـه لطمتكم
===================================
حيدر الشغانبي

ثلات دگّات
**
لبست إهـدوم السود رمله اعله إبنهه    
وتعنـّت الجسّـام يهمـل جفنـهـه
***
يبني إشكثر لــوليـت يـبـنــي أعله مـهـدك
ردتــك ذخـر للشيـــب واگـعـــد بــســدّك
وتــرد جميــــل إربــاي وتــوفــّـــي عهــــــدك
إجنــــازتــــي بيــوم المـــوت تحـضـــر دفنهه
***
جــنــت إبـحلـــم جسّــام أكـظـــي الليــالــي
أفـــكـــاري عاشــت بيـــك صــوره إبخيالـــي
وإشــكثـــر عــــدّي آمــال جــانــت يــغــالــي
مـنـّـي الليـــالــي الســود غـصـبـن خــذنهــه
***
عفيـــه اعــلــه روحـي احزان تتحمل إشــكـد
بليلة عـــرس جسّـام وآنـه ألبــــس اســـــود
ولاساعــه نــامــت عيــن لا كـلـبـــي هـــــوّد
عــالخــنسه حــزني إيزود ونهه اوحزنهــــه
***
ارد أعتنـــي الميــــدان وأنــــدب يــجـسّــــام
مـــوإلـــك يبنــي النــوم عالغبــــره وتنـــــام
يوليــدي أزامـــط بيــك ترضاهـــه انضـــــام
عينــــي الليـــالــي إخــلاف عينـك عمنهـــه
***
كـلـّــولي يــا عـرّيـس هالـزفــّـه مزفــــــوف
شوبــــاشه الــنشـّــاب وإطـّــبــر السيــــوف
مــن دم وريـــده السـّال حنـــيـّــت الجفــوف
حـنـّـتـك يــــاجســّـام دهـــــرك عـجـنـهـــــه
***
إبـــني وأعــوفــه إشـلــون متـــوسّد الكــاع
أرحـل أظــل ويّــــاه لـــوصــــار الـــــــوداع
أيـّـست يـــا جسّـــام ضاع الأمــــل ضــــــاع
أمــّــك مشــت للشـــام غــرّب ضـعـنـهــــــه
**
خادم خدمة الحسين (ع)
أبو يحيى السويطي